| < | listopad, 2005 | > | ||||
| P | U | S | Č | P | S | N |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | ||||||
Listopad 2025 (1)
Rujan 2025 (1)
Siječanj 2025 (1)
Prosinac 2024 (1)
Listopad 2024 (1)
Rujan 2024 (2)
Siječanj 2024 (1)
Prosinac 2023 (1)
Listopad 2023 (1)
Rujan 2023 (2)
Svibanj 2022 (1)
Ožujak 2022 (1)
Siječanj 2022 (1)
Studeni 2021 (1)
Rujan 2021 (1)
Kolovoz 2021 (1)
Lipanj 2021 (2)
Svibanj 2021 (3)
Travanj 2021 (2)
Ožujak 2021 (4)
Veljača 2021 (13)
Siječanj 2021 (16)
Prosinac 2020 (1)
Studeni 2020 (1)
Listopad 2020 (1)
Rujan 2020 (1)
Kolovoz 2020 (1)
Srpanj 2020 (8)
Lipanj 2020 (4)
Travanj 2020 (1)
Ožujak 2020 (1)
Veljača 2020 (1)
Siječanj 2020 (3)
Lipanj 2019 (1)
Ožujak 2019 (1)
Siječanj 2019 (1)
Listopad 2018 (1)
Ožujak 2018 (1)
Travanj 2017 (1)
Veljača 2017 (1)
Siječanj 2017 (2)
Travanj 2016 (1)
Siječanj 2016 (1)
Srpanj 2015 (2)
Veljača 2015 (1)
Siječanj 2015 (1)
Rujan 2014 (1)
Srpanj 2014 (1)
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
Opis bloga
O autoru bloga:
Mladen Smud
Mjesto stanovanja Velika Gorica
Starost 70 godina
Otac četvero djece i djed pet unučica i dva unučića
Hobby - Go, drevna kineska igra
Duhom mlad, kao da se još ni rodio nije i često se pita: 'Jesam li uopće?'
Životna filozofija - jedinstvo svijeta po Gospodu
Životna snaga - ljubav (tako on to misli)
Godine su da se broje, a život nama je darovan
Ovaj blog otvorio je za dušu. Život mu je darovan i on ga s ljubavlju daruje djelima Gospodnjima po Gospodu.
Religiozan nije, ali vjeruje iskreno do viđenja uz hvalu za postojanje
U životu on ništa ne posjeduje, mada se ponešto i piše svijetom na njega
Zahvalan za život i darove po Njemu.
Na putu iz vječnosti u vječnost
Sve vas voli i one koji razumijete, a i one koji ne.
e-mail: mladen.smud@gmail.com
Čuka
Linkovi
Blog.hr
Forum.hr
Monitor.hr
javascript:%20void(0);
annaboni
Auroraisa
Bugenvilija-foto
Bugenvilija-text
danila1
deni(daniel
Dordora2
duliba
EuM
fra_gavun
Go-misaona igra
gogoo u prirodi
gustirna
hajjnezir
ima jedan svijet
kapi sreće
maslačkove zbirke
(Norra
OTISAK srca
preživjeti
promatram, razmišljam
rijeke žive vode, potecite, neka Duh se razlije...
sewen
Smotani
sven adam ewin - superfaca
... šok ...
Trill
Vatrene vijesti
Voljela sam umjetnika
Zagora
alba-istriana
anaris
kicker
mamablogerica
modrinaneba
novipocetak50
nutrina
proziran svijet
soba za utjehu
sv
tayana
tvrtkodolić
zlatnazitnapolja
Zanimljivo
Na rubu znanosti
Posjetili ovaj blog od 06. 01. 2020.
pri_Mladenu
Kak smo se igrali po gradilištu
- 17:48 -
Komentari (12) -
Isprintaj -
#
|
Kak smo se 49-te doselili u Maksimirsko naselje je naša kuća bila med prvim napravlena. Do kraja ih je tu bilo devet kak naša, ali su leta prolazila dok se sve nisu završile. Mi klinci smo tak imali dugo vremena zanimaciju. Bili su tu čuvari, al smo i mi navek znali jel čuvar tu il negde drugde. Gda ga ni bilo, zgrada bi bila naša. Smo se brzo navčili gde su opasnosti za pentranje. Je tu bilo i zanimlivih situacija, a kak danes vidim i fajn opasnih. Kad bi se čuvar pojavil nastal bi stampedo. Je neko tak mogel i nastradat, al niš to ni bilo važno kak pobegnuti čuvaru. Če bi koga vlovil bi mu grdo bilo. Z njim bi prešel k njemu doma, a onda bi posle tatek posla imal, a dete bi moralo, kakti, nekaj navčit. Smo tak klinci, malo po malo, tehnologije gradnje apsolvirali. Meni nekak ni jasno bilo kak te cigle tak čvrsto duga leta stojiju i čvrste zide delaju. Mora biti, da je taj mort, kaj se med cigle meče, jako čvrsti kad se osuši i se drži skup z cigli. Jemput sam se tak pentral kak se prozor delel na jedne zgrade. Ni bilo visoko. Bi rekli visoko prizemle. Sam jenom rukom se prijel za jenu ciglu, kaj je van virela i najmput; ode cigla, ode ruka, ode bracek. Kresnul sam na leđa na hrpu ciglih dol pred prozorom. Sam se štel dignuti i kak malo sam mogel, al zraka nis mogel zeti. Nejde, pa nejde. Kaj sad sam si vu tom kratkom vremenu mislil? Nikaj, kaj to je to. Je mi interesantno, sad da se setim, kak dete vu takve opasnosti, gda bez zraka ostane, reagira. Ni ostalo nek čekati, da zrak morti počne vu mene iti. Pri tom sam celo vreme po malo probal zraka zeti. I je počelo, al po malo. Onda sam na dugačko i polako zraka si zel i sve se nastavilo dalje normalno dogajati. Je morti vu mene već bilo iskustva, kaj sam dost problemih kak mali imal i živ ostal. Navek nekak sve zijde. Je kraj svake zgrade bilo mesto za morta mešati, a nekak vu sredine med zgradih su bile velke jame za vapno gasiti. Kak je nas malih puno bilo, nas je i svagdi bilo. Se sečam igranja na jamama za vapno gasiti. Bilo ih je tri, al je samo jena imala puno vapna. Je bilo skroz belo i mekano. Se na vrhu i kora naredila. Su radniki navek imali nekaj vapna rezerve, kaj bi morati delati mogli. Prek zime, kad se obično ni gradilo, je na te grabe se i vode nakupilo, pa se i led napravil. Mi dečurlija bi se po tom ledu sklizali. Tak sam jemput propal vu vapno, al na sreču samo do kolena. Sam baš lepo zgledal, onak skroz z belim dokolenkama, kakti. Ni bilo niš opasno, kaj je vapno već zgašeno bilo. Da ne pripovedam o fosnami, klamfami, lojtrami. Su bile tu i radničke drvenjare vu kojima su alata držali. Mi klinci nismo ni mislili vu njih ulaziti. Samo smo se igrali. Znali smo se tu i tam igrati z smolom. To je posebno interesantno bilo po letu, kad je bilo toplo i smola mekana. Sam tu navčil kak se teško smola skida z ruk. Z odela, nikak. Mi je nekak fino mirišala. Gda bi se temelji delali za novu zgradu, nis blizu išel. Sam dobro znal kaj znači past vu tu grabu, de su žice od železa. Po malo nas je vu naselju sve više bilo. Kad su novi došli sam točno znal kak je, to gde su došli, nekak zgledalo, kad se gradilo, i si mislil, kak oni to neznaju. Kak je nekaj, kaj je negda bilo onak, je sad ovak. Je to nekom postalo sveto mesto živlenja. A mi deca smo sve manje imali mesta za igru. Polako smo prelazili na livade, a i loptih je nekak sve više bilo. Kaj još da velim. Je puno raznih igrih bilo, al igračkih skor niš. Smo igre delali skup. Ni nam trebalo niš, nek smo samo jeni druge trebali. Je prijatel zlata vreden bil. Ma kakvog zlata? Kaj bi mi z zlatom? Je bil vrednejši. Bum Vam za sada tolko spripovedal. Naj ostavim i za posle. Puno nebi bilo dobro, kaj se puno na kolima vozi. Sve Vas puno pozdravla i voli Vaš Mladen |
A kak je tek njim
- 08:20 -
Komentari (11) -
Isprintaj -
#
Mi žal ptičic. Ih je gripa vlovila, em ih ljudi tamaniju. Gdo uopće misli kak je njim?Gda se bojimo ni razmišlat nemremo kak treba. Mi ih žal Mladen |
Kak sam na Bogeka gledel
- 14:56 -
Komentari (6) -
Isprintaj -
#
|
Se navek nekak vrnem vu one dane gda sam čist mali bil. Kad bi htel nekaj dobro reči, a je nekak dost važno, je korjenje tomu tam gda sam mali bil Sam tam počel sveta gledeti i od tam su mi se oči otpirale, kaj bi denes tak sveta videl. Je ne to kod svakog čoveka isto. Da bi sveta nekak gledeli je treba u glavi stvari porihtati, kaj gledanje ni samo to kaj vani je da bi se videlo. Se to porihtava prema onom kaj već vu glave imamo. Se bi trebali pitati, če bi zapraf dobro vidli: 'Kaj smo to na početku vidli i znali i na kaj smo ono prvo metali vu glave, kaj smo zvana primili?' Jel to morti bilo niš? Vite tu bi trebalo početi gledati, da bi praf vidli kaj je to gde jesmo. Tak sam se navek pital: 'Kaj je to i gde sam to?' Da bi se to pital je treba biti kakti nekaj i prije toga, jel gdo bi se to mogel pitati, ak ni od nigde došel. Pa sad da počnem z onim kaj je za tu reči važno. Sam, kak sam rasel, puno put imal problemov, gda sam se z drugom decom spomionjal gda su o Bogeku pripovedali. Ja po tom nigdar nis niš bil učen. O tateku sam vam pripovedal. Je bil pravi dobri čovel i tatek, al vu Boga ni veroval. Tak je on to rekel puno put. Mamica je pak stalno vu sebe po tiho svoje vere nosila, al je bila uz tateka. Ni mogla reči da vu Bogeka ne veruje, al ni štela reči, kaj je tateka volela. Je tatek pak, još dok je i on mali bil, imel puno toga kaj ga je otpelalo na to da tak misli. Je to vredu, kak ja gledim. Je ni Bogek vu rečima i ne traži da mu se tak rihtaš. Kaj znači reči da veruješ. Se bi ja pital: 'Vu kaj?'. Pa da ne preskakivam, bum išel kak sem rasel i kak se moje mišlenje menjalo. Sam bil dober dečec i tateka sam puno cenil. Kak je on rekel tak je. Za Bogeka sam poštival tatine reči, al nis pojma imal kaj bi to bilo Bogek. Tatek sigurno zna. Gda bi druga deca pripovedala i pitala me jel verujem, bi rekel: 'Ne.' Zapraf će si danas to zmislim kak sam bil mali sam najpravejše rekel, kaj nis pojma imel kaj to je. Onin kaj su pripovedali da veruju su mislili kak sam ja nekakvoj drugoj strani. Kak sam počel vu škole hoditi je to bilo nekak više važna stvar. Je bil socijalizem i se verovanje med komunistih gledalo kak neki greh. Pri oni drugi je pak greh bilo neverovanje. Je tak naš dragi Bogek postal nekaj oko čeka smo jeni na druge gledeli kak ne dobre. Mi tu već nekaj ni bilo dobroga. Sam nekak počel videti da sve to skup delaju ljudi i se pital kakve veze to ima s Bogekom, ak ga je. Je on tak samo kak predmet da bi se ljudi razlikovali i jeni na druge krivo gledeli. Kak sam polako rasel, negde vu četvrtom pučke, sam nekak jenoj curici rekel da mi se dopada, a ona mi je lepo odgovorila, da ja vu crkve nejdem i da ju ne zanimam. Mi onda još više nekaj ni bilo jasno. Sam joj rekel da je pri meni tak da nemrem verovati. Kaj bi tatek rekel? Mi bilo nekak ne jasno, kaj to znači verovati vu Bogeka. Kak sam bil još vekši vu srednje škole sam i dalje o tomu razmišljal i mi se to počelo povezivati z oni moji pitanji, da gde sam i kaj sam. Nekak nis taj problem štel zaključati, kaj bi onda kakti sebe zaključal. Su prijateli neki znali reči: 'Kaj Bogek more napraviti kamen, kaj ga dignuti nebi mogel.' Mi to nekak zgledalo pametno, al sam si po malo počel misliti kaj bi to značilo. Sv esam više nekak dolazil na nekaj zanimlivo, al je život me nosil dalje. Sam završil škole, vojsku napravil, posla našel, se vu SK vučlanil, kaj sam kak i tatek htel ljudima dobro delati, sam familije osnoval, su deca došla. Vu crkve nigdar nis išel. Je crkva za mene bila ono kamenje i cigle i ona prazna hladna rupa med njimi. Sam samo par put vu životu vu nje bil da vidim kaj to je. Se nis znal moliti kak su to oni vučeni delali, al sam se znal po svom z Bogekom spominjati. Sam rezlike delal med onim kaj drugi pripovedaju i onim kaj vu duše nosim. Znal sam da se delati dobro treba, da bi nam svima dobro bilo, pa i bolše i sam videl da se to najbolše more kak komunist delati. Bogeka sam imel kak ono sve kaj je da bi sve ovo bilo. Je nauka, kak je tatek pripovedal, ni mogla na to odgovorit. Tak sam ja Bogeka imal da mi to objasni. Ni to bil Bogek u kojega se veruje il ne, nek onaj pravi kaj ga vu srcima nosima i po kojem je sva ova ljubav živlenja. Je njemu se ni treba vu crkve moleti. Gda sem problemih imal, još kak dečko, kaj sam konačno shvatil da je 15 let nečega, kaj sam mislil da je važno, kaj sam nekak volel jednu curicu, kaj mi se jako dopadala, a kaj joj niš nis rekel, da sem to samo vu svoje glave čuval, sam pak Bogeka imal da mi pomogne. Sam tak sam, jempu gda sam z kluba vu Zagrebu oko ponoći išel, po tiho vu svemir rekel: 'Bogek tebi sve ovo dam. Zemi me kaj ti valda jedini znaš kaj se dobro z menom napraviti more.' Sam vu svemu onomu glavnomu, kaj su drugi si vuzimali, ne bil. Vu cure se nis razmel i se osečal kak da sam fulani slučaj. Sam znal puno peške hoditi. Tak sam jemput peške vu Bjelovara hodil i po noći se hrpa cuckih vu blizine našla. Su lajali kak da me buju podrapali. Sam lepo išel ravno i Bogeku rekel: 'Naj bu kaj mora. Če tak treba biti Bogek moj naj bu.' Su mam prestali i začkomeli i kak da ih ni ni bilo. Si mislim da bi baš lepo bila da bi se morti z njimi pospominjal. Gda mi je mamica mrela, pa i tatek, sam se pital kak