fort jednak..majnše..vekše....

četvrtak, 31.08.2017.

baš tak...vsaki dan nekak je jednak onem prošlom... da začne z Nesicom od vanilije to se podrazumjeva... da se pri tom sedi v brtiji... a kak drugač... gdo pri hiži pije Nesicu... da buš pri tom dočekal pajdaša kaj se je najavil... to je velko pitanje jer ak ga nebu za pet minut... nek se fučka... sledeča štacija je kod Kavalira pa nek se malo prešpancira...

i dok z jedne strane žlabra vodoskok .....

z druge strane štropoču trajvani... praf zapraf... ovo tu ni baš dobro mesto za zestanke... pogotovo kaj je tu gdi ja sedim samo terasa... a kafič je dole v podrumu... i dok dočekaš konobara da ti zeme naruđbu projde deset minut... pa onda on prejde v podrum naloga dati... pa v međuvremenu z podruma prinese još dve naruđbe od prije za drugi stol... pa spet prejde po onim silnim štengama v podrum po moju Nesicu...vse skup traje više od pol vure... nedaj Bogek da si morti fest žedan sim došel... ti vrapca...pa zgeknul buš prije neg bi došel do gutlaja mrzle Žuje... Fučkaš to tu .........

na moje zadovolstvo pajdaš kasni... pa se ja lepo zaputim spram dobrog starog Trgača... tam pri kavaliru ne veliš do kraja dobar dan...a več je nasmješena kelnerica pred menom i pita...Nesica il Žuja ... eee... to ja nazivlem mojom kancelarijom .....

veli onaj zmotani Vakula na televiziji da bu još denes fest vruče...a zutra dolaze velke promene... dež bu curel... ti vrapca... kak da je to nekaj posebnog... čak se više nit selaki preveć ne veseliju tome... ionak je suša vse poharala... al srećom da hmelj dolazi z Holandije pa nebu zmajnkalo za Žuju delat... a ječam raste pri nam i dok je suša............................

baš je dobro tu v senci starih platana... lepo ja velim... to kaj je Zrinjevac... tega na ovem svetu ni... a Zrinjevac je v Zagrebu... i to je lepa kombinacija...malo si sednem na klupu više onak poradi tradicije neg potrebe... a lepe ženskice prolaziju... maaa... nema do Zagrepčanki ............

vrabec ga dal... denes sam zbog pajdaša zmenil svoj dnevni red... kasnejše sam prešel od domof... skorom bu jedanajsta vura prijepodneva... hmmm... ak zračunam dve Nesice i barem dve Žuje pri Kavaliru...več bu i jena vura posle podneva... hmmm... obed bu kasno a Pimpek je mam tu na jen korak ...ha..........................

neki dan sam spazil jenu zgodnu mladu... obrnul se za njom... a nejzine gače skup z črlenim šosekom su se zavlekli v nejzinu guzicu... denes pa nova situacija... pa se onda negdo zapita da kaj blejim kak da nigdar nis videl žensku... Jesam...narafski... fort ih gledim... al ne vidiš vsaki dan kak i pipica more pojesti kikljicu... Jezušek... skor sam začel natraški trčati da dugše morem od spreda gledeti ....ha .....................

Serbus ..................................

tak mi dojde ...pa me projde .........

utorak, 29.08.2017.

i makar se je ščera zlijala voda z neba... ni denes vjutro nikaj bolše...dok si v senci još kak tak... a čim zajdeš pod lampu začneš se švicat................

i tak sam se dovlekel do sim... nebuš mi veroval ak tim velim da nemam pojma zakaj sam tu... sam sam se najemput tu našel ..........

razmeš... tu voda klokoče...šumi...pa se človeku vse zmeša v tikvi... i onda neznaš dal bi slušal vodu il glas zdraveg razuma koji veli da je tu na tri koraka brtija... debela senca... stolec za sesti si i zpružiti noge... se razme... več mi miriši Nesica od vanilije ......................

i dok si tak lepo zasluženo odmaram noge... gledim tam prek vulice tu pohabanu palaču... pa nikaj čudnovato kaj je pohabana i derutna... nutra su čak dva ministarstva... negdar v neka dalka vremena tu dole v prizemlu je bila velka rastavracija... Risnjak... brtija z dugačkim aluminijskim šankom... no... brtija kak brtija... al je pipničarka bila nekaj ekstra... Đurđa se zvala... tak ženska onak srednjih leta al za videt i zapamtit si... imela je cice valjda broj osam... i ni nosila brushaltera... ta su dva brega tak ravno strčala da si na njima mogel slobodno držati punu čašu z gemištom a da se nit kaplica ne razlije ... Drugač pa ženska je bila rastavlena... razpuštenica... i to je znala itekak dobro skoristit... drugim rječima... lahko se bilo znjom sporazumet okol teh ciceka i ostalog... mam pozadi šanka je bila mala kakti špajza... nutra ofucani otoman... i kaj da človek dalše pripoveda... Đurđa ni bila bahata i razmela je svačiju volju... i tak smo jemput mi fakini odlučili...maaaa... bum o tem drugi put .................................

