Ha ......

... zagrebačke piknjice ...................

Tak ........

Ščera su se z Medvedgrada znad našeg lepog Zagreba dotepli čarni oblaki... je zgledelo da se tu nema kaj preveč za pripovedat..neg bežat ..

Hitro na kipec deneš kakšno jajce i put spod potplatof.. Ovi čarni ofucani mački na nebu se ne šaliju ... evo.. par kaplic več bubnja po moji tikvi ... Narafski.. ambrela je domof iza vratih ....

Kak je hudo zgledelo.. dobro je i prešlo.. Veter je te oblake poteral dalše.. malo je daždilo.. tekar da pofajhta Ilicu ....

A denes vjutro...

Sasvim drugča pripovetka.. sunčeko zasijalo.. nebo plavo.. je da je malo još friško.. z Medvednice popuhuje naš dobri veter.. Jezušek.. kak je lepo biti Zagrepčanec .....

Serbus ...............

zagrebačke piknjice .................

Ti i ja .........

Primavera .............

Jeee..stiglo nam je proletje.. a ime mu je Vesna....
Stoga vsim Vesnama želim lepi i sunčani proljetni dan...
Sretan Vam imendan .............

Maaa.. nekak je oveg leta dost mršavo to proletje.. Barem tu v našem lepom Zagrebu.. Zgledi da se ona dugačka zima fest kopita i neče joj se prejti.. Tekar su mačuhice zdignule svoje lepe glavice.. ostalo cvetje još spi ............

Posle oneh sivih i črnih dni.. sunčeko se pokazalo i tak lepo svetli znad našeg prelepog Grada Zagreba.. Milina.. pa.. kak nebuš stal i divil se.. Baš sam fest zadovolen kaj baš ja živim v ovem lepom Gradu ....

I ak hočeš osetiti pravi dah proletja..samo dojdi na naš Dolac.. Pogleč.. priroda posvud naokol.. kam se obrneš.. vse jena farba lepša od druge.. Maaa.. mogel bi tu stajat pol dana i vživat .....

No.. ipak bum si sel v Serbus... Je da je obični pajzlin ..al je na Dolcu.. To mu daje posebni značaj.. Ljubazna kelnerica ti prinese vruču Nesicu od vanilije.. sunčeko te odzgor miluje.. plahi vetrek z Opatovine popuhuje.. ti se vrti okol tikve...Kaj da ti velim.. moraš sam dojti i vživat...

Imajte se dobro dragi moji ............

... Blešči .......

Serbus

... zagrebačke piknjice ....................

............... ak gdo hoče znat ..................

Ni ziher ……..

Jedin po čemu moreš videt da je proletje spred vrata su ti lepi cveteki na Splavnici..pa na Dolcu..al i ti su zrasli v kakšni stakleni gajbi.. Praf za praf.. proletje.. onak dišeče.. još ni.. Vse još spi.. i dreva i travniki.. grmi.. nikaj ni začelo pupat.. Dok nebuš videl da su zažutele na Zrinjefcu forzicije..dotle ni ziher da je zima prešla.. A i oni spametni prognostičari se nečeju odreči zime.. vse nekaj motaju okol plota.. ciklone.. anticiklone.. vrtlogi.. i vrag bi ga znal kaj.. A moram ti kazat da naše vredne zagrebačke vrtlarice još nisu začele vređivat parke.. pa zdaj bi več trebali bit posađeni jaglaci.. zumbuli.. mačuhice .. gumbeki..al nikaj nema.. Morti je to stoga kaj je naš gradonačelnik.. oni dotepenec z bregof preokupiran z .. se reče.. personalnim slobodama.. pa je pozabil dati zapoved… Denes je baš nekak cendravo vreme.. dež sam kaj se ni zpustil …………

Se malo stanem pa gledim tu lepotu ofarbanu.. ti vrapca.. tak nit jen maler nebu ofarbal kak to naredi priroda.. I tak se nalukavam.. pa sam čak i pošnjofal zumbula.. Dojde kumek kaj tu prodaje pa me pita dal bum samo šnjofal..al bum kaj i kupil.. Eeeehh.. gosponček.. velim mu ja.. ni to samo tak meni zabrati i kupiti.. Moram ja prvo spitavat doma moje ženske kaj one hočeju.. Maa.. ionak me buju poslale da tega celo čudo pokupujem..a one buju samo zapovedale da gde kaj treba fteknuti v zemlu.. No.. ja bum čkomel.. morti pozabiju.. ha …..

