subota, 27.09.2014.

… špelancije.. zafrkancije.. špancirancije …..



A v tem današnjem muzeju Mimari su v vreme gda sam ja plandral po mojem lepom Zagrebu bile dve gimnazije.. Pa je z one strane v Klaičevi bila takaj jena gimnazija..a v onem delu z vulice Kršnjavega je bila osmoljetka.. Pa je denes takaj osmoljetka..a i ona gimnazija z Klaičeve.. Jedin su ove dve gimnazije hitili van kaj bi onem lopovu Mimari naredili mesta za te falsifikate.. A su to bile četvrta i peta gimnazija.. dve kakti najbolše i naj vrednejše srednje škole v Zagrebu.. Zapraf su to bile ..se reklo.. najzahtevnije.. škole..kaj bi z njih mam mogel na fakulteta prejti.. A z oneh vsih drugih si moral prvo nastavit višlju školu.. Pa je to onda bilo fest komplicirano.. Ali su zato oni kaj bi te škole završili bili fest spametni ljudi.. No.. kak nam v Horvackoj nigdar ni trebalo spametnih ..su te gimnazije zaprli.. đake preselili po drugih školah.. i evo.. zdaj zato imamo jen muzej viška ….
Narafski..su tu ogromnu hižu začeli za skupe peneze obnavlati i prepravlati.. a je oni Mimara još onda bil žif pa je taj stari plesnivec komandiral kak bi kaj trebalo biti… A je to Grad Zagreb plačal.. I je muzej bil konačno gotof.. su nutar nametali teg drobinja.. stekla.. kamenja.. ilovače.. i kaj ti ja znam od čega vse napravlene zdjele.. vaze.. lojnce i rajngle.. kipove… A to je vse oni Mimara kakti poklonil svojem Zagrebu.. Lepo od nejga.. Su ga falili na sva zvonca i mu se klajnali do poda.. a tu nejgovu..se reče.. zbirku umjetnina proglasili neprocenivom vrednotom..
I je ti Mimara otišel Bogu po račun.. pa su nejgovi nasledniki zahtjevali da im se to vse vrne nazaj.. I sud je dugo trajal..pa je na koncu ipak vse to ostalo v Zagrebu…
Jenog dana se nekakšni spametni kaj se razme v umjetnine setil da bi ipak trebalo izpitati te vrednode i nijhovo poreklo.. I tak.. mic po mic .. se doznalo da velki del tega ne vredi ništ..kaj su vse to falsifikati… Pa tak to vse do denes stoji i nigdo to več ne gledi… A Zagreb je ostal bez dve vredne gimnazije kaj su i v Evropi bile priznate …..
I tak je ta palača i dalše Mimara.. kaj bi bila sramota da se to zdaj menja.. A da je ta velka hiža zapraf bila napravlena kakti Avstrougarska kasarna to malo Zagrepčancof zna ………..




I v ono vreme gda su tu bile gimnazije je bil park.. dreva grmlje..trava.. Pa ni bilo tolko cvetja kak je denes.. A i asfalt okol je bil pohabani a one dve steze su bile samo pošodrane.. Si moreš zamislit da je v te dve gimnazije vse skup vjutro i popoldan bilo prek četristo đakof.. Pa su se vsi skuplali pred školom pred početka .. pa i za vreme oneg velkog odmora.. I tak je vse naokol bilo puno smetja kaj bi to bacali đaki.. I kaj bi vredilo kaj bi to smetlari počistili gda je za dve vure bilo ponovno isto.. Pa su zbog tega napravili..se reklo dežurstva spredi škole.. su to bili nastavniki i profesori kaj su bilježili gdo bi bacil smetja.. I su krifci bili kažnjeni ..opomenom.. ukorom.. a su i morali posle škole ostati čistiti.. Pa to ni dugo trajalo.. Su jenog dana navčer po kmici fakini pošteno izlupali direktora i još par profesora.. i dežurstva več ni bilo.. Je to bila okol tega cela afera kaj su bile pune cajtunge… Je ispalo da su ti kaj su mlatili profesore bili sinovi baš visokih politikantof……….
Su na muzeju vsi obloki prefarbani tak da nemre nutra sunce sijat..da nebi umjetnine apšisale.. A tu spredi muzeja je zdaj vse puno lepog cvetja..a negda je to bila samo trava i jen ogromni grm.. Pa neznam kakšna su to vse dreva kaj tu rasteju.. ali znam da su tu od navek.. Jedin su negda ovi grmi okol bili fest vekši.. I v to vreme ni bilo baš dobro tu prejti.. je vse smrdelo po pišalini kaj su tu išli đaki scati.. narafski … mužki …

A je bilo poznato v našem gradu da su v te gimnazije išle najlepše zagrebačke puce… Smo mi fakini tu znali dojti..se reklo.. v ribolof.. iskati kašne frajlice.. Pa je tu bilo težko pecati.. su dečki z gimnazije lubomorno čuvali svoje blago.. Smo se ne jemput tu na štengama potukli.. A bila je odostrag na igrališču i jena velka.. se reče.. masovna tučnjava.. Skorom vsi mužki z gimnazije i mi z vanjske strane.. prek sto fakina se tu mlatilo dobru jenu vuru.. Je. negdo zval Miliciju.. i ovi su došli al su samo gledeli i čekali da se svrši.. Kaj je tu bilo razbitih tikvi i frnjokla.. pa šljiva pod očima..zlomlenih ruka i noga.. potrganih rubača.. razbitih zubi.. Ha.. i ja sam fasal svoje… Aaa.. bila je to tarapana za filma snimati .. Su vse cajtunge o tomu škrabale na prvem listu.. Eeee.. bila su to lepa vremena .. bum jemput to zpripovedal..



I kak god je z vulice fest prometno..tu v parku se to baš i ne čuje..čudno.. si sedneš na klupu pod drevo i skoro da ne čuješ saf taj promet.. jedin gda kakšni bedak z aftomobila trubi..
Baš sam se lepo zmestil.. mam pokraj Kumičićevog spomenika.. makar nebum dugo jer se dež navelko sprema ..sam da si malo počinem .... I tak se pomalo sječam oneh libri od teg tu Kumičića… se on zapraf zval Evgenij.. pa su ga posle pisali kak Eugena… Ti je škrabal dobre prave horvacke romane… Je pisal o živlenju tak kak je … a mi je čudno kaj ni napisal ni jenu pjesmu … Ti vrapca.. živet v Zagrebu a da ne naškrabaš ništ o tem… Hmmmmm… ni pošteno… Bum mu rekel………..

……………… Bok …………………….


07:20 | zafrkancija (9) | Print | ^ |

petak, 26.09.2014.

….. stare špealncije ………………

Skoro z dobre stare navade ja sam se spentral na Gornji Grad tam z stare Tkalče.. Mesnička je razkopana pa se treba provlačit pokraj oneh vrednih radnikof.. Pa je da bu to za kratko vreme zgotovleno..al lepše bu to meni videt gda naš gradonačelnik.. oni dotepenec z bregof.. da svoj befel .. I tak se bum samo malo prešpanciral i nazaj dol zišel čez Zakmardijeve štenge.. Pa sam tak prošel pokraj stare Gradcke Skupštine i setil se kak je to tu negda bilo



Bilo je to več davno gda sam ja prvi put došel na službovanje v Gradcku Skupštinu Grada Zagreba kakti Gradcki Zastupnik.. I mam sam se moral prijavit..dati vse podatke gdo sam i kaj sam .. Pita mene ondašnja glavna tajnica.. a bila je to malo stareša.. feš ženska.. se zvala Bernardica… Dakle pita ona mene za ime.. Ja velim.. Onda me pita za prezime.. a ja joj velim svoja obadva prezimena.. Gledi ona mene.. gledi v papir kaj ga ima spredi sebe.. Čujte gospon.. veli ona meni.. al ja tu nemam dost mesta za upisati obadva prezimena.. Je.. a kaj vam ja tu morem.. velim ja njoj.. Dobra je to bila ženska..smo se posle fest lepo slagali.. No.. dobro.. naškraba ona moja dva prezimena jeno prek drugeg i ponovno pita.. Gospon..a kakšnu imate školsku spremu.. Višlju .. velim ja njoj.. Zapiše ona.. pa pita.. I kaj ste zdaj po zanimanju.. A ja kak z topa izvalim … Luftbremzer.. Kaj ste rekli.. čudi se ona.. Ja ponovim .. Luftbremzer … Čudi se ona al šuti i tak napiše na oni papir.. I nakon dva dana skupimo se vsi novi Zastupniki na prvi sjednici v Gradcki Skupštini .. Zdaj glavna tajnica mora pročitati svako ime i prezime i zanimanje pred svima..a vsaki od nas položi prisegu da bu bil kak pravi angelek na svoji dužnosti v Skupštini.. I tak ona čita i prozivle ..pa dojde red i na mene.. Pročita ona ime i obadva prezimena.. i veli …A zanimanje.. Luftbremzer… Da ste vidli urnebesa i cirkusa.. začeli su se Gradcki Zastupniki valjati po stolima od smeha.. A ja ozbilno stojim.. kak da sam na misi za pokojnika.. A glavna tajnica Bernardica sirota nezna kaj se to zdaj spelava.. I onda joj negdo veli o čemu se radi.. Jezušmarija kak je prvo bila jezna..pa se malo posle i ona začela smijati kak sam ja nju nafarbal.. A da je negdo Luftbremzer.. to se reklo za neradnika.. človeka kaj ništ ne dela.. ljenčinu zgubidana i tomu slično … I tak.. to je bila moja prva ..zafrkancija kaj sam ju kakti Gradcki Zastupnik naredil.. Kasnejše sam ja još takšnih bisera zpuštal ..pa su me ženske čist z lubavi nazivale.. zafrkant..a mužki .. zajebant …. A kak sam posle kakti Gradcki Zastupnik bil i matičar kaj je ženil mladence tu v Gradcki Skupštini.. sam ja celu svoju kištru zafrkancije i špelancija izvlekel.. pa sam nazajdne bil proglašen za najbolšeg matičara v Zagrebu …………..

A sama ta Gradcka Skupština Grada Zagreba je na Gornjem Gradu mam na vuglu Markoveg trga i Čirilometodcke vulice.. Stara je to hiža.. fajn puta obnavlana.. dozidavana.. prezidavana.. pa se i svakaj v njoj spelavalo..al najvažnejše je kazat da je tu bilo .. prvo pravo velko Gradcko kazalište.. Makar su se kazalištne prectave i pred tim spelavale po grofofskim palačama.. ovo je tu postalo službeno i javno za vse Zagrepčance.. Negda dok je još to bilo kazališče.. mogle je nutra primit okol stopedeset gledatelja.. Zdaj gda je to skupština.. pol mjesta je manjše radi komoditeta.. Lepa je to palača znutra.. kak se i šika za jeno kazališče.. Vse je to v onem baroku vređeno.. mramorni podi.. kristalni lusteri.. črleni tepihi po štengama.. pozlačene kvake.. brave i gelenderi.. vse puno ukrasa po zidima.. ogromna vrata vse v belo ofarbano.. A dole v prizemlju je velka dvorana v koji se spelavaju vjenčanja .. I tu sam ti ja subotom dolazil kak Gradcki zastupnik i obnašal ta vjenčanja..
Narafski.. vse je to fest svečano.. pa znaš kak to zgledi na svadbama.. tak sam i ja bil navek v črnom svečanom odjelu.. črna rubača.. višnjeve boje mašlek.. pišmevrit .. isti takšni rubac v žepu od kaputa.. a znal sam i kakšnu rojžicu zataknut na kraglu sakoa.. Zmenom bi za svečanim stolom.. spredi kojeg su sedeli mladenci i pozadi njih ostali svati.. sedela i jena matičarka z opčine koja je vodila vse brige okol papira.. Jeee.. ta je bila lepa mlada ženskica .. retko videt.. se zvala Tanja..




No.. bi mladenci ušli čez vrata.. ona muzika svadbena potiho svira.. vsi šutiju.. razmeš.. zdaj je to važna stvar.. Ja te mladence dočekam na vratima.. odpratim ih do nijhovih baroknih fotelja.. pa onda pošlihtam kumove.. v drugi red roditelje..a dalše vse ostale svate.. Ja sam glavni cehmeštar v ti dvorani.. Vsi slušaju kaj ja pripovedam i vređujem.. Pa se vsi smestiju ..još se kakšneg pijanog opomene da čkomi.. Vse skup nutra v dvoranu stane okol sto ljudi..a ostali svati čekaju.. neki na vulici..a neki v velkom holu pokraj dvorane za vjenčanja.. I započnemo.. Prvo moja pomočnica Tanja pozdravi vse svate.. pa izvrši provjeru imena lubavnog para kaj se hoče ženiti..takaj proveri kumove.. i još ih mora pitat dal su tu vsi došli svojom dobrom voljom.. Narafski.. navek vse štima..
Zdaj Tanja predctavi mene kakti Gradckog zastupnika i človeka koji bu izvršil službeno vjenčanje.. A ja ti važno sedim v pravoj carskoj fotelji.. vse nekaj oni rokoko.. i Tanja mi pred gubec približi mikrofon.. Eeee.. zdaj ja začnem čitat litaniju..o tomu kaj je to brak.. zakaj se opče sklapa brak.. pa do tega kolko je brak važan i vredan.. i da se mladi moraju voleti.. poštivati … i tak dalše.. i tak dalše… To je jena jako lepo složena litanija.. da se koji put nekomu i suza znala zpustiti..
A mladenci ti sediju na svojim mestima.. i velkom djelu njih je to vse našpanato.. fest ozbilno.. čuj.. ne ženiju se ljudi vsaki dan.. I tak su oni kak na čavlima.. nekak kak v strahu.. Bila zima al leto.. nutra je v dvorani ugodno..al toplo.. al razhlađeno.. svejeno se vsi mladenci švicaju.. I tak.. skončam ja litaniju.. mam se vidi kak su mladenci odahnuli.. Pa sam ja tu litaniju čital okol deset minut.. polahko i fest razgovetno.. Zapraf sam ja odavno to svoje znal napamet zgovorit..al dok imaš tu zlatnu libru spredi sebe.. onda to zgledi bolše službeno i dobiva na važnosti..
Nakon litanije pozoveš mladence da se potpišeju v onu ogromnu matičnu knjigu.. pa za njima i kumove.. kakti svedoke.. I zdaj na koncu ih pozoveš da si jen drugom čestitaju.. da se zagrliju i zkuševaju.. Pa onda se i kumovi kuševaju.. pa roditelji.. Zapraf nit neznaš gdo komu vse kušlece daje.. Z tim je vjenčanje zgotovleno i lepo vputiš svate da se čez zajdna vrata zvlečeju van z dvorane..jer spredi prednjih vrat več nestrplivo čekaju drugi na vjenčanje..
Ne moram ti kazat da čim se skonča ceremonija nastane veselje galama.. pa spredi vrata gde svati izlaziju navek nekakšni muzikaši zaigraju.. a kak po nekakšnem zakonu mam flaše kružiju naokol z ruke v ruku.. Pa bi tak i do mene i Tanje došel negdo od svatova.. največ pa kumovi al roditeli i bi darivali mene i moju pomočnicu.. Tu bi se pred nami na stolu našlo celo čudo flaša viskija.. kojnaka.. al nekakšne druge fine i skupe pijače.. Pa bi Tanji ostavili po nekolko velkih pušleka rojžica.. negdo od pijanih veseljaka bi nam na stol jenostavno bacil kakšne peneze…. I tak…
Ti darovani penezi bi mam pred svima išli v jenu kasu i ja bi odredil na koncu dana komu ti penezi ideju.. A navek se davalo v..se reče.. humanitarne potrebe .. Ja sam navek štel da penezi otideju za ono dječje sirotište v Nazorovi vulici .. A svu pijaču i cvetje sam navek prepuštal svoji pomočnici Tanji .. koja je nekaj podjelila z vratarem i dvojicom paža koji su reda delali v velkom holu gde se je čekalo na red za vjenčanja.. I nakon tega je z tim poklonima još mogla napunit celi svoj auto.. Jee.. na svadbama se nigdar ni škrtarilo…

A ja sam i na tim vjenčanjima znal bit velki zafrkant i spelavat razne veselice..ali sam znal i hrabrit mladence koji bi se začeli tresti od uzbuđenja kaj su pred takšnom važnom odlukom.. Pa je bilo i mladenki kaj su padale v nesvest.. i tu bi mam utrčaval doktor koji je dežural v jeni sobi na prvem katu.. Pa največ bi za par minut vse bilo v redu..
Jemput se pijani kum spobluval praf pod noge mladenki.. pa je vse stalo dok dežurna čistačica ni počistila.. joj se dobro splatilo.. mam joj je taj kum sto marki v žep porinul.. Koji put se ni znalo gde su vjenčani prsteni.. pa bi i kum i mladenec prevrtali žepe i znojili se od muke.. Samo se jemput desilo da su zbilam pozabili negde al zgubili prstene.. pa je vjenčanje odgođeno za dve vure kasnejše..
A bilo je i skromnih vjenčanja gde bi došli samo mladenci i jen kum.. pa nit nisu imeli prstena.. Za takšne su bili v pripravi prsteni.. se reče.. bižuterija .. kojima su.. onak.. se veli.. simbolično izveli špelanciju razmjene prstena..

Samo bum jenu zgodu opisal.. makar ih je bilo da bi celu libru mogel naškrabat..
Dok su se jeni svati polahko vlekli na zajdna vrata van z svečane dvorane.. drugi bi nestrplivo čekali spred glavnih vrata da ih ja pozovem nutra.. I tak bi ja koji put znal iziti malo pred te mladence..pa bi ih umiril..al bi se malo našalil znjima.. da im bu lakše dok čekaju.. Pa sam jemput pital mladence..Dakle.. došli ste se vjenčati… Daa.. odgovaraju složno mladenci.. A ja pogledim mladog.. taj je bil siromak saf zašvican od uzbuđenja.. I pitam ga ja.. Jesi ti siguran da se želiš oženiti.. A of me je tak naširoko pogledel kak da mu buju oči zcurele.. jenostavno je zanjemil.. A vsi naokol glediju kaj je zdaj.. Al ga je nejgova izabranica tak bubnula pod rebra da je mam došel ksebi.. Narafski da se hoče ženiti..ha ..



No.. ima taj jen doživlaj.. kaj sam štel zpripovedat..
Dakle.. prije neg su zašli v svečanu dvoranu..ja takaj pitam mladence dal se veseliju ženidbi.. Daaaaa.. a kaj bi drugač tu delali.. A ja onak sasvim ozbilno velim mladom..al tak da i oni kaj su blizu čujeju.. .. Čuj dečko.. ak si se predomislil.. imaš pet minut za pobegnut prije neg ja otprem vrata.. I ja se vrnem nazaj v dvoranu da pomognem Tanji prijašnju svadbu zlifrat van.. Razmeš.. vsima njima se žuri da ceremonija kaj prije svrši.. al onda raztegneju čestitanje i kušlece da ih moraš poterati..
Ni prešlo nit tri minute.. lupa negdo na glavna vrata.. A samo se znutra moreju otpreti.. Otprem ja ..a na vratima sva v strahu stareša ženska.. pa mladenka.. i još par njih navali na vrata.. Kaj je bilo ljudi.. pitam ja.. Nestal je mladenac.. veli ženska.. posle se spostavilo da je to mamica.. Kak nestal.. pitam ja .. Nema ga.. pak če ženska.. Vi ste mu rekli da more pobegnut ak se predomisli ..i evo.. nema ga … Uuuuuh .. zdaj se i ja začnem švicat..a i moja pomočnica se križa od čuda.. A mladenka samo ponavla.. Ni to moguče.. Nikako to ni moguče.. I več je nastala potjera za mladencem.. A kak se v prizemlu Gradcke skupštine more okupit i do tristo ljudi.. mam se proširil glas da je mladenec zbrisal.. pa se negdo glasno čudi.. pa je nekomu to smešno.. v glavnom .. loša je .. se reče.. situacija.. Mamica mene drži za ruku i pita kaj da delaju.. Mladenka se vrti v krug.. vidi se da je več zdaj fest nervozna.. kum veli da bu mladom nos razbil gda ga vlovi.. Vglavnom.. nastala je takšna galama da sam ja zabadaf i na mikrofon kričal da se smiriju.. Pa vse to je trajalo jeno pet šest minut..al je zgledelo kak da je cela vječnost.. Najemput se ljudi razmičeju.. i kaj.. Evo ide mladenec.. lepo si popravla kravatlin i pita.. Kaj morti kasnim… Eeeee.. zdaj je pravi urnebes..al od veselja kaj je mladi tu.. I kaj da velim.. vjenčanje je tak lepo uspjelo kak malo koje.. grlili su se ljubili i prije neg sam im dal nalifpero da se potpišeju..
A kaj je bilo malo prije z mladim.. kam je nestal.. Ha.. Je rekel da si je prešel van na vulicu na brzinu povleči par dimova z cigaretlina.. Nutra v hiži ni dozvoljeno raufanje…. Tak..
Bilo je još lepih.. svakakšnih zgoda.. jemput su meni i Tanji darovali celog pečenog odojka.. onak na kolcu su ga jenostavno ostavili na našem stolu…… A kaj.. Ništ.. Pemo dalše ……….

…. Bok …………..





09:49 | zafrkancija (3) | Print | ^ |

četvrtak, 25.09.2014.

Harmica.. navek ….



