Zagrebačke piknjice ..........

... zagrebački štikleci ......

...i nek ih vrag odnese ......

Evoooo... vse je spremno za velku Horvacku špelanciju.. slavlje kineskog novog leta... Trgač je okičen z nekakšnim lampijonima.. narafski..črlenim.. kaj bi od bratcke Kine i mogel drugo doživet.. Mingova soldatija je okupirala več par dni pol Trgača.. Ljudi se okuplaju.. glediju i čudiju.. pa čudiju i glediju... .....Pa dobro.. nigdo nema nikaj protif da Kinezi slaviju svoju novu godinu.. kak veliju..majmunsku.. a kaj drugo... no.. zakaj moraju baš tu vsred Zagreba Grada .. Ti vrapca.. v celomu Zagrebu nema pet Kinezof.. a pogleč.. mam dobiju celi Trgač na raspolaganje... Bilo je nekaj sličnoga i preklani pa su se Zagrepčanci samo podsmjehivali.. a bogmeš.. gda se malo obrneš okol sebe.. i denes se podsmjehuju.. No.. to su ozbiljne stvari.. zgruntaj si samo ak posle oveg srajna i Aboriđini zaištu Trgač za svoju novu godinu,..pa posle njih dojdu i oni z Burundija.. Zanzibara.. bi ga vrag više znal ... morti i oni dotepenci kaj kak miši plaziju prek naše Horvatcke ...ha ....

Si videl... i pozornica je tu.. znači bu bilo špelancija.. Pitam ja tu jednog kaj mu na ajncugu piše da je Redar.. Za kaj je to gospon tu.. morti za naše rukometaše kaj čuda spelavaju po svetu...ha ... Maaa.. neeee.. veli meni človek.. to je tu za proslavu kineske nove godine... Pogledajte i tribine su za uzvanike postavljene.. Aha..aha.. delam se ja bedak.. pitam ga.. A kaj bu morti i Maocetung došel z Kine... Veli človek.. Neznam.. vjerojatno samo ambasador Kine ... Aha.. fala gospon .. i odem ja dalše ...

I kaj bi človek rekel na vse to.. valjda si naš gradonačelnik..oni dotepenec z bregof grunta kak je to lepo on zmislil i naredil.. A kaj buš od teg paura i bolše očekival.. Ti vrapca.. gda sim na Trgač prihajaju naši zdrmani Zagorci.. onda dobiju samo dva dni za špelancije.. i to brez pozornice i tribina.. Gda dojdeju veseli Slavonci.. oni dobiju tri dni i par štandof .. narafski nit za njih nema pozornice.. A naši krasni Dalmatinci ..hajde.. njima se dodjeli celi teden za prectavlanje..ipak su oni najdalše od Zagreba.. Pa se i njima zaračunaju štandi..a svirat i popevat vsi skup moreju pokraj Mandušefca... I onda prihajaju posrani komšije.. mam je tu pozornica.. pa dojdu nekakšni ljudožderi.. evo i tribina da si glavata gospoda imaju kam guzice posjesti.. Velim ti ja.. čudan smo mi narod Horvati.. navek više polažemo za strajnske riti neg za domača srca ... A kaj... Ništ.. Nebum ja ta sprenemaganja tu došel gledeti.. rajši pem špancirat po mojem dragom Zagrebu ... Jebeš Kineze.. nek ih vrag odnese od kam su stigli ....

Se još navrnem koji put ....

Kak se zeme ......

Gda se več rano vjutro šmucam po tem delu Grada.. velim samom sebi.. Pem zažgati barem jenu svečicu pri moji fari na Dolcu .. Nis več od lani ništ zažgal gor pri Kamenitim vratim.. pa bum onda tu.. Čuj.. deset kunica bum imel stroška kolko košta svečica.. a nigdar nemreš bit ziher dal te negdo odzgor gledi .. Morti si je oni bradati nabavil .. se reče.. dron.. pa zdaj špijunira kaj na zemli delaju pretedenti za Raj ... ha... I pri najbolši volji nis uspel.. mlade ženske kaj tu svečice prodaje još ni.. valjda si još domof v krevetlinu rit čoha.. No.. bu oni gor mene razmel.. bumo se dogovorili gda se pojavim na hmmm.. audijenciji...

Kak vse zgledi.. ni baš uputno tak rano na Dolac dolazit.. kumice i kumeki nisu kaj su negdar bili.. zdaj lepo komotno dolaziju okol sedme vure.. A negda si ih tu mogel najti več v pet vur vjutro.. Jeee.. negda su vlekli košare i pinklece na plac praf z kolodvora kaj ih je cug dopelal.. i tak vsaki dan.. Ti vrapca.. denes pospremiju svoju robu tam v skladište na Dolcu.. nekaj sitnih penez to platiju.. Je..je.. nebuš više videl kumicu z košarom na tikvi i z cekerom v vsakoj ruki.. No.. dok se ne najde kaj ja iščem.. sel bi si pri kakšni Nesici od vanilije..al .. brus.. v ovi špelunki od brtije ..Serbus.. se zove.. pipničarka stoji na vratima kak da joj se neče otpreti.. Dakle.. pemo tam gde se ima kaj dobiti ...

Okol naokol.. malo glediš.. ljudi se žuriju na posel.. vse se človek pita v koje doba začne dan v našem Zagrebu.. Negda je to bilo okol pete vure vjutro.. ti vrapca.. vse su brtije bile otprte.. Kruha nisi mogel tak rano kupit..al Badela spiti čak i ranejše.. Jee.. moderno doba.. dela se od sedme.. osme.. pa i od desete vure.. i skroz do popoldan.. Jebal ga vrag..i to smo si dovlekli od šašavih Amerikajncof.. daj si zgruntaj.. moraš delati do četvrte al pete vure popoldan.. Eee.. v moje vreme sam ja v to doba več domof sedel v fotelji posle obeda.. a denes jadni ljudi v to vreme tekar loviju trajvane po Gradu .. Lepo ja velim.. svet se skroz naskroz naopčke obrnul.. Mora tu grom vudriti da bi se vse pošlihtalo kak se spada..

