vedute velegrada ..................

četvrtak, 31.03.2016.

Aaa..čuj.. nekak mi se neče škrabat.. tak ti to dojde.. Makar bi ja mogel spuknut pripovetku z skorom vsake vulice..trga.. vugleca kaj ih v dragom Zagrebu ima.. Eee.. kaj sam ja vse sprešel čez sva ova leta kaj su prešla.. kolki su se to cajti lepog živlenja vrteli... Ti vrapca.. bi mogel pripovedat ponekaj za vsaki haustor.. za dvorišta.. podrume.. parkove.. klupe..dreva.. jeee.. al gdo bi denes slušal starog šajsera.. Koji put kakšnim mladim ljudima.. narafski ..poznatim.. začnem pripovedat o nečemu pokraj čega baš taj časek hodimo.. i kaj.. me glediju kak da sam ispal z romana Eriha Kestnera.. zapraf neznaju ni gdo bi taj mogel bit ...ha .. I tak ti onda zgubilm volju škrabat i glasno se spominat sega i svačega .. Držim največ to za sebe.. nekaj malo podjelim z ljudima na..se reče.. virtuali.. a vse ostalo bum probal podvalit črnom vragu gda me zeme v svoje paklenske dveri ..
Imajte se dobro ........

vsaki dan je.. novi dan ...

srijeda, 30.03.2016.

Znaš..tak sam zadovoljan gda vidim Trgača čistam prazneg.. nema Suljinih čadora.. nema štandof.. nema oneg ogromneg šatora.. nema sajmišta.. nekak mi se pričinjava kak da ima više friškeg lufta neg drugač... Tam v šturcu su začeli prekopavat Dugu vulicu... z Splavnice su poterali cvečarice..jer tu moraju kamijoni z Radičeve prolazit.. al dobro je.. jedin sam malo žalostan kaj je zaprta ona Opera.. Viner kavana.. često sam tu znal dovesti kakšnu poznanicu na vruču čokoladu.. Jeee.. veliju Bečani da im je bil preskupi najam a premalo mesta za goste.. Zbilam.. navek je ta kavana bila puna..a vruča čokolada.. kolači i sladoled su bili za prste polizat.. Pa ni bila tu .. morti tri leta.. jeee.. šteli su Habzburgofci tu vani staklenu krletku naredit kakti zimski dodatak..al im naš gradonačelnik.. oni dotepenec z bregof to ni dopustil.. I ak mene pitaš.. praf je naredil.. nit ja nedam nikaj tu stakleno spelavat.. Trgač je najlepši takšni kakšni je denes... No.. nebu dugo.. več buju spametni Gradcki glavonje nekakšnu bedariju sim dovlekli ...

Ti vrapca..jedva sam sprešel čez Opatovinu zmed cvečarica.. velka buna se tu pripravla.. kak je naš neobrijani gradonačelnik. potiral one cvečarice z Splavnice.. mu je na um opalo da ih sim dotepe med ove.. A ove tu nečeju nit čut da im negdo tu dovleče konkurenciju.. Bi ga vrag znal kak bu to svršilo.. morti se babe počupaju..il buju vse skup zatukle te gradcke mudrijaše kaj neznaju nikaj naredit brez velke galame... I mene su nekak sumnjivo gledele..da kaj ja to tu slikam..zakaj to slikam.. za koga delam.. Ti vrapca zbrisal sam kak raketlin...

Da je bolše sunčano neg je ovak oblačno i kmično.. bila bi Opatovina puna ljudi.. nebi mesta našla nit muha da se posere.. Ovak je vse prazno makar nisu oni prognostičari nikaj dež spominali.. No..kak je da je.. i ja sam se zavlekel pri Tolkinsu na Nesici od vanilije.. Je.. koji put človeku baš paše taj mir i tišina kak je tu.. Pri Tolkinsu potiho svira glazba .. sve oni crnački bluz.. aaa.. mogel bi tu celi dan sedeti .. Al nemam z kim se spominat.. nis videl svoje pajdaše od velkog petka gda smo postili pri pelinkofcu..ha .. more bit ih još tištiju v trbuhu jajca i šunka ...

A park na Opatovini je prazan.. samo jen cucak lepo sca po klupi.. jebal mu ja tu mladu gazdaricu.. neče cucak scati nit po drevu.. nit po grmu.. nit po kandelaberu.. baš su je zabral klupu i.. pas mu mamicu ... Praf za praf.. to se više ne nazivle park Opatovina.. negdo je tom lepom mestu ime spromenil.. zdaj se nazivle.. Park biskupa Stjepana drugog.. Pa nemam ja nikaj protiv teg Štefa z srednjeg vjeka.. al se navek pitam zakaj negdo menja nazive koji su tu od davnina.. navek je to bil park Opatovina.. zdaj je biskupska bašča..
Aaaa... gda se samo sjetim kakšna je negda bila đungla.. kak Mato Groso.. tak zarašteno da nit pes ni mogel projti.. Jeee.. to je bil raj za nas fakine.. Vse naokol zbiti plot od daskih.. prek kojih si se moral spentrat.. no.. pa nam to ni bilo težko.. al ak je kakšna curička bila.. onak dobre volje znama se špilat po grmlju.. onda si jenostavno z nogom puknul po daski.. ta je otpala.. pucek se je provlekla.. a dasku bi nazaj z nogom pak vrnul na mesto.. Tu si bil ziher v kmici kak vriti.. BIio je samo nekolko pdrtih starih klupa.. valjda još od doba kralja Matijaša..ha .. al su znale poslužit.. današnje železne gitre su bile zašvasane i ni bio oneh štengi kaj su zdaj.. se nazivaju..Prolaz biskupa Duha.. Vrabec ga dal .. vse sami biskupi.. zgledi da v ondašnjem Gradu ni bilo običnog fratra..ha ... Eee.. pa stoga i jesmo denes... velegrad...

Evo.. vreme prejde kak da bi rekel kruhputar.. aaa.. tak je navek gda se človek ugodno čuti.. A meni denes baš paše .. malo sam se oporavil od uskršnje svetkovine.. čak me nit koleno ne boli.. jedin se one dve Nesice zibaju v trbuhu.. To znači da treba prejti pokraj kakšne pekarnice i nekaj malo žmehkije strpat v drek magazin.. To bar nebu problematično..još par korakof i pekarnica ima na vsakih deset metri.. i posle su na redu brtije.. i vse dalše po zakonu ... A se zna kaj je v Zagrebu zakon...ha... se razme.. Žuja ........