A na Trgaču je pak kak pod Sigetom.. Vse samo beli čadori.. sam da se još dotepe Sulejman..
Narafski.. sajmište kak v Stambol gradu.. Veliju da su tu denes vse samo Horvacki zdelafki.. Bi ga vrag znal kaj ti je denes nekaj domače ..a kaj ni.. Te lahko zvara gdo kak hoče.. Moreš ti lepo zapakirat datulje z Maroka.. nalepit gor cedulu z Horvackim grbom i naškrabat Made in Šestine.. I blentavi narod kupuje.. zapraf.. bi ja rekel da bolše samo glediju neg kaj peneze trošiju.. Al..kaj.. nekaj se spelava.. ni dosadno.. Pred pol vure je sunčeko tak lepo sijalo.. zdaj su se navlekli težki oblaki.. pak buju znatiželniki bežali gda se voda zlije z neba…….



Ti vrapca.. kak da je oni velki Guliver došel v zemlu Liliputancof.. pa zgubil cipelu …ha .. Eeee.. to su naredili šušteri tam v Borovu.. v Vukovaru.. Pa sam ja dost bil v tem Vukovaru pa nis nigdar srel teg Gulivera…Gdo zna.. morti je kakšni dobežal z Komšiluka.. tam ima svakakšnih spodoba .. Treba fest pazit ….



Ha.. daj si zgruntaj kak bi to zgledelo da ljudi imaju takšne velke noge.. Jezušek.. kak bi to smrdelo gda bi si kakšni Bosanac v trajvanu cipelu zezul … ha .. No.. bežim ja dalše.. nemam ti ja rad to sajmište na Trgaču.. tak to bolše zgledi kak nekakšna Palanka neg kak Horvacka Metropola… Pem si ja spit negde Nesicu od Vanilije.. Bum i dve …Morti sretnem negde pajdaša Sjedog.. pa bumo pak zaružili.. Jedin ak več ni prešel Pod stare krove recitirat poeziju….

Serbus …………….


11:54 | zafrkancija (8) | Print | ^ |

srijeda, 24.09.2014.

VSI TI CAJTI KAJ SU PREŠLI....................


Na dobrem našem starom Gornjem Gradu ima jena takaj stara brtija.. Jee… ste pogodili.. to je birtija "Pod starim krovovima " v Basaričekovoj 9.. Vse skup.. ta brtija tu malo odprta..malo zaprta.. pa spet odprta.. dela okol dvjesto let.. Pa i sama hiža ima prek tristo let..pa tak i zgledi ..



Se sećam kak klinac.. su moji imali prijatele tam v Čirilometodskoj 3. pa smo se posječivali.. I dok su babe klafrale i spremale nekaj za pregristi muški su prešli pod Stare Krovove na špricer.. A kak sam i ja sebe smatral za muškog i ravnopravneg, sam inzistiral da pem i ja. Naravski.. nis ja pil špricera.. al sam uvek dobil čašu himpersafta.. To vam je kasnejše po novem postalo malinovac ..
Bil je nekakšni mršavi stari za šankom.. je imel podrapani lajbek od vune i masnu šiltericu na tikvi.. pa je z velke flaše natočil dva prsta domačeg himpera v čašu i onda našprical soda vodu z sifona. Pa kak sam ja več onda navek bil žedan.. mam sam čašu zdigel na gubec. Pa bi me soda kaj je kipela v čaši.. zašpricala do pol glave. I ak se nisam obrisal ostala mi je glava ljubičasta kak oni indigo papir..
A sama birtija zgledala je tak kak je i bila dok je još kralj Matijaš hodil po svetu. Stari drveni šank je z nutarnje strane bil z letvami podšprajcan.. a drveni stoli i stolci zabiti z svim vrstama čavlov.. Stoli su imeli flekaste črleno bele kockaste stolnjake.. a sve se je tak klimalo i zibalo pa si dobro moral pazit da te daska na stolcu ne ščipne za rit..
V taj pajzlin su dolazili oni keri su si mogli priuštiti špricera ali kakvog ljutog napitka. Kak je purgerija na Gornjem Gradu vglavnom bila sirotinjska, ni bilo velkog prometa. Najveć je bilo gosti v nedelu gda su na misu pri Svetom Marku prihajali i oni z Donjeg Grada. Pa su ženske i deca prešli v cirkvu, a mužki bi se prešli pričestit v brtiju Po stare krove.. A prek tedna su v brtiji sedeli navek isti domači pijanci.. Su lokali i igrali Šnapsa.. al slagali domino..
Na šanku je bil štap na poprek zabijen..kak Jezušof križ.. na kojem su viseli slani pereclini tak trdi da si mogel zube polomit na njima. Valjda su tam viseli od Božića do drugeg Božića.. Je gazda.. nigdar mu nis znal ime.. imel na stalaži na tanjuru i trdo kuhana jajca.. kaj si je gost mogel pojesti gda je spil tri špricera al par rakija… Onak.. gda bi gazda videl da ti baš nekak više nejde špricer.. mam bi pred tebe del mali tanjurek z zljuštenim.. posoljenim i zabiberenim kuhanim jajcem.. Gda si belanjka zgutal..oni žumanjak ti se zalepil negde na putu do želuca.. i kaj.. trebal ti je još jen špricer da to poteraš do kraja v želudec ..
Pa sam ja videl kak to moj tatek i nejgof pajdaš delaju.. sam si i ja poželel jedno jajce.. Vrabec ga dal.. sam se skor zagutil .. Sam videl kak ova dva bedaka fest zineju i samo debelo progutaju to jajce.. A kak meni ni to uspelo.. ja sam ga prežvakal pa mi se zalepil i za nepce i za jezik i začepil požirak ..Se razme.. to je zahtjevalo još jen himpersaft..
……….Pak je onaj taj naš prijatel vmrl i onda više nismo dolazili sim gor. Prošla su leta a ja sam na Gornji Grad dolazil .. kak sam to već opisal negde drugde ..
Birtija Pod starim krovovima je menjala gazde ali je vse slabše delala. Ni bilo nikog gdo bi troška delal. Pa su je zapirali.. pa otpirali.. pa je puno let bila generalno zaprta…
A onda hiladudevectosedamdesetog leta na Gornjem Gradu su snimali najboljši horvacki film v povesti .. "Tko pjeva zlo ne misli". Pak su film snimali v Basaričekovoj 11 v dvorišču i na prvem katu taki z dvorištne strane..
A birtiju su zkoristili.. malo pririhtali i je bila del gde su se isto tak snimale špelancije pri šanku.
I tak je birtija znova postala popularna par let. Su je novi gazde.. nekakšna dva brata znutra obnovili praf onak kak je i v starini zgledala..
A kak je vreme prolazilo.. birtiju su spet vsi pozabili do onih slavnih devedesetih. Si je neki novi gazda zgruntal kak buju zdaj tu dolazili politikanti.. saborski zastupniki …. ali brus… Nisu ti dotepenci i paori znali ništ o starem Zagrebu i našim navadama… a stara brtija je čubila prazna.. Pa su v Stare krovove začeli dolaziti pjesniki.. likovnjaki.. muzikanti i još razni umetnički svet.. pa su se tam družili i zabavlali.. popevali.. recitirali .. Pa je spet bilo jeno vreme zaprto.. Nema nekakšne dobre zarade na tem umetničkom svetu.. Im je gazda vse daval na veresiju.. a gda se komu fajn duga prikupilo.. jenostavno više ni došel..ha … Znutra je pak trebalo vse obnovit od zida..plafona i drvenog poda.. Vse je sprhnulo.. Gor na prvem katu..ha.. drugeg nit nema.. živi stara ženska.. vlasnica te hiže.. Ona nema peneze za to vredit..pa nit za ostali del hiže.. tam z dvorištne strane je vse od dreva naređeno..pa je to strunulo i postalo čak opasno da se vse zronda na hrpu.. I tak ti zdaj vsaki čas negdo drugi dole tu staru brtiju zeme v zakup.. pa malo nekaj pokrpa.. pa se onda tu nekaj spelava.. I dalše se tu skuplaju razni umetniki.. književniki.. pjesniki.. a nafčer gda vsi več spiju tu ti dojdeju nekakšni đezisti muzicirat.. Nutra se i dalše more za starim šankom nekaj spiti.. mi se čini i da ima nekaj za v požirak porinut.. a to nisu jajca.. kak se v pravi brtiji i spada.. Čul sam da su cjene dobre kaj se dotikavle plitkoga žepa.. A na vratima piše da je sadašnji zakupac te brtije.. nebuš veroval.. Grincajg d.o.o. to je nekakšno poduzeče za ugostitelstvo.. Ja tu navek projdem ranejše vjutro gda je još zaprto..
……… A sama ta stara hiža nema još razrješeno pitanje gdo je pravi vlasnik.. Stara ženska kaj gore živi trdi da je ona.. Grad Zagreb trdi da je jen del nijhof.. I dok se o tome razpravla.. hiža vse bolše propada……



A mam tu pri toj staroj pohabanoj je ova friško obnovlena.. pa je to ta v koji su delali oneg našeg filma.. Jezušek.. kak si navek znova rad pogledim teg filma.. pa su nakon kaj su skončali to snimanje.. hižu z dvorištne strane letima tak zapustili da je vse skroz na skroz propadalo.. Je tu gor na katu živela nekakšna sirotinja.. se to reče.. socijala.. a dole v dvorišču se letima skuplalo smetje i rasel drač..
Z vulične strane v prizemlju je v ti hiži Poštanski ured.. a taj je tu na tem mestu još od Kralevine.. pa vse do denes.. A gor na katu je nekakšni Gradcki arhiv i tu delaju dva službenika.. premećeju papire sim pa tam.. Do lanjskeg leta je i ta hiža zvana zgledela kak da ju je tajfun očerupal.. I gda je več zgledelo da bu cela prešla kvragu je negdo z Gradcke uprave naredil da se to obnovi.. Bormeš su to delali skorom leto dni.. Zdaj je kak cukorek.. i zvana i znutra z dvorišča.. Pa se još nezna kaj bu v njoj bilo.. Neki veliju da bu tu nekakšni ..se reče.. hostel.. drugi da bu muzej.. zapraf opče ni važno.. Hiža je v vlasništvu Grada pa je dobro prešla.. Pa si ja gruntam da bi radi same lepote i očuvanja Grad trebal vse te stare hiže uredit o svojem trošku.. Al kak to pojasnit onem dotepencu z bregof kaj gradcke peneze žulja v svojem žepu..

Serbus ………..


07:11 | zafrkancija (9) | Print | ^ |

utorak, 23.09.2014.

Bok rista..oš kupit ciglu ….

.. na dobrem starom Griču ...........

Kak sam i rekel..je ti stari Grič savim pust. Kak staro groblje. A negdar sam tu dolazil igrati se v ti park. Bi zašel gor čez haustor i dvorišče z Ilice 8.. je to bil najkrači put do gor. Je tu bilo par ljuljačkov..pa oni mali ringišpil kaj bi ga sami klinci vrteli z onim kotačem v sredini. Pa bi ga navijali dok gdo nebi opal z njega..al se pobluval od vrtoglavice.. je bil i jen tobogan..kaj se po riti dol pelaš.. A su po gradskih parkof vsi tobogani imeli drvene letve..ovi gor je imel plehnatu tablu… Si morete zmislit kak su zgledele hlače nakon prva dva tri spuščanja… Posle je bilo bolše kaj bi tu hrđu zglancali z ritima. Je bil tu i oni ..veliju .. pješčanik.. kaj klinci kopaju z lopaticama i z rukama.. I delaju kule i torte z pjeska.. A sam ja spadal v malo veče dečece i bil med onimi kaj su mlajšima to vse zrušili kaj su zgradili.. Pa bi se klinci derali..a bi došel kakšni bjesni tatek..al mamica..i bi ja moral bežati…
Je tam v središču parka bila jena lepa mala.. se reče.. skulptura.. To pretctavla malog dečeca kak maše z rukami.. Je ta .. no.. skulptura još tam.. ali taj dečec bolše zgledi kak starac..kaj je vse to od starine zamusano…



Je tu i ono kaj je ostalo od one male fontane.. hrpa kamenja.. Je to onda bilo nekaj modernog Je voda špricala v vis gda bi stisnul malu ručku z strane.. Pa bi samo otprl gubec i žlopal kak pes..
A smo mi fakinčeki na tu ručku deli kamen pa je voda špricala celi dan.. Narafski .. smo se polevali da bi doma došel mokar kak da je dež fest curel..
Bi po zimi negdo zaprl vodu kaj se nebi cjev smrzla.. A smo mi dobro vidli gde se to i kak zapire i otpire.. Je malo dalše v zemli bila betonska škatula i v njoj ventil.. I bi mi to otprli i pustili vodu da teče.. I bi prek noči se vse zamrznulo.. i tak par dni..pa je nastalo celo brdo leda.
Narafski je cjef pukla i su morali kopati da to popraviju.. I tak bi se to fort ponavljalo.

………….I je onda došlo doba gda je ti park znal poslužit za takaj lepe stvari… Su po danu bila tam djeca..a po kmici .. ljubavniki.. se i ja tu računam.. gda nisi znal kam buš išel z puckom.. si ju otpelal v kakšni park.. Je to največ bilo tak dok je još lubaf bila friška..se veli.. v fazi upoznavanja gda ženska ni štela prejti tebi domof v tvoju sobu… A si moral saznat kakva je ta curička..osim kaj ti se zvana dopada… Pa kak buš znal jel to opće prava ženska ak nebuš gledel z rukami… I tak smo onda te početnice vodili v parkove.. za početak na Zrinjevac ..Tomislavac.. pa polahko v sve veču kmicu.. Popof park.. Tuškanac..Zelengaj.. Jelenovac.. I na dobri stari Grič.. Narafski.. ak si štel na Griču najti prazno mesto.. si moral dojti još za dana.. več pri prvoj kmici su vse klupe bile bezecirane… Su tam gor na Griču bile one stare plinske lanterne..pa ih več nigdo nigdar ni palil..kaj bi fakini mam to zgasili… I tak je gor bila trda kmica..takšna da ni nosa od ženske nisi videl.. Praf za praf.. v ti kmici ni morala bit ni bogznakak lepotica.. važno da si imal za kaj primiti…. I tak bi došli malo ranejše..si seli na klupu tam na zapadnoj strani..prema Mesničkoj.. i bi pripovedali i največ lagali.. bar ja…. I gda se spusti kmica mam sam se obesil na žensku..i znaš več kak to ide…. Si rival jezika v gubec vse do mandula… pa si otkopčal cicnhalter..kaj se v to vreme obvezatno nosilo..pa če je imela čarape si moral i one haltere razmontirat.. da bi došel v rajski vrt…
No..su ti halteri bili dobra stvar..lahko je to bilo raspetljat..ali gda su se pojavile one ..veliju hulahopke.. jeeee… to je več postal problem.. To se ni moglo samo tak lahko svleči..i kolko god si ih spustil niže..tolko je bilo premalo… Uhh.. kaj smo mrzeli tu novotariju…
I tak… na tem našem Griču su pali mnogi prvi kušleci.. se stvarale nove lubavi.. i bogmeš.. gubila ona.. veliju.. nevinost.. Narafski je to uvek bilo slučajno.. si obečal da buš samo malo.. ali gda je krenulo…. maaa ..kaj da ti pripovedam ………….



A je za te nočne parove gor na Griču moglo to biti i opasno.. Zapraf ne za ženske..ali za frajere svakak.. Najme je na Gornjem Gradu bila prilična banda.. tu domačih fakinof..ih je v moje vreme vodil taj jen..smo ga zvali Braco.. je bil z Čirilometodske 3.. pa mu je bil zamenik oni Štef z Vranjicanjeve kaj je zmenom išel v školu.. Sam več pisal o njemu…
No.. bi ta banda došla na Grič.. ih je znalo biti i več od deset.. i išla od klupe do klupe.. obilazit ljubavnike… I se znalo kaj bu zdaj.. To su zvali Gradska Placovina… A je to znala velka večina zagrebačkih fakinof.. osim kakšnih friških dotepencof…. I tak.. bi ta banda došla do klupe.. lepo bi vsi pozdravili i jen bi glasno rekel.. Gradska Placovina …. I oni velki lubavnik na klupi bi moral z žepa zveči neka malo penez.. cigaretline.. šibice.. i to dati bandi.. I onda bi oni prešli obiskati i druge klupe… Ak pa negdo ni znal ..al ni štel.. se reče.. surađivati.. i ak se pravil važan pred svojom ženskom.. je pred tom istom ženskom pobral dobre batine ..kaj bi njih deset začelo mlatit.. A ženska je sa strane kričala i molila da ga pustiju.. Ženske nigdar nigdo nebi ni taknul.. I na koncu bi napuhanom frajeru zeli vse kaj je imal v žepima..pa i vuru z ruke ak ju je imal…

Je bilo i druge vrste Placovine..a to gda je bandi trebalo malo više penez… Bi došla banda v ti črni kmici do klupe i bi se stali dva metra spredi lubavnikof.. I onda bi najmlajšeg i najmajnšeg poslali do klupe.. A taj je nosil v ruki lepo zapakiranu ciglu v beli papir i još zvezani črleni mašlek.. Pravu prafcatu zidarsku ciglu težku prek dve kile… I bi velkom lubavniku ponudil tu ciglu na prodaju.. Se v to vreme dobro .. v Zagrebu.. znala cena takšne cigle.. je tega bilo po svim zagrebačkim firtlima.. No… bi ciglu ponudil za pedeset dinara.. i se ni moglo cjenkati… Ak si imel pedeset dinara si bez reči platil i moral si vzeti tu ciglu.. Ak bi se desilo da kuplenu ciglu mam baciš z ruke.. bi se to držalo velkom uvredom.. i pak bi bilo batin kak kiše…. Se znalo desit da za ponuđenu ciglu človek z klupe nema penez.. mogla je i ženska platit če je imela.. A ak nigdo od njih ni imel penez moral se izpričati bandi i dati časnu rječ da nema.. Je banda znala koji put takvega provjerit kolko veli istinu.. pa ak se zlagal.. pak je bilo po tintari…
Tak bi se te Placovine događale bar dva put na mesec… Si je banda zapamtila one stalne lubavnike na Griču pa bi ih ostavila na miru.. ali bi svakak zeli koji cigaretlin …….. Ja sam tu..narafski imal velku protekciju.. i gratis Placovinu.. kaj su moja banda z Zrinjefca i ova z Gornjeg Grada bile v dobrim odnosima ……
Je ti glavni fakin na Griču.. Braco.. puno kasnejše završil v reštu na dugo vremena..kaj je postal kriminalac..a za oneg Štefa sam već pisal ..da je lutal od škole do škole i na kraju su se ta familja nekam odselili….



Pa kak je vreme prolazilo.. vse je više taj stari Grič bil zapuščen.. parka za djecu več ni bilo.. je vse bilo potrto.. je zaraslo v grmlje i šikaru… Klupe su strulile i se raspale..samo su ostatki vsega toga još tam.. Pred deset let su došli oni Arheologi i su začeli kopati po Griču..
Su zkopali jame i pet metri duboke kaj su iskali stare zide i ostatke naselja kaj je tu bilo prije hiladu let.. Je to kopanje trajalo par let.. nisu bogznakaj pronašli.. nekaj malo razbitih vrčeva i razne stare cigle od gline..staro groblje.. Su to zatrpali..ali do denes Griča ni nigdo vredil … Je to tužno mesto gde samo ljudi cucke vodiju na sranje…..
Tam z druge strane.. z Vranjicanjeve.. je ona velka hiža v koji je HDMZ..se reče..Horvacki Državni Meteorološki Zavod…. to su oni kaj nam prognoziraju vreme.. …. Je ta stara palača v koji oni jesu takaj sva podrapana i derutna i zvana i znutra.. Pa nigdo nezna zakaj je tak.. A okol te hiže se natrpa puno avtomobilof da jedva moreš prejti.. Ovo leto su ju malo kakti popravlali..al tekar tolko da žbuka ne pada ljudima po tikvi …



Je tam vizavi i ona stara hiža.. pri Matoševoj… kaj je več sto let sva obraščena z bršljanom.. je to negda..tak veliju.. bila javna hiža.. kaj su nutra kurve vodile posel… Pa kurvi ni več sto let a tam negdo nutar živi.. I ni preveč uredno.. takaj je na pol vse zrušeno… Pa nis videl tam nikog da ga kaj pitam..a se nutra nemre kaj je visoka železna ograda.. i nuter velki cucak…
Je oni naš gradonačelnik..dotepenec.. prije dost dni obečal da bu i Griča vredil kak je negda bil.. da bu i parka za djecu spet tu napravil……. Paaaa….. bumo vidli …………

Evo..tak sam se malo setil tog našeg slavnog Griča…. Imal bi ja puno dogodovština z Griča i z Gornjeg Grada za povedat…ali gdo bi se z tim zamaral.... …..

…. Serbus…se vidimo…………………


10:07 | zafrkancija (10) | Print | ^ |

ponedjeljak, 22.09.2014.

…. …plahutam naokol ….



