Hotel Granata

Poglečte kaj velim, prijateli moji,
je dragi bokci to Vam tak stoji.
Semu živlejnu dojde jemput kraj,
negdo pojde v pakel, a negdo vu raj.

Zmislim se sega kak včera je bilo,
japek me dragi mam posel vu krilo.
Povedal je da kad bil je mlad,
vu našem je kraju dohajala glad.

Za pajceka svoga on ni mi štel reći
s prijatelim svoji kak počel ga peči.
Kak sakem živlejnu dojde jemput kraj,
naš dragi pajcek otišel je v raj.

A žnjim vu šumi je šetati znal,
susedove šlive uz plot je on kral.
Namesto da v šumi pozoblje jen žir
pod hrastem se legnul i našel svoj mir.

Japek je pajceka nad ognjem okretal,
pesa je vritnul kaj samo je smetal.
Jezik je pajceku vun bil povlečen,
vrnul ga je nutra, ni bil dosti pečen.

I tak pri ognju mam bilo mu fino
z prijateli v glažek natakal je vino.
Od vinčeka trbuh je postal otečen
ni mogel ga jesti, kad bil je on pečen.

I tak po pravici i navadi stvari,
znal bi mi reči kak učitel stari.
"Dragi moj sinek sad vinčeko nečem,
dok pajcek na vatri, ne bu ves pečen".

Nemrem si zmislit da ne bum kak Japa.
Kad vinčeko pijem i vragec me hapa.
Morti praf pajcek mora bit pečen,
će hoćem da trbuh mi ne bu otečen.


Trpimir Burić - Goranski