Serbus ....

Zagrebačke piknjice .....

utorak, 29.03.2016.

nooo.. dobro..dooooobro .. pemo drugam ..... bah .......

...i pemo dalše .........

ponedjeljak, 28.03.2016.

I tak.. Jezušek je uskrsnul gdo zna po koji put.. a ja sam bil zbog tega fest radostan.. i v to ime nutra žnjime.. moreš si samo zgruntat kak sam proslavil.. Pomalo hodim.. tak se polahko pomičem kak oni stvor z đungle kaj ga nazivleju lenjivec ... Jeee.. još mi se po trbuhu prekobicavleju trdo kuhana jajca.. maaa.. kokošja. se razme .. šunkica si je našla lepo mesto u mirno leži..al mladi luk i hren ..se reče.. ultimativno iščeju da ih se namoči.. Pa sam ja tak namakal ..se razme v Žuji vse dok mi se Žuja ni začela pjenit na vuha .. vse samo balončeki su plahutali naokol .. I zdaj moram fest pazit da ne preteram v hitrosti.. jer to moj želudec nebi podnesel ... Je..praf veliju.. težke su te Jezušove muke ....

Taman fali jen celi sunčani dan kaj bi se dreva razcvetala potpuno.. i raztvorili pupi i mladi listeki se naluknuli na of svet.. Pa nikak da se to vreme pošlihta.. Malo sunčeka.. puno oblakof.. tu i tam kakšna kaplica doleti z vjetrekom kaj oveh dni puše tam odnekud z Dunava.. Al nema se nikaj za prigovorit.. proletje je tu.. ptičeki popevaju.. oni meteorologi.. vrabec ih dal kakšno to ime imaju da su jezika ftrgneš.. najavlivaju debele vručine.. Pa ni to ni nikaj za brigat se.. fabrika slada dol v Ilici več navelko dela.. nebu žeđi .........

A moj Zgareb več blešči v proletnoj šarenoj obleki... sam još da stigne i zeleni ajncug..ha .. No.. kak vreme hitro gre i ljeto bu tu za koji časek.. dok veliš kruhipekmez prejde mesec dni.. I več ljudi pripovedaju kam buju na ljeto otišli riti namakat.. drugi iščeju lavore za jednaku priliku domof na balkonu.. đaki težkom mukom izčekuju konac škole.. penzijoneri več glediju na vrata gda bu poštar penziju prinesel jer im je ovu Uskrs na brzinu fkral ...ha .. I tak.. vsaki nekaj svojeg vrti v tikvi.. a kaj moreš.. navek je tak na proletje.. navek vse znova ... A bogmeš i ja napredujem.. več sam prešel dvjesto metrih za pol vure...........

Vodoskoki delaju kak da je blagdan...ha.. navinul ih je naš gradonačelnik..oni dotepenec z bregof.. kolko bolše more.. A veter tjera kaplice posvud naokol.. skorom da bi ambrelu trebal za projti .. Samo neka.. nek se vidi razkoš.. pa jesmo velegrad il nismo...ha .. A ja žalostno pogledavam spram Lenucija.. negdarnjeg poznatog Splendida z najdugšim šankom v Zagrebu Gradu.. Eee.. tu sam letima za šankom študiral šumarstvo....ha .. a praksu odslužival za kakšnom platanom na scanju...ha .. Jeee.. zbilam bi štel videt dal je na onem mojem mjestu nekaj poda propalo kolko sam stajal.. Znam samo da je na mesingastom šanku ostala luknja od mojeg lakta ...ha ... Več je letima to zaprto.. Škoda.. navek je tu v debeloj senci bilo lepo posaugati kakšnu pivicu il gemištek ...

Mic po mic.. i z oneg mirnog djela sam se najemput stvoril tu.. No pa kaj.. ionak moram nekakšnim putima dojti domof .. Narafski.. obavezno negdi moram upotpuniti zalihe tekučine v trbuhu jer bu pak hren ponorel ... Hikkk.. štuuc... bljuf.. kak mi se mladi luk apštosal na nos van.. Ti vrapca.. dobro kaj nisam v trajvanu .. bi me van hitili.. A kaj više da velim.. Lepo vreme v Gradu.. pa su radniki začeli delati.. v Dugi vulici tekar prčkaju nekaj po štromu i telefonu.. Tomislavaca su več začeli z bagerima rovat.. nekaj sam videl da meriju i na Griču bregu.. no se je ufati da oveg leta nebu baš preveć razkopanih jarkof po Zagrebu.. Jeee.. penezi su se zpustili skroz v podrum gradcke blagajne.. Pa kaj če nam penezi.. ionak ih mam negdo pospremi a nigdo nezna gdo ni kam ...ha ...

Serbus ............................

Srečen Vuzem vsim želim ....

petak, 25.03.2016.

Pa makar još ni oni prevrtljivi Travanj.. vreme se punta po tri put na dan... Evo.. z jene strane oblaki kak da se bu dež zlijal vsaki čas.. a z druge strane sunčeko sija da je milina.. Je.. jutra su dost friška.. a v podne bi najrajši nekam ajncuga hitil .. No.. to vse nikaj Zagrepčance ne štenta da se navelko od jutra vlečeju po Gradu.. Velki je petak.. ..blagdan Vuzema spred nas.. treba se za to vse dobro pripravit .. Pogleč.. na Trgaču sajmište.. vse jena drvena škatula do druge.. kramari tržiju.. ljudi peneze trošiju.. dječica se veseliju .... I ja se veselim...ha .....

I kak se za vsaki blagdan po stari navadi treba nekom nekaj darovat.. narafski.. kak gdo more i ima.. a navek se znekud i zajdni penezi zvlečeju za obradovat drage nam ljude... Pa ti tak na svoj račun dojdeju vsi trgofci v Zagrebu.. Pita me moj sused z vulice..Valek.. da kaj bu ..zajček.. donesel moji ženici.. Velim ja nejmu... A kaj ti ja znam.. ima moja najdraža šmuka i preveć.. a ni nit moderno to zlato kak negda.. ja bum svojoj kupil kožnatu taškicu.. onak za špancir... Praf imaš.. veli moj sused Valek.. i on bu tak kak i ja ... No.. je Valek zašel v Ilicu i fulal oni štacun z taškicama i vletel v ovi kaj prodaje to bleščeče .. Narafski.. zduril se je za lepe peneze za nekakšni zglancani ficlek kaj visi na lančeku.. Al kaj je to za nejga.. ima Valek velki geltašn v žepu.. To ti je moj sused poznati Valek kaj dol v Ilici ima svoj štacun z cipelišima za pajnkrte.. Cipele Valek.. se reče ... I tak.. on kristale.. ja kožu.. i valjda buju naše milostivice vesele....

