Lipo li je..lipo li je ........maaaaa.....

ponedjeljak, 27.06.2016.

Veli meni moja najdraža.. Fučkaš posel i vse brige.. pemo mi malo na odmor.. No.. dobro.. velim ja.. Prafzapraf.. nemam ja nit kaj tu kazat.. jenostavno treba posluhnut kaj ti se veli..drugač nebuš dobro sprešel …ha .. Narafski.. to da se pe na odmor svakak podrazumjeva da treba iti dole do one slane bare.. sinje morje.. I ja onakšni krampljavi zvežem frbante na nogu.. i praf po stari cesti čez Plitvice .. pa na Velebit.. i onda strmoglafce dole v onu luknju Obrovac.. pa spet okomito gor.. i se na koncu prek Benkofca odsmičeš do velke bare.. A ja celim putem gundram.. nije meni baš do teg slanog odmora.. rajši bi se ja namakal negdi v toplicama ak se baš mora rit zmočiti.. no.. moja najdraža me tješi da bum dol pri bari izlječil nogu.. kak je rekel moj pajdaš Dalmoš.. Triba nogu točat u moru.. Jebalgavrag.. zbilam svakaj.. neka si on toča svojeg pimpeka v moru.. a ja bum svoju nogu držal v šlapi ..
I tak smo nakon pol dana koturanja.. onak polahko da se vidi lepa priroda.. pa malo staneš tu.. pa malo tam.. hitiš nekaj na kipec.. pa onda takaj hitiš nekaj v požirak.. pa si posle žedan…No..stigli smo..

Se razme.. najprije treba najti kakšnu luknju gde se bu človek smestil.. I lepo ti ja prejdem v ..se reče.. turistički biro.. i iščem nekaj kaj bi meni pasalo.. Pa mi stareša ženska.. nit počeljana ni.. nudi.. apartman.. ima vse kaj treba čak i lonce i rajngle.. To nikak ne dolazi v obzir.. pa nis ja dovlekel svoju rit sim da bi se ja vlekel po štacunima.. a nit moja najdrža nebu Pepeljuga na odmoru.. Pa mi onda ona razčupana ženska nudi garsonjeru.. jebalgavrag.. nekakšnu špelunku v koji nesmeš prdnut a da ti se od zida ne vrne v tikvu.. Znate .. velim ja toj.. meni treba nekaj komfornog.. dugačko i široko z puno lufta.. Eeeeee.. veli ženska.. evo.. baš nekaj za vas.. odmah tu u blizini .. deset metri od mora u borovoj šumi.. sve skup barem tri tisuće kvadratnih metara.. Aha.. to mi več fest paše.. al.. nema oblokof ni vrat.. Eeeeh.. šjor.. pa ća će vam.. oli ni lito i vrućina.. .. Aaa.. koliko ti košta.. pitam ja.. ipak je to cjela palača v pitanju.. Maaa.. ništa šjor.. samo vi počistite unutra te škovace i komodajte se….

A moja najdraža skorom opala v nesvest gda je vidla .. Ajmeee.. kaj si to zel.. pa to je vila propuh.. kriči ona na mene.. A vidi koliko govana ima .. evo i krepane mačke.. I zdaj ja nju moram uvjeravat da je to ono kaj se tomu veli .. avanturističko ljetovanje.. Velim ja ljepo njoj da nit Roko i Cicibela nisu imali nikaj bolšega.. a evo..i ja sam se porihtal kak Haklberifin.. Jebali te Cicibela Tom Sojer i Haklberifin.. .. odprha moja v kafič na kavicu.. mora se primiriti veli… Hmmm.. pa bolše kavica neg lozovača.. gruntam si ja.. kak bi tek onda najebal …ha …

I zdaj si gruntam kak bi izpravil te ogromne falinge kaj sam ih naredil.. Ništ.. velim ja.. pem ja iznajmit nekakšnu barku.. bu moja najdraža oduševlena.. Čuj.. moraš se babi fort vrit rivat,, drugač pa ni dobro.. A ionak sam več zahiril z tom svojom nogom..
Pa gledim tu po.. veliju.. pristaništu.. Ima vsega i svačega.. od običneg korita pa do velkih lađa.. maa.. bum ja našel najvekšu kaj se more najti.. I zapazim oveg zbilam velkog broda.. Vidim.. celi dan se pela po morju.. sim pa tam.. ode prazan.. vrne se prazan.. pa malo stoji.. pa spet prazni prejde i vrne se.. Pitam ja tu oneg glavnog.. ima kapetansku šiltericu na tikvi i nekaj čvarki na ramenima.. Čujte gospon kapetan.. ja bi rad iznajmil oveg broda.. Kojeg.. pita kapetan.. Pa oveg tu kaj mu piše Jadrolinija … A odaklen ste vi šjor.. pita me taj kapetan.. Paaa.. iz Metropole.. falim se ja.. Eeeeh.. ludeg li svita.. progunđa kapetan.. nis bil ziher dal na mene misli.. A ća će van taj veliki brod.. to van je trajekt.. pita on mene.. Maa.. ne triba meni.. opet ja njemu.. nego za moju najdražu.. znate ona navek išče velke stvari.. ima velke želje..i tak to.. Aaaa.. čudi se kapetan.. i opet mumla.. Ovi čovik kanda je opa z masline.. ae… pa će glasnije meni.. To van ..šjor.. ni moguće iznajmit.. to je državno vlasništvo.. razumite.. Hmmm.. gruntam si ja.. državno vlasništvo.. pa lahko se onda celi dan pela po moru prazan……

Pa na koncu na rivi naletim na tablu.. Rentaboat.. A kaj vam to je.. pitam nekakšnog kaj je več pouglenil od sunca.. Paaa.. iznajmljujemo barke..glisere.. čamce.. jedrilice.. veli on.. Aha..aha.. baš to i iščem .. veselim se ja.. Evo.. pripoveda oni opaljeni.. ovaj gliser po danu tolko i tolko eura.. a ova jahtica po danu tolko i tolko… Uuuuh.. stani človek božji.. pa ja to ne kupujem nego unajmlujem.. kak more bit tak skupo.. Eee.. šjor.. ako van je skupo.. iman ja za vas nešto posebno.. Evooooo.. mala barka za dvoje… Krasno.. velim ja.. odmah uzimam.. nego.. gdi mu je motor.. A ća će vam motor..pa ste došli na odmor.. malo se rekreirajte..veslajte.. Hmmm.. ima čovjek praf.. gruntam si ja.. Aaaa.. gdi su vesla… Ojmeee.. čudi se pouglenjeni.. pa ća nima vesla.. aaa.. biće ih netko ukra … Evo.. dat ću vam upol cjene ..
Ha.. skinul ja natikaču z noge pa veslam znjom po bari.. Narafski.. zabijem se v obalu.. pa mašem svojoj najdražoj koja se konačno umirila.. narafski.. dve tri kavice z mljekom delaju čuda.. a i mladi konobar… ha ……. Mare.. Mare moja … evo san ti doša.. začnem ja popevat onu dalmatinsku..
Kaj je..kaj si se tak razgalamil.. pita moja.. Maa.. kaj ne vidiš kakšnu sam barku nabavil.. dojdi zlato moje.. bumo skup veslali.. . Kaaaj.. stari norc.. si skroz na skroz pobenavil.. pa nejdem ja v tu orahovu ljusku nit da mi otok pokloniš… I otperja moja Mare z ručnikom na plažu…..

Kaj da vam velim.. nakon vsih mojih velkih napora da odmor naredim interesantnim.. ispalo je onak kak je rekla moja najdraža.. Paaa.. skorom navek je tak.. Lepo smo se zasjeli v hotel Lavander.. velka klimava soba na drugem katu.. z balkona se vidi more.. jednak je plavo kak i gda ga odzdol glediš.. naokol sami stari borovi.. lepi park.. i još lepši kafič…. Zbilam nemam kaj za prigovorit.. ima lift.. ima restavraciju.. jedeš kolko hočeš i moreš.. piješ kolko imaš penez.. velka televizija za utakmice gledeti.. i kaj je najvažnejše.. ima velki bazen z običnom vodom … a Žuju točiju v krigline…. lahko bi se človek priviknul i na dugši rok…ha …

I kak od vsih barki i drugih korita kaj ploviju po bari ni bilo ništ.. odlučil sam se ja za drugu avanturu.. Pem ja unajmit motorčeka.. pa bumo moja i ja malo landrali na kotačima naokol.. Pa sva sreča da of motorin ni bil poslednji.. gdo bi se gor spentral po nejga.. Dovedem ja moju najdražu i ponudim da si zabere na kojem od ponuđenih se bumo pelali.. Eeeeh.. baš si ja svakaj zamišlam.. Veli moja.. Čuj dragi.. samo se ti pelaj..a ja se na tu kozu nebum pentrala.. I tak nikaj ni od avanture na kotačima.. Malo sam bil kakti žalostan pa me moja odvlekla v slastičarnu.. i z četiri velke kugle vanilije sam mam zlečil tugu…ha …. malo se čudila ženskica v slastičarni kam sam tak hitro pospremil taj kup sladoleda..al to je za mene prava sitnica.. morem ja i duplo …

Vreme prolazi.. sunce žga kak v Libiji.. a more je veliju..taman.. Hmmmm.. ja sam posluhnul oneg savjeta da moju zfufljanu nogu treba v morju namakat.. veliju Dalmoši.. točat.. Ha.. pol vure sam ju držal v moru do kolena duboko.. ti vrapca.. mi se noga zmrznula skroz do jajca.. jebalo ih to.. taman.. more.. I ak več nekaj mora bit mrzlo.. ja sam nastavil z terapijama za nogu v kafiču.. Žuja je mrzla.. taman.. ha .. Istini za volju.. nis nogu namakal ..točal.. v Žuji.. al se računa i terapija znutra..ha.. Spodi sto let starih borova.. z pogledom na sunčanu obalu.. koji put pozabim da v rukama držim Večernjak ..pa se zagledim za guzicama.. cicekima.. nogicama.. maaa.. terapija za poželet ………

I tak dan za danom.. more navek jednak plavo.. je..je.. samo ga gledim z sigurne daljine.. sva sreča da se riti i ciceki vsaki dan zmeniju pa človeku ni dosadno gledeti.. a meni su več oči natekle kak da sam švaser v brodogradilištu..ha .. Moja se namače pa onda leži na suncu kak tuljan.. i tak nekolko put v vuru vremena.. Mene je konobar več zapamtil pa čim vidi da je kriglin prazan mam nosi noveg .. Našel sam tu nekakšne domače muže.. Dalmoši.. pa zdaj skup razglabamo o nogometu.. a vsaki razgovor.. se razme.. svrši z politikom.. Smijeju se oni kak ja povedam po kajkafski.. smijem se ja kak oni ćakulaju.. vse v vsemu.. razmemo se.. .. A zdaj nakon par dni tu pri slanoj bari.. ja sam i spodi starih borova zmenil farbu.. Nekak sam potamnil.. zapraf samo ono kaj ni spodi krpa.. A kasno popoldan gda sunčeko postane slabše.. moram ja nogu razgibavat.. Špancirat.. razmeš.. Pa ja i moja najdraža ruku spod ruke po lepom malom gradiču hodimo.. od klupe do klupe.. od brtije do kafiča.. od slastičarne do… bogtepitaj ……..

Serbus …….

Pozdrafček ......

ponedjeljak, 20.06.2016.

Vsim pucama rukoljub.. mužkima pa moje poštovanje..
Malo sam sprešel dalko od mojeg Zagreba .. doduše ne z cugom makar bi se rad pelal v takšnem starom..
Dakle.. nebu me do drugeg tedna.. dotle bu i noga bolše.. pa bumo skup špancirali..kak negda ...

Da ste mi gezund ....

Zagrebački štikleci .....

srijeda, 15.06.2016.

haha.. i ja pelam na prirodni plin
denes sam imel bažul za obed .....ha ....


vrabec ga dal..prošel je pokraj teg angeleka kak pokraj kandelabera..
Jezušek... kaj me još čeka v živlenju....


glugluglugluglu ....
ha.. Krešo je prešel na Žuju ........


vse papire sam pokupil.. vse čike pomel.. hračke razmazal....
maaa.. fest sam zadovoljan..nemam si kaj prigovorit ....

.. i baš nam je ljepo ...ha ....

Vsi ti cajti kaj su prešli ..........

utorak, 14.06.2016.

