Špancirancije ...........
nedjelja, 29.05.2016.
I kak navek moraš od nekud započet..ja sam svoju porciju španciranja začel tu gor na Kaptolu spredi Prvostolnice... Maaa.. nis bil na meši.. kaj bi ja tam.. bi se toranj zrušil..a ionak ga još nisu nit dovršili... ha.. neg.. hmmm.. onak za vsaki slučaj..razmeš.. Marija odzgor gledi.. a ja se prešpanciram.. mahnem z rukom.. valjda se to računa...ha ....
Zbilam milina za videt.. naše zagrebačke vrtlarice i cvečarice znaju svoj posel.. Istini za volju naterava ih naš gradonačelnik..oni dotepenec z bregof.. negdo mu je rekel da je to tak ljepo..pa se on tega drži..makar se tutlek ništ okol tega ne razme .. Je da mulac troši peneze na velke bedarije.. al za ljepotu Grada mu ja nikaj ne zameram.. sam nek dela fontane v vsaki vulici i sadi cvetje i dreva gdi stigne.. Ti vrapca.. pa nigdo više ne spomina Beč kakti uzor.. neg naš Zagreb postaje Evropska Metropola.. Još nek nam dotepeju sim barem jen miljonček oneh pobjeglica..i bili bumo ravnopravni z vsim .. Maaa.. velim ti ja.. Zagreb je naaaaaj..naaaaj......... maaa.. se razme ......
Makar je od jutra zgledelo nek kmično.. sunčeko je razteralo te mlitave oblake i zdaj svetli na veselje Zagrepčancof.. Je da nekakšna zloguka prognoza veli da bi se denes moglo još koječega zrondati z neba.. al si ja gruntam da bu Zagreb ostal pošteđen .. Zbilam nebi imelo nikakšneg smisla pokvariti tak lepi dan.. Pogleč samo.. pri Ameliji je od jutra več skorom vse bezecirano.. narafski.. največ ženske tu okupiraju stolce .. pa kavica.. pa kiflica..pa kakšni fini kolaček.. i se razme..trač partija.. I ja rad sim dojdem gda imam z kim.. tu se narafski računa na žensko društvo.. nedaj bog sim pelati kakšneg pajdaša.. bi rekel da sam ponorel...ha .........
A turisti sam zvireju iza vsakeg vugla.. ima ih posvud naokol.. pa se zpremešaju te grupe i onda nastane bežanje.. baš gledim kak su se nekakšni žutaki z očima všrek zgubili od svoje pajdašije.. pa zvjeraju naokol.. vse onakšni sitni skačeju vis da bolše vidiju.. jen se dosetil pa se stal na klupu i pokaziva gde su se nejgovi zgubili.. I onda bežiju te nijhove babe z kratkim nogami kak male patkice..ha.. No.. nebi im človek imal kaj puno zamerit.. jesu sitne te ženskice.. nekak imaju fest nabite noge.. to kaj su malo auzvinkl..maaa.. nikom ništ .. a vse su črne kaj je tu pri nam več postalo rjetkost ...ha ....
Bogmeš je sunčeko začelo palit.. pa se i nekakša sparina počela osječat.. hmm.. bi ga vrag znal.. no.. dok sekire ne začneju padat.. lepo se po vani špancirat.. Evo.. spremešal sam se med turiste.. istina ništ ih ne razmem.. pripovedaju kak nekakšni vanzemaljci.. Glediju me dve te male črno žute ženskice.. valjda se čudiju kaj ja delam zmed njim.. a ja se naširoko osmjehnem njim..a one.. jebal ih ja.. mam dva koraka nazaj.. Jeee.. viš.. to ti je nijhova demokracija i ziheraštvo tam od kud su došle.. Živiju u tom svom velkom svetu i prvo kaj v živlenju nafčiju je da se moraju vsega bojati.. Ni tim turistima nikak bistro kak se to po Zagrebu vsred noči moreju špancirat a da ih nigdo nikaj ne pita..a kamoli da bi ih gdo za rit zgrabil il tak nekaj..Je..je.. imaju oni još kaj od nas za nafčit..a nam prigovaraju o našoj demokraciji.. Pojma nemaju lajbeki kak pravi ljudi živiju.. narafski.. to pravi ljude se misli na nas Zagrepčance .....