Dve su kaplice spuznule z neba.. pem ja nekam na suho bezecirat mesto.. Viš.. kak ovi tu imaju rad našega Zagreba.. pa ak je tak.. baš si bum tu nutra prešel sesti..narafski.. Nesica od vanilije.. Ni loše.. a i tu ti imaju nekakšne frkafulje..za pojesti.. Bi ga vrag znal kaj to je..al ni loše.. Nekaj ti zgotoviju kakti sendviča..al dobiš na tajnur.. bi ga vrag znal kaj.. no.. je šmahtno i more se lahko čez požirak zpustit.. Znaš.. trebal mi je dojti moj pajdaš Dragec.. sam ga čekal pri Fuliru.. pa mi je otkazal.. To je oni stari hahar kaj bedina ženu i cucka od našega gradonačelnika.. pa je denes moral tom obraštenom gorštaku odnesti..piknik.. opremu v Remetinec.. ha .. No.. bu zutra došel pa bumo tračali.. Jezušek ..kak je kmično …

I tak.. malo se sprejdem okol naokol.. hitim prek starih dvorišča oko na naš Gornji Grad.. Jee.. pa nis bil gor več fajn.. bum se jen dan spentral gor..ak ne prije a onda gda kostajni poteraju pupove.. A tak rad sam gore na Griču bregu.. al bi me vrag zdaj nateral po štengama.. rajše bum se vrtel tu po Kaptolu.. morti kakšnu zgodnu opaticu sretnem …

Kak vse zgledi.. za časek bu se dež zrondal.. a ja nemam ambrelu.. ajncug je od samta.. cipeliši antiloperice.. ti vrapca.. vse kaj dobro vodu pije.. Drugač to znači da bum ja zdaj dal petanjkima vjetra.. i zbrisal… Maaa.. i ja sam razpoložen kak i ovo vreme.. nikak.. Najrajši bi ovem črlenom vritanjak opalil.. nikak nemam rad te črlene.. A kaj.. Ništ… Bežim …….

Serbus ……….

zagrebačke piknjice ..................

Vloviti sunčeko …………..

To je ova dva dni najvekša želja vsakeg Zagrepčanca.. vloviti malo sunčeka.. Makar bum ti zapraf povedal da i ni nekaj posebno toplega.. Sunčeko još nekak.. al mrzli sjevernjak kaj z Medvedgrada ..prek Kobile.. čez Žervarski dol.. pa dalše čez Jurjefsku i prek Griča brda ..puše skroz sim dol na Cvetnjak .. baš i ni nekaj posebnog .. pa bi se reklo da je sunce zubato.. Jeee.. pa još ni proletje.. makar bi mi šteli..
Denes sam se lepo zavalil v ovu tu ciklama fotelju.. vrabec ga dal.. samom sebi sam zgledel kak slon v stakleraju.. kaj ti ja znam.. morti je to ipak samo za curice .. Al.. baš me briga.. konobar mi je hitro donesel vruču Nesicu od vanilije.. siromaček nekakšni mršavi kak letva.. vse se je tresel od zime.. A i meni je nekak puhalo za vrat makar sam kraglina vis zdignul.. Noo.. ipak mi je bilo lepo .. mir ..tišina.. samo čuješ one cvječarice kak se dovikivaju.. Mogel bi tak pol dana sedeti.. dremati i gruntati………….

Čist se stepem od mrzline gda se zmaknem z sunčeka.. Stoga gledim gde tega ima pa na tu stranu bežim.. Maaa.. znam ja.. za mesec dni bum klel tu goruču lampu kaj bu žgala.. no pa onda nebu trebala Nesica neg moja Ožujska z citronom.. Kaj.. i pak bu lepo… Gledim naokol.. morti vidim koga poznatog.. Al kak vse zgledi.. ja navek v špancirung prejdem preveč rano.. Moji pajdaši se još skrivaju svojim babama iza riti.. a lepe moje Zagrepčanke.. poznanice tekar zdaj vodicu za kavicu mečeju na šparhet.. Narafski.. prva kavica mora bit mam čim oči otpreju.. pa tekar onda morti kakšna špancirancija .. Gledim tam pri Kazališču.. Hemingvej je još zaprt.. a dobra stara Kazalištna Kavana.. naš Kafkaz.. nebuš mi veroval.. zaprt na čisto.. I lepo piše na vratima da je Kavanu zaprla Financijska inšpekcija.. Vrag jebal vse te dotepence kaj su se kak miši zavlekli v te naše inštitucije.. jen Zagrepčanec ziher nebi tak nekaj naredil.. Jezušek.. me hoče šlak trefit gda tak nekaj vidim.. pa i ljudi kaj tu prolaziju se snebivaju.. Kafkaz zaprt… strašno ………..

