.. i nigdar ja nebum libru slagal ..........

četvrtak, 29.10.2015.

Kakšna bi to bila jesen gda nebi i dež malo poškropil odozgor ..pa se je več dva dni vreme puntalo.. bi .. nebi.. Narafski ja sam ščera lepo naokol vlekel ambrelu.. a denes gda je dež začel škrapati.. moja je ambrela domof na klinčanici iza vrat.. a ja zdaj stojim spodi haustora i gledim kak spametni imaju ono kaj ja nemam ... I praf je tak gda ja gledim na televiziji rit Ane prognozerke..a ne posluhnem ono kaj pripoveda... Al.. ni hladno.. vetra ni.. pa ni nit težko tu malo postajat i razgledavat .. Ak bu pa velka ztiska.. lahko se dobeži do trajvana.. Praf za praf.. meni je moj tatek navek savjeta daval.. Sinek.. nigdar nemoj na vulici bežati za trajvanom nit za ženskom ... Makar sam ja bil fest napredno i spametno djete.. ipak nis mogel spregruntati kaj je to moj japa meni štel kazat.. Na koncu sam ga ipak pital da zakaj nesmem bežati za trajvanom nit za ženskom.. Veli meni moj tatek.. Čuj.. ak buš bežal za trajvanom buše se potepel ..opal i bu te koleno bolelo sedam dni.. Hmmm.. gruntam si ja.. Ima moj japa praf.. nigdar ni takšne sile da bi trebalo za trajvanom bežati.. No.. a zakaj ne i za ženskom...pitam ja... Eeee.. sinek dragi.. veli meni japa.. ak buš bežal za ženskom.. buš se potepel.. opal.. i... bu te celog život glava bolela... Ha.. nis onda mam zgruntal kaj mi je to moj stari štel kazat.. Ha..puno je prešlo dok sam ipak skužil ...Ha ....
.......................................................................................I tak dok stojim.. vsaki čas malo šklocnem z aparatlinom.. praf za praf.. nema se kaj.. Ljudi se žuriju.. babe se trkaju z ambrelama.. šoferi trubiju pješakima kaj se vlečeju kak gliste prek vulice.. pješaki pa šofere ne fermaju nit za črvlivu šljivu.. Baš gledim.. beži baba z tri cekera vruki prek vulice.. narafski hoče dostignut trajvan.. A po štreki spram trajvana beži jen stari.. otprta mu ona ogromna mužka ambrela.. I kaj.. pri samim vratima tramvajskim sudariju se baba i taj stari.. Ti vrapca.. baba je skorom v izlog odletela.. stari je z ambrelom maznul po trajvanu tak da se je ambrela sva preobrnula.. ... Idijot.. čez gebis je zaškrgutala baba.. No.. of je bil saf zaštentan z popravlanjem ambrele pa ju ni čul.. Narafski.. trajvan je več bil na pol puta do malog Placa ... Jeee.. imal je praf moj stari..
...................................................................................A dež.. nit vrit nit pokraj.. bi se lepo reklo.. sere.. maaa. pem ja dalše cipelcugom.. Ha.. pa nis nit ja bedak.. je da nemam ambrelu..al sam si navlekel vjetrofku kaj more i vodu zdržati.. a na tikvi je šilterica.. I nekak mi je došlo pa sam si lepo zafučkal onu Špišičevu.. Čovjek bez šešira ..i tak po taktu koračam ..kak avstrougarski grenadir.. Tu i tam zastanem.. hitim nekaj na kipeca.. Znaš.. imam posebni aparatlin za mokre prilike.. Teg moreš i v zdenac hitit ništ mu nebu.. Pa onda dalše i pomalo si gruntam.. pa mi opadne na pamet i ona libra kaj mi ju je negdo spominal.. zapraf.. to bi trebala bit libra..hmmm.. bu brus.. pa nis ja ponorel da libre škrabam.. kaj ni dost kaj se i po blogima raztežem .. Istini za volju.. zdaj je več prek petnajst.. morti i sedamnajst let.. mam kak sam z rata se vrnul.. kak sam ja začel svoje Zagrebačke špancirancije.. no.. koji put se je to i drugač nazivalo.. Pa je velki problem kaj ja od tega skorom ništ nemam spremleno i sačuvano.. Narafski.. fotografije imam.. al kaj ti vredi gda su rječi zgublene.. Rekel bum ti.. v ono vreme gda sam ja začel po Internetu škrabati.. ni to bilo kak denes.. klik sim..klik tam.. copi paste.. i gotovo.. Brus.. vse se je onda moralo pisati direktno na stranicu.. fotografije si ondašnjim vezama pošilal prvo nekakšnem uredniku nekam v Ameriku.. pa bi ih on onda prebacil na nekakšni alat.. i tekar onda si to objavil....ha.. nakon pol dana.. A kaj je najvažnejše.. v to vreme se Internet plačal po minuti korištenja.. A kak sam ja navelko to koristil.. bil je mjesečni račun i po par stotin švabskih marki..
..................................................................................Gda se samo sjetim kak je to bilo dok sam opče interneta dobil.. Još je to bilo ono staro poštansko poduzeče.. PTT.. pa sam dole pri koncu Palmotičeve čekal skorom celi dan vredu.. I gda sam došel na šaltera.. dal mi je službernik.. jeno deset papirof kaj ih je trebalo spunit.. pa onda v drugi red na drugem šalteru.. No i to sam zbavil i lepo su me odputili domof.. kakti buju me pozvali.. I jesu.. dobil sam poziva.. nakon mesec dni.. I pak dole v Palmotičevu.. pak v red.. Of put sam na šalteru dobil .. narafski... nakon dve vure čekanja.. ugovor z kojim sam moral spet na treti šalter.. to je bila blagajna.. i tu platit za priklučenje Interneta.. Bilo je to.. dobro pamtim četiristo švabskih marki.. I zdaj ponovno na prvi šalter od prije mjesec dni.. čeka se vredu.. da mi vudri službenik teftera i mur ... I tak to.. da ne velim kolko je to bilo muke i jada z tim ondašnjim Internetom.. više vremena ni delal neg kaj je delal.. Pa sam vsaki dan po dva put nazival PTT i štajgal da mi Internet ne dela ..
.................................................. Zapraf sam štel kazat da vse kaj sam od onda pa do denes metal po Internetu.. nigdar nis sačuval.. Škrabal sam z tikve kak i denes.. a prve fotografije nis mogel kak denes z aparatlina v kompjutora pospremit.. neg sam ih moral.. se reče skenirat i tak pošilat na Internet.. Još da ti velim da me ondašnji skener koštal okol dve hilade švabskih marki.. da je bil velki kak kofer i još sam po nejga išel v Lajbnic v Avstriju .... Znaš.. ništ od te moje libre makar bi se vse to dalo znova prepričat.. vse su to bile moje dogodovštine .. moja povjest.. moja mladost.. moje lubavi... i tak dalše.. i tak dalše.. i tak dalše.. i tak dalše .................

