ZAFRKANCIJA * * #
Drek i penezi …………
subota, 23.05.2015.
Haha.. vrag jebal miljardu dobrih razloga za sjajni dan.. Doduše..cesta se sjaji..al od dažda kaj več dva dni curi kak stekli.. Vrbec ga dal.. kriči moja suseda neki dan kak je zemlica suha pa v nejzinom cvetnjaku nikak rojžice da poteraju.. Denes vjutro spomina boga i vraga i vse svete kaj joj je dež potukel i ono malo rojžic kaj su zrasle.. Velim joj ja da nek rajše zbetonira tu zemlicu da se nejzin zet ima kam parkirat.. Brus.. veli ona.. curi mu ulje spodi te krntije.. bu bil flek nasred dvorišča.. Eeeh.. škrta baba.. No za kratko čujem ja kak ona pak kriči svojemu zetu.. Fraaaancek.. buš me odpelal na plac da nejdem po toj kiši pješke.. ha.. zdaj joj bu dobra krntija …
A ja ti gledim čez oblok.. moral bi i ja prejti van.. vse do Trgača.. Več je od ščera tam oni Markof sajam.. su štandi i se prodajeju domače stvari kojih drugač ni za najti po štacunima.. Hmmm.. nikak se nit meni nejde po takšnom vremenu.. Veter tak nosi tu kišu da ti nit najbolša ambrela nemre pomogat preveč .. Ščera sam bil taki vani po takšnom vremenu i sam došel domof mokar do kolena.. Maaa.. me je vrag nateral.. Bum ti spripovedal… ……………………….Znaš..slušam ja kak moja punica i nejzina suseda.. ona Metuzalemka kaj joj malo fali do stotin let.. pripovedaju kaj su sanjale.. Veli stara da je sanjala velki drek.. je..je.. velki drek.. A moja punica joj mam pojasni kaj to znači sanjat drek.. Veli da je to sreča i da buju nekakšni penezi na vidiku.. Hmmm.. slušam ja to odzgor z obloka pa si gruntam.. drek i penezi.. hmmm.. bi ga vrag znal.. Hmmm.. valjda znaju ti stari ljudi te narodne mudrosti.. A ja sam baš dan prije tak lepo zgazil jen pasji drek da sam pol vure cipelu strugal po asfaltu.. Zapraf.. sam nekaj tam pri Cesarčevi poljani na kipeca rihtal ..pa sam polahko išel natraške i prešel na oni travnik.. Vrag ga zel i cucka..baš se je posral na tom mestu.. Narafski drek je bil onak friški i moja cipela je fasovala moje kipece.. Tak ti se ja teg spomenem i..zaklučak je da drek ima nekakšne ..se reče.. veze s penezima.. Kaj zdaj.. Čuj.. peneze teško da buš našel na vulici.. još manjše da buju ti opali z neba v dvorišče..a da ti bu ih negdo poklonil.. eeee.. teg filma nebuš gledel nit v sinemaskopu… Bi se nazajdne reklo.. treba nekam bežati za penezima ……..
Narafski.. ambrelu vruke.. cipeliše z debelim đonom.. i ja se zaputim čez Kustošiju do prveg oneg kioska.. Horvacka lutrija … A kaj drugo neg da je red.. stojiju .. mužki i ženske.. vsi držiju one papireke vruki.. Se tomu reče.. Evrođekpot.. loto..razmeš.. Al ja nemam nikaj vruki jer ja to drugač nigdar ne špilam.. Znaš.. ja ti odnavek verujem v one peneze kaj ih zaradiš.. nigdar mi ni opal zneba paket penez.. pa tak nit doma nemam ništ za taj Loto.. I gda sam došel na red.. ženska meni da dva papireka i zdaj sam se stal tam sa strane da bum to sprekrižal z olofkom.. Maaa.. buš brus.. Nigde ni nikakšneg zaklona.. z ambrele mi se voda scedila taman po tem brojkama.. Ništ.. zemem ja pri ženski druge papireka i lepo pem prek puta v brtiju.. Ha.. Nesica je tu..al koje bi ja znamenke zdaj prekrižl.. of bi.. of nebi.. I tak ti baš naleti moj pajdaš z susedctva pa mu ja velim kaj delam.. A on meni veli.. Čuj stari.. to ti je ionak vse brez veze.. vse je to naštimano vnapred.. pa ak baš hočeš.. prekriži onak.. kak stigneš pa kaj bi .. bu .. Rečeno naređeno.. Vse sam ja sprekrižal onak brez veze kak je i of moj rekel.. I da ne raztežem pripovetku.. lepo sam pak stal vred i platil.. Ha.. papireki su v žepu.. na oni cipeliši se još malo drek pozna..hehe.. zutra bum peneze brojal…Ha …