A v vsakem štacunu gužvancija.. kupujeju ženske za sebe.. mužki za ženske.. penezi letiju.. oni kartončeki se štancaju.. numere se vrtiju.. i onda negdo veli kak smo siromašna zemla.. Maaa.. brus.. nit na peti Aveniji se tak ne trži kak tu v naši zagrebački Ilici.. Eeeh.. pa smo mi stareši i od Beča i Pariza ... pikzibneri.... bah......

I dok ja v Karlingu žlopam svoju Nesicu od vanilije.. vse je više ljudi po vulici.. baš gledim.. nema človeka kaj vruki ne vleče nekakšnu vrečku..najlonsku al papirnatu..a nutra nisu grincajgi neg pokloni.. lepo se vidi da je nekaj onak ..elegantno zapakirano.. Velim ti ja.. fučkaš blagdan ak nisi poklona spravil.. To kaj je Jezušek bil siromaček i još ktomu nagrabusil.. to je majnše važno od poklona vsake fele.. No.. se veselimo kaj je Jezušek uspel zbrisati pa vu to ime sused Valek i ja nazdravlamo z žufkim pelinkofcima ... Znam ja.. Valekica.. nejgova baba je oštra kak mesarska sekira.. i mam bu skužila kaj je nejzin haha.. mišek.. zgutal.. Narafski..on bu se zvlekel da sam ga ja nasnubil.. i onda Valekica mene nebu barem tri dni pozdravila ... Ha.. Valeku su dost tri pelinkofca da začne popevati ...ha ...

Čist mi je čudno videti pol Bogovičeve vulice prazno.. letima je tu vani bila terasa .. kafič..pa restavracija.. a ovi put prazno.. Da barem tak i ostane.. Al nebu.. ziher buju tu nekaj dotepli.. ak nikaj drugo bu naš gradonačelnik..oni dotepenec z bregof nekakšnu bedariju sim dovlekel ... A naokol vse sami butiki.. štacuni .. maa... velim ja ..velegrad ... eeeh.. baš sam fest zadovoljan kaj sam se ja tu zlegel.. v najlepšem gradu na svetu .. Aaa.. neznaju ljudi................

Z Dolca i na Dolac cele procesije hodiju brez prestanka..kak mravi.. Gor na Dolac praznih ruk.. a nazaj vlečeju mužki torbe.. vrečke.. ruksake.. babe vlečeju ona kolica.. ti vrapca.. vse se samo žderilo prenaša.. Ha.. kaj smo mi gladni narod.. nikak se nemremo dost najesti.. Ribarnicu su več spred jenu vuru spraznili.. vse su pokupovali.. denes je kakti post.. pa ni dost kruhek i voda.. mora bit pohani oslič.. pečeni brancin.. šaran na brudet.. puži na šalatu..rakovi na file.. i za one majnše gladne.. srdelice .. Baš slušam kak se jena ženska žali drugoj da je zakasnila i da su ljudi spraznili ribarnicu... eeeeh.. ni nit postit denes tak jednostavno...kaj ne ....

Moram ti kazat da nis več dugo videl na Splavnici tolko cvetja.. pa nit za oni ženski dan .. bi ga vrag znal gda se vse cvetje i komu kupuje.. al ljudi kupujeju pušleke i ne pitaju kolko košta.. Maaa. razmem ja da se tomu ženske veseliju..al kaj.. nemreš to pojesti.. Vrabec ga dal.. pušlek rojžica dvajset kuna.. a za to dobiš četiri pušleka mladog luka.. Viš na ..ja tu gledim taj drač.. a lepo su me z domof sim zaputili da kupim šalatlina barem tri fele.. Se razme.. več iščem moju najdragšu šalatu Regicu.. pa malo Matovilca..i nekaj malo Potočnic.. more i jenu Kristalku... pa onda mladog luka.. i velke črlene rotkvice.. I kaj.. ruksak je pun ..........

I gda sam več tu v susedctvu.. malo se navrnem .. z punim ruksakom.. na Kaptol.. Onak za vsaki slučaj.. morti me Marija gor z visine primeti.. pa se malo zavzme za mene tam pri svoji upravi.. Lepo sam joj mahnul.. zmrmlal ono.. Zdravo Marijo.. pa zdaj kaj bu.. Nemreš fulat i nikaj me ne košta.. Pisanice su tu.. oni žutaki z očima všrek laufaju naokol šklocaju z aparatlinima i čudiju se kakšne to kokice pri nama takšna velka jajca neseju.. I evo.. ja sam svoje zbavil.. vse naredbe izvršil.. malo me žuljaju pelinkofci v trbuhu.. žulja me ruksak na plečima.. bogmeš me več i cipeliši žuljaju.. znači.. put pod noge i.. domof .....

Vsim Vam želim veseli Vuzem ...................

vedute velegrada .......

četvrtak, 24.03.2016.

Ak je meriti po lepoti.. onda je Zagreb najlepši grad na svetu.. ak je pak spomenuti žensku ljepotu čije srčeko v Zagrebu tuče... onda su Zagrepčanke za falaček lepše.. zapraf..za dva falačeka... A ja po gdo zna koji put španciram po starim putima.. več bi i meni mogli tu kakšnu zvjezdu zakeljiti.. no.. makar jene poštene cipeliše da sam zaslužil.. al gdo te pita.. španciraj za vlastiti račun.. pa i bum.. dokle me buju noge držale i daske v tikvi ostale posložene.. Štel sam još puno tega denes tu naškrabati.. nafaliti mojeg dragog Zagreba.. al.. nekak mi nikaj na pamet ne opadne.. ha.. morti sam se več zamoril.. gdo bi znal .............

Serbus .......

zagrebačke piknjice ...........

nedjelja, 20.03.2016.

Halooo.. tkoooo.. aaa vi ste šefe.. kak ste kaj..maa neee..narafski da me ni briga kak ste.. dal delam.. je delam delam.. zdaj več po treti put pem naokol.. se razme.. smetje pobirem.. vse.. i čike i hračke postružem.. Kaaaj.. da pol.... aha.. da poližem.. več jesam.. to prvo.. pol mi je jezika zglodano... kaaaaj.. do mandula ... bum šefe bum .. vse kak velite.............

zagrebački štikleci .................

subota, 19.03.2016.

