ZAFRKANCIJA * * #
Špancirancije ......
četvrtak, 28.04.2016.
Črni oblaki se natepli znad našeg lepog Zagreba.. mrzli sjevernjak se zavlekel spod vsake rubače i kiklje.. kmično je kak da bu smak sveta.. a oni beli prhlivec se zaletava na Medvednicu..a bormeš se preti v nizinu dojti.. kak se čuje.. mraz i snjeg su poharali posvud naokol i cvetje..i mlado listje i vse vočke kaj su još cvetale.. Velim ti ja..vrag je došel po svoje.. no to znači da se ja ne trebam brigat.. vrag je moj.. se reče.. koncesijonar..ha.. I kak bilo da bilo.. momentalno sam se od jutra našel pri Pimpek Placu.. narafski.. pak zbavlat posle.. jer drugač bi me samo coprnice mogle tam denes naterat z metlom ... Pa malo gledim teg jajatog.. hmmm.. zgledi kak i vsi ostali Grčki kipovi.. jaki kuražni mužkarci.. hrge od ljudi.. a pimpeki im kak pri šumskim patuljkima...Bi človek mogel zaklučit da takšni grmalji imaju meštriju do kolena...al kaj.. valjda su bili v kmici gda je bog pimpeke djelil ... Pri nam se po domači veli za pimpeka..... Ono kaj prek dva visi.... Al ovom jedva taj podkožnjak malo strči van ... No.. fučkaš pimpeke.. bežim dok se ni kakšni dež pripetil.. il morti kaj goršega...........
Maaa.. štel bi prek ceste na drugu stranu prejti...jeeee.. moreš plakat .. al prek bežati se ne splati.. Trajvani jen za drugim tandrkaju.. avti besomučno hitaju i na jenu i na drugu stran.. Ništ.. pem ja na semafora..pa kak vsaki pristojni Zagrepčanec.. tam kud se spada prelazit cestu.. Zajdnih dni avtomobilisti navelko gaziju ljude po trotoarima.. pa kak je tekar onda nasred ceste se najti ..............
Znaš.. gledim ti ja več pustih leta tu hižu..tam vizavi.. od gda ju ja pamtim..ofucana je jednak kak i denes .. A bila je to jena od prvih modernih.. nobles hiža tu.. obloki z roletlinima.. stakleni balkoni.. velki izlogi v prizemlju.. I se človek pita čije je to.. kakšni ljudi nutar živiju gda im ni stalo do svoje hiže.. pa još nekak razmem kaj su one stare palače po Gradu zapuštene.. nema ih gdo obnovit..zapraf nezna nigdo.. pa je fest skupo.. Ti vrapca..ovu tu bi i ja za silu z kefom i farbom premazal ..... baš svakaj ..... jebeš ljude i gazde ....
Evo pogleč.. tu v susedni vulici.. gda se ljudi kak ljudi sporazumiju.. pa im nekaj i naš gradonačelnik.. oni dotepenec z bregof..dometne.. evo.. hižice jednak stare ak ne i stareše od one.. kak v bajki ...ha ... Vse se more ak se hoče... Baš mi je lepo videt gda je vulica vesela......
Ha.. si videl.. Lebaroviči još vurmaherstvo držiju.. zapraf.. i ne samo v Zagrebu neg i po drugim gradovima..a bormeš ih zoveju i v Beč da vure rihtaju.. Je.. odnavek ta familja beštima naše zagrebačke vure.. i vse ideju kak podmazane.. Stari Lebarovič več jedva hodi..al mladi.. se zove Dalibor.. to je sinek.. on zdaj rihta posel..a se čuje i vnuk ima zanata v ruki ... Viš..viš.. zdaj sam se setil.. jen moj pajdaš se taki zove Dalibor.. ha.. fakin.. je obečal zmenom se najti na pivi pa ga ni.. nekam se skril.. No.. bu več negdi naletel.. se fort z ženskom špancira po Zagrebu ............
Daj pogleč kak se je ovaj črleni kostajn razmahal.. kak da ga je z penzlom namaljal oni umjetnik kaj si je sam vuho odgrizel... Zbilam ga je milina za videt.. jedini med vsim drugim belima.. Aaa.. valjda je to žensko drevo gda je tak zcifrano..ha .. Ti vrapca.. nekakšna kaplica mi je na nos doletela.. ni vrag da bu se več zdaj nekaj zlijalo z neba.. Doduše imam ja onu malu cigajnsku ambrelu v žepu.. al baš sam se lepo zalaufal.. hmmm.. morti se kakšni vrabec poscal odzgor.. Zapraf.. v našemu Gradu više nit vrapcof ni.. nestali su i samo se tu i tam najde koji na periferiji.. veliju spametni da je vse tolko zagađeno da ptičice nemreju preživet.. Ha.. kaj ti ja znam.. meni zgledi sasvim dobro v našemu Gradu.. još navek ni luft črni kak v Pekingu pa se nemre videt kaj udišemo...kaj ne .......
Jezušek.. kak se nebo začrnilo tam dole .. bi se reklo da je to znad Ravnica.. bolše da ja malo pobrzam.. morti suh dosegnem do Centra.. Maa.. gledim ti ja i po jenoj i po drugoj strani vulice.. jako je žalostno to za videt.. Od tolkih štacuna i negdarnjih zanatlija ni ostalo skorom nikaj.. vsaki treti negdarnji štacun je zaprt..zapušten.. jedin su ostale brtije i tu i tam kakšni štacun z krpama..poneki frizeraj.. i to je vse.. Škoda kaj je to tak.. ova je vulica jena od najprometnijih v Zagrebu.. i z leva i z desna su sporedne vuličice..a tam na sjeveru vse do Medvednice živiju ljudi.. i vsi se zpuštaju sim dole..al ipak tu zgledi kak da su vsi pomrli ... Narafski..avtomobilof ima naparkiranih kolko hočeš.. pa se pitam gde se vse ti ljudi skrivaju ..........
More se kazat da sam pola puta do Centruma sprešel.. provincija je ostala za menom tam pri onem jajatom.. zdaj još da prejdem periferiju.. i da skvitam današnju štrapacijadu.. Nekak me vrag posluhnul pa se još ni poscal po svetu makar se oblaki pretiju.. Jebal ga vrag.. nekakšni Rajovič me gledi tu z kandelabera.. to mora bit nekakšni kaj popeva one bedarije kak da mačke za rep negdo navlači.... Opče neznam zakaj to puštaju v Zagreb... samo ljudima kvariju sluh ........
Bum ti rekel da me pomalo več i cipeliši tištiju.. obul sam one kaj dobro dež podnosiju..od trde kože.. a te se baš ne gibleju preveć.. Vrabec ga dal.. bežim kak da me negdo plača po vsakem koraku kaj ga naredim .. Maa.. vse je to zbog teh oblakof na nebu.. čak sam pokraj deset pekarnica prešel kak pokraj turskeg groblja.. nit v jenu brtiju nis nit nosa porinul..makar..hmm..je.. baš bi mogel nekam zajti na jeno scanje.. Pa gda si več to zbavil onda se šika i nekaj spiti.. a još bi bolše pasalo da sam nekaj porinul čez požirak .. No.. bil bum karakter ..pa makar dok dež ne začne .. a kak vse zgledi..samo kaj ni...Ha ...
