Pemo na Trgač kakšnu klobasu vloviti…punta me moj pajdaš i sused Cajger. Narafski da sam na to ostal zmantan… Cajger nigdar neče špancirati… veli da je španciranje za cucke a ljudi da se pelaju v avtomobilu. I tak se nas dva najdemo na Trgaču… dopelali se v starom Čehu… pa se predomišlamo dal prije spiti nekaj za oprati zube…il mam navaliti na klobase kaj se več pušiju z kotla. Veli meni Cajger da sam ja vođa puta jer sam tu odnavek domaći i vse mi je poznato. Vrabec ga dal… to podrazumjeva da bi ja trebal i stroške podnosit… no… nigdar Cajger ni nikomu ostal dužan…on je takvi… daj mu dva… on bu vrnul četiri. I tak smo prešli kog Kavalira … maznuli po dve travarice… pa zdaj gledimo gdi bi se dalo kaj v gubec hitit.
……….Daaaj pogleč kakšna je to petarda… kriči najemput Cajger i mam začne bežati za tom malom sitnom dinamitnom puckom. Znal sam ja da bu denes bilo svakakvih bedarija gda su v pitanju ženske na vulici. Moj pajdaš retko gda zajde na ovak prometno mjesto…pa se onda čudi vsakoj babi kaj projde pokraj nejga. Maaa… pusti ju… ionak to ni za tebe… vlečem ga ja nazaj prema tim bajticama z kojih se širi šmek klobasa.
No… bumo se tu pobrinuli za provijant… velim ja… a Cajger več gura svoj frnjokl kaj bliže more i halapljivo gledi v klobase kaj se primamljivo pušiju pred nam. Pa ak sam si ja gruntal da bi vse prošlo brez zajebancije…onda sam grdo zgrešil… mora Cajger izvesti svoju predctavu… Pita on tu teg mladog kaj posluje okol klobasa… Čujte… a kaj su te klobase današnje friško skuhane il ste samo podgrijali one kaj su od ščera ostale…ha. Mam se opravdava taj mladi kelner… Vse su friško skuhane… samo si izaberite koju hočete… Hmmm… Hmmm… brunda Cajger a ja čkomim…znam da on izvodi svoju rolu.
Čujte…pita on… a kolko se te klobase moraju dugo kuhati… Veli onaj mladi… Paaa… oko pol sata… Aha…Aha… pametuje Cajger… pol vure kažete… A kad ste ih onda skuhali kad ste otvorili štacun pred petnajst minuta… Eee… zdaj je taj mladi kelner ostal zjevati…al je celu situaciju spasila mlada pucica koja takaj tu dela… Skuhali smo ih prije nego smo otvorili… veli ona. Dobro… dobro… Gut… Veri gut… proserava se Cajger… i naruči… Meni dajte dve klobase v jenu kiflu… malo senfa i malo hrena. Pak je nastala zbrka…sva sreča da je još dost rano pa nema nikog v redu za klobase… Narafski… jedva i jena klobasa stane v tu mršavu kiflu…a kamoli dve… pa ja pojašnjavam da je moj smrtno ozbiljni pajdaš velki zajebant. Vse je dobro prešlo… zgutali smo po dve klobase z senfom… Cajger bi još … kak veli… barem dve…ali zdaj mu ni tolko do klobas… neg mu se je fest dopala pucica kaj ih prodaje. Pemo dalše.
………….. Ha…kak ova ima dobre noge… pak se nameril Cajger na žensku pa malo obilazi da ju vidi sa svih strana sveta… doduše malo šlampasto hoda a i problem su joj štikle… stručno komentira dalše Cajger… no… to je samo ovak dok stoji i hodi… gda ju polegneš na krevet…….. Daj…daj… prekinem ga ja… Naj zdaj sanjat tu nasred Trgača o polegnutim ženskama… rajši si zgruntaj kam pemo zalijat te klobase kaj su več začele iskati kakšnu tekučinu v želucu. Znaš… nastavla Cajger … denes buš več malo koju žensku videl v štiklama na vulici…a još buš majnše videl takvu kaj zna hoditi v štiklama. Moram priznati da ima moj pajdaš praf… denes vse te lepe mlade pucke navlečeju na noge tenisice…pa hodiju kak zajdne seljače po njivi. Istini za volju… nit su tenisice za videt, nit su za nogu istaknut… al to valjda više nit ni važno. Al gda vidiš takvu jenu v štiklama kaj onak gracijozno hodi…ti vrapca…pa išel bi za njom kak pes.