Baš gledim.. vsi ovi mladi ljudi kaj se tak žuriju v Tkalču.. vse su to kelneri.. kuhari.. pipničari kaj bežiju otpirat brtije..kafiče i ostale špelunke.. Dojde ti ih nekak fest žal.. pogotovo te mlade ženskice.. Jeee.. znam ja kak je i meni bilo lepo vjutro domof spati v topli sobi.. a onda najemput zazvoni vekerica.. kak da te negdo z mokrom krpom opalil po tikvi.. Narafski.. silom prilika se mora .. kuneš celi svet i oneg kaj ga je takveg naredil.. kuneš sudbinu kaj te vrti kak medveda na lancu.. No.. živlenje je to .. kaj je.. je.. A tu v mojem Žuja Baru te nigdar nebuju iznevjerili.. dobro si došel gda si došel.. Istini za volju.. konobar još leti po brtiji z metlom v ruki.. kune pipničarku kaj fort kasni na posel.. udala se nema dugo pa se nikak vjutro nemre odpustiti od oneg..hmmm.. kožnatog ...ha .. al veli.. Bum ja vama gospon složil Nesicu.. I tak.. na koncu zaklučiš da je živlenje ipak ljepo.. kak kom i .. kak se zeme ....

Serbus ..................

kmične špancirancije ....

Ha.. čuli su oni žutaki z očima všrek za našega svetloga Bana Jožu.. pa se dotepli v Horvacku i iščeju da se on ..se reče.. angažira .. pri nijhovi soldatiji .. I denes se po celomu Trgaču navelko ori.. Uuuuuustani Baaaaane ... Popevleju ti Mingovi..Čungovi i Tangovi kak stekli.. pa se od silne galame Ban zbudil i mam zamahal z sabljom.. Hmmm.. istini za volju.. pitanje je kolko svetli Ban njih razme.. ti vrapca..pa taj ni nit Horvatcki znal beknuti nit ga je razmel .. .. al je.. vsaka mu čast.. znal sablju zdignuti ... Huraaaaa... hmmmm.. bi ga vrag znal .....

Fala na pitanju.. prošlo je leto bilo blagoslovleno z pajcekimi..pa klobas ima na zalihama kolko ti srce i želudec poželi.. Dost dobro mirišiju po celomu Cvjetnom trgu.. a i kuhanog vinčeka ne nedostaje.. je da je i dalše splačina..al človeka veseli i baš je gušt koji put na.. stoječki.. maaa.. klobasu pojesti ....

Vreme je nekak kak proljetno.. bi ga vrag znal.. ova zima nit ni kak treba začela.. nit je zdaj.. a bumo još vidli kak bu dalše.. No.. of čas človeku čak paše sesti si vani v kafič i zlijati pivicu čez požirak.. narafski.. Žuja je Zakon .....A bormeš.. klobasa svoje išče.. vse kriči z drek magazina .. I več sam zgruntal da se bu v jeni pivici vtopila.. maaa brus.. dobro ona pliva... Dakle.. Još jenu Žuju.... lepo prosim ......

I makar je .. bi se reklo.. tekar rano popoldan.. vani je več črna kmica.. Pomalo i Zagrepčanci prihajaju na španciranje po Gradu .. Za kakšnih pol vure bu se več iskal stolec v kafiču i čekalo za klobasu .. Denes se nekak fajn osječam.. fit za španciranje.. narafski..ogledavanjem za lepim našim ženskama.. Jezušek.. ima ih..ima.. Eeeeh... da mi je kaj mi ni .....

Pa z noge na nogu.. lepo se polahko klatim spram sjeverozapada.. narafski.. ni mi nit v primisli trajvan.. od izloga do izloga.. vse tak lepo blešči... jeee.. lepi je moj Zagreb gda ga lampe obasjaju.. on i ja smo dva stara fakina .. A zakonita Žuja samo se premeče po moji škembi.. bljug..bljug.. bljug .. kak v barilčeku gda ga koturaš po cesti ..

Serbus ........

Zagrebačke piknjice .....

ima ih kaj znaju .....

.... pa se vrtim naokol ......

Je je.. imaš praf.. to tam je Zagrebačka Munjara.. veliju tome..Elektra.. Pem baš tam štajgat.. mamicu im zascanu.. dobil sam celu hrpu računof.. a vse mam za platit.. Eee.. jebal vas Ilija Gromovnik... pa nemam ja fabriku kaj bi tolko štroma potrošil.. Prafzapraf.. oni mulci su pronašli da ja imam dugovanja.. ti vrapca.. još od lanjskeg leta.. Jeee.. frišku figu.. sam ja vse podmiril kak pravi penzijoner.. prvo platit račune..pa onda dalše razkošno živet.. Ha.. imam ja vse spremleno.. No.. dojdem ja na red.. na šalteru nekakšna obligatna ženska.. Porinem, ja njoj pod nos opomenu kaj sam ju dobil i šutim... Gledi me ženska.. Dužni ste još od lani a tu vam je i obračun pa sve zajedno je .. začne ona... Počekajte gospica.. velim ja.. najte leteti kak ptičica.. Ja nis nikaj dužan.. i nebum ništ plačal... A ona začne tipkati po kompjutoru.. Evo.. veli.. tu sve stoji.. Opet ja.. Gospica draga of moment nikaj ne stoji.. ja sam sve platil i pemo mi od početka to računat.. Najemput se ženska sva napuhne..zacrveni.. vidim ja da je zdaj ljuta kaj ni po njezinom.. Veli ona.. Gospon ne mogu ja s vama vrijeme gubiti, ima još ljudi koji čekaju.. dužni ste i to je to ... Ha.. lepo se ja zafrkavam.. Kaj je mene briga za druge ljude.. velim ja.. of račun kaj ste mi ga poslali nije vredu.. me razmete.. Delam se i ja bedak pa prstom lupam po onim mojim papirima.. A kaj buš.. gda sam več moral sim dojti onda bum se malo i zabavil.. Nedam se ja z šaltera proč i lepo pristojno zahtjevam da se vsi moji računi ponovno spregledaju tam v kompjutoru.. Jadna ženska.. zdaj je več ljubičasta v licu..a ja mrtaf hladni kak gemišt .. Na koncu zove ona nekakšnu drugu žensku tam pozadi šalterof.. dojde ta..pita kaj je tu problem.. ova ljubičasta joj veli.. ova druga gledi.. i spametna ženska.. dosetila se .. Imate vi gospon račune da ste platili.. pita mene.. Velim ja..Narafski da imam evo izvolte..i gurnem ja njoj račune da sam sve platil.. Gledi ona moje račune.. gledi ovoj ljubičastoj prek ramena v kompjutor.. Dobro je.. kaže.. niste ništa dužni.. kod nas nije provedeno u kompjutoru.. Lepo me pozdravi o otide.. A ova zajapurena ljubičasta zdaj skoro poplavi od jada.. veli meni.. Pa zašto niste odmah pokazali te vaše račune.. A ja se delam potpuni generalič.. Pa gosica draga.. a zakaj me niste pitali... Moj naklon ...