Evooo.. civilizacija je na vidiku.. periferiji se vidi konec.. a tam malo dalše.. uuuuh.. maa.. ima se još za cipelcugirat.. tam je moja najdragša domaja.. moj Trgač.. Zrinjevac.. Ilica... i narafski.. malo bolše poznate brtije i pekarnice.. a v Kavaliru me ziher čeka moje mesto i podgrijava se Nesica...ha .. Ti vrapca.. još par korakof bum zdržal......
I gda sam si več gruntal kak sam vraga zajebal i prestigel one črne oblake z Ravnicah.. brus.. nebo se odprlo.. dež se zlijal.. a ja sam v zajdni časek zbegel na ziheraško mesto.. se razme.. v brtiju.. Viš.. tu još nis bil.. ha.. pa nemrem baš v vsaku luknju zajti.. ak se potrefi dobro..ak pa ne.. rajši pem tam gdi mi je poznato.. No..sila boga ne moli.. a ja sam si zgruntal da je bolše v brtiji vruču Nesicu od vanilije guštat neg po vani hoditi z labavom ambrelom.... Halooo..mladi gospon.. još jenu od vanilije prosim.. Kaaaj.. neeema.. aha.. more i od čokolade..kak ne .................
Serbus ...............................
ZAFRKANCIJA * * #
..zagrebački kipeci .....
utorak, 26.04.2016.
Of siromaček vsaki dan na Trgaču puše v tu rog trumpetu ..ima dobra pljuča.. da se čuje vse do Kolodvora.. Al kaj.. pojma nema o muziciranju.. puhne dva put pa tri put fula..onda se vstane i kriči da nek mu ljudi daju nekaj penez za kruheka.. No.. jedin kaj dobi je fusingus od pandura ....
Jeee..ponekad je dugački put od čubice do guzice... haha.. Stoga sam ja v moje doba navek mam začel od guzice..pa kaj bu ...je da se pucica koji put snebivala od čuda..al je to kratko trajalo.. brzo bi joj se dopalo...ha ..
A tu na tem mestu buš navek našel skitnice..bezkučnike i drugu zagrebačku sirotinju.. Bi ga vrag znal zakaj im baš tu paše bit.. al za sebom ostaviju smetje.. čike.. pohračkaju vse naokol.. pa si i noge luftaju.. U podne odbežiju gor na Opatovinu Fratrima na obed i onda ih nema do drugeg dana..
Kaj je gajbica..to se zna.. i to je vse kaj buš tu vsred Stare Vlaške videl na dobrem starom horvackom jeziku.. vse drugo je na engleškom.. Vrabec ga dal.. ova vani je gazdarica..to se takaj zna.. a se more skužit da se nutra pripravla nekaj za pojesti i za spiti.. Noo.. mi nikak ni apetitlih ta ženska z čikom vruki.. hmmm.. kaj ti ja znam.. morti sam preveć po starinski ..
Lepo ja velim da je naša aristokracija prešla vrit.. Pogleč čime se denes baviju grofice.. Znal je negda moj tatek.. grofofski fačuk.. kazat.. Bolše je biti partizan nego grof.. vsi su partizani v penziji a ja grof moram delat.. No.. kak su Duče i Firer loše prešli..nit moj japa ni računal na penziju.. Doduše dobil je pet let zaposlenja.. stan i koricu kruha v Gradiški.. i mu nisu nikaj beneficije dali na grofofsku titulu... ha..
Pogleč kakšna smo mi ziheraška i slobodna zemlja Horvacka.. Za tak nekaj bi tam v Parizu il Brislu zdigli mam celu državnu žandarmeriju na noge.. A tu se moreš vsred podneva po celomu Trgaču špancirat i pelat te opasne stvari...ha .. No.. tam malo dalše spodi kojna su se stisnuli oni Japanezi z očima všrek i besomučno slikali to za njih nepojmlivo čudo.. Eeeh.. velim ja.. lepo je živeti v Zagrebu ...
Serbus ........
ZAFRKANCIJA * * #
Špancirancije .......
ponedjeljak, 25.04.2016.
Nikak mi ovi Sulejmanovi čadori ne zglediju.. al je valjda naš gradonačelnik ..oni dotepenec z bregof.. zgruntal da je to bolše pošto je v državnu vizitu prišel oni Turčin.. kaj je pol Zagreba okupiral da bi se malo prešpanciral.. Ipak mi lepše zglediju oni domaći štandi z mladim kumicama i tamburašima..makar ni to ne treba na Trgaču.. Nek si sajmišta gradonačelnik dela po bregima od kud se dotepel .. Jedin mu dam za praf kaj dela fontane po našemu Gradu ...
Sunčeko nikak da se probije čez oblake.. a mrzli veter popuhuje z Medvednice.. No..dobro je.. dol pri slani bari.. haha.. je opal oni beli prhlivec.. nek se veseliju Južnjaki.. ha.. naša Sava nigdar nebu slana..al se oni buju još šličuhali po svojem moru v Svibnju mesecu... ...ha ...
Pogleč.. kafiči i brtije prazni..kak da je kolera poharala Grad.. pa denes ni nit deset Celzijusa.. ljudi se nazaj zamotali v ajncuge i bunde.. Velim ti ja.. treba pošteno spremlatit one prognostičare.. bumo rekli..Vakulu.. kaj nam takšne bedarije prognoziraju.. Anu z Nove televizije ne dirajte.. ona je zgodna i ima pravo lagat ...
Nekak mi se neče naokol hoditi.. i mene je spropuhal taj mrzli veter .. a kaj morem gda sam norc.. sam svu zimsku i jesensku obleku pospravil v naftalin..pa zdaj okol plahutam v rubači i lajbeku.. Vse gledim najti koga poznatog da prejdemo v brtiju na vruču Nesicu.. pa nikog ni.. čak su i bedaki pobegli v zavjetrinu ......
Čim se sedneš..čim se sedneš več mašina fučka... doduše of nikaj ne fučka al koji put zvoni.. Pogleč.. pelam se sam v trajvanu kak..firer.. haha.. moj personalni trajvan i to skroz od Malog Placa.. milina.. zdaj si bum malo zadremal .......
Serbus .....
ZAFRKANCIJA * * #
zbivalo se ščera ... v subotu ....
nedjelja, 24.04.2016.Gledim vjutro čez oblok.. vani dež pomalo prčka.. pa si gruntam... nedjelja je.. kaj buš kak bedak po vani hodil.. kaj ti fali doma.. I tak bu.. Moja najdraža bu mi skuhala za fruštik amprejnovu juhicu ..znaš..to imam tak rad još kak sam bil klinac.. malo dometne črlene paprike.. malo si naštamfam bibera.. hiti se jeno jajce nutra.. i na koncu gda je zgotovleno.. nadrobim kruheka..ak ima stareg dva dni još je i bolše.. veli meni moja.. evo ti tvoja sirotinjska juhica.. I gda se kruhek napuhne tak da v rajngli žlica stoji kak kolac..onda se ja nahasam tega kak gladni pes.....ha ... I kak se nema kaj drugo.. bum malo hitil kipece od ščera...........
A v subotu je bilo veselo na Trgaču..od jutra je otprto sajmište.. štandi puni žderače pijače.. kolačof.. i vsega i svačega..narafski vse samo za peneze.. Vreme je bilo za poželet.. sunčeko je zagrijalo..onak..taman.. pa su ljudi navalili..gledeti ... No..pa sam i ja gledel.. posvud naokol ljepih ženskica.. neznaš kaj bi prije pogledel.. kolače na štandu il kakšnu zgodnu guzičku pokraj štanda ...ha ......