I kak sam rekel.. evo mene na Trgaču.. kak bedak stari imam navadu ziti z trajvana na Frankopanski.. več do Trgača sam bil mokar do kolen.. Dež curi kak da negdo gor žmika te oblake.. A ljudi z ambrelama lamačeju sim pa tam.. prafzpraf ti ta ambrela i ne pomaže preveč.. Zmakni se ovi curički.. zmakni se oni ženski.. na koncu se zmakneš i vsaki babi.. i kaj.. mokar si kak da ambrelu nit nemaš.. Rukavi na vindjakni su mokri.. hlače su mokre.. cipeliši samo kaj ne promočiju makar je na njima pisalo gda sam ih kupil.. da su i za kišu.. Gledim po Trgaču.. je.. tu su štandi.. al su vsi zaprti.. nigdo nikaj ne prodaje.. A kak i bi gda se odzgor cedi kak z kible ..a i gdo bi kaj kupoval.. Ljudi sam bežiju na Dolac i z Dolca..pa praf na trajvan.. Tam spodi Harmice su se natiskali oni kaj nemaju ambrele.. a i v haustoru prek puta ..tam pri Fuliru je ljudi kak pčela v košnici.. jedva sam se provlekel do brtije v dvorišču.. I kaj.. jena Nesica.. druga Nesica.. tretu nema više od vanilije nit čokolade.. No.. dobro.. more i jen žufki pelinkovec.. Dež curi kak v Vijetnamu.. more i drugi žufki pelinkovec.. Jebal ga vrag.. a to denes nebu stalo kak vse zgledi.. Evo mene pak vani.. jebeš ambrelu.. prebežal sam prek Trgača v Dolac.. nekaj malo v vrečku nametal.. tekar da mi poveruju domof da sam bil na Trgaču……
Na trajvanski štaciji gužvancija kak da je čitav svet odlučil se denes pelati v trajvanu.. Dojde moj trajvan.. a znejga van ljudi hitaju z več otprtim ambrelama.. a z vajnske strane se pak ljudi nutar guraju taki z otprtim ambrelama.. Jebal ga vrag.. nigdar se tu pri nami nebuju ničemu nafčili.. pa kak hoče človek nutra z ambrelom..ha ..al on hoče i šlus.. nutar bu ju zaprl .. Ženske takaj.. zapire ambrelu na sami štengi v trajvan..a druga svoju na istom mestu otpire .. Velim ti..gužvancija kak v Bombaju.. Znaš kaj.. lepo sam ti ja poslal kvragu i trajvan i ljude i zaputil se cipelcugom dol čez Ilicu..Baš me briga.. hlače su mi več do riti mokre .. v cipelišima vse šljapka voda .. čez vrat mi se več deset put scedilo.. nekaj z moje ambrele ..nekaj z tuđe..
……………..I tak to.. pri hiži sam vse z sebe svlekel več na štengama..zašel pod topli tuš..barem pol vure sam vžival kak Turčin v banji.. Nejdem van dok na nebu ne zasija ona lampa.. vrag jebal i dež i ambrelu i Markof sajam na Trgaču.. …..
No.. zdaj još pem i onu cipelu oprati kaj sam znjom v pasji drek zagazil.. Vrag jebal vse cucke i susedu Metuzalemku i nejzino šloganje o penezima i dreku.. Razmeš ti mene.. na onem Lotu zbog kojeg mi se hlače još i denes sušiju na štriku.. nis dobil ništ.. Ništ.. Jenu jedinu znamenku nis pogodil.. Ha.. i to treba tak naredit da baš ništ ne pogodiš.. Maa.. vse ti je to jen velki drek …Al.. kaj buš.. veli oni prognostičar Vakula.. loša je bioprognoza …
Serbus …………….
ZAFRKANCIJA * * #
Špancirancije ...................
srijeda, 20.05.2015.
I tak sam se ja denes našel v dalki periferiji..VIš.. vse ono tam dalko v daljini.. to je za menom Zagreb ostal.. Navek sam gruntal gda bi se našel tu na Pimpekovem trgu.. dal je nobles nekom jajca pokazat al rit.. I kak veliju da ljudi opčenito hodiju za frnjoklom..a muški za pimpekom.. dakle.. ovi kaj su ostali pozadi guzice nisu dobro prešli ... Nikak ni pristojno golu rit nekom pokazivat...
Malo tu stojim i divim se kak je tu lepo.. pogleč samo..kak da peš čez tunel od zelenog listja.. Senca za poželet jer ona lampa gor denes od jutra žge.. Su rekli da bi moglo bit i nekakšneg kirbaja od vremena..al zdaj tak ne zgledi...
Bum ti rekel da v tom kraju nis bil več letima.. pogotovo tam gor na bregu.. l se dobro spominam gda smo moji fakini i ja tam gor po kmici išli trešnje tamanit.. Narafski.. vse bi grane polomili a trešnje gutali z koščicami.. Gdo zna kak denes gor zgledi.. ima još kaj zelenjave kak negda ... No.. nebum se dalše pentral.. je prevruče .....
