Sewen

Davno su nestale velike jubavi,
Ka da ih nikad nije ni bilo.
Ka da se nikad disalo nije,
Ka da se ni ilo ni pilo.

To moreš vidit samo na filmu,
Bez finesa i bez lipih kolora,
Ma život te tira da živiš,
Jer to je ono ća čovik mora.

Živit za novi dan i kad si umoran,
Živit za novi dan i kad si nespreman,
Triba se znat vratit kad se ode,
I triba otić kad drača ubode.
Triba živit za svaku minutu datu,
Ne valja se zaplest u inatu.
Triba živit od ranega jutra,
Timbrajući kartelu za sutra.