Zapraf.. na Trgač navalili Karlofčanci.... pa vudrili po tamburama da se vse trese.. Aaa.. zgodne su im te ženskice.. narafski nemre se to mjeriti z našim Zagrepčankama.. al človeka veseli..pa i ja pomalo cupkam dok špilaju nekakšnu polku....ijuuujuuu..juhuhuuuuu ... vrabec ga dal..
A babice z belim fertunima mješaju nekakšno blato od sira i vrhnja.. pa narodu pokazivleju kak se delaju domače gibanice.. pa ih mam pečeju v pečima kaj su ih dovlekli na Trgač.. Jeee.. more se samo zabadaf gledeti.. nema nikaj za ..se reče.. degustaciju ..a ono kaj je ponuđeno za peneze.. jebal ih vrag kordunaški.. košta kak da je delano za dveri Marije Terezije... pa ljudi samo navelko glediju a babice se čudiju kaj nigdo ništ ne kupuje... Ti vrapca.. kak da mi tu neznamo kaj su domaće štrudle i za majnše peneze........
I procesije v narodni obleki samo ideju jeni za drugim.. lepo ih je videt.. nisu te kordunaške snahe za bacit.. dapače.. jedin malo tu odudaraju ti nijhovi klempavi muži.. no pa škrlak popravi dojam... ha ....
Evo.. i spredi Prvostolnice su zašpilali najmlajši.. ha..pogleč.. najmajnšem su dali najvekšu tamburu.. noo.. bu mladi človek več zrasel .. A naokol se nakupilo turistof.. oneh žutaka z očima všrek i samo šklocaju z aparatlinima i fort bežiju na šekret tam iza stare kule.. pa se vračaju z šekreta z punim flašičkama vode.. Aha.. buju si nekaj pri nami zašparali na vodi.. Nek si pri sebi domof probaju požlopat vodu z pipe..... jebal ih vrag škrti ...
Haha.. dopale im se naše domače jagode.. Gledim ja te žutake kak nosiju dve velke gajbe teh jagoda..pa si vse gruntam kaj buju zdaj z tim.. pa nemre to vleči v rukama po celomu Gradu kam ih pelaju ... Ti vrapca.. seli su se na klupu tam pokraj Prvostolnice i..... pojeli vse z te dve gajbe..onak neoprano.. a jen mužki med njima je pojel i vse one zelene peteljke... Jee.. paše ljudima ... morti se i zasereju negdi uzput...ha ....
A prijepodne prolazi.. sunčeko se pentra vse višlje.. penzijonerci se pomalo sakuplaju po klupama.. kafiči su vse bolše natiskani.. a mladi se zagrleni španciraju ... eeeh.. kaj ti je proletje v najlepšem gradu na svetu ..
I dok se Bubi polahko drma čez Ilicu i pela dječicu.. i ja se još polakše španciram prema domof.. Subota je.. a to se podrazumjeva da me bu v Kustošiji negdo zabremzal spred brtije pri Mađarici.. .. moji pajdaši i susedi Cajger i Špengler več se pomalo v to doba dana zibaju za šankom.. još im samo fali koja moja runda da začnjeu popevati..
Serbus ..............
ZAFRKANCIJA * * #
... kipeci za smejaaati .......
petak, 22.04.2016.
Si ga videl.. taj je ziher prek Save peške došel ....
Bogmeš se nekakšnoj živini smrknulo dok je oni ajncug naređen...ha .....
Je..a kaj... prijeti se posla il platiti kakšnem fušeru..
Haha.. more bit da mu je zagorelo v jajcima jer je pol Grada oblepil ....
Čist lepa brtija.. a nutar su drvene klupe z starih drvenih vagona ... Čim se sedneš..čim se sedneš ...............
Zgledi da je zaprto.. ha..kakšne su negdi to bile stjuardese...ha ....
Paaa i ni baš veselo.. čim sam ga na kipec del..zišel je van nekakšni mulec z mustačima i začel kričat da slikanje ni dopušteno...
Ha..aha.. Grintavec je svoju vulicu dobil.. Kaj bu na to rekel Štefek z Međimorja ......ha ...
Hmmm.. to mora bit za takšne kakšni sam ja.. moram jemput sprobat.. pe gdo zmenom..ha ...
I kak bi to človek mogel zgruntat.. il ne valja..il je preveć dobro.. kajkafci me buju razmeli ... ha..
Vse je vredu.. železni plot.. gitre.. moreš ponoret kak hočeš ...
Serbus .............
ZAFRKANCIJA * * #
ZAFRKANCIJA * * #
Špancirancije......
srijeda, 20.04.2016.
Denes mi je neki vrag prišapnul da zidem z trajvana dol na Malom Placu.. I samo kaj sam nogu zpustil na asfalt.. več me dograbil jen moj davnašnji poznanik.. Joooj..pa gde.. pa nis te videl sto let...pa jebate kaj si se zdebljal.. pa kam ti je kosa prešla.. kak familja.. fukaš kaj prekovremeno.... i takšni bedastih sto pitanja mam na prvem koraku.. Znaš.. nekima se poznanikima človek more fest obradovat ak ih ni dugo videl..a bogmeš od nekih bi najrajši pobegel i skril se v kakšnem haustoru..No.. of put nis stigel skriti se jer me vlovil hitro kak muhu.. Se razme.. nebuš stajal na vulici i razpredal o fukanju izvan radnog vremena..ha .. al človeku moram razjasnit gde mi je kosa.. kak mi je v penziji.. čime se bavim.. I čim ja nekaj zgovorim več on postavlja tri nova pitanja.. Maaa.. inače teg ..dobreg.. človeka nigdo baš ni imel rad baš stoga kaj je mogel pripovedat kak nekakšna navita žlabrača.. Zapraf ja nit ne stignem odgovorit .. mam on sam pretpostavla kaj bi ja mogel kazat.. Kratko povedano.. išel mi je na žifce..al kaj.. zdržal sam nejgove tri kratke kavice i moje dve Nesice od vanilije.. I sva sreča zazvonil mi je mobitel.. zove me moja najdraža..onak brez veze..tekar da zna da sam žif..a ja sam to skoristil i kazal ovem brblavom da hitro moram nekam prejti.. Uuuuh.. Bok..Bok.. prešel je ...
A kak je taj žlabravec prešel spram Trgača..ja sam odlučil ne iti na tu stran..kakšne sam sreče pak ga bum susrel..ha .. Pa sam se sprešetal po placu malo gledel.. i nekaj malo kupil.. glavicu šalate.. pušlek rotkvice.. i sebi za moje personalne potrebe.. frtal kile cveba.. Znaš..fest rad imam cvebe.. lepo si nafčer gda se zavaljam v moju fotelju spred televizije.. zemem v krilo piksu z cvebama i onda jenu po jenu guštam .. Malo sam obišel Britanac.. vse je na svom mestu.. fala Bogu nisu ga začeli obnavlati kak su najavili.. bolše da ostane takšni stari ofucani kakšni je več sto let neg da ga unakaziju kak su i Kvaternjak .. Pa i gruntam da je moje vreme potrošeno i da bi mogel nazaj domof.. Baš i nis bogznakaj razpoložen za štrapaciranje......