Malo sam se čez Mesničku zalaufal gor pa bum prek Griča brda sprešel na drugu stran dol.. To ti je meni onak.. poradi se veli.. kondicije.. Tu Mesničku još navek obnavlaju.. pa se vidi da bu za par dni zgotovleno.. I onda bu pak došel oni naš gradonačelnik .. dotepenec z bregof.. pa bu besjedil kak je on tu delal i kamene kocke nosil… mulec jen .. Pa gda sam več tu v starem gradu .. bum ga hitro obišel tekar tolko da naredim inšpekciju.. Narafski da ja vsaki put obidem mojeg pajdaša Gustafa.. malo se pospominamo.. tak … Vreme je onak.. kmično.. oblaki se cufaju znad grada kak črni mački.. Ziher bu se dež zlijal jer ja denes nis zel ambrelu …



…. I tak… na .. pogleč ..ovo je negdašnja šesta gimnazija.. sam ja o toj več škrabal lanjskeg leta.. je to bila kakti najslapša gimnazija med drugim.. su tu išli đaki kaj se nisu uspeli nikam drugam upisati.. A tu su primali vsakog… A je to bila ..se reče po ruski.. raspašoj .. škola.. Tu su glavnu reč imeli đaki a ne nastavniki i profesori.. Su delali kaj su šteli..i kak su šteli.. I na kraju školskeg leta su vsi prošli.. Je tu bila strahovlada učenikof.. Bi profesori lahko batin dobili ak bi kakšneg đaka hudo pogledeli… Pa velik onih kaj su tu gimnaziju završili nisu dalše išli na fakultete.. kaj nisu ništ znali.. V tu gimnaziju si vušel kak bedak..a zišel još vekši…
A se zna da je hiža te gimnazije stara prek petcto let.. A leta 1607. je tu otprta Zagrebačka Klasična Gimnazija.. I je trajala vse do 2007.leta.. Onda su je zaprli pa je kasnejše tu znova otprta nekakšna privatna škola..takaj gimnazija.. Pa kak se čuje je fest skupo tu školanje..a i nisu baš dobri ..oni.. se reče.. odnosi med profesorima…su se navodno potukli…ha …
A negda je tu v ti šesti gimnaziji delal moj stareši pajdaš Ico z Zrinjefca.. Pa sam i ja tu znal dojti mu nekaj kakti pomagati..a zapraf gledeti curičke .. se razme.. gda je bila fiskultura odostrag v dvorišču.. … A moj pajdaš Ico je bil podvornik i pazikuča… Opče neznam kak je dobil taj posel.. jer Ico ni znal baš ništ delat neg se mlatit po zagrebačkim čagama.. Al ni dugo delal tu.. jeno dva leta..pa je onda direktoru nosa potrl kaj mu je of nekaj prigovaral.. narafski.. je Ico dobil fusingus… A bil sam ja i v podrumima spodi te stare hiže… me je Ico pelal.. Je ta zgrađena na negdarnjem starem bedemu kaj je Zagreba branil.. Pa su ti v tem podrumu prave prafcate katakombe kaj ideju spodi Katarinskog trga v oni Jezuitski samostan.. pa još nekam dalše.. Ali su to zaprli..zazidali kaj su nutar đaki hodili poskrivečki dimiti i cugati..pa su i curičke dol pelali da im pokažeju kak kmica zgledi .. Pa je Ico ispričal nam fakinima da se je on prije neg su to zazidali posral v tem hodniku.. Je rekel gda buju to otpirali za hiladu let… bu nejgov drek odnesen v arheološki muzej.. Su prije par let dole nekaj kopali i istraživali arheologi.. pa o tem nisu ništ nigde pisali.. nit su drek spominali…ha ……



A tu pri Dvercu ti navek svoje mesto ima jen zdaj več stari muzikant.. Zdaj je on v penziji al rad hoče bit vulični svirač.. pa ne stoga kaj bi nekaj zaradli penez.. neg bolše onak da se zabavla..da mu vreme projde i da se navžije svojeg Zagreba.. Baš gda sam tu došel se je začel pakirati.. i on veli da se bu za koji čas dež zpusti..
To ti je jen Tomislaf.. pa ti nejga pozna celi Zagreb.. ima umetničko ime.. Tom Evergrin.. .. Dobro svira gitaru..ali slabo popevle kaj ga je dobar glas napustil…………………….I zato samo svira.. se reče.. instrumentale.. Ga je lepo slušat.. Svira ti vse one dobre stare stvari z pedesetih i šezdesetih leta.. Za to mu i veliju da je Evergrin.. Pa bogmeš je i on sam po sebi več evergrin… Ga ja znam još iz osmoljetke..je on bil dva razreda stareši.. Je on v ono vreme bil tak fest nor za tom električarskom muzikom da si je sam naredil gitaru.. Ju je spilil z šperploče.. pohoblal letvu.. zabil gor one pikape i polakiral v črleno… Pa je to čudo i sviralo.. Si onda te gitare mogel vštekati v radio aparatlin i to je bilo kakti pojačalo i zvučnik.. Pa se čulo da mu je nejgof stari razbil tu gitaru kaj je radio aparatlin zgorel od muke… A v ono vreme su električne gitare bile nekaj novega pri nam i strašno skupo… Kasnejše je Tom imel svoje pajdaše kaj su svirali po plesnjakima..ali nisu postali ništ slavni.. Takaj su se onda nazivali VIS Evergrini .. Tu pri Tomislavu moreš kupit i Cedeja..kaj ga je on snimal z svojom muzikom.. A baš je dobro slušat te nejgove.. instrumentale ….



Znal sam ja da bu me taj dež na koncu stigel.. Su začele nekakšne debele kaplice curet z Raja.. ha.. pak se bradatom gor zaštopala badevana…ha ..I kam bum neg v brtiju .. nebum valjda v cirkvu..a i ta je v ovo vreme zaprta..
Pa sam več jemput rekel da su v Kulmerovi palači otprta tri kafiča.. tam z Katarinskog trga.. Prošli teden sam tu došel i čekal konobara pol vure pa ga ni bilo.. Denes je.. čim sam si sel.. dohajbala konobarica.. zgodna ženska..ali fest nervozna.. Valjda je još bilo prerano.. ali pak ni ništ dobila znočka.. Pa makar sam štel naručit Nesicu od vanilije.. nekaj mi se v tikvi zmotalo i sam ju iskal nekakšno vočno pivo.. a ona me gledela kak da sam opal z Marsa.. Nezna ženska kaj je vočno pivo.. Onda sam joj..se kaže,, definiral.. da hočem Ožujsko z citronom.. .. A toooo… veli ona i mam me ispravi da je to Ožujsko z limunom… blesača nalarfana.. sam joj skoro rekel da si to z limunom porine vrit al v guzicu.. jer je to jeno te isto.. Pa sam ostal fin i spil pivo.. a posle sam ju moral iti iskati nutar kaj bi to platil… Pa ništ ni čudno.. je to kafič od teg šašaveg muzeja Podrapanih serca… J e to vse dobila na korist ona scoprana ženska.. se zove Vištica.. ta se bavi vsim i svačim…

I tak sam tu malo posedel.. ja sam i nigdo drugi.. i čim je dež stal sam zgibal v Donji Grad.. I dok sam se zpuštal čez Zakmardijeve štenge pak se je dež zpustil kak bedasti.. No..kaj.. morti bum kaj narasel… ha .. I zdaj pem praf na Opatovinu kupit jenu cigajnsku ambrelu.. TI vrapca.. valjda ih več prek deset imam pri hiži ….

Serbus ………………


13:35 | zafrkancija (8) | Print | ^ |

nedjelja, 21.09.2014.

Evropski trg

Sam ti rekel da ja ovo tu na tem Evropskom trgu skorom vsaki dan gledim.. tu bedastoču.. sivu.. staklenu.. Nemrem se na to nafčit i .. šlus..Neg veli gdo kaj hoče..al to je jeno velko sivo srajne.. Najrajši bi zel kamena i hitil v te velke šajbe .. Jee. al tu navek blizu stoji pandur.. bi ja nadrapal kaj nemrem više bežati kak negda.. A pandur tu mora biti i čuvati tu skupocenu hižu.. ta košta kak da je z zlatom porublena.. Al ipak su v njoj vse prodali.. i to još dok se je podrum delal.. Pa stalno ja pripovedam da smo mi Horvati.. poglavito Zagrepčanci bogat narod .. No.. sam štel nekaj drugeg povedat..



Tu na tem mestu gde je ta nova staklena čudotvorina su tam z kraja pedesetih let bile takaj stare pohabane hiže.. zapuščeno dvorišče i nekolko dreva kostajna.. A mam tam pozadi Gradcke Kavane je bil restaurant..Zagrebački Plavi.. se zval.. I tu je imel bašču.. se veli vrtnu restavraciju.. Eee.. taj del je bil lepo vređen.. su čak imeli i one palme kaj inače rasteju dole pri velki bari .. I je taj restoran delal do pred dvajset let i onda je i to poduzeče propalo..a taj restoran je stajal zapuščen .. Onda je negdo mam z početka šezdesetih let naredil da se one stare hiže porušiju.. mi se čini da je gradonačelnik bil oni Holjevac.. narafski.. partizan.. valjda diverzant .. I na tem mestu su zplanirali da buju delali još jen neboder onaki kakšni je i na početku Ilice .. Pa je plan zbog nečeg propal ..a ono zemlište je ostalo zapuščeno i blatno.. Onda su to malo potravnali i naredili dječji park z ljuljačkami i toboganom.. Pa ni dugo trajal jer su mesto dječice tu parkirali poštanske kamijone.. Posle su i drugi Zagrebački prevozniki parkirali svoje kamijone.. Znaš.. gda bi negdo trebal tereta prepelati ..al selidbu delat.. došel bi sim ..zabral kamijon.. i tak .. Je došel konec i kamijonima.. I jenog dana su tu začeli zdigati drvene barake i v njih dopelali nekakšne radnike.. Eeee.. to je bilo nekaj za videt.. V centru Grada su ti.. Bosanci i Šiptari kuhali obeda v kotlovima nasred vulice.. štriki z opranim vešom su viseli na vse strane… i tak … Narafski da su Zagrepčanci fest gundrali na vse to i iskali da se tu nekaj drugega naredi.. I poslušali su njih Gradcki glavonje ..
Maknuli su te barake.. zemlište posipali z šoderom i tu su naredili pol od dreva ..pol od stekla nekakšni štacun.. Bile su to one Rukotvorine.. pa vse ono kaj su slepci delali od šiba.. Košare.. fotelje.. stolce.. i slično… Na drugem kraju teg zemlišta su metnuli jen kiosk z novinami i .. dalje ništ.. Stajalo je to tak puno leta.. Oni drveni štacun je davno prestal delati..a kiosk je negdo z avtomobilom zrušil i tak je vse to dugo stajalo.. I onda se negdo dosetil.. pa je vse počistil i zravnal.. navlekel asfalta i naredil .. parkirališče.. narafski ..se plačalo … I to je parkirališče bilo vse dok nisu začeli tu staklenu blamažu delat ..



I zdaj pemo malo na drugu stran.. tu ravno gde je ova malo stareša hiža.. Na tem mestu je takaj bila jena stara pohabana hižica i malo dvorišče.. Pa su to pedesetih leta zrušili i naredili tu hižu kaj na stupima stoji.. A su se Zagrepčanci zrugivali z tega.. su rekli da se to bu zrušilo čim durhcug povleče čez Staru Vlašku.. Al je hiža zdržala i još denes stoji.. Sam štel tu kazat da su Zagrepčanci fest jamrali i gundrali gda se je ta hiža zidala.. Su rekli da je ta hiža nagrdila celi taj kraj i da se nikak ne poklapa z starim hižama v Vlaški vulici.. Pa je.. v ono vreme je to bila moderna hiža i baš ni pasala tu.. Zakaj ja to pripovedam.. Pa stoga kaj i denes Zagrepčanci jamraju da je ova nova staklena hiža takaj nagrdila taj del Grada.. Viš.. zapraf ljudima nigdar nekaj ne paše al odgovara.. Vse v svoje vreme ima svoja nekakšna razmišlanja.. Je točno da ta hiža onda ni tu pasala .. kak nit denes ova staklena tu ne paše.. Vrag bi ga znal kaj bu sledeće tu na redu.. gda porušiju još te preostale stare hiže .. Z tim bu zapraf i nestala Stara Vlaška na svojem samom početku … A Zagrepčanci.. kolko ih još bu..a bu ih fest malo.. i dalše buju jamrali i gundrali.. al kolko bu ih manjše tolko buju i manjše prigovarali.. Al.. v to vreme mene več nebu na ovem svetu.. hmmm.. gdo zna.. morti bum vse to gledel odzgor z Raja.. z balkona .. Al je moguče da bum gledel i odzdola čez oni veliju tome… periskop… ha ….

… Bok …………


19:20 | zafrkancija (7) | Print | ^ |

subota, 20.09.2014.

ZAGORJE… bajka na dlanu ….

Kaj

Subota je i nekak mi se neče pri hiži ostati.. maa.. je da je prognoza onak ..se reče.. šarena.. bum si ja ipak velku ambrelu zel.. Znaš.. nigdar neznaš gde buš na kakšnu poznatu žensku naletel pa bu ti ambrela dobro došla.. A kak sam naumil još nekaj uzput zbavit..lepo sam se zrihtal..onak praf Purgerski.. pa nemrem navek hoditi kak zajdni fakin.. Narafski..kam bum drugam neg na naš Trgač.. pa posle kam me voda odnese.. Hmmm.. to voda.. me razmeš .. to ti je ak začne dež cureti.. se razme.. to me bu odneslo v prvu brtiju… ha ..



Zišel sam dol z trajvana na Trgaču i vse se čudim.. jedva da sam imel kam nogu deti.. Na Trgaču je tolko sveta.. mužki.. ženske.. dečurlije.. stari.. mladi.. vrabec ga dal.. tolko valjda ni bilo ni gda su Ilirci na Harmici bunta delali proti Hedervarija.. I najemput meni v vuha zajde nekakšna fest poznata reč… KAJ.. Obrnem se ja i prejdem na središnji del gde je ono vječito sajmišče.. i mam mi v oko uleti.. Zagorje.. Bajka na dlanu.. Aha.. mam se ja prisetim.. pa rekla je meni moja jena pajdašica ju zovemo Pinklec.. da bu za koji dan tu na Trgaču Zagorska veselica… I da moram naredit reportažu…



Oblaki visiju znad moje tikve..dež samo kaj se ni zrondal z Raja.. a Zagorska popefka se ori da se čuje čez celi Trgač.. pe čez vse okolne vulice.. valjda do Kolodvora.. Pa kak zgledi.. ljude opče ni briga kaj je črni oblak tu znad njih.. španciraju se okol štandof..hmmm.. ak se v toj gužvanciji to more opče nazvati špancirancija.. al vlečemo se nekak jeni pokraj drugih.. gledimo kaj su vse Zagorci prinesli z svoje domaje.. Čega tu vse ni.. vrabec ga dal.. veliju da je naše Horvacko Zagorje siromašno.. Ha.. da je to tak nebi skroz do denes oni Habsburgovci živi ostali.. pa su se vsi tu nahranili i odhranili.. Tak su vredni ljudi prinesli nama v Metropolu na uvida vse poljoprivredne blagodati.. pa vse ono kaj se od doma more z Zagorja prenesti to je tu na štandima .. Narafski .. nisu nit Zgaorci bedaki.. pa vsi imaju malu maturu čim se zlegneju.. to vse kaj tu ima more se dobit.. za peneze.. Ima.. klobasa.. špeka.. kolačof.. vina na flaše.. demižonke i na bednje.. vsih fela ručnih zdelafki.. narodne obleke.. Maaa.. se razme.. ima tu i ponajlepših Zagorskih puca.. rumenih kak majske rojžice..a ima i kumeka..pa su oni takaj fest rumeni..al od dobre Zagorske kaplice ..



Pa makar je več Trgač pun kak pes buha..još odnekam prihajaju cele procesije teh Zagorcof.. I vsi nekaj vlečeju na hrptenjači.. na tikvama.. v rukama.. Pa kam buju vse z tim stvarima.. Al mesta navek ima.. Zagorci su naviknuti na skromno i njim ne trebaju dvorci da bi bili zadovolni .. Još je falaček slobodnog mesta tam okol Mandušefca pa su se tu poslagale kumice z košarami..i kumeki z onim ogromnim košima.. Tam pri Gradcki Kavani su deli velku pozornicu.. pa vsaki čas dohajbaju nekakšni Zagorski muzikaši pa zaigraju kakšnu domaču.. A ljudi naokol vse cupkaju.. kak zgledi.. još buju i tancat začeli ….



Pa da si ljudi z Metropole nebi zamišlali da je naše Horvacko Zagorje samo hrpa kumeka.. kumica i kmetof.. lepo su nam tu prihajala i Zagorska gospoda i aristokracija.. .. ženske v krinolinama.. mužki v skupocjenim dolamicama.. črnim čižmakima.. Pa kaj.. ionak se zna da su vsi Zagorci.. vse do poslednjeg .. aristokracka djeca..pa največ Habsburgofci.. Ak se zračuna da su v Zagorju vsi velikaši i plemenitaši zkoristili pravo na prvu bračnu noč za vsaku mladenku .. onda je ta.. se reče.. statistika sasvim vredu.. Vsi Zagorci denes su Grofi.. Baruni..i aristokracija vsake fele.. Stoga je praf kaj su Zagorci tak fest ponosni svet..
Jezušek kak su se tam nekakšni muži razgalamili.. Lepe ti je lepe ti je Zagorje zeleno ..tralalala…tralalala.. Vse mi je došlo da kakšnu zgrabim i začnem vrteti



Se razme.. kak bi to bilo da se ne pokaže kak se negda davno živelo..radilo.. jelo i pilo.. sralo i scalo.. Stoga su tu razni obrtniki i.. maheri za stare zanate ljudima pokazali kak se nekaj more naredit i brez kompjutora.. Tak su tu dve babice zažgale vuglena v onim starim peglama i lepo ti peglajcaju a da im nikakšna žnora ne treba.. Zapraf.. žnoru buju valjda dobile po noči..ak buju bile dobre..ha ….



A baš gledim ovu tu babicu kak vredno vrti teg kamena.. To ti je starinski mlin za brašno mleti.. Vrti babica vrti.. ja prejdem dalše pa se vrnem.. ona i dalše vrti.. Ti vrapca.. drži se za taj kolec i ni za moment ne zabremza.. Gruntam si ja kak je ta mogla dobro svakaj vrteti dok je bila mlajša.. Eee.. to ti je ruka za vrteti a ne ove denes z nalarfanim noktima …ha .. kaj veliš …. Gda ta zgrabi ..hmmm.. teg mlina ….



Ha.. daj pogleč.. viš.. tomu se reče da je međunožno guralo.. Lepo zajašeš to kak mladog kojna i guraš z nogami.. Čuj.. drveno je to.. more bit da fest žulja za rit.. Pitam ja teg kumeka.. Gazda.. a kaj je z jajcima.. Haha.. veli kumek.. brez teh sam več odavno ostal.. Jee.. tak je to.. valjda si v ono staro vrema trebal velke odluke donosit .. al jajca zadržat cela..al bit moderen i gurat teg drvenog kojna na kotačima … Zbilam.. gledim.. tu jajca nikak nemreš sačuvat …. Ha … rajše bi ja ipak cipelcugom išel ……



I onda se je najemput dež zpustil kak da je oni bradati gore v Raju zvrnul škaf pun vode.. Pa bi človek pomislil kak se buju zdaj ljudi razbežali.. Maa.. brus nigdo ni prešel………… Zapraf..je…
Srel sam se ja tu na Trgaču z svojim pajdašom.. Zagrepčancom.. Sjedokosi ga zoveju..a ja mu velim samo Sjedi.. Dež je začel..a nas dva.. inače smo bosi po tikvi kak peta na nogi.. hitro zgibamo prek trajvanske štreke praf v Kavalir na Trgaču 15.. narafski to je lepi mali domaći kafič.. I sva sreča kaj smo bili tak hitri.. lepo smo vlovili dobro mesti v kafiču..a za nam su navalili i drugi kaj su spredi dažda bežali..
I tak si mi lepo pomalo pripovedamo.. pa malo cugamo.. pa spet pripovedamo .. A zmedi vsega tega je dež tri put začel cureti i tri put je prestal.. A nas dva smo spripovedali vse kaj smo imeli za kazat.. I baš nam je lepo krenula ta pijača..gda nas je pardonirala zgodna kelnerica i pitala dal još dugo mislimo tu sedeti i lokati.. jer kakti je flaša na šanku pri kraju..
Pa smo Sjedi i ja još jenu za sretan put spili i vsaki na svoju stran prešli.. Znaš.. taj moj pajdaš Sjedi ti je odprilike tu negde z letima kak i ja .. svakaj smo mi v našem Zagrebu lepoga spreživeli.. A Sjedi ti je pjesnik.. je..je.. ona dušica kaj popefke i stihe zmišla i škraba.. I baš zdaj otud pe on nekam na nekakšnu.. se reče.. promociju teh stihova.. Veli on da bu tam recitiral nekakšnu popefku.. Ha.. gruntam si ja ..kaj buš ti recitiral gda si se tu natočil te pijače.. Buš se samo zibal kak vrba na vjetru..ha.. Veli Sjedi..ak ga bu gdo kaj pital.. bu im pojasnil da su ga to zanesle ..emocije ….ha …..

……. Serbus ………………………


15:47 | zafrkancija (9) | Print | ^ |

petak, 19.09.2014.

Celzijusi na Zrinjefcu ………….