to? Mi je žena prešla i sam opet bil, kak da je sve ovo naopak. I sam pak se Bogeku okrenul da mi pomogne. Je trebalo vrtemena projti, kaj se čovek nemre vu trenu promeniti. Nekak sam sve više videl da pri Njemu sve dobro je. Sam videl da je sva ljubav po Njemu. Ni danas vu crkve ne hodim. Gda po vani hodim znam da je z menom. Mi ne treba bežeti med nike cigle i kamenje da bi samo tam se z drugi molil i to baš tak kak se mora, da bi z Njim bil i da bi mi on kakti praštal. Oprosta čak i nebi tražil, al molim ga puno put da mi pamet prosvetli, da mi puta da, da mi snage i moći da da budem dober. Sam i pokojno mamici rekel vu bolnice kad je odlazila da bum dober. Je, prijateli dragi, tak ja vidim puta Gospodnjega. Dobrota je osnova živlenja. Pa, kaj z menom bilo da dobrote ni. Ni vera to kaj se pripoveda, nek ono kaj vu duše nosimo. Ni dobro nekom pripovedati da on ni dober kaj ne veruje. Je dobrota Gospodnja i je za prav Bogek više pri onomu kaj je više dober za sve na ovom svetu. I tak ja Bogeka volim, al kak se to dela. On je vu sve ljude kaj su dobri i dobrote delaju. On bu i u sve ljude kaj buju dobrote delali. Se Bogeku po dobroti ide. A kaj je dobroto. Je poštivanje djela Božjega. To je kad volite i čuvate sve kaj je po Njemu na svetu ovome. A kaj z onima koji nisu dobri. Se bi reklo da su tu isto po volji Njegovoj. Če bute dobro delali bute i njima pomogli da to razmeju i svi skup bumi više vrednejši. Gda negdo drugaće misli ni to krivo. Morti drugoga puta vidi. Je važno jel dobro dela. I kak na kraju bi rekel. Zakaj su religije, kaj su pripovedali da su to puti Božji ta kaj su vu njena imena ratove ljudi delali. Zakaj je jedna curica mom sineku rekla: 'TI vu crkve njedeš. Ti nisi Božje djete.' Bogek dragi do kud ide ljudska glupost i svojatanje čak i onoga kaj samo dragi Bogek rihta. Naj mi oprostiju svi oni, kaj ovo nisu razmeli. I sve Vas puno voli Vaš Mladen i Bogeku fala |
Drugi dan turnira
- 18:37 -
Komentari (16) -
Isprintaj -
#
|
Danas se ranije počelo igrati. Je nekak pravilo, da se zadnji dan turnira počne ranejše igrati, kaj bi oni kaj im se zuri, ranejše na puta preći mogli. Se tak zrihtalo da četrto kolo počne vu 9 vur. Gda smo se probudili i gda je Save doručka pripremila, smo se spominjali da bi Marijanček ostal tu, da nejde na turniora. Mu se zulj napravil na tabanu i to baš na noge kaj mu je z problemom. Je briga bila da mu se ne pogorša, kaj mu je tam i cirkulacija ne dobra. On je ni htel slušati, da nebi na turnira išel. Tak smo taxija pozvali i se z njim dopelali gde se igra. Nas je taxi došel 180 dinarih, a to je kak 18 kunih. Smo tam došli vuru prije nek se počelo igrati. Mi tak bilo vremena, da si prejdem Kalemegdana pogledeti. Je Marijanček ostal tam gde se igra, a ja sam se prošpanciral do Kalemegdana. Sam išel čist polahko, z noge na nogu. Je lepo bilo, kaj nekak ni ljudi vani bilo. Su još spali. Ni daleko bilo iti. Sam se po puti z pesi, mački i golubi spominjal. Su me gledeli nekak čudno, kaj da im ni jasno, kaj hočem. Niš nis štel, nek da se malo spominjemo. Sam došel do parka, kaj je od Kalemegdana, i po štenge vu njega prešel. Su tam bili samo tu i tam po neko z pesima. Sam došel do ispod spomenika, se lepo naslonil na ogradu i gledel dol vu vode kaj tam dol teče. Je napred bila nekakva šuma, a oko nje je voda tekla. Sam si zmislil, da bi to nekak Dunav bil, al kak da je okolo obišel vu dva dela, a je ta šuma na otoku bila. Kolko se sećam, od prije, bi to Ada Ciganlija mogla bit. Se vode od Dunava valda okolo nje motaju, a Sava tu sa strane vu Dunava zajde. Mi za leđi bil spomenik, kaj je gledel kak i ja napred. Mi tak lepo bilo, da bi najrajše tak ostal se odmarat. Sam moral nazaj, kaj je vreme išlo i se na kolo treba iti. Z noge na nogu sam i nazaj išel. Me jen pes nekak se bojal. Ne razmem zakaj. Mu morti nis baš lepo zgledil. Je repa podfrknul i se vugnul na cestu. Mu velim lepo: ‘Pa kaj me se bojiš, pa niš ti nebum napravil.‘ Kaj da ni veroval, pa se vrnul tam gdi je bil tek kad sam dalje prešel, al me još dugo gledel, kak da mu nekaj ni jasno. Se valda ni navikel, da se ljudi z njim spominjeju. Su već počeli igrati gda sam došel. Deset minut sam zgubil i mi vura tolko delela, kaj mi to manjše za razmišlati. Nis ni znal gdo mi je protivnik i sam to doznal baš kad sam došel. Sam igral z Krletom. On je četrti dan i pripovedaju, da je sad jeden od najjačih vu Srbije. Baš lepo, si mislim. Igral sam z crnim kamenjem. Sam mu ne dozvolel da se razmaha i nekak da mu napravim nekaj, kaj mu baš i ni sigurno. Smo se tak gombali dok se ni tak zmotalo, da je trebalo jače napadati. Sam mu počel velikih problemov delati. Se nekak zvlekel z velko hrpo kamenja, al sam onda se zjačal na drugu stranu i navalil na kuta, Je kuta nekak probal spasiti, a sam mu komad strane zel, a kuta na koa zapretil zeti. Pretil sam mu na ko zeti jen komad vu sredini, kaj vredi okoli 15 poenih. Je ga pustil, kaj je kut bil vrednejši. Tak sam već i jači bil. Kaj smo još lepo granice zrihtali, je ispalo malo prek 20 poenih za mene. Lepa mi je to pobeda bila. Se odmah brzo pripremila i zadnja, peta runda. Mi je za protivnika ispal Niđo iz Kragujevca. Je vu četri runde sve pobedil i je bil prvi na tablici. Je on peti dan, kaj je jači od Krleta od runde prije ove. Sam belo kamenje imel. Mislil sam si da nemam kaj zgubiti i prišarafil odma. Razbil sam mu velkoga prostora, pa odvojil velke grupe. I mesto da on ima velkoga prostora, sam ja njega ganjal. Se, naravno, zvlekel, al sam ja zida naredil. Onda je on na druge strane zel puno, a ja na to pritisnul. Sam tak i z druge strane zida za sredine naredil. Odjemput je tak nastala moja velka sredina. Kad je videl da se sve nekak mota ne dobro za njega, je vletel vu moj prostor na strane. Mu nis dal. Sve kaj je probal ni išlo. Se onda predal. Tak sam pobedil i pobednika turnira, kaj je na kraju on ipak prvi bil. Na kraju sam peti bil. Za pobednikom Niđom, je Keks z Niša bil, pa treći Miloš z Beograda, četrti je Dejan isto z Beograda. Za menom je bilo dost petih, četrtih i trećih danov. Sam ja štartal z bodom manje kak drugi dan. Drugi i treći dani su na štartu imali boda manje od onih z četrtim i petim danom. Je to Mcmahon-sistem igranja. Sam na kraju peti bil, al z jenaki broj pobeda kak pobednik turnira. Da to nebi zgledelo kak nepravda, vredi reči, da sam v prve tri runde imal malo slabejša dva protivnika. Je mi to na kraju bil jako lepi rezultat. Popravil sam si rejtinga na europskoj-go-listi. Mi zgledi da sam pak vlovil rejting za trećega dana. Pa lepo. Redosleda i izjveštaja morete zutra il prekzutra videti na ‘Go-misaona igra’. Viš ‘alkione’ je to bilo već nek samo učestvovanje. I lepi rezultat se napravil. Smo se Marjanček i ja prošpancirali do Save doma. Smo se tu dobro najeli i ja ovoga posta napisal. Doma idemo navečer malo iza deset vur, a smo doma zutra vjutro. Ja se bum javil na blogu vujutro kad dojdem na posel. Z dečkima sam se tu puno spominjal i smo svi skup vidli, da je dobro da više igramo svi na turnirih. Je to dobro za sve igrače goa ma gde bili. Su igrači goa vu Srbije dost jaki i jači nek kod nas doma. Tolko za sad i Vas sve lepo pozdravla i voli Mladen kaj se voli z kamenje igrat. |
Sam prvi dan turnira vu Beogradu oddelal
- 22:48 -
Komentari (4) -
Isprintaj -
#
|
Smo se Marjanček i ja probudili vu sedam vur. Nam bi to trebalo bit dost da bi stigli na vreme tam de se igrati treba. Je to Beograd open turnir vu gou. Smo adrese znali al nigdo od nas tam još ni bil. Pa bumo valda pronašli di to je, a nam i Save bu povedala kak do tam dojti. Je bil pri Save doručak. Smo se pospremili za ijti na turnira. Nam Save veli da bi išli jenu stanicu autobusom do Trga Republike, kaj se Marijanček nebi trebal mučiti hodati vu brega. Je Marjanček odmah rekel, da bu peške išel. Mi to nekak drago bilo, kaj i ja volim peške iti. Smo trebali iti, kak je Save rekla, kad zidemo z hize na levo, pa na desno, pa na levo, pa vu brega, pa na desno, pa na levo, pa smo tam gde hočemo iti. Sve nam je bilo jasno, kaj nam je i imena vulicih rekla. Smo mi znali, da bumo i pitati trebali usput. Smo išli kak je treba. Sam tu i tam pital, tek da bum siguren, da dobro idem, a išli smo baš kak treba. Smo išli po ulici Cara Dušana, pa skrenuli na levo vu Francuske, pa vu brega. Sam odjemput videl da mi sve nekak poznato. Smo prešli kraj spomenika z konjanikom i vidli vulice, kaj je v nje puno ljudi peške išlo i sim i tam. Nam je jen čovek rekel da bi trebali iti još malo dale, kaj tam je venec vu koji mi trebamo dojti, a smo rekli da bi šteli vu Topličina venca. Smo došli do venca, al je taj bil Obličev. Se morti onaj striček zabunil, pa pitam jenu curu , kaj je tu hodila, da bi mi milostiva rekla di je Topličin, a ne Obiličev. Je rekla, da baš nezna točno. Sam odma pital neke dečke, kaj su tut išli, i mi jen onak odmah rekel, da treba iči baš tak kak idemo i da bumo do parka došli i je to tam. Tak je i bilo. Smo gledeli broje na hizama i nekak nam ni bilo jasno, kaj bi tu negde bil nekakvi klub, gde mladi igraju mislene igre. Smo došli na broj 9 i pitam ja Marijančeka: ‘Si ti dobro broja napisal na papira?’, kaj je na papiru on prepisal podatke z e-majla. Veli: ‘Valda jesam.’ Gledim hizu i mi nekak sve to čudno. ‘Kam smo to došli?’ Zgledi kak obična hiza vu koje ljudi stanujeju. Vrata hize su zaprta i nema nikve ploče, kaj bi na nje pisalo, da je neki klub tu. Si mislim: ‘Lepo. Kaj sad? Če nikaj nema se bumo lepo šetali na Kalemegdana i malo Beograda razgledali.’ Gledim na portafona, kaj bi morti tu nekaj videl. Tam pri dnu je nekakva zaleplena ceduljica na kateri piše ZMAJ. Tak se i taj klub, de se igra, zove. Bum pozvonil, pa kaj bu. Pritisnul sam. Čujem glasa na portafonu: ’Tko je?’ Kaj sad bum rekel svoga imena, pa kaj bu. Velim: ’Mladen Smud.’. Sam očekival kak bum čul ono: ‘Koji Mladen Smud?’ Toga ni bilo, nek je samo počelo zujati i sam pogurnul vrata i vušel, skup z Marjančekom. Vu haustora smo zašli i vidli kak pred ulazom u podrum piše ZMAJ. Je, kaj nek tam iti. Se spušćamo po štengi i vidimo Aco je tu. Se pozdravlamo, za malim šankom je Dejan. Već je bilo nekaj dečkih, kaj ih letima nis videl. Prepoznam ih, al kak da su se malo skor svi vu belo pofarbali. Se samo spitavlemo kak jesmo i kaj je novoga pri svakom. Je dost cajta prešlo dok se ni igrati počelo. Sam vu hodniku pripovedal z Keksom i Gutom z Niša. Z Kostom se nis jako dugo videl. Dolaziju i dečki iz Kragujevca: Niđo, Dragan i Ljubiša. Kak minute prolaziju nas je sve više. Stigel je i Dragan iz Sarajeva, pa Vladimir iz Banjaluke. Je tu i Mladen iz Bijeljine. Tu je i Miloš, kaj veli da ga trbuh danas nekaj zafrkava. Pripovedamo o minulim letima i o bedastočama kaj su se događale. Gledam to društvo. Ni ih za videti na međunarodnih turnirih, a su jaki. Je šteta kaj se z njimi više ne igra. Toliki dan-igrači, a ni ih videti. Je šteta. Se čist lepi i jaki turnir tu zrihtal. Sam ih pital kaj ih ni. Veliju da novcih za to ni. Sam videl da je pri njimi gorje neg pri nami, kaj se penez dotikavle. Je vreme došlo za prvu rundu. Sam za protivnika dobil Ljubišu z Kragujevca. Smo lepu partiju igrali. Je nateravanja bilo. Sam vletel vu njegove sfere, a on navalil na to kamenje kaj sam ga tam nametal. Ga je zarobil, al sam ja zato zideka napravil i mu pritisnul njegvu velku hrpu. Je dost velka bila, al ni ziveti mogla. Onda je on meni još nekaj kamenjih zarobil, a ja napal još jenu njegvu hrpu. I nju sam zrondal, pa on ni dalje štel igrati i mi se predal. Mi ga nekak zal, kaj se trudil i lepo igral, a mi je i prijatel. Mi je ipak na kraju drago bilo, kaj je rekel, da je baš lepa partija bila. Smo se vu jeni grupi vputili nekaj najti za pojesti. Me Keks častil z jeno nekakvo pizzo, kaj zgledala je kak nekaj kaj je zamotano vu testu. Smo onda seli vani vu jenom kafiču i kave popili. Se tu Aco isprsil, kaj nas je znenadil. Je po skrivečki rundu kavih platil. Je druga runda već bila. Sam naletel na Dejana, z kim sam na Dragonu 1:1 igral vu Jadranski ligi. Znal je kaj ni dobro z nemo delati i je me čist razoruzal. Je ni štel vu fajta iti. Sam iskal de bi probleme napravil, a je on samo jenostavno se zmical i prostora delal. Sam ga tu i tam zreduciral, al mi je nekaj slabih kamenjih ostalo, kaj je na njih pritisel. Je uletel vu moje i se zvlekel. Sve skup sam popušil za nekaj prek 20 poenov. Je odmah i treća runda bila na redu. Već se vani i mraka videlo. Za novog protivnika sam dobil Kostu z Novog Beograda. Smo stari prijateli mi i ga dugo nis nidel. Jen med vremenom dobil probleme z oči. Veli da ga to dost smeta dok igra. Si mislim: ‘Šteta.’ Je on prije bil i četrti dan, al sad više ni vu formi. Sam kompliciral i je vredelo. Dost brzo sam mu zrušil grupu kamenja, razbil prostora i se predal. Sam tak prvoga dana dve dobil, a samo jenu zgubil. Je to dober rezultat. Marjanček je obrnuto naredil, kaj je dve zgubil, a jenu dobil. I tak je prvi dan prešel, da niš od Beograda skor nis videl. Tek kad smo natrag do Save išli smo se prošpancirali dober del Knez Mihajlove. Je puno mladog sveta tam šetati bilo. Idemo čist polako, kaj Marjanček brzo nemre. Ni Save ni Dunava vidli danas nismo, ni Kalemegdana ni Terazija…… Tak je to kad se na turnira ide. Se celo vreme vu kamenje gledi. I tak nam je svima, kaj to delamo, lepo. Mi nekaj vu tomu vidimo. Puno nas ljudi ne razme. Puno ljudi od nas prejde. Nis jedini taki, kaj ga je zena pustila. Si bi ipak štel malo na Kalemegdana sesti i gledati kak se Sava z Dunavom meša. Se sve na ovom svetu nekak nemre. Na sreču je kaj druge lepote buju drugi imali i nebu propala. I tu pri Save sam jedva dočekal, kaj bi se kompjutera dohvatil, kaj bi blogeka otprel i kaj bi ovo napisal. Nekak vas i pored svog ovoga kamenja Mladen pozdravla i puno voli. Ste mi danas zgleda negde vani, kaj vas ni pri komanteri pri drugih ni. Sutra se igramo dalje. Još dve runde buju, a posle do polaska vlaka za doma još bu cajta i za Kalemegdana videti. Deca Bok!!! |
Kak sveta gledim
- 23:23 -
Komentari (4) -
Isprintaj -
#
|
Od kak sam prvi put osetil da jesam, je to nekak kak čudo bilo. Se toga baš i ne sečam, al se probam zmislit. Od negde nekak nekaj dojde tam gde bu. Sam valda i ja tak. Nekak se nemre scureti nekam, kaj je kak nikaj i nigde. To bi bilo, da ono kaj je od nekud i nekak, postane, če ni od navek. Za navek pak je kak nekaj kaj ni, kaj to kaj je, je tu. Navek je tu i tak ostane. Ak si zmislim, kak navek, se pitam do kad. Il morti od kad. Navek je do tam negde kaj je nigde, jel tu je samo to, kaj je tu de je i kad je. Tam nigde, kaj je tak daleko da ga ni ni, nemre ni bit. Kak more bit nekaj nigde? Mi to sve tak jasno, al mi ni jasno, kak je sve to za zbila tak. Pak se probam isponova zmislit. Morti sam kaj fulal? Je sve to od navek, kaj se po malo nekak menja. Si mislim kaj je to navek? Če dojdem skroz na kraj il početek, se pitam kaj je tam dale? Pa prejdem još dale i to onda ni to, kaj je ono ni prije bilo navek. Pa sam nekaj ne mislil dobro. Kaj sve to konca nema. Vrabec ga zel, al če razmišlam, navek mi dojde na to, da je nekaj kaj nemre bit. Se pitam kaj je za praf? Jel to kaj je tak il to da to nemre bit? Pa kaj onda sve ovo je? Gruntam si tak i ni mi to nekak bez veze. Je kak da kucate na vrata kaj se ne otpiraju, al si stalno mislite da buju. Ste me pratili, kaj ne? Sve vam je bilo jasno, kaj ne? Je to to, kaj ne? Si tak vrtim filmeka, se navek vrnem tam gde sam počel i navek, kad znova krenem, se nadam da bu se lampica zapalela. Osetim, samo kaj neje. Vam je to kak kockar kaj hiče kocke, navek veli: 'Još samo ova. Znam da bum dobil.' Na sveteka sam došel, kak mi zgledi. Postojim, kak mi zgledi. Sam valda i neko, kaj nikak nisam po tomu drauf. Sve mi zgledi, ko da sam ipak neko, a morti i nis. Jel more biti da jesi, a nisi? Tu sam gledel kak se sve vu svetu dogaja. Nemre svakaj biti, nek samo ono kaj more. Drukše bi reči štel, da nemre bit ono kaj nemre bit. Ovo zadnje mi zgledi kak velka mudrost. To sam došel draf ne davno. Mi se počela velka istina otpirati. Glečte, če nemre bit ono kaj nemre bit, bi moralo bit samo to kaj more bit. A kaj more bit? Z tim sam kakti vola za rep zgrabil. Imam jenu tvrdu točku. Sam se kakti za nekaj vlovil. More bit to kaj je tu tak, da to od nekaj biti more. Ste me razmeli? Bi to bilo kaj da nikaj on ničega biti nemre, nek da bi nekaj bilo, od nečega nastati bi trebalo. Uf, kolkoga sam puta prešel, da bi na to došel. Pa lepo, sad je to već nekaj. Je oni vol, kaj sam ga kakti za repa vlovil, rekel: 'Muuuuu!'. Je to čist konkretno. Sad je već jasneje, da sve kaj je, od nečega postane. Sam valda i ja. Predi me valda ni bilo. To se dobro i ne sećam. Morti bi se i to trebal zmislit, al nem pak o tom opet kak i ovo predi. Nem i nem! Je i tu jen problem, kaj ak se od nečega postalo, je i to, od čeg se postalo, od nečeg prije toga postalo. Sad pak ni tom ne vidim početka ni konca. Kaj opet? Kaj se nemre bez tog kaj je bez konca, a sem već rekel da to nemre bit'? Di je konc nečem kaj konca nema? Kaj je to onda? Nekaj kaj konca nema! Pa sem vu to vletel. Kakvog sam to sveta nabasal? Sveta vu katerem je sve tak, da je od nečeg postal kaj nemre biti. Kaj je neko tu nor? Se navek zpetljam vu to kaj i je i ni. Kakti da je, a ono nemre bit. I tak će navek isto zvrtim, je morti već čas kaj bi rekel, da morti to nekak ni z misli dopreti, da bi se vidlo kaj je. S oči gledemo sveta tak po svetlu, kaj na kraju vu mislima sve to skup denemo. Tu onda malo i sprešminkamo stvari, da buju nekak, kaj bi ih razmeli. Tu morti neke greške delamo. Se z misli sveta i zivota ni za vu glavu deti. Je sve to tam vani. Pa na koncu, kaj si nismo i to, da je nekaj bez konca, takaj zmislili. Z oči se vidi sve kaj konca ima, al z naši oči se nemre tam daleko, de bi bil konc, kaj smo si zamislili. Sve to nekak vu glavi zbiremo, a šteli bi, da to vu glavi je kak ovo vani. Smo rekli da sve konca ima. Se pitam zakaj baš tak mora biti? Se nismo mi sveta zmislili. Smo vu njemu nastali. Sam sad počel delati razlike med svetom i med onim kaj vu moji glavi je. Sem lepo videl, da to kaj je, vu moje glave stat nemre. A kaj onda morem napraviti, kaj bi štel znati gdo sam i zakaj? I tak po malo se zmišlam i pitam: 'Kaj zapraf na taki način morem?' Nis se predal, kaj sam videl da z misli ipak nekaj se more. Kaj nisam sad vam rekel, da sam zmislil, da se z misli nekaj ipak nemre. Kaj niste vidli, da sam to ipak zmislil. I tu di bi se puno njih predali i prestali tak, je zapraf rešenje. Sam taj kaj z misli nemre to! Ipak se sve to nekam gible. I gda se pitam: 'Kaj morem?', sam već nekaj naredil. Sam se pital. I da bi se pošteno i za praf pital, je treba imati razloge i osnove za to. Imam nekaj po čemu morem osetiti ono kaj ni vnutri mene, kaj ni vu telu. Nekak mislimo, da je telo svakom to kaj se vidi, kaj je kak da je to on. Su to pri meni ruke, noge, brki, pa i pamet morti, če je zapraf i imam, kaj ni neznam kaj to je. Sam porihtan po ti osetili i sam tak si svoje slike sveta delal. Sam mislil kak to je to, a nis puno mislil, da si to ja samo tak mislim. Nemrem nekak sveta videti s oni osetlih kaj ih nemam. Kak bi tek svet zgledal da ga vidim z drugači osetili? A si mislim da bi to isti taj bil, al ja bi drukši bil. Se probam vu misli stavit kak da sam samo taki kaki jesam i da sve vidim tak kak vidim, al ne i kak to zapraf je. Sam se onda pital kak to je? Pa valda nekak, kaj sveki drugi drukše vidi i misli. Se pitam jel more biti gdo, kaj to vidi baš tak kak to je? Mi sve nekak zgledi, da sam pak zabrazdil, kaj bi i takav trebal bit bez konca. Bi trebal imati, valda, osetila bez konca. Bogek dragi kam to sve ide? Pa ko smo to mi ljudi? Kaj uopće zapraf moremo? I sve tak vu krug navek. Kaj sam pak rekel 'navek'? Ajte sad Vi malo. Ja bum taki nastavil. Znate da bez tog nemrem. Si tak malo vrtim te kruge i gda si mislim, da sam norc, začas vidim da ni norc nisam. I sve Vas lepo pozdravla z lepe beogradske noći i puno voli, ni sam neznam ko, al Vi bute me razmeli, če velim Mladen, makar baš i nis vu to siguren, kaj jesam il ne, al da Vas volim to sigurno DA. To morem reči. Morti je to rešenje! |
Bila su to neka drukša vremena
- 13:21 -
Komentari (11) -
Isprintaj -
#
|
Sam puno put znal, kak mali, tateka spitavlati o onom kaj nis znal, a me zanimalo. Sam brzo razmel, da je bilo nekaj i prije nek sam postal. To valda ni ni nekaj posebnoga, al je sigurno važno, kaj tak se more bolše razmeti to kaj je. Gda je tatek mali bil su bila nekak drukša vremena. Je dedek z bako bil novi vu Zagrebu. Su z Zagorja došli. Dedeka je dovlekel posel na železnici, a bakica ni niš posebnoga za delati imala. Je bila načitana i dost stranih jezikih govorila, al posel je delala gde je bilo. Čistila je i pomagala pri stanov bogatih. Su tak dedek i bakica skrbeli za familijo. Bilo ih je tri malih: tatek kaj najstarejši, teta i stric. Su tateka baka i deda, vu ono vreme kaj je dost normalno bilo, vu Zagorje dali pri jenom dedeku vu Zlatara. To ni bil tatekov dedek, nek jen deda, kaj je tateka zel sebi, da bi dete tam bilo do škole. Je bilo dobrih ljudi kaj su pomagali vu takih slučajih, kaj su sirotinja vu gradu bili. Tatekov tatek, moj deda, je rano mrl. Ga je sušica prijela, a vu ta vremena puno je ljudi po sušici prešlo. Je bakica sama ostala z deco. Se tatek vrnul iz Zlatara i vu školu iči počel. Mi pričal kak je to zgledelo. Je bil više bos nek obut, više lačen neg sit, više gol nek oblečen. Su vu razredu z njim bila i gizdava i bogata deca. Sega je bilo, kaj je to bilo vu centru Zagreba. Moj je tatek živel vu Đorđičeve ulice. Su deca krpenjače nateravali na Zrinjevcu, pa su znali i karbitke paliti. Je Zrinjevec ne bil kak danas. Se po njem nateravalo. Se tak tatek nekak najbole sečal kak je bilo na veronauku. To mu je ostalo zanavek. Sam videl i kasneje, kaj sam i ja narasel. Bogata i gizdava deca su navek z osmehom od velečasnoga bila primlena, a tatek je bil tu kaj usput. Je ga velečasni čak i puno put špotal, ga je znal navleči za pokenporte. Pa svi imamo lasi kraj vuha i kad te negdo tu vleče fest boli. Je tatek znal i ne ostati na veronauku. I tak gladnoga, bosoga, smrzloga još ga i na veronauku vređaju. Ni v duši mogel. Kak je malo porasel je z dečkima svega videl i doznal. Z nekima se počel zanimati za bolji i pravedniji svet, za svet vu kojem buju svi mogli sudelovati radom u svojoj budućnosti, gde buju sva deca jenaka. To ga je oduševilo i povleklo i moj je tatek skojevec postal. Je to obiležilo celi njegov život. Mi je znal pripovedati kak su vu Zagrebu demonstracije radili, pa kak su ih žandarmi nateravali. Je, veli, jemput tak, kaj starejši skojevec, bil z nekim kaj je dost visoko bil. Mi je pripovedal kak još ni siguren, al je morti to Tito bil. Bil je već i za ženidbu dečko, kaj ga je mamica pronašla. Je bil, zgledi, po tom pitanju zmotan kak i ja. Je mamica bila prijateljica od tete, njegve seke. Ona je znala mi pripovedati kak je vidla zgodnog dečka i kak je počela hofirati, a je tatek, kak sam razmel, ztrokiral i je to bilo to. Su se pred rata zeli. Tatek se politike ni mogel vrgnuti. Mu jasno bilo da ovaki svet, kak je, ni dober i ga menjati treba. A je još i rat se spremal. Hitler je već počel Europu grabit. Je već i vu partiju primlen kak skojevec. Se to u ona vremena trebalo dobro proveravati, kaj se mogla lahko i glava zgubit, će bi nutra zašel neki kaj bi žandarima sve spripovedal. Tatek je čital puno knjig kak 'Kapitala' od Marksa i Engelsa, 'Manifest Komunističke partije' i slične knige. Je ih imal nekaj i doma, kaj sam ja već u škole išel i sam ga prosil, da mi ih da, da ih čitam. Je rekel: 'Bracek to ni za tebe. Nebuš niš razmel. Morti