TI vrapca.. kakšni je pa to KillGrill.. znaš.. malo se ja razmem v te Grilove..No.. pa znam da je nekakšna mesina z roštilja..al ovo Kill.. hmmm.. človek se vuči dok je žif i na koncu ostane bedak.. Bi ga vrag znal ....Mi Zagrepčanci se bolše razmemo v štrukle ...
Pogleč..velkim slovima piše ANK.. to ti je oni širajzlin kaj su ga Faraoni imeli tam v Egiptu.. navodno da je to za sreču.. veliju čak i za život vječni .. Pa sam se ja naluknul malo tu da bi morti i mene dopalo kakšno poboljšanje kvalitete živlenja.. Ha.. of čas bi me spasila mrzla Ožujska z citronom ... Kak vse zgledi tu nema ni žive duše..
znači ništ od kvalitete ....
Viš.. opče se ne spominam da je ta vulica tak fest zelena.. hmmm.. morti sam zajdni put tu sprešel po zimi gda nema listja.. Prafzapraf.. nis tu bil barem leto dni ... A kaj.. nemreš vse obiskat v jenom letu .. da nis tu imel nekakšeg posla nebi me vulica nit oveg leta vidla...nit ja nju .............
Aha.. evo jeno pravo mesto.. moram ja to zbližeg pogledeti.. TI vrapca.. nalukavam se ja.. vse je zaprto.. nigde nikog.. Ništ.. bum ja to na kipec del pa pem dalše.. Gda najemput gor z obloka nekakšna ženska zakriči..Halo gospon koga tražite.. Hmmm.. gruntam si ja.. kaj te briga koga ja iščem.. No.. velim ja njoj.. Kasu iščem.. Kaaaj.. čudi se ženska.. Opet ja njoj.. Blagajnu tražim.. Čudi se ona dalše..Kakvu blagajnu.. Spet ja. njoj... Znate.. tu lepo piše velkim slovima Jedno djete više je spas za Horvacku.. al ja imam čak tri fačuka preveč pa si gruntam dal tu i kakšne peneze djeliju za kojeg fačuka zviška.. Morete si zgruntat dalše.. Ženska je zaprla oblok i nestala iza forhange.. Nis ju stigel nit na kipeca deti .....A kaj buš drugo neg se zafrkaval ...ha ....
Ha.. kolko sam sprehodil..a tak me koleno boli .. najrajši bi glasno zajaflkal.. Al..kaj.. tak sam si odredil i zdaj moram mučati .. Uuuh.. navek sam bil bedak za samog sebe ....
Baš gledim.. ima tu tolko teh starih vila i bogatih hiža.. veliju da su vse tu zgradili oni bogati Židovi.. Negda je to bila mirna vulica.. al denes tu avtomobili drndaju jen za drugim brez kraja.. kak na Brodveju.. nemreš nit cestu prejti kak se tebi dopadne.. Vrabec ga dal.. moram i bežati da me gdo ne štrafta...
Evo.. stog sam bežal prev vulice.. da na kipec denem ovu veličanstvenu hižu.. To je jena od najpoznatejših hiža v našemu Gradu .. Narafski.. vsaki malo stareši Zagrepčanec bi ju moral poznati...Hmmm.. je da su tu bili mnogi Zagrepčanci..al se bogmeš nigdo od njih ne spomina kak je to prvi put zgledelo..Ha ....
No.. zdaj več moje koleno škripi kak oni poslednji Zagrebački fijaker.. Nema se kud neg na trajvan..
Jebal ga vrag.. nigdar ne sedim v trajvanu..al denes sam iskal prazneg stolca.. Moreš si zgruntat kaj bi ga našel.. Ostal sam do kraja stajat.. Jezušek.. jedva čekam da si domof belanjka denem na koleno i lepo se spružim na kauču... nebum nit noge opral..Ha ....
Serbus ...............................
ZAFRKANCIJA * * #
ZAFRKANCIJA * * #
..prosim lepo... Raportiram .............
ponedjeljak, 18.05.2015.
Eeeh..gda se setim kaj je vsega bilo v ti velki palači.. Od malih štacuna v prizemlu.. pa do velke robne hiže..Varteks..A najbolše je bilo vreme gdaž su tu spredi izloga defilirale naše zagrebačke kurve.. Ti vrapca.. pa smo bili jedini grad v Evropi gde kurve ne sediju v izlogima neg stojiju spredi.. dakle..roba ni bila samo za gledeti neg i za popipat .. Pošten človek se ni mogel stati spred izloga i gledeti ajncuga kaj bi si ga kupil..mam mu je za vratom puhala kakšna kamenjarka i nudila bolše živlenje..ha ....
Vrag jebal teg Johana ..pa taj se v naš Zagreb dotepel i tu kavu pržil..a zdaj je nasred Trgača nejgovo ime.. No.. pa ništ mene ne smeta kaj je taj Židof tu zdaj narisan.. al me fest ljuti kaj to tu više ni Gradcka Kavana koja je bila sto let.. Al.. tu si nemremo nikaj pomagat.. penezi delaju svoje pa tak i vsaki zasrani Johan more zatrti našu Zagrebačku povjest... Doduše.. nekakšna kavana je to i dalše..al ni Gradcka.. Ha.. ionak nemaju posla.. nebuju dugo ....ha ....