Gledim ja v taj tu.. kak veliju .. Meteorološki stup… prafzapraf.. ne interesira mene baš taj komad kamena.. Pa ja znam svakaj o tem tu čudu.. To je kakti nekakšni poklon Gradu Zagrebu dal nekakšni Avstrougarski vojni doktor.. Adolf Holzer.. Kaj je njemu opalo na tikvu da takšni poklon nekomu da..more bit da je bil fest bogat..al su takšni pokloni negda bili jeftini.. Ti vrapca.. kak su se v ono vreme lepi pokloni davali Gradu Zagrebu..hiže.. palače.. dvorci.. fontane.. glazbeni paviljoni.. meteorološki stupi.. celi parkovi.. razne biste i skulpture.. A denes gda v našemu lepom Zagrebu živiju tolki miljoneri.. pa nigdo ništ ne pokloni.. Denes se samo Zagrepčancima zpukneju penezi z žepa .. nekaj se naredi i onda se negdo fali da je to on naredil.. kak i oni naš gradonačelnik.. dotepenec z bregof.. On daje i djeli naokol i kapom i šapom ..pa to sebi pripisuje.. Brus.. tu su i moji penezi.. I kak onda oneg dlakavog pišlifca ni sram kazat da je to on naredil..
No.. pa nek taj pe vrit..ja sam štel spripovedat kak sam se ja još kak mali dripec najrajši vrtel okol teg tu stupa.. Al se dobro sečam da je jako loše zgledel.. je kamen bil saf pocrnel.. a i pozelenel kaj se je oni bakreni krof cedil po tem .. pa nit denes nije ništ bolši …..Kasnejše gda sam več bil klinac tu smo se mi djeca z okolnih hiža okuplali.. V to vreme taj je stup bil zaprt z železnim roletama.. Zapraf.. šajbe su bile zaprte.. Dugo let je vse to loše zgledelo.. a služilo samo nama za zafrkanciju okol tega.. Onda su došli nekakšni maheeri.. zgladili kamena skroz na bjelo.. naredili nove roletline i celu tu stvar je preuzel zagrebački Meteorološki institut na Gornjem Gradu.. Jedin je nekakšni vurmaher bil zadužen za vuru.. Znaš.. to ti je posebna vura.. ta pokazivle vsih dvadesetčetiri sata.. bumo rekli.. i dan i noč..
I tak smo mi klinci zgubili svoje mjesto pri tem stupu kaj su fort ljudi dolazili lukati na te štrumente.. Pa tu pokazivle one Celzijuse.. pa barometar dal bu lepo al grdo vreme ..i tak ..



Pa smo več i kak velki fakini znali tu stajati skuplati se pa bi onda v čoporu kak prava banda prešli na svoju klupu tam niže pri Paviljonu.. I tak smo ti jemput tu stajali.. Ico..Ja.. Pacof.. Bajs.. Glavonja.. Dugi.. Mic.. Pišta.. i vrag bi ga znal gdo vse ni.. gda se skroz nas progura nekakšna ženska.. onak.. zašpanata trifrtaljka bi se reklo.. i pe ona gledeti temperaturu.. I na saf glas prigovara kak smo mi okupirali to mesto da ona nemre projti.. I popne se ona tu jenu štengu kaj je skroz naokol teg stupa.. pa gledi.. gledi.. gledi.. pa se krivi sim pa tam.. diže tikvu gor i dol.. Mam je nama bilo jasno da ona nema pojma kaj tu treba i kak gledeti.. I još je baba z rukom obrisala šajbu.. kakti ne vidi se dobro.. No.. za to vreme joj se Bajs prišuljal skroz odostrag .. tolko kaj joj se ni zalepil za rit.. Čuj.. ni Bajs zabadaf bil Bajs.. Taj ti je bil onak malo nižeg rasta.. a debeli i okrugli jednak kolko je bil i visoki.. Taj je naš pajdaš Bajs jako lepo znal svirati gitaru..al je fort samog sebe kritiziral da su mu za gitaru prekratke ruke.. A nikak ni štel priznat da mu je prevelki trbuh .. I tak baba stoji gore na štengi.. Bajs pozadi nje.. I kak se to i dela.. ženska je naredila korak vnazaj da bu zišla dol.. ha .. narafski.. naslonila se na Bajsa i zgubila ravnotežu.. Pa je nama bilo bistro da je baš to Bajs štel tak.. kak bu on nju prijel i spasil da ne opadne na leđa.. No.. baba se celom težinom nalegla na Bajsa.. of ju je zgrabil z onem svojim kratkim rukami i .. vrabec ga dal.. obadva su lepo polahko seli na asfalt .. Bajs dole a ženska gor na njemu.. I dalše on nju drži.. Pa ka su seli..tak se je ženska štela zdignut..al se nekak Bajsu zmaknulo pa je on opal na leđa a baba prek nejga.. I tak ti se njih dva valjaju po asfaltu.. Moreš si zgruntat kak smo se mi ostali naokol drapali od smeha.. Ico koji se najrajše smijal čak si je i on sel na pod i štel se pobluvat kolko se smijal.. I tak.. Bajs leži na leđima i kune babi oca i mater.. baba se pokušava zdignut al joj težko ide.. i ona ima malo preveč kila a smeta joj i velka taška kaj ju ne zpušta z ruke.. Pa je valjda Pišti bilo žal ženske i on bu joj pomogel.. Lepo ju je odostrag obuhvatil spodi obadve ruke i zdigel ju je na noge.. pa kak ju je zdigel mam ju je i uslužno začel kefati po leđima i po riti.. A baba mesto da mu zafali.. obrne se kak zvečarka i mlatne Pištu po tintari z onom svojom taškom.. A kak je Pišta nosil očale najemput su mu ostale viset na jenom vuhu.. Narafski.. mi smo i dalše urlali od smeha.. Zdaj su babu kleli i Pišta i Bajs koji se jedva zdigel i jamral da mu je baba jajca zdrobila.. Baba je klela vse nas i jamrala da joj se najlonka podrapala.. Stresla je z sebe prašinu pa prekontrolirala svoju tašku da joj ni kaj ispalo.. A Pacof koji se saf zapluval od smeha i skorom čik progutal.. je stal gor na štengu.. z jenom rukom je pokazal na oni barometar.. a z drugom se prijel onak prek hlač za svojeg šufnudla i rekel učtivo ženskoj.. Gospođo.. dvadesetdva .. Kaj dvadeset dva.. pita ga ženska koja je konačno došla ksebi.. A veli Pacof njoj.. Čujte gospođo.. dvadesetdva i tu na barometru i dvadesetdva tu pri meni.. dojdite bum vam pokazal.. A ova se zaletela da bu i nejga heznula z taškom ..pa se predomislila.. A Pacof je kak atletičar kaj skače v daljinu al vnazaj odskočil dva metra i skorom se potepel .. Svakaj nam je nabrojila dok je odlazila.. Huligani.. Ništkoristi.. Fakinaža.. Balavurdija.. Sve nas treba v popravni dom……. I kaj.. Pišta je ostal brez jenog krila na očalama.. Bajsu su na riti pukle hlače.. a mi ostali smo imeli grčeve od smeha ….. i tak smo čoporativno kak cucki prešli v Splendit na pijaču ……….

Bilo pa se spominalo ……………… Bok ………….


18:10 | zafrkancija (6) | Print | ^ |

četvrtak, 18.09.2014.

Špancirancije …………….




Nikak ja to nemrem zgruntati.. kak negdo more hrpu stekla deti med stare cigle i črepe .. Al gda si malo bolše spregruntam.. tak delaju po celoj Evropi po vsim Metropolama.. Sam preklani bil v Berlinu.. ti vrapca.. gda bi se zdaj Hitler zbudil i to videl.. mam bi ga šlak trefil.. Pa sam prolaufal čez Beč.. i tam kakti da su jednaki bedaki od teh se reče.. arhitektof.. I tam su zasrali celi Beč z steklom i plehom.. pa i v Pragu sam bil pred par leta.. takaj jednak se dela … Pa kaj bi se onda imel kaj čudit tu pri nami.. Mi ionak vse kaj ne valja poberemo od drugih….



Zapraf sam štel nekaj povedat o ovi tu palači na vuglu Palmotičeve i Stare Vlaške.. Viš.. tu dole je štacun za prodaju biciklina od gda ja pamtim.. a pamtim fest dugo.. Piše.. Metalia Comerc.. to je negda bilo Slovensko poduzeče pa je propalo več davno.. I je štacun bil dugo let zaprt.. A to ime je navek bilo gore znad izlogof.. Negdo je puno let kasnejše tu otprl pak štacun z biciklinima.. al je taj natpis tu ostal makar je zdaj vlasnik negdo drugi.. Viš.. taj gdo je tak odlučil je fest spameten človek.. Nigdar ne treba menjati ime nečega kaj je bilo lepo i dobro.. A slovenski biciklini.. oni Rog.. su navek bili kvalitetni.. Narafski.. zdaj te vse bicikline delaju Kinezi.. al je ljudima ostala navika da bicikline ideju kupovat baš v taj Metalia Comerc.. No.. ni to nis štel zdaj pripovedat..
Znaš.. imam domof jenu staru slikicu Zagreba na zidu.. zapraf ih ima više..al ta jena baš prikazivle taj del Vlaške i tu palaču.. Negda je ta hiža bila ..se reklo.. građanska.. denes velimo.. stambena zgrada.. i je z početka imela samo dva kata.. A građena je negde zmedi dva svecka rata.. I tu dole v prizemlju je bila . nebuš mi veroval… Kavana.. je.. je .. prava kavana.. i zvala se Bristol.. kak i oni negdarnji hotel v Gajevi vulici.. Pa bil je isti vlasnik.. I v toj tu kavani je v prizemlju bila .. bi rekli obična brtija .. a oni hoh del je bil na prvem katu.. I kaj je tu važno.. v ti se je kavani svaku večer održaval ..koncert.. Vlasnik te kavane.. bi ga vrag znal kak se je zval.. se samo zna da je bil bogati trgovac.. je za svoje goste tu pozival razne muzikaše i orkestre pa je čak i znal ples tu priredit.. Viš.. pripoveda se o starim Zagrebačkim kavanama.. ova.. pa ona.. al za ovu je malo gdo igda pripovedal. A to je stoga kaj je ta tu bila gda se je tek nova Palmotičeva začela gradit.. bi se reklo da je bila malo po strani..



A baš spred te kavane Bristol je bilo i stajalište prvih avtobusa kaj su po Zagrebu i okol Zagreba pelali ljude.. Tak ti je tu stajal avtobus za Gračane.. Šestine .. Markuševec.. Remete.. vse su to bila sela pokraj Zagreba spodi Medvednice.. A avtobusi kaj su pelali v sela okol Save i prek Save.. su stajali dole na Draškovičevi vulici kaj se v ono vreme takaj znova gradila.. Sam štel kazat da je ova stara kavana Bristol imela velki promet i puno gosti i v prizemlju i na prvem katu.. I nezna se točno kolko je ta kavana delala.. no posle je na tem mestu bila radionica za popravak avtomobila i motora.. I onda su hižu nadozidali kak i mnoge druge hiže po Zagrebu…
A ovo kaj vidiš na slikici je mam prek puta te Kavane Bristol. Tu spodi Biskupskog dvora je bilo prvo javno skladišče v našem Zagrebu.. Tu su v dvorišču bile nekakšne barake i tu su putniki kaj bi prihajali z onem autobusima mogli ostavit svoju prtljagu..al pak oni kaj bi nekam odlazili mogli su tu pospremit svoje stvari dok su v brtiji čekali avtobusa.. Negda se ta prtljaga pelala na krovu avtobusa.. Tu su takaj stajali i prvi kamijoni kaj su se pojavili v Zagrebu.. Oni su tu stajali na uslugu Zagrepčancima..narafski za peneze kak i denes.. I znaš kaj.. tu na tem mestu.. v tem dvorišču je još navek nekakšno skladišče.. Gdo bi rekel posle tolko let..ha …..



Daj pogleč ovu sasvim uzku hižu.. ova kaj ima žute štrafte.. pa to malo koji Zagrepčanec zna da je to najuža hiža v našemu Gradu… samo nekaj malo prek dva metra.. Nigdo o tomu ne pripoveda.. Još davnih leta je to bil obični prolaz zmedi te dve pokrajne hiže.. Pa se negdo domislil i lepo taj prolaz zazidal odostrag nadogradil prostora i naredil pravu hižu.. pa ta uska hiža nema nit svojeg broja.. Dugo let je tu negdo stanoval..a tekar v novije vreme je tu otprt štacun.. Se ja sječam.. zdaj več davnih dni.. da se vodila velka rasprava o toj hiži.. Su nekakšni spametni poglavari šteli da se to poruši.. sim..pa tam.. je na koncu ostalo tak kak je … A vse ove tri stare hiže su prazne.. nit gdo stanuje nutar nit dole štacuni delaju.. Čuje se da je negdo z debelim penezima pokupoval skorom vse stare hiže v ovem djelu Stare Vlaške. A kaj je najgorše od vsega.. nit jena ta hiža ni zaštičena kakti Gradcka starina.. Ak se nekomu dopadne more to slobodno porušit i naredit kakšnu staklenu krletku … Žalostno..al je tak …Samo još da velim da v Zagrebu ima još samo jena slična vuska hiža.. tam v Maksimiru ….



Pogleč.. tu gde su te dve velke ambrele.. to je Pečenjarnica..znaš ono.. čevapi u somunu… Tu ti je pred kakšnih četrdeset let bila mala brtija pa je to preuzel nekakšni Šiptar.. I na velko čuđenje Zagrepčancof jenog je dana tu otprl pečenjarnicu… se zvala.. Banjalučki čevapi u somunu.. pa su Zagrepčanci odnavek znali za čevape..al su se zdaj pitali kak to zgledi ..čevapi u somunu.. Tega do onda v našemu Gradu ni bilo.. Of tu je bil prvi kaj je tak nekaj začel delati.. I bum ti za praf rekel.. malo po malo su Zagrepčanci navalili na te čevape u somunu.. se tu v dugačkom redu čekalo na porciju.. A kak je nutra v ti luknju bilo mesta samo za pet..šest ljudi.. je Šiptar začel delati to po naruđbi.. Mogel si sim dojti i naručiti .. bumo rekli.. vjutro ..a popoldan si došel po to.. Pa je taj gazda i telefona nabavil i tu ti je začela prva dostava teh čevapa u somunu po Zagrebu.. Prije tega ni bilo.. I nekakšni mamlazi su na biciklima to pelali naokol .. Kak je posel fest dobro išel.. nabavili su i one Tomosove mopede i pelali.. Je to bila velka novotarija v našemu Gradu..al ni dugo potrajalo.. Za jeno leto dni več je po svim firtlima bilo teh pečenjarnica .. Posle oneg zajdneg rata su maknuli z naziva ono.. Banjalučki.. pa je do denes ostalo samo čevapi u somunu … I dela tolka leta… prek četrdeset....ha…



A tu na broju petnajst v Stari Vlaški je bil jen fest poznati šnajder.. Se zval Mirko Špoljar.. Z početka šezdesetih leta gda su se v Zagrebu po prvi put vidle one mužke hlače krojene na..se reklo.. trapez.. znaš.. to ti je ono.. gore vuske a dole široke kak Meksikanske .. taj ti je šnajder navelko začel takšne delat.. A to je bila v to vreme največa moda kaj je knami prihajala z Londona.. Ti vrapca .. trebal si videt kakšna je tu gužvancija bila.. Navalili mladi dečki z celog Zagreba .. pa vsi hočeju da im se šiva po mjeri.. Najemput je taj šnajder Mirko bil zatrpan z naruđbama pa je moral još nekolko šnajdera zaposlit.. Pa i to ni bilo zanavek.. su brzo i drugi šnajderi v Zagrebu skužili kaj treba delat .. Al je ovi tu šnajder Mirko i dalše bil najpoznatejši po šivanju modernih hlača.. Narafski.. šival je on i meni po mjeri..a ja sam imel velku prednost jer je moj tatek još davnih leta pri njemu šival svoja odjela..ajncuge.. Pa je došlo vreme da stari Mirko mora v penziju.. Zaprl je štacun jer ni smel više bit obrtnik.. Al je nastavil šivati domof..onak v fušu.. Imel je velku vilu na Šalati v Alagovičevi vulici.. I pri hiži je šival vse dok ni vmrl.. čak su ostale još nesašivene naruđbe.. Sam ja takaj knjemu dolazil v hižu i još znal dopelati kakšnu mušteriju.. A okol svoje hiže je Mirko imel velkog parka.. vočnjak.. cvetnjak.. i tak.. A hižu mu ni čuval oštri pes.. neg oštri .. kokot.. Imel je ogromneg kokota.. takšneg nigdar posle nis videl.. Ha.. pokraj teg nigdo ni mogel samo tak prejti v dvorišče.. mam bi of z parklima poletel človeku v oči.. Pa ga je Mirko moral zapirati gda bi gdo pozvonil na ulazu…



Tak.. španciram se tu po Staroj Vlaški.. človek se tolko tega prisjeti.. imel bi kaj tri dni pripovedat…. No.. bum jemput gda mi pak dojde v tikvu ….

Serbus ………………….


06:36 | zafrkancija (7) | Print | ^ |

srijeda, 17.09.2014.

…dva Badela na brzaka ……………..


Tak ti meni zgori žarula v jeni mali lampici. A ta ti je ona kaj se lahko.. kak kvačica za veš.. zahaklja na nekaj pa ju moreš deti gde i gda ti hočeš.. Al ja nemam drugu rezervnu žarulu.. sam prekopal celi podrum i tavan .. al nema .. Bum iskreno rekel.. tu lampicu ja imam od gda sam još bil srednjoškolec.. Je dugo let stajala v nekakšni kištri na tavanu..pa sam ju pred par tedni nazaj vrnul kakti koristnu stvar.. I lepo mi je služila pokraj kompjutora.. sam ju zahakljal na stalažu za libre.. no.. pa si ju videl na oni jeni slikici kaj sam ju tu par put zalepil
..No kaj zdaj.. Pem v štacun kupit novu žarulu.. ..



Kam bum išel iskat neg po svoji Kustošiji gda več tu stanujem .. Ima tu par štacuna kaj držiju i onu električarsku robu.. a tu spadaju i žarule.. Dojdem v najvekši štacun.. tu je gazda nekakšni mali debeli Hercegovac.. narafski.. dotepenec..al dobri smo poznaniki.. A ja sam z sebom v žep zel tu pokvarenu žarulu kakti.. se reče.. uzorak .. I pokažem ja tem tu človeku v štacunu.. on gledi.. i jenostavno veli.. Nema.. takšne mi ne držimo.. Fala.. velim ja i prejdem v drugi štacun.. A tam ista popefka.. gledi mulac tu žarulu kak da ju sam Tesla drži v ruki .. Nema.. veli.. Eee.. zdaj ja pitam da kam bi takšnu stvar mogel iti iskati.. Mi veli taj trgovac da otidem v oni velki trgovinski centar.. Bauhaus .. Ti vraga.. pa to je deset kilometrof od Kustošije.. skroz dol v Jankomiru.. Tam su pred par let zgradili nekolko velkih trgovinskih centri .. a baš v tem Bauhausu držiju vse kaj bi človek poželel ak nekaj treba delati.. I tak.. ja nazaj domof.. sednem si v moju Mazdu.. i gas prema zapadu v Jankomir ..
I da skratim pripovest.. evo mene v tem ogromnem prostoru.. I praf na odjel za štrom i vse okol tega.. Pa imam velku sreču kaj sam naletel na slobodnog prodavača.. tam ti je to .. bi se reklo.. lutrija.. Pokažem ja njemu žarulu.. on gledi.. vrti je v ruki.. vrne mi ju nazaj.. Veli.. Mi ovde imamo sto fela žarulja al takšne ni .. nit sam takšnu igda videl .. I još mi veli.. Znate .. to je stari proizvod i to se više nigde ne dela.. takšnu žarulu nebute nigde našli..
I zdaj si ja razmišlam.. človek je morti v pravu .. pa gdo čuva stare lampe četrdeset i več leta.. Prejdem domof i velim samom sebi da bum na Internetu poiskal nekakšnu sličnu novu lampicu .. A ovu staru žarulu držim na stolu spredi sebe.. I nekak mi zapne za oko da na toj staroj žaruli nekaj piše.. je da se slabo vidi nekakšna mala slova.. Zemem ja lupu.. povečalo ..razmeš.. i pogledim .. Jedva se vidi..al se vidi.. piše.. Osram.. Eeeee.. zdaj se meni vužga v tikvi moja žarula.. pa to je marka fabrike koja dela žarule.. negde v belom svetu.. Pa kak se ja nis prije dosetil da to pogledim.. A kaj buš.. mulec jen.. nisu mi vse daske v tikvi navek poslagane kak treba .. Otprem ja Interneta i naškrabam.. Osram .. Mam se pokaže celo čudo tega..al ja zapazim da ti Osram ima štacuna v našem Zagrebu v Preradovičevi vulici… Aha ..