I dok gledim gda bu trajvan prišel.. maa.. fučkaš trajvan.. daj pogleč kaj ti je zagrebačka ljepota.. Istini za volju.. malo se ztisnula.. valjda ni računala da denes vani i ni preveć toplo..al lepo ju je videt.. Več sam požalil kaj vruki držim vrečku z šalatom.. drugač bi se zaputil za njom.. svakak je lepše gledeti v te nogice neg naletavat na frfljave poznanike..ha ..........
I tak sam jen trajvan propustil dok sam gledel za onim angelekom.. zdaj čekam drugi.. pomalo zdihavlem i pitam se zakaj ja imam tolko leta kolko imam.. jer meni opče tolka nisu potrebna.. No.. nigdo me ne pita kaj ja trebam il ne trebam....a vura se vrti.. vrti ..vrti .......jebal ju vrag ......
Serbus ....
ZAFRKANCIJA * * #
potraži me u predgrađu .......
utorak, 19.04.2016.
Nikak ni vreme za nekakšno španciranje.. dež se je nacurel i znočka i prijepodneva.. a ja sam skoristil vreme dok gumeni meštar spromeni gume na mojem avteku .. a kak nigdar nisi mam na redu.. veli meštar da dojdem za pol vure.. i prešel sam malo pogledeti naokol.. Istini za volju..onak hitro kak da me tri pandura ganjaju a ne oblaki na nebu ...ha ....
A kak se najbolši meštri navek najdeju v predgrađima.. il kak ja rad velim.. na periferiji.. tak sam i ja doplazil na periferiju.. Mam sam zašel med velke nebodere.. solitere.. i se vidi da su tu več dugačkih let.. Pohabani.. z goleg betona naređeni.. visoki i natrpani kak pčelinjak.. Nikak si ja nemrem zgruntat kak bi se ja tu snašel.. ti vrapca.. pa ni čudo kaj se ljudi hičeju z takšnih škatula ...ha.....
Al sam zapazil da još navek v tem delu Grada ima največ zelenjave od vsih drugih naselja .. Ima tu livada.. šume.. parkova.. a vse lepo sređeno i vređeno.. klupica kolko voliš..hmmm.. makar tu nit jena klupa ni baš dobra za hmm.. one stvari delat.. Maaa.. klupa kak klupa..al je naokol tak vse razsvetleno.. a kaj da ti velim.......
I asfaltiranih puti i staza kolko voliš.. na vse strane.. paaa.. baš se nemrem nafalit kolko sam lepih ženskih tu susrel.. al nit vreme ni za španciranje pa su ovdašnje lepotice ziher negdi drugde.... A ja bum se malo požuril jer nekakšni črni oblak kesi zube odzgor.........
Kak sam i rekel.. na vsakem koraku ima dečjih igrališta.. ti vrapca.. celi dvorci su tu.. Škoda kaj ni lepo vreme.. ziher bi se dalo videt zgodnih mladih mamica.. guvernanti.. a morti i koja dobrozgledeča bakica..ha ...
Aha.. evo i živih ljudi.. ova dva penzijonerca su si lepo pobrisali stola i kolko sam čul.. lupaju po šnapsu.. to denes malo gdo još špila..osim malo stareše generacije .. Došlo mi je da ih pitam dal trebaju tretoga..al me ovi jen pogledel .. ti vrapca ..zgledi kak da je z Alkatraza zišel .... Mi je bistro da ljudi nemaju rad gda ih se na kipece stavla.. Bežim dok ni dojurila kakšna domača Kozanostra ...
Evo.. i plac sam pronašel.. ni nit slično Dolcu il Trešnjevačkom..al ima vsega kaj ljudima treba.. I jedin sam tu videl malo više ljudi..Baš sam posebno zapazil da tu v kupovinu ideju največ mužki.. vrabec ga dal.. il su ovdašnje babe rospije il su mužki papučari.. Nekaj tu ne štima ... hmmm....
I taman oneh mojih pol vure kaj mi je gumeni meštar dal fore je prešlo i ja moram nazaj od kud sam sim i dolutal.. Videl sam da i tu ima na vsakem koraku kafiča.. terasa.. pekarnica..al nis baš pri cajtima za laufanje.. bum jemput sim došel to malo zbližeg pogledeti .. narafski i sprobati kaj ovdašnji domaći največ rad imaju.. se razme.. osim ženskih ...
I kak bi to bilo gda se človek na koncu ipak nebi barem malo razonodil..Istini za volju.. nit jena jedina ženska mi ni na dohvat došla.. nit sam se za kakšnom zgodnom curičkom imel prilike obrnut.. al je kmeni prišel jen...ha .. jedva je hodil.. meril je cestu kak da ga veter hiče.. nekaj je brundal i spominal se sam z sebom.. obrtal se i čudil i na koncu se v mene zagledel kak da je vmeni prepoznal Dalaj Lamu.. Pita me..a sline mu curiju.. i smrdi po gemištima kak stara bačva .. da jesam morti videl nejgof automobil.. veli da se negdi sparkiral pa zdaj nezna gdi .. Moral sam ga malo pridržati jer je skorom opal meni spred nogu.. pa mu pokušam objasnit da ja tu nis domaći i ne poznam parkirališta.. A tko si onda ti.. pita on mene i ziba se kak tulipan nan vetru.. A ja mu lepo odbrusim da sam ja obični pijanec.. Ha.. Gledi on mene ..ima oči mutne kak krepana riba.. i veli.. A tko sam onda ja ak si ti pijanec ...............
Serbus .........
ZAFRKANCIJA * * #
Lepi ti je Zagreb Grad .................
ponedjeljak, 18.04.2016.
...... za vse one koji čez naš lepi Zagreb Grad samo preletiju z kakšnim avtobusom z provincije..al trajvanom z periferije.. za vse one kaj nemaju cajta se špancirat..al im se špancirancija još ni zavlekla spod kože... za vse one kaj čekaju penziju pa buju onda plandrali čez najlepši grad na svetu.. za vse one koji su davnih dni zbegli v beli svet..pa si zdaj oduška tražiju na kipecima .. za vse one koji morti nigdar nebuju vidli svojeg Zagreba.. i na koncu za vse one kaj su se ščera dotepli..al se morti tekar buju ........ za vse ........................
A mene..stareg kojna moreš najti negdi zmed Medvedgrada i Save.. levo i desno na široko.. ja sem duh potepuh.. nigdar nemreš znat iza kojeg vugla bum zvirel .. pa vas vse skup lepo pozdravlam doklem se ne susretnemo..makar i slučajno...Ha .... Serbus ..........
ZAFRKANCIJA * * #
ZAFRKANCIJA * * #
zagrebački štikleci .......
četvrtak, 14.04.2016.
Ti vrapca gda se samo spomenem kak su babe jena drugoj šlogale z šaličke .. kaj vsega ni bilo v tem socu...ha..
haha... naivec ......
hmmm.. morti znaju i finu Nesicu od vanilije pripravit ....
i kak buš pokraj tega bezkarakterno prešel ...ha ...
a ja sam stal kak kandelaber i gledel za riđofkom ....ha ...
I tak dalše..i tak dalše .........
ZAFRKANCIJA * * #
piša mi se kak kojnu ......
srijeda, 13.04.2016.