Al na Malom Placu ni nikaj zaprto.. je da ni preveč kumekof.. kaj bi po zimi tak rano delali gda i naše Zagrebačke domačice još spiju.. Ni više dobra prilika rano prejti na plac gda po celi dan posvud vsega ima na po izbor.. Al me snubi sunčeko da si još jenu rundu malo počinem.. čuj.. sam par dni domof čubil zmed oneh virusa.. pa mi zdaj paše kak papagaju kaj je zbrisal z krletke .. A v KaviTavi.. su se več dobro sprakticirali.. Nesica im je dobra nakon kaj sam ja par put prigovaral.. a bormeš bum si maznul i jenu travaricu.. onak..za gubec pofriškat.. razmeš.. Mmmm… baš mi paše.. nek vam bu krivo.. pospanci ……

Jeee.. nikaj nemre trajati navek makar bi se človeku lepo zgledelo.. Bumo rekli.. treba prejti dalše.. ima još drugih briga za zbavlati.. Kak i navek.. ja sam onaj kaj dela domaču zadaču.. bumo rekli onak po školski.. makar ja zapraf nigdar nis pisal domače zadače.. maa.kaj.. je to bilo gublenje vremena a i bi mi moji šulpajdaši ribali tikvu da sam.. štreber.. Al bi zadaču uredno prepisal od školske prijatelice koja je bila odlična vučenica.. Ona bi navek dobila peticu.. a ja z teg istog kolca … ha.. su me odavno profači prokužili.. Noo.. ove moje današnje domače zadače su nekaj drugo.. Evo.. moram na poštu.. tam nigdo nebu mesto mene stal vred i čekal da plati računa.. To moram sam … veli narod.. kaj se mora je težko.. i ja se tega držim.. Hmmmm.. nekaj sam ja tu obrnul..al ni važno … Evo.. čez.. Bazar na zapad …………..

Serbus …………..

Beži… vrag te jebal ………….

Vleče se ova zima kak pes z potumplanim jajcima.. Vse nekaj.. bu.. nebu.. taman se poveseliš kaj jen dan sunčeko zviri čez oblake.. pa onda spet.. ništ… Gda su več jaglaci zvirili spodi mraza.. visibabe obesile svoje tuljce.. a naši lepi Zagrebački parki samo čekaju da negdo zafučka kakti za početak……

Veliju da i zima ima svoje lepote.. Narafski da ima.. al tu v našemu Gradu tega baš i ni preveč za videt.. Kaj tu ima tak lepoga po zimi.. morti samo prvih pet minut gda oni beli prhlivec zaprha.. jer mam posle več ni beli.. Vse je naokol sivo.. musavo.. kmično.. a tak ti i ljudi zglediju….

I tak je tužno gledeti te ogromne stare platane .. brez listja kak i lepa ženska v podrapanoj kiklji.. Jezušek.. gda se vse zazeleni.. pa si sedneš na klupicu.. pomalo dremleš..a z pol oka glediš lepe ženskice kak prolaziju …I samo zbiraš.. ovu bi.. ovu bi.. i ovu bi.. prafzapraf.. vsaku bi.. Hmmm… je da ja bi.. al se i njih pita ………
Tak bi mi klinci sedeli na klupi.. lamatali z nogami.. čekali da kakšni rjetki avtomobil projde.. pa bi kričali.. Puj moj nikad tvoj.. narafski gdo bi ga prvi zagledal.. Se razme.. navek smo se svadili gdo ga je prvi videl.. I gda nam je najbolše išlo..onda bi se na klupu nateple kakšne babe i sterale nas klince.. Negda je Zrinjevac bil navek puni.. al dečurlije.. al penzijonera ..največ pa starih baba kaj bi od jutra do zutra sedele na istom mestu.. Ja sam se navek čudil kak stara baka od mojeg pajdaša Pacova sedi po celi dan a da ne treba prejti na scanje.. tak i druge babe.. nit žejne nit gladne.. jeee.. ak bi se koja zmaknula mam bi kakšna nova naletela na to mesto.. Ih se znalo na tu klupu i po pet baba natiskat.. onim sa strane su vse riti visele prek klupe… I baš ta baka od Pacova bi nas z svojim babama znala sterat.. Lepo bi došla do klupe i rekla svojemu vnukecu Pacovu.. Ajde..Vladek.. buš pustil baku i prijatelice da se sedneju.. A kaj bu mali Vladek.. neg bil dobar dečec.. Al v to vreme još Vladek ni imel špicname Pacof.. Nekak se malo kasnejše pretvaral v frajera.. pa je vse bolše bil sličan na štakora neg na človeka…ha .. A zarana su mu začeli nekakšni mustači rasti spodi frnjokla.. pa je zgledel kak oni štakor z stripa.. oni Krcko.. pa ga je negdo nazval Pacof i je skroz do denes ostal.. No .. bumo rekli.. Vladek.. ni svoji baki nigdar ostal dužan kaj ga ova tak zdigne z klupe..pa onda i nas skup znjim.. Navek je Vladek mogel z petanjka zvleči oneg zelenog šmrklja.. smo mu kazali ..masnjak.. pa bi ga lepo zpustil po skrivečki na klupu.. I tak bi se al.. bakica.. al kakšna nejzina baba zalepila na teg masnjaka.. Narafski.. mi bi se valjali od smjeha..al babe nisu kužile zakaj … Maaa.. bilo pa se spominalo …..