jemput kad narasteš.' Sam razmel da je to ozbilna stvar i da komunisti trebaju biti najbolši ljudi, kaj delaju za dobar svet, da bi svi imali pravedan i pošten život i di buju sva deca jenaka. Volel sam tateka i divl mu se po tomu. Je i on taj! Kak je rat došel je tatek na železnici dalje delal. Je pelal sve. Znal je pelati i fašističkih topovih. Nigdo ni znal da je vu partije. Se to sve med dečkih čuvalo kak tajna. Su bili vu trojke organizirani i su to znali samo oni dva skim je povezan bi. Su tak i zadatke delali. Mi je znal povedati kak je on znal prepoznati gdo je kak i on. Je taki ne puno pripovedal, navek uz zida bil i pazil na sve kaj se dogaja. Se lahko glava zgubi vu ta ratna vremena. Su skuplali crvenu pomoć i po vezami slali vu partizane. Bile su posebne linije kaj se po njima to lifralo. Tak je negde vu drugom delu rata tatek moral iti vu partizane, kaj je zgleda nekaj procurelo. Sam se ja tek rodil. Vu to vreme je vu ložione on bil sekretar partije, tu pred svimi kaj je delal, a nigdo ni znal, samo njegvi partijski pajdaši. Čist ne razmem kak se to tak dobro skrivalo. Ipak ima ljudi kaj reči držiju i ih je bilo. Pri Zagrebačkom korpusu je pred sam kraj rata šrapnelu fasoval vu rame i tak je kraj rata dočekal. Su ga u njegve jedinice deli za polit-sekretara. Su to oni bili, kaj su pripovedali za kaj se bori i kakav svet gradiju. Je o poštenju pripovedal. Se ipak živ vrnul doma. I dalje je delal na železnici kak železničar. Je lokomotive pelal. Nekaj sam tek kasneje videl. Je ni od toga niš zeti htel. Ni dodatka na plaču kaj je borec bil. Je prava imal, al mu to ni pošteno zgledalo. Se boril za jenakopravnost. Gda je do imformbiroa došlo su ga vu rešta deli, kaj ni bil za tvrde linije. Je drukše mislil nek oni kaj su veću moč zgrabili. Nekak je navek, da moč zgrabi onaj kojem je potrebna za njegvi cilji. Onaj kaj dobro hoće veruje vu dobro i mu ne treba takva moč. Je tatek tak rešta odgulel. Su ga posle zvlekli van, kaj je imformbiro tu propal. Tatek više ni štel z njimi biti, kaj je videl, da to ni to za kaj se on boril i zalagal. Su ga oni još prosili i knjem doma dolazili i govorili da se vrne, da su se stvari promenile. Je znal da se tak i opet moreju promeniti. Svakavi ljudi moreju gor dojti. Ja sem gledel tateka kak se i on nekak malo promenil. Kak da je veru zgubil, al je ipak imal svoj mali svet ideala. Je dugo primal doma mjesečni list SSSR. Je ipak nekak veroval, da oni tam i dalje delaju za dobro ljudi. Sam ja pak videl, da je to sve sama šminka. Su oni tam hteli stvari pikazati lepše nek kaj jesu. Ipak je tu i tam bilo dobrih člankov iz nauke, medicine i takvih sličnih stvari. Vu našoj familiji se vu crkvu ni išlo. Je tateku ostalo kak je to za bogate dobra stvar. Siročeki su siročeki. Se trebaju sami brinuti da si bolje narediju. Je meni sve to nekak čudno zgledelo, kaj je puno dece z razerda i s kojim sam se igral vu crkve išlo. Smo mi deca znali pripovedati o tome jel Bog postoji jel ne. No, o tomu bum vam drugi put pripovedal. Tatek je prema kraju svoga živlenja se i dalje menjal. Je nabavljal razne viske, nekakve rašlje, knjige o bioenergiji. Je imal neke karte kaj ih je znal gledati i z nje videti kakvu ko bolest ima i je pripovedal kak se čoveka zlečiti more. Pripovedal je kak se puno toga znati more, kaj se nekak pripoveda z nekim kaj se ne vidi. Zamislite, moj tatek kaj ni veroval vu ono kaj se ne vidi. Moj tatek kaj je pripovedal da Boga ni. Moj tatek komunist. Gledam ga ovak staroga pri kraju ovozemaljskoga puta, ja stari prek 50 let već, i velim mu: 'Tatek kaj ne vidiš, da je to kak da se z Bogekom spominješ'. Me onak strogo pogleda, kaj je to još navek mogel tak facu narihtati, i rekel: 'Braco ne budi bedast. Je to sve nauka.' Ne je dugo prešlo 1997. je moj dragi tatek prešel. Volim ga i to sam mu puno put rekel kaj je prešel. Ja znam, da je on tam vu nauki, kak je sam rekel. Ovaj zarez pred da sam del njemu na sečanje. Fala ti tatek. Bil si čovek |
A zakaj
- 13:56 -
Komentari (15) -
Isprintaj -
#
|
Još dok sam bil mali, tam vu staromu stanu, se mamica puno z meno igrala. Kak sam već rekel, ni igrački bilo. Me zela na koleno i pripovedala mi svakaj. Mi nekaj ostalo, gliboko vu meni, kaj mi je znala pevati. Je to navek z suzami vu nje na kraj zišlo. Je tatek znal reči, kasneje, da to ni dobro detetu pevati. Je to bila tak lepa pesma, kaj je i meni malom pripovedala nekaj o nećem čega već ni. 'Na Kordunu grob do groba, traži majka sina svoga......' Je ni mogla do kraja otpevati. Sam još ne znal zakaj to. Mi je jemput rekla kak mi je ujak Nikica imena Mladen dal i kad bi počela pripovedati o njem, je pak vu suze prešla. Sam je pital gde je ujo, a ona vu suzami z maramico, kaj je nosa brisala: 'Nezna se. Valda ga ni.' Je to bilo tam negde 47. il 48. leta. Nis mogel puno toga znat, kaj bi me onak malog zanimalo. Se puno toga šutelo. Je rat prešel i su ljudi nekak mogli mirnejše hodati. Tek kad su mnoga leta prošla, sam nekaj bolj razmel, a je med tim svega bilo. Se živelo. Sam tak jemput doznal da je ujo Nikica vu ratu stradal. Je njih, bratov i sestri, sedam bilo pri baki i dedeku. Kak je rat došel su tek vu života kretali. Med braćom se navek najde kaj neko nekoga rajše ima. Je tak Nikica se najrajše igral z mojo mamico gda su mali bili. Bil je nekak najbolj učen od sve braće. Je bil na kemiji študiral i odličan študent bil. Imal je i državne štipendije vu NDH. Rat je već debelo išel i se bližil kraju. Se već vidlo kam sve to ide, pa su se slagale već i zadnje kombinacije, kaj bi se morti preokrenulo na druge strane. Al ni to sve bilo pri nami tak, nek su velke svetske sile onoga vremena, delale ono glavno. Je došla mobilizacija svih študentov, posebno z državnim štipendijami. Je moj ujo Nikica išel na front. Kak je prešel ga nigdar nazaj ni bilo. Je rat prešel i ne se znalo, gde je, a ni to, jel uopće gde je. Je bakica dugo let po tomu pitala okolo, pa su joj drugi neka pisma pisali, kaj sama ni znala. Je tražila svog Nikicu. Mi nekaj ni bilo jasno, kaj se nikak niš ni znati moglo i kaj su mamica i baka vu tugi bili i kaj se to ni trebalo ni znati. Kak je onaj rat prešel, je za nas male bilo samo ovo novo. Sve je bilo kak da je sve dobro, al je siromaštvo bilo. Se puno toga vu ratu zgubilo, je puno toga zrušeno, pa je to svima i normalno bilo. Su ljudi ipak mogli slobodno hoditi, al se ni puno išlo. Čudno je to, kak ljudi prihvatiju ono kaj je. Nekak, kak da su svi bili za ono kaj je došlo. Sve je to prešlo. Bakica je otišla, a i mamice već ni. I kaj da se nastavilo ono, kaj se negda ni završilo. I sam se setil mamice i tateka z onih vremena. Sam videl kak oni ljudi kaj su mahali rukami i zastavama opet to delaju, al z drugim zastavama i drukše pripovedaju. Odjemput su kak i navek bili za ovo kaj je sad, a su, znam, drukše pripovedali prije. Sve je išlo, se vidlo, na isto ono kaj mamice vu tugu zavija. Sam se setil ujaka Nikice, kaj se nigdar ni doznalo de mu je kraj bil. Sam se setil drugoga ujaka, kaj ga je avionska bomba raznela na aerodromu na Borongaju, saveznička. Sam se setil, da je tatek vu partizanima ranjen bil i fala Bogu živ ostal. Su mi moji na razne strane bili i kakti trebali jen na drugoga pucati, a su si dobri bili. Neki su im rekli, da ideju tam kam su došli. Tatek je vu partizanima bil, a i vu partiji. Je dober čovek bil i dobro je štel svima i takvoga je puta zbral, da bu bolje. Je z ujčom dober bil i su čak i pripovedali lepo o politiki, kaj su na dve strane bili. Mi tatek to pripovedal. Ga ujča ni izdal, al je svejeno radi drugih stvari moral prejtu na frontu. Jel se iko pita, kaj je z dobrim ljudima, kad oni drugi stvari vu ruke zemeju. Nebi štel reči da se to dogajalo baš samo tu. Na sve strane nekak vu ista vremena dojdeju oni, kaj bi stalno nekaj krojili. Bi rekel da su trebali šnajderi biti, a ne vu politiku dojti. Najlakše je z prstom vu drugoga upreti. Če tak krene, ne bu na dobro zišlo. Su me kak maloga već učili, da prvo pred svoji vrati čistiti treba. I kad se pripoveda, posle, gdo je kriv za sve to, navek su oni drugi krivi. Sigurno i na druge strane tak misliju. I svi kak argumente imaju. Ljudi dragi, kaj smo svi mi takvi bedaki tu. Vas sve pozdravla i puno voli Vaš Mladen na koji god strani bili i si mislim da dobrim ljudim ni strana potrebna. |
Su mene zbrali
- 11:04 -
Komentari (17) -
Isprintaj -
#
|
Uz zid istočne strane dinamovog stadiona curice i dečki đaci-prvaci. Svi svečano oblečeni. Plave hlačice i šoseki, bele košulice i na glavami pionirske kape s crvenim petokrakami. Mamice su si truda dale, da im dečica čim lepša buju. Tu je i mali bracek. Stoji med dve curice i čeka. Su baš njega zbrali, da bi štefete nosil. Mu nekak čudno bilo, da kaj baš njega, al mu ipak drago pri srcu. Je to kak velka stvar drugu Titu štafetu nositi. A smo, kaj 1. a razred, prvi bili na redu vu tom lancu bežanja z štafeto. Od nikoga nismo primali, a dalje slali, kaj smo prvi bili. Je bracek mislil kak ta štafeta baš od tud ide i da bu on prvi je nosil i Tito bu na kraju to primil. Si je mislil, jel bu uopće mogel tih sto metrov je i preneti, kaj je to tak važno. Če nekaj pogreši, se popikne, il na krivo odnese; pa kaj bu Tito tam na kraju mislil. On tam valda čeka. Su mu ju donesli, drvenu. Je imala kak neki poklopec gor i na njem dost velka crvena petokraka. Su mu pokazali kam treba bežati i komu je tam dati vu ruke. Se vidlo, da tam čekaju trojka, kak i mi, iz 1. b razreda, skor pri kraju zida stadiona. A je zid bil takaj poseben z crveni cigli napravlen. Na vrh je bil nekakvi beton z razbijani flaši, kaj bi se na nje zdrapal saki kaj bi štel skočiti prek, da bi tekme gledal. Sam si puno put razmišlal, kaki je to čovek bil, kaj je te razbijene flaše tu vu betona del. Nekak mi sad čist žal, kaj vu ta vremena ni aparatih bilo, da bi se to slikalo. Je i to del povesti Dinama. Da se ipak vrnem nama, kaj smo bežali. Nekak je braceku dugo trajalo dok ni bežanje počelo. Su se učitelice nekak više uzbežale oko nas, nek kaj smo mi na kraju trebali prebežati. Sve je to za našu školu trebalo biti do škole vu Harambašićeve ulice. Tam su bežati trebali naši četrti razredi. I sve je odjemput počelo. Su me malo čak i pogurnuli kaj bi znal da treba. Sam bežal da ni sam nis znal kak. Su mi oni iz 1. b zgrabili štafetu i počeli dalj bežati z njo. Su valda i njimi rekli kaj trebaju delati. Nekak je to bilo sve. Kolko razmišlanja, kolko važnosti, kolko rihtanja za tih sto metrof. I ostalo je tih sto metrof vu braceku. Je to bilo 52. leto. Je puno let još prošlo kaj su štefete Titu nosili. Kasneje, kaj je televizija došla, sam gledal kak to zgledi i tam negde drugde. Deca, pa i starejši su nosili razne štafete, kaj sem ja tak zval ono kaj se nosi. Je svako leto bila čitava hrpa štafet, al je samo jena glavna bila. Sam si mislil kak to Tito stigne sve pročitati, kaj su vu njima razna pisma njemu napisana bila. Sam prije mislil kak je ta, kaj sam je nosil, jedina bila, a kasneje, da ju je bar pročital. Na kraju mi je nekak jasno bilo, da ju valda ni ni videl ni izvana, il morti samo u hrpi, kaj bi je negde stovarili. Bi mu tam neki radnik valda rekel: 'Drug Tito, ojte videti kaj smo vam dopelali. To je sve za vas.' Bi moj Titek onda zafrkal rukave i vu hrpu zašel, kaj bi videl, kaj to njemu deca pišeju. Ko zna, morti i je. Su tak vremena prošla. Je i Tito prešel. Se sve nekak promenilo. Pripovedaju o tim vremenima čist drukće nek negda i to puno onih kaj su negda drukše govorili. Se to je valda vu redu, kaj su nekaj morti tek sad prokužili. Morti su i ............ Mene su vu tomu, kaj sam tu pisal, samo zlupane flaše na zidu dinamovog stadiona smetale. Nigdar nem razmel toga kaj je to napravil. I kaj got ste negda, pa i sad mislili dragi moji prijateli Vas sve pozdravla i puno voli Vaš Mladen |
Gde treba metnuti zareza?
