Sewen

Pun san nike nevoje i jada,
Ka crna ovca od bilega stada.
Pinkicu san se stiva,
Ka nike brošure,
Ka nika teška štiva,
U ove kasne ure.

Pun san nike nostalgične riči,
I reka san srcu, muči, ne viči.
Potira san misli zle,
Kad su me stisle muke.
Kad zapritilo mi se
I svezalo mi ruke.

Ka da san furešt na svom,
Ka da niman svoj dom.
A dom je di srce vuče,
Di beštimje lipo zvuče.
Ka da san furešt i bidan,
Od sebe jidan i stidan...