Haha... kakšni gizdelin..napuhan kak puran ....
..jebal ga taj harem odostrag ....

sunčeko .....

petak, 18.03.2016.

Makar je vjutro bilo prilično zubato..čak je i oni zmrzlivec bil po krovima.. vidlo se je da bu dan lepi i sunčani.. Tam znad Medvednice se polako zdigavle ona proljetna maglica.. a vsakeg časa se osjeti kak celzijusi rasteju.. Kak po zapovedi Grad je od raneg jutra pun ljudi.. kakti nekak vsi bolše veseli bežiju na posel.. đaki v školu.. penzijoneri ionak fort brez veze.. pa gledim i kak cucki veselo scaju gde stigneju.. Vidi..se vidi.. proletje se nalukava ........

Vjutro sam ajncuga zakopčal skroz gor do brade.. a zdaj več odpuštam jen po jen gumb.. I makar se lepo pelati v trajvanu.. velim ja samom sebi da je to denes velki greh po tak lepom vremenu bit v ti kištri z kotačima.. I lepo sam zišel dol i veselo štrapaciram.. Ti vrapca.. još ni nigdo zrušil to koplje nit onu kuglu odkotural.. Ha.. se vidi da v Zagrebu više ni pravih fakinof.. V moje doba bi makar tu kuglu odšrafili i premestili na trajvansku štreku.. Vrabec ga dal.. ak smo mogli kioske z cajtungami odvleč prek pol Trgača.. kaj nebi ovo ...ha ...

A ja polahko španciram po starim dobro poznatim putima.. Gda bi trotoari znali povedat.. bi klicali za menom.. Bok stari kak si kaj.... Hmmm morti baš i nebi.. vrabec ga dal.. kolko sam čikof na njima zgasil... kolko put sam hračnul pa spromašil šahtu i masnjak zalepil na rinzol.. jemput sam se spobluval nasred trotoara v Praški vulici.. a da ne pripovedam kak se negda fino scalo po haustor vratima...ha .. Je..je.. vse to stari zagrebački asfalt dobro pamti.. Pa se ja probam iskupit i vredno falit moj lepi Zagreb Grad...

A na sunčani strani su se pupi na kostajnima lepo zdebljali.. još dan dva sunčeka i bu se vse razcvetalo.. A onda za tri tedna buju več i listeki na drevima.. vse bu zeleno.. a moj bu Zagreb spet bil zbegecan kak pupica na vajnkušu.. Ha.. morti negdo nezna to o pupicama.. al nebum denes to opisival.. to je fajn zastarelo.. Viš.. i stari Đuro uživa v sunčeku.. jedin ga malo muči kaj nigde nikakšni ogenj ne gori... Ti vrapca.. moji podplati vsaki moj špancirung splatiju.. vreme je za kakšnu Nesicu.. narafski na proljetnom sunčeku ....

Nekak mi se pričinilo da bi mi fest pasalo malo na Opatovinu navrnut..nis tu sedel pri Nesici još od lajnskeg babljeg ljeta.. Hmmm.. tam je več navelko sunčeko zasjelo na stare hiže.. valjda bu kakšno slobodno mesto i za stareg človeka.. ha .. Al uzput moram hitit jen pogled na stare krove kaj strčiju z Griča brega.. Znaš.. kolko se put zmislim da kaj bum ja gda več nebum mogel hoditi.. kak bum ja to vse videl..ha .. Viš.. zato ti ja delam na hilade kipecof.. morti bum to rad gledel jednog dana... eeeeh .. pak me vlovilo......

... ajd .. Bok ....................

štel sam nekaj.. ubosti .....

četvrtak, 17.03.2016.

Viš.. takšne ponude nebuš našel ni v Frankfurtu v firtlu črlenih lampaša.. Zbilam.. človeku dojde velka volja da si nekaj.. ubode.. po svoji mjeri........

I tak sam ti ja zašel nutra.. vse si jajca spremečem po žepima.. ti vrapca.. pa nemre se baš vsaki dan nekaj za ubosti po mjeri.. pa ti ja nutar zjevam naokol i gledim nekaj kaj bi me moglo..onak na prvi pogled..oduševit.. Vrabec ga dal.. po stalažama samo poslagani oni mobiteli.. fujfoni i tablete.. po zidima slike.. par ljudi nekaj gledi.. ja takaj gledim.. Hmmm.. oni ženski z slike nit traga nit glasa.. Tam za pultom nekakšni mladi bilmez uporno pokušava cendravog starčeka sprevarit da se zapiše.. a ja blazim naokol i gledim gde bi se i kaj moglo lahko ..ubosti.. I evo ti kmeni dohajba drugi službenik.. črna obleka.. bela rubača..črni kravatlin.. zgledi kak pingvin.. maaa.. pravi fičfirič .. Pita me dal mi more kaj pomoči.. Narafski.. velim ja.. iščem ovu tu z te velke slike... A on se meni smije i odbrusi da se to more samo gledeti.. Jeee.. mladi gospon.. smijem se i ja.. al z gledanjem se nemre nikaj ubosti.. Može..može.. uporan je on i gura mi vruku nekakšnu reklamu.. Evo.. veli.. izaberite si paket i kaj god izaberete..dobro ste uboli.. A. ništ.. zel sam papir..ni dobar nit za rit obrisat. preveć je skliski..... i Serbus..

pe koncu ......

srijeda, 16.03.2016.

Ak je za verovat prognostičarima.. a ja jedin verujem oni zgodni Ani z Nove televizije.. ha..makar se ona i zlaže kak pes,, vse joj je oprošteno.. no.. onda od zutra stvari ideju sasvim drugačijim putem.. Ovi tmasti..črni oblaki peju vrit.. sunčeko bu obasjalo naš lepi Zagreb Grad.. a zima pe koncu .. zapraf je nit ni preveč bilo..al kaj.. ionak je proletje na redu .. Po Gradu su začeli cvetati grmi i neka dreva.. al taman im fali malo sunčeka pa da se razmašeju v svoji lepoti.. Pa bumo to za koji dan vse na kipeca deli .........