Tu mam vizavi je Angelistički fakultet i ova cirkva v koji se mladi študenti kaj se učiju za popove.. treniraju služit mise i ostale špelancije.. Al kak zgledi.. za njih je vreme stalo još pred fajn leta.. Vuru su skinuli z tornja i zdaj je samo beli flek .. Pa je ta cirkva fort zaprta.. i slobodno velim da je to valjda jedina v Gradu v koju se nisam naluknul.. Maaa.. nejdem ti ja v cirkve da bi oneg bradatog na nebu kaj snubil.. samo se navrnem da vidim dal je krof dost čvrsti... ak slučajno ni.. mam bi se zrušil čim ja tikvu nutar porinem...ha ..... Praf za praf.. ja gor pri Kamenitim vratima koji put svečicu zažgam.. to onak za vsaki slučaj da mi buju grehi odpisani.. A koji put se navrnem v moju faru pri Svetoj Mariji na Dolcu.. Ta je najstareša cirkva u Gradu..pa je čak i stareša od našega Zagreba .. tam sam kršten.. pričeščen.. firman.. vjenčan.. Malo porinem nutar tikvu tekar da me ne pozabiju pa i tam zažgam svečicu.. Hmmm.. nigdar nemreš bit ziher ......

Viš.. tu je pred dvajset let bil lepi park.. rasle su breze.. klupe v hladovini su navek imale mušterije.. A posvud naokol su bili velki grmi roza i bjelih hortenzija Bila je milina to videt i tu dojti z kakšnom frajlicom.. A naokol su se fort špancirale zgodne študentice.. jer to je.. ak negdo nezna.. mam spred negdarnje Sveučilišne biblioteke.. Denes je to Horvacki arhif .. Bilo je to rjetko mirno mjesto za počinut si. I onda se jen napuhani ugursuz dosetil kak to treba sprerihtati i tu podignut spomenika Maruliču.. Bilo je to v doba dok sam ja bil kak Gradcki zastupnik v Gradckoj Skupštini Grada Zagreba.. Nisam ja nikaj ime protif spomenika Maruliču..pa ionak se trg po nejmu nazivle.. al sam hudo štajgal da se park nesme dirat.. Al kaj... kak i navek.. nadglasali si me dotepenci z bregof kojih je navek bilo i bu v Gradckoj Skupštini.. I onda je spametni arhitekt .. jebal ga vrag.. zgruntal da tu treba skopati velkog betonskog bazena.. napunit z vodom.. i na sred postavit teg Maruliča.. Ti vrapca.. ja sam ponorel.. glasno sam kričal da bum ja personalno v toj vodi zadavil oneg koji bu tu vodu otprl.. I još par njih me je spametnih podšprajcalo.. pa se nekaj malo spromenilo.. Nebu bila voda neg se bu posadila trava tak da stari Marul valjda ima kaj pasti kak krava.. I tak se skončalo.. Zdaj Marul sedi vsred zelenog.. klupa naokol nema.. breze su sporušili.. i vse to ničemi ne služi .. čak ni za ljepotu ...

Znaš... makar je meni moj Zagreb lepi kak god da ga obrneš.. ipak mi nekak tak tužno zgledi prek zime.. jee.. pa i ja sam nekak.. zapraf..saf nikak prek zime.. I zdaj po toj mrzlini vse zgledi kak da je došel smak svjeta.. Tu i tam kakšni človek brza..saf potuljen.. ženske su zamotane v te svoje bunde i kapuljače.. hmmm.. bi rekel človek da tak vsaka jako dobro zgledi .. riti se migljaju spodi ajncuga.. noge viriju tekar tolko z čizmaki.. noseki strčiju.. a vse ostalo se ne vidi.. I onda nemreš nikaj prigovorit.. hmmm znaš.. tome se reče.. mačak v vreči ...ha ..

I rekel bum ti da je jena i pol vura španciranja sasvim dost.. Gruntam si dal bi morti malo sprešel dol na staru Martinofku... gda sam zajdni put tam bil sve je zgledelo kak da je ščera skončal drugi svjetcki rat.. tam se još moreju videt sirotinjske starine.. a z druge strane.. malo dalše.. ta negdarnja žabarija raste v moderni grad .. No.. ipak bum to pustil za koji drugi put.. Pem malo pogledeti kak je pri Safskoj.. bum sprešel pokraj starog sirotinjskog Geta v Crnatkovoj.. ziher ga još nisu zrušili.. Tak.. vrtim se naokol... dok me ne zazebe.. a onda praf v prvi trajvan pa nekam na kuhano vinčeko ....

Serbus .......

hmmm.. začelo je cvikat ....

Upraf tak.. več dva..tri dni je vjutro vse zmrznuto .. celzijusi su prešli vrit.. zima se iskezila.. praf je začelo cvikat .. Je da je lepo vedro.. nebo plavo.. sunčeko odzgor gledi mene.. ja gledim nejga..a on bedak samo zube pokazivle.. Opče se pitam kaj ga treba gda nikaj ni od koristi .. tekar da mi blešči v oči pa moram kmične naočale nosit .. No.. kraglina gor.. ruke v žep.. pa malo na trajvan..malo cipelcugom i polahko prek Griča brega na drugu stran ... Praf za praf.. dobro je da je takšno vreme.. dalko bolše neg da mi se spod nogu razvlači ona črna bljuzga.. kak vse zgledi a i prognozeri se kuneju da bu tak ostalo ...