Celzijusi na Zrinjefcu ..................

Gledim ja v taj tu.. kak veliju .. Meteorološki stup… prafzapraf.. ne interesira mene baš taj komad kamena.. Pa ja znam svakaj o tem tu čudu.. To je kakti nekakšni poklon Gradu Zagrebu dal nekakšni Avstrougarski vojni doktor.. Adolf Holzer.. Kaj je njemu opalo na tikvu da takšni poklon nekomu da..more bit da je bil fest bogat..il su takšni pokloni negda bili jeftini.. Vrabec ga dal.. pa denes ljudi doktorima nosiju poklone i nis čul da je kakšni današnji nekomu nekaj poklonil.. morti prekovremenu vuru kakšnoj medicinskoj sestrici…ha .. Ti vrapca.. kak su se v ono vreme lepi pokloni davali Gradu Zagrebu..hiže.. palače.. dvorci.. fontane.. glazbeni paviljoni.. meteorološki stupi.. celi parkovi.. razne biste i skulpture.. A denes gda v našemu lepom Zagrebu živiju tolki miljoneri.. pa nigdo ništ ne pokloni.. Denes se samo Zagrepčancima zpukneju penezi z žepa .. nekaj se naredi i onda se negdo fali da je to on naredil.. kak i oni naš dlakavi gradonačelnik.. dotepenec z bregof.. On daje i djeli naokol i kapom i šapom ..pa to sebi pripisuje.. Brus.. tu su i moji penezi.. I kak onda oneg obraštenog pišlifca ni sram kazat da je to on naredil..

No.. pa nek taj pe vrit..ja sam štel spripovedat kak sam se ja još kak dripec najrajši vrtel okol teg tu stupa.. Al se dobro sečam da je jako loše zgledel.. je kamen bil saf pocrnel.. a i pozelenel kaj se je oni bakreni krof cedil po tem .. pa nit denes nije ništ bolši …..Kasnejše gda sam več bil klinac tu smo se mi djeca z okolnih hiža okuplali.. V to vreme taj je stup bil zaprt z železnim roletama.. Zapraf.. šajbe su bile zaprte.. Dugo let je vse to loše zgledelo.. a služilo samo nama za zafrkanciju okol tega.. Onda su došli nekakšni maheeri.. zgladili kamena skroz na bjelo.. naredili nove roletline i celu tu stvar je preuzel zagrebački Meteorološki institut na Gornjem Gradu.. Jedin je nekakšni vurmaher.. oni Lebarovič bil zadužen za vuru.. Znaš.. to ti je posebna vura.. ta pokazivle vsih dvadesetčetiri sata.. bumo rekli.. i dan i noč..
I tak smo mi klinci zgubili svoje mjesto pri tem stupu kaj su fort ljudi dolazili lukati na te štrumente.. Pa tu pokazivle one Celzijuse.. pa barometar dal bu lepo al grdo vreme ..i tak ..

Pa smo več i kak pravi fakini.. frajeri… znali tu stajati skuplati se pa bi onda v čoporu kak prava banda prešli na svoju klupu tam niže pri Paviljonu.. I tak smo ti jemput tu stajali.. Ico..Ja.. Pacof.. Bajs.. Glavonja.. Dugi.. Mic.. Čos.. Moka.. Suhi.. Pišta.. i vrag bi ga znal gdo vse ni.. gda se skroz nas progura nekakšna ženska.. onak.. fest zašpanata trifrtaljka bi se reklo.. i pe ona gledeti temperaturu.. I na saf glas prigovara kak smo mi okupirali to mesto da ona nemre projti.. I popne se ona tu jenu štengu kaj je skroz naokol teg stupa.. pa gledi.. gledi.. gledi.. pa se krivi sim pa tam.. diže tikvu gor i dol.. Mam je nama bilo jasno da ona nema pojma kaj tu treba i kak gledeti.. I još je baba z rukom obrisala šajbu.. kakti ne vidi se dobro.. No.. za to vreme joj se Bajs prišuljal skroz odostrag .. tolko kaj joj se ni zalepil za rit.. i začel se producirat kak da bu žensku ..onak odostrag.. razmeš.. Čuj.. ni Bajs zabadaf bil Bajs.. Taj ti je bil onak malo nižeg rasta.. a debeli i okrugli jednak kolko je bil i visoki.. Zgledel je kak velka kugla z koje viriju dve tanke noge.. Taj je naš pajdaš Bajs jako lepo znal svirati gitaru..al je fort samog sebe kritiziral da su mu za gitaru prekratke ruke.. A nikak ni štel priznat da mu je prevelki trbuh .. Gda bi mu gdo prigovoril za tu nejgovu brentaču.. on je odbrusil.. Gdi je bačva tu je i pipa…
....................I tak ženska stoji gore na štengi.. Bajs pozadi nje vse z rukami vrti kakti oko nejzine riti.. a istini za volju.. bila je to dobro napumpana rit.. kak da bi ju Meštrovič zklesal .. I kak se to i dela.. ženska je naredila korak vnazaj da bu zišla dol.. ha .. narafski.. naslonila se na Bajsa i zgubila ravnotežu.. Pa je nama bilo bistro da je baš to Bajs štel tak.. kak bu on nju prijel i spasil da ne opadne na leđa.. No.. ženska se celom težinom nalegla na Bajsa.. of ju je zgrabil z onem svojim kratkim rukami al ni dosegel dalše od nejzinih cicekof.. a i te su se vidle kakti dobra mjera.. I .. vrabec ga dal.. obadva su lepo polahko seli na asfalt .. Bajs dole a ženska gor na njemu.. I dalše on nju drži.. više ni ziher dal nju spašava..al sebe…ha .. Pa kak su seli..tak se je ženska štela zdignut..al se nekak Bajsu zmaknulo pa se on sružil na leđa a ženska prek nejga.. I tak ti se njih dva valjaju po asfaltu..
.....................Moreš si zgruntat kak smo se mi ostali naokol drapali od smeha.. Ico koji se najrajše smijal čak si je i on sel na pod i štel se pobluvat kolko se smijal.. I tak.. Bajs leži na leđima i kune babi oca i mater.. baba se pokušava zdignut al joj težko ide.. i ona ima malo preveč kila a smeta joj i velka taška kaj ju ne zpušta z ruke.. Pa je valjda Pišti bilo žal ženske i on bu joj pomogel.. Lepo ju je odostrag obuhvatil spodi obadve ruke i zdigel ju je na noge.. pa kak ju je zdigel mam ju je i uslužno začel kefati po leđima i po riti.. A baba mesto da mu zafali.. obrne se kak zvečarka i mlatne Pištu po tintari z onom svojom taškom.. A kak je Pišta nosil očale najemput su mu ostale viset na jenom vuhu.. Narafski.. mi smo i dalše urlali od smeha.. Zdaj su babu kleli i Pišta i Bajs koji se jedva zdigel i jamral da mu je baba jajca zdrobila.. Baba je klela vse nas i jamrala da joj se najlonka podrapala.. Stresla je z sebe prašinu pa prekontrolirala svoju tašku da joj ni kaj ispalo.. A Pacof koji se saf zapluval od smeha i skorom čik progutal.. je stal gor na štengu.. z jenom rukom je pokazal na oni barometar.. a z drugom se prijel onak prek hlač za svojeg šufnudla i rekel učtivo ženskoj.. Gospođo.. dvadesetdva .. Kaj dvadeset dva.. pita ga ženska koja je konačno došla ksebi i proba se malo doterati.. A veli Pacof njoj.. Čujte gospođo.. dvadesetdva i tu na barometru i dvadesetdva tu pri meni.. dojdite bum vam pokazal.. I začel je pacof šlica odkopčavat .. A ova se zaletela da bu i nejga heznula z taškom ..pa se predomislila.. A Pacof je kak atletičar kaj skače v daljinu al natraške odskočil dva metra i skorom se potepel .. da se ni zabil praf v mene.. odletel bi na pol puta do Paviljona.. Svakaj nam je ženska nabrojila dok je odlazila.. Huligani.. Ništkoristi.. Fakinaža.. Balavurdija..vse nas treba v popravni dom……. I kaj.. Pišta je ostal brez jenog krila na očalama.. Bajsu su na riti pukle hlače i zderal si je laktove do kosti.... a mi ostali smo imeli grčeve od smeha ….. i tak smo čoporativno kak cucki prešli v Splendit na pijaču ….
……………….Ico je vmrl pred deset let.. Glavonja pred dvanajst let.. Suhi pred tri leta..a oveg leta na sam Vuzem je i Bajs prešel ………

Bilo pa se spominalo ………………

Ha...v mladost se vračam ....

ponedjeljak, 13.06.2016.

Debela ......

Denes sam nakon dugog vremna prešel čez Mrazovičevu vulicu.. To je ona kaj z Petrinjske pe van na Palmotičevu.. je dobila ime po onem Matiji Mrazoviču.. Pa taj ni rođen v Zagrebu..al je tu delal..je bil advokat.. .. i se bavil politikom pa je čak imel i svoju političku stranku.. se zvala Narodna Stranka.. Bil je i v neko vreme Zagrebački gradonačelnik .. Se ti Matija rodil na Kalniku.. je to takaj brdo kaj su se na nejmu.. tam v srednjem vjeku.. skuplale coprnice kaj su se išle naprčiti glavnem coprnjaku.. I tak je ti Mrazovič dobil svoju vulicu v centru grada..
A ti je to obična kratka vulica kaj su tu vse sami stanari.. nema tu štacuna nit kaj drugega zanimlivog.. Jedin se v ti vulici moreš nagledat aftomobila kaj su natrpani kak dlake na riti.. Vse jen na drugem.. Praf za praf .. jedva tu moreš i projti..

A negda davno sam tu na broju tri imel jenu pucicu kaj je zmenom išla v osmoljetku.. I tam negde v sedmom razredu pred konac se to zgodilo.. Jenog dana je ona dohajbala k meni domof i izjavila mi …lubaf.. Skoro sam na rit opal.. Pa nigdar do teg dana ona i ja nismo ništ okol tega poduzimali.. A je to več bilo vreme gda smo mi fakini dobro zapeli okol curički se baviti.. A se ta mala zvala Zvjezdana i bila je odličan đak.. A vsi su je v školi zvali ..Debela.. pa je bila malo bucmasta..al ne preveč..onak ..taman.. I ni nigdar bila razmetliva kak su v to doba znale bit mlade pucice.. No.. i ona meni otkrije svoju velku tajnu .. veli da je v mene zalublena..se to onda reklo..zatreskana ..još od petog razreda.. Ti vraga..si ja mislim.. taman mi zdaj treba nekakšna Debela kaj se v mene zatreskala.. A ja sam v to vreme več navelko hodil oko one male Mirjane z Gornjeg Grada..z Matoševe .. pa bum o tem več jemput tu pripovedal…

No da… velim ja toj Zvjezdani da nebu ništ od te lubavi kaj bi ona štela.. A ona navalila ..pa mi se obesila okol vrata kak na filmu.. i me stala cmokati i cmakati… I Nekak sam se obranil..pa joj velim.. Čuj Debela.. nemre to tak…. Pa samo kaj sam rekel to ..Debela.. ona začne protestirat.. Veli.. Nisam ja Debela..to se vama svima samo čini.. zdaj bum se skinula gola da vidiš… Ti vrapca.. bili smo sami v moji sobi.. moja baka plemenitašica je prešla nekam na trač partiju… I ova Zvjezdana..Debela.. se za praf začela skidat dok ni ostala skroz na skroz.. gola..
Gledim ja.. a kak nebi gledel.. v to vreme si itekak moral snubiti te curičke kaj bi ti i ciceka pokazale..a ne vse do kraja.. I ..narafski.. kaj bi zdaj lagal.. ovak gola je mam zgledela kak da se angelek zpustil nasred sobe.. Ništ ni smetalo kaj je imela visoke kukove i malo širše.. zato je i zgledela kakti debela…. Sam štel povedat da sam se ja narajcal kak stekli pes.. i krenul da bum ja to vse porihtal ..onak.. znate več.. Pa je bila lukava ta Debela.. Je tražila da joj rečem kak i ja nju volim i da bumo nas dva zdaj skup..se reklo..hodili kak cura i dečko.. Pa ak bu vse štimalo kak si je ona zmislila..onda bum i ja dobil vse kaj sam zdaj videl… I kaj.. ja sam šutel.. malo sam šlatal.. pipal.. ona je cela onak gola visela na meni.. je da se je i ona lovila za..hmmm.. i rivali smo si jezike.. I to je bilo to.. Lepo mi je pokazala kaj bum ja vse dobil ak bum bil dobar.. Debela se oblekla i lepo me zaprosila da o tem nikomu ne pripovedam… I ja sam obečanje održal.. evo.. skroz do denes.. A Zvjezdanu nis nigdar više nazival Debela… Ja sam znal kak zapraf zgledi…

Pa sam tu Zvjezdanu srel na vulici jemput gda je još bila študentica i od onda nigdar več.. Denes sam je setil gda sam prošel pokraj nejzine hiže tu v Mrazovičevi.. Sam se naluknul na imena kaj su pokraj zvonca.. pa nis videl nejzino prezime.. Morti se odselila..morti se udala pa se drugač zove.. V svakem pogledu je več baka.. ak se računa po letima kaj su prešla… Ha.. i denes je ziher debela.. Morti i prolazimo jen pokraj drugeg al se nemremo više prepoznat …..
A v Mrazovičevi je bilo i par fakinof kaj su se računali kakti članovi moje bande..na Zrinjefcu…. I nema dugo je jen odhajbal Bogu po račun..sam videl v Večernjaku partu.. vsi drugi z Mrazovičeve su nekam nestali…
Lepo je gda se setiš teh najlepših dana živlenja..mladosti.. radosti.. bedarija…. Al je teško gda zračunaš kolko je vremena od onda prešlo… I se pitaš..pa gda je to vse prešlo..gde sam ja bil gda je to prolazilo ….A da je bilo teh angeleka.. je.. bilo je..Uhhhhh..........