Serbus .........................

..štrapac.. trapac..rapac..pac..ac..

srijeda, 28.10.2015.

Ideju dani.. letiju.. vure se vrtiju kak na mamlazni pogon.. malo je na nebu sunce..začas ga zmeni mjesec.. I fort tak okol naokol.. jebal ga vrag... Od velke Gospe na ovam kak da je negdo zalaufal ovaj svet.. Gda se setim.. bil sam pravi fakin..frajer..razmeš.. i fort sam štel bit stareši neg jesam.. pa sam se i kolko put zlagal da imam više neg je .. Zdaj pa.. gda sam dostigel i prestigel to.. stariji.. eee.. kaj bi dal da se vreme more zabremzat.. makar da ostane ovak ..ak se več nemre barem dvajset let v rikverc poslati.. maaa.. kaj dvajset.. pedeset bi bilo..taman... Ha kaj bi to bilo dobro.. hmmm.. svakak da mi i pamet ostane ta kaj ju zdaj imam.. eee.. koje bi to bilo iskustvo v mladoj koži....
Tak ti ja naokol hodim i gruntam si.. pripovedam sam z sebom.. narafski.. samom sebi se žalim.. Ha.. a kom bum drugom ... Gda se pri meni skupi sva familja.. narafski na žderilu i pijači.. onda ja koji put velim.. Eee sad bum vam ja spripovedal kak je to onda bilo.. Ti vrapca.. za čas je prazna soba.. vsi nekam pobegneju.. I gdo bu me onda poslušal ak nebum ja samog sebe ... Ha ..........