I drugo jutro ja sam več prije osme vure v Preradovičevi pri tem štacunu.. Osram ..al još je zaprto.. I sam se setil da ni baš dobro dojti taman na vreme..i trgofci su ljudi pa si morti voliju popiti kavicu prije posla.. Pa da ne stojim spredi vrat bum ja prešel v kafič na Nesicu od Vanilije.. pa posle nazaj … Kam drugam neg v brtiju.. Je.. of put pravu brtiju.. Tu na tri koraka od Osrama je med ostalim kafičima i jen mali pajzlin.. kmični.. ima vani na vulici one velke ambrele.. Sednem si ja na stolec i čekam da dojde konobar al morti konobarica.. Sedim.. sedim.. sedim.. nigde nikog.. Gledim.. vrata od brtije su otprta.. to znači da brtija dela.. al konobar ne dela.. I gda sam se štel dignut.. evo ide fakin.. podrapane traperice.. to je moderno.. neobrijan.. i to je moderno.. razkuštran kak da mu je granata eksplodirala na tikvi.. i to je taki moderno.. zamusana majica.. to baš i ni moderno .. Izvolte.. pita a nit me ni pogledel.. Nesicu od vanilije velim ja .. Nema.. odbrusi on.. Spet ja.. Onda od čokolade.. Nema.. .. Pitam ja .. A kaj ima.. Obična.. misli on na kavu.. I kaj još ima.. pitam ja.. zdaj sam se začel zafrkavat..al se držim ozbilno.. A on začne nabrajat .. se vidi da je to nekakšni žgoljavi kaj čačkalica žifčanjak.. pa mi je nabrojil onak ljutit vse pijače i kave i gemište kaj ima.. A ja se dalše zafrkavlem .. ionak nigdo ni v brtiji.. Mladi gospon dajte mi vse to ponovite.. nis vse zapamtil.. Gledi on mene.. ja ozbiljan kak vrganj kaj je zmaknul selaku spodi listja.. No.. zdaj mi ga je postalo žal.. Loša brtija.. nema posla.. valjda nit plača ni bogznakaj..ak ju opče i dobi.. Velim ja.. Dva Badela.. brez leda.. Šuti on i otide.. evo ga nazaj.. donese ta dva domača Zagrebačka konjaka.. dene na stol pred mene.. valjda mu je čudno zakaj sam naručil dva..al šuti.. Ja spet velim .. Of jen Badel je za vas.. Zdaj je skor opal na rit.. Kak za mene..pita on.. Tak.. velim ja.. Ne volim sam piti .. I kaj.. sel se je na pol minute i stresel konjak.. mora pazit da mu gazdarica ne dojde.... Veli on meni da po noči dela kak konobar v jenom nočnom baru do četiri vjutro.. a prije podneva tu.. Zdaj mi je jasno zakaj je raspoložen kak pes kojem su kost fkrali.. Spili smo si još po jenog vsaki.. Ja sam platil i prešel v oni Osram.. a taj tu si je bogtepitaj kaj mislil o meni……. Baš me briga ……

Evo mene v štacunu Osram.. Ti vrapca.. kaj tu vsega nema a največ žarula.. na stotine.. vse lepo poslagano na stalaže.. A za pultom jena stareša ženska.. valjda joj fali tri dana do penzije.. Dobar da.. dobar dan.. i zvlečem ja z žepa onu staru žarulu.. Zdaj si mislim kak bum i tu čul da sam zakasnil z kupovinom jeno dvajset let.. Ženska pogledi žarulu i pita.. Kolko komada trebate.. Aaaaaaaa .. ostal sam ja zevati kak som Jura na suhom .. Velim ja.. Pet komada prosim .. Evo.. odmah.. veli gospica i donese šest komada.. Veli ona.. Pet komada plačate šesta je gratis.. Aaaaaaaa… opet ja zevam of put kak magarac kaj je pozabil njakati..
I kaj više da vam velim.. lepo sam si z tom gospicom pripovedal jeno petnajst minut.. dok ni došla nova mušterija.. Narafski.. pripovedali smo o žarulama

……………… Bok ………


07:19 | zafrkancija (8) | Print | ^ |

utorak, 16.09.2014.

Šalata …………... bilo pa se spominalo......




Gda dojdeš do konca Stare Vlaške mam prek trajvanske štreke ti je vsred Grada Zagreba jeno brdo.. breg.. razmeš.. I dali su mu ime Šalata.. a to baš po oni zelenjavi kaj ju jedeš uz pečenku.. Veliju da su negda davno gor Kaptolski popi imeli svoje vrte i vočnjake.. No.. pa ni važno …..



Na pogleč…tu se po ovih puno štengi ide gor…Se štenge zoveju Stube Kalasancija Schlossera.. no negdo je nema tomu dugo zmenil naziva pa zdaj piše da su to štenge Josipa Schlossera.. Bogeg dragi gdo mu je to ime Kalasancij.. dal…..je taj bil nekakšni lječnik..pa uz to i botaničar.. se pentral po planinah i iskal razne biljke…
Gdar se spentraš gor..onda si došel na Šalatu. To ti je fino naselje na tem bregu. Su taj breg prvi nastanili popi z Kaptola v davna vremena. I su tu imali svoje posjede. Pak se grad širil i onda je negdo gor zgradil bolnicu…pa medicinsku školu… Pak je negdo spameten gor naredil športske terene…za oni tenis…dugo posle je iskopan i bazen za građanstvo. Pa su se začeli na taj breg doseljavati vglavnom fini ljudi..kaj moreju skupe hiže..palače z bazenima gradit..politikanti…direktori…doktori…rektori vsaki drugi bogati svet. A tam negde šezdesetih let su gor počeli blazit zagrebački se reče.. estradnjaki…. Je prvi gor modernu vilu sagradil oni Ivica Šerfezi.. su mu rekli Šerfa…i to z bazenom…pa je celi Grad išel to čudo gledat. A i Šerfa je igral tenis..je bil i nekakšni prvak v nabijanju te lopte z reketom.



Su tih leta gor na Šalati bila dva bazena…jen.. oni velki.. za građanstvo i jen mali samo za članove kluba tih tenisača i drugih športaša.. pa bi pustili i nekaj građana tak da nebu preveč prazno.. Pak se to zvalo "sportsko rekreacijski centar Šalata". Je odmah pokraj bazenah sagrađen i jen mali stadion na kirem su se igrale športske igre. Je tam stalo dve hilade znatiželnika ………..
Jeee. Tu sam gor ja imel svoje avanture…
V tom športskom centru je delal vujc od mog frenda iz susedstva. Je bil upravitelj tega. Se zval Vinko… I narafski…smo mi fakini imeli zabadaf ulaz…i smo to dobro koristili….
Po letu je gor bilo kupanja…a po zimi smo se šličuhali na onem stadionu…kaj bi zmrznuli betona….. A je bilo odmah posle i koncerta na tem igrališču….su naredili pozornicu i pometali stolce..pa se tu popevalo i sviralo.. A ni dugo trebalo da se je gor i plesnjak otprl….
No…pemo po redu …



Smo se to leto kupali na malom bazenu..je tam bilo lepše kaj je okol bazena bila borova šuma…puno hladovine… pa nekakšna mala travnata livada.. stolci i stoli kaj su se ljudi mogli kartati.. šah igrati.. domine slagat..i tak .. Jen dan tak… na bazenu je nekakšni pijani norc spelaval bedastoće i škodu delal..pa počel vređati oneg našeg poznatog glumca Relju Bašića…pa oneg Zagrepčanca pjevača.. Đimija Stanića i nijhovu pajdašiju.. Pak su vsi samo stali i gledali tog nasilnika.. čudili se.. prosili ga da se makne.. Na koncu je taj neodgojeni bilmez začel i ženske z nijhove pajdašije lovit za ruke.. za rit.. Relja Bašič baš i ni bil nekakšni mali al sitni človek.. pa ni oni Đimi Stanič..al nisu znali kaj naredit.. Je Relja predlagal da se pozove Milicija i več su krenuli da buju oneg upravitelja Vinka zatražili pomoč… A meni je..se reče.. pukel film.. pa sam došel do tega mulca i rekel mu da nek se goni van z bazena u pizdu materinu.. A on je krenul na mene…al ja sem ga tak vdrapil prek frnjokla da je mam opal ..onak v gačama. Sav se je zgulil po onem betonu.. I onda se pokupil i otišel a oni upravitelj Vinko mu je još i vritanjak opalil…



A ja sem postal ..heroj…. Pa je oni upravitelj pital mene ..kaj bi ja morti štel biti redar na bazenu..narafski bi dobil peneze za to…
I tak je počel moj ..biznis..tam gor…al samo v moje slobodno vreme..gda nis bil v školi. A sam puno put markiral z škole da bi išel gor.. Su honorar isplačivali vsaki dan..na kraju radnog vremena.. Pa sam tak i po zimi bil redar na šličuhalištu…kaj sam se dobro znal vrteti na tim nožima.. sam kaj nis delal piruete i laksle… A gda je zatrebalo sam pelal i oni traktor kaj je led ravnal..
A najbolše je bilo po ljetu gda je bil plesnjak.. pod zvjezdama i na friškem zraku .. Tu sam zgural svoje pajdaše z Zrinjefca pa su oni delali na garderobi..a ja sem i dalše bil redar…Sam se dobro sprakticiral …pa sam jedva čekal kakšneg bedaka da začne noret pa da ga hitim van.. a takšnih je tu navek bilo .. Jeeee…sam bil.. se reklo.. faca pred ženskama… Al sam vsaki put i plesal kolko sam štel…nigdar ni zmanjkalo cura..
A je bilo i smešnih zgoda i nezgoda ………..



Su jenu nedelu svirali na čagi oni VIS Zlatni Akordi…pa im je v goste došel Arsen Dedić…je onda bil fest mladi i mršav kak štanga…samo su mu oni žuti retki lasi obletavali okol tikve.. I je zapopeval onu i denes poznatu…"Kad bi svi ljudi na svjetu"……. Pak je začel vrteti mikrofona za žnoru ..kak kauboj laso.. Pa se mikrofon ftrgnul z žnore i odletel dol ..prav nekoj ženskoj v tikvu..sva sreča ..samo joj je onu visoku natapiranu frizuru sporihtal malo drugač.. Je nastal velki smeh…al kaj…se frajer od te ženske zaletel gor na pozornicu i zgrabil Arsena za vuha….smo ga jedva spasili da ni dobil batine.. Se saf oznojil od straha..da mu je i rit bila mokra čez hlače…. Posle su se Arsen i taj fakin pomirili..a ženska se slikala z Arsenom za uspomenu. Ih je slikal oni novinar negdarnjeg "Plavog Vjesnika" Belović.. kaj se našel baš tu na čagi…

Ima i jena dobra dogodovština z koncerta kaj se gore odigraval…
Je bilo to ono kaj su zvali "Pjesma Ljeta" .. To su pjevači putovali po vsim gradovima one bifše države i delali koncerte.. Je koncert začel v nedelju v sedam vur nafčer. Bilo je tak puno ljudi …kolko su god mogli sedeti i stajat po sredini igrališča..a one tribine naokol su bile tak pune da su po dvojica sedeli na jenom mjestu.. A tam z sjeverne strane ni onda još bilo tribina neg je bil obični breg.. pa su i tam na travi sedeli največ oni kaj su se odzgor čez plot prošvercali nutra..
Je započelo…Pa je popevala Gabica…Čuj.. ta je v ono vreme bila komad ženske.. opče mi ni bistro kaj je vidla v onem žgoljavom Dediču …Hmmm.. valjda joj više ni pasal oni dirigent .. Šerfa je popeval o zelenim očima.. tak nekaj.. pa su ga sfučkali....Pa je red došel na oneg našeg najbolšeg rokenrol majstora… Matt Collinsa…kaj se zaprav zval Karlo Metikoš.. Čim se je pojavil na pozornici celi je stadijon stal na noge i pljeskal mu.. Začel je nekakšnu popefku pjevat..al je taj čas odnekud zapuhal veter i začel je najemput dež cureti… Pa gdo je imel ambrelu ju je otprl..al su takšni bili rjetki.. I vse je zgledalo da bu koncert stal.. A je oni Matt Collins zgrabil mikrofon.. nekaj se došaptaval z muzikantima i onda začel je onu poznatu popefku " Ritam kiše " … I počel je z njim popevati celi stadion… Pa je gor na pozornicu skočila neka ženska z ambrelom.. onda još ni bil z Lisicom.. i zaklonila Metikoša od kiše ..mu se cela obesila oko vrata da je jedva popeval… Je dež curel kak stekli …al nigdo se maknul ni. A one muzikante kaj su sviral su pokrili z nekakšnom starom ceradom..pa ih ni bilo ni videt ..samo čut.. Dež je curel jeno petnajst minut.. i dalše je vse išlo po redu .. Posle je na pozornicu došel još friški Krunoslaf Slabinac…Kićo.. je taj v to vreme bil kak imitator ..je mogel glasa zmeniti i imitirati druge pjevače…a i takaj je dobro tukel po rokenrolu ….

I tak….. bilo je gor lepo..dok je trajalo…su posle došli novi šefovi…pa nisu šteli nas maloletnike….a mi smo si našli druge avanture..po Zagrebu…
Ak se setim čega.. bum vam ispričal……………………

Nekakšni vrag me napuntal i ščera sam prešel gor na Šalatu… Ti vrapca.. jedva sam prešel čez tih stopedeset štengi.. A negda sam gore prebežal vse prek dve al tri štenge najemput.. Jezušek dragi…kak to denes tu gore zgledi …. Negdar bi se popel gor i si mogel videti celi Zagreb Grad..kak na dlanu… A denes… ni videti ništ…baš ništ… Vse je obraslo drvečem pa grmljem a ima i svakakve šikare. zdaj se ne vidi baš ništ osim tornjeva Katedrale…. Samo granje … vse podivljalo. Negdar se to po padinah kaj okružuju Šalatu održavalo…štucalo..plevilo..kosila trava… A one stare vile pa druge privatne hiže…su još uvek tam… Se vidi da negdo živi nutar…al su dvorišča zapuštena…. A su valjda stari ljudi..al pa nikog ni briga.
A vsaki prazni komad zemle je iznajmljen privatnikima…su tam naredeli ona velka igrališča za igrati tenis… ih ima barem deset..a negda su bila samo dva i to navek bezecirana za Šerfu i Relju.. Vse naokol je puno naparkiranih auti bez reda i poredka… Vse skup zgledi kak sajmište…

Sam išel iskat oneg starog bazena gde sam negda fuša delal…Bogeg dragi kak to zgledi …sam za praf suzu spustil… Je taj mali bazen još tam….. Ga valjda nisu ni pomeli od kak sam ja pred više neg četrdeset let tam bil.. nema vode al ima smetja… pa pločice otpadaju…je sav beton okol skrhan… a od one male borove šumice ni ništ ostalo.. Zdaj je tam nekakšno truljavo drveće…pa nekakšni roštilji.. pa stari zrušeni šank…vse to na goloj zemli…a okol šikara i grmlje … Zagreba čez to ni slučajno nemreš videt. Kak sam bil žalostan kaj je to tak… Pa sam prešel prek puta .. na oni stadijon o kojem sam pripovedal… je tam još navek al ni ništ v boljšem stanju kak i oni stari bazen.. Istina bog… još je v funkciji…je prek zime na njemu sklizalište…pa po letu igraju tam razne špelancije…. Al se ta građevina ..jasno i glasno… rečeno …raspada… Baš tak….
Su drvene klupe na tribinah podrte…je beton tak skrhan i ga ima za kamiona napunit… a vsi gelenderi hrđavi i ni videt kakšne su bili farbe. Jako žalostno..
A je to vse gradsko vlasništvo…i gradski poglavari iznajmljuju one terene za tenis.. pa ima tam i kafičov i restavracija… pa mi je znatiželja…kam mečeju te silne peneze kaj se tam zaradiju !?
Ništ v bolšem stanju ni oni velki bazen..kaj je malo dalše od oveg.. je isto sav pohaban i derutan… A je vse to pet minut od gradskog središča…
Sam prešel dalše prema onem medicinskem kompleksu na Šalati.. su te stare ogromne hiže v dobrom stanju..su ih doterali…al okolina je fest zapuščena …Oni stari park.. samo drveče i grmi o kojim ..kak zgledi.. nigdo ne vodi računa.
Pak sam se začel spuštati dol vulicom prema Ribnjaku… vse su te stare obiteljske hiže tam..kak su i bile…al.. malo je koja doterana…a vrti ..negda puni cvetja .. njih više ni.
Je..je… neka su to danas druga vremena… se više ne polaže na urednost i lepotu zvana… Glavno da je nutar Plazma..pa muzička linija… kućno kino… Blurej… v žepu Ajfon a v garaži dobar stroj..
I to je to…. ta Šalata…… neznam gda bum spet gor zašel …morti nigdar..

…. Bok ………………


07:15 | zafrkancija (13) | Print | ^ |

ponedjeljak, 15.09.2014.

Dani Slavonije v Metropoli…..




Vrabec ga dal.. nigdar neznaš al bu dež curel al nebu.. Al prije je da bu.. No pa kaj.. ja se moram sprešpancirat čez moj Trgač taman da sekire padaju z oblaka … A i denes je tu pak sajmišče.. Več ga dugo ni bilo.. Znaš.. nemam ja nikak rad kaj se tu na Trgaču postavlaju oni ogromni šatori a još gorše zglediju oni beli špičasti ..kak da se je tu utaboril Sulejman Veličanstveni.. Al stoga bolše imam rad da su ti štandi kak su denes.. baš gledim.. i nove su krove deli na te štande.. Maaa.. moram ti kazat da se ovih dni na Trgaču spelavaju.. kak veliju.. Dani Slavonije.. Znaš.. imam ti ja fest rad te Slavonce.. Hmmm.. da negdo ne posumnja .. narafski da ja.. se reče.. preferiram.. Slavonke.. Al gda velim Slavonci.. onda mislim na vse te dobre i vredne ljude..



Imam ti ja dobrih pajdaša v Slavoniji.. tam v Osijeku.. Pakracu.. Daruvaru.. pa još posvud naokol.. I vsako malo se ja zaletim nekam v Slavoniju.. A i za oveg zajdneg rata sam bil nekaj malo i po Slavonski fronti .. Čuj.. odnavek je naša Slavonija bila zemla na velkoj cjeni.. Al kak vse zgledi.. zajdna koja je Slavoniju fest cjenila je bila.. Marija Terezija.. vsi kaj su posle imeli svoje svoje parkle v Slavoniji su ju samo nucali.. sprerihtavali.. vse dok ju ovi denes nisu vbili na čisto ..



Pa kak zgledi.. nedaju se Slavonci.. Barem kolko je videti po ovem svem zemaljskom blagu kaj su ga tu na Trgaču razvlekli.. Jezušek.. da samo vidiš.. čvarki.. špeka.. veliju Slavonci da je slanina..pa razne Slavonske klobase.. kuleni.. pršuti.. sirevi.. pa vsih fela kolača.. aaa.. kaj mi je voda potekla čez gubec.. Hmmm.. bi ja rad od vsega toga pomalo..al znaš.. mučiju me te moje kile kaj sam ih z zubima natukel.. I tak sam si na koncu kupil dve vrečke Slavonskih medenjakof .. to zbilam nikak nemrem preskočit..
I su tu Slavonci prinesli i svoje domače ručne radove.. vsega ima.. od kuhinjskih krpi .. širclof.. razne narodne Slavonske obleke..pa do oneh vunenih debelih ajncuga.. Eeee.. to sam ja več nekolko put iskal pri Slavoncima..al nikak potrefit.. Prafzapraf.. ima tega.. al nema veličinu za mene.. vse nekakšni modeli kak za one patuljaste Kineze.. Pa barem su Slavonci pravi velki muži.. gde si onda oni najdeju te vunene ajncuge.. Tu mi jen veli da nek dojdem zutra ..da bu negde v skladišču poiskal veličinu za mene.. Pa ni ziher da bu bilo.. Al bum se ja svejeno malo navrnul …
Hmmm.. dojde mi da onak na brzinu spuknem kakšnu klobasu z štanda i da si ju celu v požirak porinem.. Znaš.. nis ja nikakšni velki karakter gda je žderača v pitanju.. Stoga bum pobegel nekam drugam ……

Serbus …………….


11:58 | zafrkancija (9) | Print | ^ |

subota, 13.09.2014.

Ha... špancirancije ..................



Nakon kaj su oni gore z raja na nebu zlijali svu vodu dol na grešnike.. dan je dost dobro započel.. Taman da si človek malo noge raztegne i špancira z rukami v žepu..Ha.. denes nis nit ambrelu zel .. vrag ju stvoril …………….



Pa svakak da bum malo sprehajbal i čez Dolac.. nis tu bil celi jen teden.. Nebum ništ kupoval.. nis si zel ruksaka a vrukami nečem ništ nosit ….



Narafski da bum se sasvim polahko prešpanciral čez Splavnicu.. tu navek ima lepog cvetja … i ženskih …



A na Trgaču se zabadaf djeliju..cucki.. veliju da je to akcija..udomljavanja.. A ja gledim jenu malu pudlicu..maaa..kaj pudlicu.. gledim gazdaricu.. Gdo zna dal bi mogel udomiti i pudlicu i gazdaricu skup …ha ….



Hmmm.. Gornji Grad bum of put preskočil.. čekam da zgotoviju Mesničku vulicu ………



Na Cvjetnom trgu je baš praf za uživat.. Sunčeko..onak da ne moraš od nejga bežati..ljudi i dječica se španciraju.. a ja gledim lepe naše Zagrepčanke.. Pogleč samo ovu.. tak je lepo počrnela od sunca.. Pa si gruntam jel joj je rit ostala bjela..al je i nju pokazala sunčeku..ha …..



Pa sam spametno zaključil da ženske morem gledeti i ak si sednem v kafič.. narafski.. dve Nesice od vanilije. …..