A na Trgaču je več vse spremno za dočekati Novo leto… pozornica je postavljena… tu se bu skupilo pol Zagreba… to bu velka galama gda oni stari rokeri Prljafci zaprašiju . Oveg puta nejdem nikam čekati to Novo leto… nejde mi se… kaj bum negdi celu noč tancal kak stekli kojn… Moja najdraža i ja ostajemo domof… dost smo skorom vsaku godinu negdi bili na drugem mestu… človeku to dosadi… rajši si bumo doma priredili pečenku… francusku šalatu… domaču makovnjaču… pa bumo skup z susedima …malo pri plotu na vulici… malo prešli jedni drugima… na koncu konca… ništ se nebu spromenilo nit novega desilo… noč kak i vska druga noč…kaj ne.
Spili smo si vsaki dve Žuje gor na Dolcu v pajzlu tam pri Ribarnici. Tu zalaziju kumice kaj prodajeju na placu… dojdeju se samo zgrijati malo… staneju se v šturc pa trljaju zmrznute ruke i cupkaju. Cajgeru ih je bilo tak žal da ih je pozval na kavicu … pa su ga čudno gledele. Malo gdo bi njih pozval…pogotovo takšna hrga od človeka kakšni je Cajger… ima skorom dva metra… ziher oko stopedeset kila… bradu i brke kak stric Bedanec i gledi strogo kak majstor Mrkonja iz šegrta Hlapiča. No daju se kumice napuntat… naručiju si čajeke …pa ih Cajger naštima da si i po rum zlijeju v te splačine. I tak ja več pol vure slušam kak se kiseli zelje…kak se čuva krumpir za zimu… kak se delaju dobri čvarki……………….
……………. Pemo za ovom…daj požuri malo… zalaufa se moj pajdaš… Taj je gorši od mene… za vsakom se ženskom obrne…a za dobrom guzicom bu i trčal ak treba. Jedva sam ga malo zabremzal…al je on za njom hvale hital barem kakšnih sto metri.
Kaj da vam velim… moj pajdaš i ja smo završili v brtiji Britanac na Malom Placu… no tu smo si guštali huhano vinčeko…a Cajger je pazil da nam pipničarka skuka pravog vina z flaše… a ne oni nekakšni prašak kaj se spomješa z toplom vodom. I tak… vreme leti… denes je zajdni dan oveg leta… prafzapraf… nikaj posebnog.
VSE NAJBOLŠE VAM ŽELIM
LEPO SE IMAJTE V NOVEM LETU
2020.
ZAFRKANCIJA * * #
ZAFRKANCIJA * * #
ZAFRKANCIJA * * #
ZAFRKANCIJA * * #
domača razglabanja bezposlenog človeka
ponedjeljak, 09.12.2019.