Još dva tri leta i ova dreva buju debelu sencu delala.. Zdaj još ni dobro sedeti na tim železnim klupama.. gda ih sunce zažga.. mogla bi ti rit zgledeti kak krafski biftek z roštilja..ha ...
Ma.. gledim fort v tu Staru Vlašku..nikak mi to ne zgledi dobro brez oneh trotoara.. Ovak je vse ravno kak nekakšna njiva z kamena.. Pa.. se zna kak vulica mora zgledeti.. No.. spametni arhitekti su to tak naredli..i tu se nema kaj promeniti.... Tak je kak je ....
Staru Žigrovičevu hižu su još pred par meseci oblekli v nekakšnu najlonsku plahtu.. narisali kak to zapraf zgledi spodi.. Kak stvari stojiju.. nigdar se nebuju na sudu dogovorili vlasniki kaj naredit z tom hižom.. A o toj se svakakšne pripovetke razvlačiju več četristo let.. Nutar živi nekakšna sirotinja brez štroma i vode.. Ha.. ionak se bu ta hiža sama zrondala jenog dana..
Znaš.. mi je fest žal za onom starom brtijom.. se zvala Desetka.. Dugo let je tu bila.. Čuje se da je z nutarnje strane tak vse pohabano da se ne splati to obnavlati..makar je naš gradonačelnik.. oni dotepenec z bregof to javno obečal.. Bumo..vidli.. morti i bu kaj...
Viš.. slastičarnica Amelija vse bolše i bolše dela.. Pa kak nebi gda ima posebno fine kolače.. kakšne drugi slastičari ne delaju.. Istini za volju.. tu su i posebne cjene za te fine kolače.. pa je to vredu..Jedin kaj mene štenta je to kaj su ti kolači vse majnši i majnši.. Gda je počelo.. komad torte je bil kak pol tanjura.. Onda su al povečali tanjure..al smanjili kolače.. ti vrapca..zdaj jemput zineš i komad torte je nestal v gupcu..
Pod Zidom.. negdarnja stara kurvanjska štrafta.. Zbilam.. tu v ti vulici je bilo vsega i svačega..mogel bi človek naškrabat celu libru.. No.. več odavno ničeg ni.. nit poznate restavracije Zagreb.. nit Dalmatinskog podruma.. nit malih štacuna z gumbima.. posteljinom.. i kaj ti ja znam.. Jedin od vseg starog je ostal Cahun kaj tu dela klobuke i damske šešire.. Praf za praf.. stari Cahun je v penziji.. zdaj je nutar nejgova kčer.. ha.. pa i ta je zdaj več stara.. A mali človek Cahun.. ti vrapca.. metar i pol ..jedva.. vsaki dan tu špancira i čudi se kak su to muškarci prestali nosit klobuke ......
A nit se na Krvavem Mostu više ne mlatiju Zagrepčanci i Kaptolci.. zapraf mosta več prek stotin let nema.. Bogmeš se nit turisti ne mlatiju za suvenire kaj se tu prodajeju.. Baš gledim.. prošla je cela regimenta oneh žutih z očima fšrek.. pa nit jen ni nit pogledel kaj to je tu.. Ti žutaki sam bežiju gor na Opatovinu gde je javna gradcka česma.. narafski.. vsi imaju one male plastične flašičke i uživaju v mrzli zagrebački vodi .. Jebal ih vrag škrti...
A kam bi vsaki pošten Zagrepčanec trebal iti..neg zajti v dobru staru Tkalču.. Tu nikak nemreš fulat.. pijače po na izbor.. taki i brtija po volji.. a o našim lepim Zagrepčankama da ne pripovedamo posebno.. na vsakem su koraku..TI vrapca.. tak vrtim z tikvom da mi očale bežiju na jenu stran..a oči na drugu..ha ....
Pogleč.. tu je pred mesec dni odprilike..odprta nova Kavana..Bm ti rekel da se to splati videti pa i sesti si.. spiti nekaj.. Čuj.. kak i vsaka kavana mora bit nekaj posebnog..tak je i ova.. Vse je nutar nekak štrafasto..crno belo ofarbano.. pa i posude su taki štrafaste.. narafski..crno belo.. Je.. fest mi se dopada.. da ti ne velim kak su pristojni konobari.. vrabec ga dal.. vse mi je neugodno kak mi se klanja i fort se šmuca okol mene i pita dal sam zadovolen.. Dobro je sim dopelat kakšnu prijatelicu.. poznanicu.. šocu ...tak to ... Ima nutra i slastičarnica..praf posebno fini kolači ....No.. i cjene su kak trebaju bit v Kavani ............