Kak bilo da bilo..pekarnice su postale napast i spas.. A kaj.. odnavek se negde nekaj moglo kupit i strpat v želudec..onak.. na brzinu ... Viš.. negda dok sam još bil pravi fakin.. gda bi osetil da mi kruli v želucu.. zašel bi v štacun..Špeceraj.. i kupil kiflu..žemlju.. morti kakšnu Torticu ili Jadranku.. Ak je baš bila velka preša.. onda si tražil frtalj kruha i petnajst deka somerice i prosil trgofkinju da ti naredi sendvič.. Narafski.. za žeđu su onda bile samo brtije na razpolaganju..ha.. il Železni Franc z friškom zagrebačkom vodicom na kakšnom vuglecu...
I nakon kaj sam potpuno bezkarakterno pojel velki komad štrudle od jabuk..narafski.. z pekarnice.. prešel sam poiskat svojeg starog pajdaša..župnika Zvonka pri svetom Blažu.. za divno čudo mam sam ga našel v nejgovi kancelariji.. narafski.. mlada časna sedi za kompjutorom..a moj pajdaš diktira.. Ti vrapca.. kaj ti je denes bit župnik...ha .....
I tak smo nas dva.. on Božji človek.. ja vražji.. prešli v susedctvo ..v Kinoteku kod Brade i vsaki spili po dve Nesice od vanilije.. Se razme.. Božji človek nigdar ne plača.. no.. on i ja se znamo od gda je on bil Božji fakin .. kapelan pri Svetoj Mariji na Dolcu.. kasnejše me je vjenčal.. pa je moju djecu krstil.. a onda i njih vjenčal.. Ti vrapca..kak smo več stari ...ha ...
I onda sasvim polahko spodi mladog listja.. viš kak se lepo zeleni.. dan je lepi..sunčeko vse bolše grije..a meni se v želucu naredil nakakšni napoj od one štrudle i dve Nesice.. Baš si gruntam kak bi to trebalo nekak znečim popravit ...ha ....
I kak vse zgledi.. ipak bum prešel na trajvan..dost mi je španciranja.. a piša mi se kak kojnu..a nebi štel još jemput v brtiju prejti.. Bum zdržal do mojeg firtla a tam se več nekak laganejše najde zgodno drevo za nogu zdignut...ha .....
Serbus ..................
ZAFRKANCIJA * * #
maaa.. Ništ .....
utorak, 12.04.2016.
I gda zideš z trajvana dol na Frankopanski..mam te dočekaju bageri.. radniki z lopatami i krampima.. i narafski.. gdo drugi neg žutaki z očima fšrek.. Daj si pogleč kak ova ima falš zašraufane noge.. no.. bi človel čist z znatiželje to mogel pogledet malo zbližeg.............
Mam ti dojde muka v želucu.. pa su lajnskeg leta to vse sprekopali.. zmenili štreku i skretnice.. posložili novo kamenje.. i zad pak vse spočetka... Eee.. tak se trošiju penezi.. a morti buju na jesen pak ponovili ...ha ...
Bežim ja čez Mesničku.. pentram se po Griču bregu.. samom sebi velim.. aaa.. tu bu valjda malo mira i spokoja da si človek malo odahne od vsih tih bedarija kaj se spelavaju dole v nizini .. I vse je tu lepo i dobro..al.........
Čim sam dopuhal do zajdne lanterne na bregu.. pak nekaj zvrnda.. beči.. škripi i lupa... vrabec ga dal.. kaj je to zdaj... Imaš kaj videti.. Stari dobri Grič je još uvek razkopan.. pa se i dalše i bolše glibiko ruje.. Eeee.. žalostim se ja.. Makar su nam obečali tu lepog parka uredit.. ha.. težko da bu bolši neg je of bil zajdnih sto let.. Znaš.. nigdar več nebuju dečki zagrebečki tu pucice v kmici šlatali i snubili...Maa..daj samo malo...ha .. Nigdar več nebuju lepe pucice na ovem mestu prve kušlece dobile hmmm.. i svakaj drugeg.. Jeee.. vse se bu samo spominalo doklem bu još živih starih Purgerof ... a to nebu još dugo ...
Nit buju igda Gornjogradcki fakini španali nogač na dva mala za gajbu pive il litricu pri Starim krovima.. Aaa..tak.. nit nema več odavno na Gornjem Gradu fakina.. nit se na Vranicanjevom more driblat osim z pasjim drekima.. Je da je naš gradonačelnik..oni dotepenec z bregof.. tu naredil parka..al buš videl.. nebu to za dugo.. Tam spodi palače Hidrometeorološkog su nema dugo pod zemlju zakopali ogromnu trafo stanicu.. pa je još rupa otprta.. I se človek pita za kaj tu treba ta velka trafo stanica..ha..Pa se zna o i tome nekaj.. več dugo spametni i z đepima punim penez zmišlavaju kak bi na Vranicanjevom hotela zgradili.... pa gde ima dima tu je i ogenj...........
Več sto let of Srbijanec guti tu jadnu kaču.. narafski.. ni ju zagutil.. jebal ih vrag.. te komšije zbilam za nikaj nisu.. Praf za praf.. v našemu Gradu nit igdo zna gdo je teg mulca tu dal postavit nit se zna zakaj.. Sam ja to istražival..al nikaj.. veliju samo da se odjemput prek noči tu stvoril ........Pa kaj zdaj .. gdi je tu je ....
I stari Klovije..sam štel kazat.. Julije Klovič tu stoji i jedi se na oneg Srbijanca prek puta.. ha.. onaj barem sedi..a of se je več saf spigal od stajanja.. kak da trajvan čeka ...ha ...
Makar se z gimnazije Tituša Brezovačkog čuje galama.. videt ni nikoga.. A dole v podrumu.. navek v kmici plaziju štakori i miši.. pauki mreže pleteju.. al od starog Lapidarija nit traga ni ostalo.. Negdarnja..Lapizdarija je zaprta z železnim rešetkami i zašvasanim riglinom .. Kam su prešli oni lepi cajti gda smo tu v kmici čagali.. jezike si rivali i na koncu se zavlekli prek puta v stari napol zrušeni Jezuitcki samostan.. Eee.. to su posebne pripovetke .. Nema Lapizdarije.. nema samostana..zdaj su to Klovičevi dvori.. nema plesnjaka.. jebal ga vrag.. pa kaj zbilam vse lepo mora zginut kak da nigdar ni postojalo ...
Pa ti to vse skup nekak dojde težko pri srčeku.. i kak veli narod da tugu treba vtopit.. pa sam si ja sel v pivnicu Medvedgrad i mam zlijal kriglu Črne Kraljice čez požirak.. I kak je jedna kak nijedna.. pa sam i drugu pomalo guštal... Dobra stara Tkalča se budi.. konobari stolce slažeju.. bil bu lepi dan .......
Z druge strane Duga je vulica skroznaskroz razkopana..pogleč.. nit muha sim nemre zajti.. bum ti rekel.. ništ me ne veseli.. moglo je i brez teg.. no se dobro zna da se tak najlagše penezi potrošiju.. nekaj na preslagivanje kamenih kocki..a nekaj nekomu v žep .. A turisti naokol blaziju.. čudiju se.. ništ im ni bistro.. glediju v svoje karte..jebal ga vrag... ne ............