A ja ti imam navek tolko toga za pripovedat.. maaa.. nit Dikens.. nit Tven.. nit Vern.. mi nisu do kolena .. Milčec i Kušan su pikzibneri..kaj sam ti ja vsega v živlenju sprešel.. doživel i preživel.. eeee.. Veli meni moj pajdaš Bokačo.. taki premazani zagrebački fakin.. da nek ja vse to kaj imam denem na hrpu skup z kipecima i nek naredim libru ... Hmmmm.. velim ja njemu.. bi ti mene vragu na roge napelal.. pa gdo bi mene nateral da ja to naredim.. nebi se dal napuntat ni da se zdaj spred mene stvori Rakel Velč v bikiniju ... Praf za praf.. imam ti ja štofa za tak nekaj.. al tega je tolko da ja neznam od kud bi začel.. Tim više kaj ja nemam ništ od tega ..kaj sam posvud petnajst let škrabal.. pospremleno.. Vse je to skončalo po raznim portalima.. forumima.. fejsu i bi ga vrag znal gde vse ni .. Ništ ja nis sačuval.. A zpočetka vse to delat.. hmmmm... nema tih penez ...............

Pa ti gledim kak nekakšne školarce vlečeju naokol.. I slušam kak im .. valjda vučitel.. pripoveda da je to kaj vidiju Zagrebačka katedrala.. Jebal ga vrag.. pa i bedak bi znal da je to katedrala.. Al je mene fest razljutilo gda im je taj mamlaz od vučitelja začel pripovedat kak je ono tu pokraj prvostolnice Bakačeva kula .. Bedak bedasti.. dotepel se odnekud i zdaj djecu krivo podučava.. Stare kule Tome Bakača več odavno nema ..... Maaa.. pobegel sam hitro da mu slučajno nebi održal jeno pametovanje o Zagrebu ...........

Viš.. delaju z mene norca gda velim da z jene strane vulice sija sunce..a z druge se vlečeju tusti oblaki.. A pogleč .. baš je tak .. No.. denes se je provleklo brez kiše.. a dalše bumo vidli jer prognostičarima ni za verovat.. Oni Vakula i onaj Brzoja.. lažeju kak da su istu cicu natezali.. Jedin bi poveroval onoj lepoj Ani.. ti vrapca.. pa daj pogledaj koji put prognozu vremena na Novoj televiziji.. Jezušek.. kakšna je to dobra ženska.. ima noge.. do poda..

Još malo ima te lepe šarene jeseni.. makar gledim po Gradu.. drvoredi i parkovi su skorom vse listje zgubili.. jedin se još malo bolše držiju platane i javori.. Al nek opadne malo bolši dež.. i nek vetar z Medvednice zafijuče.. vse bu ostalo golo... I onda bu vse nekak žalostno i pusto .. Jedin človek najde utjehu kaj se more na vulici lepih Zagrepčanki nagledat ... kaj ne ...Ha ....

Serbus ........

Hodim i na glas gruntam .............

utorak, 27.10.2015.

Od jutra se dan poznaje.. tvrdi stara poslovica.. no se ja z tim nikak nebi složil.. Meni je jutro lepo začelo.. i vse bi bilo vredu da človek v žepu nema onu napast..mobitel.. Jezušek,,, kak je bilo lepo živeti brez teg.. Lepo si bil miran celi dan.. ni ti nikaj zvonilo po žepima.. I ak se javim..znam da bum nekaj najebal.. ak se ne javim.. buju me oblajali da sam bil pri kakšni kurvi pa se nis štel javit.. I tak se ja vsaki put javim i najebem.. Lepo ti se španciram.. nikaj me ne štenta .. uživam.. a onda.. zvrrrr.. vse mi se jajca streseju v žepu kak taj drnda.. Kako smo i rekli.. ja se poslušno javim.. narafski.. moja najdraža.. bilo je i za očekivat.. Čuj dragi.. začne kak sveta Marija.. gda si več u Gradu..daj prejdi tam.... i začne nabrajat kam moram prejti kaj gledeti.. i kaj je najgorše vse to zabiležit v tikvi i doma referirat.. Kaj zdaj.. posluhnut.. zbavit kaj ti se veli.. zapamtit i posle referirat.. I tak.. zdana v dan.. al vjutro..al popoldan.. Jeee.. veliju da sam ja penzijonorec i imam fajn lufta.. pa onda .. deri kozu dok zdrži ...........

I tak.. makar sam štel na drugu stranu prejti.. zdaj sam tu gdi jesam.. a tam na drugu stranu bum otišel gda to okolnosti dopustiju.. viš kak sam to lepo rekel.. Prafzapraf.. meni je tak svejeno kud se španciram.. cipeliše dereš ovak i onak.. levo..al desno.. Vreme je sasvim po moji volji.. nit vrit nit mimo.. Z jene strane Grada nekakšni tanki oblaki.. z druge strane sija sunce.. z Medvednice je kakti malo maglovito.. a z juga ništ ne vidim jer mi je hiža spred nosa ... A jesen je vsaki dan vse bolše šarena.. lepo je videti mog dragog Zagreba tak oblečenog.. Al več od zutra bu se nekaj vreme začelo kopitat i morti bu i dež curel.. tak veli ona zgodna feš prognostičarka na Novi televiziji..ona Bago.. mi se čini da je Ana.. Ti vrapca.. ima ta bokove kak ribarski brod.. a bogmeš nit riti joj ne fali .. I ja nju rajši gledim neg oneg zalizanog Brzoju kaj laže dok zine ....................