Aha.. nostalgija.. viš kaj znad vratih piše...Mjesto gdje vrijeme sporije teče.. Ha..praf tak.. najme.. tu je štacun gde moreš kupit one dobre stare gramofonske ploče kaj smo ih negda davno vrteli.. Ima tu vseg po na izbor.. Al kaj.. malo to ljudi kupuje.. pa gdo još ima pri hiži gramofon.. Prafzapraf..ja ga imam.. Tehniks.. lepo je zapakiran v kištri na tavanu i čeka nekakšna stara vremena da se vrneju.. Jee.. imam ja i celu hrpu teh starih ploča..taki na tavanu.. bi ga vrag znal.. morti bi još i svirale.. moram to jemput sprobat...
Kak prijepoldan bolše prolazi.. vse više Zagrepčancof bezecira stolce po kafičima v Tkalči.. Okol podneva nebuš našel mesto nit za buhu posesti.. Sunčeko vse bolše žari..skorom pa je vruče.. a lagani veter popuhuje z Medvednice i tjera nekakšne kržljave bele oblačke znad Grada.. Milina..
A na Opatovini kak v bajki.. kam poglediš.. vse same rojžice.. maaa.. nemreš a ne stati i gledeti tu lepotu ... Sunčeko fajn več žge.. pa cvječarice vredno zalevaju cveteke.. Koja divota.. i Petrica Kerempuh bu se zpustil z galgi i zapopeval.. Za nikaj na svetu ja menjal te nebi..moj Zagreb..tak imam te rad.............
Ha..a ona Jehofka kaj tu navek stoji..maaa..znaš.. to je ona stara nalarfana kaj zdalka jako dobro zgledi.. zbliza samo dobro.. no.. gledim ja kak ona ovoj Ciganici pojašnjava kak si bu spasila živlenje .. A Ciganica samo klima z tikvom i pokušava ovoj prodati nekakšne krpice .. Bi ga vrag znal kak su se sporazmele...
I kak sam ja neki dan bil vesel kaj je naš gradonačelnik skroz na skroz pozabil na te Sulejmanove šatore.. vrag ga dlakavi jebal.. on se ipak dosetil i naredil celi kupleraj na Trgaču.. Fučka se njemu kaj Zagrepčanci gundraju zbog tega..važno je placovinu pobrati .... Bežim .........
I prije neg i ja zajdem v trajvan.. još jen kipec čez lepe majske rojžice spredi Viner Kavane.. Drage pajdašice i pajdaši.. da ste mi gezund ............ Serbus ..........
ZAFRKANCIJA * * #
ZAFRKANCIJA * * #
zagrebačke piknjice ...................
... a Štrumfeta v sredini ............................
...Ha... puce.... pemo si jezike brusit ..............
ZAFRKANCIJA * * #
ZAFRKANCIJA * * #
zagrebačke piknjice ..................
Jeeee ........
Jeeeeeeeeee .............
ZAFRKANCIJA * * #
Hojlarija..hojlaro ..............
srijeda, 13.05.2015.
Vrabec ga dal.. još se dol pri Frankopanski čulo kak negdo fest špila na Trgaču.. Bormeš je.. Prihajali su v naš lepi Zagreb Grad.. Slovenci.. pa se tak razpištolili kak da su Triglaf preskočili.. Vse jena za drugom polke.. Je.. dobri su ti Krajnci.. Koroški..Štajerci..Tirolci.. vse mi noge same začneju sim tam.. bežati.. I gda su zaigrali valčeka.. gledim ja naokol.. nobene Mojce nit Pehte.. kar bi človek mal zatancal.. Lanjskeg leta su takaj bili tu Slovenci v to doba..al su znjimi došle punčke pa se naokol tancalo da se Trgač tresel ...................
Pa su Slovenci z seboj prinesli vsega i svačega..narafski za peneze..al se ima.. i sira..klobase.. salame.. vina..meda.. pa vse druge domače zdelafke.. Narafski.. na Trgaču je pak sajmište.. Nikak da se Trgač gene od negdarnje Harmice ... I vse se čudim.. kak pura dreku.. jer ni oneh Sulejmanovih šatora.. Valjda ih je naš gradonačelnik..oni dotepenec z bregof..pozabil metnut ..ha .....
I gda sam se naslušal i nagledel teh kaj hojlaju i jodlaju.. a nis našel nikakšnu frajlicu v tirolski klajdici.. lepo sam prešel na malo mirnejše mesto..Narafski..of put na Cvetnjak.. Nesica od vanilije.. potem i Ožujska z citronom.. spružiš noge.. ti vrapca.. skor sam zaspal na sunčeku.. Aaaah.. lepi ti je Zagreb Grad ................
Serbus ..................
ZAFRKANCIJA * * #
ZAFRKANCIJA * * #
ZAFRKANCIJA * * #
ZAFRKANCIJA * * #
Špancirancije ...............
utorak, 05.05.2015.