Veli tak moja punica... da nebu dobro... Još nadoda da je vrag zavladal z ovim svetom i da drugač nemre bit neg je... Maa... razmem ja nju... je neki dan oprala forhange...pa ih zdaj nikak nemre posušit... vsaki dan dež curi... a v luftu je tolko vlage da dihamo kak ribe... na škrge... A kaj se samog vraga dotikavle... velim ja moji punici da se nema kaj brigat jer sam ja v fest dobrim...se reče... odnosima ... z vragom.. Pa ak ona hoče bum ja nju vragu preporučil.... Pa mi je nato odbrusila ...da me jebal vrag… Evo...na... hočeš ženskoj lepo a ona neče... A moja punica ima več tolko let da više nigdo nezna kolko... Nekaj tu ne štima... v moji vulici... razmeš... Tu su vse ženske naokol vdovice i vse su v ...veliju... kategoriji ... Metuzalem…ha ... Al veli moja suseda kaj taki ima preveč let kak i moja punica... da njih dragi Bog ima rad pa ih drži na ovem svetu... Pa sam se ja pobunil i rekel da to ni tak... baš obrnuto... Njih dragi Bog nema nikak rad pa ih neče sebi zeti... Onda mi te Metuzalemke veliju da sam ja zajebant... Maa… bi ja njima pokazal svojeg zajebanta...al kaj.. sto let im je pri grbači... A znaš kak se snebivaju i zgražaju gda ih ja znam pitat dal imaju uredni seksualni život... Isusek... prenemaže se suseda Metuzalemka…Kaj vama sused opada na pamet... A vse se staroj oči svetliju... A jena tam treta suseda...taki z iste kategorije ... mi lepo odbrusi… Da kaj se samo prenemažem... nek pokažem ak kaj morem naredit… Jeee... gruntam si ja... Pa nis ja Karitas.
Jebal vrag državu i državno uređenje... tak ti lepo i z voljom pošilaju račune da vsaki treti dan pem na Poštu peneze nosit... A na Pošti navek red spredi blagajne... a ja nigdar da dojdem drugi... nedajbog prvi... navek sam makar deseti po redu... A vse samo penzijoneri...zapraf penzijonerke v redu stojiju z računima... pa se žaliju da to ni pošteno kaj vse moraju plačat... Veli jena... Evo... kad poplatim sve račune ništa mi ne ostane za život... Narafski ljudi okol nje suosječajno klimaju z tikvamai... jeee... žalostno je to da čovek plati štrom i vodu...a onda mora kožu od špeka hrdat... I nastavi ta ista ženska kaj joj ništ ne ostane... nit za kruhek... gda podmiri račune... Je... več sam naručila puricu z Zagorja... to bu za Božić... a pol odojka sam več kupila na Dolcu kod mesara Franceka to sam zamrznula... bu za Novo leto... I još nadoda da mora speč barem tri orehnjače ...a domači orehi su kod kumica na placu po sto kuna kila... A pogledajte...veli ženskoj pokraj nje vredu... kupila sam za unuke pun ceker slatkiša i nekakve igračke za pod bor deti... za v čižmu metnut... Hmmm... gda je vse nabrojila kaj je kupila i kaj još bu... ljudi kaj su ju z početka žalili kak ona nema nit za kruh gda poplača račune... su zašuteli … je ispalo da nema za kruheka... pa se buju kolači jeli... kak je to lepo carica Antoaneta narodu preporučila…
Ciklona... Ciklona.. kriči oni zalizani prognostičar na NovojTV... i još nadoda da je ciklona do ciklone... ciklonalno područje... jebal ga ciklonalni ciklon...pa to znam i ja gda pogledim čez oblok...a nejmu je za to trebalo fakulteta svršit ... ha… A i ona zgodna i simpatična prognostičarka Ana...jezušek pa stajal bi znjom na kiši pol dana… i ta se nekaj kakti malo povlekla v šturc… nema kaj dobrega za kazat... pa samo zgibava z ramenima... nezna kaj bi se zlagala da ljudi buju bolše zadovolni... No...pa kaj... dež curi..al kiša pada... sasvim je to svejeno mojim cipelišima kaj to moraju trpeti... više nikakšna šmol pasta ne pomaže... Al bum ti rekel da dok traje ta... no... ciklona… dotle je ovak kak je z tim Celzijusima... Eee...gda dojde ona anticiklona... ha... onda buju ti Celzijusu prešli sroz dol v podrum… razmeš... Pa gda se zmislim da bi onda mogel naletet i oni beli prhlivec... moj je zaklučak... dobro je ovak kak je... Čist se fajn osečam kak Englez... kak oni Čembrlajn kaj je z ambrelom spal v krevetu ... Ambrela vsaki dan z menom putuje po mojim špancirancijama ... Pa je da je ta ambrela opterečanje... ruka ti vsahne ak negde malo ne počineš ... Al je koji put ambrela i dobra za podupret se... onak staneš negde na vuglu i obrneš se hitro za kakšnom ženskom... ambrela ti život spasi kaj si se poduprl znjom da se ne prehitiš... Aaah… te ženske... lamačeju z tim ambrelama kak da im za zabavu služiju... Gledim baš jenu... tak.. srednjih leta... ni za hitit... drži tak ambrelu da vse njoj po plečima dež curi.. Kaj če tebi ambrela ... gruntam si ja... A je...je... ni to denes kak negda...