Kak i navek ja sim gore dojdem prije oneh prevrtljifcof kaj celu noč sanjaju bedarije..a onda po belomu danu to prodajeju puku.. A se nekaj pripoveda da se bu sim v Banske dveri naša Horvacka predcjednica preselila.. Maaa.. nis ja z tim baš preveć zadovoljan.. pak bu tu još vekša gužvancija z avtomobilima.. vse bu puno policijota i žbira .. novinari buju bežali kak stekli z kraja na kraj.. a poradi vsakeg gosta kaj bu išel v vizitu kod predcjednice buju zapirali vulice.. Da se mene pita vse bi ja njih.. te politikante steral nekam prek Save.. a dobri stari Gradec na Griču brdu prepustil Zagrepčancima... No.. gdo bu mene kaj pital.. I na koncu bum i ja sim koji put naišel da si poluknem našu predcjednicu.. Ha.. feš baba.. zgodna.. hmmm.. jedin kaj hodi kak medved....

Kak je negdo to lepo rekel.. v kokošinjcu još ni kokica.. puranof.. tetreba.. picekof.. jeee.. to su gospodcke riti.. Dok se ja tu sprešetavlem.. te barabe još blaženo spiju .. pa kak i oni prek puta.. zmišlavaju hmmm.. pizdarije.. Drugač je težko kazat razumlivo kaj to oni delaju .. Zapraf.. se zna.. delaju bedake z poštenog puka... No.. pa su ..fala Jezušeku.. obligatno za to plačeni.. dakle.. nema se kaj prigovarat ....

Viš.. dobro je ranejše sim dojti..moreš na kipeca deti stari zdenac z vsih stran.. za pol vure buju več dva avtomobila tu zparkirana.. pa nek se turisti onda fučkaju z svojim aparatlinima.. A nekakšni bilmez tu navek zparkira svojeg noveg Folcvagena.. pa gda se tu navrneju turisti z Moldavije..onda rajši glediju i na kipeca mečeju avto neg stari zdenac...

I dok se konobar dol v Palainofki ne razbudi i otpre.. ja se bum malo sprešetal po dobri stari Sjeverni Promenadi..kak se to denes nazivle Vrazovo šetalište .. Paaa.. nit je to više Promenda..nit šetalište.. a pogotovo zdaj prek zime.. Jedin sam denes tu susrel jen pasji zmrznuti drek nasred puta i praznu flašu kaj je valjda tu još od tople jeseni .....

Ti vrapca.. kolko je to leta prešlo od gda su se tu začeli špancirat Purgeri.. zagrebački obrtniki i drugi ravnopravni Zagrepčanci.. dotepenci..mlađarija i ostala klatež.. Jeee.. tam spreda na Južnoj Promenadi je bilo bezecirano za aristokraciju i ostalu visoku gospodu.. Pa su se tak vsaki na svoji strani prenemagali.. pokazivali.. tračali jeni o drugim.. snubili jeni druge..i mužki i ženske.. pa nebi človek ruku v ogenj dal da su po kmici baš vsi tu krunice molili... ha ... pa sam ja o tomu več davno škrabal..pa nebum spet ..

A v doba dok sam ja po našem lepom Zagrebu fakinaril i naganjal curičke.. to Vrazovo ni bilo tak lepo sporihtano kak je to zajdnih leta.. Bila je tu poprilična šikara.. denes pošodrane staze su bile blatnjave al prašnjave.. kak kada.. zapraf se nisu nit vidle z grmlja dobro čez dan a kamoli po kmici .. A kmično je bilo navek jer nit jena jedina lanterna ni bila čitava.. Narafski.. fakini su to sporihtali jer malo se koja curička ni sramila gače svleči spod lampe.......

Viš.. tu v prvom redu Sjeverne Promenade.. mam povrh Duge vulice.. to je bilo za početnike koji još nisu imeli iskustva z parkovima a nit z curičkama.... Tu su bile klupe navek prazne dok su one gore višlje bile bezecirane več od prveg mraka.. I kaj se desilo.. gda bi bilmez sim dopelal svoju pucu..saf sretan kaj je našel prazno mjesto.. za kratko bi videl da to i ni baš koristno.. Ha.. pa druga klupa je na par korakof tak da se moglo i vse čuti ak se ni na samo vuho šaptalo.. A velka je pizdarija bila... ha.. ulična lampa visoko na kandelaberu.. ha .. do teg se ni moglo spentrat i zgasit plin.. I tak bi onda mamlaz kojem to ni bilo poznato malo posedel z curicom.. pa otišel iskati bolše mesto.. al ga tu ni mogel najti.. A gor v kmici se ništ ni vidlo.. samo se čulo kak si zalubleni zube brusiju.. a tu i tam bi kakšna curička sramežlivo cvilela...Neeeemooooj..... a drugi bi glas nadodal.. Maaa.. daaaaj.. samo maaaalo ... evo toliko... Narafski nigdo ni videl kolko joj je fakin pokazal.. al se posle više nebi ništ čulo.... ha ...

Narafski.. konobar v Palainofki nikak da se sporazumije z aparatlinom za kavu..tak da sam ja brez Nesice prešel dalše.. Uzput sam onaj zmrznuti pasji drek tak opalil z cipelom da je odletel i se ljepo čulo kak je opal nasred Duge vulice...ha .. I kaj.. sim al tam.. maaa. ravno dole čez Felbijeve štenge.. V dobri stari Tkalči navek ima vjutro od rane vure otprtih brtija... Vreme i dalše vani cvika.. ni baš za sprešetavanje.. tekar tolko ....

Serbus ............

...i tak nekak ........Ha ...

Bi ga vrag znal kome of tu više treba.. Božične i novogodišnje špelancije su prešle.. vredni radniki su začeli skidat one svetleče ukrase.. šuma sibirska je z Trgača odpelana .. prafzapraf.. ostale su još jedin klobase tam pri Gajevoj.. pa ni tu više ni gužvancija.. Trgač je falabogu prazan.. čist.. a takšni je i najlepši ... kak gola ženska.. razmeš ....ha ...