Tak me vrag nosi sim pa tam.. ionak mi je svejeno.. španciram..štrapaciram.. cipelcugiram.. i vse se bolše žalostim gda gledim kaj to vse bilmezi delaju z mojega Grada.. No.. požalit se nemam komu.. hmmm.. jedin morti kelnerici Zdenki pri Kavaliru na Trgaču .... ..
Serbus .......................
ZAFRKANCIJA * * #
zbilam svakaj .....
subota, 09.04.2016.
I dok se moj pajdaš Štrudla i ja polahko zpuštamo od Trgača spram Malog Placa..najemput se Štrudla vrne par korakof i zagledi v zid v haustoru.. Stane i nemre se načudit.. vse se snebiva kaj to je...
- A kaj se čudiš.. kaj nisi nigdar videl reklamu...
- Kaj je to reklama..a za kaj....
- Paa.. v dvorištu je Salon za ulepšavanje..
- Aha.. razmem..al zakaj ženska ima nasapunatu bradu ...
- Kaj nisi nigdar čul da se i ženske brijeju..
- Maaa.. je..al to su rjetke ...
- Baš i nisu.. svaka druga ...
- Kaaaj.. si ponorel.. pa bi po vulici hodale zaraštene...
- Jezušek..kakšni si ti bedak.. pa dole se brijeju..tam.. razmeš...
- Aaaaaaa.. aha.. a zakaj onda ima bradu nasapunatu ...
- Pa kak bi zgledelo da je tu na zidu narisana nasapunata pizda .....
ZAFRKANCIJA * * #
dežek..dežek..a gdo ti je krif kaj si opal ...
petak, 08.04.2016.
Ha..hmmm...pa spet.. Hmmm..ha ... pogleč kak je to vjutro zgledelo tam v moji provinciji.. Nikaj lepoga ti oblaki ne obečavaju.. A ja haha.. proljetni mulec..narafski.. na vulici brez ambrele.. Kaj če mi ..velim ja samo sebi.. ziher nebu nikaj škropilo dok sam ja vani.... hmmm..naivec...ha ...
Pa vse polahko i čekam da mi kakšna kaplica tufne na tikvu..a nit šiltericu nis zel.. z bosom tikvom sam zišel na vulicu.. Zaboravil si kišobran.. kriči Cajgerica čez oblok za menom.. Nis..nis.. kaj če mi..pa ja sam narodni heroj.. takvim dež nikaj nemre.. otpovrnem ja al ipak gledim v nebo.. A gdi je Cajger.. pitam ja.. a ona odbrusi kak zašlajfana britva.. A kaj pitaš kad znaš ... Ha.. narafski da znam.. Cajger je več v brtiji pri Mađarici i čez izlog halta kakšne poznate kaj se nebi morti prešvercali a da se ne ispovediju i pričestiju .. Pa i ja vse gledim kak bi zbrisal nezapažen ... baš mi se i neče nalevati z pelinkofcem.. nekak denes nis razpoložen za šank avanture... 
I samo kaj sam uspel zbegnut izviđače pri Mađarici.. dež je začel cureti.. prvo dve kaplice..pa tri.. pet.. Zdaj je došla velka dilema.. dal se hitro ftrpati v trajvan pa na Trgaču kupiti trinajstu po redu ambrelu pri Ciganu za petnaest kuna...al se vrnut i bit zaroblen i zaprt v brtiji pri Mađarici.. Narafski.. to zapiranje se mam kažnjava i vse skup bu na koncu u sto kunica..ha.. najmajnše.. vse ovisi kak bu dugo dež curel ... I naj me nikaj pitat.. v brtiji je Cajger več bil na svoji.. se reče.. poziciji.. i smije mi se kak stekli..kriči..Videl sam te..videl kak si hitro prešel..al sam videl i da nemaš ambrelu i da se buš za kratko vrnul.. Jebal ga vrag vurmaherski.. dobro je prognoziral..
Serbus .................
ZAFRKANCIJA * * #
čez..provinciju .....
četvrtak, 07.04.2016.
Nekak mi se ni štelo denes nikam po Gradu laufati..koji put mi tak dojde da se najrajši nebi z svoje fotelje zvlekel ... Al kriči moja najdraža da se moram gibati poradi cirkulacije.. Pa gda je tak.. lepo sam obul tenisice.. makar ih nemam rad.. ipak sam ja z fine hiže došel.. i odlučil odbežati jenu turu okol moje provincije ...aaah ... 
I gda sam se lepo pozdravil z patkicama v potoku Črnomercu.. jedin je preostalo pentrati se po bregima.. pa spodi razcvetanih jorgovana v Topnički vulici...
Dalše čez vražju strminu vulice Dražice pokraj još dobrodržećih magnolija....
Zidem van na vulicu Svetoga Duha.. V samostanu još valjda debelo spiju.. pa ja vse potiho bežim na prstima kak balerina..a onda pokraj mene zagrmi nekakšni bedak na motorkotaču da je tulelo kak da Apolo aterira...
I pri cirkvi Svetog Tončeka Padovanskog je mirno.. jedin oni kaj mu veliju..laik.. z metlom lamače naokol...i sumnjivo gledi kaj ja to na kipece slažem.. morti sam mu zgledel kak muđahedin...ha ...
Hmmm.. kam zdaj dalše.. nekak mi zgledi da sam premalo bežal.. jebal ga vrag.. više nemreš zajti na pošteno razkrižje i odabrat kam buš išel.. to ti se zdaj nazivlje..kružni tok.. Pa zdaj ja kak norc bežim naokol.. jedva sam se zvlekel .....
Kolko sam put tu stal i gledel tu staru palaču.. kak tu domaći stari pripovedaju.. nekakšni Mađarski grof je ovo tu dal zidati za svoju.. šocu.. Ti vrapca.. ta mora da je imela zlatne dlake..tam.. me razmeš .. Denes je to kakti državna hiža v koji stanuju obični ljudi.. Pa se več dugo pripoveda da buju tu zapuštenu ljepotu porušili i zidali nekakšni hotel .. Znaš.. velka je hospitalija v blizini.. nekomu se penezi fest vidiju ... Ha.. dobro je dok se samo pripoveda.. nek ta palača stoji još stotin let ..
Viš tu sam hitro prebežal i skril se na Kuniščak med dreva v sencu .. Ono kaj se tam vidi..ha..to je CIA..žbiri.. detektivi.. agenti..i druge sumnjive persone..znaš.. ni dopušteno kipece delat ...ak me vlovi.. bum splatil vraga ...ha ...
I tak sam brže bolše prebežal vse do cirkvenih vlasti..ak me gdo bude naganjal..mam bum zbegel tu nutra.. Istini za volju.. več sam par put gledel.. nema tu ženskih.. vse sami nekakšni mlitavi đaki.. Ha.. viš kakšni portal imaju.. vredi više neg celi jen trajvan ..I tak dalše čez Domobransku vulicu .....
Bormeš se ovo proletje fest razkuražilo.. v neka dalša vremena ni se tak razlistalo nit v Svibnju..a pogleč denes.. več je debela senca spodi kostajna.. a i začeli su zvirati pupi.. No.. pa sam i ja malo zabremzal.. dost je bilo bežanja.. zdaj se več pomalo vlečem kak gusjenica ... Jezušek..kak mi je vruče za noge v tim tenisicama.. mi ih je kupila kčerka..kakti su kožnate pa su zdrave...maaa..kaj god.. nema do poštene cipeliše... 