I dalše pukam stare škrabotine .....

nedjelja, 12.06.2016.

Bok rista..oš kupit ciglu ….

Kak sam i kolko put rekel..je ti stari Grič savim pust. Kak staro groblje. Istini za volju.. več ga dva leta kakti obnavlaju..pa oni arheologi kopaju kak krti da bi nekaj našli.. Zdaj pa obnavlaju negdarnji stari zid kaj je kakti bedem okol Gradeca služil.. Bumo vidli kaj na koncu bu z vsega….
……….. A negdar sam tu dolazil igrati se v ti park. Bi zašel gor čez haustor i dvorišče z Ilice 8.. je to bil najkrači put do gor. Je tu bilo par ljuljačkov..pa oni mali ringišpil kaj bi ga sami klinci vrteli z onim kotačem v sredini. Pa bi ga navijali dok gdo nebi opal z njega..al se pobluval od vrtoglavice.. je bil i jen tobogan..kaj se po riti dol pelaš.. A su po gradskih parkof vsi tobogani imeli drvene letve..ovi gor je imel plehnatu tablu… Si morete zmislit kak su zgledele hlače nakon prva dva tri spuščanja… Posle je bilo bolše kaj bi tu hrđu zglancali z ritima. Je bil tu i oni ..veliju .. pješčanik.. kaj klinci kopaju z lopaticama i z rukama.. I delaju kule i torte z pjeska.. A sam ja spadal v malo veče dečece i bil med onimi kaj su mlajšima to vse zrušili kaj su zgradili.. Pa bi se klinci derali..a bi došel kakšni bjesni tatek..al mamica..i bi ja moral bežati…
Je tam v središču parka bila jena lepa mala.. se reče.. skulptura.. To pretctavla malog dečeca kak maše z rukami.. Je ta .. no.. skulptura još tam.. ali taj dečec bolše zgledi kak starac..kaj je vse to od starine zamusano…

Je tu i ono kaj je ostalo od one male fontane.. hrpa kamenja.. Je to onda bilo nekaj modernog Je voda špricala v vis gda bi stisnul malu ručku z strane.. Pa bi samo otprl gubec i žlopal kak pes..
A smo mi fakinčeki na tu ručku deli kamen pa je voda špricala celi dan.. Narafski .. smo se polevali da bi doma došel mokar kak da je dež fest curel..
Bi po zimi negdo zaprl vodu kaj se nebi cjev smrzla.. A smo mi dobro vidli gde se to i kak zapire i otpire.. Je malo dalše v zemli bila betonska škatula i v njoj ventil.. I bi mi to otprli i pustili vodu da teče.. I bi prek noči se vse zamrznulo.. i tak par dni..pa je nastalo celo brdo leda.
Narafski je cjef pukla i su morali kopati da to popraviju.. I tak bi se to fort ponavljalo.

………….I je onda došlo doba gda je ti park znal poslužit za takaj lepe stvari… Su po danu bila tam djeca..a po kmici .. ljubavniki.. se i ja tu računam.. Gda nisi znal kam buš išel z puckom.. si ju otpelal v kakšni park.. Je to največ bilo tak dok je još lubaf bila friška..se veli.. v fazi upoznavanja gda ženska ni štela prejti tebi domof v tvoju sobu… A si moral saznat kakva je ta curička..osim kaj ti se zvana dopada… Pa kak buš znal jel to opće prava ženska ak nebuš gledel z rukami… I tak smo onda te početnice vodili v parkove.. za početak na Zrinjevac ..Tomislavac.. pa polahko v sve veču kmicu.. Popof park.. Tuškanac..Zelengaj.. Jelenovac..Rokovo.. i na dobri stari Grič.. Narafski.. ak si štel na Griču najti prazno mesto.. si moral dojti još za dana.. več pri prvoj kmici su vse klupe bile bezecirane… Su tam gor na Griču bile one stare plinske lanterne..pa ih več nigdo nigdar ni palil..kaj bi fakini mam to zgasili… I tak je gor bila trda kmica..takšna da ni nosa od ženske nisi videl.. Praf za praf.. v ti kmici ni morala bit ni bogznakak lepotica.. važno da si imal za kaj primiti…. I tak bi došli malo ranejše..si seli na klupu tam na zapadnoj strani..prema Mesničkoj.. i bi pripovedali i največ lagali.. bar ja…. I gda se spusti kmica mam sam se obesil na žensku..i znaš več kak to ide…. Si rival jezika v gubec vse do mandula… pa si otkopčal cicnceker..kaj se v to vreme obvezatno nosilo..pa če je imela čarape si moral i one haltere razmontirat.. da bi došel v rajski vrt…
No..su ti halteri bili dobra stvar..lahko je to bilo raspetljat..ali gda su se pojavile one ..veliju hulahopke.. jeeee… to je več postal problem.. To se ni moglo samo tak lahko svleči..i kolko god si ih spustil niže..tolko je bilo premalo… Uhh.. kaj smo mrzeli tu novotariju…
I tak… na tem našem Griču su pali mnogi prvi kušleci.. se stvarale nove lubavi.. i bogmeš.. gubila ona.. veliju.. nevinost.. Narafski je to uvek bilo slučajno.. si obečal da buš samo malo.. ali gda je krenulo…. maaa ..kaj da ti pripovedam ………….

A je za te nočne parove gor na Griču moglo to biti i opasno.. Zapraf ne za ženske..ali za frajere svakak.. Najme je na Gornjem Gradu bila prilična banda.. tu domačih fakinof..ih je v moje vreme vodil taj jen..smo ga zvali Braco.. je bil z Čirilometodske .. pa mu je bil zamenik oni Štef z Vranjicanjeve kaj je zmenom išel v školu.. Sam več pisal o njemu…
No.. bi ta banda došla na Grič.. ih je znalo biti i več od deset.. i išla od klupe do klupe.. obilazit ljubavnike… I se znalo kaj bu zdaj.. To su zvali Gradska Placovina… A je to znala velka večina zagrebačkih fakinof.. osim kakšnih
friških dotepencof…. I tak.. bi ta banda došla do klupe.. lepo bi vsi pozdravili i jen bi glasno rekel.. Gradska Placovina …. I oni velki lubavnik na klupi bi moral z žepa zveči nekaj malo penez.. cigaretline.. šibice.. i to dati bandi.. I onda bi oni prešli obiskati i druge klupe… Ak pa negdo ni znal ..al ni štel.. se reče.. surađivati.. i ak se pravil važan pred svojom ženskom.. je pred tom istom ženskom pobral dobre batine ..kaj bi ga njih deset začelo mlatit.. A ženska je sa strane kričala i molila da ga pustiju.. Ženske nigdar nigdo nebi ni taknul.. I na koncu bi napuhanom frajeru zeli vse kaj je imal v žepima..pa i vuru z ruke ak ju je imal…

…………..Je bilo i druge vrste Placovine..a to gda je bandi trebalo malo više penez… Bi došla banda v ti črni kmici do klupe i bi se stali dva metra spredi lubavnikof.. I onda bi najmlajšeg i najmajnšeg poslali do klupe.. A taj je nosil v ruki lepo zapakiranu ciglu v beli papir i još zvezani črleni mašlek.. Pravu prafcatu zidarsku ciglu težku prek dve kile… I bi velkom lubavniku ponudil tu ciglu na prodaju.. Bok rista..oš ciglu kupit… Se v to vreme dobro .. v Zagrebu.. znala cena takšne cigle.. je tega bilo po svim zagrebačkim firtlima.. No… bi ciglu ponudil za pedeset dinara.. i se ni moglo cjenkati… Ak si imel pedeset dinara si bez reči platil i moral si vzeti tu ciglu.. Ak bi se desilo da kuplenu ciglu mam baciš z ruke.. bi se to držalo velkom uvredom.. i pak bi bilo batin kak kiše…. Se znalo desit da za ponuđenu ciglu človek z klupe nema penez.. mogla je i ženska platit če je imela.. A ak nigdo od njih ni imel penez moral se izpričati bandi i dati časnu rječ da nema.. Je banda znala koji put takvega provjerit kolko veli istinu.. pa ak se zlagal.. pak je bilo po tintari…
Tak bi se te Placovine događale bar dva put na mesec… Si je banda zapamtila one stalne lubavnike na Griču pa bi ih ostavila na miru.. ali bi svakak zeli koji cigaretlin …….. Ja sam tu..narafski imal velku protekciju.. i gratis Placovinu.. kaj su moja banda z Zrinjefca i ova z Gornjeg Grada bile v dobrim odnosima ……
Je ti glavni fakin na Griču.. Braco.. puno kasnejše završil v reštu na dugo vremena..kaj je postal kriminalac..a za oneg Štefa sam već pisal ..da je lutal od škole do škole i na kraju su se ta familja nekam odselili….

Pa kak je vreme prolazilo.. vse je više taj stari Grič bil zapuščen.. parka za djecu več ni bilo.. je vse bilo potrto.. je zaraslo v grmlje i šikaru… Klupe su strulile i se raspale..samo su ostatki vsega toga još tam.. Pred deset let su došli oni Arheologi i su začeli kopati po Griču..
Su zkopali jame i pet metri duboke kaj su iskali stare zide i ostatke naselja kaj je tu bilo prije hiladu let.. Je to kopanje trajalo par let.. nisu bogznakaj pronašli.. nekaj malo razbitih vrčeva i razne stare cigle od gline..staro groblje.. Su to zatrpali..ali do denes Griča ni nigdo vredil … Kak sam rekel gor na početku.. nekaj spelavaju.. bi ga vrag zna.. je oni naš gradonačelnik.. dotepenec z bregof obečal.. no.. bumo vidli.. al su to i slepci rekli.. Je to tužno mesto gde samo ljudi cucke vodiju na sranje….. Tam z druge strane.. z Vranjicanjeve.. je ona velka hiža v koji je HDMZ..se reče..Horvacki Državni Meteorološki Zavod…. to su oni kaj nam prognoziraju vreme.. …. Je ta stara palača v koji oni jesu takaj sva podrapana i derutna i zvana i znutra.. Pa nigdo nezna zakaj je tak.. A okol te hiže se natrpa puno avtomobilof da jedva moreš prejti.. Ovo leto su ju malo kakti popravlali..al tekar tolko da žbuka ne pada ljudima po tikvi.
Je tam vizavi i ona stara hiža.. pri Matoševoj… kaj je več sto let sva obraščena z bršljanom.. je to negda..tak veliju.. bila javna hiža.. kaj su nutra kurve vodile posel… Pa kurvi ni več sto let a tam negdo nutar živi.. I ni preveč uredno.. takaj je na pol vse zrušeno… Pa nis videl tam nikog da ga kaj pitam..a se nutra nemre kaj je visoka železna ograda.. i nuter velki cucak… zajdnih dni se i tam nekaj dela.. morti i obnavla..
Samo da se to svo obnavlanje po Griču ne spremetne na koncu konca v kakšnu staklenu krletku kakšna je i tam na Gradecu pozadi Katarinske cirkve..ha ..ništ ni za verovat dotepencima kaj z Gradom upravlaju..…

Evo..tak sam se malo setil tog našeg slavnog Griča…. Imal bi ja puno dogodovština z Griča i z Gornjeg Grada za povedat…ali bi vam to dojadilo …..