- 13:42 -
Komentari (10) -
Isprintaj -
#
|
Prolazili su školski dani. Smo već i slova savladali i pisali prve rečenice. Su ne to bila samo slova nek i znaki kak točka, zarez, usklučnik i upitnik. Z točkom, upitnikom i uskličnikom je nekak išlo, al ovaj četvrti je bil živa muka, al kak z muko i veselje dojde, tak i veselja. Točka dojde kad sam rekel kaj sam štel. To je išlo nekak. Posle toga treba deti velko slovo. I to se zapamtilo. Gda se nekaj pitalo je treba upitnik deti. Je tu problem malo bil kaj se njega koji put naopak nacrtalo. Di ga treba metnut ni bil problem, kaj ja sam navek bil z nekakvi pitanji. Ne onak, da me drugi čujeju, nek sam si tak razmišlal. Je taj upitnik nekak po malo postal kak moj znak. Su mi puno put rekli: 'Mali kaj novce tražiš?', kaj sam navek imal glavu dol okrenutu. I danas tak hodim. Se tak najbolše razmišla, kaj mi niš okolo tak puno ne smeta. Pripovedali su, da bu mi se hrptenjača zvinula za navek. Me to ni smetalo. Zvinuta hrptenjača; pa kaj; nekakva mora bit. 'Te nebu posle ni jedna štela', su znali reč. Na to sam si mislil, da norca z mene delaju. Ja z upitnikom nis problema imal, al drugi oko mene su mislili da je taj moj upitnik velki problem. Z uskličnikom baš nis bil zraven. Je ga trebalo deti kad se nekaj uzvikuje il veseli il tak nekak. Ja nis znal kaj je kak. Se čovek more veseliti svemu. More vikati vsakakve stvari. Je morti taj uskličnik tu, da bi rekel kak negdo viče, pa makar i bez veze. Če bi to napravil bi morti minusa il jedinicu dobil. Sam onda počel pamtiti gde ga drugi obično deneju. To tak, da navčim, kaj drugi misliju, kak bi i ja tak napravil, kaj bi normalen bil, kaj se uskličnika tiče. Rekel bi da sam i to nekak savladal. I kaj da velim za ovaj četvrti. Baš slušam na Slemenu kak dr. Težak pripoveda o rečenicami i zarezima. Mi sve zgleda kaj da se zmotava. Morti tu ni sve tak kak bi neko rekel. Z tim zarezom nigdar nis bil na dobar dan. I danas ga mečem svagde, al si mislim da bi mu tu nekak mesto bilo. I tak u ona vremena gda sam to tek učil nis znal i mi ga je učitel z crveno metal de treba. Zapraf je to bilo, kad još zapraf zareza i nismo ozbiljno vu školi delali, al ga je učo del, kaj je rečenica bila dugačka i mu je tu mesto bilo. Je doma tatek gledel u teku i mislil si kak braceku treba to objasniti. Je učitel i nekaj ispod mojega pisanja napisal kaj sam doma moral pokazati. Gleda tatek, železničar, kaj mu lokomotiva nikakvi problem ni. Zerez je ipak malo njemu dal štundjerati. Se zbral i ovak mi rekel: 'Braco pogleč, gde god vidiš da piše 'da', ti ispred metni taj zarez, al iza reči kaj je ispred toga 'da'.' Sam tak počel i delati. Je učitel uvek ocjenjival domaće zadaće. Je daval il crvenu štrihu il plavu. Crvena je bila dobro, a plava ni. Znal je ispod i nekaj napisati. Tak su bile pohvale il upozorenja na kaj trebaju doma više paziti pri detetovom učenju. Sam ranije znal dobiti plavu tu i tam. Odjemput su počele crvene. Taj famozni zarez je odigral velku rolu. Gdi god je bil 'da', ja drapim zarez. Me učitel pital: 'Kak znaš, gde zareza treba deti?'. Sam mu rekel da treba biti ispred 'da'. Bil sam vu tomu kak napredni. Odjemput sam dobil volju delati to. Sve je nakak postalo vu školi dobro. Sam tak bil sve bolši i na kraju z petico završil razreda. A zarez? Kaj z njim? Su vremena prolazila. Sam raznih stvari pisal, onak po svom i mislil kad i gde ga deti. Sam videl, da on treba deliti složenu misel na njene dele. Tak se z njim more skroz zmeniti ono kaj se piše. Sam čak čul da Englezi mečeju zareza svagdi gde bi mogli zraka zeti gda to čitaju. Im nekak valda dojde, da ih upozori, da i dihati trebaju, če nekaj velkoga čitaju. Danas ga puno mečem gda nekaj pišem. Kak da ga denem gdi bi lepo pasalo. Morti se nekom tak ne dopada, al ak bolje pogledaju buju vidli zakaj sam ga del. Si tak mislim da bi bilo dobro na kraju napisati: ',,,,,,,,,,,,,,,,,,,,,,,,,,,,,,,,,,,,,,,,,,,,,,,,', pa si vi sami zemite, ak vam koji treba i denite de vam paše. Ak ih tak bu preveć, nema problema, jer od viška glava ne boli. Sam se velikog i lepog posla prijel. Morem vam reči da mi sve više sitnih pričic iz detinjstva se javlaju. SE odjemput prisećam i nekih kaj su skor pozablene bile. A detinjstvo; kak da još traje. Sve vas, pozdravla i voli, Vaš Mladen ( mi ovo zgleda kak po engleski ) |
Sam zakasnil vu školu
- 17:09 -
Komentari (14) -
Isprintaj -
#
|
U prvi razred pučke škole sam krenul sa trifrtalj osam godina. To je kak na vuri frtalj leta prije osam. Se u ono vreme išlo sa sedam, al sam ja, kak dete od početka leta, bil nekak malo premali, da bi me dali vu školu. Su mamek i tatek reki: 'Nek se dečec rajše još malo igra.' Ja nis niš protiv imal. Se nis rival, kak neka druga deca, da bi čim prije vu škole bil. Me zapraf to ni ni zanimalo. Kad vreme dojde bu valda ostalo i za igrati se po vani. Toga sam lepog jesenskog sunčanog dana 51. imal školu popodne. Bili su to još sami početki. Se ne sečam baš, al mi zgleda da je to meseca rujna il listopada bilo. Sam zadaću napisal. Je trebalo nekakve crte vleči vu redu. Su bile na koso. Mi to dost bedasto zgledalo, al mi svejeno ni lako išlo. Su bile nekak kvgave. Se mi se nisu baš dopale, pa sam ih puno z gumico brisal. Mi se onda još manj dopadalo. Je na kraju sve bilo nekak zmazano, al je zadaća ipak bila. Kad sam se toga groznoga posla rešil, sam se išel igrati. Mamek ni bila doma. Ona je znala 'skočiti' do dućana. Bi rekla: 'Budite dobri. Bum samo skočila do dućana. Se brzo vratim.' Sam ja već znal kaj to znači. Je pitanje jel bu po putu nekog srela. Pak za sresti nekoga, je navek bilo. Pa valda i je, kaj je ni doma bilo dost dugo. Sam se sa seko igral. Bi mi navek nekaj zmislili. Su tak vanjkušeki dobro došli. Nateravali smo se po stanu, skrivali i kaj je najbolše bilo z vanjkuši gađali. Mi je nekak najbolše bilo je heznuti z vanjkušom zbliza po glavi. Je i ona mene, pa smo se znali skor pokefati. Tak je vu te igre vreme išlo, da nis niš ni mislil o tom. Onda mi odjemput kroz glavu projde, kak struja, da vu školu moram iti. Ah, ta škola. Sam odjurel do vure i videl, da sam već trebal otiti i da baš počinje. Kaj sad? Je mi to kak katastrofa zgledilo. Mamek još ni z dućana se vrnula. Me ni to brinulo, kaj sam znal, da je nekoga po putu srela. Zgrabil sam torbu, navlekel cipele i beš. Ni bilo opasno kaj se avtih dotikavle, kaj ih onda za praf još ni ni bilo. Se tu pojavil, ak bi koji od nekud zalutal. Sam se sav zadihal. Mi je škola bila na 10 do 15 minut od doma. Bila je to pučka škola u Jakićevoj na Koloniji. To je ona kaj je bila odmah uz Dinamov stadion s jugoistočne strane. Je posle tu bila i neka saobračajna, pa onda, ak se ne varam, i nekaj vu sastavu stadiona. Žurim se ja, kad ono, vidim Slaveka. Se nikam ne žuri. Mi zgledalo, kaj da nezna kolko je vuri. Se usput igra i polako ide prema školi. U isti smo razred išli. 'Bumo zakasnili.', velim ja njemu. Ga to ni niš zbunilo. Kak je videl, da se žurim, je rekel, da idemo skup. Valda mu je tak zgledalo bolje kaj bi skup došli. Se lakše opravda. Ja z bil čist sfuflan i sam se na sebe ljutil kaj se to meni dogaja. Je Slavek videl vu kakvom sam stanju, pa mi veli. 'Ne brini se niš. Bumo učitelju rekli da nam je vura išla natrag.' Bogek dragi još bum i lagati moral. Smo pred školu stigli. Skor svaka škola ima nekakve štenge do ulaza, pa i ova naša. Smo se popentrali. Su mi te štenge tog dana zgledale tak velke! Došli smo do razrednih vrat. Sam pustil njega napred. Ja sam štel vu zemlu propasti. Je otprl i vušel. Ga je učitel vrnul natrag, da lepo pokuca i pričeka, da mu se neko javi i ga pusti nutra. Se to ponovilo i obadva smo nutra zašli. Se ni moglo odma vu klupu. Treba se ispričati i reči o čemu se dela, kaj nismo na vreme stigli. Je Slavek odmah hrabro rekel: 'Mi je vura natrag išla.' Ga je učitel vu klupu pustil. Sad sam ja na redu bil. 'Kaj je z tobom bilo? Jel i tebi vura natrag išla?'. Sam se skor rasplakal i nekak nisu reči iz mene štele van. I onda sve odjemput je zletelo van z mene. 'Sam se sa sekom po krevetu igral.. Smo se z vanjkušima gađali.' Je celi razred vu smeh vudril. Me učo gledel onak poprek i me vu klupu pustil. Me nekak sram bilo. Sad kad se setim, je to nekak baš lepo bilo, kaj se zmišlal nis. Je Slavek se snašel. Vura mu nikam ni prešla. Je tam bila gde treba i je išla baš kak treba. Je i pri meni doma po tom sve vu redu bilo. Navčil sam da moram brinuti o tomu kolko je vur i kam trebam iti. Tak vu životu nis kasnil. Bil sam navek onaj kaj je druge čekal gda se kam išlo. Puno put puno njih ni ni došlo na dogovoreno mesto, al ja bi navek došel prije nek kaj treba. I danas se reči držim, pa i prema sebi. Mislim na one reči kaj su vu meni. Moja vura dobro ide. I nekak je navek baš to kaj je. Se ne zmišlam. Tu i tam negdo misli da bi mi bolše bilo da zmišlam i pripovedam nekak lepše nek je. Ja pak mislim da je najlepše baš tak. Morti ne zgleda lehko, al je to ono kaj je. Ono drugo ni ni. Sam toga svestan. I sam i z tim postal malo starejši, a da se i nis nekaj bitno promenil. Vas sve pozdravla i voli Vaš Mladen |
Kad već o novcima pripovedam....