Kaj da ti velim.. prešel sam ja zbavit domaču zadaču.. kak sam dobil upute prek mobitela.. jebal ga vrag kaj ga je zmislil.. No.. i kaj.. dok dojdem domof ionak bum pol tega pozabil referirat.. al se ja snajdem.. hitro nekaj zmislim.. zlažem se kak pes.. i nikom ništ.. Taki nebu nigdo išel proveravati dal je to baš tak ..Ha ... lepo bu me moja najdraža pitala.. No.. si bil tam pogledeti kaj sam ti rekla.. Narafski da sam bil .. pri Fuliru na Trgaču.. sam si Nesicu od vanilije spil.... ......... Ha ......

Ja polahko na zapad.. oblaki još laganejše za menom.. morti se bumo zestali dole pri moji Kustošiji.. kak bu da bu.. ja bum svakak završil v brtiji pri Mađarici gde me več čekaju domači stari fakini.. Cajger fort na južni strani šanka.. tak da more gledeti čez celu brtiju van čez izloga.. Veli on da gledi ženske kaj prolaziju.. Maaa.. brus.. gledi on dal bu gdo poznati sprehajbal pokraj brtije.. pa gda koga spazi mam je v jenom koraku na vratima i zove.. Heeej.. kam žuriš.. daj dojdi .. buš platil rundu.. Ha.. Sused debeli Špengler.. taj svoju ogromnu pozadinu smesti na oni visoki stolec pri šanku.. pa mu se rit obesi frtal metra do poda.. a celo vreme gledi v pipničarku Šteficu.. al nesme pisnut makar bi joj rado svakaj povedal.. Zna da smo tu mi ostali.. pa ak bi nejgova Marica kaj doznala.. bi videl taj gde pes jajca nosi ...Ha .. I tak.. cela Kustošijanska delegacija je tu za šankom.. i kak gdo novi zajde nutra.. vsi samo zdahneju.. znaju.. još bu jena runda opala.. Znaš.. tu v brtiji pri Mađarici se vsi znaju i poznaju.. i nema tega kaj nebu počastil..a i svaki rad primi.. I onda ti tomu nema konca ni kraja.. Ha.. vse dok nekomu ne zazvrnda mobitel v žepu.. Narafski.. nečija baba zna gde joj je bračni drug.. pa ga na vreme doziva da si pamet v tikvu dene.. Jeee. i mene moja zna nazvati.. a ja joj lepo velim da sam pri Mađarici z pajdašima.. i to je dost.. mam ona zna da bumo Cajger.. Špengler i ja došli po sred vulice kak Tri Mušketira ......

Serbus ................................

Aaa.. tak ti to dojde

ponedjeljak, 26.10.2015.

Gledim ti ja to žuto listje.. pa si gruntam.. to ti je isto kak i ja.. i meni dojde jesen.. zapraf je več došla.. i ja se pomalo ziblem kak i ovo poslednje listje na grani.. još kratko i listek bu opal.. no na proletje se bu pak novi z pupa zlegel.. A ja.. hmmm.. gdo zna kaj bu do proletja.. jedin je ziher da se ja nebum z nikakšneg pupa nanovo zlegel.. Znaš.. nekak kak da mi se na jesen ta čuvstva pojačaju.. pa ti vsega i svačega opadne na pamet.. Al.. v pravu sam ja.. tak ti je to zapraf ..........

Znaš.. tam negda davno.. na jesen je navek bilo fajn tega spromenjenog nakon kaj je prešlo dva meseca ferija.. za to vreme si postal nekaj malo pametnejši,, malo si zrasel.. nafčil pri svoji bandi nekaj novih umjetnosti.. a cuiričke su nabubrile a ja sam se samo čudil kak ona mala žgoljava najemput gura spredi sebe ciceke i miga z guzicom.. kak da ju nis nigdar videl.. I mam ti onda prodelaju ziherungi.. temperatura poraste.. zapraf.. vse ti poraste.. .... No.. pak me vlovila ta nostalgija.. eeeeh.. kaj ti je jesen ..................