PS.
Komentari su zaprti..najte se žalostiti..
Odgovoril bum na svako pismo ...

Pripovetka z moje stare škrinje ...

petak, 10.06.2016.

Gradcka Skupština …………….

Skoro z dobre stare navade ja sam se spentral na Gornji Grad tam z stare Tkalče..Duga vulica je razkopana pa se treba provlačit pokraj oneh vrednih radnikof.. Pa je da bu to za kratko vreme zgotovleno..al lepše bu to meni videt gda naš gradonačelnik.. oni dotepenec z bregof.. da svoj befel .. I tak se bum samo malo prešpanciral i nazaj dol zišel čez Zakmardijeve štenge.. Pa sam tak prošel pokraj stare Gradcke Skupštine i setil se kak je to tu negda bilo …

Bilo je to več davno gda sam ja prvi put došel na službovanje v Gradcku Skupštinu Grada Zagreba kakti Gradcki Zastupnik.. I mam sam se moral prijavit..dati vse podatke gdo sam i kaj sam .. Pita mene ondašnja glavna tajnica.. a bila je to malo stareša.. feš ženska.. se zvala Bernardica… Dakle pita ona mene za ime.. Ja velim.. Onda me pita za prezime.. a ja joj velim svoja obadva prezimena.. Gledi ona mene.. gledi v papir kaj ga ima spredi sebe.. Čujte gospon.. veli ona meni.. al ja tu nemam dost mesta za upisati obadva prezimena.. Je.. a kaj vam ja tu morem.. velim ja njoj.. Dobra je to bila ženska..smo se posle fest lepo slagali.. No.. dobro.. naškraba ona moja dva prezimena jeno prek drugeg i ponovno pita.. Gospon..a kakšnu imate školsku spremu.. Višlju .. velim ja njoj.. Zapiše ona.. pa pita.. I kaj ste zdaj po zanimanju.. A ja kak z topa izvalim … Luftbremzer.. Kaj ste rekli.. čudi se ona.. Ja ponovim .. Luftbremzer … Čudi se ona al šuti i tak napiše na oni papir.. I nakon dva dana skupimo se vsi novi Zastupniki na prvi sjednici v Gradcki Skupštini .. Zdaj glavna tajnica mora pročitati svako ime i prezime i zanimanje pred svima..a vsaki od nas položi prisegu da bu bil kak pravi angelek na svoji dužnosti v Skupštini.. I tak ona čita i prozivle ..pa dojde red i na mene.. Pročita ona ime i obadva prezimena.. i veli …A zanimanje.. Luftbremzer… Da ste vidli urnebesa i cirkusa.. začeli su se Gradcki Zastupniki valjati po stolima od smeha.. A ja ozbilno stojim.. kak da sam na misi za pokojnika.. A glavna tajnica Bernardica sirota nezna kaj se to zdaj spelava.. I onda joj negdo veli o čemu se radi.. Jezušmarija kak je prvo bila jezna..pa se malo posle i ona začela smijati kak sam ja nju nafarbal.. A da je negdo Luftbremzer.. to se reklo za neradnika.. človeka kaj ništ ne dela.. ljenčinu zgubidana i tomu slično … I tak.. to je bila moja prva ..zafrkancija kaj sam ju kakti Gradcki Zastupnik naredil.. Kasnejše sam ja još takšnih bisera zpuštal ..pa su me ženske čist z lubavi nazivale.. zafrkant..a mužki .. zajebant …. A kak sam posle kakti Gradcki Zastupnik bil i matičar kaj je ženil mladence tu v Gradcki Skupštini.. sam ja celu svoju kištru zafrkancije i špelancija izvlekel.. pa sam nazajdne bil proglašen za najbolšeg matičara v Zagrebu …………..

A sama ta Gradcka Skupština Grada Zagreba je na Gornjem Gradu mam na vuglu Markoveg trga i Čirilometodcke vulice.. Stara je to hiža.. fajn puta obnavlana.. dozidavana.. prezidavana.. pa se i svakaj v njoj spelavalo..al najvažnejše je kazat da je tu bilo .. prvo pravo velko Gradcko kazalište.. Makar su se kazalištne prectave i pred tim spelavale po grofofskim palačama.. ovo je tu postalo službeno i javno za vse Zagrepčance.. Negda dok je još to bilo kazališče.. mogle je nutra primit okol stopedeset gledatelja.. Zdaj gda je to skupština.. pol mjesta je manjše radi komoditeta.. Lepa je to palača znutra.. kak se i šika za jeno kazališče.. Vse je to v onem baroku vređeno.. mramorni podi.. kristalni lusteri.. črleni tepihi po štengama.. pozlačene kvake.. brave i gelenderi.. vse puno ukrasa po zidima.. ogromna vrata vse v belo ofarbano.. A dole v prizemlju je velka dvorana v koji se spelavaju vjenčanja .. I tu sam ti ja subotom dolazil kak Gradcki zastupnik i obnašal ta vjenčanja..
Narafski.. vse je to fest svečano.. pa znaš kak to zgledi na svadbama.. tak sam i ja bil navek v črnom svečanom odjelu.. črna rubača.. višnjeve boje mašlek.. pišmevrit .. isti takšni rubac v žepu od kaputa.. a znal sam i kakšnu rojžicu zataknut na kraglu sakoa.. Zmenom bi za svečanim stolom.. spredi kojeg su sedeli mladenci i pozadi njih ostali svati.. sedela i jena matičarka z opčine koja je vodila vse brige okol papira.. Jeee.. ta je bila lepa mlada ženskica .. retko videt.. se zvala Tanja..

No.. bi mladenci ušli čez vrata.. ona muzika svadbena potiho svira.. vsi šutiju.. razmeš.. zdaj je to važna stvar.. Ja te mladence dočekam na vratima.. odpratim ih do nijhovih baroknih fotelja.. pa onda pošlihtam kumove.. v drugi red roditelje..a dalše vse ostale svate.. Ja sam glavni cehmeštar v ti dvorani.. Vsi slušaju kaj ja pripovedam i vređujem.. Pa se vsi smestiju ..još se kakšneg pijanog opomene da čkomi.. Vse skup nutra v dvoranu stane okol sto ljudi..a ostali svati čekaju.. neki na vulici..a neki v velkom holu pokraj dvorane za vjenčanja.. I započnemo.. Prvo moja pomočnica Tanja pozdravi vse svate.. pa izvrši provjeru imena lubavnog para kaj se hoče ženiti..takaj proveri kumove.. i još ih mora pitat dal su tu vsi došli svojom dobrom voljom.. Narafski.. navek vse štima..

Zdaj Tanja predctavi mene kakti Gradckog zastupnika i človeka koji bu izvršil službeno vjenčanje.. A ja ti važno sedim v pravoj carskoj fotelji.. vse nekaj oni rokoko.. i Tanja mi pred gubec približi mikrofon.. Eeee.. zdaj ja začnem čitat litaniju..o tomu kaj je to brak.. zakaj se opče sklapa brak.. pa do tega kolko je brak važan i vredan.. i da se mladi moraju voleti.. poštivati … i tak dalše.. i tak dalše… To je jena jako lepo složena litanija.. da se koji put nekomu i suza znala zpustiti..
A mladenci ti sediju na svojim mestima.. meškoljiju se na stolcima.. i večini njih je to vse fest našpanato.. fest ozbilno.. čuj.. ne ženiju se ljudi vsaki dan.. I tak su oni kak na čavlima.. nekak kak v strahu.. Bila zima al leto.. nutra je v dvorani ugodno..al toplo.. al razhlađeno.. svejeno se vsi mladenci švicaju.. I tak.. skončam ja litaniju.. mam se vidi kak su mladenci odahnuli.. Pa sam ja tu litaniju čital okol deset minut.. polahko i fest razgovetno.. Zapraf sam ja odavno to svoje znal napamet zgovorit..al dok imaš tu zlatnu libru spredi sebe.. onda to zgledi bolše službeno i dobiva na važnosti..
Nakon litanije pozoveš mladence da se potpišeju v onu ogromnu matičnu knjigu.. pa za njima i kumove.. kakti svedoke.. I zdaj na koncu ih pozoveš da si jen drugom čestitaju.. da se zagrliju i zkuševaju.. Pa onda se i kumovi kuševaju.. pa roditelji.. Zapraf nit neznaš gdo komu vse kušlece daje.. Z tim je vjenčanje zgotovleno i lepo vputiš svate da se čez zajdna vrata zvlečeju van z dvorane..jer spredi prednjih vrat več nestrplivo čekaju drugi na vjenčanje..
Ne moram ti kazat da čim se skonča ceremonija nastane veselje galama.. pa spredi vrata gde svati izlaziju navek nekakšni muzikaši zaigraju.. a kak po nekakšnem zakonu mam flaše kružiju naokol z ruke v ruku.. Pa bi tak i do mene i Tanje došel negdo od svatova.. največ pa kumovi al roditeli i bi darivali mene i moju pomočnicu.. Tu bi se pred nami na stolu našlo celo čudo flaša viskija.. kojnaka.. šampajnca al nekakšne druge fine i skupe pijače.. Pa bi Tanji ostavili po nekolko velkih pušleka rojžica.. negdo od pijanih veseljaka bi nam na stol jenostavno bacil kakšne peneze…. I tak…
Makar smo ih mogli zasluženo zeti darovani penezi bi mam pred svima išli v jenu kasu i ja bi odredil na koncu dana komu ti penezi buju pripali.. A navek se davalo v..se reče.. humanitarne potrebe .. Ja sam navek štel da penezi otideju za ono dječje sirotište v Nazorovi vulici .. A svu pijaču i cvetje sam navek prepuštal svoji pomočnici Tanji .. koja je nekaj podjelila z vratarem i dvojicom paža koji su reda delali v velkom holu gde se je čekalo na red za vjenčanja.. I nakon tega je z tim poklonima još mogla napunit celi svoj auto.. Jee.. na svadbama se nigdar ni škrtarilo…

A ja sam i na tim vjenčanjima znal bit velki zafrkant i spelavat razne veselice..ali sam znal i hrabrit mladence koji bi se začeli tresti od uzbuđenja kaj su pred takšnom važnom odlukom.. Pa je bilo i mladenki kaj su padale v nesvest.. i tu bi mam utrčaval doktor koji je dežural v jeni sobi na prvem katu.. Pa največ bi za par minut vse bilo v redu..
Jemput se pijani kum spobluval praf pod noge mladenki.. pa je vse stalo dok dežurna čistačica ni počistila.. joj se dobro splatilo.. mam joj je taj kum sto marki v žep porinul.. Koji put se ni znalo gde su vjenčani prsteni.. pa bi i kum i mladenec prevrtali žepe i znojili se od muke.. Samo se jemput desilo da su zbilam pozabili negde al zgubili prstene.. pa je vjenčanje odgođeno za dve vure kasnejše..
A bilo je i skromnih vjenčanja gde bi došli samo mladenci i jen kum.. pa nit nisu imeli prstena.. Za takšne su bili v pripravi prsteni.. se reče.. bižuterija .. kojima su.. onak.. se veli.. simbolično izveli špelanciju razmjene prstena..

Samo bum jenu zgodu opisal.. makar ih je bilo da bi celu libru mogel naškrabat..
Dok su se jeni svati polahko vlekli na zajdna vrata van z svečane dvorane.. drugi bi nestrplivo čekali spred glavnih vrata da ih ja pozovem nutra.. I tak bi ja koji put znal iziti malo pred te mladence..pa bi ih umiril..al bi se malo našalil znjima.. da im bu lakše dok čekaju.. Pa sam jemput pital mladence..Dakle.. došli ste se vjenčati… Daa.. odgovaraju složno mladenci.. A ja pogledim mladog.. taj je bil siromak saf zašvican od uzbuđenja.. I pitam ga ja.. Jesi ti siguran da se želiš oženiti.. A of me je tak naširoko pogledel kak da mu buju oči zcurele.. jenostavno je zanjemil.. A vsi naokol glediju kaj je zdaj.. Al ga je nejgova izabranica tak bubnula pod rebra da je mam došel ksebi.. Narafski da se hoče ženiti..ha ..