Viš kak je Štros prazni.. a navek je.. i po zimi i po ljetu.. Negda je to bil park pun kak pes buha.. Pogotovo po ljetu.. Tu bi dolazile mlade mamice z dječicom v kolicima.. pa bakice.. tateki.. tete.. i kaj ti ja znam kakšne vse guvernante z dečurlijom.. Navek se je tu kričalo.. skakalo.. lopte su posvud letele.. Istini za volju.. negda je tu bil oni beli šoder.. Samoborec.. pa se i prašilo kak v Sahari.. Al je i bilo dalko više grmlja.. dreva.. cvetja.. neg tega ima denes.. neka su dreva vsahnula.. druga nisu posadili.. grmi su nekam nestali.. Maa.. ovak zgledi ofucano..al po ljetu je tu više neg ljepo.. Makar više ni dječice.. nema galame…. Vse je drugač neg je negda bilo..
Pa je Štros imel i svoje kmične strane.. kasno zvečeri su se tu v trdi kmici okupljali buzaranti.. pa su se po onem grmlju šlatali i pimpeke mjerili.. a tam prek.. spredi Hotela Palas kaj ga vidiš.. tam su kurve imele svoju štraftu .. I nami fakinima na Zrinjefcu nigdar ni bilo dosadno.. Gda bi nam se trefilo.. barem jemput na mesec.. lepo bi mi čoporativno cela banda z Zrinjefca došli na polnočku na Štros med buzarante.. proglasili bi Gradcku placovinu.. i pokupili od teh pedera vse cigaretline.. fajercajke i peneze.. Ak bi se koji pobunil lepo bi dobil nogu vrit da je letel kak na mamlaz pogon..
Z druge pak strane..one kurve pri Palasu su štraftale gor dol spredi hotela.. I ak bi se na njih nameril kakšni pijani..al rabijatni človek..one bi pobegle knama na Zrinjevac..al ponajveč bi samo poslale najmlajšu štajgericu da nas pozove v pomoč.. Narafski.. mi smo vse te ženske poznali.. i mam bi se odazvali.. Kolko put smo sprašili kakšne bedake kaj su napadali kurve.. No.. su te ženskice znale lepo nam zafalit.. Navek je pri njima bilo finih strajnskih cigaretlina .. pa bi nam davale.. al bi nas pozvale v Splendid na pijaču po želji.. Znjima smo navek imeli dobre odnose dok ih milicija ni poterala dole na Tomislavac na kolodvor.. No.. za par let su se vrnule nazaj gor na Trgač..tam pod Varteks … Al.. to bu druga pripovetka….Maa.. fučkaš bedarije….

A nit tu denes nemreš nikoga susrest.. morti kakšneg cucka kaj je dovlekel gazdu na scanje.. hmmm.. nekaj sam fulal.. bi ga vrag znal.. I Taj tu del Tomislafca ima svoju pripovetku.. razmeš.. ni navek tu bilo pusto i prazno.. navek je tu bilo lepo vređeno to mesto spredi teg Umjetničkog Paviljona.. Al taj paviljon je dugo leta znal bit zaprt jer je navek prokišnjaval.. a oni stakleni krof fort razbit.. Prafzapraf.. bila je to prilična starudija.. Dol v podrumima smo se mi klinci igrali med nekakšnim starim meblima.. gore smo se čez podrapane gitre zavlačili i noreli z loptom .. A zvanjske strane pri ulazu smo se po onem kamenitom gelenderu zpuštali kak po toboganu.. Ne jemput bi se popeli i na tikvu onem kipovima sa strane.. Nigdo tu ni pazil..Jemput su nekekšni gradcki potepuhi nutra oganj nakurili pa je skorom vse zgorelo.. Potem su Gradcke vlasti vse luknje zabili z daskami i tak je dugo let stajalo.. Tekar tam spred onu Unizverijadu su to tu pririhtali pa je i do denes kak treba .. Maa.. daj pogleč te sive oblake.. vrag ih jebal.. mi ih je dost ……