i dok se tak spominam teh prešlih cajti... najemput sam tu pokraj teg kamenitog korita... mu veliju vodoskok makar voda skače da bi ja bolše i višlje scal .... morem ti kazat da je to jedina fontana v našemu lepom Zagrebu koja na nikaj ni slična...kak korito za pajceke ..........................

kak sam i rekel... nigdo nema poštovanja za tu fontanu...evo... človek je odlučil gume na biciklinu oprati... i gda je zgotovil još je i debelo hračnul nutra... pred mesec dni je došla cela čerga malih cigana i tu su se kupali kak da su na Azurnoj obali...narafski... negdo je pozval pandure... al daj ti cigana vlovi...ha ........................

malo sam si sel na te štenge baš fino hladi za guzicu... još da naide kakšni konobar z mrzlom Žujom...ha ...............................

Grad se vse bolše budi... se vidi da je konac Avgusta... pomalo ljudi zvireju na vulice... avtomobili pak brundaju... trajvani zvrndaju... zgotovleni su urlaubi... a još malo bu se sprešlo i đačko ferije... pak bu vse po starom ..............................

čuj... do sim sam došel z voljom... bogmeš mi se nazaj nekak nejde... a nit tu sedeti ni bogznakaj... zbilam neznam kaj to človeku kopa po riti pa navek mora nekam prejti... aaaa...kaj ti ja znam ................................

hmmm...v ovo doba znaju trajvani biti puni... hmmm... nikaj... pem ja polahko cipelcugom nazaj do Trgača... morti uzput naletim na kakšnog poznanika... poznanica je vse majnše... više ne laufaju naokol... domof čuvaju vnuke...ha ................

i tak čez vulicu nekakšne kraljice...pa na Hrvojevu... okol Križaničeve... na Draškovičevu... Boškovičevu... Zrinjevac...Praškom do Trgača i drito na broj 15 kod Kavalira na mrzlu Ožujsku.... je..sam štel kazat da je nekdašnji med najpoznatejšim gradckim plesnjakima bil Kulušič...i zdaj je več prek deset let zaprt z gitrami...čak je zašvasan .... eeeeh... tu su se frkali prvi đojnti v Zagrebu... tu se začela točit vodka Viborova z zrnima črne kave koja je još od oneg doba ostala fest poznata...tu se čekalo v redu za šekret al ne za srajne i scajne neg za fukanje... a cela ta pizdarija je delala do tri vure vjutro dok su vsi drugi samo do jedanajste...aaaa... bilom pa se spominalo ..............................

Serbus...................

na starom Griču bregu .........................

nedjelja, 27.08.2017.

i po gdo zna koji put polahko čez Dverce ........

nema več skoro dvajset let Taverne v Kulmerovi palači... no.. kafič je tu... kakšni takšni ...

na Vranicanjevom več odavno ni stare gornjogradcke bande... ne špila se na dva mala... al je denes lepi park..

a na dobrom starom Griču parku..odnavek zapuštenom i kmičnom... baš kak si to fakinaža more poželet... naskoro bu zniknul potuno novi park...a po sliki i priliki parka od pred sto let... stare klupe su prešle v zaboraf... zdaj buju tu neke nove klupe koje tekar moraju naučit pripovedat....................

stare hiže v Matoševi vulici se jena po jena obnavlaju... je da to polahko ide... al ide... eeeh... nema više tu one zgodne pucice Mirjane koju sam pelal tam na Štrosu ...iza zida... na kamenu klupu... Nit je mene ...nit je nju zeblo za rit... paaa...gdo bi još na to mislil v črnoj kmici.......

korak za korakom... dok se jutarnje sunčeko zdigava znad starog Grada... naskoro buju obasjani vsi stari krovi... vsa dvorišča...vulice i trgi čez koje hodim po tri hiladiti put... valjda..........

i navek gda se spentram na vrh Griča brega... gda plazim čez te starine... spazim nekaj noveg...zapraf starog kaj zgledi kak novo... istini za volju... nekak mi je bolše oku pasalo ono pohabano videt... al se kak človek fest veselim jer se to pohabano obnavla...........