No.. ima taj jen doživlaj.. kaj sam štel zpripovedat..

Dakle.. prije neg su zašli v svečanu dvoranu..ja takaj pitam mladence dal se veseliju ženidbi.. Daaaaa.. a kaj bi drugač tu delali.. A ja onak sasvim ozbilno velim mladom..al tak da i oni kaj su blizu čujeju.. .. Čuj dečko.. ak si se predomislil.. imaš pet minut za pobegnut prije neg ja otprem vrata.. I ja se vrnem nazaj v dvoranu da pomognem Tanji prijašnju svadbu zlifrat van.. Razmeš.. vsima njima se žuri da ceremonija kaj prije svrši.. al onda raztegneju čestitanje i kušlece da ih moraš poterati..
Ni prešlo nit tri minute.. lupa negdo na glavna vrata.. A samo se znutra moreju otpreti.. Otprem ja ..a na vratima sva v strahu stareša ženska.. pa mladenka.. i još par njih navali na vrata.. Kaj je bilo ljudi.. pitam ja.. Nestal je mladenac.. veli ženska.. posle se spostavilo da je to mamica.. Kak nestal.. pitam ja .. Nema ga.. pak če ženska.. Vi ste mu rekli da more pobegnut ak se predomisli ..i evo.. nema ga … Uuuuuh .. zdaj se i ja začnem švicat..a i moja pomočnica se križa od čuda.. A mladenka samo ponavla.. Ni to moguče.. Nikako to ni moguče.. I več je nastala potjera za mladencem.. A kak se v prizemlu Gradcke skupštine more okupit i do tristo ljudi.. mam se proširil glas da je mladenec zbrisal.. pa se negdo glasno čudi.. pa je nekomu to smešno.. v glavnom .. loša je .. se reče.. situacija.. Mamica mene drži za ruku i pita kaj da delaju.. Mladenka se vrti v krug.. vidi se da je več zdaj fest nervozna.. kum veli da bu mladom nos razbil gda ga vlovi.. Vglavnom.. nastala je takšna galama da sam ja zabadaf i na mikrofon kričal da se smiriju.. Pa vse to je trajalo jeno pet šest minut..al je zgledelo kak da je cela vječnost.. Najemput se ljudi razmičeju.. i kaj.. Evo ide mladenec.. lepo si popravla kravatlin i pita.. Kaj morti kasnim… Eeeee.. zdaj je pravi urnebes..al od veselja kaj je mladi tu.. I kaj da velim.. vjenčanje je tak lepo uspjelo kak malo koje.. grlili su se ljubili i prije neg sam im dal nalifpero da se potpišeju..
A kaj je bilo malo prije z mladim.. kam je nestal.. Ha.. Je rekel da si je prešel van na vulicu na brzinu povleči par dimova z cigaretlina.. Nutra v hiži ni dozvoljeno raufanje…. Tak..
Bilo je još lepih.. svakakšnih zgoda pa i nezgoda.. jemput su meni i Tanji darovali celog pečenog odojka.. onak na kolcu su ga jenostavno ostavili na našem stolu…… A kaj.. Ništ.. ga je domar z sekirom razkomadal.. pa smo posle jeli dok je išlo .. nam se vse maščoba cjedila čez bradu ..........

…. Bok …………..

PS.
Komentari su zaprti.. najte se žalostit.
Rad bum odpovrnul na vsako pismo.

paučinom prekrito ......

četvrtak, 09.06.2016.

Moja hiža na Zrinjefcu .....

Evo na.. pogleč..to je hiža na Zrinjefcu v keri sam se ja zlegel…Lepa je to hiža i jena od najstareših na tem trgu.. A moja familja nutar stanuje još od dalkih dana prije nek sam se ja zlegel. Ta ti hiža ima svoju povjest.. itekakvu.. Eeee… gda bi znala pripovedat..
Pak ti je i sami Zrinjevac star kolko i naš slavni Grad Zagreb…………

Tam .. v dalka vremena gda su Zagrepčanci..su se još zvali Gričani.. z bedema Gornjeg Grada gledeli prema Savi.. ti je današnji Zrinjevac bil obična baruština i kaljuža.. vse zaraslo v šikaru i šumu. Pa su tu purgeri išli lovit divlje patke pa veprove…….. Gda su se domačinstva na Griču povečavala.. je trebalo i najti novo mesto za odlaganje smetja i drugeg otpada. Do tad su vse to bacali dol čez zidine na mesto današnje Duge Ulice broj 3. Pa im je to zašlo skroz gor do vrha.. im je fest smrdelo.. I onda se neki Grički glavonja dosetil da se to smetje vozi na novo odlagalište.. praf na Zrinjevac.. Narafski se to onda ni tak zvalo. I tak su v one jame od baruština bacali smetje i otpad z celoga grada .. kaj se već počel fest širiti i izvan starih bedemof. Pa je već bilo hiža na današnjem Trgaču.. pa Petrinjska.. pa Vlaška… Ilica..
Je Trgač bil glavno sajmište.. se reklo Harmica.. i je tu bilo vsega i svačega.. Pak je Zagrepčancima zasmetala živina.. krave.. kojni.. ofce.. kaj se spešetavala na sajmištu po Harmici .. A Harmica je vse bolše zgledela.. su začeli delati prave zidane hiže naokol. Tak je i smetlište na današnjem Zrinjefcu najemput bilo preveč blizu hiža.. I je onda Gradsko Poglavarstvo doneslo odluku da se ono smetlište na .. bumo rekli ..Zrinjefcu.. zatrpa z zemlom i da se sajmište tam preseli..
Tak je leta 1826. otprto novo gradsko sajmište.. Su tu mam začeli graditi štale..svinjce i tore za stoku.. brtije i skloništa za ljude…
Narafski da se i onda već plačal porez..placovina.. skladište..i tak… pa je na vuglu gde je denes moja hiža gradsko Poglavarstvo sagradilo zidanu hižu kaj su je službeno nazvali Pazarnica.. Bi se denes reklo Uprava Gradskih Tržnica. I je jeno par let bilo to sajmište.. a je to praf za praf vse bilo na goloj zemli.. samo blato al prašina… I tak.. malo po malo.. okol teg placa.. sajmišta.. bogatejši trgofci su začeli zidat prave hiže a ona aristokracija je z Griča brda tu takaj začela gradit velke palače jer je tu bilo više mjesta neg gor na Gradecu .. Je prva velka hiša bila kaj ju je zgradil oni Pavle Hatz.. na mestu današnjeg Županijskog suda.. Pa ni štel tu živet taj Pavle Hatz.. neg je tu ogromnu hižu iznajmil Gradu Zagrebu kaj bi nutar deli žandarmeriju.. bi rekli policiju.. a jen del je postal zatvor. Je dvorišna stara hiža još z tog vremena..
I tak su Purgeri donesli novu odluku da se to sajmište preseli na negdašnju staru ciglanu pri Južnom Kolodvoru.. a je to današnji Zapadni Kolodvor…
I onda jen slavni Zagrepčanec.. oni Ivan Kukuljević Sakcinski zahteval da se to mesto uredi kak spada.. I dali su Zrinjefcu ime Novi Trg.. Je mam kak su to malo vredili i.. se reče.. kultivirali preseljena Glavna gradska tržnica koja je do tad bila na Harmici.. Je dakle.. leta 1866. Harmica postala gradsko šetalište i glavni trg za okuplanje Zagrepčancof.. a Zrinjevac.. zapraf Novi trg… plac…. Je i to trajalo par let.. Okol teg placa su se počele graditi nove i još vekše prave hiže i ogromne palače.. su to gradili razni grofi..plemići.. bogati trgofci..
Tak je i.. bumo rekli.. moja hiža napredovala .. su sagradili na tem mestu dvokatnicu.. kaj je i dalše bila gradsko vlasništvo i su nutra bili činovniki.
Pa gda su več bile tak lepe hiže izgrađene trebalo je još uvjek blatnu i prašnjavu cestu urediti da gospoda ne hodiju i mažeju si cipeliše. I je bil predlog da se to zemlište uredi z drvečem.. grmljem.. cvetjem .. travom i da se napraviju posipane steze.
Glavni je elaborat za to dobil naloga napravit… glavni Zagrebački mjernik Rupert Melkus ..
I je bogmeš napravil i su počeli radovi na tem uređenju.. Leta 1872. su zrušeni i odpelani vsi ostatki kaj su zaostali za sajmištem i tržnicom.. Došlo je na red napraviti.. kak se veli.. hortikulturne zahvate… I je za te potrebe pozvan iz Beča glavni ravnatelj kraljefskih parkova..oni Rudolph Siebecki… a je glavni Zagrebački vrtlar Ferdinand Luks zbog tega bil velko uvređen…………
I tak je to mesto postalo na predlog Gradskog poglavarstva Trg Nikole Šubića Zrinskog.. jednostavnejše rečeno Zrinjevac… na dan godišnjice teg junaka. I se dalših let Zrinjevac uređival i preuštimaval svakak .. su se dograđivale hiže i palače.. zapraf je Zrinjevac postal glavna Zagrebačka promenada i mesto kulturneg života.
Tak se i moja hiža leta 1921. povečala za još dva kata.. i dan danas tak zgledi… Je postala to.. Obća Zagrebačka Štedionica i Zalagaonica..
Jeeee.. kak i vse banke tak je i ta propala pa je hiža prešla v namjenu stanovanja..
Tak je moja prabaka.. kaj je bila plemenita milostiva… došla v jen stan kaj je zamenila za njega nekakvo velko zemlište v Maksimiru. Je to bilo 1930. leta.. I od onda je moja familja tam.. do dana današnjeg…..
Praf za praf.. bi o Zrinjefcu mogel pripovedat sedam dni da ne zastanem nit Ožujsku z citronom spit .. i o hiži v koj se nastanila moja familja……
Pak je to tek .. mali.. se reče.. uvod.. v ono vreme gda sam se ja v ti hiži zlegel i zrasel i se sečam vsega od malih nogah.
Je ta hiža bila nekak fest interesantna.. kaj su v njoj živeli al delali razni poznati ljudi. Su druge hiže na Zrinjefcu morti i bolše zgledele i bile vređene znutar, ali nisu imele tak zmešane.. bi rekel čudnovate stanare . Pa bi počel to z onimi kaj su v toj hiži delali.. imali svoje štacune..obrte.. lokale.. salone…
Treba znati da je ta hiža vekša neg kaj to onak zvana zgledi. Ima tri krila i četiri kata.. velki tavan i malo dvorište.. A podrum su prave katakombe.
Glavna stran gledi na Zrinjevac..pak druga stran v Prašku vulicu.. a treta stran je z dvorišne strane i se drži hiže na Zrinjefcu broj 2.