Viš.. bi se reklo da su to još jena vrata za na Trešnjefku dojti.. Doduše ja sam vušel na jena druga na drugem kraju.. a zdaj bum tu zišel van.. Znaš.. sprešel sam pol Tratinske vulice dok sam našel štacuna kaj sam ga iskal.. Zgodna črna ženskica nutar.. Lepo joj velim po kaj sam došel.. a ona meni.. Nema.. Pa kak nema.. čudim se ja.. Ona spet zlegne z ramenima..Nema.. No.. dobro.. pitam ja.. a gda bu bilo.. Neznam.. pak ona zdigava ramena.. Hmmm... velim ja .. A kaj onda ima i kaj znate.. Zdaj se ona kakti naljuti i veli.. Ništ nema.. firma propada.. .. I kaj da vam velim.. Moj naklon.. i prešel sam ...
A.. ništ.. bum se malo utješil tu na Kazališču.. med ovim lepim cvetekima.. Narafski .. nekaj malo i na kipeca deti.. Makar kolko put tu šklocal z aparatlinom.. navek ima nekaj drugač za videti.. Ljepota.. Milina .. Haaa.. gda se sjetim kak smo mi fakini tu znali lepe pušleke cvetja nabrati za svoje pucice.. Je a kaj.. gdo je bil tak bedast da bi cvetje kupoval gda ga imaš posvud naokol.. I tak.. lepo bi nabral barem pet najlepših cveteka.. odnesel to svoji curički na rendes.. ona bi to pomirišala..malo z ruke vruku premetala i hitila iza kakšne klupe.. Ha.. a kaj bi to držala gda je bilo i kaj drugeg za držati..ha ...... Aaa.. je..je.. bili smo fest sentimentalni ...ha ....
Pogleč.. kam se obrneš.. vse jeno lepšeg od drugeg.. bi se najrajši kak oni bik z pripovetke.. tu sel i šnjofal rojžice.. Baš gledim tam malo dalše.. dobra stara Kazalištna Kavana je i dalše zaprta.. se čuje da gazda ni plačal režije.. pa drugi veliju da ni poreza platil.. treti veliju da je nekam zbrisl.. I tak.. A i poznati Hemingvej ne dela.. nekaj radniki fest nutra štemaju.. Fort se nekaj preštimava..
A tu su najlepši kostajni v našemu Gradu.. Još pred deset let ih je tu posadil naš gradonačelnik.. oni dotepenec z bregof.. Al je prije posjekel stare kostajne.. pa su dobri Zagrepčanci zdigli velku hajku.. A pogleč denes to.. Znaš.. gda stareši človek vidi kak se rušiju stara dreva.. ni mu lahko.. pogotovo gda znaš da nebuš dočekal da ona nova zrasteju i delaju sencu.. Aaa.. tak ti je to.. vse v svoje vreme.. nekaj raste,.. nekaj opada.. zapraf.. največ ..opada ...Ha .....
Pa sam si malo sel tu na kameni plot od fakulteta.. gdo tu nebi barem malo užival.. Al.. drek.. ljudi samo prolaziju.. nit ne vidiju tu ljepotu znad tikve.. A tak ti je to.. nema se više cajta za lepe stvari.. samo delat.. pa spet delat.. pa nekaj malo pojesti.. pa malo gledeti televiziju.. malo prčkati po kompjutoru.. a gda treba fukat.. narafski onda ti se več fest spi... Ha ....
Serbus ........................
ZAFRKANCIJA * * #
ZAFRKANCIJA * * #
kak sam i rekel... pem dalše ...........
subota, 02.05.2015.Hmmm.. denes je od jutra vreme tak zmotano.. bi se reklo.. kak pajcekof pimpek ... I kaj naredit.. Vani dež curi..je još znočka začel.. to je jedin dobro kaj mi je avtomobila opral.. drugač pa nek pe vrit skup z Vakulom kaj je tak prognoziral ... Je da sam zletel malo van..tekar do štacuna po kruheka pa nazaj domof.. Noo.. bum nastavil gde sam ščera stal.. daklem..na Griču brdu.. Bi ja rekel da moji Zagrepčanci kaj sim lukaju z dalka sveta ..nemaju nikaj protif da se malo prešpanciraju skup zmenom čez moj i njihof stari Zagreb ... Maaa.. znam ja da neki jedva i dočekaju to videt.. pa mi ni bistro zakaj se malo tu i ne javiju.. Al..kaj.. Pemo .....
Aaa.. počivaju si i oni usrani .. pardonček.. Ustavni sudci.. Maa.. pa i jesu usrani.. ti vrapca.. kak su stari da neznaju kaj delaju.. tak si nit rit više neznaju obrisat.. Hmmm.. jedin ona ženska kaj im je gazdarica.. ta baš i ni za hitit.. No neka se samo odmaraju.. Težki je posel bit Ustavni sudec.. to bi čak i ja znal delat.. nekaj se zmisliš.. veliš da tak mora bit i .. šlus ...
