Oganj.blog.hr

Denes sem zbiljam vesel. Biv je lepi sunčani dan. Nakon popodnevnoga španciraja po Zaprešićkoj šetnici i črne kave, z belim šlagom, doma sem se malo stopiv i pogledav intervju našeg premijera.

Drago mi je da se oporaviv. Takaj mi je drago mi je da sem glediv, jer sem svativ da smu u semu super, da bumo z Europe dobili čudaj penez, da bumo kupili vojne eroplane, da se fantastično borimo protiv korone, bolše nemre bit.

I unda mi nekak na pamet opala jedna ideja, Kaj nebi bilo lepo da mi taj intervju, makar platili, objavimo u stranjskim medijima? Obećana Zemlja! L(j)udi bi knam nahrupili kaj muhe na… Mam bumo imali bar duplično stanovnikov, a unda ona naša: „Kaj nam pak moreju…“

A ja bedak čitam stranjske medije, pratim usporedne statističke podatke, po terima smu, skoro po semu najzadji. Lažeju. Lažeju kaj cucki. Vrag im mater…

I na kraju još nekaj neznam. Neznam jer je gospon premijer, za vreme tavana, imav dirigenstski tečaj ili je, kak sem vučiv o neverbalnoj komunikaciji, za vreme intervjua, biv malo živčen?

Se me je to malo podsetilo na ono kad su Dudek i tetec prodavali bogečku kravicu i kad ju je tetec, na placu, tak nafaliv, da mu je Dudek rekev: „Tetec, će je pak tak dobra, onda ju rajši nebi prodal“.

Neznam će su ju prodali, a još maj znam, jer bu negdo, do kraja, prodav Hrvatsku?

Kak da nas to ni brige. A trebalo bi.

Sad sem kaj političar: trebalo ovo, trebalo bi ono, bumo ovo , bumo ono. Neznam će buju, ali se vuto nebi kladiv. A vi?


Branko Smrekar
U Brdovcu;16.prosinca 2020.