Pa je na oni strani .. na Zrinjefcu..bil velki frizerski salon .. je pisalo.. Za dame.. Kak da se one ženske koje nisu baš dame.. ne friziraju… Je to bil fest poznati salon.. su nutar delale frizerke.. njih devet.. pa gazda kaj je samo naplačival i klanjal se milostivama.. držal kaputa.. otpiral vrata.. i naređival svojim ženskama.. Je taj gazda bil i frizer i jen najpoznatejši vlasuljar na onem prostoru negdašnje države.. To je oni majstor kaj dela perike.. veliju vlasulje… Pa su knjemu dolazile razne.. no bumo rekli.. dame.. kaj su štele svoju tikvu pokriti z tim čudom. A su se te perike..al vlasulje delale od prirodne kose.. Je v dvorištu taj frizer imal posebnu radionicu za te perike.. a je tu i primal ženske kaj su došle prodati svoju kosu. Je..je.. baš tak.. prodati.. Bi došla cura al ženska kaj je imela dugačku kosu.. pa je ti gazda pregledal tu njezine vlasi na glavi.. je ispitival kvalitetu.. A su bogmeš tu večma dolazile siromašne ženske sa sela i druge provincije kaj su znale imeti vlasi do riti.. Pa ..kak se pričalo je dost njih došlo kaj su imele vuši na glavi… I tak… bi se gazda pogodil za cenu.. odrezal ženski kosu.. joj nekaj platil i još poslal v frizeraj da joj malo vrediju ono kratko kaj je ostalo. A se tračalo po hiži da je ti frizer znal takšne sirote i snubiti za .. hmmmm.. one stvari. Pa bi joj onda malo više platil.. I se pričalo da mu je dobro išlo.. makar je već onda bil v priličnim letima..
Pa bi tu kosu onda na dvorištu pral.. sušil .. češljal i farbal. Gda je proces bil gotof.. bi od tega delal perike pol naruđbi i po mjeri.. Je delal i za kazališča.. za glumce..al i za čelave mužkarce koji su si to mogli priuštiti..
Je taj nejgof frizeraj delal do 1962. leta.. Su one črlene vlasti otkrile da je taj frizer nekaj hudoga zgrešil v doba Endehazije.. pa su mu zeli taj salon i se reklo… nacionalizirali … Je moral zaprti i su ga hitili van.. mu je ostala samo ona dvorišna radionica za perike… No je taj frizer bil i drugač bogat.. je imel v Ilici velki stan kaj ga je iznajmlival.. i je imel hižu v Palmotičevoj gde je i on živel z nekakšnom šocom.. Ni se nigdar ženil i ni imal dece… Gda je vmrl je država zela i tu nejgovu imovinu.. a ona šoca ni ništ dobila. Se taj frizer zval Mirko Ščetinec.. tu je bil domaći dečko…z Zagreba …mali debeli.. čelavi.. Su se vsi čudili kaj nigdar ni sebi napravil periku …
Je par let bil frizeraj zaprt.. pa je onda otprt novi.. državni.. kaj se zval ono poznato.. Bratstvo.. Gda je to Bratstvo propalo.. postalo je Estetikuvema i je frizeraj bil do pred par let.. Denes je nutra nekakšna turistička agencija…
Je z prednje starne .. na samoj špici hiže bila brtija… se zvala Trst.. po onem gradu v Italiji.. Al je ta brtija takšna posebna pripovetka ..pa sam ju več i posebno izpripovedal v jeni drugi pripovetki z Moje stare škrinje …..

Pa pemo zdaj v Prašku vulicu gde je jeno krilo te hiže. Moram kazat da v vreme o kojem ja pripovedam ta hiža je v prizemlju drugač zgledela.. Ni bilo oveg.. veliju pasaža.. neg su zidi bili skroz do vulice .. Zakaj je negdo to tak preuredil nigdar mi ni bilo za razmeti.. Tu je bilo vsega…….
Mam do brtije Trsta je bil oni poznati Horvatcki izumitelj i avijatičar Slavoljub Penkala kaj je zmislil olofke kaj smo rekli da su .. suha tinta... Su se još te olofke kasnejše zvale i Penkale po izumitelju.
Z vanjske strane hiže je bil mali štacun gde su se te olofke mogle kupit.. ali i naručit na velko.. A sama mala fabrika.. zapraf radionica je bila v dvorišču i v podrumu. Smo mi deca z hiže.. tu stalno viseli i žicali te olofke kaj su onda bile čudo..Pa kak smo več išli v školu smo imali to kaj drugi nisu ni znali da postoji.
Sam gazda je tu retko dolazil.. se on bavil drugim stvarima.. je delal i avione… ali je v toj maloj fabriki olofk bil jen poslovođa.. Albert.. Taj je bil dobar i nam je daval dobre olofke.. pak su ona dva radnika kaj su delali nutar .. nam uvek podvalili one pokvarene.. kaj je z njih curela ta masna tinta…
Pa bi vse ruke imeli zamazane.. a se ta tinta ni samo tak dala oprati z prstiju… Se pri tom Penkali vsega pribora za pisanje moglo kupit.. držala .. pera za pisanje.. nalifpera… i još vsih vrsta tinta v boji… Su se v to vreme olofke.. te Penkale i nalifpera nosile i na poprafke.. pa i na punjenje.. vse po želji… Je ta Penkalina radionica tu bila do 1963. leta gda je taj Penkala prodal svoje patente za to… Zaprav se moral odselit kaj je celu tu stranu hiže zela država za svoje potrebe.. o tom bum kasnejše nekaj rekel…
No… mam pokraj teg Penkale je bil fotograf.. Se zval Mirko.. Je v toj mojoj hiži on samo imal svoj laboratorij .. se tak reklo.. gde je razvijal filmove i delal slike.. Je svoju fotografsku radnju imal na Trgaču.. na broju 15. Smo mi klinci tu često dolazili kak bi dobili stare nevaljale filmove.. kaj su se ..se reklo.. osvetlili.. Je to nama bila zanimliva stvar za igru.. Pa bi dobili i one špulice na kaj se filmovi namataju. Je taj fotograf na velko kupoval filmove pa ih posle premotaval za aparatline i prodaval.. Je tu pri hiži v podrumu imel črnu komoru gde su se delali i oni filmovi.. se reklo .. fotografske ploče za one jako stare aparatline keri su se još v to vreme koristili. Su nas znali pustiti v tu komoru pa smo gledali.. v kmici.. kak se delaju slike… Je taj fotograf i delal slike za ondašnju miliciju .. pa su vsaki dan knjemu tu donosili aparate kaj bi se zvadil film pa metnul novi…………
Si razmišlam koji put.. jel to imalo.. se veli.. utjecaja.. kaj sam puno kasnejše i ja završil školu za fotografe…more bit…bi ga vrag znal …ha …
I taj fotograf Mirko je zaprl štacun i radnju kad i Penkala zbog istih razlogof.

I na samom kraju teg krila moje hiže je bil još jen frizerski salon.. nekaj manjši od oneg z strane na Zrinjefcu… Al je zato bil jako poznat i posječen. Je velkim slovima pisalo Frizerski salon Ruža. Je ta Ruža bila vlasnica.. je i sama nutar delala. Je to ta ista kaj se posle preselila v Frankopansku.. pa je tam do denes… i još je velko poznata.. Sama frizerka Ruža več ne dela.. je tak fest stara…ali delaju njezini nasljedniki… Su tu .. v taj salon.. dolazile poznate ženske z Zagreba.. Se tu frizirala ona poznata šnajderica Žuži Jelinek.. gda je bila v Zagrebu.. Je imela šofera i oni velki američki avtomobil.. od sedam metrof… Su ti dolazile i ženske politikanti z one .. se reklo .. Partije.. se sečam one Milke Planinc.. se navek v črno farbat došla.. a ju je pred vratima čekal nekakšni ogromni bilmez v sivem odelu.. Pa je tu dolazila i ona fest mlada pjevačica Zdenka Vučković kaj je fort bila natapirana.. je zgledela glava kak kup sjena… A je došla i operetna diva..ona z kazališča.. kaj je posle bila glavna v onem našem filmu Gdo pjeva zlo ne misli.. ta Mirjana Bohanec.. je bila mlada i fest zgodna….. A gda bi neki poznatejši zašel Ruži na frizuru.. smo mi fakinčeki došli na vrata salona .. pa bi gledali kak da je to za pojesti… A bi Ruža da nas se reši..zvadila par dinarof i dala nam.. A mi smo mam prešli prek puta v Krašof štacun i kupili si napolitanke.. su se onda mogle kupiti .. onak.. na vagu….
A najpoznatejša mušterija pri Ruži je bil oni ženski muškarac..al muška ženska .. buzarant.. pjevač i svirač gitare.. Đukica Puček.. Je taj fort glumil žensku .. pa se i oblačil v žensku robu.. nosil štikle.. a imel dugu kosu i…… žensku frizuru.. Je dolazil jemput tjedno na frizuru.. a vsaki dan je navratil na češljanje .. Pa smo mi klinci zijali v njega kak v svecko čudo.. Smo mu vikali Đokica Đokica.. a se on fest ljutil na to.. jer je on bil Đukica… Pa bi se okrenul k nam i pital… Mali gde ti je tata.. pozdravi ga….. Pa bi ja svom tati to prenesel..a on bi odgovori.. Jebeš budalu…. Pak je moj tata vmrl nepoznat.. a ti Đukica je još navek poznat i žif…. Sam uvek mislil da je taj puno stareši od mene.. al je bil samo petnajs više.. Još i denes svira na gitari v Oktogonu….
Gda se Ruža preselila v Frankopansku.. je i Đukica prešel za njom tam.. Smo se puno.. kasnejše često sretali v Frankopanskoj.. kaj sam ja tam delal v Grafičkom Zavodu Hrvatske.. al smo si znali otiti v brtiju Rovinj nekaj spiti i spominati se o starim cajtima … I denes si popričamo gda se sretnemo…
Te prostore kaj su bili z te strane hiže su vse skup spojili.. kaj su zide porušili.. napravili onak hodnika kak je to denes.. Tu se doselil nekakšni Jadroagent.. al nigdar ni nutar nikakvi človek zašel. Su nutra delali neki stranci.. a se pričalo da je to nekakšna tajna služba… I je tak do denes……….
I tak to je to kaj se dotikavle tih .. bumo rekli .. poslovnih prostora….

Jeee….. Vam nis povedal da je v našem susedctvu v Praškoj bilo velko dvorišče.. Je negda tu bila ona židofska bogomolja…hram.. al tak nekak.. Su to zrušili za vreme Endehazije.. pa je na tem mestu ostalo samo ruševina… Se moglo zajti v podrume i nekakšne hodnike kaj su išli na vse strane.. prema Trgaču.. spodi Zrinjefca.. pa su se spajali z podrumom v mojoj hiži i onoj do nje….Su neki bili nakon par metrof zazidani.. a jen je išel durh pod Trgač na broju 12… Se pričalo da je to bilo zato kaj su onu banku kaj je negda bila v mojoj hiži.. praf zapraf.. držali Židovi.. pa su si kopali tunele kaj bi mogli se skriti al pobegnut…. Pa su za kratko vreme došli radniki i zatrpali te podrume … a je onda nakon par let na tem mestu zgrađena moderna trgovačka hiža ..ona Standard Konfekcija.. Modna Kuća… je ta zgorela sedamdesetih leta..
A denes su v mom podrumu takaj ostatki tih zazidanih tunela… nigdo to ne otpira….
V drugom delu pripovetke o moji hiži na Zrinjefcu bumo nekaj rekli o ljudima kaj su tu živeli. A to je bilo jeno fest .. se reče.. šareno društvo.. od malih i nepoznatih pa do velkih fest poznatih ljudi v našemu Gradu Zagrebu …..

zvlečeno z naftalina ............

srijeda, 08.06.2016.

Razgovor ugodni z samim sebom .........