Negdo se je kak pes zlagal gda je rečeno da se bu prva Zagrebačka pivovara obnovila i postala muzej zagrebačkeg pivarstva.. Drek.. nit prstm nigdo ni mrdnul več tri leta.. V hiži i dalše živi par stanarof z dvorištne strane.. a vse je zapušteno i ofucano.. potrto.. zamusano.. Vrabec ga dal.. vsi rad ločeju pivu..al za slavnu zagrebačku pivarsku povjest nigdo ništ neda ...
Pogleč.. hiža stara par sto let..i nigdo nikaj ne naredi.. Prazna.. zapuštena..hoče se podreti.. A tu je do pred deset let bil stari antikvarijat.. stare libre i prek stotin leta si tu mogel najti.. Nutra je delal jen takaj stari profesor.. a je zgledel kak oni Robinzon Kruzo.. saf obrašten.. sede lasi do pleča.. očale debele kak far na autu.. hartave nokte je imel i same ščrbe a rad se je smijal.. Ni bilo libre za koju on ni čul al imel.. valjda je vmrl pa nigdo ni nastavil posel.. Je..a kaj .. Ništ ..
Zbilam ni pošteno.. vse hiže pokraj stareg Žnidaršiča su obnovlene..al ovu staru nigdo neče.. jeee.. jena kaj je pokraj je gradcko vlasništvo pa ju je grad vredil.. druge dve su kupili .. nesmem kazat.. oni nekakšni kaj im veliju ..tajkuni.. narafski.. oni imaju peneze.. Eeee.. ova stara .. zapraf najstareša postoječa brtija na Griču brdu je taki privatno vlasništvo.. al kak zgledi.. baba kaj fort nekaj kriči zgor z obloka.. nema penez da ju obnovi.. A hiža se vse bolše hoče podreti .. a z dvorištne strane bu se jen dan samo zrondala.. Jeee.. to ti je tak.. kak veli moj pajdaš Bokačo.. dotepenci kaj vladaju v Gradu.. nemaju dumsta o našoj slavnoj Zagrebačkoj povjesti ...
A tu.. malo vizavi.. je negda bil poznati kafič.. su se tu okuplali pjesniki..morti isti oni kaj su zdaj pri Žnidaršiču.. Al kak vse zgledi.. ti pjesniki malo troška delaju pri brtijama pa one slavno propadaju.. Zapraf..ova nit ni dugo bila odprta..al je stoga fajn dugo več zaprta.. Halooo.. pjesniki.. poete.. i Žnidaršič vam bu propal ak ne odšpanate geltašne.. Vrabec ih dal škrti.. ti pjesniki su tu samo v subotu od dvanajst vur pa do podneva..Ha ... puno recitiraju i žlabraju pa ne stigneju pit .. Ha ....
Aha.. evo još jene stare palače kaj čeka da odpadne sva žbuka.. a bormeš več i cigle visiju na koncu .. Narafski.. kak i velik starih hiža i palača ..na Griču brdu.. kaj su ih pokupovali poznati advokati.. tak su i ovu tu pod svoje zeli brača Badovinci.. se razme.. taki advokati.. Vrabec ga dal.. gde ti smo bereju te ogromne peneze.. No.. ak su imeli peneze za hižu.. kak onda nemaju za obnovu.. Jeee.. brus.. čekaju da im to obnovi Grad Zagreb.. Ha.. pa stoga i jesu fiškali kaj su mudri ...
A tu na koncu Opatičke.. kak se pe dol na Zvezdišče.. v ti stari ogromni palači je nekakšni .. veliju.. Županijski arhiv.. Prafzapraf.. tu je nutar skladišče velke hrpe starih spisof z pol Horvacke.. A to je tak još od davnih cajti gda su Turki i drugi harambaše žarili i palili po Horvackoj pa je jedin ziheraško mesto za te arhive bilo v Zagrebu z debelim zidima.. Pa su tak sim spremili svoje povelje i oni z Varaždina.. z Siska.. z Krapine.. Sanobora .. Križevcih .. i bi ga vrag znal od kud vse.. I zdaj to tu stoji o trošku Zagreba.. Narafski.. ta je palača državno vlasništvo..pa kaj bi država to lepo obnovila.. Su pred par let kakti šteli obnavlati..al je smetalo to staro drevo.. pa ga oni Zeleni nisu dali posječi.. Je to drevo ona stara fela topole..a ovo tu je staro prek dvesto let.. Ju ja pamtim još kak klinac .. No.. oveg je proletja nekj začela štajgat.. još ni zelenog listja .. Nekaj se događa z tim drevom.. Nebi bilo ništ čudnega da ga je negdo dokrajčil.. me razmeš...
I tak si gruntam kam bi dalše.. dal v Jurjefsku.. dal na Dugu vulicu.. Palainofka je još zaprta a ja sam bormeš več proglasil.. se veli.. elementarnu nepogodu.. velku žeđu .. Dakle.. iščemo brtiju.. Tu na Ilirskem trgu je ona kapelica več leto dni zaprta z daskami.. kakti ju obnavlaju.. Pa kaj im treba vremena kak da obnavlaju Ajfelof toranj.. Ha .. Zapraf.. se čuje da je v onem zdencu kaj je spredi kapelice nekakšni tajni podzemni tunel.. bi ga vrag znal.. morti nutar tražju zlato kaj su ga tu kakti skrili oni Templari ...