Znaš.. je bilo doba gda su ženske dalko više vodile brigu o svome izgledu.. One natapirane frizure... pa velke loknice... pa punđe… razmeš... to ni nikak smelo pokisnut... A da ti ne pripovedam o onem farbama za vlasi... to gda se je zmočilo je curelo ženskoj vse do gač v svim farbama... Pa ak bi jako pokisla bi guzica bila bolše pofarbana neg tikva... a da ne velim za one maškarade za lice i oči farbat... Eeee... to je bilo nekaj za videti ak bi ženska pokisnula... Vrabec ga dal... bi se lahko mogel splašit i po danu...a kamoli slučajno da ju takšnu potrefiš negde v kmici... Bumo rekli naposletku da je ženskama negda ambrela praf korisno služila...a ne kak denes... da ti oči skopa nasred Ilice … A i ta maškarada za ženske je denes drukčija... te akrilne farbe... grunt farbe... fasadeksi i kaj ti ja znam kak se vse to nazivle... to denes nalarfa na sebe i mesec dni to drži... dok se skup z kožom ne zguli...
Ti vrapca kak su negda pucice štele kričati gda si ju štel v oko kušnuti… Paaazi.. farba …A ak si ju onak z radosti malo polizal prek obraza… vrabec ga dal... kak da si polizal malersku kefu... Viš... ipak su ovo moderna vremena... Al to ti velku opasnost skriva... Jen moj pajdaš je sedam dni z nekakšnom šocom prešel nekam... razmeš... poskrivečki... bumo rekli na službeno putovanje... I jeno jutro si je ona oprala ... valjda z terpentinom tu farbu z lica... Gda se je moj pajdaš zbudil... ju je pital da gdo je ona i kaj dela v nejgovi sobi... I skor ju je ostavil i prešel ...al ga je nekak uvjerila da je to ona ista od ščera…. Velim ti ja... svakaj se događa…
Jezušek... vse se pitam da kaj ja delam vani po takšnem vremenu... Ni nit za posrati... Slabo buju prešli tu ovi kaj po štandima prodajeju tu robu... a bormeš nit klobase nejdeju kak je to zamišleno... Baš gledim... of tu na Gajevi je več vjutro nakuhal celo brdo kobasic... a zdaj je več dobar del dana prešel... a klobase se pomalo grijeju na tem plehu.. morti bu to uspel nafčer prodat... a ono kaj bu ostalo bu negdo vjutro pojel… spregriješ v vruči vodi i kaj… z senfom je dobro ... I tak... gruntam si od vugla do vugla... ambrela funkcionira… cipeliši još trpiju… Znad našeg dragog Zagreba se vlečeju ti čarni oblaki... dež curi…curi...curi …
ZAFRKANCIJA * * #
ZAFRKANCIJA * * #
Halooo Nikoline... lepo se imajte !