A ja nigdar nis čekal da meni negdo udeli kakšneg krajcara.. A ponajmanjše kakšna ženska.. Je da sam ja fort žical peneze od svojega tateka..al največ je izdašna bila navek..moja bakica.. ona plemenitašica.. Mamica nigdar ni pomišlala da bi meni trebali penezi.. jee.. navek su i njoj faleli.. A moj je japa mene fest dobro razmel.. kak nebi gda me je upraf on nafčil kak se treba okol ženskih ponašat.. A kaj.. stari je bil kurviš.. vse bi dal za ženske.. kam je god išel tu je imel kakšnu šocu.. i opče mu ni bilo važno nit kak ta zgledi.. nit kolko ima let..jedin je bilo važno da je.. ženska… A bil je moj tatek velki kavalir.. to se navelko pripovedalo..a moja plemenita baka.. nejgova mamica.. mu je znala kričati…. Fric..Fric.. vse buš zatrajbal na te svoje macafute i flojndre.. ostal buš i brez gač.. Tak se je nekak i svršilo.. na koncu mu je ostala samo zaslužena penzija i krof znad tikve.. a i to bi zakurval da ni bilo na mene zapisano..ha .. a vse drugo kaj je nasledil.. zapraf ni on.. neg te nejgove.. šoce na koje je vse potrošil.. No.. ja sam od svojeg tateka pobral samo ono kaj je za mene bio koristno.. i kaj se je šikalo.. A to je.. kak se treba ..se reče.. odnositi sa i prema ženskama.. Prosim lepo.. ja se tega i denes držim.. i tolko više kaj sam ja izdanak stare plemenitaške familje.. a tu su vladali posebni naputki o lepom ponašanju.. Istina je da sam ja unatoč toj aristokraciji bil fakinček.. fakin.. frajer.. jebivetar..potepuh.. huligan.. i kaj mi još nisu vsega natrpali.. al prema curičkama ..pucama.. ženskama.. damama.. posebno spram Zagrepčanki.. ja sam se navek ponašal i još denes to delam.. kak pravi naslednik grofofskeg fačuka….
..................Druga je pak stvar kak to ženske od mene doživlavaju… Al ja bi rekel da malo koja v tem času razmišla o svojim ženskim pravima.. ravnopravnosti spolova.. segregaciji opčenito...ha kak sam to lepo rekel.. A vse moje dobre poznanice i prijatelice od mene moreju dobit samo velko poštivanje.. moju uglađenost i na koncu.. poverenje.. Da se razmemo.. ja sam tu posebno naglasil.. moje dobre poznanice i prijatelice.. Znaš.. vse zavisi i kak se mi mužki ponašamo spram ženskoga roda.. A ponašamo se svikak.. no.. vse to ovisi..o.. bumo rekli.. okolnostima pod kojima se znamo.. Nit jena moja prijatelica se pokraj mene ne more osetit kak nekakšna manjše vredna flojsa.. i nikak kak ..sponzoruša .. Naravski.. ja kakti aristokratcki izdanak.. kavalir po ophođenju.. odgajan po strogim regulama staroga bontona.. nemrem sebi dopustit da cjenjena ženska v mojem društvu vadi z svojega žepa geltašn i plača meni rundu pijače.. Zbilam.. svakaj.. Pa ja znam da su denes moderna vremena.. da mladi drugač glediju na takšne stvari.. pa deliju vse stroške … Al.. kaj.. meni to ni nikak po mojim navadama.. Jedin kaj je morti problem v kakšni ženski kaj nigdar ni čula al doživela malo kavalirštine .. pa si razmišla da manjše vredi ak z žepa ne zvuče peneze i časti mužkarca.. Ima dost načina da se vsaka ženska postavi kak jednak vredna mužkarcu… Viš.. od mojih prijatelica ja rad primim kakšni znak pažnje.. i veseli me to da negdo misli na mene.. al taj znak pažnje ni nikakšna ravnopravnost v brtiji za šankom… I to bi vsaka ženska trebala znati.. Me razmete ..ha.. morti baš i ne..ha.. Bum malo pojasnil.. Gda sam več tam negde spomenul bonton..al školu lepog ponašanja .. onda moram iskreno kazat da mnogi mužki nemaju pojma o tem..al je još žalostnije da je ženskama još manjše poznato.. Bum samo onak uzput navel primera..
....................Nema tomu dugo ide ženska koju poznam .. ne baš preveč.. z nekakšnim mužkim po vulici.. ja ju pogledim.. ona mene pogledi.. ja odvrnem pogled na drugu stranu.. Za par dni dojde do moje hiže pripovetka da sam ja.. kakti zajdni prostak.. prošel pokraj te ženske i nis ju pozdravil…
Drugi je primer od nema dugo.. Sretnem poznanicu i nejzinu prijatelicu na Trgaču.. onak slučajno naletimo jeni na druge.. I stanemo se .. Bok.. Bok.. al ona meni mam prigovori.. Kaj.. nebuš mi nit ruku pružil…
Znaš.. nebum više ništ za primera dal..a ima se toga dost primetit.. Ovak….

………………Ak poznata ženska ide po vulici z muškarcem kojeg ne poznaš.. onda ona..ak je v priliki.. al to želi.. prva pozdravla al daje nekakšni znak da želi da joj pristupiš.. Ak toga ni.. onda ti peš dalše kak da ju nisi nit videl… Ne moram pojašnjavat..ha..
Isto tak.. pri susretu mužkarca i ženske.. ona je ta koja prva pruža ruku.. negda davno na rukoljub.. denes na pozdraf.. Bilo bi meni velko razočaranje gda bi to vse denes znali vsi mužki i ženske.. Stoga kaj ja znam da večina to.. nezna.. A barem se to v bontonu noveg doba ni zmenilo…..
………………..Još bi i nadodal.. da cela pripovetka okol ženskih i .. se reče.. odnošenja spram njih.. ima i jenu drugu stranu.. A to se može i mora tak razmet i prihvatit.. Tak da se more pripovedati o odnošajima koje nazivamo.. službenim ..poslovnim.. slučajnim.. sponzorskim.. i kaj ti ja još znam.. Narafski da se tu onda vse drugač postavla.. drugač gledi na vrednosti…al to se nikak ne ubraja v prijatelstvo..al najmanjše v dobro poznanstvo..


………………..A zdaj bi se.. veliju..osvrnul.. hmm.. kakšna drugarska izreka.. na to kaj si moja najdraža misli o mojim prijatelicama…. Je.. istini za volju.. moja nigdar ne gledi ta moja škrabanja i ne čita moje pripovetke makar zna da ja nekaj spelevam po tem Internetu.. Znaš.. moja najdraža i ja smo skup..još od školskih dni.. davno je to bilo.. Zapraf.. nismo baš bili od onda skup..al se to tak veli.. Bili smo cura i dečko još od osnovne škole.. No.. pa sam ja več dost pripovedal kak je to negda bilo .. pa ni na odmet nadodati. Na jeni strani je bila fakinaža i vse kaj z tim skup ide..a z druge je strane bilo ono kaj si čuval kak kaplicu vode na dlanu.. Me razmeš.. V to smo vreme još rasli i sikak se vrteli po svetu.. Vsaki z svojim .. bi rekel.. slobodama.. Kaj ne.. Al na koncu je bilo kaj je trebalo bit i još navek traje.. I z tim smo rekli vse.. Aaaa.. te moje prijatelice ..i dobre poznanice.. Ha.. morti bu i to negdo gledel krivo..kak i neke ženske na kavalirštinu.. Znaš.. moje prijatelice ja nigdar ni pred kim ne skrivam.. nit nebum A zakaj bi.. Se zna kaj je to prijatelstvo .. prije vsega to je ..poštivanje.. poverenje.. veselje.. i vse drugo kaj človeka dela ispunjenim.. A moji prijateli i prijatelice..kak i oni kaj ih takšnima drži moja najdraža.. su .. zajednički prijateli i prijatelice.. I vsi su nam dobro došli i dolaziju v hižu.. baš vsi ……..No.. da nebuju neki mislili kak sam ja nekakšni napuhani nobles pa od silne bahatosti neznam kak bi se pokazal… Velim to zarad nekakšnoj primedbi o noblesiranju po skupim Kavanama.. Znaš kaj.. vse to kaj človeka veseli.. ni to vsaki dan.. ni to z vsim i vsakim koga sretneš.. To je za prijatele..i prijatelice…. Al.. nebum ja odbil z prijatelicom prejti nit v obični kafič.. zakaj bi.. Pa nisu posvud naokol po našemu Zagrebu Kavane.. A nit su Kavane baš takšni .. nobles.. kak si to negdo zamišla.. Kavane su največ..dobra stara Purgerska navada.. Za .. morti samo jenu kunu više.. mesto gde v miru moreš spiti kavicu.. pojesti kolač.. i pripovedati a da ti konobar ne navija urnebesnu muziku po nejgovem izboru.. Razmeš..

Dobro se imajte … vse to gore je moja razprava z … menom …. Ha ……..

trajvanska pripovetka ....

ponedjeljak, 06.06.2016.

Kak su moje špancirancije opale na ..se reče.. nizke grane.. Z jene sobe v drugu.. I tak.. zaokret v kuhinju.. pa praf v špajzcimer.. tu kakti okol kružneg toka..ha.. na ganjek.. uzput kratka vizita po špajzi.. pa čez hol v badecimer.. onda dalše do šlafcimera … pa tam v šturcu do terase… i na koncu spuznem v svoju fotelju v voncimeru.. i tak zbegnem zasesti v biblioteki za kompjutor…
Vse skup..za posrati.. Celu noč spiš kak najvekši pravednik.. onda od jutra dalše sediš z jenom nogom na šamrleku.. je doktor rekel.. nogu držati na povišenom.. dva tedna.. Ti vrapca.. je taj ponorel.. jer bum pak ja za tolko cajta skronaskroz znorel.. I još veli.. da nakon osmeg dana morem polahko z štapom napikavat štengu po štengu ak baš moram .. I kaj bum.. celu hrpu libri sam si dal prinesti pokraj fotelje.. pa cajtunge i časopisi več pol metra visoka hrpa.. televiziju več nemrem videti.. vse sam đeografike i historije po tri put gledel.. Pa si dosmucam fotelju do obloka.. i kaj.. fort vidim prek puta Špenglerovu Maricu.. ti vrapca kaj se ta zdebelila.. ni čudo kaj Špengler tak fest jamra kak ga hrptenjača boli.. I drugo nemaš kaj videti.. vulica kak vulica.. avtomobili drndaju .. avtobusi brekčeju.. ljudi samo bežiju .. cucki kandelabere zapišavaju.. mačke se vlečeju po dvorištima….
No.. bum ja onak z čiste dosade ipak sel za svoj kompjutor i naškrabal pripovetku.. tekar tolko da mi ne zahrđa moj blog....... Ovak ……

Bi ja rekel da je več odprilike prošlo leto dni odkak smo ja i moj sused i pajdaš..vurmaher Cajger v trajvanu naredili celi cirkus z kontrolorima .. To je bilo ono gda Cajger kakti ni mogel v cekeru pronajti kartu.. a ja sam mu pomagal prekopavat cekere i vrečke.. a za to vreme su dva kontrolora i jena kontrolorka šteli ponoret.. a pol se je trajvana smijalo.. No.. to sam ja vse lepo opisal na svojemu blogu i nebum zdaj ponavlal..
Od oneg dana pa do neki dan.. moj pajdaš Cajger se je domišlaval kak bi naredil kakšnu novu psinu kontrolorima.. I puno mi je put rekel da ima vse pripremleno i da samo čeka gda bumo nas dva skup v trajvanu.. I bili smo barem dvajset put skup i pelali se do Grada i nazaj..al se kak za truc ni pojavil nikakšni kontrolor .. I pred tri tedna je sel as na cenera i zgoda se zgodila………………

Trajvanska pripovetka ….
Pelamo se Cajger i ja od Kvaternjaka.. lepo sedimo v trajvanu makar ja baš i ne prakticiram sedeti.. No..veli Cajger da je Bog človeku rit naredil na sedi.. pa onda… I baš pripovedamo kak je naporna ta bedastoča kaj ti v trajvanu fort prek zvučnika nekakšne savjete zgovaraju.. pa koja štacija je na redu..pa koja bu.. pa kak karta zgledi..kak ne zgledi.. Veli Cajger da bi bolše bilo gda bi njemu platili da v trajvanu na glas viceve pripoveda.. A morem ti kazat.. gda Cajger vic spripoveda.. onda se vsi naokol keglaju od smjeha.. A on te viceve kak z rukava trese..
……….. I na Trgaču dost ljudi zajde v trajvan.. a na Frankopanski i tri kontrolora.. Dva su velka skoro kak Cajger.. a on je kak stric Bedanec z Kekeca..ha .. a treti kontrolor zgledi kak.. šumski patuljak pokraj ove dvojice.. Ja nis primetil..a Cajger ih je mam spazil.. Nasmijal se od vuha do vuha.. i veselo reče.. Aha.. sad buš videl.. A ja znatiželjan vse hočem znat kaj je on pripravil za kontrolore.. no Cajger samo čkomi… Narafski.. na Malom Placu skorom pol putnikof pobegne z trajvana .. to su oni kaj karte nemaju.. Ona dva velka kontrolora su več zbavili polovicu putnika.. a onaj majnši ide prema nama.. Lepo pristojno me potapša po ramenu i zamoli kartu na pregled.. Narafski.. ja se sav sprenerazim od čuda..kakti me je znenadil.. pa po dobri stari navadi prvo vse žepe sprevrnem kak bi kartu našel.. I tak prvo zvadim legitimaciju..i dajem kontroloru.. On i dalše pristojno veli.. Ta nije prava.. Ja se pardoniram.. pa onda zvlečem onu braniteljsku karticu.. pa i sam kakti vidim da ni to ništ ne vredi.. Mali kontrolor strplivo čeka dok ja zvlečem konačno pravu kartu.. Fala.. veli i zdaj je na redu Cajger..
………… Trajvan je več prešel Avstrijsku.. Cajger je tikvu naslonil na šajbu i kakti spi.. No.. kontrolor i nejga polahko zdrma i zamoli za kartu.. Kaaaj.. čudi se Cajger.. Aha..aha.. kartu tražite.. Evo mam bu..
Zdaj ja gledim zategnuti kak zvečarka kaj bu Cajger zašpilal..
A on lepo počeprka po svoji torbi kaj ju fort vleče obešenu okol vrata….. ti vrapca.. zvadi špil kartih Mađaric za Belot špilat.. haha.. lepo ih spremeša ..veli meni neg presječam.. Ja to uredno naredim i još mi ni bistro kaj bu.. I Cajger onak razširi špil v ruki i ponudi kontroloru.. Evo karte..veli on.. izaberite si … I kak je več Cajger stal karte mješati.. ljudi okol več glediju kaj to je.. a ona dva velka kontrolora se približiju.. Bu vraga.. gruntam si ja.. al Cajger samo namigiva i poskriveči dela grimase..
Mali kontrolor je taj čas ostal zevati od čuda.. pa je nekak pogledal spram druge dvojice kak da savjeta išče.. I jen dva tri.. .. jen od one dvojice velkih kontrolora zvuče jenu kartu pogledi ju i spremi v svoj žep.. a onem malom i drugem velkom veli..Evo gotovi smo.. i sva se trojica staneju v šturc pri vratima.. I prešla je Selska trajvan se vleče prek semafora spram Črnomerca..
A pajdaš Cajger.. je ostal zevati kak Savski som Jura.. Nekak je jedva prek jezika zgovoril meni.. Si videl.. zel mi je kartu.. Je a kaj zdaj.. velim ja.. tak si mu ponudil.. I najemput Cajger zvleče svoju pravu kartu pa ju zdalka pokaziva konrtolorima.. Evoooo.. našel sam ju… veli.. Al ona trojica nit ne trepneju z jokima.. Jebal ga vrag.. gundra Cajger.. pa zel mi je hec puba z špila.. Pa kaj se sekiraš.. imaš domof i pet drugih špileva Mađaric..