Navek se pitam zakaj baš na jesen se meni daske v tikvi tak posložiju da fort samo stare filme vrtim.. Bi ga vrag znal.. al jeno je ziher.. vsaku jesen buš me fort na Griču brdu našel.. Hmmm.. morti je to stoga kaj sam baš tu na Sjeverni Promenadi.. no.. na Vrazovom.. na klupi spodi razbite lanterne prvi put prste lomil po halterima.. pa iskal na cicncekeru gumba.. pa nakon jene cele vure skužil da gumba ni neg je to druker.. pa gda smo si tu prvi put jezike ribali po zubima tak da smo drugi dan obadva fuflali kaj su nam jeziki natekli kak krastafci.. pa gda sam z prstom kopal po...mmmm.. tak da je jadni prst posle zgledel kak da bi ga z lukšije zvlekel.. pa.. eeeeh.. kaj bi se vsega dalo redati ... Jeee.. negda sam ja sasvim drugač na tu jesen gledel ...........

Ipak bu bolše da se ja zpustim z Griča brda dole v žabariju i vse pozabim pokraj vruče Nesice z vanilijom.. kaj ti vredi pregruntavat stare špelancije.. i tak se nikaj od teg nebu spet vrnulo.. tak je kak je.. zdaj si stari kojn.. pa se lepo prepusti jesenskom sunčeku .. Veliju spametno da je to vreme kak zmišleno za poeziju škrabat.. Hmmm.. jesam ja negda davno.. još kak fakin.. jeee.. onda je bilo inšpiracije za lubavnu poeziju.. A kaj bi denes mogel.. nikaj mi ne opadne na pamet.. hmmm.. ipak.. ipak... ipak.. pem si pojesti komad pice tam v PimPek ........

Serbus ..................

Jesenske špancirancije ..............

nedjelja, 25.10.2015.

Tak ti je vsaki dan..od jutra se pomalo nekakšna maglica naredi.. kasnejše se oblaki i sunčeko prepiraju gdo bu denes vladal.. . A ja kak i navek.. nekaj imam za zbavlati po Gradu.. z nekim se zestati.. nekaj prejti pogledeti.. i tak..
Baš sam denes od Kvaternjaka krenul nazaj spram centruma.. pa bi skoro pozabil da v žepu imam aparatlina.. Nebi se nit setil da nis prošel pokraj stare fabrike..Badel .. Eeee..taj je Badel bil zakon v dobrom starim šezdesetim.. I staro i mlado je znalo za Badel.. se reklo.. Bilo kuda..Badel svuda .. Narafski.. mi fakini smo največ protežirali Badelof konjak.. su neki rekli.. Mirogojček.. No.. pa opče to ni bila loša pijača.. praf za praf.. loša je svaka ak se naliješ da ti na vuha pe van .. I tak bi skorom vsaki dan negdo od moje bande donesel politrenku.. ak pa ni.. smo skupili peneze i kupili.. Kolko nas je bilo.. vsaki je potegnul jen šljuk.. i flaša prazna .. Kasnejše gda sam začel delat.. vsako jutro smo mi pajdaši z poduzeča obavezno išli na pričest.. narafski v brtiju.. I se razme.. sam si se dorival do šanka i rekel..Badel prosim.. i začas ti je prek šanka bila spružena ruka z štamprlom.. Znaš.. negda ni bilo kak denes da ti konobar prinese .. se veli.. nula tri.. pa nula dva.. i još ti nameče ledenih kockic pa zapraf nit neznaš kaj piješ.. V ono doba si mogel naručit.. normalnu mjeru od pol deci..al ak si bil bolše baždaren.. onda od deci.. Se razme.. nigdar ni ostalo sam na jeni rundi.. kelnerica za šankom ni nit čekala da pozoveš drugu rundu.. čim si stresel teg jenog.. več ti je spred nosa bila nova... Eeee.. dalo bi se na dugaćko pripovedat o negdarnjim brtijama.. pijači.. pajdašima.. maaa.. gdo bi to čital.. morti nit veroval nebi ................

Jesen na vsakem koraku.. em su ljudi oblečeni kak da je Božič na vratima.. em žuto listje pada z dreva.. po izlogima vse zimska roba.. oveh dni puše pomalo sjevernjak z Medvednice.. vreme se fort punta.. al su rekli da bu ova jesen bolše suha neg mokra.. Tak i treba.. dost je dva tjedna dež curel.. Baš se lepo sprešetavat od jutra gda ni gužvancija po Gradu.. Oni kaj ideju na posel.. a takšnih još ima.. su več prešli.. školarci takaj.. i zdaj ti je jen moment gda je Grad prazan.. vse dok se ne zbudiju penzijoneri i neradniki.. a do onda bum ja več zbegel domof..