Uuuuuuh.. konačno..se reče..civilizacija.. Jebeš vse te brege i celu tu moju provinciju.. Zdaj sam za kakšno dugše vreme z tim miran.. od zutra pak postanem gradcki človek .. Evo.. kak žedna deva se vlečem v As .. narafski.. Žuja me čeka.. lepa mrzla flašička z plavom etiketom ..ha ..kužiš..kaj ne ..
Serbus .....................
ZAFRKANCIJA * * #
Špancirancije ....
srijeda, 06.04.2016.
Jen falaček sunčeka obasjava moj dragi Zagreb.. a ja bum se još malo potepal naokol.. Čuj.. došel sam sim po medenjake.. vredne Slavonke tu prodajeju finih domačih kolačof..al ja nekak najrajši imam te medenjake.. Odnavek sam ih volel.. porineš ga v gubec.. pa se prvo vanilin cukor raztopi.. i onda se malo po malo celi medenjak zalepi za gebis...ha ... No.. nemam ja još gebisa pa problema ni.. lepo zube obližeš z jezikom i hmmm.. dobro je znečim malo oprati.. bumo rekli z ..Žujom ...ha ........
Još koju rundu se prepelat i več bu kmica.. A of z tim avtomobilom.. maa.. ni to baš po Zagrebački.. al kaj gda Zagrepčanci neznaju nekaj drugo zgruntat.. Ja bi.. na primer.. dobro platil onem z Gradcke Čistoče.. znaš.. oni Međimurci.. su kak biki jaki.. no.. pa bi na oneg trociklina smetlarskog del spreda fotelju i pelal turiste naokol.. Bi to bila velka domača ..se reče.. atrakcija.. a bi si još nekaj malo doslužili i čistači.. Al kaj.. mene nigdo ne pita.. maaa. bi ja i v tačkama pelal one sitne Japaneze z očima fšrek.. Viš ..ti žutaki imaju pri sebi domof one ..rikše.. a mi neznamo kotače praf zkoristit ...
Baš gledim često te naše štacune z suvenirima.. je da ima vsega i svačega.. no.. največ nekakšnih krpastih vrečka i lončeka.. kak bilo ..al to se slabo prodaje..il morti turisti slabu kupujeju.. na isto dojde.. Evo.. več sam tu pol vure.. ljudi dojdu ..glediju.. pipaju.. obrčeju..i onda.. prejde da ništ ni kupil.. To ni vredu.. Al ja pak velim da mi neznamo ponudu priredit.. Zmed ostalog.. ja bi tu ponudil kak atrakciju.. kurtone.. z grbom našeg Zagreba.. i velkim slovima oglasil.. Kaj se zdaj smiješ.. ja to ozbilno tak pripovedam.. Videl sam ja v Avstriji jemput na nekakšnom taki gradckom sajmištu v Gracu.. tam na Marijen Placu.. mlada ženska v Tirolski obleki je prodavala zmed ostalog i ..kurtone.. A na kurtonima je bila narisana ..bazuka.. ha .. bi se reklo..raketni bacač... I kaj bolše navlečeš teg gumenog to je ta bazuka vekša.. pa ti vse skup zgledi nekak vekše...ha .........
Pa kaj ja fort pripovedam kaj je to zapraf..Zagreb.. a kaj je periferija a kaj provincija.. I prosim lepo.. evo.. se reče.. korpus delikti.. Tu se lepo vidi kak Zagreb zapraf zgledi.. od kud do kam.. Ti vrapca.. pa gda ja velim da je vse posle Kvaternjaka periferija.. a Maksimir i ostalo provincija..onda se na mene jediju kak da sam najgorši heretik.. Maaa.. razmem ja da se naš Zagreb razvlekel kak tijesto za štrudlu.. eee.. pa onda nek se ti periferijaši i provincijalci lepo ideju žalit onem koji je tu celomu svetu prikazal kaj je to Zagreb .. Dok tak nebu.. ja sam v pravu i ...šlus ...
Serbus .....................
ZAFRKANCIJA * * #
vedute velegrada ........
utorak, 05.04.2016.
I več pri smiraju dana.. profesor glazbe Miljenko i Ja smo si kak pravi stari pajdaši zapopevali..Zrinskog.. znaš onu.. U boj..U boj .. doduše mačeve nismo zvlekli z toka.. nebi baš bilo zgodno tu spodi Prvostolnice..ha .. Drugač pa proletje je navelko prihajalo.. još pred tri dni su jedva pomalo pupi na drevima i cvetju žmigali spram sunčeka..a denes glediju širom otprtih očiju.. I tak sam ja moral v friški špancir jer nis mogel nikomu podvalit slikice stare tri dni...haha.. No mi ni težko po mojem Zagrebu hoditi.. pa sam več od jutra začel na jenom kraju.. i zvečera svršil na drugem.. Uzput zbavil posle.. susrel pajdaše.. posetil poznate brtije.. hodil starim putima.. a aparatlin mi se vse spregrijal od velkog posla...ha .. Velim ja.. splati se prejti čez naš lepi Grad.. pa malo polagše hoditi i hitit kakšni pogled na te lepote.. Znaš.. stanem se ja negde v šturc pa gledim ljude.. ideju kak oni zombiji.. malo gdo zabremza i divi se.. Jee.. tak ti je to.. nema se više vremena ni za kaj .. a gdo bi se još i na lepotu obaziral.. Moram ti kazat da su i naše najlepše Zagrepčanke zišle van pa več pomalo paradiraju v bluzicami..najde se i koja z kratkim rukavima.. ti vrapca ..a one mlajše su bogmeš denes svlekle i te.. od vraga zmišlene hulahopke..ha .. Samo neka.. ja tak rad gledim ženske po cesti.. more bit da imam ispod glave v vratu kuglagera pa fort vrtim z tikvom kak koja projde.. Ha.. čuješ.. celu zimu smo bili zakinuti .. a zdaj.. eee.. još da mi se nekak rešit tih leta kaj su mi na grbači...ha .. Razmeš.. gledim ja na vulici žensku.. komad babe.. a i ona hiti na mene pogled.. al kaj.. mam ja skužim da je ona mene pogledela jednak kak da bi i kandelaber vidla.. I tak si onda samo gruntam..kak bi bilo gda bi bilo..ha .. No.. človek si lahko nadomesti ono kaj mu se priželjkuje.. haha..čim naidem na pekarnicu i brtiju.. mam ti je nekak lakše.. Vreme leti.. cajti bežiju kak nori.. dan mi je sprešel kak da sedim na raketlinu.... Ni pošteno..........
Serbus .........................
ZAFRKANCIJA * * #
pak Promocija ........
subota, 02.04.2016.
Vrabec ga dal... v petak se takšno vreme potrefilo da je malo falelo kaj bi zjeval kak pes..od vručine.. I to od jutra pa vse do kasno zvečer.. Dobro veliju oni spametni prognostičari da bu oveg leta bilo vsega za snebivat se.. i da bu dež curel kak v Vijetnamu.. da buju velke žege kak v Libiji.. da buju orkani puhali kak na Karibima.. da bu poplava i suše.. jebal ga vrag.. kak da se of svet sprevrnul.. Ha..ak nikaj drugo..makar bu interesantno.. Baš gledim denes po Zagrebu.. hodiju ljudi v kratkim rukavima.. a ima i oneh kaj još vlečeju zimsku obleku.. pa vse skup smešno za videt.. I ja sam denes oblekel črnu obleku.. odjelo.. črnu rubaču.. letnje cipeleliše i španciram kak kakšni študent .. haha.. nekak sam se samom sebi fest dopal ........