I put v raj je konačno prohodan od one silne šume borova ..štandova.. i kojekakšne kramarije.. Veli moja suseda Metuzalemka.. da ona vsaki dan pe na misu v Prvostolnicu.. to je veli nejzina pokora i zbog tega bu prešla v raj.. Ti vrapca.. a cirkvu ima pod nosom v Kustošiji.. al kaj .. tu nigdo ne garantira odlazak v raj.. Hmmm.. bi se človek i zapital.. ima nekaj v tome.. ni ova zabadaf Metuzalmeka.. ima več prek devedeset.. i kak vse zgledi.. bu raj još dost pričekal na nju.. ha ...

Znaš.. često ja projedem tu čez Bakačevu pa al na Kaptol..al na Dolac.. no vsaki put projdem pokraj te knjižare gde se prodajeju svete libre.. molitveniki.. katekizmi.. razne pripovetke z raja i pakla.. i na koncu Biblije.. I znaš kaj je tu imteresantno.. a ja baš navek na to pozornost hitim.. Biblija.. razmeš.. libra nad librima.. več deset let ne menja svoju cjenu.. Košta bezobraznih tristo kuna.. i nigdar pokraj nje ne piše...SALE .. Ti vrapca.. čujem več fajn dugo vremena da se negde po svjetu te biblije djeliju zabadaf.. a rekel bum ti da sam v dost strajnskih hotela videl v ladlinu po sobama praf Bibliju.. I ak si ju zemeš da dugšu posudbu.. se reče.. fkradeš.. nigdo ti nebu zameril... Al.. tristo kuna.. jebal ih vrag lihvarski....Ha ....

Fontana z Bogorodicom na vrhu.. je suha.. da se nebi voda zmrzla.. Viš.. nit dragi Bogek ne dopušta nikakšne protekcije.. zima je vreme gda se voda mora zmzavat.. i na takšnem svetom mestu nema nikakšneg izuzetka ..A baš bi se moglo progledat čez prste.. No kaj... red je red.. valjda oni bradati gor zna kaj dela.. hmmm.. makar ja baš i nis preveć ziher... I dok prolazim pokraj teg zlatnog angeleka.. malo ga gledim.. ti vrapca.. drži taj križ v rukama kak toljagu.. a da mu vidiš facu.. vrabec ga dal.. ipak ga ja malo zaobidem.. za vsaki slučaj ...Ha ....

Pogleč.. tu v ovi lepi hiži.. ti vrapca.. ima skupi bakreni krof.. tu ti je nutra odkad ja pamtim.. a tomu je fajn cajti prešlo.. bil fotograf.. I dobar je tu posel delal.. slikal mladence kaj bi vjenčali v Prvostolnici.. pa razne druge špelancije.. pričesti.. firme.... I onda je došla pravda v našu državu.. cirkvi je ta hiža vračena.. i onda je dragi Bogek jenostavno teg fotografa.. se reče.. deložiral.. dobil je fusingus.. Denes je tu nutra kakti Papin muzej.. par slikic od Papa na zidima i gomila libri o Papi.. istini za volju.. ja sam išel nutra pogledatl al nis kupil ništ.. Nit ti Pape nemaju nikakšne milosti spram vjernika.. Libre koštaju kak da ih sam Papa personalno prodaje.. a ne stara časna kaj se nit osmjehnut nezna.... I tak to zjeva navek prazno.. Praf im budi .... Ha ....

Viš ovu negdar zelenu livadu.. jeee.. bila je zelena dok se nije sim pred Badnjak preselil.. Betlehem.. Ljepo je to bilo.. jaslice.. svječice.. nekakšna ofca.. dva osla su tu srala naokol.. par kokic i tri patke.. Isusek se grijal pri kaloliferu.. a ljudi su stajali..divili se i hukali v šake..cupkali z nogami.. a ženskica kaj je glumatala majkicu Jezušekovu je posle sama priznala da je prehlađena kak..kojn.. No.. je bolše prešel japa Jezušof.. on je vsako malo zbrisal v brtiju prek puta.. I tak.. ostala je za Jezušekom blatna livada.. buju ju na prolječe vredili vrtlari ...A dote se turisti kaj sim fort prihajaju debelo čudiju terenu za motokros.. tak to zgledi ....Ha ...

Serbus .................

Špancirancije ..............

zagrebački štikleci ...............

2016..... Početak

..i tak se švercamo..dan po dan ....

Negdo je lepo zafrknul zimu.. pa kak je navek dobro skoristit tuđu nevolju..tak i ja.. švercam se čez lepo vreme.. pa dok traje nek traje .. Posvud naokol..makar su rekli da bi morti i dež mogel lahko opasti.. Nooo.. pa mi smo ipak v Zagrebu.. se još reče.. v Metropoli... kaj ne.. Jeftinih ambrela na vsakem koraku pa kaj bi se človek štental z prognozama.. Celzijusi su sasvim normalni.. asfalt se pomalo suši.. sunčeko gor visoko žmirka.. a oblačeki se taki španciraju tam malo dalše.. v šturcu pri Medvedgradu ...A ja kak pravi zasluženi penzijoner se polahko gibam.. evo.. baš pokraj samostana svetog Vinceka ...

...pa pokraj moje stare osmoljetke.. tu sam išel v sedmi i osmi razred.. Ti vrapca.. kak je tu negda bilo puno đakof.. vse se vulica črnela od njih..ha.. smo v ono davno vreme mi đaki nosili črne kute.. dečki kratke.. curičke pa dugačke.. Je to zgledelo kak da je škola za dimnjačare..ha ..

... i tu sam išel takaj v osmoljetku..ta je mam vizavi one prve.. Tu sam išel v peti i šesti razred.. A.. tak je to bilo.. fort se nekaj po tim školama spelavalo.. pa su nas đake šibali malo sim ..malo tam.. A to se srajne nazivalo.. Šuvarijada.. A od prveg do četvrtog razreda sam išel v zajdnu pučku školu v Bogovičevi vulici .. Ti vrapca..kak sam ja spameten.. išel sam v čak tri škole samo dok nis sprešel osmoljetku ...ha ...

...a stara Samostanska vulica se ni baš nikaj spromenila od doba dok sam ja tu pokraj škole gibal .. Jedin kaj je jena škola zaprta..prazna.. sva pohabana.. a v drugi od negdarnjih sedamsto đakof..denes ih tu pohađa osmoljetku tekar okol tristo... Jeee.. veliju spametni da su Horvati najbolši na svetu v onem.. seksu..Al kaj.. pozabili su kak se deca delaju ....