Jedin kaj je škoda.. a to je kaj su se ženske.. puce i babe več zamotale v svoje jesenske prnjke.. ni videti golih ručica.. kratkih kikljica.. prozirnih bluzic.. nogica kaj se gole bacakaju.. ciceka kaj se lepo zibaju.. Eeeeh.. kak to človeku more falit vani na vulici.. Znaš.. nemreš fort nit lukat v te izloge.. tri put prejdeš po vulici i vse si videl.. a ženskice.. jee.. navek kakšna nova.. kaj ju nigdar nisi videl.. al ti je fest drago kaj ju vidiš.. pa makar samo projde pokraj mene kak pokraj turskog groblja .. I kaj.. samo zduhneš.. obližeš se.. malo si po žepu prekopaš.. i to ti je to.. Bi se reklo.. malo zadovoljstvo .. onak ..uzput ..............

Jeeee.. gda god tu projdem rad se setim stareg kina ..Studio.. al drugač zvane .. Buhara.. Praf za praf.. sva zagrebačka mala kina v Gradu.. pa posebno ona na periferiji su se nazivala..Buhare.. tak su tu v Gradu.. Buhare bile .. Kosmaj.. Studio.. Jadran.. Kinoteka.. a one na provinciji nebum nabrajal.. bilo ih je i preveč.. Denes je vse to z kinima drugač.. nekakšna moderna kina su ..kak v Ameriki.. delaju celi dan.. a nutra gda glediš filma.. ti vrapca.. vuha ti se raspadneju kak je to glasno.. Od teh tu starih Buhara..ostalo je samo Kosmaj kino.. denes se naziva Grič.. i tu i tam nekaj malo..za posebne prilike dela Kinoteka . Negdarnje kino Studo..makar tak još piše..postal je vse drugo samo ne kino.. nekašne kazalištne prectave se tu vrtiju.. i još se tomu reče.. alternativa.. jebal ga vrag kaj god mu to je ...

Baš gledim i fort se znova snebivam.. Ovu tu Kaptolsku Vrtlarevu hižicu.. nju su lepo obnovili pred par let.. a onu velku.. Mali Vatikan.. to čeka da se razpadne.. Moram ti kazat da nit znutra ne zgledi nikaj bolše neg zvana.. Negdarnje Kaptolsko vlasništvo.. kasnejše državno.. pa prodano stanarima.. zdaj je vglavnom privatno.. I kaj.. nigdo ni da prstom pomakne da se ta rugoba obnovi.. Stanari veliju da nemaju penez.. Kaptol veli da oni imaju tek majnši del toga.. a državu i Grad ni briga za privatno vlasništvo.. I tak z krova letiju črepi.. fasada opada na vulicu pri vsakem dežu i vjetru.. nutra pak propadaju podovi i plafoni i štenge.. maaa..ne vredi pripovedat ...

I baš denes nekak mrzlo puše.. mi se čini da vleče durhcug odzgor sa Šalate.. maaa.. meni nikaj ne smeta.. no bi malo sunčeka ipak dobro došlo.. Kak i navek.. ja špilam frajera pa se špinčim samo z rubačom i traper jaknom koju nemrem nit praf zakopčat.. narafski.. drek magazin mi smeta.. A gda je več tak.. lepo bum zašel tu prek v PimPeka i nekaj su kupil za pogurat čez požirak.. Veter mi je donesel ..a ja sam mam našnjofal nekaj dobrog.. A kak ja nis nikakšni karakter gda je v pitanju žderača.. Jedin moram odlučit dal nekaj slanog..al morti slatkog.. I za jenim i za drugim lepo paše koja Ožujska z citronom .. Dakle.......

Serbus ..................

.... i dalše jesen ..................

petak, 23.10.2015.

Nemaš se kaj žalit.. posle oneg londonskog deža.. vreme se sporihtalo.. sunčeko se pojavi.. oblaki se na čas razbežiju.. moj Zagreb zablešči .. a ja uživam v lepotama najlepšeg grada na svetu.. Pogleč samo kakšni su to.. se reče.. kolori.. ha.. nit bi oni maler brez fuha to bolše namaljal... ha ..