- 15:51 -
Komentari (13) -
Isprintaj -
#
|
Lijep sunčan je dan, malo i prohladan. Sjedim s čovjekom, kojega sam tek upoznao, uz kavicu. Čekamo zajedničkog prijatelja. On je otišao u Erste Banku' srediti papire za kredit. Mi smo tu kao potpora. Stiže i kaže da možemo s njime uči i srediti te formalnosti. Što možemo kada ovi od banaka gnjave, pa se moraju i jamci potpisivati. Čovjek diže kredit i plaćati če. Normalno. Obavili smo to i sada je sve u redu. Tko nebi čovjeku pomogao, a još je i prijatelj. Stvarno ovi od banaka samo kompliciraju. Rundu je platil prijatel. Nije ni lepo gurati se kad je njegov kredit u pitanju. Sreča kaj ima prave prijatele, jer se danas ne najde lako jamcih. Prošle su dvije godine. Neke se stvari u životu promenile. Meni se familija raspadala. Normalno je da ide svaki tam i mu je bolje. Koji put morti baš ni sve baš dobro, al ajde. Život je to. Su dva meseca prošla kak sam u takvoj situaciju, kad evo dolazi prijatel. Ja onak kak jesam cmizdrav, odmah mu se i požalim. Došel je sa svojom prijatelicom, kaj su mi zglkedalo i nekak više nek samo to. Si ljudi delaju kak im je bolje. Koji put morti baš ni sve baš dobro, al ajde. Kak su čuli o ćemu se dela odmah mi ponudiju pomoć. Veli ona kak ona zna kak bu mi ženu vrnula doma. Meni nekak bedasto to zgfledalo, al ajde nek mi bar dete natrag mamu dobi. Kaj nebi ja veroval. I je počela cirkusijada. Tak kak usput me ona pita jel bi joj jamac htel biti. Pa sam već njemu kaj nebi i njoj. A se i on založil za nju. Kak nebi prijatelu veloval. Kad je vidla da ja nemam niš protiv pomagati me onak usput pita da bi joj još jednoga kredita jamčil, kaj ga v drugi banki hoće dignuti. Bi ja i to, al neznam jel buju mi dali. Se ona te dane fajn pozanimala s odbeglom. Kaj je sirota vu slobodu pobegla, a sad je neko vrnuti vu mraka hoće. Se predstavlala kak da je socijalna radnica. Dogovorila je sastanke sa sirotom kaj je tek slobode probala i sretna čoveku drugom prešla. Je tek pravu lubav otkrila. Pri meni je nigdar ni imala, a ja to nis ni videl. Čoveku se na žal more delati da to ni neznate. Sam ja potpisal kredita jenoga, a drugoga mi nisu dali vu računovodstvu. Je bilo to preveć. Pri cirkusijadi kaj je pravlena sam doznal neke stvari kaj nis mogel verovat. Mi je jasno postalo da moram bolj razmeti kaj se to z meno dogaja. Su nam puno put slike o sebi malo drukše nek kaj zapraf je. Sve to je prešlo. Se izbegla ni vrnula. Kaj bi natrag vu kmicu, gde je niko ne vidi i ne poštiva. Gde nema onih kaj ih ona voleti more. To je vredu. Prijatel i njegva voljena su prešli svojim putima. Prešlo je još jeno leto. Mi su sela dva kredita kaj sam jamac bil ženi kaj se mene rešila. Se rešila i mene i kreditih. Jednostavno ih prestala plaćati. Ja to nis znal dok se banka ni dobro nakamatarila, naša draga Privredna. Mi onda počele dolaziti opomene i pretnje. Kak grom iz vedra neba. Ja kak jesam sam lepo počel sve to plačati; i rate i kamate. Sam kamate deset meseci plaćal na fajn rate. Velim sam sebi: 'Kaj sad? Sam to i zaslužil kad nis videl kaj se to pri meni dogaja. Je svet narihtan za jake i odvažne. Bum nekak.' Sam onda i drugoga kredita pri Erste Banki, kaj ga je ona skup z susdom na svoje ime zela, zel na svoja pleća. A mi suseda pol vraća vu novcima svaki mesec. Sam u medvremnu otplatil još i trećega kaj sam sam nosil vu Križevačku banku. Njega je jadna kaj je prešla plaćala za našeg sina, kaj je on nekak prenesel na neku svoju suradnicu, koja je plaćala da on ni niznal kak, a je sve meni na kraju na pleća zišlo. Svi su pripovedali kak je sve v redu i kak su sve platili, al mene banka traži da plaćam. Pa se već vu sve to ni ne razmem. Sam sve to nanosil i zatvoril i prosil službenicu da mi da potvrdu da je pri Križevački sve vredu kaj se tog kredita dotikavle. Je tak i napravila i tu sam fala Bogu bil kvit. Mi je usput selo na plaču još tri rate onoga kredita za prijatela pri Erste. Mu se slučajno dogodilo da ni plaćal, pa mi je to vrnul vu novcima. Sve sam to nekak držal pod kontrolom. Smo Vedran i ja za jesti imali i se dalo prek meseca preživeti. I kad sam mislil da sve nekak zgleda za preplivati dojde jeno lepo pismo iz Koprivnice. I da stvar bude još lepša hoćeju odmah na plaću sesti. Je to onaj od prijatela prijatelice kaj su mi pomagali ženu vrnuti. Je ona to pisala na svoga muža, a baš im se i brak raspal, a i mom 'prijatelu', kaj mu ženi ni mogla zdurati konkurenticu. Sad ja već nznam kaj delati. Če mi zemeju z plaće još i to moremo Vedran i ja na javnu kuhinju iti. Idem vu svoje računovodstvo se probati boriti za nekakvu pravdu. Završim pri čoveku kaj veli da bum ja to maoral plaćati, kaj sam potpisal za jamca. Nikoga briga ni kaj je onaj iči ona kaj su novce pobrali sasma neki drugi, ne ja. Sam potpisal i to je presuda. Isusek sam kriv kaj sam potpisal, a onaj kaj je zel se more lepo luftati. Nis tu stal. Prejdem po internetu, jer fala Bogu nis taki tumplekmkaj se z internetom služit nebi znal. Potražim zakone RH i najdem Ovršni zakon. Tam lepo piše da se nemre zeti s plaće više nek trećina. Razmem da se to isklučivo dotikavle firme. A to kaj sam ja potpisal nek sud rihta. Jedino oni moreju, ak je pravda poništiti prema firmi ono kaj im zakon nalaže. Pa sem neki Zagorec da se u te fiškalske finte morem razmeti. Smo zanata pekli stoletjimka i su nam neke stvari v genima. Se je pitanje jel nam se šika il ne to delati. Lepo ja to pokaže vu firmi i velim da ak mi zemeju to budeju delali protiv Ustava, kaj tak veli zakon. Ih jedino sud more naterati da delaju drukše. Sam fala Bogu to ipak spasil, bar za neko vreme. Sam puno razgovaral z referentico vu Koprivnici i mi je pripovedala da se razgovaram s dužnikom, a dužnik je bil na papiru muž one s kojom se razvel, kaj je z 'prijatelom' kašu skuhala. Mi je on skoro redovno ne štel dignuti telefona il ga isključil. Nis do jega dojti mogel. Sam probal i kaj me zet otpelal tam njega doma najti. Velku kuću pod Slemenom zidaju. Siroti nisu dost novca imali da bi je završili, al za stanovanje im je već služila. Nis ga našel. Probam tak jemput opet z bankom, a službenica samo kratko: 'Z tim predmetom mi niš nemo. Je na sud to prešlo.' Pa lepo, još bum v čuzi završil kaj sam ljudima pomognuti štel. Je prešlo još jedno leto. Sam pred oko jeno leto bil jamec zetovu šogoru za kredita za kuću kaj su zajedno s mojom kćerkom i zetom vu njoj skup živeti trebali. Su rekli da je ovo sigurno i da se ne trebam bojati. A kaj bi se bojal. Da nebi deci pomogel. Je tu sve zgleda vu redu, al su oni vu finacijske probleme zašli. Mi pripovedaju da buju sigurno plaćala. A se ja pitam kaj ak nebuju. Veliju da je tatek od zeta prvi jamec. Mi je valda onda lakše. Z apraf ni neznam, jel sam morti kaj od kreditov kaj preskočil, al to bi bilo za zanemariti. Pa nemrete čoveka dva put zapreti ili dva put streliti. Se vu svemu tomu pitam kaj sam pogrešil. Sam svima štel pomognuti. Sam bil siguarn da buju svoj del pošetno odradili. Nis ni pomislil drugaće. Naša se draga domovina brine za ljude kaj kapitala delaju. Banke trebaju biti sigurne i to je domovini važno kaj bi stabilni svi skup bili. Bankama je dobro da plasiraju čim više kreditih, jer to su njihovi interesi i njihov posel. Postoje pravila koja naša domovina štiti. Postoji čitav pravni aparat kaj bankama pomaže. Je i to vid posla. J ezgleda jedini problem kaj mi neki nemremo jamčiti za poduzetne ljude, za one kaj stvaraju i gradiju, kaj nkupuju, kaj kupovanje razvija tržište, a time i snagu naše domovine. Deca draga, mi nekak žal kaj naša draga domovina ne vidi kaj se tu dela, il joj je morti tak lakše. A pomagaju mi i drugi ljudi kaj ovo čujeju, pa i dost onih kaj su mi tu blizu. Mi prosvetlivaju puta kaj mi veliju čist praf: 'Pa si sam kriv.' Mi odmah lakše, kaj mi je nekak sve jasnije. Sam pak na dugačko. Okeco ne zameri, prosim te. Nis valda opet krivo napravil kaj je predugačko. I se pitam kaj znači pomagati?????? Sve Vas pun o voli Vaš Mladen i znajte ni to niš strašno. Bu i to prešlo pri meni. Onima kaj su me zjožili ne želim ništ lošega, nak samo razmeju kaj je kaj i kolki su im domašaji. Su se malo krivo postavili kaj nisu vidli kolko buju mogli vraćati. Sam ja pogrešil kaj nis videl da nebuju. Znam da ni dobro gledati vu tuđi lonec, al da jes morti bi im saveta dal da ne delaju to kaj su napravili. Eto sad da pričekam i taj sud. Kaj plaćam bum i motplazi. Je mi usput to i cena za to kaj nis videl kaj sam odbegloj bil na teret duši. Sad je sigurno sretna z drugim i to mi je lakše. I pak sam se raspisal. Oprostite ak sam tu i tam krivoga slova lupil. Mi prst profula, a nemam vremena pročitat. Moram doma. Vedran me ćeka. Moramo do dućana malo minusa povećati, al ga bum mogel skoro i pokriti kaj mi se vrne kaj sam posudil, jer i za to imam još penez. Pusa svima |
Kaj su novci ........
- 12:34 -
Komentari (8) -
Isprintaj -
#
|
Smo se pomalo privikavali na novi stan. Izvana je to bila jednokatnica z dva haustora i u svakom po četri stana. Je bila sva još od ciglih, kaj ju još nisu zažbukom ni pofarbali. Se to kasnije delalo. Pred zgradom je bila prašnjava cesta. Se sečam kad su zidari počeli metati železne štange i na njih daske. Su po njima hodili z druge strane prozora. Za par dana sve je bilo od morta. Su šajbe na prozorima bile skroz zvana zmazane. Sam dobro zapamtil kak kaplica morta na šajbi zgledi. Je kak debeli uskličnik. Bili su ih puni prozori. Kad su se zidari dobro nadelali z mortom i celu zgradi dost z njim namazali i se to malo posušilo, je na reda došlo nekaj novoga. Su donesli nekakve okrugle posude kaj su vnutra imale nekaj kak tvrde kefe, koje su okretali sa strane. Vu te posude su nalevali nekakvu gustu pofarbanu vodu. Vrteli su na te ručke i z te kefe špricali po zidu zgrade. Su tak sprešpicali celu zgradu. Je ta pofarbana voda bila nekakva plava, al ne onak jako. Pripovedali su da je to svetloplava. Sve me to zanimalo. Kad se posušilo je nekak malo belije zgledalo, al je ipak to bila svetloplava zgrada. Med vremenom smo i vrata dobili. Zahoda su napravili, da smo mogli na njega iti. Kad smo došli, je stan znutra već bil zmortan, al ne i pofarban. Su došli majstori i to napraviti. Imali su nekakve valke, kaj su v njih farbu nalevali i vrteli ih po zidu. Na valkima su bile nekakve slike ružicih, pa su tak te slike na zidu ostale z tom bojom napravlene. Kasneje sam puno vu to gledel. Ti listovi i ružice su mi ostali duboko v meni. Znate, kad si onak legnete i ne vidite nek to. Kak su dani išli sam pomalo upoznaval dečke, kaj su tu od prije vu onim malim kučicami bili, a i one kaj su isto tak došli vu nove stane. Kak je vreme išlo smo se sve više družili i igrali. Kad bi zlazil van bi mami rekel, da bum tu oko kuće. Če se dogodi da prejdem malo dalše, je i to oko kuće. Smo imali dva dućana, ne baš daleko. Ni jen ni bil vu našem naselju nek pokraj. Jen je bil na Koloniji, a drugi na Ravnicami. Se sečam kak su deca, čim bi nekaj dinarih dobili, jurili vu te dućane po bombone. Najviše se kupovalo 505 sa crtom ili oni kaj zgledaju kak maline crveni. Posebni su bili svileni, al njih bi kupovali oni kaj su više novcih imali. Su se bomboni prodavali na komade za nas glavne kupce, klinčadiju. Se tu i tam dogodilo da bi neko sreće imal i našel koji dinar. Takav je mam bežal vu dućan po bombone. Za njim bi i mi svi, jer to je bil događaj. Jemput se i meni tak dogodilo. Bil je lepi sunčani letni dan, čini mi se 51. Na prašnjavi cesti pred zgradom sam videl 20 dinari. Lepi crveni. Nis veroval. Bil sam sam i nigdo me ni nagovarjal, da bežimo vu dućana. Se sagnem i zemem to. Kak sam sreten bil! Odjuril sam doma mami pokazati kaj sam našel. Nekak me niš ni vleklo vu dućana, kaj sam osećal da bi bil najsretniji kaj bi mama rekla: 'Bracek ajde si odi kupi bombone za to.' . Bi mamek sigurno napravila kaj je dobro. Su mi novci bili nekak velki, kaj su deca obično imali smeđi dinar z partizanovom slikom. Nis ni znal kaj bi za ovu crvendaču dobiti mogel. Dojdem doma i ravno k mami i sav sretan joj velim: 'Mama gleč kaj sam našel vani.'. Mama pogleda i pita: 'Od kud ti to Braco?'. Pa sam joj rekel, kaj ni čula i ponovim: 'Vani', i dodam 'Na cesti.'. ' Te lepo pitam gde.', joj to ni zgledalo kak moguće valda. Sad meni već nekaj ni bilo jasno. Deca bi vani sva sretna bila, a mamek se počela ljutiti. Kaj novci valda ne vrediju. Kaj si to mamek misli. A nis joj mogel reč kaj ni, pa sam ostal na onom kaj je, da sam ih našel na cesti. Sad dojde ono kaj celi život pamtim i kaj mi nekakvog puta zacrtalo. 'Nosi to tam gde si uzel!'. Sam pogledal mamek. Mi jasno bilo, da to kaj sam napravil ni dobro. Ni mi bilo jasno kaj to ni dobro moglo bit, kaj su novci ležali sami na cesti. Jedino mi zgledalo da ih morti nis ni dignuti trebal. Sam dugo vu životu na to se v mislima vračal. Kak prvo, ni lako reč da mamek ni v redu. Kak drugo, kaj je mamek mislila. Je to tak strogo rekla kaj da sam novce fkral. Ni moje bilo, da ja sad nekakvi sud donesem. Sam ipak ja mali bracek. Sam bil svestan tog, da sam klinac. Ja sam lepo te novce odnesel natrag na cestu i vu prašinu ih del. Tak je opet sve v redu bilo. Jel kaj mamek gledala il me pratila, nis probal ni mislit. Samo sam napravil kaj sam trebal. Velka je to stvar bila. Kak starejši sam puno put tak se vračal na to. Znalo se dogodit da vidim novce i ih pustim tam gde su. Malo me bolelo kaj sam znal kasneje mislit da mi mamek ni verovala, a morti i je. Ipak na kraju sam razmel, da nikaj ni vredno, kak onaj mir, kaj sam ga imal, gda sam novce vu prašinu vrnul. Lagat i varat nis znal i fala Bogu za to. Prijateli dragi sam Vam opet dal jen del sebe. Če jesam po Gospodu, naj sve bu tu tak kak je. Pa to je svet po Njemu i Njemu. Podario nam je ljubav i veru po ćemu i nas sebi zove za življenja i posle, a i prije. Sve Vas volim i naj bu sve tak kak Njegva vola je Vaš Mladen |