A of siromaček celu zimu drži puneg mjehura..pa jedva čeka da se pošteno zasce.. I bu valjda za koji dan.. čim se pokaže da su zmrzavice skončale svoje vreme.. I pak bu dečec žuboril kak potoček...ha.. Zapraf.. slušal sam ja jenu noč..gda je tišina bila.. kak to lepo žubori.. No sam bil v susedctvu..tam prek puta pri jednoj Snježani v stanu.. Narafski.. starci su prešli na nekakšno putovanje pa je curička mam priredila žur.. A ja sam znjom bil na nekakšnom kauču.. oblok je bil otprt.. of mali je scal.. a Snježana je vsaki časek rekla.. Maaa. daj poslušaj kako se to ljepo čuje.. Kaj se čuje ..pital sam ja dok sam ju z obadve ruke spodi deke šlatal.. Ti vrapca..bilo je to doba gda si moral skoristit vsaku priliku jer nigdar nisi znal gda bu drugi put spet.. I onda bi slušal kak nekaj vani žubori.. A v drugem vuglu sobe je na tepihu okrugli Bajs pričepil nekakšnu još bolše okruglu pucicu Renatu koja je valjda prvi put tak nekaj proživljavala.. ha.. drugač pa nebi bila z Bajsom .. pa je fort cendrala.. Daj nemoj.. maaa. daj pazi.. kaj to radiš.. A siromah Bajs je moral vse objašnjavat.. kak ginekolog...ha.. A ova moja Snježana se tomu kesila spodi dekice i fort spominala kak ono vani žubori.. Vse vsemu.. nikaj se ni dogodilo.. ipak smo samo slušali kak žubori... Bajs je bolše prešel na podu.. z naukovanja o ginekologiji prešlel je na praktični posel.. A ona Snježana se fest kasnejše tri put udavala i tri put razvrgavala.. ha.. valjda nisu muži šteli fort slušat kak oni dečec vani žubori ... Eeee.. ni nama mužkim navek bilo baš tak lahko ....


No.. mrzli veter fajn vleče prek Griča brega makar na Medvednici ni videti oneg belog prhlifca kaj je pred dva dni napadal.. valjda mu je to zajdne do sledeče zime.. Makar se znalo desit da je mulac začel padati vsred Travnja meseca pa je spotukel vse kaj je več navelko cvetalo.. A jemput..se spominam.. je to davno bilo.. na sam prvi Svibanj je začel prhati kak nori.. I tak.. čekam da otpreju tu oni štacun kaj prodajeju žarulje.. nemreš verovat kak te žarulje kratko držiju.. pred dva meseca sam del novu i več je zgorela.. Još se nis sprešlihtal na one nove žarulje kaj držiju dok si žif.. nekak su mi ove stare dragše.. tak lepo toplo svetliju.. a one nove su bledunjave kak v zubarski ambulanti.. Denes bum si kupil kakšnih dvajset komada.. celi ruksak bum napunil jer za koji dan tih starih više nigdar nebu..........


I čim bu sunčeko zasijalo mam buju vulice pune ljudi.. oveh dni je taj mrzli sjevernjak vse potiral v hiže.. pa buju pune terase spred kafiča.. ženskice buju mam nekaj laganejše na sebe oblekle.. vrabec ga dal.. jedva čekam ljeto da ih vidim z golim rukicama.. lepim golim vratekima.. nogice brez čarapa i štrampli.. a da ne velim kak mi je lepo videti kak se spodi bluzica ciceki zibaju... eeee.. bu to na skoro.. velim ti ja .... strplen.. spašen..


Na Trgaču nikaj novega.. trajvani tandrkaju.. ljudi bežiju na Dolac i z Dolca.. štandi na sajmišču su još prazni.. na Splavnici su cvečarice donesle cicamace i mlade grančice od trešnji.. marelic.. šliva.. vse v pupoljkima .. stare Jehofke su pobegle od vetra tam spod Harmice.. ni videt nit Štefa z Klajnca kak z metlom maše.. ha.. ščera ga je vetar znerviral.. I tak.. nema se kaj delati.. ruksak mi je pun žarulja.. Jezušek kak se je ženska v štacunu čudila gda sam joj stalažu spraznil.. veli .. nema više.. nigadr nit nebu takšnih.. više se ne delaju.. Pem na trajvan.. gdo bi hodil po tom vetru.. Engleški princ i nejgova Kamila su več negde v komšiluku.. nis ih išel gledeti..a kaj i zakaj bi.. pa i oni imaju jednak posrane riti kak i vsi drugi ljudi .....Uuuh.. evo stare šestice..oneg razklimanog Čeha.. a kaj.. bum si barem bubrege malo spredrmal ....

Serbus .......

puše .......

ponedjeljak, 14.03.2016.

Celu je noč vetar lamatal okol hiže.. drmal rolete prehitil teglin z nekakšnim dračem.. a bogmeš je kantu za smetje zrival skroz do plota i sprevrnul je.... Špenglerof cucak Garo je zavijal kak stekli.. a mački su na bregu pozadi hiže mrnjafkali kak nigdar.. Veli moja spodi poplona.. Sam ti lepo rekla.. smak sveta je došel... Sam nek dojde,, ja sam se z vragom vse dogovoril... gundram ja i gledim čez oblok kak smetje leti čez vulicu.. Vjutro nikaj bolše.. fijuče veter čez vulicu.. čak je i Garo zbegel v hižu..a ja kak narodni heroj hodim i skrivlem tikvu med kraglin .Bogmeš.. tekar tu i tam kakšni človek hodi.. narafski i još jen bedak .....

Dobro kaj sam si vojničku bluzu navlekel..ta ne propušta vetar.. drugač pa bi splatil svoje.. Nekakšnoj ženski je rubac z tikve odletel pa beži sirota za njim.. i rubac praf stane na trajvanski štreki.. Dobeži ženska al je i trajvan dobežal.. Žalosno ženska gledi kak bi joj trajvan skrojil rubca..al kaj.. nebuš mi veroval.. Trajvanac je zabremzal..stal.. mam za jen pedalj do rubca.. A ženska se zmrznula i samo gledi vse dok joj trajvanac ni začel znutra mahat z rukami da si zdigne rubca.. Viš.. kak je to lepo od nejga.. ziher bu zutra v cajtungami ak se ženska spomene ga pofalit ...

Viš.. ovem vetar nebu zmaknul taj halfcilindar z tikve.. a meni je moj kožnati škrlak lajnskeg leta letel po celi Stari Vlaški.. A ja sam bežal za njim i pričepil ga z nogom.. ha.. celi gumeni potplat se poznal.. Pa sam ga tam na Madušefcu opral z vodom i del na tikvu.. ha.. dobro je imeti kožnateg škrlaka.. Al kak denes puše.. bi ga trebal z čavlom zabiti v tikvu ...