I gda sam štel još malo nekam prejti nekakšni veter je začel črne oblake vleči odzgor z Medvedgrada… Znaš kaj.. Pem domof ………….

Serbus ……………..


16:41 | zafrkancija (5) | Print | ^ |

petak, 12.09.2014.

Dojde mi koji put da se prisetim ...............



Tam z kraja pedesetih leta su tu v ovem delu Šenoine vulice stajali Zagrebački prevozniki.. Foringaši.. pa gdo nezna kaj je to bumo rekli da su to kojnska zaprežna kola na kojima su se prevozili tereti kak to denes delaju z kamijonima .. Baš tu z leve strane su bili pošlihtani jen za drugim nekolko tih foringašof.. Vsaku foringu su vlekla po dva ona ogromna kojna.. A v to vreme više ni bilo kojnskih kola kak po selima i provinciji.. z drvenim kotačima.. bila su to velka i jaka kola z avtomobilskim kotačima.. su se zvali.. gumenjaki… I gda bi negdo od Zagrepčancof trebal prevoza kakšneg velkog tereta.. morti selidbu al nekaj sličneg.. došel bi sim v Šenoinu i dogovoril se z kočijačem..
I dok su kojni tu stajali al po suncu..al po kiši..al po zimi.. kočijaši su prek puta v podrumskoj brtiji lokali vino al rakiju.. Bili su to jaki ljudi.. debeli i črleni.. navek našvasani i fort su kleli.. Ni zabadaf gda se nekomu veli da kune kak kočijaš.. A ovi tu su na saf glas fort kleli te svoje kojne.. A kojn kak kojn..nemre navek stajat kak da je od dreva naređen pa se pomalo giba sim pa tam pa hrže kaj ga muhe škaklaju.. na koncu konca se zasca i posere nasred vulice i mam to z kopitami zatanca po asfaltu.. A foringaši bi kojnima tu davali jesti jer su fort na kolima imeli nekaj sjena i v vreči zobi.. A kak su tu stajali od jutra do mraka.. kojn je gladan pa bi mu kočijaš obesil okol vrata vreču zobi pa bi of to jel.. Narafski.. nezna kojn za Bečku eleganciju ..pa prosiple to vse naokol.. A kočijaš bi došel z brtije pa bi začel tak kleti kojna da se čulo vse do Kolodvora..
Mi dripci i fakinčeki smo rad došli z Zrinjefca tu v Šenoinu i gledeli te kojne.. pa bi nam koji put kočijaš dopustil da kojna malo pogladimo po tikvi. Kojni su nam bili fest zanimlivi jer su to v to doba bili jedini kojni v Zagrebu.. Oni stari Fijakeri kaj su stajali spredi Kolodvora više nisu pelali al rjetko gda.. samo su još dva stajala tam v šturcu spram Esplanade i skoro nigdar nisu nikog pelali.. Za to su bili taksiji..
No.. i tak smo mi klinci sedeli na rinzolu v Šenoini i gledeli te kojne.. pa smo tak nafčili kak se oni kočijaši z kojnima spominaju.. Gda je kojn trebal povuči foringu i pelati.. kočijaš bi samo od zgor z sjedišta coknul z jezikom i rekel.. Gijaaaa… A kojn bi krenul brez ikakšneg prigovora.. A gda je foringa trebala stati kočijaš bi pak zakričal.. Ehaaaa… A mi .. klinci kak klinci.. neda nam vrag mira.. gda ni bilo nit jenega kočijaša blizu.. lepo bi kojnima doviknuli.. Gijaaa ..ha.. I kojni bi poslušno krenuli.. Al to kretanje foringe ni moglo prejti v tišini jer bi ta kola škripala i strugala.. lanci z kojim su to kojni vlekli bi zaružili po asfaltu..a i navek bi kočijaši povlekli nekakšnu kakti bremzu na kolima.. pa bi ta začela cvilit kak da vragu zube brusiš.. I mam bi kočijaši strčali van z brtije i začeli kričat… Ehaaa.. Ehaaa…i bežali bi za kojnima i foringom čez Šenoinu vulicu.. Narafski .. mi klinci bi zbrisali i par dni nebi dolazili dok kočijaši ne pozabiju..
Več šezdesetog leta su i tim foringašima zabranili da pelaju čez Grad Zagreb.. Premestili su te foringe dole v Hajnclovu vulicu pri Istočnem kolodvoru i mogli su pelati samo po periferiji.. A tu v Šenoinu vulicu su došli prevozniki z kamijonima.. Pa su to največ bile stare krntije još od drugeg rata..Češke Prage.. Švabski Opeli.. Fijati.. bilo je i kojeg Amerikajnskog Đemsa.. I oni su delali usluge prevoza tereta Zagrepčancima.. Al nisu tu dugo bili.. su se stanovniki v ulici žalili Gradski upravi jer su ti kamijoni delali velku galamu a skorom vsakom je curelo ulje z motora.. Kak su negda Gradcki čistači prali vulicu za kojnima tak zdaj za kamijonima to nisu mogli jer je ulje masnoča i nemre se z vodom oprati.. pa su i te prevoznike preselili dole v Branimirovu spredi tvornice Kraš… Od onda je Šenoina vulica mirna i tiha ….

Tak… malo sam se prisetil stareg vremena …. Serbus .............


18:51 | zafrkancija (12) | Print | ^ |

subota, 06.09.2014.

Vsi ti cajti kaj su prešli ............


Folna z Javom …………

Folna je bil fakinčina z Palmotičeve vulice.. Makar se ta vulica baš i ni mogla preveč kititi z frajerima kaj su nekaj predstavlali v našem Gradu.. Folna je bil dobra zamjena za vse one druge.. Bil je dva tri leta stareši od nas z Zrinjefca ..al to ga ništ ni štentalo da vsako malo naleti žicat cigaretline.. Folna ni bil stalni član naše bande.. pojavil bi se.. zažical nekaj i prešel.. To je bil frajer kojeg smo mi rad primili kak našeg z više razloga.. najvažnejše je bilo to kaj je taj bil jak kak tri bika skup.. a bil je se reče.. razvijen kak oni Švarceneger ..samo kaj je Folna bil takšni prirodni a ne kak onaj.. napumpani .. Učil se je zanatu za avtomehaničara i fort je imel hartave nokte od mašinskog ulja..a cela obleka mu je bila sva v flekovima.. Ni taj baš pazil na svoj izgled.. Bil je fajn visok a najbolše kaj se na njemu isticalo je bil velki kljukasti nos.. kak v orla kljun .. Folna je bil velki žifčanjak.. ni mu puno trebalo da se tak razpizdi da je mogel taj čas klupu z betona spuknut.. Pa je malo gdo znal da se Folna zapraf zval Mladen Folnovič.. Odnavek smo ga zvali samo Folna .. I tak smo mi Folnu fort šmirali.. častili jer gda je zatrebalo prejti v kakšnu tarapanu.. Folna je za nas navek bil spreman.. Imel je mlajšeg brata koji je visel na Zrinjefcu med nami.. Eee.. taj je bil sasvim drugčiji od svojeg brata.. Bil je mršaf kak treska..al je imel jednaku kljuku kak i nejgof stareši brat.. pa smo mi oveg malog jenostavno nazvali.. Buha .. Narafski.. stareši brat ga je fort pazil i čuval.. a da to of ne zmetne z pameti.. Folna ga je vsaki čas puknul po tikvi..al bi mu vritanjak opalil.. Pogotovo ak bi ga zatekel pri nami kak raufa cigaretline .. Navek je bratu govoril da ni dobro dimiti taj otrof..a sam je raufal kak Turčin.. Doduše .. mi nejgove cigaretline nigdar nismo vidli jer je fort dimil naše..a gda bi ga slučajno negdo pital za cigaretlin..navek je z žepa zvlekel škatulu z samo jenim čikom…



Prešli smo mi skup par velkih tučnjava v našem Gradu.. O tomu su i cajtunge pisale.. Jena takšna velka tarapana je bila na Srednjoškolskom igrališču v Klaičevi vulici.. Nebum zdaj to na sitno opisival.. al tam se jednu noč tuklo.. mlatilo.. lemalo.. vse skup prek stotin fakinof.. Ja sam nakon tega drugi dan imel zaprta obadva oka.. podrapanu rubaču i zgubil sam jenu cipelu.. Al sam i podjelil batin da se vse pušilo.. Eee.. tu je Folna bil v ..se veli.. elementu.. taj je deral okol sebe kak stekli.. samo su okol nejga padali.. Čuj.. taj je imel ruke kak Popaj.. gde je vudril tu se drugi dan nisi trebal brijat..
Druga velka tarapana je bila baš na Kazališču v ono vreme novi stakleni škatuli kaj ju je tam nasral oni Željpoh.. V prizemlju je bila kavana ..Opera.. i z početka je subotom i nedeljom tam bil plesnjak..al onak malo.. hoh .. Pa nas par nisu šteli nutra pustit, a mi smo se vrnuli na Zrinjevac .. pokupili celu bandu .. a Folna se takaj tu našel.. Narafski.. Drugi dan su na toj novoj staklenoj kištri morali tri one ogromne kristalne šajbe menjati.. Nas dvajset smo spretukli barem pedeset geliptera kaj su tam bili nekakšna ..se reče.. društvena elita.. Polomili smo skorom vse stole i stolce.. Narafski da je Milicija imela velkog posla.. Sedam dni su cajtunge o tom škrabale i napuhavale pripovetku kak je gomila huligana porazbijala reprezentativnu građevinu.. daj si zgruntaj.. na Trgu maršala tita …jebal ga vrag ..No.. to bu neka druga pripovetka …

Dakle.. jenog dana je Folna došel na Zrinjevac.. ni manjše ni vekše.. neg z onim ogromnim kamijonom Dajcom.. I to se je dopelal vse do sameg paviljona i do naše klupe.. Mi smo bledo gledeli kakšni to manijak tu kamijona pela..kad tam.. z teg Dajca je zišel van važno.. Folna..
Jee.. človek je završil školu za avtomehaničara pa još i onu za šofera C kategorije .. pa se mam zaposlil v nekakšnoj prevozničkoj firmi.. Narafski.. prvo se došel knami pofalit kakšnu od grdosiju pela.. I mesto da on nas časti .. mi smo nejga odvlekli v Splendid prek puta na pijaču.. Istini za volju.. Folna nigdar ni štel alkohola v sebe zlijat.. No.. dok smo cugali i slavili nejgovo novo zaposlenje.. kamijon je ostal vsred Zrinjefca pri paviljonu.. Gda smo se vrnuli nazaj cela regimenta Milicije je bila okol kamijona.. Znaš.. tam prek puta ..mam v Đorđičevi je bila ona Udba.. pa su oni navek bili v nekakšnem strahu.. No.. Folna je samo te pandure razgrnul popel se v Dajca i z punim gasom prešel čez Zrinjevac na drugu stran.. Se razme.. mi smo se delali Englezi pred pandurima.. pojma nismo imeli kaj taj kamijon tu dela.

I tak smo ti mi jeno večer bili na Zrinjefcu kod naše klupe i dimili.. pripovedali .. narafski.. o tomu kaj ko je i kaj gdo bu pofukal.. Bile su to.. kak se veli.. lovačke pripovetke.. Jen sitni fakin med nami. smo ga zvali.. Žohar.. nikak si ni mogel kakšnu curu najti.. A navek se falil kak je fukal.. Jemput smo ga pitali da gde je bil dva dni kolko ga nismo vidli.. a on je rekel da je obadva dana fukal a da ga ni zvadil.. .. Nigdo mu ni veroval..a on je zvlekel ruku z žepa i nami pod nos gurnul.. Pomirišite.. je rekel.. Vrabec ga dal.. valjda je našel kakšnu pa si ni ruku opral sedam dni nakon kaj ju je z ženskih gač zvlekel …
……….No.. tak pripovedamo..gda najemput nekakšni manijak na motoru praf preg celog travnjaka dojuri do nas.. Skor nas je pokupil tam na klupi.. Na tikvi je imel onu kožnatu motorističku kapu i one ogromne naočale .. Zgasil je motorkotač.. skinul to čudo z tikve..kad tam.. to je bil Folna.. Mam nam je bilo vse bistro.. Folna je navek sanjal o motorkotaču.. Navek je po vulici zijal za takšnima i govoril da si bu i on to nabavil.. Jee.. Folna je tu.. motor je tu.. Bil je to oni Češki motorkotač.. Java.. Praf za praf.. bil je to stari ofucani motor kaj je još išel.. al za Folnu je to bilo jednak kak da ima Bemveja.. Narafski da smo se do pol noči divili toj krntiji i v to ime zdimili par škatula cigaretlina..a Ico je prešel na Kolodvor i kupil pol litre Badela..
……………Kaj da ti velim.. Tri dni nismo vidli Folnu.. a četrti je dan došel .. cipelcugom .. z zagipsanom rukom i onim gipsom okol vrata.. A nejgof brat Buha mu je pomagal jer mu je i koleno bilo stučeno .. Ništ ga nismo pitali..a on se ni falil.. Sam je rekel da čim mu ruka bu dobro mam bu on porihtal svoju Javu ..
Pa Folna ni čekal da mu doktor skine taj gips z ruke.. Gda je on sam smatral da je bilo dost ..sam ga je skinul.. Narafski.. taj gips je posle dugo visel v nejgovi šupi v dvorišču jer smo se vsi na nejga potpisali.. Motorkotač Javu je porihtal jer se je samo malo blatobran zvinul gda je opal skup znjim .. V svoji hiži v Palmotičevoj Folna ni imel mesta za svoj motor pa mu je pajdaš z druge hiže dal svoju šupu na raspolaganje.. Tu je Folna navlekel celo čudo alata i raznih avtomobilskih starih djelova.. Navek je mislil kak bu mu to trebalo.. Zdaj je pak začel vleči vse kaj je moglo poslužit za motorkotač.. Folna je bil tak zalublen v tu Javu da je malo falilo da znjom i spi.. Fort je šrafil po tem čudu i na koncu izjavil da je to pririhtal da bi trke mogel pelati.. Zdaj je Folna vse više plandral naokol z motorom i vse manjše dolazil knam na Zrinjevac.. Gda bi nejgoveg brata Buhu pitali da gde mu je stareši brat..of bi odbrusil.. Jebe svoju Javu ….



Jednog popodneva evo Mladena Folnoviča.. Folne.. dopelal se čez Zrinjevac kak da je to trkačka pista na Grobniku.. Došel je do klupe okol koje smo se mi okupili i rekel.. Maknite se.. Jedva smo malo uzmaknuli a on je tog motora kak praveg kojna nateral gor na klupu.. Saf je cval od miline.. I tak je on gore sedel na motoru.. mi smo naokol dimili.. hračkali i narafski .. pripovedali o motorima.. I najemput se Folna zbrcne..kak da ga je grom vudril i odpela motora skroz do štengi paviljona.. Nekaj je tu gruntal.. pa skakal gor dol po štengama .. meril gore dužinu paviljona korakima.. I na koncu kazal… Dečki.. odnesite motor gore na paviljon.. Ništ nama ni bilo to čudnovato.. Folna je navek nekakšne bedarije izvodil.. al z onim kamijonom al z motorom..
……….Dakle.. Folna je gore sel na motor.. navinul gas da je of vse brenčal od muke.. oneh par metri se zalaufal i preletel čez one vse štenge.. Zletel je dole da čak ni nit opal ..al se zvrnul.. zapraf..ostal je sedeti na zicu od motora i v rukama je i dalše držal guvernal.. Vse ostalo od teg motora se je naokol razletelo.. i prejdni kotač.. i obadva blatobrana .. i ona lampa.. far .. se je odkoturala deset metri dalše.. Na vse to je Folna samo rekel.. Ha.. dečki .. jesam to dobro izvel… Narfski mi smo pljeskali tapšali ga.. na hrpu deli vse te razpadnute djelove.. a of hrgan je samo komentiral… Sve bum ja to natrag posložil.. Pa nismo mi opče sumnjali da bu Folna nazaj motora sastavil.. drugo je nas zdaj mučilo.. Trebalo je tu polomljenu krntiju na rukama odnesti v onu šupu v Palmotičevu vulicu.. Jesmo.. odvlekli smo ju tam..a Folna je po prvi put od gda ga mi znamo pozval vse nas na pijaču v oni kmični pajzl Jelsu v Petrinjski vulici.. Na Zrinjefcu je još celo leto dni spredi paviljona bil črni flek od mašinskog ulja…



Vreme je išlo.. Folna se spajdašil z nekakšnim motoristima.. nabavil si noveg motora.. a v oni šupi je i drugima rihtal te motorkotače da buju kak trkački.. Rjetko smo ga vidli.. Došlo je baš nekak to vreme gda smo prešli velki del nas vojsku služit.. oni stareši dečki su začeli malo bolše študirat.. neki su se zaposlili.. a i njih par su se poženili.. Nakon teg vremena nigdar više ni se skupila cela naša Zrinjevačka banda.. Folnu nis od onda više srel..samo sam čul da posvud nori z motorima.. Pred skoro trideset let sam srel nejgoveg brata Buhu.. sam mi je uspel kazat da nisu više v Palmotičevi.. razmenili smo telefone..al nismo se do denes čuli .. Tak ti je to…. Ide vreme.. peju cajti ……

Serbus ………………..


07:24 | zafrkancija (8) | Print | ^ |

petak, 05.09.2014.

Pripovetke z moje stare škrinje ....


Mokro fuliranje …….




Viš.. tu na Maruličevom trgu je bil od navek đački dom.. denes veliju učenički.. I dok sam ja z mojim fakinima plandral po našem Zagrebu i lovil vse kaj se moglo vlovit.. maaa.. narafski da nis lovil leptire nit muhe.. neg lepe curičke.. A gde si mogel najti tolko pucica neg v kakšnem ženskom đačkom domu.. A falabogu.. teh je bilo po celom našem Gradu.. Tak je i taj tu bil ženski da bolši ni mogel biti.. zakaj..ha.. Pa stoga kaj je oni plesnjak Tucman bil na jedva sto metri od teg doma.. Pa ak si tu uspel kaj vloviti .. me razmeš …
Tak smo jenom prigodom na čagi v Tucmanu upoznali par lepih curica.. ja i moji dečki ih nismo zpuštali celo vreme čage z ruku .. I tak.. mic po mic..do konca čage je pala i kakšna pusica.. pa bormeš i duboko guranje jezika.. I teg smo ih puta posle čage odpratili do teg doma jer su morale v deset vur biti nutra na prozifki .. Al smo se spredi dogovorili da v sledeču subotu nafčer dojdemo po njih.. I tak smo ti mi.. moji pajdaši.. Pacof.. Ico.. Glavonja i Ja .. lepo bezbrižno celi teden izčekivali subotu..kakti imamo bezecirane ženske za čagu.. Narafski.. več smo debelo pripremili ..se reče.. strategiju.. kak bumo tu večer vse posložili.. Pa smo rekli.. od sedam vur do devet bumo na čagi v Tucmanu.. a onda ženske pelamo v Botanički vrti mam prek puta Maruličevog trga.. V to vreme z početka šezdesetih taj Botanički vrt je bil prilično zapušten.. navek odprt i po danu i po kmici.. .. I svakak da v celoj toj šikari ni bilo nit jene jedine lampe kaj bi svetlela.. Ono malo svetla kaj bi doprlo z Maruliča jedva da je bilo dovoljno da moreš najti kakšnu praznu klupu .. U ono vreme se v Botanički vrt malo gdo usudil po kmici zajti.. Jedin oni frajeri z curičkami koji su bili spremni se potuči bilo z kim v vsako vreme.. No.. je v ono vreme bilo nekakšno .. bi se reklo.. viteško.. pravilo da se zalubleni parovi nigdar ne diraju… No.. pemo dalše…




Došla je i ta subota.. Pacof.. Ico.. Glavonja i Ja.. smo se zrihtali kak da pemo v Montekarlo na čagu.. Znaš.. morali smo ostavit dobar dojam na te pucice.. za koje smo več znali da su v Zagreb došle z provincije na školanje..Al smo takaj of put šteli i nekaj malo više neg prošli put.. me razmeš.. A v to malo više.. kakti za početak .. se računalo da buš svoji izabranici gural jezik do mandula.. da buš joj meril ciceke z obadve ruke..a svakak da buš i raztezal gumu na gačama.. Za haltere se ni trebalo preveč brinut..ak bi ih i bilo.. to smo več odavno skužili kak ide..
I evo nas četvorice..kak četiri Daltona stojimo spredi teg đačkog doma na Maruliču.. I gledimo se kak četri bedaka kaj su ih pred pol vure zpustili z ludijane.. Vrabec ga dal.. pa prošli put nismo nit jenu tu pucicu pitali za ime.. I tak zdaj stojimo i zapraf neznamo koga iščemo.. Pas mater meni.. pas mater Pacovu.. i tak se mi kunemo i krivimo jen drugeg.. Znaš.. v to vreme i ni bilo prevelkog prometa po Maruliču..a nit ni bilo naparkiranih avtomobila kak je to denes. Tu i tam bi koji prošel i drugač je vulica prazna.. V tem delu Grada ni nit pješakof jer tu nemaju kaj iskati.. nema štacuna.. nema brtija.. samo hiže z stanarima.. I ženski đački dom baš na pravom mestu..
Dakle stojimo nasred vulice.. dimimo kak Arapi i več nas vrat boli kolko gledimo gor na obloke.. Nadamo se da se bu kakšna pojavila.. I je.. pojavi se jena.. pa druga.. pa treta na oblokima.. je za jen čas bilo dvajset curički.. Ti vrapca.. i vse na saf glas kokodačeju.. pokazivleju na nas dole i smiju se.. Ha.. evo konačno i one neše četri na najgornjem katu se pokažu na oblokima .. Aha.. zdaj nas četri dole sretni kak majmuni kaj su vidli bananu.. mašemo i pokazivlemo da dojdu jer je vreme za krenut na čagu.. A ove se gore prave mutave.. kakti ne razmeju kaj mi hočemo… I kaj zdaj ..ha …..