Kak tatek ni na Sleme štel iti
- 14:12 -
Komentari (10) -
Isprintaj -
#
|
Kišni proletni dan. Dan kaj sam ga čekal od čera. Su tatek i mamek čera pripovedali, da bi tatek išel novoga stana gledati. Je pri železnici stana dobil. 'Kaj si buš zel braceka?', je mamek pitala. Se sečam da je malo razmislil i rekel da bi mogel. Isusek, kak sam se ja razveselil, onak vu sebi. Bumo mi dečki stana išli gledati. Je sekica još dost mala bila i je ni za voditi bilo. Je tatek nekak vu brigi bil, da nas kiša ne vlovi. Je padati prestala. Meni je pa svejeno bilo, kaj mi je važno samo da prejdemo. Je tatek ambrelu zel i se išlo. Če bu trebalo, se bumo obadva pod nju skrili. Smo nas dva prešli od doma. Z našeg Trnja z Budmanijeve smo prešli prek Radničke, pa zmigoljili po nekom puteku med kući, kaj ga danas već ni, pa kraj klaonice, pa po Hajnclovoj prek štreke, pa na desno po crnomu putu kraj Kušlanove, pa mimo Svetic, kroz Koloniju, ravno vu Maksimirsko naselje. Se sečam kak sam tateka pital kaj je to klaonica, gda smo pri nje bili. Je on ne imal baš volje o tom pripovedati, al ga nis pustil dok mi ni samo spomenul, da se tu koleju životinje. Me z tim zapraf preplašil, kaj nis mogel zmisliti, da bi se to tak za praf delalo. Kak smo po crnom putu hodili i pripovedali, sam pogledal na levo. Sam videl kak je Sleme čist blizu. Su mamek i tatek znali pripovedati kak su na Sleme išli svi skup, dečki i cure. Je to bilo nekaj jako važnoga v njihovu životu. Sad sam videl, da je čist blizu i mam sam pomislil tateku predložiti nekaj još bolše nek stana gledeti, a stana bi mogli potle. 'Tata, idemo na Sleme.'. Me tatek onak čudno pogledal i se nasmijal. 'Kaj je tebi braco, pa je Sleme daleko.' Sad ja nis niš razmel. Mi je tatek znal pripovedati, da postoji samo ono kaj vidimo i da ni vredu verovati vu nekaj kaj se videti nemre. Je to bil materijalizem, kak se pripovedalo. Je tatek moj vu pravu bil i svim je ljudima dobro štel. A zakaj mi sad pripoveda, da ni to to kaj vidim. Sam rekel: 'Pa vidim da je Sleme tu blizu.' Razmel je na kaj ciljam i je tu sad bil problem. Se ne vidi da je Sleme daleko, a je daleko. Kak dedetu reči, da to kaj se ne vidi, da je tak. Za nekakve fizike pripovedati, dečecu od pet let, ni mesta. Meni pak ni jasno kaj on neće na Sleme kad je tak blizu, a je prije pripovedal kak je to velki događaj, kaj je on z dečkima i curama tam išel. Sad bi još bole bilo, kaj bi nas dva to napravili. 'Ma idemo.', navaljivam ja. 'To ti se samo pričinavle.', je tatek uveraval. Me ni mogel razuveriti, kaj sam bil dobro navčen, da je pravo to kaj se vidi. Ne popuščam, a se ni on neda. Sam počel, ne slušati ga. Je tak naišel jen striček i onak z strane veli: 'Kaj dečec neće slušati tateka?'. Tatek veli njemu, kak bi ja na Sleme štel iti. I taj se striček isto čudi i veli: 'Pa, je Sleme daleko.'. Sad sem pak počel razmišlati kak tatek ni baš vu pravu, kaj veli da je samo ono kaj se vidi. Sam moral popustiti, al je, kak i puno put, ostalo nekaj kaj treba još nafčiti. Tatek nekaj ni dobro rekel; il jeno il drugo. Vu naselju su bile nekakve male hiže. Saka je imela po šest vratih z samo jene strane. Med njimi je bilo nekaj velkih zgradi, kaj su čak i jenoga kata imale. Jenu je tatek posebno gledel. Je rekel: 'Tu je to.' 'Viš tu gore na katu bumo stanovali.' Mi to nekak čudno bilo, kaj tatek hoće ziti z onak dobroga i gotovoga stana, med ove cigle. Ni vratih ni bilo. Me gor po štengi otpravil, kaj sam moral paziti da se ne zokrenem z štengi, kaj gelendera ni bilo. Sam gor išel čvrsto uz zid. Je mi samo važno bilo, da štenge zdržiju. Vu stanu su same cigle bile. Prozori su samo bili kak rupe med cigli, a vrata tak malo veće rupe, da se kroz njih more vu stana zajti. Je veter puhal, kaj je vreme z oblaki bilo, kroz sve prostore vu stanu. Meni se taj stan niš ni svidel. Je, kak su pripovedali, sigurno da bumo se sim preselili. Ni tu tateka baš nis razmel. Mi deca sve nakak drukče gledimo. Smo doma došli. Nis baš nekaj dobre vole bil. Smo na Sleme iti mogli, a nismo, da bi one cigle gledeli. Još sam i videl, kak tatek koji put pripoveda, kaj ni tak. Sam nekak razmel da sve treba razmišlati. Morti ni tak kak se veli, jer i oni koje volite morti nekaj krivo vidiju. I kaj najvažnejše, zgledi da ima i nekaj kaj se videti nemre il bar drugače zgledi. Je bilo to leto 49. Tog leta smo se, tam negde, na jesen i preselili. Je stan onda već bolje zgledel. Znutra ni već cigli bilo, al vanjskih vrat još ni bilo. Se sečam kak su mamek i tatek prek noći svega nametali tam di su vrata biti trebala, da negdo ne dojde dok spimo. Smo vu našega stana došli nekaj prije nek je gotov bil. Je tatek pripovedal kak su vu neke stane došli neki drugi, kaj stana dobili nisu, pa je odlučil da čim prije dojdemo vu njega. Smo nekak sreče imeli, kaj je još prazen bil. Tak je počelo novo poglavlje mog života, al se bum na ovaj minuli del još puno put vrnul. I tak je bracek rasel i raste još navek, kaj sad je već i dedek. Je vu njemu puno slikic iz prošlih vremen kaj bum vam ih malo po malo pokazival. Svi mi smo tak z vremenom nastali. Vas sve pozdravla i voli Vaš Mladen |
Moja prva kuplena igračka
- 17:23 -
Komentari (17) -
Isprintaj -
#
|
Su to bila ona, da tak velim, davna vremena, negde 48. leta vu minulom stoletju. Je sve još bilo nekak friško po ratu. Puno toga ni bilo. Auto tu i tam po koji, kaj je kak čudo za puno ljudi bilo. Ja sam polako rasel. Sam se zanimal z onim čega je bilo. Bi se reklo nikaj, al ni baš tak bilo. Sam si interesa sam moral zmislit. Sve je nekak moglo biti zanimlivo. Tu bi štel povedati o igračkami. Danas se milsi kak za decu treba nabaviti igračke. Se nakupova brdo toga i dene u ograđeni vrtić, da se dete igrati more. Dete pak u te gomile premeće i hiće svakaj z jenog kuta vu drugi. Si zamislite da vas neko dene vu zapretu sobu, a nutra vam natrpa svega raznih boja i oblika, a vi navali. Nebi znalki kaj prvo vloviti. Si nebi trebali niš zmišlati, kaj skoro sve je tu. Vite tak se dete nafći hitati. Nafči se i da svega ima. To mu onda postane normalno. Vu ona vremena je drukše bilo. Morti ne svima, al pri meni igračkih zapraf ni bilo. Je mi od pokojne sekice ostala jedna beba. Ju je mamek sama zašila od krpih. Nacrtali su joj oči i usta, pa i vuha. Se sekica z njom igrala. Sam ja z njom navek bil i od nje se učil svemu. Postal sam kak upijač. I govoriti sam počel kak sam od nje čul. Sam tak pripovedal vu početku kak curica. Mi to ostalo još dugo kak sekice već ni bilo. Su mi mamek i tatek znali povedati: 'Bracek pa ti si dečec. Se ne veli tak nek ovak....'. Skor zabadaf. Sekica je vu meni još dugo ostala. Se već beba dost pocufala i su mamek i tatek odlučili braceku novu igračku kupiti. Nekak je najvažnejšije bilo da to mora biti prava igračka za dečece. Je tam mamek jednoga dana z menom prešla vu dućana gde igračkih ima. Se ne sečam di je to bilo, al da je bil nekavi mali dućan znam. Je nutra bil jedan striček kojega je mama pitala da bi štela kupiti nekakvu igraču za maloga. Me striček važno pogledal i rekel: 'Imam nekaj za njega.' Pokazal je na stelaži drvene igrače gde su bili neki traktoti i nekakvi radii. Me traktot (sam ja tak rekel za traktor) ni zanimal. Nis praf znal za kaj je to. Vidim kotače ima, velke i male, al radio.. Sam odmah kapitulirjal. Radio i nikaj drugo me ne zanima. Mam sam počel mami pripovedati da hoču radi. Mamek nekak ni bila sretna z tim kaj sam počel mrmlati i zanovetati. Je rekla stričeku da joj pokaže taj radio. Je to bila, kak je ona rekla samo pofarbana drvena kocka. Meni pa ne. Je to radio i mja bi to štel imati. Vu ono vreme su neki radio već imali. Mi ga doma još nismo, al sam ja već znal kaj to je. Si zamislite da bi imel radia prije nek mamek i tatek. Mamek si ni dala zbuniti. Da bu peneze dala za jenu drvenu kocku, pa ni nora. Sam videl na koji mlin voda ide. Nis se predal. Sam zanovetal i nis mameku mira dal. 'Neću traktota!', sam protestiral. Sad je mamek već problema imala. Ni bilo mesta za po riti. Kaj bu striček rekel, a ja sam videl da je vu tomu moj adut. Ona je stvar vu ruke zel striček. Je počel povedati meni kak se moram lepo z mamo ponašati, da moram biti dober i sve tak. I tak su svi bili za traktota. Sam tak dobil svoju prvu kuplenu igračku. Je to bil traktot, kaj ga dugo nis ni pipnul. Je vreme prolazilo. Tu i tam bi mi kakvi mprijatel došel, kaj niš ni imel proti traktotu. Sam pustil da se z njimi igra. Bi mu ga najrajše i dal. Je tak malo po malo, pa sem i ja počel ga rivati po sobi. Je bil mali. Za dve šake ga bilo. I tak jemput me vidli mamek i tatek i čujem kak veliju: 'Se bracek igra z traktorom.' Sam štel vu zemlu propasti. Je mi sav moj ponos z tim nestal. I sam pak nekaj nafčil. More čovek svega mislit, al sve nekak po malo menja. Bi mogel ostat pri svome, al kaj mi vredi. Bi denes rekel da bi bil karakter, al zakaj, kad čovek vidi da to kaj sam mislil ni baš tak. Sam kakti nekaj nafčil i se promenil. Pa ni to da nis karakter. Mi tak jemput jeden poznati rekel već ovakom dost starom, da je pri meni dobro kaj sam učljiv tip. A kaj da na to velim. Se samo onak nasmijem. Štel bi reč kak čovek navek nekaj novoga nafči i se polako menja. Al ima nekaj kaj ni tak lako ni razmeti a de menjati. Tak je puno lepih stvari, kaj nam delaju ono fino kaj nam bu baš ono kaj nam kakti treba. Se sve to nekak naslanja na to da gledamo samo kak nam bu dobro sad i tu. Štel bi vas sad nekaj pitati. Zamislite da vam neko hoće dati jednu od dve stvari. Onak zabadaf. Vam vel: 'Zemite si novi auto il kilu i pol črešnji.' Kaj si bi zeli? Da nebi me još sprepitavali vam trebam reči, da su črešnje friške i ne prezrele nit črvljive. Da ne bilo predugačko se bum zastavil tu. Vas sve puno pozdravla i voli, bez razlike kaj bute gor zbrali, vaš Mladen |
Kak čovek zmotan biti more
- 16:07 -
Komentari (7) -
Isprintaj -
#
|