Vrabec ga dal.. ovu Cigajnsku popevaljku ja znam celo svoje živlenje..još sam bil klinac gda je popevala.. A zdaj sam ja fajn zagazil v leta..a ona još popevle.. paa kolko onda ta ima let ak sam ja stari ... Jeee. nisu nit Cigani kaj su negda bili.. A bormeš je i naš Lisinski spal na nizke grane gda v goste prima Cigane.. eee.. kaj ti je naša kultura.. za posrati..

Z Trgača je oni ogromni šator zginul..al je zdaj spet nekakšno sajmište.. vse je puno štandof z kojih vetar fort nekaj hiče naokol a trgofci kuneju i bežiju za tim.. Tu i tam kakšni človek na trajvanski štaciji.. drugač pa samo ja i Štef z Klajnca.. Pa je i on zvlekel z žepa vunenu kapu i nabil ju na tikvu.. ziher mu je to još pokojna babica zaštrikala.. A of bedaček je zvlekel metlu pa beži za nekakšnim papirnatim smetjem od Ilice pa do Mandušefca.. pa nis videl dal ga je stigel.. Jezušmarija kak mrzli durhcug vleče odzgor z Medvednice.. ni se vredno zafrkavat po vani... bežim na trajvan.. prvi koji stigne ...ha ....

Serbus ...............

Trešnjevački štikleci ......

nedjelja, 13.03.2016.

Trešnjefka il Štokholm.. na isto ti dojde ....


Brmmm.. bruumf..brmmm..brumf.. jebate ..of je protutnjal kak Švabski pancerkampfwagen z Krupovom mašinom ...vse mu je auspuh strugal po asfaltu ....


Na Trešnjefki je nastalo ono.. naguziti .. to je vječiti spomenik velkoj rječi ....


Bistra zagrebačka vodica...i to..Gratis.. Najdi to v Beču il Parizu...buš brus ...ha ... ...


Trešnjefka je povezana z celim svetom.. na poprek .....

i tak dalše..i tak dalše .................................

Also.... i dalše curi ........

subota, 12.03.2016.

A kaj da ti velim.. več skorom celi mesec spim z ambrelom pokraj krevetlina.. Tak mi je prirasla srčeku da više nemrem brez nje nit jen časek.. Štel sam ju i v krevetlin zgurat..al se moja najdraža zpuntala..veli..Ili ja il ambrela.. pa je tak moja dobra stara ambrela dobila mesto pokraj mojeg nahtkasla.. I kak se šika z vsakim..se reče.. kučnim ljubimcem.. tak i ja svoju ambrelu malo spelam da si vžije deža i friškeg fajhtneg lufta...

I ak me pitaš kaj ja tu delam.. lepo bum ti rekel.. ja ništ..al moja najdraža dela z mene norca.. Dopelal sam ju tu v nekakšnu špecijalnu .. bi ga vrag znal.. aromaterapiju... Zbilam svakaj te ženske zmisliju.. veli moja da bu joj to malo pomladilo kožu ..a drugač da joj to fest paše.. Ha.. velim ja njoj.. kaj se dotikavle arome.. deni si v gače štangicu vanilije a okol vrata si obesi pušlek majčine dušice.. i evo ti aroma terapije.. No.. mene se ne pita.. moram čkomet i bit kak kruhek....

Sparkiral sam se tri vulice dalše.. ni samo tak najti slobodno mesto.. narafski mora se i platit.. I zdaj se sprešetavam naokol ..onak kak bedak.. brez veze.. vlečem ambrelu.. šljapkam po lokvama kišnice.. Več sam sprešel pokraj dve pekarnice i ostal sam karakter.. no ne garantiram da bu tak i gda spazim tretu.. A fala Bogu.. ima ih tu na vsakem koraku ... nemreš fulat..a karakter pozabi ...

Viš.. oni razvikani poznati nočni bar i kupleraj Pepermint.. je skvital svoje tam v Ilici.. kakti im je tam bilo premalo mesta..pa nisu mogli galamit kolko su šteli.. nisu mogli svoje Mercedese i Ferarije parkirat na Ilici.. I su prešli sim i zdaj se nazivaju..Pepers.. Pa je meni drago kaj su z negdarnjeg Dverca prešli van.. ionak su tam blazili sami oni črleni politikanti i nijhova branša.. jebal ih vrag .. A tu bu im dobro.. malo je to ipak na periferiji..a mam na deset korakof je velki hotel ..drugač još poznat po nočnim damama.. bi se praf reklo po ..kurvama..

Ti vrapca.. več sam obišel sve četiri strane svjeta.. zašel v nekakšnu malu pekarnicu.. zgutal dva slana .. neznam nit ja kaj je to bilo.. al mi je pasalo.. a dež i dalše prčka.. pa onda malo kakti zabremza.. i čim zapreš ambrelu pak začne curet.. zajebava.. a kak drugač ... Jebal ti vrag karakter i pekarnice.. zdaj pak treba nekakšni novi karakter i ne zajti v brtiju.. A prešel sam barem pokraj njih deset......

A moja najdraža nikak da se javi a ja več z mobitela po drugi put plačam parkiranje.. Vrabec ju dal i nejzinu aromaterapiju.. gdo zna kaj se njoj to tak dopalo.. ha .. morti kakšni crnac tam posluje..ha .. I vse v jeni ruki držim ambrelu.. v drugi stiščem mobitela da slučajno nebi prečul da zvoni.. Jeee.. bi fasoval jezikove juhe.. Pa gdje si ti.. zvala sam več tri put.. stojim tu na kiši kak pas.. kam si se odskital..zakaj nisu tu .. I tak dalše i tak dalše.. ženska sranja... A ja sam si zgruntal da bu ipak potrebno odredit si mesto gde bu najbolš ziher čekati.. A kaj me pitaš gde..ha.. pa se razme.. v brtiji.. I našel sam praf dobro mesto.. imenom i prezimenom.. nutra kmično kak v kapelici.. no pipničarka dobro zgledi.. nekakšni ofucani človek v vuglu nekaj pripoveda sam z sebom.. spred mene Žuja.. Ja i Žuja pokraj izloga.. vani dež curi..curi..curi..curi .........

Serbus ..............

... mokri štikleci ......

petak, 11.03.2016.

..a kiša je cjeli dan padalaskakala..padalaskakala..padalaskakala..padalaskakala..padalaskakala........