... i makar je lepo vreme kafiči nekak zjevaju prazni.. hmmm.. valjda su se ljudi fajn strošili za protekle blagdane.. pa zdaj pijeju kavice pri hiži.. Meni nigdar ni nekaj posebnog domof piti.. makar ima vsega i svačega.. ja si najrajši nekaj spijem v brtiji.. pogotovo ak se i kakšni pajdaš najde.....

... ti velim.. kak v doba kuge v Firenci.. prazni stolci.. a prazno i nutra v kafiču.. Jedin kelner luka čez izlog..valjda kune sve svece.. nema gostih.. nit tringelta ni .. A se zna da kelneri ne živiju od plače neg od tringelta.. Veli moj poznati kaj dela v kavani na Trgaču da dobi za mjesec dni tringelta kolko su mu tri plače.. Jee.. darežljif smo mi narod.. makar su oskudice.. nek se vidi raskoš .....

A kak nam se pišeju težka vremena.. tak barem politika pripoveda.. zgledi da jedin Jehofci vjeruju u bolše živlenje.. Jebal ih vrag.. ove dve tu vsaki dan stojiju pa makar sunce žgalo kak v Sahari..al pa snjeg bil do kolena kak v Sibiru.. Hmmm.. ova v črlenom zna celu Bibliju napamet.. morti je otkrila tajnu formulu kak se more dobro živeti i ništ ne delati.. A ja iščem naokol kakšnu poznatu gubicu kaj bi prešli v brtiju.. baš mi se hoče Nesicu spiti .. Ti vrapca.. nigde nikog.. a kaj.. bum nekaj zašparal na rundi ....

Serbus ...............

.. a dan je bil kak najlepša pupica ....

Ak se po jutru dan poznaje...onda moram priznat da je of put bilo kak se spada.. Celu prošlu noč je dež curel..zapraf.. sračkal je polahko.. al je veter fest lamatal naokol da je vse fučkalo ... No.. jutro se zbudilo z sunčekom.. a nebo plavo kak ga dugo ni bilo videt... Kak drugač neg malo na štrapacirung.. Taman mi paše ....

A ja po starim putima naokol plazim.. divim se mojem dragom Zagrebu.. navek znova i znova .. Malo gledim tu staru palaču na vuglu...Eeee.. tu je praf na prvem katu stanoval moj negdarnji Zrinjevački pajdaš..fakin.. Glavonja.. Več sam ja o njemu dost škrabal..al ga se navek setim.. Celu mladost je študiral..a posle se je ostatak živlenja spremal ženit al se nigdar ni oženil.. On i nejgova Marina su se ljubili..svadili.. mirili.. I na koncu je vsaki od njih cugal na svojem kraju Grada.. nit se on oženil.. nit se ona udala.. Eeeh.. Glavonja je prešel Vragu po račun več pred petnajst let..a Marina kak sam čul.. pred dva leta ... Vrabec ga dal..gda se samo zmislim kolko je mojih pajdašof več prešlo kod Velkog Manitua... uuuu... još se ja i dobro držim ...ha ....

Zgor z Medvednice nekakšni sramežlivi oblački plahutaju.. no.. kak zgledi dugo još nebuju začrnili nebo.. Na Malom Placu je baš lepo videt pune štande i kumice.. Oveh zajdnih dni ih ni bilo pa je plac zgledel kak zraubano dvorište.. Moram negde najti mjesto za malo si počinut.. ti vrapca..pa od jutra hodim sim pa tam .. A i nebi škodila Nesica od vanilije.. Denes nis nikoga poznatog susrel.. kak da su nekam zginuli.. a tak je lepo vreme ..

Novo leto je začelo dane brojit..al starom Đuri nikak da dojde vreme za penziju.. Ni pošteno.. Đuro pela po Zagrebu več prek pedeset let i ak mu se zaračuna.. se reče.. beneficirani staž.. onda je svakak zaslužil prejti v penziju.. Jeee.. al trajvani nisu ljudi.. vlekel bu se po štreki dok se ne raztepe... A i ja bum tak nekak.. doduše ne po štreki..al po trotoaru ziher... Maaa.. pem cipelcugom do kraja.. Nek vrag zeme i mene i cipeliše al denes mi baš paše.. A vreme je kak najlepša pupica ....

Serbus ......

puhnul vetar zel ga vrag .....

Da človek ne poveruje.. več dva dni je nekakšna jugovina.. pa se oni beli.. sivi i črni prhlivec začel topit kak putar v protvanu.. Prvo se cedil z krovih.. čak ni stigel nit opasti nekomu na tintaru.. a onda se je i po vulicah topil..a denes je skončal na čisto.. skoro da ga ni nigde videt.. Narafski.. gdo je baš fest znatiželjan.. more dobiti i celi kamijon teg belog..ha.. pri meni v dvorištu je .. istini za volju nekaj majnše.. al je još celi breg.. I makar ga je denes čak i sunčeko oplahnulo.. taj moj se neda tak lahko.. Veli moj sused Cajger.. pri njemu ga je takaj za vagon.. da nek zovem gradonačelnika i pitam ga za apetit.. morti bi i našeg snjega taj dotepenec z bregof štel pojesti ...

Pa se ne treba preveć veselit.. več za dva tri dni bu se spet huda zima vrnula.. a ni za verovat da bu se to provleklo brez noveg prhlifca.. Dakle treba skoristit to malo cajta lepog vremena i zbavlat svakojake bedarije po Gradu.. Maaa.. iščem nekakšnu žnoru za kompjutor.. i vse kaj se ima za spregledat ja sam zbavil.. i hodil po štacunima i nazival kramare.. jebal ga vrag.. nema pa nema.. I kaj.. na koncu mi kčerka veli nek si naručim na Internetu prek oneg Ebaja.. I tražim ja tu žnoru po Ebaju i vrapca mu.. najdem.. ima kolko hočeš.. Ima i svega drugeg..kaj ti srce poželi..Pa se onda ništ ne čudim kaj je oni Kimkamkum v Koreji morti tak i onu bombu naručil...ha ... Moram teg Ebaja počastit gda ga susretnem negde na vulici ...ha ...