Istini za volju.. nekakšni sjevernjak je začel puhat odzgor z Medvednice.. pa su se ljudi opremili kak da je več Badnjak.. Je.. vjutro ti paše kakšna vjetrofka al baloner.. no posle gda sunčeko zasija.. najrajši bi to skinul i ostavil na kakšnoj klupi.. Stoga ti ja vjutro pretrpim ono malo friškoga.. pa zdaj komotno hodim.. Vjutro zajdemo van z svojih hiža v isto vreme moj sused Cajger.. vurmaher.. ja samo v rubači.. on pa ima na sebi debeli pulover i jaknu.. Pita on mene.. kaj tebi ni hladno... Je.. velim ja ..al za jenu vuru mi več nebu ... Imaš praf veli on i na vulici skida jaknu ..svlači đemper.. ide i on samo v rubači.. Kriči čez oblok za nama Cajgerica.. nejgova baba.. Kaj špilate frajere stari kojni.. Ja sam joj Cajgeru iza leđa poslal pusicu.. a ona meni pokaže srednji prst.. eeeeeh.. valjda bu me jemput ozbiljno razmela... ha .. No.. nafčer moj pajdaš Cajger puše šmrklje z nosa da ga se i čez zaprti oblok čuje na vulicu.. Jee.. kojn.. sprehladil se i mam hujnavicu dobil.. Narafski..ja sam bil krif kaj sam ga napuntal da svleče pulovera.. pa mi je Cajgerica čez oblok pokazala stisnutu šaku.. a ja njoj..ha .. srednji prst ....

No.. podvečer se lepo prešpancirat v baloneru.. zdignem kraglina kak negda v mlajšim danima.. na šrek denem kapu na tikvi pa se sam sebi divim ..onak gda se pogledam v kakšnem izlogu na šajbi.. Ti vrapca.. koji sam ja još fakin..ha... Prafzapraf.. brus.. šajba je musava pa se ne vidi vse kak v špiglinu.. I tak.. v izlogu zglediš sasvim dobro.. druga je pripovetka..... ......maaa.. nebumo zdaj o letima.. Ja se za ženskama obrčem kak god da bilo.. a one za menom ne moraju..

A z Trgača je Sulejman čez noč prešel z svojim belim čadorima..al je stoga naš gradonačelnik.. oni dotepenec z bregof.. mam tu del veklog šatora od domačeg plemstva.. I oni kaj su bili vani na otprtom..zdaj svoje štande imaju nutra v zaprtom.. A kaj da ti velim.. vsakakšne krame tu ima za prodat i za kupit.. veliju.. vse je praf Horvacko.. Je..je.. morti je of Slavonac tu i prinesel domačih delicija.. vse na dva metra diši po klobasama i kulenu.. Ljudi šnjofaju.. staneju.. glediju.. prejdu dalše.. malo gdo nekaj kupi.. A domači Slavonski muž ima cjene kak da prodaje bogatunima na Petoj aveniji v Njujorku.. Denes si malo gdo more priuštit i čvarke..gda su skupi kak da ih je stiskala sama Kolinda ... pa i ona je samo sprehajbala pokraj štanda ....

Noč vse hitrejše pada.. kafiči zvana su prazni.. nutra pa još i ima koga.. Nekak je Grad prazan.. bi ga vrag znal.. tak ti to dojde koji put..a največ gda je.. kak se veli.. visoki datum.. Ljudi se spotrošiju do pol mjeseca..onak na brzinu.. pa se posle malo stiska remen pa i geltašni su tanki ... Baš gledim tu na Cvetnom trgu.. nigdo nit najmanjšeg pušleka rojžic ni kupil za poslednjie pol vure .. Ha.. valjda ni više tak moderno nosit cveteke damama.. pucicama.. da ne velim vlastitim babama.. Ti vrapca.. ja sam svojoj dok sam ju snubil.. eeee.. gda je to bilo.. fort nosil rojžice.. vse koje sam nagde v parku natrgal.. pa ni važno.. glavno da je ona dobila.. V parku su druge zrasle .. A gda bi joj denes donesel nekakšni buket roža.. bi pomislila da sam ponorel al da sam se negde fest nalijal..I još bi mi rekla da bi bolše bilo da sam donesel dve glavice Regice z placa ...Ha ....

Navek sam se ja rad španciral po kmici čez moj Zagreb..a najrajše po Ilici.. Nigdar mi ni dosadilo.. Kolko put sam znal okol polnočke.. gda bi svoju curičku domof odpratil..nazaj polahko cipelcugom od izloga do izloga.. z noge na nogu.. A one negdarnje neonske reklame su bleščale i skakale .. aaah.. bilo je to milina .. Odnavek je moj Zagreb bil velegrad.. maaa.. fučkaš London i Pariz ... I zdaj bum lepo polahko plazil čez Ilicu.. pa kolko bu mi se dalo...