i Banski dvori bi pripovedat znali... a denes pogotovo... svakaj se tu nutra zbiva.. no... to su največ pa... velke tajne......................

več sedam let ovak zgledi ta stara hiža na Markovom trgu...negda je tu bila prva radio postaja Zagreb... prva v državi... čak stareša od one v Beču... svakaj su okol tega tu gruntali gradcki Glavonje... najnovije je da bu tu bil Zagorkin muzej... i nek bu... makar Gričke coprnice obletavale okol raufunga na metli... al nek ju več jemput vrediju .......................

najlepše je tu dojti rano vjutro gda još nema ljudi...avtomobila... dok je mir i tišina...samo se čuje kak vjetar z Medvednice lamače z junačkim horvackim barjakom na štangi ............................

i slavni Horvacki Sabor još spi...ni videt nit pandura kaj ga čuva... i taj još dremle skup z celim starim Gradom............................

i stara plinska lanterna je prešla na spanje... več ju je z rana jutra zgasnul Gradcki nažigač...al su se cveteki kaj visiju na kandelaberu zbudili i veselo pozdravlaju... narafski... mene ............................

Gdo zna po koji put istim putem čez Gospodcku vulicu...nikaj se ne čuje jer tu več odavno ni gospode...doduše... jesu nekakšni kaj si to umišlaju...al fučkaš njih... to su ionak dotepenci kaj neznaju nit z koje strane Sava teče........................

Jezušmarija...kak vura beži... pa sim sam došel mam posle sedme vure... jeee... Nesica pri Kulmeru... pa druga pri Palainofki...vse se to računa... no... nigdar tu nemrem bit tak dugo a da bi rekel da mi je preveć dugo..........................

viš... nit stari Matoš se nigdar ne žali makar je on tu od nekog noveg doba... malo si sedneš pokraj nejga spodi starog dreva kostajna... glediš skup znjim dole v nizinu gdi se Grad budi... galami...štropoče... škripi i zavija... no tega vsega tu ni čut... čak i z stare gimnazije odpozadi ni glasa čut... još je ferije pa mlade fakinaže ni... al za koji dan .................................

makar je mesec Listopad još dalko... stari kostajni su požuteli... i kaj je fest čudnovato... listje opada prije neg su odpali sjajni kostajni... zbilam se of svet začel pogrešno vrteti ...ha ....

Sunčeko se več prilično zdiglo... začelo je žgati... pak bu denes velka vručina... treba poiskati debelu sencu... a gde drugde neg v Pivnici na početku Duge vulice...nutra v dvorišču... jenu il dve Ožujske polahko zlijat čez požirak do mesta gde se piva najbolše čuti... narafski... nit meni ni krivo .......

za vse moje pajdaše...znane i neznane... za vse zagrebačke fakine negdarnje i one kaj su to ostali do denes... za one Zagrepčance kaj su dalkih leta v beli svet prešli...a Zagreba svojeg pozabili nisu...istini za volju a na žalost... neki su se prestali javlati...morti čak više nisu nit znama... vrag bi ga znal... vreme ide... nooo... i za vse one Zagrepčance kaj staroga Grada na Griču bregu glediju čez oblok trajvana gda projuri pokraj Tomičeve vulice...negdar Bregovite ...................... Imajte se dobro...se pak vidimo ...............................

Serbus ...............

kipeci..vse napoprek .................

subota, 26.08.2017.

plavuša .......


taki plavuša.................


ti vrapca...kaj je ova ...ha..............


jebalte... kune nit na vidiku ....


hmmm,.. valjda je dobre noge spazil ....


kojn .................


im je lepo.. praf im budi ...

poezija stare fasade ................

četvrtak, 24.08.2017.

zagrebačke piknjice ........

ponedjeljak, 21.08.2017.

i tak ti je to oveh dni na vse strane po našemu Zagrebu.. tam gdi ne treba.. vleče se novi asfalt..a tam gde treba.. nema nikakšneg izgleda da se bu to desilo ... no.. naša lepa dreva v drvoredima su več fajn zmenila farbu...

veliju oni prognozeri da još jen toplotni udar prihaja.. i tu se nikaj nemre neg stajat na trajvanski štaciji kak v Karson sitiju i čekat trajvan za Yumu.. sam štel kazat ..Črnomerec ...

a kak vse zgledi.. trajvana na dalko ni.. človeku pamet zakipi na ti vručini.. a i v mojemu kileru je zakipelo i treba ga hitro dopunit.. se razme.. mrzla Žuja jedin pomaže...