petak, 06.12.2019.vsi ti cajti kaj su sprešli
Gda sam vjutro prešel z hiže još se malo megla vlekla... kak je da je človek se malo mora razvleč naokol.. A vreme pe kak bedasto.. Pol vure zgubiš na Pošti.. jenu vuru v Kavaliru z pajdašom .. pol vure na Dolcu .. i zdaj stojim na Trgaču.. Gledim kak su ženske tu prinesle one zlatne brezove šibe kaj se za Svetog Nikolu poklanjaju.. Pa malo gdo kupi.. ljudi nečeju dati deset al više kuna za tu pofarbanu grančicu.. A i kaj bu znjom.. deneš ju nekom v čarapu..al cipelu.. drugi dan ju hiti v smetje.. Veliju da šibu donese krampus.. a darove Sveti Nikola.. Vrabec ga dal.. znočka treba čižmu deti na oblok a ja baš nemam nikakšnu .. A v druge cipeliše majnše stane…
A bum ti zdaj spripovedal.. jenu pripovetku… Ovak…
………………………. Pred par let je to bilo.. Sused Cajger.. sused Špengler .. sused Jura zidar.. bosančeros Miha i dugački Ivek stojimo pri mojemu plotu i žlabramao.. pa tak i o tem Svetom Nikoli.. pa se zafrkavlemo da kaj bu gdo dobil .. Narafski.. to su lepe navade za dječicu darivat.. a ne stare kojne kak smo mi.. Al je sused Špengler odlučil da bu on na obloku v prizemlju pri svoji mamici del čižmu pa bu vjutro ziher nekaj bilo v čižmi poklona.. I zapraf je on nafčer del na oblok onu ogromnu šljakersku gumenu čižmu kaj ju navleče na noge gda pe v grabu z vodom… I slučajno ja kasnejše nekaj zidem na dvorišče i vidim kak je sused Jura zidar zašel prek plota i nosi v ruki hamper.. Kaj delaš pitam ga ja.. Pšššš… veli on i zlije v onu čižmu na obloku barem dve litre vode.. A Špenglerof cucak Medo samo mirno gledi.. pozna on nas vse pa na nas nigdar nebu lajal ak zajdemo v nejgovo dvorišče.. I beži Jura nazaj prek plota da ga stara z prizemlja slučajno ne vidi.. Narafski.. ja sam ostal čkomet pa kaj bu .. bu.. Vani je več rano črna kmica .. I prejedmo vsi spati.. noč je …
…………… Negde okol sedme vure vjutro na sam dan Svetog Nikole.. kriči debeli Špengler da ga se čuje skroz do Svetog Petra v raju.. Strčali se susedi na dvorišča ..a of.. Pas mater.. Cucak mater.. Kojn mater… pa još spomina mamicu i vsim svecima i nadoda vse one spolne organe pri tomu.. Kaj se je to sprepetilo… Se razme… ja sa strane čkomim. Sused špengler je vjutro prvo zišel z hiže i prešel pogledeti v čižmu kaj ju je ščera namestil.. I lepo je z čižme zvlekel onu zlatnu krampusovu šibu i celu ..se reče.. šteku cigaretlina.. Narafski.. cigaretlini su se zmočili..zapraf napili vode da zdaj more znjih samo duhanski čušpajz naredit… Kak je to baš tak ispalo… ha…
……………….. Se desilo da je debela Barica.. žena od Špenglera vidla da je of z zafrkancije ostavil čižmu pa je odlučila da bu mu poklona dela nutra.. Hitro je prešla još tu večer v štacun i kupila jenu celu .. se reče.. šteku cigaretlina i po kmici to porinula v čižmu.. A mamica od špenglera je nadodala onu zlatnu šibu..
Narafski.. Cajger..ja i drugi susedi kaj smo se zatekli pri tomu vjutro.. šteli smo se poscati od smjeha … A sused Špengler je zdaj začel zkup z svojom debelom Maricom glasno gruntat i pogađat gdo je tu psinu naredil… Prvo je nadrapal Špenglerof cucak.. dobil je znogom vrit da se je mam zavlekel v svoju kučici i ni se celi dan pojavil.. On je bil krif kaj ni lajal... Eee.. kak smo se Cajger i ja najbolše trgali od smjeha.. mam su Špengler i Špenglerica zaklučili da smo to mi naredili.. A suseda Juru zidara ni bilo jer je rano prešel delat.. Se razme.. mi smo se kleli vsim svetima da nismo ništ krivi.. A Juri zidaru smo javili kaj je i kak bilo.. I on se podrapal od smjeha.. Popoldan je Jura došel z posla i donesel špengleru novu šteku cigaretlina.. Narafski.. ja sam iznesel flašu z domačom drožđenkom… i tak.. to je to...Nikolinje…kaj ne.
Vsim Nikolinama želim lepi imendan !
ZAFRKANCIJA * * #