Ipak treba zdaj malo hladovine i sence poiskat..pa bum se ja zavlekel v moj Zrinjevac.. Prafzapraf.. nema dana gda ja sim ne dojdem..makar jen falaček cajta.. Of put imam velka zaduženja.. moja stareša kčerka kaj stanuje tu na Zrinjefcu je malo prešla na urlaub.. pa ja moram rojžice zaljevati.. Ti vrapca.. pred dva dni sam ih malo više poškropil pa je začelo cureti dol na trotoar po tikvi nekakšnoj nalarfanoj babi.. pa je nekaj na glas začela mrgljati i gledeti gor.. a ja se nis stigel zmaknuti od obloka.. Sreča kaj je haustor navek zaključan.. je ta zgledela kak da bi se po fasadi mogla spentrati.. no.. nek bu sretna kaj mi cela rajngla z vodom ni opala dol...ha ..
Viš kak se turisti okuplaju okol teg stupa.. glediju kolki su celzijusi.. a največ se čudiju vuri koja pokazivle vreme dvajsetčetiri vure..umesti samo dvanaest kak vse druge vure.. I nikaj im ni bistro.. Vrabec ga dal.. mojem susedu i pajdašu tu z Zrinjefca je krepal nejgof pes Bleki..pa zdaj suseda ni videt nit za silu.. Prije je deset put na dan vlekel Blekija na sranje i scanje dol v park.. narafski.. Bleki se je čim bi zišel z stana poscal v liftu.. a srajne je uspel zabremzat do samog haustora i tu se posral.. I tak vski dan.. Ma je da je sused znal tu i tam malo počistit.. pa je i platil pazikuči da malo opere po liftu.. največ je pasji drek čekal da ga negdo zgazi.. i vsi su stanari na pasja kola kleli i suseda i nejgoveg Blekija... A taki su i vsi u hiži znali gda Bleki sere v haustoru.. čim bi se taj ktratkonogi črni cucak zasraal.. mam bi začel tuleti kak vuk... ha .. Eee.. zdaj Blekija ni.. pa se ljudi v hiži prisečaju kak je znal točno na vreme vsaki dan tuleti..a prvo rano vjutro u točno šest vur.. pa nikomu ni trebala vekerica za buđenje......
Narafski.. brez špelancija nebu Zrinjevac osvanul nit jen dan celo leto.. svakaj se tu zbiva..a negdo se i ljepo dosetil naškrabati da of Grad treba voleti.. Je.. ima nas koji of Grad..najlepši na svetu.. imamo rad kak i samog sebe pa i večma.. no gledim.. ljudi prolaziju.. nigdo ne gledi kaj to piše.. Znaš.. svedočim ja skorom vsaki dan tomu.. ljudi kaj su se dotepli v Zagreb..trbuhom za kruhom.. iskali i našli krof znad tikve.. tak hračkaju po Zagrebu da je to težko slušat.. Te Zagreb takšni.. te Zagreb onakšni.. pa nikaj tu ne vredi.. treba ovo.. treba ono.. vrag ih jebal.. pa kaj su se dovlekli sim ak im nikaj ne paše... Največ tega buš se naslušal v trajvanu.. od srednjoškolcih.. študentof pa do raznih kaj su tu na gradckoj skrbi.. Nikaj im ne paše i na saf glas tračaju najlepši Grad na svetu.. Kolko put se ja ..stari kojn.. usprotivim gda takšne čujem.. a dojde mi da kakšneg mulca i potegnem prek gubice.. nek ide od kud je i došel .... Maaa.. lepo vreme.. nečemo kvariti razpoloženje ....
Vodica z fontane..Gljive.. pomalo škraplje.. šprica naokol..a dječica uživaju na toplini sunca.. Travnik se več pomalo puni z onim željnim sjesti ili čak legnuti na travicu.. odmaraju se turisti..ponajveč oni kaj nosiju ogromne ruksake.. To su vglavnom turisti z Evrope.. z kulturnih država gdi je takšno odmaranje po parkovima sasvim normalna stvar.. pa evo i pri nam to postaje normalno.. I dok bu jen Englez.. Holanđan.. Švicarac.. i kaj ti ja znam.. tam v svoji zemlji za sebom vse počistil.. tu v Zagrebu je tu navadu sasvim zgubil.. Lepo se bu tu najel..ostavil papir na travi.. spil bu flašu Kokakole i flašu hitil tri metra dalše kakti on nema z tim nikakše veze.. a čike bu uredno zapiknul v zemlju.. Mlade spametne mamice pa guraju kolica z pajnkrtima po travniku.. kotači im zapinjeju v zemli..al one i dalše guraju.. Jen ponosni takek je svojeg malog sineka napelal da se lepo posce po travici i uživa kakšni domet scanja nejgof junior ima.. I tak.. vsega i svačega.. Ljudi uživaju ......