Si razmišlam o svemu kaj tu na bloga mečem i mi zgleda kak da su sve to neke slikice kaj ih vu sebi imam. Su te slikice nastale vu nekom vremenu gda sem mlađi bil i su se nakek po malo i menjale. To je kaj ih pomalo gledam iz nekak drukše situacije. Sam starejši i nekaj sam kakti nafčil. Se čovek po malo menja, tu ni tam na dobro, a tu i tam nekak prejde i na nekaj gdi se srdi i kak da bi štel nekam drugde prejti. Bi rekel da čovek baš i ne razme kaj se do oko njega dogaja. I tak po malo premećem po slikami i svega vidim. Mi neke stvari tak lepo zgledaju, da bi mogel nekaj lepoga spripovedati. Nekak nis siguran kaj je bilo prije, a kaj posle pri nekim slikami. Pa sem onda sam sebi rekel. Če nemrem baš sve porihtati kak je negdar bilo, bum pripovedal kak mi koja slikica 'pod ruku' dojde. Pa bu bilo i toga kaj se morti pripetilo i čera il tu negdi. Kak vremena ideju, a već sam videl da vremena nemreju ili, al se to tak veli, se polako nekaj i menja. Tak to mi živi vidimo. A se pitam gdo bi drugi i mogel, kaj bi oči trebal imeti. Kaj zapraf je videti moči. To je kak da svetlo z bojami vu oko zajde, pak se nekakvi živci zdrmaju z strujo. Veliju da je taka, da ni opasno, kaj bi nas zdrmala. Sve to nekak dojde do naše pameti. To kak struja, zanimlivo! Su te struje vu glavi i to je nami kak slika na kraju. Velimo da vidimo. Ak se ztim složimo je vu redu. Ri meni kak i pri vami, kaj ne. Pa moremo onda o tomu pripovedati kak da je to stvarno to kaj smo videli. Tu i tam negdo ima živca kaj malo šteka il mu ta struja vu glavi ni baš dobro sela. A je i velko kaj sve to novo dojde med ono staro vu glavi. Saki tak slične stvari drukše kakti vidi. Bi Vam sad štel reči kak z tim vremenom kaj 'prejde' se tak promeni da sve više nekak ne pospremle te struje kak treba. I ne samo to, jel negdo nekaj dene na vrh kak važnejše, a nekaj hiti van. Baš ne skroz, al tak da ga skor kak ni. Se tak meni pripetilo jučer sega. Sem juti došel vu školu deci o gou pripovedati. Sam se z učitelicamo lepo dogovoril gda gde trebam biti. Mi lepo pisalo 10:40 vu 3.a, vu 11:30 vu 3.b, a vu 12:25 vu 3.c. Sam lepo doma do dućana otišel i kupil kaj Vekiju i meni treba. Sam polako z vrečicami vu školu išel. Pol vure polako mi čist fino bilo da si malo vu glavi porazmestim stvari. Dojdem tak vu školu 'na vreme' i praf vu malu zbornicu. Još ni zvonelo za nižje razrede, al je tam učitelica 3.b bila i me onak, kaj sam još na vrati bil, pita: 'Pa di ste vi, kaj vas ni bilo?' Sam si odmah pomislil da sam paknek zfuflal. Mi se to sve više zna pripetiti. Velim da sam morti krivo zapisal i pokažem papira di to piše. Gleda ona i nekak joj ni jasno zakaj sam to ja napisal. Meni još manje. Kam sad da ide vu koji razred? Je rekla da bu pozvala kolegice iz ona ostala dva razreda. Kad je odzvonelo su i one došle. Pogledaju papira i niš im ni jasno. Pa sem valda ja pisal onak bez veze. Veli jena od njih da su to vremena kad završavaju satovi. Sad mi tek niš ni bilo jasno. Neznam za praf kad počneju, a još manjše kad je konec. Vidiju one da je to ipak strejša osoba i iz poštovanja o tome se više ne pripoveda, već kak bu se narihtalo da se sve napravi. Nemreju se dogovoriti. Sve bi nekak zišlo, al jena ima veronauka, a nemre putit kaj se radi o veroučitelici. Zakaj bi ja imal neku prednost, a sam samo kakti vanjski suradnik. Nebi ni ja štel da se tu nekaj menja. Na kraju sam rekel dobroga rešenja. 'Bum ja došel vu četvrtak vjutro, da bi deci vu jenom od ova tri razreda pripovedal'. Je ipak sve zišlo na dobro. Pa navek tak i bu, samo se tu i tam čovek treba z tim pomirit. I tak sam bil z malima u dva od tri treča razreda vu ovoj školi. Sam sad malo više vremena imal nek kaj sem mislim prije. Sam otiše vunuku videti. Je usput do škole, kam sam vu popdnevnog turnusa iti trebal. NI tu ni bilo baš sve najbolše, kaj je Leonica spala. Sam se z kčerko malo pospominjal i idem dalje vu onu drugu školu. Sam tu treba iti vu 3.c. Dojdem ja tam i vidim kak na hodniku pedagogica pripoveda z dve ženske. Se lepo stanem sastrane da im ne smetam, al nemrem bit nevidljiv. Pa me pedagogica primetila. Mi je već prije jena od one dve prišla i počela se zmeno spominjati. Pita me: 'Kak ide?', a ja odmah: 'Ste vi morti učitelica od 3.c'. Sam i tu nekaj spremetal. Je to bila psihologica z kojo sam se pred neki dan upoznal. Si mislim: 'Je bole niš ne pripovedati.' Se ona samo nasijala i sam onda kakti se setil i velim: 'Joj pardon, tajnica!' I onda sam se štel za jezika vgriznuli. MiI pride pedagogica, kaj se pozdravcila z ono trećo gospođo, a su sve s meno uz osmeh, a ja kaj slon su slaklenom vrtu. 'Dobar dan, a kaj ste vi došli?', me pita. 'Pa, mi je ostal još 3.c.', lepo velim. 'Su oni ujutro bili.' Si lepo razmišlam. Ne vredi sad puno se srdit na sebe. Ni koristi od toga. Sam ipak reagiral z malo emocija i rekel: 'Kam se rivam delati nekaj kaj nemrem kvalitetno napraviti.' Me pedagogica utešila, kaj je samo temu promenila, da bi vidli kaj napraviti, a tak da ja ostim da to ni niš važno. Sam joj rekel nek deci vu tom razredu veli da dojdeju drugi utorak na rad go-sekcija, a tam bum im sve pokazal. Mi godišnjak ide kraju, pa više nemam puno vremena. I tak to, tu itam, z vremena na vreme ide i nejde. Tak je to kad z strujom se dela. Se morti sprazni kak baterija. Bogek moj, tak sam napravlen. Vas sve puno voli Vaš Mladen P.S. Če ima kakvi greški vu pisanju probajte razmeti kak treba. Nemam vremena ispravlati, kaj mi se već fajn žuri. |
Mi se svakaj vrti po glavi
- 20:25 -
Komentari (18) -
Isprintaj -
#
|
Dragi prijateli me nekaj dni ni bilo. Ste već valda vidli po komentari, da sam se zanimal z deco po školami vu Gorici. Negda sam bil jako sramežliv. Se nis normalno znal hodati će bi mi susreta učitel išel i sam jedva 'Zdravo ' mogel reč. Će bi prema meni išla curica, koja mi se za srčeko zaplela, bi najraše vu zemlu propal. Je ni lako reči zakaj, al su to bili nekak jaki osećaji, a nis znal z njimi na kraja zijti. Vu pubertetu sam dnevnika pisal i ga skrival da ga nigdo ne vidi. Njeno ime nis ni slučajno napisati štel, jel kaj ak negdo ipak to vidi. Ni ni ona znala, nedaj Bogek. Su tak vremena prolazila. Su to i debela leta bila. Sam sve više promečival kak sam nekak drugači nek drugi. Tak su drugi na plesnjake išli, su cure imali, su kak sam čul i bili onak odrasli kak za decu to ni, a ja nikak da postanem odrasli. Se Bogek nekak ni nikaj napravil da bi to bilo tak. A mi zgledi sad, kad gledam kak dost starejši, da nis bil baš za hititi. Sam velkoga etičkoga problema imal. Kak more negdo nekoga imati. Kak bi ja mogel curu imati? Se ni to nekaj kaj se zeme. Za praf, ne zmišlam. Si mislim da bi šteta bilo ne to svima reči. Morti neki mladi čovek istoga problema more imati, pa nek čuje da ni prvi ni jedini. Sam skor 15 let misl na istu curicu, kaj posle je bila i veća. Nigdar joj nis ni naslutit dal kaj se v meni dogaja i mi je jedina bila vu mislima. I gda sam se počel zanimati za budizem, glavu brijal, skor sve dokumente zdrapal, poklonil razne stvari kaj sam imal, pa čak i udarničke značke, sam odlučil. Da bi sve čisto pri meni bilo, da bi u duši zmiren bil, je treba otpreti i onu ladicu gde sam i to skrival. Sam zel olovke i napisal pisma. Dvadeset i sedam let sam imal. Je to moje prvo pismo bilo, kaj se dodirivalo mog lubavnog života. Nisam niš filozofiral. Pa, sam odlučil budista bit i sam znal kaj vu životu vredi i da se treba otpreti i tajne van dati. Tek onda bum mogel graditi svet kak treba vu sebi. Lepo sam sve na papira del, naqpisal da ju volim i da bum je navek volel i otprto rekel nek reče kaj misli. Mi ni lako bilo, a sad kad se setim, je to kak prvi takav korak moj bil i je jako nespretno valda zgledalo. Je lepo odgovorila, al niš konkretno. Sam gledal med redi i ni mi bilo jasno kaj se milsi z odgovorom, pa sam zel i drugoga pisma napisati, pa trećega. Nis niš drugo znal napraviti nek pisma pisati. Bi drugi dečki već svakaj napravili, a l ja nis znal i mislil da ni nije lepo navaljivati. Sam štel samo znati kaj je, da bi sve bilo pri meni čisto. Kad si sad malo promislim i se bolj setim, sam siguran bil da bum vritnjaka dobil. I kakti sam to i čekal. I se zgodilo. Treće je pismo sve razjasnilo i pospremilo tih 15 let tam kam spadaju. Mi je citirala Rabindranta Tagoru o nekakvim vratima i vetrovima, kaj sve pročistiju i propušeju. Sve sam razmel. Sam kak miš zacvilel, pisma zdrapal i v peč ih vrgel. Dnevnika sam prestal pisati. Go mi je bil i ostal kak glavna igra. Radakrišnanovu konparativnu sam pročital tak da je na kraju zišlo da je više mojih komentara bilo po rubovima skor nek pisčevog teksta. Sam sve to malo kasnije jednom poznaniku zanavek dal. Se mi tek posle dogodilo prvo fizičko lubavno iskustvo z jednom koju sam kasneje upoznal, kaj oni veštiji seks zoveju. Mi je rekla da sam ju neugodno iznenadil, a je ona me navlekla. Zapraf druge reakcije nis ni očekival. Sam se posle još neko vreme oko nje trudil, al niš od toga. Niš se ni događalo daljnjih četri lete, po tomu. Sam onda upoznal 'svoju' buduću. Smo hodali tri meseca i već je bila svadba. Je mi odma dala do znanja da niš prije svadbe, a ja zapraf to nis ni očekival. Da sve bude u stilu, skor nismo stigli do mesnog uredu, gde je trebalo potpisati braka, jer nas ni imal ko voziti, a nismo znali kad ide bus. Kaj smo bili vu Zagrebu, a venčanje je dogovoreno vu Sveti Nedeli pri Samoboru. Se tu našel njen poočim, kaj je auta imel i otpelal nas. Kuma ni došla, pa smo pokupili njenu susedu, al je kuma vu zadnji tren tam stigla taxijem. Je tam moja buduća tri put rekla: 'Da'. Se dva put zaletela. I tak su leta išla, deca došla, narasla. Sam brinul, kolko sam znal i mogel. Po dečicu sam u vrtiča i školu hodil, se i igral z njimi. Kad su oni vu puberteta zašli bi radi z njimi razgovaral, al oni baš i nisu pitali. Mi ni praf bilo, kad su kasneje doma dolazili. Se u nekim stvarima nis razmel z njo i sam ispal kak diktator. Su deca tak slobode dobili. Fala Bogu je sve dobro zišlo. Je malih problemih bilo, kaj to pod normalno ide. Žene nis ni jedmput prevaril, kaj se pod tim razme. I gda je još mali Vedran ostal pri nami i trinaest let bil, ona više ni mogla zdurati. Došle su depresije. Ni štela z meno razgovarat. Je odlazila psihijatrici, pa čak i na Rebro na lečenje. Mene niko niš ni pital. Gda sam tam znal dojti, je ona bila na nekim druženjima, gde nis smel ja nutra. Su nekakvog programa tam imali, kaj valda 'mi normalni' nesmemo znat ni videt. Bi im valda smetali. Tak ni štela ni doma iti za vikenda, kad bi svi išli. Mi krivo bilo, al ak je tak, kaj ja tu morem. Su mi na kraju njen doktor rekli, da bi moral svoju igricu ostaviti. Nigdo mene niš ni praf pital. Je to kak presuda bila. Bogek moj mi go z glave zijti nemre. Je došla doma i sve je zgledalo kak prije. Onaj dio za odrasle nam ni išel. Je bilo sve nekak kaj nekaj čemu ni mesta. 'Nis raspoložena'. Je to v redu, kaj morti vremena treba. Je tak brzo jenoga dana prešla i se ni vrnula. Sam v brigi bil . Na mobitela je nis mogel dobit. Je zvonilo, pa je neko tam pri nje prekinul. Sam mislil da je razbojnik zel mobitela. Sam policiju zval, al su mi rekli da im ponovo javim če se joj traga ne najde il doma ne dojde. Sam mislil da sam mulec, al i to da bolje da sam mulec, nek da joj se kaj dogodi. Kasno navečer se ipak javila na mobitel, al je rekla da bu valda došla sutra ili koji dan. Se čulo z druge strane kak čaše zveckaju. Je v birtiji negde bila i je neki muški glas onak odrezal: 'Prekini već jednom'. Isusek, koji sam ja mulec! Je došla za tri dani doma. Prespala vu sobi drugoj, kaj da sam ja zaražen. Je vjutro pak pobegla, tam nekam. Je posle znala dojti gda me doma ni bilo i po malo nositi stvari. Su deca dost znala, kaj ja nis. Jemput sam ju na štenge srel, nakon tri meseci, kaj je odlazila. Mi onak rekla na kratko, da ona je slobodna i da ničiji rob nije. Nis je razmel i sam mislil, da sem valda zločest, kaj ni sam ne razmem. Znate, ljudi o sebi obično dobro misliju, makar to i nisu. Je valda i pri meni tak. Se pokrenulo, kaj je ona štela pri socijalni skrbi posredovanje i su dali dokumenta za rastavu. Je trebal sud biti, al to košta. Valda ni penez imala, pa je po detetu mi poslala da ja predam. Meni papiri niš ne značiju i sam ih metnul na stalažu. Su sad zatrpani z drugimi papiri. Je pobegla i još da plaćam. Sam bedak, al tak velki nis. Jedino mi žal kaj je Vedran bez mame ostal. Su mi deca rekla da njena ljubav ne dozvoljava da z njom deca buju. Je na to pristala. Vite kaj ljubav dela! Su još dva leta prošla i me pak na socijalnu skrb zoveju. Je neko pokrenul pak to isto. Sam ja kakti krivec valda. Mi prvi put službenica veli, da bi moral na sebe paziti i morti z njo razgovarati, jel da ona (službenica) puno takih zna, kaj celoga života nisu sebi od toga došli. Mi se valda bu nekaj grdoga dogodilo. Vu sredu pak moram tam dojti. Kakve muke z ti papiri. Kaj mene i Vekija na miru ne pustiju. Mi prijateli pripovedaju, da bum ju i isplatit trebal. Neznam z čim i otkud. Bum valda stana prodati trebal, kaj ga još ni pol otplatil nisam. Vite kaj ljubav dela! Se samo pitam, kaj sam to ne dobro napravil. Morti ja voleti neznam. Neki su mi rekli, da nis na pravu naišel. Svakaj sam pametnoga čul, al sam Bogeka molil da mi puta da. Su skor tri leta prošla kaj sam to Njega prosil i sve lepše vidim. Ni ona kriva. Puta je tražila i ni ga najti znala. Sad je valda sve v redu. Ja sam i dalje z decom kaj goa igramo. Sad imam i Vas prijatele drage. Mi je baš lepo z Vami. Ste mi kak familija kojima sve velim. Deca pri vami nebi štel tajni imati. Ak zbog toga nadrapam. Niš strašno nebu. Sam se već nafčil. Če me negdo pri sudu, za ovo kaj sam napisal, na red zeme, naj bu kaj bu. Bogeka zgrešil nis, kaj sam napisal praf tak kak je to pri meni. Morti ja stvarno neznam voleti, al to kaj je pri meni, bi rekel, da Vas sve voli Vaš Mladen, a i njoj želim sve dobro i naj ostanem robovlasnik vu njenim mislima. Je ni dobro stalno mišlenja menjati, a taj makar njenu decu ne želi videti, je vlada z njom OK. Sve su to kak filmi. Svaki svoga filma vrti. Skor navek su to dva različita filma. I još jemput, sve Vas voli i pozdravla Vaš Mladen Volite se ljudi. Kaj ima kaj vrednejše? Ma ne mislim na seksa. |