Nokturno

Markaj se z babom složil v kup,
drob im se pesji spopal skup.
Zavrček je v čupu cupkal:
cup-cup,
z ormara je opal i stropal se čup.

»Vonjha ti pukla kak slatki januš,
kaj ne bi, baba, pošla zamuš?
Šparog vražjih dal bi ti pušlec!«
V parog vragu vešča zaslinila je kušlec...

Šantavi puklavku drgeznil je v drob,
pod zimljičavkom otparl se je grob.
V žveplenom risu, zletel kak pes,
zalajavši hudo v puriflamu ves:
Markaj se zdimil i vgesnul kak kres...

Za šentom je baba zletela vun,
mesec nad hižom čkomel je pun...

Na blazinah mlačnih žagala je ves,
v daljini, v mesečini, tulel je pes...

Zapah s krelutmi. Jen čarni ptič...
Babi ni to bilo prvič ni zadnjič,
da ju je zasmolil čarni hudič,
z žveplenim pupkom, nevidinčič…

Miroslav Krleža, Balade Petrice Kerempuha
_____________________________________

Markaj, đavo kada se imenuje određenim imenom
zavrček, zametak u ženskoj utrobi
stropan, slupan, razbijen
vonjha, vonj, smrad
slatki januš, anis
pušlec, vezica, snop
vešča, vještica
šantav, šepav, hrom
puklavka, grbava
dregezniti, proburaziti
zimljičavka, zimljičavec, grozničavka, grozničavac
žveplo, žveplen, sumpor, sumporast,
ris, čarobni krug kojim se okružuju čarobnjaci prije čaranja ili sazivanja nečistih duhova i mračnih sila
hudi, zao, zloban
puriflam, oganj od baruta, eksplozija praha, puščani prah
šent, nečisti duh, hudi duh, demon, prikaza, sablast, đavo
blazina, perina, jastuk
žagati, piliti, u prenesenom smislu: hrkati
zapah, zadah
zapahati, zavijoriti se
krelut, krilo
čarni hudič, crni vrag
nevidinčič, duša nekrštenog, nezakonitog djeteta, ubijenog u porodu ili još u utrobi majčinoj, koja luta noćima po svijetu u obliku svijetleće kugle, tražeći smirenje, otkupljenje i izbavljenje