I tak ti na Zrinjefcu svako najde svoje mjesto i zadovolstvo.. Panzijoneri bezeciraju klupe na istočni i zapadni strani.. zalubleni v sredini.. najmlajši tam okol naokol Paviljona na kojem se fort nekaj spelava... a tam dole z južne strane se moreju videti i cucki koji taki imaju svoje zadovolstvo poscsti se po velkom drevu .. Vjetrek fort pomalo popuhuje čez zelene krošnje ogromnih starih platana.. vodoskoki šumiju kak NIjagara.. tu i tam malo zaškripi trajvan.. a dječica vrištiju i bežiju za balonima... mlade mamice za dječicom.. dok tateki sa strane pripovedaju kak da se to vse njih opče ne dotikavle.. Velim ti ja.. milina je tu ... Moj Zrinjevac... ha .....
I dok nama ostala ..kakti napredna .. Evropa prigovara i kritizira našu demokraciju.. naše.. se reče.. međuljudcke i ostale odnose.. tu pri nam je raj za vse ljude..one dobre volje i one majnše dobre volje.. Tu se v Zagrebu ljubiju i grliju prijateli i neprijateli.. mužki i ženske.. mužki i mužki.. valja tak ženske i ženske.. mali i veliki.. pedofili i djeca.. narkiči i Sakomani.. pijanci i Hudolini.. verniki i nevjerniki.. Papa i sveti Savo.. Židovi i Arapi.. Amerikajnci i Rusi.. Kinezi i Japanezi..... i tak bi se dalše moglo nabrajat... A Zagreb širi ruke.. prima vse v svoj zagrljaj.. velko je zagrebačko srčeko.. Paaa.. evo pogleč... i miši mačke držiju kak lubavnice........
Serbus ..............................
ZAFRKANCIJA * * #
Bok...kak ste kaj ... sam se malo navrnul ....
petak, 27.05.2016.
Jena stran vulice zgledi kak da je v Karson sitiju vsred pustinje..dok se po drugi strani ljudi praf tiskaju...Jeee.. proletje se prek noči spremetnulo v ljeto makar kalendar to još ne prizna..Al Celzijusi su se spentrali visoko.. lampa odzgor žari i pali.. ni baš svejeno hoditi po tem nebeskom ognju.. Narafski.. ja sam v španciranju.. polahko z druge strane v senci.... Zbilam ..za znoret je to vreme.. još neki dan sam hodil v ajncugu.. a denes mi je i vlastita koža preveć.. Bi ga vrag znal.. al ovu noč sam slabo spal.. je da je mesečina svetlela..al to mene ne smeta.. mora lampaš goreti da miši vidiju puta.. neg sam se samo prekobicaval po krevetlinu..prevrtal.. hodil na scanje..pa sam bil žedan.. pa sam se setil nekaj kaj je mam trebalo zapisat.. probal sam si gruntat o lepim ženskama.. maaa.. nikaj ni pomagalo.. nis spal do pete vure vjutro.. a onda sam zaspal i su me zbudili smetlari ka su one kante tumbali po vulici ... Eeeeh ...
Viš.. dok si mlad nikaj ti ne smeta.. a zdaj sam postal osetljif kak kakšni grintavec.. Pogleč kak samo ove dve uživaju na sunčeku.. aaa..kaj.. ziher debelo tračaju o mužkima pa nisu nit skužile da im oni odzgor kuriju.. Ti vrapca..pa ja nebi tu na suncu sedel nit da me pozove Đuli Kristi v najbolšim danima.. a bormeš nebi nit za celu bačvu Žuje... I tak.. pustl sam ove dve zagrebačke ljepotice da uživaju.. a ja pem iskat sjenovite pute ....