Kaj ti ja velim.. samo tak nekaj more bit lepše od mojeg Zagreba.. a gledim ja ovu ..onak z šturca.. pa si gruntam.. A kaj bi tu človek imel za prigovorit.. ništ..baš ništ.. Ljepo ju kak kaplicu vode v pustinji držati na dlanu.. Al ovo tu je velka sramota.. daj si zgruntaj dal bi ti tak nekaj lepoga pustil da po ovi zimi stoji na trajvanski stanici i čeka.. smrdlivi trajvan.. Nikak.. nit za živu glavu ja nebi tak zgrešil .. Al kaj sirota more.. valjda je sama al pak ima muškog za posrati.. Eeee.. da sam zdaj v svojem tutaču.. lepo bi stal i pital dal morti pe do Črnomerca.. Prafzapraf..odpelal bi ju kam njoj paše.. Jemput.. več je tomu davno.........
........................Curel je dež kak stekli.. a trajvani nisu taj čas pelali po Ilici.. valjda je negdje zaštekalo.. Stanice pune ljudi.. Stanem ja na stanici na Avstrijski izidem na pol z avta.. dež lije kak da bi kiblu zvrnul.. i glasno viknem.. Črnomerac... Pa se kmeni zaleti jen stari i on bi se z menom štel pelati do Črnomerca.. Al taj časek spazim ja mladu noseču ženskicu.. bi rekli..trudnicu .. I onak več z mokrom tintarom odbijem ja teg starog i pozovem tu mladu trudnicu da uđe u avto.. Ti vrapca.. kak da sam imel đavolske roge na tikvi i kopita na nogami.. ta se mlada izdere na mene.. Ni slučajno.. znam ja takve.. ljepo bi vi mene nagovorili.. samo se vi vozite sami.. Kriči ta mlada z trbuhom do brade.. Meni vse nekaj v trbuhu zavrne.. nemrem verovat.. Ljudi slušaju glediju nju.. glediju mene.. ziher im nije nikaj bistro.. No.. jena stareša ženska se primi za kvaku na uvtu i veli da bu se ona zmenom odpelala gda več neče ta mlada.. Al kaj.. zdaj sam ja zakričal.. Odi baba vrit.. sel sam več saf mokar za volan i vudril po gasu.. Posle mi je bilo žal te stareša ženske.. ni bila ništ kriva..al je meni živac zakuhal.. Sam si kasnejše gruntal kak je ta mlada opče ostala trudna ... O teg dana nigdar više nis nikomu stal .......

Serbus ..........

nikak to ne zgledi .....

I gdar se je napadal kak stekli.. zdaj bu ovakvi stajal po vulicama do svetog nigdarjeva.. Celzijusi su prešli dol pa se of nebu raztopil tak hitro .. Zdaj je još malo sivi..al za par dni bu črni.. I onda bu to.. se reče.. atrakcija v Zagrebu ... Negda v davna vremena se snjeg takaj čistil z vulica.. pa ni ostajal ovak na hrpama.. Lepo su došli radniki z lopatama ..otprli šahte od kanalizacije i snjeg bacali nutra.. No denes to nikomu ne pada na pamet..

I čez dan se ipak malo teg nazublanog prhlifca raztopi.. cedi se po trotoarima.. nafčer se začne mrznuti i do jutra bu kak na šličuhalištu.. Ljudi se buju vrteli kak na Zlatnoj pirueti.. aksli i ritbergeri buju atrakcija..pa onda špaga i marš v Draškovičevu v Traumu po gips.. brez komentara Milke Babovič....ha ...

Vidim ja denes na Zrinjefcu one radnike z poduzeča kaj parkove muštra.. ti vrapca..pa valjda nisu došli cvetje sadit..No.. pitam ja njih da gda bu konačno to listje z platana opalo.. Glediju oni mene kak da sam ja z Marsa opal.. a jen veli.. Gda bu naš Gradonačelnik zapovedil... Ha.. bogmeš se človek zna šaliti..

Sječam se ja doba gda je listje padalo još na jesen.. al kaj.. svet se skroz na skroz zmenil.. ništ ni kak se spada.. Evo.. pogleč.. baš zdaj jena babica pošila svog dedeka da pogleda tu na stup kolko je celzijusa.. A of siromaček se ne usudi po tom zmrznutom snjegu.. vse proba z cipelom.. al vrag se skliže... Odustal je pa je babica ostala uzkračena za informaciju.. Čujem kak ona veli.. Pa valjda je spodi nule gda se tak skliže ... A oni radniki tam dalše stojiju nasloniti na lopate i raufaju.. Valjda čekaju da naš gradonačelnik.. oni dotepenec z bregof.. naredi da se i tu malo to postruže ...

I tak.. nema človek prevelku volju se špancirat po takvem vremenu.. Al nemreš nit celi dan domof sedeti.. Snjeg sam po dvorištu postrugal.. ti vrapca.. naredil sam tak velku hrpu.. zgledi kak kula babilonska.. Bogmeš.. taj se nebu stopil vse do svibnja.. I baš me ni briga ... Fučkaš zimu.. nemreš na vulici nit žensku praf videti ...

Serbus .....

se je zasral .....................

Dva koraka gor..jen nazaj dol.. tak ti je to zgledelo po prvem snjegu.. Prošlu je noč začel prhati.. vragt ga jebal.. da človek ne poveruje.. Zdignem se v sred noči na scanje.. pa uzput hitim pogled na oblok.. i vse se čudim.onak pospani.. od gda mi imamo belu forhangu na obloku.. Gda bolše pogledim.. forhanga ..sim tam.. leti.. Eeee.. to je to.. stigel je beli prhlivec.. I prešel sam natrag spati.. narafski.. sanjal sam do jutra onu velku lopatu za snjeg kak me vjerno čeka na štendama spred vrati.. Makar sam se ja nadal da bu ipak malo zaobišel moj kraj .. Brus.. do jutra je napadal da se vse človek pita gda je tolko stigel.. I kak vjutro nesmeš strugat z lopatom po dvorišču.. vrabec ga dal.. suseda Cajgerica spi do devet vur.. suseda špenglerica do deset.. suseda Ifka čak do podneva.. jeee.. po noči glediju babe televiziju..a po danu spiju.. I gda bi ja začel strugat.. mam bi me čez oblok sve tri gledele da bi me lahko z očima strelile.. I onda bi se durile naokol kak ja nemam nit malo razumjevanja za svoju okolinu... ha ..
Pa sam rajši prešel v šancirung.. maa sam brzo zažalil.. Najme.. oblekel sam si.. bedak.. obične opanjke namesto onih debelih gumerica kaj su baš za snjeg dobre.. I onda je začelo moje šličuhanje po vulici.. sam kaj nis piruete i aksle delal.. No..kaj. je.. je.. Treba vloviti na kipec malo Grada dok još taj beli ni posivel i na koncu počrnil ...