Praf za praf.. zrihtal sam se za posebnu priliku.. znaš.. pem na promociju libre Štefeka z Međimorja... Ha.. a kak na tim promocijama navek ima nejveč ženskih.. ni na odmet se malo pririhtat...kaj ne ... I tak ti je ta promocija najavlena po Štefeku z Međimorja v Gajevi vulici na broju dva... Stojim ja spred hiže.. al kaj..tu je i pekarnica Dubravica.. I makar ja preferiram oneg Pimpeka.. vse me nekaj vleče nutra.. Fučkaš promociju.. gruntam si ja.. pem si pojesti nekaj slanog..pa nadodat nekaj slatkog.. i onda ..se razme.. na Trgač pri Kavaliru pivicu spiti.. A Štefek nek se promovira i brez mene.. Hmmm.. pa ipak sam ja ozbiljni človek.. sam Štefeku obečal da bum došel ..i kaj zdaj.. Ništ.. zašel sam na broju dva v haustor.. al .. jebal ga vrag.. nigde ništ ne piše da su tu kakšni Međimurci.. Gledim zvonca na vratima.. nit tu nikaj ne piše.. A hiža ima pet katova.. I taman ja dojdem do prveg kata gda od zgor ideju tri ženske a jena od njih kune na saf glas zmotane Međimurce.. Ja pristojno pardoniram tri gracije i pitam dal one kak i ja iščeju te Međimurce.. Je..je.. vrag ih nosi.. sprešle smo do tavana a Međimurcih tu nema.. veli jedna sva črlena od ljutine.. zapraf.. tri gracije imaju skup skorom tristo let..razmeš.. pa se pentrat do petog kata.. A kaj je od vsega najlepše.. lift postoji..al ne dela.. krepan skroz na skroz..
Baš dobro.. gruntam si ja.. da nis njih susrel na prvem katu i ja bi se pentral do tavana.. Ništ.. velim ja ženskama da pemo iskat na drugi ulaz.. znam ja da ima jedan znutra v Pasažu .. Pak mi nutra.. i mam nas dočekaju štenge.. i još dve dame koje se vrtiju okol poštanskih kištrica.. Kaj iščete.. pitam ja.. Veli jena.. Zavičajni klub Međimurcof... Aha. i mi takaj.. velim ja i skup čitamo imena na zvoncima.. Zdaj nas je več šest koji iščemo te Međimurce.. a blizu je sedma vura zvečer gda ta Štefekova špelancija treba začeti ... Narafski.. nigde nismo vidli nikakšne Međimurce.. Hočeju ženske odustat i prejti al se ja dosjetim da je i treti haustor malo spodi pekarnice... To je takaj broj dva..ali ima dodatak..A ... znači 2a .. Vodim ja ženske kak Mojsije.. jedva se vlečeju..aaaah. ta mladost.. i stanemo spred haustora.. Vrabec ga dal.. mam se lepo vidi da na zvoncu piše Međimurci ... Evo.. tu smo velim ja.. zajdemo na štenge i več se čuje galama odzgor.. Međimurci galamiju kak stekli ...
No..ak sam si gruntal da je vse zdaj vredu.. sam se sprešel.. Međimurce smo našli.. i vse je več tak puno ljudi da se jedva provlačim čez ganjek... Si videl.. velim ja samom sebi.. kolko Međimurcih v Zagrebu ima... sva sila.. Našel sam nekakšni ofucani stolec.. taj je jedini bil prazni..i sednem se pokraj jene ženske.. prafzapraf.. posvud su okol mene ženske.. vse puca od mladosti.. nit jena nema majnše od šezdeset..samo više i fajn više..ha .. Pitam jenu.. Čujte gospica.. a gdo je taj Štefek .. znate još ga nis vpoznal .. Neznam ni ja.. odgovori ženska.. a isto tak i vse druge okol mene slegneju z ramenima.. Hmmm.. znači moram ipak ja personalno v potragu za tim Štefekom.. Ha.. z takšnom odlukom sam i pesudil onem jedinom praznom stolcu.. Pitam človeka na ganjku.. Prosim lepo .. a gdo je Štefek.. Gledi me človek i zlegne z ramenima.. veli nek pitam v kancelariji.. A v tem sobičku sedi nekakšni velki človek.. mi bolše sliči na kakšneg Crnogorca neg na Međimurca.. I pitam nejga da gdo je tu Štefek... Al pita on mene.. Koji Štefek.. Zdaj se ja čudim..Kak koji Štefek.. pa kolko Štefekof denes tu svoju libru predctavla pitam ja teg velkog.. Aaaa.. valjda vi tražite autora knjige.. važno se dosetil taj velki.. Je..je.. baš teg iščem.. saf sretan ja odbrusim.. Evooo.. onaj tam s bradicom.. pokazuje meni človek... A gužvancija vse bolša.. ljudi navalili kak da je pol Međimorja sim dohajbalo.. jedva se človek provleče v tem malom prostoru..
I tak.. našel sam Štefeka.. koji nije Štefek..al je Štefek samo v svoji libri ... ha.. kužiš... No dobro.. lepo smo se na dva časeka vpoznali .. Štefek koji nije Štefek ima velkog posla da ljude porazmjesti.. nekakšne ženske mu pomažeju.. bi ja rekel da više smetaju neg pomažeju.. al tak ti je to navek z ženskami.. I dok su porihtali stole stolce mikrofone i vse ostalo.. začela je....Promocija....
Kaj da ti velim.. pa si valjda bil na kakšni promociji.. Lepo su poštivanom publikumu prectavili teg Štefeka koji nije Štefek.. pa su onda čitali z libre doživlaje mladog Štefeka koji ni Štefek .. pa je onda Štefek koji ni Štefek z svojom bandom odsviral i popeval lepe stare domače popefke .... Za to vreme je stigla i moja pajdašica Čuvarica z pinklecom.. i dovlekla još jenu pajdašicu.. vsi skup nismo imeli kam sesti.. pa smo z ganjka slušali jer se videt ni moglo.. ja sam porinul iza vugla aparatlin i probal nekaj na kipeca deti .. pa su ljudi tu odpozadi začeli zdihavati jer im je ponestalo lufta.. negdo je probal odpreti obloka..al ni išlo.. Ha.. malo smo još posluhnuli a ja sam čvrsto odlučil pobegnut v brtiju.. pa su se i moje pajdašice složile zmenom i lepo smo si seli na Trgaču pri Kavaliru.. Prafzapraf.. na Promociji smo propustili probat kolače i kakšnu kaplicu.. al kaj.. ni važno.. bumo več negde vlovili teg Štefeka koji nije Štefek i zvurclali kakšnu rundu od nejga...ha ....
Malo sam si poklafral pri Kavaliru z mojim pajdašicami.. one su prešle domof.. zapraf neznam kam su dalše prešle.. a ja sam ostal još malo blazit naokol.. Grad je bil pun ljudi.. vani toplo kak da je Lipanj.. Čak sam odustal od trajvana i lepo polahko z noge na nogu pokraj svetlečih izlogof se zaputil domof ...
Serbus ......................
ZAFRKANCIJA * * #