Jedin kaj je dobrega od teg kaj su gola dreva je to kaj lepo moreš videt vse hiže onak kak i jesu.. Gda se vse zazeleni.. nebuš vodel skorom ništ.. Moram ti kazat da se pomalo jena za drugom obnavlaju te stare palače na Tomislafcu .. Vse ih je tak lepo videt.. Bum ti rekel.. vsaka od teh ogromnih hiža na Tomislafcu ima kaj za pripovedat.. Skroz okol naokol trga.. Nema tu hiže v koji ja nis bil od podruma do tavana.. a da ne velim da su pozadi velka dvorišča.. Negda su to bila zapuštena mesta.. ni bilo garaža kak ih nit denes nema jer su mali haustori.. Al se po tim dvoriščima vsega znalo najti.. od porušenih onih najstareših hiža.. šupa i raznih luknja..pa do dva velka podzemna bunkera od kojih jen još je navek baš v ovi palači kaj ima zelenu fasadu.. Eeee.. tu je bilo avantura za vse gdo je znal živeti.. i za skitnice.. i za lopove.. i za kurve.. pa i za nas fakine.. A i tu na Tomislafcu je bila velka i jaka banda.. pa smo se mi z Zrinjevca skup znjima osečali kak domaći.. Vse je ležalo v tem.. kaj si čez jen haustor zašel v dvorišče.. mogel si na vse strane sveta ziti van.. Čez sva dvorišča znutra si mogel sprehajbat i na Gajevu.. i na vulicu 8 maja.. i na Tomislavac i na Starčevića.. Z druge strane si mogel na Branimirovu.. Petrinjsku.. Šenoinu.. Ak si se imal nameru nekomu skriti..al bežati nekam gde te nigdo nebu vlovil tu je bila prilika.. Aaa.. je..je.. kolko je put dobro došlo.. Denes vsega tega ni.. haustori su zaklučani.. dvorišča kolko tolko vređena.. nekašni novi ljudi denes stanujeju na Tomislafcu.. zapraf malo ih je.. vse su to denes nekakšne poslovne hiže.. bi ga vrag znal kam su stari nestali ……. Tak to.. uzput…….

Serbus ……………….

... zagrebačke piknjice ......

Hujnavica …….

Kak i navek.. stojim ja v svojemu vuglu pokraj vrat.. narafski.. pelamo se v trajvanu.. I navek jednaka slika za videt.. vglavnom ženske sediju.. mužki stojiju.. mladi vrtiju v rukama one fujfone.. žnore im visiju z vuha.. študenti galamiju.. ženske žlabraju..ak koja ima zkim.. Bi človek rekel.. ništ kaj bi bilo posebnoga.. A ja ti stojim v šturcu i gledim dal bi se imelo kaj interesantnog najti.. Noo.. jedin kaj bi človek zapazil je to da navek negdo v trajvanu šmrkle vleče.. drugi kašlje.. treti hriple.. pa negdo kihne.. čuj.. još je zimsko vreme.. mrzli veter puše.. fort nekaj z neba curi.. a nit oni prognostičari kaj dobrega imaju za kazat.. Maaa.. gledim oneg Sjerkoviča na Novi televiziji.. više človek nezna kaj bi nam zlagal.. samo nekaj tak zmota da nit bedak nemre razmeti.. Ha.. baš me dobro zabavlaju ti prognostičari..navek točno veliju kakšno je vreme bilo ščera.. A kakšno bu zutra.. eee.. to buju probali potrefit..pa kak bu.. Slušam moju najdražu.. vjutro si cipeliše obuva..pa kune teg zalizanog Brzoju.. Kaj je bilo.. kričim ja.. Maaa.. žali se moja.. je ščera nafčer Bzoja lepo rekel da bu vjutro vederina.. da pe ogranak anticiklone.. bu i sunčeko zasijalo… a evo ga na.. vani dež curi.. Jezušek.. velim ja.. kak ti vsakom veruješ kaj god da veli… Tak ti se ja pelam i gruntam v sebi.. a kaj bum drugo v trajvanu delal… …. Aaaaaa… pogleč… pogleč…. zdaj bu vraga videt…………