Serbus .......

četvrtak, 10.03.2016.

..se vidimo.. več jemput.. morti v pondelek ...

pak nekaj mrdaju ..............

srijeda, 09.03.2016.

Mrzli veter denes vleče čez Dugu vulicu.. a ja mic po mic..pa škljoc sim škljoc tam... Najme.. kak je to objavil naš gradonačelnik..oni dotepenec z bregof.. Duga vulica pe v totalnu obnovu.. veliju tome ..rekonstrukcija.. To znači da ju buju i uzduž i poprek razkopali a bogmeš i tri metra spod zemle .... I kak su to najavili.. cela ta špelancija bu trajala sedam meseci.. a to onda ziher bu i leto dni.. za to vreme buju štacuni.. brtije.. butiki.. obrtniki i zanatlije..praf za praf.. zaprli svoje luknje i čekali milost božju da se vse skonča.. I kak to navek biva.. pol teh današnjih štacuna i brtija nebu dočekalo da novo sunce zasija po Dugi vulici..al pa po vulici Pavla Radiča ka se denes naziva ... I tak sam ja malo obišel celu vulicu gor i dol.. del vse na kipeca..pa nek se najde ...Nekaj malo bum i vam tu pokazal.. zabavlajte se vsi oni koji tuda ne hodite vsaki dan ....

I makar je oni neobrijani gradonačelnik rekel da bu vse kak je i bilo.. ni mu za verovat.. tak je rekel i za Mesničku pa je naredil drek... Nejmu ti nekaj puhne z riti v tikvu pa se spremisli i naredi kvara.. Valjda nebu i tu pometal kakšne svetleče žmigafce od kojih se plašiju i djeca i starci...ha ... Jedin veli da bu pustil trotoare..al buju takaj naređeni z kocki.. i da buju nekaj niži od sadašnjih.. Hmmm.. pa kak se buju onda spuštali odzgor oni na rolšuhama i onim daskami z kotačima... ha .. Maaa.. velim ti ja.. kaj se god staroga pehne.. tu više nebu kak je bilo.. No.. ja se bum sečal.. a pol Zagrepčancof denes ionak nezna za tu jenu od najstareših vulica .. A na brdo Grič se bumo pentrali čez Mesničku al čez Visoku po štenganma ....

Serbus ......

Špancirancije ......

utorak, 08.03.2016.

I vreme je da se pomalo osjeti duh proletja... makar je vse još golo.. nebo sivo.. mrzli veter.. čim sledeči put sunčeko zasija.. vse se bu spromenilo za čas ...

Makar se ja preveć ne radujem sunčeku jer ono više nezna polahko.. Buš videl.. gda se pojavi.. mam bu ta lampa začela žgati.. I onda buju stare platane bile fest koristne..kak i Ožujska z citronom...ha ...

Stojim tu na meji moje periferije i žalostno gledim spram Zagreba Grada.. Denes mi ni dopušteno malo zajti med stare trge i vulice.. Vrag jebal vse posle kaj ih človek mora pod nus zbavlati.. a ja moram v opčinu ...uuuh ....

Si videl... prve forzicije procvetaju na Keglbajsu.. vse človeka veseli gda ih takšne žute spazi.. A bogmeš su na luft zišle i stare Jehofke pa ičšeju tajnu formulu za vječno živlenje v Kuli stražara... ha ...

Kak je da je.. zišel sam van z one zagušlive opčine.. ti vrapca..tam se babe samo sprešetavaju sim pa tam čez one gajnke.. a ja stojim spred vratih i čekam da me velikodušno pustiju nutra .. A nutra nikog ... Tak da mi baš paše malo se spreluftat..

Dvajset let smo se moj pajdaš Cajger i ja kladili dal bu ova stara dama zdržala zimu al nebu.. Pa smo na koncu zaklučili da se bu ta držala do svetog nigdarjeva .. Nikak da nit jen črep opadne nekom na tikvu..ha.. Of put smo kladili Cajger i Ja protif Špenglera i Antene da se bu do leta ta podrtina zrondala i poklopila barem jenog človeka.. I zdaj čekamo da najebe taj jedan kaj bi si mogli spiti gajbu Ožujske v ime oklade... Ha....

Serbus ....

Zagrebačke Snježne pahuljice ..........

nedjelja, 06.03.2016.

Za velke se navelko čuje..za male pa malo...
Tak je pred par dni v Budapestu bila velka špelancija.. se tomu reklo... Evropsko natjecanje u sinhroniziranom klizanju.. drugač pa.. ove mlade pucice se šličuhaju..kak jena tak druga.. kak da bi ih v špiglinu gledel.. A mi z našeg lepog Grada Zagreba imamo svoju delegaciju.. Zagrebačke snježne pahuljice... Narafski da i moje dve vnučice letiju po ledu kak stekle... ti vrapca..ja se znam šličuhat još od davnih dni gda sam bil klinac...al ove kaj znaju.. ti se zvrti v tikvi ... No... naše Zagrebačke snježne pahuljice.. a moja je jena vnučica..kapetanica.. su na ovem špilanju dobile srebrnu kolajnu.. Drugo mjesto zmed tolkih z cele Evrope.. Ni to mala stvar.. al kaj.. mali ljudi.. malo se čuje.. Narafski.. na vsim takšnim špelancijama su navek prve Ruskinje.. pa ni za čudit.. one imaju celu godinu leda za trenirat..a ove naše par mjeseci... I tak sam ja denes dobil kakšnih hiladu fotografija.. da ih vse pošlihtam... A moja kčerka je ..se reče.. tehnički organizator tega vsega.. a ja samo albume filam z slikicami... Paa.. mora i deda nekaj doprinesti..a još me čeka i velko čaščenje.. narafski tu bum ja tehnički i financijski organizator...ha ... Dakle.. srebrna kolajna je v rukama Zagrebačkih snježnih pahuljica ... Živeli ......

Zagrebačke piknjice ..............

subota, 05.03.2016.

si čul
kaj
socijala pe fest gore
pa kaj.. mi svoj posel imamo
maaa.. to ti velim..jebeš posel .........

zagrebački štikleci .......

petak, 04.03.2016.

poslednje luknje na Dolcu .....