Kaj da ti velim.. več mi je taj snjeg zašel v cipeliše dok sam ja stigel do starog Gustafa.. Viš.. tu sam pred dva dni sedel i pripovedal znjim.. narafski o Zagrebu.. a navek se ima kaj za kazat.. No denes mi nikak ni do tračanja.. jedin smo Gustaf i ja zaklučili da je of čas naš dragi Grad ipak ..Beli Zagreb Grad.. Negda davno je to i bil navek.. v vsako doba.. a denes samo rano vjutro gda ga zasipa beli prhlivec ... Dole v nizini ralice celu noč drndaju.. stružeju.. sipaju sol.. pa ja onda zaklučim da ipak naš Zagreb ima koji put kakšnu korist od Horvatckog mora .. Bemtibigulicu.. začelo me zepsti za papke a to znači da se pod nus treba maknut z vulice i negde na toplom se podgrijat.. A kaj gruntaš..kam.. narafski .. v brtiju na kuhano vinčeko.. makar ta spalčina i nije bogznakaj .. ipak je topla pa te lepo sprožima od vuha do malog prsta na nogi ...........

Se razme.. najkračim putem sam se odsklizal dol do Tkalče..pa skor da nit štenge nis videl .. Tu i tam je koji kafič otprt.. a pri Viktoriju ima kuhanog vina v vsako doba..Maznul sam dve kupice.. mam su mi papki živnuli v smrznutim opanjkima.. a i ja sam se lepo čutil.. Ti vrapca.. najrajši bi tu ostal sedeti do podneva.. al kaj.. mogel bi tu i zaspati ... Ništ.. nazaj domof.. lopatu v ruke.. nigdo to umesto mene nebu zbavil..sam bi se domači čudili da kaj ja ne vidim kak se je snjeg zasral po dvorišču........ Istini za volju.. ni ga trebalo..al kaj.. jebal ga vrag ......................

Serbus ........................

baš ništ .........

Jebal ga vrag... ni dobro posle ovakšnih blagdana.. nikak da se človek malo oporavi od teh težkih probavlanja.. Pogleč.. taman se sleglo do jutra ono kaj je bilo za bogofsku večeru.. več sam vjutro v piđami šnjofal po špajzi i frižideru.. Pa je poznato da ja nis karakter gda je v pitanju žderilo.. a pogotovo gda je mam na dohvat ruke.. Noč sam nekak spretrpel.. zmed samih ženskih.. a vse su kak ja i još gorše.. A kaj moreš.. tak je of put ispalo.. ni mi se štelo nikam od hiže dalše.. eee.. onda su tu i posledice.. Dakle.. hitil sam v požirak par kolačof i evo zdaj muku mučim Sizifovu da se spentram gor na brdo .. Najrajši bi si sel na pod i tak ostal .. Maaa.. to si ti moje nekakšne navade.. je da su skroz na skroz bedaste..al takšni sam ja.. I na staro leto i v novom letu ja se moram sprešpancirat po Gornjem Gradu....

Vse je na svom mestu.. makar je tu celu prošlu noč bil rusvaj.. Vredni su smetlari polizali celi Gornji Grad..baš kak to zahtjeva naš gradonačelnik.. oni dotepenec z bregof. Kak da ništ ni bilo.. Tak treba.. Ti vrapca.. tak bi si rad sel na klupu.. al je mrzla.. cela prošla noč je bila fest hladna i zmrznuta.. Na polnočku sam zišel na terasu i gledel oni vatromet v Gradu.. pol vure sam stajal dok mi se jajca nisu zmrzla kak oni Ledo cvečnknedli z ledene škrinje.. Je.. bedak.. dok su si babe navlekle svakaj na sebe ja sam glumil Bigfuta samo v rubači.. Naokol su vsi pucali.. hitali petarde.. i kaj ti ja znam z čega vse nisu treskali.. Susedof Garo je zavijal kak stekli.. al je mačak Sofoklo mirno sedel i lizal si jajca.. Sused Cajger je klel jer mu dve petarde nisu opalile.. a sused špengler se na koncu držal za tikvu i gledel kak su nejgovih tristo kuna odfijukale v luft i svetlele par časeka.. Meni su kričali da sam škrtica jer of put nisam imel nikaj za treskati.. Tresnul bi ja tvoju Cajgericu.. pa kaj košta da košta.. gruntam si ja.. hmmm.. več bum ja to jemput spunil..kad tad .. kak narod veli ......

I ak je rano vjutro zgledelo da bu morti i malo sunčeka videt.. niš od tega.. oblaki su se navlekli i tak mrzli veter puše kak da je iza vugla Laponija.. Nigde nikog za videt.. jedin tam pri Kamenitim vratima se odnekud stvorila gužva.. gomila žutaka z očima všrek.. vrabec ih dal.. od kud su se oni spukli.. Stojiju nutra spodi kule i grijeju se pri svečicama.. I tak ti ja gledim naokol.. od lajnskeg leta do denes se ni nikaj spromenilo.. baš ništ .. Ha..

I makar su se prognostičari kleli da bu na samo Novo leto oni beli prlhlivec zasipal naš Zagreb.. nit jena pahuljica ni doprhala.. No.. do polnočke još ima cajta.. ma si ja teg belog ništ ne priželjkujem .. Ovak je sasvim dobro.. Ti vrapca.. dok ja tu sedim i škrabam.. vani pak nekakšni bedak hiče petarde.. ha.. more bit da je prošlu noč prespal.. al denes ima.. kak se reče.. reprizu .....................

Fala vsim na lepim željama i čestitkama..... Ak sam slučajno koga pozabil spomenut.. drugo leto ziher nebum .... Serbus ...............