…………..Prafzapraf.. Cajgeru je bilo krivo kaj se kontrolori nisu fest naljutili gda ih je zajebaval.. fučka se njemu za kartu.. štel se on znjima malo zafrkavat.. Pa gdo bi rekel da buju i kontrolori tak lahko prihvatili izazof … I zajdna štacija.. vsi pemo dol.. ona tri kontrolora su več dole.. a Cajger još ni ziher kak bi se ponašal … Se razme.. naumili smo nas dva ionak prejti v brtiju pri Škorpijonu.. taman prek puta trajvanskog stajališta.. Gda za čas.. evo one trojice kontrolora knam.. oni velki kaj je kartu.. oneg herc puba zabral.. pruži kartu Cajgeru i nasmije se.. Veli.. Zdaj smo jedan jedan.. Vi ste šteli nas zafrknut.. al smo mi vas.. Jeee.. tak je.. prizna Cajger.. I moreš si zgruntat da smo vsi skup završili na tri runde pri Škorpijonu.. pa smo se spominali z kontrolorima o nijhovim zgodama i nezgodama.. pa se Cajger razpitival za onu črnu brkatu kontrolorku koju smo zajdni put zafrkavali da se štela razderat od muke.. I tak.. vsaki na svoju stran.. a Cajger i ja dalše v sledeču brtiju v Kustošiji pri Mađarici da spripovedamo doživlaje ….

Serbus ……………..

zagrebački štikleci ......

nedjelja, 05.06.2016.

Krešo`s blues ....... Svakog dana istim putem ....

... jebate.. fort gužva na trotoaru ...

... to se mene opče ne dotikavle......

... ipak se bum malo naluknul ...

... sreča da ima još dobrih haustora za scanje ....ha....

najebal sam kak žuti mačak .....

četvrtak, 02.06.2016.

VTOREK VJUTRO

Nema ti lepšeg neg koji put sesti si tu v koji od pajzlina na Dolcu..pa onda pri ne bogzna kakšnoj Nesici gledeti kaj se naokol zbiva... Od raneg jutra se trgofci pripremaju za robu izložit i prodavat.. Znaš.. to su največ oni preprodavači kaj zavzmeju najbolša mjesta na placu.. a kumicama kaj ostane tam v sredini .. Dakle.. vlečeju se kištre z vočem.. na košare se na štande hiče povrče.. praf za praf.. nema tega čega ni za gladne Zagrepčance... I vsi skup galamiju kak stekli.. jen drugem smetaju.. kune se na vsim balkanskim jezikima i narečjima.. a kumice mam začneju tračat..al med sebom..al z prvim mušterijama.. Sve skup ti je to fest zanimlivo i za čuti i za gledeti ...........

Dve sam Nesice zlijal čez požirak.. i kaj zdaj.. nit jen od mojih poznatih kaj tu znaju vjutro dojti denes ni stigel..pa ti lepo zemem svoj ruksak i pem kupovat vse kaj su mi domače babe na spisak metnule.. Znaš.. znaju moji domof da gda ja prejdem van z ruksakom da bum završil na Dolcu..pa onda i vsi imaju nekakšne želje i potrebe .. ja sam za sebe naguštal barem tri fele šalatlina koje nemaš gdi drugde kupit neg na pravem placu... jeee.. al se moja punica skobicne da njoj trebaju tri velka patliđana i dve dugačke tikvice.. pa se sestra seti da bi joj pasale one velke fine jagode kakšnih ni po trgovinama.. a kak za vraga naide i suseda Metuzalemka pa i ona lepo prosi kaj bi joj prinesel jen koren Đumbira.... Narafski.. vse bum ja to kak kojn dovlekel na plečima.. a jebal ih vrag.. nit jena neda nikakšne peneze.. Dakle.. ja bum z svojega žepa platil.. pa onda bum dobil nazaj...Ha.. drek bum dobil.... Punica bu kak i navek pozabila več za pol vure kaj sam joj prinesel.. sestra bu se zgovorila da nema sitnih penez.. a suseda Metuzalemka bu se samo osmehnula tak da joj pol gebisa opadne.. i zmumlala..fala... Eee.. viš.. stoga ja kolko put hitro po skrivečki zbegnem z hiže .. pa nek glediju za menom...ha.. No.. of put nis dospel......................

Pa ti ra rad obilazim po celomu placu.. gledim čega vse ima.. ti vrapca.. negda si mogel znati kaj je kaj ..ali denes bogmeš se moram fest čuditi gda vidim nekaj a neznam kaj je to.. Ima tu nekakšne šalate kaj ju nigdar v živlenju nis videl.. pa nekakšne hrge nečega kaj zgledi kak krumpir pa ni krumpir.. i još koječega kaj se denes udomačilo..a došlo z bogtepitaj koje strane kugle zemaljske.. Vidim nekaj na jenom štandu.. valjda je triftal metra dugačko.. zgledi kak kojnski pimpek.. pa pitam kumicu kaj je to.. Paaa..krastavac..gospon.. veli ona.. Aha.. čudim se ja .. I tak.. vsega se najde ... Domače robe kolko voliš..ha.. z Vijetnama.. Kambođe.. Indije..... je.. vse domače ...... jebal ga vrag .......

I tak ti rad vsaki put gdda sam na Dolcu zastanem pri štadu gdi prodajeju one razne drvene potrepštine.. ima tu kuhača velki i malih.. drvernih sita za brašno.. valjki za tijesto..bati za meso lemat.. klofera.. škafi i bačvic.. pa onda suvenira..i ono kaj ja najrajši gledim.. drvenih igrački.. Jedin buš još po placima i sajmiščima takšnih stvari videl..Pa me to spomene gda sam bil klinac.. bi me moja baka.. plemenitašica.. za ruku pelala po placu.. za nam je išla naša služafka.. se to moderno reče..kućna pomoćnica.. i nosila košaru.. a baka je samo hitala v košaru i plačala.. služafka Julčika mrgljala kaj je težko.. a ja bi kričal..hoču ovo.. hoču ono.. A moja baka je svojeg vnuka.. jedinog naslednika grofofskeg imena.. filala z vsim i svačim kaj bi si ja poželel.. Sirota Julčika je samo kolutala z očima i nekaj frfljala da bi ona meni po riti dala a ne vse to kupovala.. No.. baka se ni na Julčiku obazirala.. ionak joj je više služila za klafranje neg kaj je delala po hiži.. jedin je moj tatek tu Julčiku koji put nekam odpelal gda mamice ni bi bilo pri hiži .. A kaj.. bil je moj japa velki kurviš.. navek me je podučaval na velko zgražanje moje bake.. da vse kaj naleti treba deti pod nož.. nisu važne godine nit kak zgledi ... Paa..je.. puno sam ja tega posle takaj prakticiral ...ha .........
No.. tak sam jemput navalil da ja hočem maleg drvenog kojna kaj je imel kotače i špagu da se more vleči po cesti.. narafski.. mam sam to dobil i vlekel.. pa sam prije štengi na Dolci jenostavno sel na teg malog drvenog kojneka ...ha.. se je razpal kak suha treska ... ja sam se začel derati kak da me kojn brcnul.. baka je uzdisala.. a služafka Julčika je pokupila teg razpadnutog kojna.. i kak se posle čulo.. zaljepila ga i odnesla v svoje rodno selo negdi pokraj Sevnice od kud je došla v Zagreb ......... Se razme.. drugi dan sam dobil noveg koineka .....

I čim se deveta vura odmakne.. navaliju turisti na Dolac.. zapraf nište ne kupuju..al se vsemu čudiju kak da su na Mars prihajali.. Hodiju zmed štandova.. oni vodič im pripoveda kaj je kaj.. vse su to nekakšni Japanezi .. pa se čudiju mrkvi.. pa pipaju šalatu.. šnjofaju krastafce.. Čujem kak nijhov vodič tumači kumicama kak ti Japanezi tam na svojem otoku zapraf nikaj takšneg nemaju drugač neg zapakirano v najlone..al da vse to pri njim sasvim drugač zgledi i ni nikak fino kak ovo naše.... Jemput oveg proletja sam tu videl jenu Japanezicu kak je kupila velku mrkvu kod kumice i mam ju je začela hrdati i bila sva oduševlena.. Pred kratko vreme je jena mala grupa Japaneza kupila dve one drvene gajbe pune jagoda.. I su to odnesli na Kaptol i tam na klupi vse pojeli a da nisu nit oprali..A jen mužki med njimi je čak pojel i vse one zelene peteljke... Vrabec dal te žutake .....

I gda sam obišel celi Dolac.. i vse razgedal.. naredil inšpekciju..ha .. navrnem se malo i na Kaptol.. I tu je navek zanimlivo jer se tu okuplja sva sila turistof.... pa se med njih zavlečeju i prosjaki kaj žicaju al od teh žutakof nigdar ništ ne dobiju.. zapraf nit ne razmeju kaj im žicari pripovedaju.. A dve mlajše ciganke kakti nudiju na prodaju nekakšne slikice.. narafski.. ništ to ne vredi.. nigdo nit ne pogleda.. Pa čujem kak jena Ciganka drugoj veli.... Jebeš ove .. idemo dole na Splavnicu.. A na splavnici navek sva sila Ciganof kaj prodajeju vse po pet kuna.. Hočeš žensku kiklju za pet kuna.. hočeš štrumfe za pet kuna..a moreš i tri kuhinjske krpe dobit za pat kuna.. i kak kriči debeli Cigo..ambrele su pri njemu na akciji po deset kuna.. Ha.. to ti je ono.. puhnul vetar zel ga vrag ...........

ISTI DAN OKOL PODNEVA
Kak bi se reklo.. na tri koraka od hiže.... jebal vrag vse rupe na trotoaru.. a pokraj te jene sam prešel več miljon put.. Eeeeh.. baš sam vgazil v nju ..potepel se i i odletel kak kruška z dreva.. Vrabec ga dal.. zmaknula mi se noga.. nakrivil se zglob.. a ja sam lepo z velke blizine osetil kak miriše asfalt.. Gda sam pogledel svoju nogu vse sam se zplašil kak je zgledela.. mam je na zglobu skočila kvrga kak jabuka velka.. Znaš.. nebi ja ništ rekel da sam imel nekaj pri vriti.. maaa.. sam one dve Nesice z Dolca.... Aaaah.. kaj da ti velim.. završil sam hitro v bolnici pri Svetom Duhu.. ..Veli doktor nakon vsih peripetija.. da je zglob izčašen.. da moram dobiti langetu..da imam sreču kaj ni ništ puknulo.. i da moram dva tjedna mirovati ... Uuuuuh.. to mirovanje bu mene na koncu v ludnicu spremilo.. jer ja nigdar nis navčil bit miran ... Je ..a kaj.. Ščera sam celi dan jamral kak me je bolelo.. denes je malo kakti bolše.... a dalše.... bi ga vrag znal doklem bum ja miroval .............

Da ste mi gezund .............