Prešli bi mi rad nutra v dom i spentrali se gor..al . brus.. haustor je zaprt.. Pozvoni Glavonja na zvonce i tekar nakon tretog zvonca pojavi se nekakšna stara z zamusanim širclom i z nekakšnom krpom na razčupanoj tikvi.. Pita nas da kaj hočemo.. A mi joj lepo velimo da pemo gor po pucice i da ih pelamo na čagu v Tucman.. A ta coprnica samo odbrusi.. Gubite se.. i zalupi z vratima .. Ha.. tak znači.. Još se mi nedamo samo tak odpravit praznih ruku.. Malo smo si nekaj zgruntali da su nas te curičke zapraf preveslale.. Onak kak smo mi planirali kak ih bumo z čage snubili v Botanički vrt na šlatanje i morti kaj bolšeg..tak su i one zplanirale kak nas buju prepelale žejne prek vode … Stojimo mi dalše dole.. a na vsim oblokima se natiskale te male lepe vražice.. pa se smijeju i pokazivleju nam onak.. dugi nos.. a bilo je i nekolko srednjeg prsta..
Pacof se tak razljutil da je ovim gor na obloku kričal da bu im vse dlake z pizde počupal gda ih vlovi.. To je pak te curičke još bolše nasmijalo.. Glavonja je tam pre vulice z travnjaka zčupal celi busen trave i zemle i hitil to skroz gor na oblok gde su se te naše cerile kak stekle.. Narafski da je fulal pa je pogodil oblok spodi teg i jena je curička dobila posred lica tu travu.. Eeee.. zdaj su ove od zgor začele nas gađat z zgušvanim papirima.. bombonima i koječim.. čak je i jen mokri ručnik doletel i skoro Glavonju potrefil.. Zapraf je to bila mokra krpa za pod prati .. Se razme da je Glavonja to nazaj zavitlal gor i spet fulal.. Ja sam stajal malo po strani.. meni je to bilo tak smješno gledeti.. Velim ja dečkima.. hajde idemo na čagu.. fučkaš ove tu.. I mi kakti bumo prešli i vsi skup zdignemo srednji prst na obadve ruke.. Aaaa.. na to jena curička z gornjeg kata zdigne kiklju.. zpusti gače i pokaže nam golu guzicu… Eee.. to je zdaj za dost mirnog Icu bilo preveč.. Stal se je Ico nasred vulice.. razkopčal hlače.. i zvlekel svojeg mačka na friški zrak.. A je bilo poznato med nama fakinima da Ico ima taj verkcajg dugački kak žnoru od pegle..




I začel je Ico z tim svojim pimpekom vrteti i mlatiti po luftu kak da drži v ruki štrik za veš a ne svojeg personalnog pimpeka.. Na oblokima je nastal urnebes.. Več je zgledelo da buju te curičke opale čez obloke kak su se naginjale.. I tak je Ico lamatal z tom žnorom..a jena mu curička dovikne da nek dojde malo bliže pri hiži da bolše vidi.. Ha.. ne trebaš Icu fest nagovarat.. dovlekel se je skroz spodi oblokof i još zvlekel i jajca van z gača.. A puce od zgor vičeju da kaj i mi drugi čekamo.. I zbilam.. Pacof se dal zprovocirat pa je i on začel svojeg kožnatog crva zvlačit z gač.. Glavonja i ja stojimo i dimimo cigaretline gda ja spazim da se na najgornjem katu na jenom obloku nekaj spelava.. I taman gda sam zgruntal kaj bi to moglo bit i štel pozvati Icu i Pacova da se makneju.. odzgor jena cura zlije čez oblok pun lavor vode… Jebal ga vrag.. da je ciljala nebi bolše pogodila.. Ico je dobil svu vodu praf na tikvu i celog ga okupalo.. Bil je mokar od glave do teg svojeg pimpeka..
Pacof je samo malo dobil od oneg kaj se je odbilo od Ice.. pa da stvar bude još lepša..toj curički kaj je zvrnula lavor.. je taj skliznul z ruke i opal nasred trotoara.. Dobro kaj Ico i Pacof nisu lavor dobili posred tikve.. opal je jedva pol metra od njih … A v to doba ni bilo plastičnih lavora kak su denes.. Bil je to oni skoro triftal metra velki okrugli.. plehnati i emajlirani.. Pa kak je opal tak je zaružilo kak da je celi plehnati škaf opal z neba.. Saf mokar Ico je z nogom opalil po lavoru da je of uz velku halabuku odletel pet metri dalše..

Pa sva ta galama ni mogla prejti da i susjedi z hiže polak Doma nisu na obloke zišli.. A takaj je z Doma zletela i ona stara alapača i začela kričat da nek se gubimo jer da bu zvala Miliciju.. Na to se je Pacof popel na lavor zvadil svojeg pimpača i pokazal ga staroj.. lepo joj je rekel.. Hodi stara.. pofafaj mi ga .. Nigdo nebi očekival da takšna jena stara ženska more tak hitro bežati.. al je ona bežala na Pacova.. zapraf je jurišala kak poslednji Mohikanac.. i gda je došla pred njega izula je nekakšnu staru šlapu z noge i hitila je na Pacova.. Of se ni tomu nadal pa je skorom opal kak letva.. kak se je zmaknul tak je i lavor pak odsklizal dalše.. Baba se smirila i štela pokupit taj lavor al je Pacof bil brži .. skočil je na taj lavor i od teg je ostala samo zgužvana hrpa pleha.. V tem času je jena ženska z susedne hiže zakričala.. Ide Milicija.. Narafski da mi nismo šteli proveravat dal je to istina.. lepo smo sva četvorica zgibali prek Maruliča na drugu stran gor na Mažuranac.. Te subote ni bilo nikaj od čage v Tucmanu.. Ico je još par dni nakon te avanture predlagal da negde dočekamo te puce i pokažemo im kak se treba ponašat v Zagrebu.. No.. smo ga odgovorili … jer mi smo kakti pravi kavaliri a one su obične seljače… Gda smo treti dan to zpripovedali ostalim fakinima z naše bande ovi su šteli umreti od smjeha.. Ico samo ni mogel prežalit cigaretline kaj su se zmočile.. kupil je za tu priliku one Camel da se pokaže važan ……..

Bilo je to 1966.leta na jesen …. Ico je vmrl pred deset let od ciroze jetre.. cugal je kak smuk... Glavonja je doživel infarkt pred sedam let i vmrl nakon par dni ….Pacof i ja se najdemo koji put na Zrinjefcu …

… Bok ……………


PS. ima još jena slična avantura i pri ženskom đačkom domu v Opatički vulici na Griču brdu ... Drugi put ....


07:00 | zafrkancija (8) | Print | ^ |

četvrtak, 04.09.2014.

..tak.. si gruntam na glas …..




I onda me negdo pita zakaj volim Zagreb.. pa pogleč zakaj.. zmed ostaleg .. Gda pokraj tebe projde takšna mladost i lepota.. mam pomisliš da se Raj pak zpustil na zemlu... Viš.. sam si ja znal o tem razmišlat i tikvu razbijat.. Naš Katekizam.. z kojeg smo vjeronauka vučili.. ništ ne pripoveda o temu kak je v Raju.. samo to da bu negdo sedel levo..a negdo desno od oneg bradatog .. .. Pa kaj je to.. kak da pemo na nogometnu utakmicu pa negdo sedi na Zapadu .. drugi pak na Istoku stadiona.. Ništ nami drugo o tem Raju ne pripovedaju… Znaš.. v oni muslimanski knjigi kaj joj veliju Kuran… tam lepo piše da dobri muslimani peju v raj i da tam svira lepa muzika..a konkubine plešeju gole naokol.. mužki pijeju sladki nektar… i tak … Hmmm.. zato se ja nit ne trudim dobiti ausvajs za taj Raj…. Musliman nečem postati.. ti vrapca.. pa da mi pimpeka skratiju.. a ak pakal postoji.. onda je i on za ljude.. Jedin kaj bum tam valjda moral gledeti one bedaste gaj parade.. gdo zna.. morti bu i kurvi …. Ha



Ja ti te svoje libre skuplam več odavno.. još od vremena lektira.. Nekaj sam kupil .. nekaj sam dobil.. nekaj sam fkral v biblioteki i tak .. Znaš.. veli se da ni greh ukrasti kruh i knjigu.. Je bilo i vremena gda nis kupil nit jenu jedinu libru.. narafski v to doba se delalo nekaj kaj ni dalo cajta za čitanje i kupovanje.. I navek mi je žal teg propuštenog vremena jer je zmedi tega puno libri štampano i nigdar ih više nebu.. Stoga ti ja i hodim po staretinarnama.. sajmištima i iščem nekaj staroga kaj bi štel imati … neke su libre dio mene.. moje mladosti.. i rad bi ih imal..S druge strane človek se pita.. a kaj če mi to.. nemrem to nosit z sebom nit gore nit dole ..me razmeš.. Pa si onda gruntam.. bu to vse ostalo mojoj deci.. kčerima .. vnukama.. Ionak za nekakšno kratko doba nebuju se libre više štampale.. vse bu to bilo.. se veli E- knjiga.. Još se buju jenog dana štampane.. papirnate libre z lampašima iskale.. Eee.. pa tak nek moje stojiju i čekaju.. Se ziher negdo sječa one libre pa i filma.. Fahrenhajt 451.. je to SF roman i film.. gde se na ovem svetu sve libre spalivaju i uništavaju.. Pa da se nebi pozabile.. nekakšni ljudi ih bubaju napamet..

Pa je moja sreča kaj sam svoju decu nafčil da libra puno vredi.. I da ju treba čuvati jer to je znanje celoga sveta brez obzira o kakšnem se žanru dela.. A moja deca i svoju učiju da treba čitat libre..pa i moje male vnučice več čitaju kak velki ljudi .. A ja i moji libri se dobro slažemo.. Istini za volju neke od teh libri sam čital i dva put pa i tri put.. Neke samo jemput i nigdar več.. Pa i velki del teh mojih libri nebum stigel nigdar več nit otpreti..a morti nit prašinu obrisat.. One stojiju na stalažama poslagane kak da ih je veter donesel.. Ništ ja to ne.. se veli.. katalogiziram .. Odprilike znam gde je koja..
A vsega se tu najde.. od klasika pa do slikovnica.. .. Solženjicin.. Puškin.. Dostojefski.. Sijenkijevič.. Balzak.. Šeldon.. Igo.. London.. Dikens.. Vern.. Tven.. Simel.. Bronte.. Auel.. Klavel.. Hasel.. Kasler..Bernadak… Konsalik.. Benzoni.. Golon.. Robins.. Eko...Lekare..Clark.. Fišer pa cela edicija izdanja Gornji Grad .. i još puno puno teh.. pa i domačih tu ima.. Šenoa.. Matko.. Zagorka.. Tomić.. Kumičić.. Krizman.. Krleža.. i bi mogel do zutra vse nabrajat.. Imam i ono zabranjeno hrvatcko izdanje Mein Kampf.. Ima dost znanstvenih izdanja.. publicistike.. Enciklopedija.. Rječnika.. Kuharica.. pjesama.. Kaj.. dojdi pa pogleč…

Skuplam ti ja i muziku i to največ onu z pedesetih i šezdesetih leta. Strajnsku i domaču.. Evergrine .. Veliju spametni da su v to vreme napravlene najlepše popefke kaj su do denes v svetu zkomponirane.. A ja ti tega imam punu stalažu.. pa još bolše napunjem kompjutor.. Vse skup računam da imam prek dvjesto Gigabajta muzike..a kolko je to hilada pjesama težko da bum igda zbrojil .. Narafski imam i klasiku jer to volim slušati gda si pomalo dremlem v svoji fotelji.. Dojdi k meni i posluhni ..a ja ti morem i kopirati kaj te zanima .. Moja deca i zetovi i vnuke ne slušaju cajke.. nit novokomponirane narodnjake.. To njih opče ne zanima..a i gda bi .. pri meni v hiži to slušali nebi .. I tak.. vse sam ti pomalo povedal.. dalo bi se tega razvleči do kraja sveta.. Al ja ipak najrajše hodim po mojem dragom Zagrebu i šklocam z aparatlinom.. To kaj tu pokazivlem je tek fest mali del slikica koje ja imam .. Nek se najde..



Pa bi zdaj završil.. jer nigdo ziher to tu nebu čital.. malo i ja znam ..se reče.. brez veze kokodakat.. ..al kaj.. to me zabavla.. a i tipkati sam več davno nafčil na onem starinskom stroju.. pa mi ne oduzima puno vremena ..

Serbus …………


08:28 | zafrkancija (7) | Print | ^ |

srijeda, 03.09.2014.

kapljice..kapaju....


I dalše dež curi ….



Zbilam.. ništ se ni sprepetilo na bolše od ščera.. Dež i dalše curi pa kak vse zgledi nebu tak skoro stal.. Viš.. malo gledim tu štangu kaj poprek stoji spredi te nove glazbene akademije na Kazalištnom trgu.. Pa je majnše važno to kaj nit umjetnik kaj je to naredil zapraf nezna kaj to predctavla.. Maa.. koga je to opče briga.. Al si gruntam.. Da je tak nekaj postavleno v vreme dok su po našemu Gradu plandrali pravi fakini.. nebi nit dva dni prešlo a da se kakšni nebi po tem spentral.. A denes to nogdo nit ne primeti.. Znaš.. gda su naredili oni neboder na početku Ilice.. nisi bil pravi Zagrebački frajer ak se nisi spentral gor na zajdnem katu na ogradu od terase i barem par korakof naredil.. Narafski da sam ja bil med prvima kaj su to naredili.. Gda su tam na Zrinjefcu deli nove žlebe na oni Muzički Paviljon.. ja sam bil med retkima kaj su se spentrali gor na krof .. Gda su dole na Tomislafcu v oni vodoskok zmontirali reflektore v boji.. a je to onda bilo skoro svetcko čudo.. ja sam taki prvi stal vsred teg vodoskoka na taj reflektor i čak na jeni nogi stajal.. O tom kak smo se pentrali po kandelaberima i njihali lampe sam več pripovedal.. No.. pa nis ja jedini to delal.. samo pravi gradcki fakini i frajeri.. Narafski da je to imelo i ..se reče.. odjeka.. med ženskim svetom.. Bil si negdo barem par dni dok te kakšni drugi ni sprehajbal.. A denes nigdo takšne norije ne dela.. Zdaj si velka faca gda si kaj bolše moreš zapikneš iglu v venu na ruki… jebal ga vrag …………..



I kak da me je čul da prigovaram.. oni bradati gor na nebu je malo zaštopal rupu čez koju vodu zpušta na grešnike.. Pa je bilo i vreme.. več me ruka začela bolet kolko dugo držim tu vražju ambrelu.. Al nebu dugo bil dobre volje oni špengler v Raju.. Kak se vidi gor od Medvedgrada se pak črni oblaki slažeju… Pa gda je tak.. bum i ja polahko prema Ilici išel.. Znaš.. čim si na Ilici.. to je kak da si i domof.. Ima trajvana.. ima brtija.. ima štacuna.. pa kam ti je volja tu zavrneš.. Čuj.. neki dan sam tu spredi samostana Svetog Vinceka videl jenu častnu sestru.. pometala je te štenge.. Jezušek.. kak je bila zgodna.. prava lepotica.. Skor sam ju pital da kaj tu dela kog vraga.. Al.. lepo sam ju pozdravil.. Faljen Isus.. a ona je odgovorila .. Navjeke.. Škoda.. ta nikak nezna kaj vse propušta v živlenju..Hmmm.. a morti ona i zna nekaj više neg ja o tem poslovanju z bradatim…



Evo ga na.. dok sam si ja gruntal o častnoj sestri oni je odzgor pak pipac otprl..a ja ambrelu.. Pogleč..tu gde je ovi kafič.. piše nekakšni Gastro.. Eeee.. tu je negda bila prava brtija po meri človeka.. se zvala.. Rovinj.. pa to ni ništ štentalo prave Zagrepčance ..a ponajveč Grafičare tu iz Frankopanske da se tu okuplaju.. Prafzapraf.. da ni bilo Grafičara nebi taj pajzlin nit delal bogznakak .. Narafski.. kak sam i ja bil grafičar tu malo dalše dole.. i ja sam z svojim dečkima iz firme tu navek visel.. Pošteno smo mi grafičari podjelili to svoje radno vreme.. Pol vremena v poduzeču.. pol tu v Rovinju.. A tu su se i kuhali fini gableci.. gulaši.. fileki.. klobase.. bažul z špekom.. a točilo se vino z demižonki.. I tak vsaki bogovetni dan ..narafski osim nedelje.. Fajn let sam ja radnog staža tu zaslužil.. Al takšna su to bila vremena.. grafičari su dobro zarađivali.. a ne kak denes.. Zdaj su najvekša radnička sirotinja.. se veli.. socijala.. A tu je bil naš najbolši konobar.. Ivek.. Taj je za nas dobro znal.. imal nas rad i navek nam je nekaj posebnog pripremal za gablece.. Se razme..vse smo mi to dobro platili i njemu tringelta ostavlali.. I onda se jenog dana negdo zbrcnul i zaprl tu brtiju.. preuredil ju i nazval.. Pivnica Rovinj.. Je da smo mi grafičari malo krivo gledeli na vse to.. Ni više bilo našeg velkog šanka na kojem bi se lepo ljudcki nalaktili i lokali.. Zapraf.. lepo su preuredili tu brtiju.. vse črno ofarbano masivno drevo.. moderni šank.. samo su mesto stolof i stolci tu deli nekakšne klupe .. kak da smo školarci v osmoljetki.. Bile su nam nekak pretjesne .. ai mi smo navek rajši cugali na stoječki.. I dalše su se nudili gableci..al ni to bilo kak prije.. Jedin kaj je novega bilo je da se piva točila v krigline.. I tak smo se mi grafičari prešaltali na pivu.. obvezatno pol kriglina bjele i pol črne pive.. smo rekli.. Mišung .. No.. posle sam ja prešel v drugu službu v isti firmi..al tam v Preobražensku vulici v upravu.. .. Tam sam pa bil med samim ženskama i nis imel nikakšneg ozbilneg pajdaša za pijaču.. Naš direktor je pil samo kavice.. a drugi su kak dobri dupelisci sledili nejgof primer.. Pa ja to nis mogel tak gledeti.. znova sam se prešaltal v tretu službu v isti firmi.. of put v Prodaju..kakti voditelj..al v izložbeni salon knjiga v Švearovi vulici.. To je tam pokraj Križaničeve gimnazije.. Eee.. tam je bilo dobro….ahh.. da se hoče ponovit.. I tam sam bil vse do oveg zajdneg rata pa me rat odvlekel na frontu …… Ma fučkaš vse to.. zdaj si zbilam idem nekaj zapraf spiti …

…. Bok …………


17:08 | zafrkancija (5) | Print | ^ |

utorak, 02.09.2014.

.. gdo se boji kiše još.. tri za groš.. tri za groš .........


Špancirancije z ambrelom ………..