I kam se god genem.. sunčeko beži za menom.. pa spred mene.. pa vse naokol mene.. vrabec ga dal.. pa kaj bum ostal tu na Živinskem trgu vse do mraka...ha .. Ha.. skuplam kuražu da se hitro premetnem spram kakšne debele hladovine.. maaa.. vidim ja gdi je bolše kmično..al mi se neče bežati.. znaš.. nekak sam se vlenil..kak stari kojn.. bi trebal z korbačem po plečah dobiti pa da se genem.. Na koncu sam zaklučil da bum još kojeg kipeca vudril naokol prije nek otidem dalše.. a dost sam si tega zarisal kam vse moram denes prejti .... No.. polahko ...
Pogleč.. Majske rože cvetaju da je milina videt.. a vse drugo naokol je friško posađeno i za kratko vreme bu tu bilo kak nit v Mozirju ni.. Ja ti imam fest rad gda tu naraste ono velko cvetje.. mu veliju.. Kana.. eee.. negdar sam ih tu bral i nosil pucici na rendes tam malo dalše spredi Tucmana.. Istini za volju.. nisu curičke bile tak fest oduševlene z cvetjem.. pa nit ak su znale da sam ih herojski nabral vsred Kazališča.. Jena zgodna mala je jemput od mene prijela teg triftal metra dugačkog pušleka.. narafski..mam je skužila od kud je stigel.. samo je rekla... Uuuuh baš si pravi kit.. i hitila pušlek pod štenge pri Tucmanu.. A kaj.. ja sam ostal kit.. cvetje je zvehnulo.. doduše se splatilo posle čage tam gore na Griču brdu.. eee.. naplatil sam ja teg pušleka..onak.. herojski.... haha..onak kak se denes samo tega spominam...haha....
Z ziheraške.. se reče.. pozicije.. z debele sence spodi starih svodova Horvackog Kazališča.. ja osmatram moguče staze i pute za dalše napredovanje.. Obzirom da tu ne prolaziju lepe ženske.. samo tu i tam kakšni penzijoner z cuckom.. ipak bum ja prešel dalše makar mi tu fest paše jer lagani durhcug pomalo vleče čez te arkade.. Pa je več i portir v livreji došel do vratih i gledi kaj ja tu tak dugo delam.. Znaš.. tu spodi je od davnine bilo mesto za ..poscati se.. Po kmici gda si išel prek Kazališča..oni denes velki grmi..su bili još mali.. i jedino praktično mesto je bilo baš tu na mestu gdi sad stojim.. je je.. pitaj kakšneg starog Zagrebačkog fakina.. vsaki bu ti rekel da se barem jemput tu zascal...ha .. Čak je negda tu nutra bila i tabla na koji je pisali da se zamoljavaju građani da tu ne scaju.. Ti vrapca.. znaš kak je taj čošek tu nutra smrdel.. a na samom ulazu v velko Kazališče...ha .. Denes više ni fakina.. osim kakšneg cucka nigdo tu ne sca.. zapraf malo gdo i projde osim nafčer gda su v kazališču prectave......
A of maler tu dobro zna kak se bu osvežil.. lepo na tem platnu malja zimsku.. se reče.. idilu z Gornjega Grada.. viš kak je snjeg pokril Kamenita vrata.. čist človeka stepe mrzlina gda to vidi.. Al nema se kaj prigovorit.. zna človek svoj posel.. Onak z znatiželje ga ja pitam da kolko košta ta nejgova mazarija.. a on mi hitro i brez srama kak z topa pukne.. Četristo kuna.. Jebal ga vrag.. velim ja.. pa niste z lopatom tu taj snjeg na sliku nahitali.. neg z penzlom.. niste vi ni onaj jednouhi z Holandije..a nit vas ne pitam za porez ... fala... i odem ja dalše.. Kriči taj maler za menom.. Evo..ak ste ozbiljni kupac dam vam za tristo kuna.. No.. ja sam se naredil šumast i prešel dalše.. znam ja te umjetnike po vuglima.. bi na koncu on tu mazariju dal i za dvesto kuna al meni to ne treba.. ima ja tega i po zidima i po tavanu i v podrumu..Čez duga leta se tega nakupilo mogel bi i izložbu naredit..Al mi je navek lepo videt kakšnu lepu mazariju mojeg Zagreba .........