Bi se našla i još poneka kmična rupa koju velikodušno nazivleju ..cafe barovi.. I se zna da tu največ dolaziju na kavice i druge splačine šverceri kaj su pravi gazde na placu.. No.. je malo poznato da buš tu našel i prave prafcate stare Purgere.. kaj ih se još jedin z lampašem treba iskati po našem Zagrebu .. Često ja tu zajdem v kakšni od teh ..barova.. i navek najdem koga poznatog al pa viđenog .. Je da su to luknje koje se tu držiju samo po milosti božjoj.. nek se najde mesto za skriti se od kiše..al se malo po zimi zgrijat.. Al bum ti rekel.. tu navek morem čuti glasnu domaču purgersku rječ kak malo gde.. Drugač pa.. tu dojdeju i stari zagrebački penzijoneri koji si nemreju priuštit kavicu il gemišteka v kakšnem finom kafiču.. tu su ti cjene pijače sporihtane baš za tu felu Zagrepčancof .. Interesantno je tu se smestit med te ljude i posluhnut.. čul buš vse ono kaj v drugim kafićima nebuš.. tu je nekak kakti.. slobodna rječ na cjeni.. razmeš.. Je da su ti..ha.. barovi na Dolcu neugledni.. zamusani.. blatni.. zadimleni od cigaretlinof.. al su poslednji štimung negdarnjih zagrebačkih krčmi .. I kak vse zgledi.. nebuju tu još dugeg vjeka.. postoje velki planovi za generalnu obnovu Dolca koji predviđaju da se vse kaj je sadašnje poruši i dela nekaj novo.. tri kata spod zemle i odzgor kaj več bu.. pa je za verovat gda se to bu zbivalo da buju i vse te luknje koje su denes naokol.. nestale ... Jeee.. kak i vse staro i pohabano..tak bu i današnji Dolac jenog dana nestal ... Buju ga ubili kak su i dobri stari Kvaternjak.. a Branimirac je več na izdisaju.. I kaj.. bu se spominalo v kakšnem Blogu ... ha ...

Serbus .....

Špancirancije ......

četvrtak, 03.03.2016.

Kak i navek.. dopelal sam se of put v starem Čehu do Frankopanske.. Makar imam rad one naše Zagrebačke trajvane..one nove.. tu v ovi konzervi se nekak čutim po starinski.. Fučkaš trajvan koji se ne ziba.. ne lupa i nabija.. ne škripi.. i ak ti ne odpadneju bubregi nit neznaš da si se pelal v trajvanu.. Dakle.. of je bil napol prazni.. jena se vrata nisu štela dobro zaprti pa je tak vse drečalo i tuklo kak da si v diližansi ... Več dugo nis v trajvanu nikaj posebnog doživel.. pa je of put se spaltilo.. Na stolcu je sedel nekakšni stari človek.. tak.. je skoro normalno zgledel.. al se mam čulo da je trknut v tikvu.. Na saf glas je.. kak da se svadi.. lamentiral o politiki..pa je vse na hrpu nadrobil.. I da je naš fuflavi premjer zmotan kak svinjski pimpek.. i da je Karamarko poturica jer se pravi Horvat nemre zvati Karamarko.. da je naša predcjednica dobro uhranjena krava.. pa je naglasil da jebe mamicu onem MIlanoviču..no je mam odustal jer je spoznal da mu je mamica ziher žirafa.. pa da je oni sabornik Tepeš vrtni patuljak.. I tak je sračkal celo vreme.. neki su se ljudi smijali.. neki ga žalostno gledeli.. a gda je spomenul našu zgodnu predcjednicu.. mam se neka ženska pobunila i napala teg norca da kak more vređat inštituciju.. A of bedak se obrnul i ženskoj odbrusil da je i ona krava.. A ova se sva črlena okrenula kmeni kak da očekuje moje mišlenje.. hmmm.. ja sam samo zlegnul z ramenima i rekel... Neznam .... A of je mulac i dalše nabrajal vse politikante po redu i gda sam ja zišel z trajvana..............

A vreme je skroz na skroz posrano.. vsakih par časekof dež curi.. pa onda taman odpreš ambrelu..pa prestane cureti.. kmično je.. a i začel je puhati mrzli veter z Medvednice.. Baš gledim kak vlečeju prek Trgača tu dječicu..a oni su vsi veseli i razpoloženi kak da ih pelaju v slastičarnicu.. gdo zna kaj su im vse obečali gda su tak dobri.. Viš.. ta naša spametna horvacka dečurlija.. hodiju kak odrasli ljudi.. A sam nema tomu dugo bil v inozemstvu pa sam videl taki te klince kak ih pelaju po vulici..al su se vsi držali za nekakšni štrik..kak da su kojni.. Maa.. velim ti ja.. mi smo Horvati za vse druge.. Pro Arte... ha................

A pripovedat se navek ima o čemu i nikakšno vreme ili nevreme nemre to pokvarit.. Kolko put ja velim svojim pajdašima da se bumo našli na Trgaču.. pa bumo se malo sprešetali i politiku naganjali stoječki.. Maaa.. bi te moje pajdaše vrag zel ak bi i jenu rječ prozborili a da ne sediju v kakšnem kafiču.. Moj pajdaš Dragec i ja se najdemo na vuglu Jurišičeve.. ja pripovedam za sebe i za nejga jer on šuti vse dok si ne sedne v brtiju pri Kavaliru na Trgaču i povleče jen srk kavice .. onda mu se tekar jezik razvuzla..............

Ambrelu prek ruke.. pa polahko dalše.. ni važno kam.. navek se nekam dojde.. Denes mi je baš dobro ispalo.. vjutro oni bedak v trajvanu.. posle sam susrel pajdaša Drageca pa smo malo tračali..Znaš..to ti je oni Dragec kaj bedina ženu i cucka od našeg gradonačelnika.. teg dotepenca z bregof.. pa navek ima kaj za pripovedat.. Zapraf.. Dragec je tu domaći fakin z Trnja pa on našeg gradonačelnika fort naterava da mora pripovedat po zagrebački.. A of je nekaj malo nafčil pa se mam nakon tri nafčene rječi proglasil za Purgera.. Je Dragecu velki problem bil to kaj je gradonačelnikof pes..Srbijanec.. je..je.. pravi prafcati.. su ga dovlekli odnekud z komšiluka.. Pa je Dragec imel muku nafčiti po kajkafsi i gradonačelnika i cucka ... ha... Tak.. malo se zafrkavam.. tu i tam mi kakšna kaplica zgiba za vrat..... ma kaj.. za par dni bu proletje............

Serbus ................

Zagrebačke piknjice ........

srijeda, 02.03.2016.