Znaš.. to je ono kaj ja najmanjše imam rad.. Tu ambrelu.. ti vrapca..daj pogleč.. gda navaliju ženske z tim čudima mora negdo stradat.. lamačeju sim tam.. kak da su same na vulici.. pa te onda zahaklja.. zapne za tvoju ambrelu pa onda cuka .. pa ju nakrivi i scedi vodu tebi za vrat.. Zbilam.. ja bi tem našim ženskama naredil da moraju prejti v školu za nošenje ambrele.. Vrabec ga dal.. baš pem tu z početka Frankopanske.. gre ženska .. narafski z otprtom ambrelom .. Ja svoju lepo zdignem vis i nakrivim da ona more komotnejše prejti pokraj mene.. Jee.. baš je tak i ona to shvatila.. tak me je prek tintare oderala z svojom ambrelom da sam jedva spasil svoje obrlihte na nosu..a šiltericu mi je zvrnula za celi krug na tikvi.. I nikom ništ.. Nije nit primetila.. Al..kaj.. nema tu spasa..
Vrag dal tu vuru kaj ju vidiš.. pa tekar je osma vura vjutro.. a pogleč kolko ova pokazivle.. Jeee.. to je tu v Frankopanski gde je do pred par dni bila ona vurmaherska radionica.. Sat.. A kaj misliš.. narafski da je konačno propala skroz na skroz.. Su zaprli štacun i v Teslinoj i v Ilici.. zdaj i tu.. Aaa.. znal sam ja da bu to tak čim je moj sused vurmaher Cajger prešel v penziju.. On je tu delel fajn leta.. bil je poslovođa.. od gda je vučil tu šegrtiju.. A je ta vurmaherska firma delala od gda sam ja bil klinac.. Jee. a kaj.. pa skoro da nit nema vura kaj ideju na feder i v kojim se vrtiju oni zubčasti kotači.. .. vse su to denes one nekakšne na baterije.. Al ja to ne priznam.. ja celo živlenje imam one kaj se same navijaju.. samo moraš mahati z rukom.. No.. pa fučkaš vure.. Nekak sam se zrival čez tu gužvanciju pa pem nekam .. bi ga vrag znal kam.. tekar tolko da se malo sprehodim …



I zdaj ti meni kaži kak se to nekomu more sviđat.. ta tu škatula .. vrabec ga dal.. Ona stara kaj je bila tu odavno je bila takaj ruglo Grada.. a ova kakti je umjetničko djelo.. Nikak ja to nemrem razmet.. Tu med tim starim baroknim palačama.. pokraj Horvackog Kazališča.. ovo zgledi kak da je nekom izpalo z kolic.. Znaš kaj.. To ti je kak da bi zdaj tebi negdo v tvoj špajzcimer del komad betona i gore del nekakšnu šajbu.. Bi ja rekel da ti se to nikak nebi dopalo.. Viš.. tak se meni nit ovo ne dopada.. Vrag jebal teg kaj je to dopustil.. pa se zna.. oni naš gradonačelnik.. dotepenec z bregof.. Al negdo veli da je to baš jako lepo i dobro i da ta staklena kištra ..se reče.. razbija monotoniju.. Ha.. nek si zgura v guzicu tu svoju monotoniju kak i ovu štangu kaj všrek stoji..a za koju oni arhitekt nit nezna kazat kaj je to .. A videl buš za jeno leto dni gda oni pleh na vrhu te škatule zahrđa kakšna bu to bila monotonija………



A mene ti vlovi ona nostalgija vsaki put gda projdem i hitim pogled na dobri stari Tucman.. Navek se setim kak sam tu prvi put na čagu došel.. Eeee.. kaj bi človek dal da se to more ponovit.. Gda se samo setim.. Došli smo ja i moji fakini z Zrinjefca.. oni su več prije bili..a ja prvi put.. Narafski da sam se zbegecal kak da pem Papi na aujedinciju.. Ne.. ajeudunciju.. Ne.. au….. No.. speglane hlače.. ajncug.. bela rubača.. tateku sam fkral svileni kravatlin.. zglancal cipeliše.. obrijal oneh par dlak na bradi.. namirišal se z Pitralonom….. Je čaga začela.. Rok.. Tvist.. Šejk.. pa onda oni sentiš.. A ja sam samo stajal postrani i gledel.. Pa znal sam ja vse plesati.. je mene moja mamica to nafčila.. Ta je sprehodila vse plesnjake po Zagrebu i bila prava čagerica.. Al ja sam nekak imel .. se reče.. tremu.. sam si gruntal.. A kaj ak ženskoj zgazim nogu.. A kaj ak me odbije za ples.. A kaj ak se zmotam i opadnemo na pod.. Vse mi se to najemput skupilo v tikvi.. A svirali su oni VIS.. Kon Tiki.. dost su kopirali Šedovse.. I najemput oni tam zakriči v mikrofon.. Djevojke biraju… A ja sam se saf zasral od trte.. kaj ak kakšna dojde po mene.. Ha.. narafski da se takšneg manekena kakšni sam ja bil ni moglo ne videti.. I evo ti jene zgodne male crne .. stala se spredi mene i pogledela me.. To je značilo da sam izabran.. A ta je imela onu kratku črnu minicu.. bjelu bluzicu.. i cipeliše z ogromnom petom .. Sječam se kak da je to bilo fčera.. velko svetlo se zgasnulo.. postalo je skoro kmično.. a oni su tam zasvirali onu od Litl Tonija.. Sind mi sam lavin … Čuj.. ja sam več prije plesal z puckama na onim žurevima.. pa v školi na zabavama… al ovo je bilo meni nekaj noveg.. Nis nit bil pri sebi kak sam plesal.. nit sam opazil da je muzika stala.. Pucica je zvlekla svoju ruku z moje.. nasmijala se i odprhala dalše.. No.. to je meni dalo kuraža.. i od teg časa ja nigdar nit jen ples na nijenoj čagi nis propuštal … I nis biral.. koja je bila najbliže tu sam prosil za ples.. Ne sječam se da me igda kakšna odbila..
I tak sam ja vse čage v našem Zagrebu sprehodil.. Tu v Tucmanu sam bil kak pri svoji hiži.. Čak sam znal plesati i z tetom Tucman ..kak smo zvali staru žensku kaj je tu bila kakti glavna. Je čaga bila sredom.. subotom.. i nedeljom.. Kasnejše su sredu zabranili posvud po Zgarebu na vsim plesnjakima.. jer su školarci nafčer bežali z škole kaj bi stigli na čagu.. Nakon jeno leto dni je tu v Tucmanu bilo kakti takmičenje za najbolši par na čagi.. Narafski da je tu bila taj dan cela Zagrebačka plesna elita.. Sviral je oni VIS .. MI .. I tak smo se vrteli kak da je sasvim normalna obična čaga.. samo je nekakšni .. se reklo.. žiri.. išel naokol i bilježil kak gdo pleše.. Gda je čaga tu večer svršila v deset vur.. je bil proglešen najbolši plesni par i još dva druga.. Znaš da je za najbolšeg plesača bil proglašen oni poznati zagrebečki Braco Cigan.. a mam za njim moja malenkost.. i još treti neki kaj ga nis poznal.. I Braco Cigan i ja smo se narednih pol godine tu napuhavali kak tetrjebi.. A teg Bracu Cigana sam ja poznal od malih nogu.. On se zlegel i rasel na Tomislafcu a ja na Zrinjefcu.. kak dripci smo se skup znali igrati.. a kasnejše smo se samo često susretali…. Tak.. malo sam se setil ………



I dok si vse to gruntam nis ni skužil da stojim tu na vuglu a semafor se več tri put zmenil.. tak ti je to gda se setiš starih cajti.. sam se najemput zgubiš negde dalko vnazaj.. Baš gledim.. se dobro vidi da su urlaubi svršili.. ljudi se vrnuli v Zagreb.. Pak su pune vulice.. trajvani.. Još samo da za koji dan i školarci navaliju i pak bu Metropola kak i navek .. A dež polahko curi.. bi človek rekel da je pravi jesenski.. Pa je.. več smo skroz na izmaku ljeta.. Na drevima je listje navelko začelo žutet..a i ima ga več na podu.. Ljudi su denes navlekli na sebe vjetrofke.. jakne.. kabanice.. ajncuge.. balonere.. ti vrapca.. a ja sam i dalše v kratkim rukavima.. Meni baš tak paše.. Jedin zakaj mi je ona vručina pasala je bila prilika da si spijem onu moju Ožujsku z citronom.. Ovak.. nis žedan pa nema dobreg razloga za prejti v brtiju…………



Evo..daj ga pogleč.. Kak taj bilmez lepo hodi z ženskom ambrelom.. Vrabec ga da.. ja to nigdar nebi naredil..taman da sekire padaju z neba.. Negda v neka bolša vremena.. dok su još mužki nekaj držali do sebe.. se taj nekaj retko moglo videt.. Ak bi nekakšni i prošel z ženskom ambrelom bi mi fakini komentirali… Pogleč pedera… Ak več nisi imel ambrelu.. samo si zdignul kraglina i išel kak da ništ ne pada.. A največ su dečki imali kožnate kape.. šilterice.. To smo vidli v onem filmu gde je igral oni Marlon Brando.. mi se čini da se zval.. Na dokovima Njujorka.. Nakon tega smo vsi imeli kožnate jakne i te kožnate kape.. A po to se išlo.. narafski.. v Trst..Tu pri nami si tak nekaj mogel samo sanjati.. Gda se samo setim.. Nit v Trstu to ni bilo jeftino.. A gad si se vračal prek granice tam pri Sežani.. onda su ti cariniki na tu jaknu još tolko penez odrapili za carinu.. Pa smo to zbegli tak da smo v Trst prešli samo v rubačama al puloverima.. tam kupili kožnate jakne.. malo ih zamusali z prašinom da se ne vidi da su nove.. i tak bi prešli prek.. tak smo tam i cipeliše kupovali.. Prešli bi tam v kakšnim starim pohabanim cipelišima.. kupili nove..oblekli ih a stare hitili v smetje.
No.. evo mene i tu pri Jesenskom.. antikvarijatu.. pa bum malo zašel nutra pogledeti kaj vsega ima.. Viš.. ovi tu vani stoji i čita.. ga dež ništ ne štenta ……………

… Serbus ………..


18:52 | zafrkancija (6) | Print | ^ |

ponedjeljak, 01.09.2014.

... vulica .....


... čez vulicu Ante Kovačića ..................



Pa se bumo malo vrnuli gor po Gajevi i zavrnuli v vulicu Ante Kovačića..je to ona kaj ide od Gajeve pa van na Preradovičevu.. Kratka vulica sva zatrpana z avtomobilima..vuska da jedva projdeš s fest ofucanim starim palačama.. Se negda davno ta vulica zvala Kukovičeva..sam ja još bil mali klinac ..pa je onda negdo teg biskupa Kukoviča zbacil i del ime oveg Ante Kovačića.. A taj Ante ni bil Zagrepčanec..se rodil v Mariji Gorici..je to tam negde pozadi Zaprešiča prema Sloveniji.. No ..se taj dečko došel školati v Zagreb i tu bormeš postal velki pametnjak. Je kasnejše po Horvackoj bil v službah a je na koncu imel svoju vlastitu advokaturu v Glini..dol pri Petrinji.. Je taj Ante fest kratko živlenje imel.. al je za to vreme napisal čudo pripovetki..libri i drugeh škrabanja.. Su ona najpoznatejša.. U Registraturi.....pa Fiškal..Zagorski čudak.. Među Žabari…. Pa još tega svakaj.. Se i malo bavil politikom.. je bil trdi Pravaš…. Pa šteta.. je mlad vmrl.. ga je nekaj štrecnulo v tintari pa su ga odpelali z Gline v Zagreb v Stenjevec…. I tu je siromah vmrl gda je imel samo trispet let ..A ja sam pročital vse nejgove škrabotine i mi se dopalo.. Imam ih doma na stalaži.
No ta vulica ima i dost poznateg tu makar je tak kratka.. tu mam na levo od početka je nekakšni kemijski fakultet.. negdar je tu bila škola za medicinske sestre.. su to one zgodne medicinarke kaj na pol gole hodiju po bolnicah… Jezušek.. samo rad tega sam rad bil v bolnici gda je trebalo … Kasnejše je to bil medicinski fakultet..i na kraju je denes to kaj je..
Dalše dole po levi strani su vse hiže kaj su stanari prodali stanove za poslovne prostore.. Negdar je tu stanoval moj pajdaš z osmoljetke..na broju sedam.. pa sam ja znal k njemu prihajat .. se je zval Davor Kušanič..pa ga nigdo ni zval drugač neg ..Kruška.. I to ga nismo zvali tak poradi prezimena..neg.. ha .. taj je imel ogromni frnjokl kak da bi mu onu velku krušku viljamofku nataknul na lice … I je taj Kruška fest kasnejše bil nekakšni direktor oneg poduzeča..Rudar.. kaj su zapraf bili šverckomerc firma..narafski su i oni propali skroz na skroz prije par let.. A teg Krušku nis videl bogmeš ima več od deset let .. Pa neznam ni kam se preselil gda je prodal stana..



Pogleč malo zdaj na drugu stranu te vulice.. tu ti je jena ogromna palača kaj celi firtl obuhvača.. Pe čez celu vulicu Ante Kovačića..pa onda gre po Preradovičevi gor do Hebrangove..i čez Hebrangovu do Gajeve i onda dol do Kovačičeve.. Pa imaš kaj hoditi pol vure okol te hiže.. A nigde nemrem najti podatkof o toj palači..al znam nekaj kaj sam davno negde pročital .. da je to dal zidati nekakšni Taljanski plemenitaš..kaj je bil kralefskog porjekla.. A zakaj mu je v našem Zagrebu trebala ta palača.. bi ga vrag znal.. Se v ono staro vreme čulo da je to sam brat Taljanskog kralja dal zidat.. pa je interesantno da taj mamalaz zapraf tu nigdar ni stanoval… Gdo zna.. morti je kakšnoj plemenitoj šoci pajnkrta naredil pa je moral bežat …
No.. z ove strane z vulice Ante Kovačiča su dva ulaza.. Negda je tu bilo gor na katu nekaj stanarof.. je tu stanovala jena pucica z moje osmoljetke..je ta bila kakti najlepša v mojem razredu.. a se meni navek činilo da je bilo i lepših ..pa kak večina pobjeđuje onda je to tak.. A sam ja i knjoj znal dojti.. onak prijatelski.. je ta bila jedinica kčerka nekakšneg partizana .. Židova.. pa nebi štel imena pisati..jedin da se zvala Dubrafka.. I taj je njezin stari bil direktor ženskog đačkog doma kaj je imel ulaz v tu palaču z Preradovičeve vulice.. Ti vrapca kaj je tu teh pucica bilo.. kak pčela v košnici.. Cela strana te palače z Preradovičeve pa do pol te hiže v Hebrangovoj.. A morti negdo nezna da se ta Hebrangova do začetka nove Horvacke zvala po partizanima ..brače Kavuriča.. a još davno prije je bila Kraljice Marije.. evo zdaj znaš…



A tu v Kovačičevoj je bila velka streljana gde su negdar oni plemenitaši imeli takmičenja v strelanju.. Je to velka..dugačka dvorana v prizemlu te palače.. Pa je i denes tu nekakšno strelačko društvo..se zove Zrinjevac.. A zapraf..to je javna tajna.. da je to ono rotarijansko masonsko društvo … Pa je v ti hiži i špilšuh i nekakšni uredi..kancelarije.. nekaj je malo stanarof ostalo.. a tam z Gajeve su jen del oni Grobari zavzeli.. Oneg ženskog đačkog doma več davno ni.. zapraf.. nekakšni je tu..al dost manjši.. A je to bilo baš dobro..smo mi fakini znali dojti spodi oblokof i snubili pucice da čez one prizemne obloke skačeju na vulicu.. pa i jesu često.. smo ih onda pelali v Tucman na plesnjak..pa bi ih posle kasno po kmici vrnuli nazaj.. Bi se onda prek naših ramena pentrale nazaj gor na obloke..a smo znali i onoj Dubrafki pozvonit da dojde kakti dol na ulaz pospominati se.. nju oni pazikuča ni zaustavlal.. Pa nit ta Dubrafka tu odavno ne živi.. Se udala za jenog fest poznatog novinara.. sam ju svega dva put srel zajdnih deset let … A tam z Hebrangove su i dva ..se reče.. cafe bara.. zapraf nekakšni nočni klubovi..
A tu gde je denes spet ta streljana je tam z početka šezdesetih bil plesnjak vsake subote i nedelje.. Sam več nekaj jemput o tem škrabal..da je to bil prvi i jedini zagrebečki plesnjak gde se ulazilo u parovima..kolko mužkih ..tolko ženskih.. Mužki su plačali vlaznicu..ženske nisu.. I ak si tu došel sam pred vrata ni te oni redar pustil nutar dok nebi naišla i kakšna sama puca pa bi onda skup ušli.. Pa se to ni pokazalo kakti preveč dobro i zanimlivo.. Ni bilo one..se reče..konkurencije.. nisi imel kaj za birati.. Je to trajalo sasvim kratko pa je taj plesnjak tam prestal kaj je v ti dvorani bil pod od običnih daski..i se po tem ni moglo dobro vrteti..
Evo..tak sam ti malo i o toj vulici izpripovedal.. Jedin još za reči je to da je cela ta palača denes v vlasništvu Grada Zagreba..a se vodi i nekakšni sud okol teg vlasništva.. Zato i je tak zapuštena i ofucana..
I tak… zdaj bumo našli nekakšnu drugu vulicu v našem lepom Gradu Zagrebu..pa bumo o njoj pripovedali..a morti kakšni trg..park..klupu v Tuškancu.. gdo zna…

Serbus …………


16:36 | zafrkancija (10) | Print | ^ |

... fučkaš kišu.. bilo je i bolših dni ....


Navek špancirancije



A ovo ti je dol v Ilici na vuglu pri Malem Placu.. Je da je hiža sva ofucana..pa kak i nebi gda su vlasniki stanari.. Za struju i vodu imaju..al za fasadu pofarbat ni penez.. Pa kak i bi bilo gdar još odplačuju te stanove kaj su ih na veresiju kupili … A naše Zagrebačke glavonje ne interesira kaj to loše zgledi.. to ni nijhovo.. To ni vredu.. te zagrebačke fasade moraju biti ukras Grada a ne rugoba.. A kaj moreš gda je oni gradonačelnik.. dotepenec z bregof.. došel od tam gde je spal v hiži.. pol za ljude..pol za ofce .. A sam ja štel nekaj drugeg kazati.. tu v prizemlu te palače je več fest dugo štacun kaj lepog nameštaja.. mebla .. prodaje.. je to vse prva klasa..uvoz z Italije.. Pa sam ja zašel nutar kaj je moja najdraža bila znatiželna videti.. zapraf tu ima lepih komada.. A moreš i naručiti kaj tebi paše z slikica kaj ti pokažeju..se tomu reče..katalog.. Jasno..za cenu ne pitaj.. košta kak da je z Marsa dopelano drevo.. Tak..ak imaš penez..onda ravno sim … A ima još nekaj čudnega.. Mi Horvati prodajemo Taljanima naša dreva..daske..planjke..balvane.. za male peneze..a Taljani nama onda dopelaju skupeg mebla kaj su ga naredili z teg našeg jeftinog dreva.. . Baš svakaj …….. a kaj.. tak je ………..



A ovo je samo malo niže od Maleg Placa mam prek puta škole za mutavce.. To je tu valjda i dugše neg ja hodim po mojem Zagrebu.. Negdar se davno ti štacun nazival Zagrebački Magazin.. pa je teh štacunof bilo po celom našem Gradu.. Denes je ostal samo of tu v Ilici.. i se nazivle Zag-Mag.. To je kakti skračeno od stareg imena.. No.. v tem štacunu moreš kak malo gde zabrati i kupiti štofa..svile.. platna ovakveg i onakveg..na metre i bale … Pa ni to samo oni šlingeraj kaj ga posvud ima kaj samo za forhange prodajeju.. Ovo tu su pravi štofovi i futeri za ajncuge šivat..kostime.. rubače i druge obleke.. I gda zajdeš nutar vse diši po teh krpah.. dobri stari mirisi.. kak i gda zajdeš v kakšni šnajderaj.. pa i teh je več fest malo po Zagrebu.. Pa ak ti je potreba za kakšnom krpom..evo tu buš za ziher našel kaj ti voliš ……



Pogleč.. ova mala hiža je.. cirkva.. To je kak piše..Kristova Pentakostna cirkva.. to je dole v Ilici malo spodi vulice Nad Lipom..A to su nekakšni sledbenici samoga Isusa..tak veliju za sebe.. nikog drugeg ne priznaju neg samo teg Krista.. Čudna je to nekakšna bratija..nemreš tu samo tak dojti.. moraš biti član te cirkve.. upisati se kak v špilšul.. onda te oni poredaju med nove članove.. pa kak vreme ide i ti redovno dolaziš na mise onda postaneš stalni član.. pa kak još ide vreme.. narafski.. moraš lepe milodare prinosit.. onda si nakakšni priznati sledbenik Krista.. A ljudi navek preterivaju pa se svakaj pripoveda za tu cirkvu.. Nijhov poglavar ni oni klasični pop kakšni su po drugih cirkvah.. je to obični človek kaj zna dobro pripovedati.. I veli meni jena ženska z vulice da je ona več bila v ti cirkvi z svojom prijatelicom kira je pak več dugo priznati član.. I još veli da ti priznati članovi imaju posebna okuplanja jemput vsaki mesec.. zapraf veli da se tu spelavaju nekakšne špelancije v potpuni črni kmici..pa se vsi skineju goli.. i onda gdo koga dohvati… Zanimlivo.. Al ima nekaj v temu istine..se več davno čulo da se takšne stvari spelavaju i pri onim Jehofcima.. Gda si več stari vjernik a svu svoju imovinu kaj si ju imal prepišeš njima..onda i ti moreš v te posebne špelancije… Tak je to i tu.. Prvo ti daš njima..posle .. haj..haj.. gdo koga dohvati.. Pa fala lepa.. nebi ja da ga meni negdo v ti kmici zabije spodi hrptenjače...ha .....



I tak si onda sednem na trajvan.. jedanajsticu al šesticu i pelam se spram svojeg domeka .. Viš.. gda dol v Ilici spaziš ovakšnu sliku..onda znaš da si došel v moju Kustošiju.. A je to dugačka pripovetka kak sam ja z Zrinjevca zbegel v Kustošiju.. Bum jemput i o tem nekaj zpripovedal.. Sam ja navek govoril da sam ja v Kustošiji samo privremeno i da bum se vrnul na Zrinjevac.. I ja svoji starešoj kčerki nudim celu hižu da mi vrne moj stan na Zrinjevcu..al se ta neda proč.. Tak sam ja onda vsaki dan gost v svoji stari domaji v Gradu.. a Kustošija ..je ..lepa je.. imam je rad.. al kaj.. periferija.. me razmeš.. Al vmreti bum došel v Grad.. makar na klupi na Zrimbaču ….Ha

……. Serbus..




08:58 | zafrkancija (8) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.