Najbolšu glazbu buš čul baš tu v Buldogu..evo.of časek se čuje nekaj starog od Bitlsa.. drugač pa tu sviraju oni evergrini.. soul..bluz.. pa i đez oneg Glena Milera.. je..je.. pravi Engleški pab.. tak se tomu reče.. Pa moji pajdaši tu baš ne voliju zalazit jer im je ..kak veliju.. preskupo.. Istini za volju.. tak je.. skupo je.. al je štimung kak meni paše.. No.. nit ja nisam tu preveć često jer nemam skim tu zajti.. I onda mi ostane moj Kavalir na Trgaču il Oliver Tvist v Tkalči koji je taki nekakšni ..pab .. Al još malo gda ove vručine postanu nepodnošljive.. selim se ja v Ožujsko Pub.. v Tkalču.. mrzla Žuja z velke krigle more ti i dušu i tjelo spasit ...ha ............
Kaj ti ja velim.. gdi je senca tu je i puno ljudi.. bežiju kak stekli prek Trgača po užarenom kamenju..pa onda zabremzaju gda dohajbaju v hladovinu.. Pa tak i ja tu stojim i gruntam si dal bi zašel v pekarnicu..il nebi.. Ak bum.. onda se podrazumjeva da bu me i Kavalir videl.. ak još ktomu koga poznatog susretnem..onda bu i Tkalča dobila svoj ficlek mojega buđeta.. I dok si tak spremišlam slušam nekakšnu žensku kak puše v velki saksofon.. vrabec ga dal.. sva je črlena od napora..al puše i puše.. je..pa oveh je dni ona špelancija .. Cest is d best.. i na vsakem koraku nekakši umišleni glazbeni umjetnik nekaj glasno spelava.. nekaj od tega je i dobro posluhnut..al nekaj bi i gluhek človeka poteralo srati..No.. nek se narod zabavla...
Spametni prebežiju prek Trgača.. potrebiti čekaju trajvana a bedaki stojiju i čekaju da ih sunce opali po tikvi.. Išče se hladovina i senca po Trgaču..pa je tak nekaj ljudi natiskano spodi Banskog kojna.. nekaj spodi Harmice.. iza vsakeg kandelabera stane po jen človek v mršavu sencu.. a i pri reklamnom stupu se tiskaju umjetnica kaj taki mazarije prodaje i stara Jehofka kaj vsred leta prodaje maglu o spasenju .. tam okol početka Duge vulice je vse ograđeno i bageri kopaju..kamijoni brekčeju..radniki su pobegli v hladovinu i ločeju mlačnu vodu.. Eeeh.. gdi je zdaj naš tutlavi gradonačelnik..oni dotepenec z bregof pa da se naredi pravi ..đek.. i plati radnikima po kriglu pive .. Brus.. još buju i špotancije dobili zakaj su pobegli z sunca.. Aaa.. zbilam je denes zahajcalo...........
I makar je neobrijani Gradonačelnik poteral z Splavnice cvečarice..oduzel im štande i suncobrane.. nedaju se oni.. tu su.. na podu držiju kible i posude z cvječem.. Istini za volju.. malo je tu mjesta jer tuda brentaju kamijoni z gradilišta v Dugi vulici.. ljudi navelko tuda prolaziju na Dolac.. al je velka nevolja ostati brez zarade.. brez penez.. a ovak cvečarice malo zaradiju.. I makar je gradonačelnik rekel da je to samo privremeno dok trajeju radovi v Dugi ulici..a to bu do jeseni.. vse to smrdi da se cvečaricama više nebuju tu namestili štandi.. Pa živi bili i videli jel bu na jesen tu cvetje il morti velka terasa kakšneg kafiča.....Prafzapraf.. mesto za prodavati cvetje je odnavek bilo gor na Opatovini pri Kerempuhu..al su pred deset i više leta cvečarice jena po jena tu na Splavnici začele cvetje prodavat... Z početka su ih terali i panduri.. posle su ih pustili i Grad im je iznajmil štande da se ipak nekaj v Gradcku blagajnu priskrbi.. .. Aaa..kak bu ..tak bu ...........................
Serbus ..................................
ZAFRKANCIJA * * #
ZAFRKANCIJA * * #