čuj.. je meni poznato kak je to gda ti gače vrit zajdeju..al kak je tekar gda se cela kiklja zavleče v guzicu...ha ...

nebi štel nikaj komentirat da ne veliju da reklamiram Žuju.. nek se zna.. ja se držim Zakona.....

i tak človek uzput naide na bolše vređene fasade.....

pa i na one bolše pohabane ....

Serbus ................

..i tak ti je to .....

subota, 19.08.2017.

i tak ti je to.. doklen je ljeto je vruče.. po zimi ti bu zima.. gdo bi vsim zadovolil...

viš.. to se meni fest dopada.. kakti je prozračno.. pa spet ni kak bi človek štel.. malo vidiš.. pa ne vidiš.. aaa kaj.. gruntaj si i bu ti lepo..

bi tu človek lahko pomogel gurat.. nooo.. pa ne beciklina...

oni moj pajdaš kaj je obečal da se bu na tu evropsku kocku posral.. čist je pozabil na svoje obečanje.. sam ga pital da kaj je ztim.. je rekel da je preveč ljudi naokol i da bu drek donesel v škarniclu.. no..pa bumo vidli....

pa i ja bi štel svakaj.. al gdo bi spunil... hmmm.. morti se kakšna i javi...ha ...

nikaj ne znači
ak se koji put zmrači
denes je sunček sijal
zutra bu dežek opal
curelo bu celu nedelu
i ja bum si zel ambrelu
al kakti pravi halatak
bum pozabil i ambrelu i škrlak

odnavek su ženske rad skup išle na plac.. pa bi jena drugoj preporučivale kumicu il kumeka.. pa mrkvu takšnu.. korabu onakšnu.. prafzapraf jena su drugoj pamet prodavale.. Nazaj domof bi išla svaka zasebno.. su se posvadile okol krafskog sira... tak ....

tu naj nit probat iti.. se tak praši kak da je pustinjska oluja prihajala z Libije..

veliju da bu zutra dež curel.. stog bumo denes malo raztegnuli španciranciju... a zutra ...aaa.. gdo zna...

vrabec ga dal.. komu po ti vručini opadne na pamet vino pit..

a ja si bum na Malom Placu spodi debele sence spil mrzlu Žuju.... morti i dve.. meni paše..a vam..kak kom...

Serbus ....

dana 17. 08. 2017.

četvrtak, 17.08.2017.

Negdo me je pital da proverim ..... pa evo....

Jenu tablu je negdo skinul..al se čuje da taj ni nikakšni Ustaša..nit je nacist.. nit.. domoljub..
neg da je velki Antifašist pa si ju je odnesel domof za dugo sječanje....


pa se negdo i zafrkava ...


a to je prava istina ......

silencio..lepo prosim .....

petak, 11.08.2017.

zzzzzzzzzzzzzzzzzzzzzz..... hrrr..zzz..hrrr.....................................

zajebancije ..............

aha..aha...si videl .....


ti vrapca.. bu nekaj ......


drek..... me je antracit skužil ......

Zafrkancije ...............

srijeda, 09.08.2017.

baš kak da je vsred ljeta ........

ipak tu i tam kakšni angelek plahuta...

tu nigdar nikog nis videl da kaj kupuje.... a zgodne curičke nutar delaju ...hmmm..zapraf.. nikaj ne delaju...

a da je fest vruče.. bogmeš je ....pitaj Ljubu.....

pa kam peš Štefek..ha..
na zestanek ...
pa kaj v črlenim hlačama..ha..
paaa.. znaš ti mene .....

ak to.. Kitajenko.. pri njim znači kaj i pri nam....ha .....

ha.. si videl.. kak v doba Matoša...ha...

gdo čeka..taj se ..načeka..

i kaj ti drugo preostane neg prejti gor na Dolac i pri Zagorki spiti kakšnu mrzlu Žuju.. a morti i Bokačo odnekud doprha.....

Serbus ...........

Špancirancije ...........

četvrtak, 03.08.2017.