Serbus ...................

Špancirancije ................

srijeda, 21.10.2015.

... aha... jesen je prihajala ........

utorak, 20.10.2015.

Nema se kaj posebno kazat.. još je jena ljepa zagrebačka jesen prihajala.. Je da su Celzijusi malo pobegli v prizemle..al ni to tak strašno.. No pa su naši zagrepčanci..kakti jedva dočekali i mam navlekli ajncuge.. balonere škornje.. kape i škrlake.. a bormeš moreš videt i ženske v čižmakima prek kolena... A rekel bum ti.. meni baš tak paše.. hodim samo v rubači naokol.. veli mi moja najdraža da si buju ljudi zgruntali kak sam nekakšni siromak pa nemam kaj obleči.. A baš mene briga kaj bu gdo rekel..


Viš.. vredne vrtlarice zublaju listje kaj je več fajn začelo padat.. ha .. kak da je Listopad..ha .. To se naš gradonačelnik..oni dotepenec z bregof.. brine za red i čistoču.. a pogotovo zdaj kaj se je ..se reče.. kandidiral za kancelara.. pak naokol nori i pripoveda bedarije kak bu on gradonačelnik cele Horvacke.. Bu brus.. pa kaj si je on zgruntal da bu z zagrebačkim penezima delal fontane po celi državi.. Al.. bio ga vrag znal.. lepo veli narod da i bedaku zrasteju velki krumpiri ..


Jeee.. gda je jesen onda se zna da ima vsega na štandima.. a ponajveč finih jabuka.. Pogleč.. i Štef Radič se hitil jabuke prodavat gda su mu več guske pobegle v maglu .. Znaš.. ja ti najrajši imam jabuke.. vse fele kaj postojiju.. nema dana da ja ne maznem barem pet komada.. A najbolše mi pašeju nafčer gda se zavalim v svoju fotelju spred televizije.. pa lepo jenu po jenu hrskam.. Veli moja najdraža da hrustam i cmačem kak pajcek.. A kaj morem gda mi paše ...............


Prosim te lepo da pogleč.. nit raufunkaši nisu kaj su negda bili.. Ti vrapca..hodiju naokol kak fiškali z aktofkami .. A negda su nesli na ramenu lojtru.. štrik z debelom kuglom.. kefe i purajnske metle.. a bili su navek črni musavi po licu.. A veli se da gda susretneš raufunkaša da se moraš prijeti za gumb.. Ti vrapca.. pa gde su mi gumbi.. vse na meni sami ciferšlusi.. ha.. aha.. imam gumbe na šlicu od Levisica.. malo je nezgodno..al sam se prijel za jen gumb na šlicu.. gledi nekakšna ženska kaj ja to delam.. Velim ja njoj.. to je za sreču.. Ništ ni rekla..sam je prešla dalše ..............


I tak ti se več skorom dva tedna znad našeg Zagreba vlečeju črni oblaki kak črni ofucani mački.. A dež curi.. curi.. curi.. nemreš nikam brez ambrele.. veliju prognostičari da bu još i gorše.. da bu dež curel fort kak v Londonu.. No.. pa kaj.. barem buju bile poplave posvud naokol.. tak da ljudima ni dosadno.. Veli naš ministar ..oni bedak za poljoprivredu.. da je za ove poplave krif ..nigdo drugi neg Vakula kaj prognozira vreme na televiziji........Ha ......


Jesen je navek bila vreme gda se treba za zimu priredit.. barem kaj se dotikavle žderače.. je da denes ima vsega i svačega po štacunima.. al pravu domaču zimnicu moreš još jedin videt pri starim gazdaricama..al pa na našem Trgaču.. Tu su ti oveh dni dohajbali z cele Horvacke kumeki i kumice.. domačice i gazdarice.. pa su prinesli pravu domaču zimnicu.. Kisele krastafce.. paprike.. ajvare.. ljute i slatke kisele feferone.. z druge strane pa pekmeza ..marmelade.. kompota.. i kaj ti ja vse znam.. Narafski.. kak bi vse prešlo brez Ličkog i Međimurskog zelja i krumpira .... Stari kaj su tu došli to gledeti samo klimaju z tikvami i se prisečaju kak su nijhove babe to negda pripremale.. a baš gledim jenu grupicu mladih kaj se tu šmucaju..pa čujem te lepe curičke kak se vsemu čudiju.. samo pitaju..a kaj je ovo..a kaj je ono.. Jeee.. lepo se negda živelo .............