Dečki.. znate kaj.. treba hitro spašavat dušu i tjelo koji vapiju za okrepom.. A jedin pravo mesto za to je dol v dobri stari Tkalči.. Dakle.. zdaj se bum hitil dol čez Felbingerove štenge do prve luknje .. narafski .. mam bum maznul dve Ožujske z citronom ...
Imajte se dobro ..................
ZAFRKANCIJA * * #
Kosek je zapopeval... a ja v španciranciju ...
petak, 01.05.2015.
Kosek je vjutro rano zapopeval.. bi se reklo.. bil bu dan lepi kak se spada.. I kaj buš se kak mrha zležaval domof v krevetlinu.. bolše je dan skoristit za španciranje.. Ha ...
A jutro pomalo i friško.. čist se lepo čutiš v jakni.. no kasnejše bu morti i toplejše.. Al zdaj pem poiskati toplinu gor na Gornjem Gradu.. Viš kak je sunčeko obasjalo stare krove. Jezušek.. kak mi nekak težko noge ideju v breg.. vražji apetit kaj ga imam.. nikak na zelenu granu z kilama.. Puuuh..puuuuh..
A vredni arheologi razkapaju po Griču.. svakaj su pronašli v zemlici.. i grobeke.. i smetlište.. i stare zide kaj ih baš zdaj obnavlaju.. Gdo bi rekel da je to vse bilo baš spodi klupe na koju sam negda davno curice pelal.. Znaš.. v tem delu Griča je navek bilo kmično kak vriti.. Narafski.. je lanterna navek bila razbita.. pa gdo bi šlatal pri svetlu.. A klupa.. ha.. več je davno ni.. Kak se čuje.. naš gradonačelnik.. oni dotepenec z bregof.. je dal upute da se Grič vredi i obnovi v dlaku kak je negda davno zgledel.. Ak bu ziher tak.. onda bu to još jen novi prelepi park v našem lepom Zagrebu .... Bum vam javil čim bu zgotovleno....
Viš.. stara hiža na početku Matoševe je obnovlena.. Na tem je mestu negda bil Kapucinski samostan.. pa se i denes one drvene stube pokraj zoveju po tom.. kak se čuje.. ta je hiža vračena Kaptolu..zdaj je prazna.. Eeeeh.. gda se setim jene Mirjane z Matoševe vulice.. je bila curička za deset.. Zbog nje sam se tu i potukel z bandom kaj je tu haračila.. Al..kaj.. bilo pa se spominalo.. al.. bila je komad ....
Gda več ni penez da se obnovi cela ta palača gde su naši zagrebački prognozeri.. nek se barem obloki pofarbaju.. Bi ja rekel da oni žgoljavi Vakula slabo fehta pri Gradski upravi.. a on je tu glavni.. Vrabec ga dal..samo fort laže tu prognozu.. Hmmm.. da mu zbušim gumu na autu..ha ...
Ha.. fala Bogeku.. oni restaurant kaj je tu v Vranicanjevoj ..a zval se Prasac.. više se tak ne zove.. Zdaj je ..Fajn.. bi to značilo po domači ..Dobro.. Sam ja navek pripovedal da se pri nami tu ne kaže ..prasac.. neg ..pajcek.. I nikak se onda na Gornjem Gradu nemre nekaj zvat Prasac.. il se je gazda zmenil il se je stari spametil..
I kaj bi tu trebalo kazat.. Nikaj drugo neg ..divota.. Gda se samo setim kak je negda to Vranicanjevo zgledelo.. Letima razkopana ruševina.. pa onda posipana zemla z šodrom..pa su samo domači fakini tu lopte naganjali.. I fajn je leta sprešlo dok naš gradonačelnik ni izdal zapoved.. ima se vrediti park.. I zbilam je to tak.. Denes nažalost tu uživaju največ cucki.. Aaa..kaj.. pol oveh ljudi kaj živi v Zagrebu nit neznaju da tu na Griču brdu nekaj opče ima ..
A zakaj si človek nebi malo počinul..ha.. Tak bum i ja lepo si sel tu na sunčeko v kafič pri oni babi Vištici i spil si Nesicu od vanilije.. Šteta kaj to tu ni više ona stara dobra brtija.. Taverna.. eee.. negda je bilo finih sendviča.. bela velka žemlja.. nutra šunka i sira.. hmmm.. mam mi je začelo kruleti v črevima...ha ....
Ha.. oni črleni kaj kakti vladaju z državom se odmaraju.. Pogleč kak su obloki odprti.. moraju vse nijhove pezdece i druga sranja zluftati.. Kolko ti dripleju.. more bit da nutar smerdi kak v kotcu.. Noo.. nebumo zdaj politizirali.. preveč je lepo jutro za tak nekaj .. ...... Pem dalše ................
ZAFRKANCIJA * * #
