I dok si je još sunčeko spremišlalo dal bu zišlo z oblakof.. ja sam se več spentral na brdo Grič.. Ti vrapca.. nis več dugo takšni štrapac podnesel.. Sam došel gor pa sam kak som na suhem lufta lovil... Veli meni moj sused Cajger gda me vidi koji put zadihanog.. kaj je sused.. jebe te godina proizvodnje... Prafzapraf.. baš to.. Garancija je več davno prestala vredit.. kompresija je opala.. me razmeš.. i zdaj se vlečem kak dvotaktni Trabant... No.. polahko..pa se bu dalko došlo ... A na Griču Brdu..jesen.. prava purgerska.. milina.. nigde nikog.. tekar je sedma vura prešla.... Gornji Grad i ja.. sami samcati ..................
Nebuš mi veroval.. vsaki put gda se sim dotepem..mam mi pred očima začne film se vrtet.. velim ti.. prava prafcata Kinoteka.. I tak se navek prvo setim one lepe curičke z osmoljetke.. Mirjane.. a bilo je to v osmom razredu.. več smo bili fakini i pol a curičkama su se itekak ciceki zibali.. Aaah... kaj bum zdaj vse ponavlal kak papagaj.. bilo je to lepo vreme.. a tu gor kak da se ništ ni zmenilo... hmmm.. jedin sam ja zdaj stari kojn .ha ........
I tak.. politikantof nebu.. su svoje odpopevali..zdaj se pa okol napuhavaju kak purani i mašeju z krestami.. a bedasti narod bu zatancal kak purica ... No.. kaj je mene briga.. ja sam politiku poslal vrit več davno.. Samo nek meni moja penzijica dojde v banku.. pa makar mi ju i črni vrag poslal ..........
Korak za korakom.. mladi junak pod barjakom.. tak sam i ja zašel po vuličicama..pokraj starih hiža.. Bogmeš je nekak friško jutro.. odzgor z Medvedgrada vleče durhcug čez Prekrižje i Cmrok.. al kak vse zgledi sunčeko bu ipak za koji čas zvirilo i poteralo oblake .. veliju prognostičari da bu zdaj par dni lepo i brez kiše.. Gdo zna.. morti bu jesen topla i dugačka kak je to negda znalo bit ... ti vrapca.. kolko put sam za Sisvete samo v rubači hodil ... hmmm.. al je i oneg belog znalo zapasti.. Maaa.. kak bu nek bu.. kaj bi si zdaj tikvu okol tega razbijal ....
Jebal ga vrag.. of je sprehajbal pokraj mene kak Niki Lauda.. kaj je taj natočil v rezervoar.. vse se ziba kak da se bu sprehitil.. kak zgledi.. i v sebe je nekaj jakog nalijal.. A pila brenči kak Ruski T34 na istočnom frontu .. Jeee.. i to su bila lepa vremena.. vse sam jalan nekomu kaj na dreva doma kuri peč.. Gda se samo setim kak su pri moji hiži bile tople one kalijeve peči.. jen si ju dan nakuril..pa je sledeča tri bila topla i grijala.. A onda je moj tatek rekel da smo staromodni.. pa je dovlekel do peči plinski lajtung.. to je bil oni smrdlivi Gradcki plin.. i za par let su se kahlice na peči začele raspadat.. Narafski.. onda je pak moj stari rekel da smo spet staromodni.. pa je vse te kahlpeči zrušil i naredil centralno grijanje.. Je v kupaonu del velku Simensovu peč za centralno.. i one gusnate radijatore.. Vse je to bilo lepo.. al nigdar više kak onda gda su v peči drva gorela.......
Vse se denes nekaj čudnovato događa.. em se pilar pela sto na sat.. em je zdaj pokraj mene sprešel oni kamijon kaj vulice pere.. pa i taj tandrče kak razklimani železnički vagon.. Z jeneg prozora se čuje kak zvoni vekerica..pa onda muški glas kriči .. valjda svoji babi.. da kaj koju pizdu materinu to ne zgasi.. A na obloku se pojavi debeli človek samo v podkošulji i na glas jebe mamicu gradonačelniku i njegovom pranju vulica... Pa je.. gruntam si ja.. kaj ni dost dva tjedna dež curel.. kaj zdaj treba vulice prat.. I vidim ja da je taj z kamijonom i mene zašprical makar sam se v nekakšni haustor zavlekel.. pa zdaj i ja spominam mamicu gradonačelniku...
Polahko kak sam rekel i bogmeš sam se ja dotepel vse do starog Jurjefskog groblja.. Vrabec ga dal.. do sim sam nekak došel.. al zdaj se treba i vrnut nazaj.. Nekak mi se neče dol po Mlinarskoj.. je fest strmo a to mojem kolenu nikak ne paše.. kak vse zgledi.. bum se ja obrnul pa istim putem nazaj.. Znaš.. koji put hodim..hodim.. pa nit ne vidim kolko sam dalko sprešel.. I kak tu ziher nebum trajvana dočekal.. jednak polahko pem prema dol.. A kaj.. imam ja cajta.. celo živlenje kaj mi je ostalo...ha ....
A na našem Trgaču.. ijuju..ajhaj.. hejhaj.. sviraju muzikaši da se vse praši.. A posvud naokol beli šatori..kak da je Sulejman baš tu logora naredil.. Narafski..sajmište.. kakti vse sami Horvacki proizvodi.. Ima nekaj klobasa i špeka.. nekaj razne domače pijače.. meda.. pa krpice vsih fela.. A nagužvalo se tu naroda.. letiju novinari.. i oni z kamerama.. Pa kak nebi.. čez Trgač se skup španciraju Mile i Kolinda.. skorom pa pod ruku.. Maaa.. bežim ja prek puta v moj Fulir na Nesicu od vanilije.. jebalte.. pa ja sam gor na Griču brdu bil skorom dve i pol vure ......
Serbus ..................
ZAFRKANCIJA * * #