I dok neki vjutro čekaju trajvan z zvuzlanim nogami ......bi ga vrag znal..dal joj se tak fest dopada il joj je morti sila scati pa ztiska ...ha

neki drugi su zavzeli svoje mesto na ranom zagrebačkom sunčeku..narafski..of je ziher nekakšni dotepenec kaj nezna kam bi..

dok z druge strane ima i mjesta gdi je bolše hititi pogleda.. more ova bit i z Tunguzije..človek joj nikaj nebi zaračunal........

a z Splavnice tak mirišiju lavande da se prek celog Trgača skroz do Gajeve osjeti.. Milina.. no nebu za dugo.. vse dok oni gor na Dolcu ne začne vrteti svoje čevape..pa se bumo navžili finog smrada loja i kaj ti ja znam kaj vse mečeju v taj šuft.......

za to se vreme moj pajdaš Bokačo i ja vlečemo čez dobru staru Tkalču i iščemo kaj je moguče bolšu sencu jer je vručina vudrila več od ranog jutra..Neki kafiči tekar odpireju poslovanje.. konobari slažeju stolce.. kelnerice popravlaju šircle.. a nigdo se ne dosjeti da ušteka one klima aparate kaj bi se človek bar malo osetil kak v Rekjaviku.. Šparaju struju.. jer kaj bi za dva gosta to delalo..

i tak je izbor pal na Oliver Tvist..tam je ipak najbolša senca.. nekaj malo i vjetrek popuhuje odzgor z Medvedgrada.. a konobar je brzi kak štrom..mam nudi vse fele piva kaj se tu more dobit.. narafski.. kaj buš drugo i pil gda si več od jutra žedan kak da si prešel Sinajsku pustinju.. Ti vrapca..da si videl kakšni je došel moj pajdaš Bokačo na Trgač.. cedilo se znejga kak da je dobežal z grčkoga Maratona do Zagreba.. zapraf.. veli.. da je bežal z Kvaternjaka jer trajvani nikak ne pelaju.. A kaj moreš.. kopaju po celomu Gradu.. menjaju trajvanske štreke.. pa trajvani plahutaju kak leptireki koje vjetar nosi kam stigne.. sedneš se i nemreš bit ziher kam bu trajvan otišel.. jedin je ziher da pela po štreki ... Ni nekaj zadovoljan moj pajdaš Bokačo.. a kak bi i bil gda spodi ruke nosi.. avtomobil.. ha.. zapraf.. celu libru papira..jeee.. človek si je kupil novega Mercemedesa.. dobil je račun za platit.. lepo se je v banki.. rano jutro.. zduril za bogofske peneze.. dobil štambilja da je on novi sretni gazda sjajneg Mercemedesa.. ha.. a avto je još negde v Švabiji kakti špula pleha ... ha.. veli .. mora čekati dok z teh pleha narediju to kaj je platil.. I tak mu ja velim.. nek si sedne na taj račun..kak na čarobni tepih.. gdo zna.. morti poleti kak oni Aladin ...ha .. Vu to ime nutra znjime.. i par pivica začas sklizne čez požirak.. Narafski.. of put smo preskočili vse pripovetke o ženskama.. sam smo o avtomobilima pripovedali.. I za jen časek se podne dovleklo.. pemo dalše.......

I dok je pajdaš Bokačo pak odbežal nekam po Gradu.. narafski.. spet z Mercemedesom spodi ruke.. uzput je obečal da bu zval čim ta karijiola dojde v Zagreb da to čudo zapišamo.. to se tak po domaći veli.. narafski.. bumo tu novost zapili negdi v brtiji..hmmm.. jedin ak se pri Bokaču nebu naredil dugački red ženskih koje bi se rad pelale... dakle.. ja sam se odlučil malo prešpancirat po Dolcu .....

baš i ni neka gužvancija.. prekupci kričiju.. kumice žlabraju.. spametni več loviju mesta spodi suncobrana.. kak je začelo.. vruče bu kak v paklu.. rad bi si ja spil još koju Žuju..al nema više mesta v drek magazinu.. i mjehur se več nabubril kak kozja mješina.. a žeđ je vse vekša.. aaa.. nikaj.. pem i ja dol na Trgač morti potrefim kakšni trajvan kaj pela na pravu stranu..

Serbus

zafrkancije ...........

utorak, 01.08.2017.

Ti vrapca.. spodi kakšne lampe su ovi stajali.. Velim ja.. ni to sunce kak se spada.. no..sam pogleč .....


Je.. tak je i meni.. gda mi sunce zablesika.. i ja gledim na dalko kak Inču Čuna...ha..


Jedin zakaj meni to ljeto paše,, to je..to kaj se vidi.. gole nogice.. gole rukice.. razlaufani ciceki.. kratke klajdice..kaj hočeš bolše...


Dojde človeku da se hiti v tu fontanu.. baš škoda kaj nisu po fontanama naredili klupe.. sam ziher da bi bile pune.. I još da kelnerice nosiju pijaču..
moram to zutra predložit našemu gradonačelniku.. onem dotepencu z bregof.. pa ni valjda delal te vodoskoke samo za gradcke taubeke..