Marketing
Hujnavica …….
Kak i navek.. stojim ja v svojemu vuglu pokraj vrat.. narafski.. pelamo se v trajvanu.. I navek jednaka slika za videt.. vglavnom ženske sediju.. mužki stojiju.. mladi vrtiju v rukama one fujfone.. žnore im visiju z vuha.. študenti galamiju.. ženske žlabraju..ak koja ima zkim.. Bi človek rekel.. ništ kaj bi bilo posebnoga.. A ja ti stojim v šturcu i gledim dal bi se imelo kaj interesantnog najti.. Noo.. jedin kaj bi človek zapazil je to da navek negdo v trajvanu šmrkle vleče.. drugi kašlje.. treti hriple.. pa negdo kihne.. čuj.. još je zimsko vreme.. mrzli veter puše.. fort nekaj z neba curi.. a nit oni prognostičari kaj dobrega imaju za kazat.. Maaa.. gledim oneg Sjerkoviča na Novi televiziji.. više človek nezna kaj bi nam zlagal.. samo nekaj tak zmota da nit bedak nemre razmeti.. Ha.. baš me dobro zabavlaju ti prognostičari..navek točno veliju kakšno je vreme bilo ščera.. A kakšno bu zutra.. eee.. to buju probali potrefit..pa kak bu.. Slušam moju najdražu.. vjutro si cipeliše obuva..pa kune teg zalizanog Brzoju.. Kaj je bilo.. kričim ja.. Maaa.. žali se moja.. je ščera nafčer Bzoja lepo rekel da bu vjutro vederina.. da pe ogranak anticiklone.. bu i sunčeko zasijalo… a evo ga na.. vani dež curi.. Jezušek.. velim ja.. kak ti vsakom veruješ kaj god da veli… Tak ti se ja pelam i gruntam v sebi.. a kaj bum drugo v trajvanu delal… …. Aaaaaa… pogleč… pogleč…. zdaj bu vraga videt…………
Je v trajvanu poprilično ljudi.. kak i navek.. A tam jeno tri koraka dalše stoji ..tak.. malo stareši človek.. sitni.. v jeni ruki drži nekakšnu vrečku.. z drugom se zgrabil za onu ručku kaj odzgor visi.. ju je jedva dohvatil.. A pokraj nejga na stolcu sedi ženska.. takaj tu negde okol polovnjače.. i ona lepo mirno gledi čez oblok.. Vidim ja da se taj stari nekaj začel kreveljit.. nekakšne grimase z lica dela.. frnjokl mu se gible sim tam.. najemput je taj mali človek otprl svoje čubake i kihnul kak da bi eksplodiral Popokatepetl.. Jezušek.. vse je bilo grdo za čut.. a zdaj bu grdo i za videt.. Najme.. kak je obadve ruke imel bezecirane.. lepo ti je taj kihnul oni ženskoj praf v tikvu.. Ha.. i vlasi su joj odletele na drugu stran.. A ova se z rukom primi za tikvu.. popipa se po licu.. gurne prst v vuho.. obrne se ovek človeku… Konju jedan obični.. pa gde ti je ruka kada kišeš.. i nastavi cendrati Isuse.. cjela glava mi je mokra kak je idijot kihnul u mene.. ajmmme.. i uho mi je puno hračka.. Fuuuj.. jamra ženska… A oni siromah kaj mu je tak vušlel taj kihac skrušeno se opravdava.. Oprostite..oprostite.. nisam stigel ruku deti na usta.. I još on zvleče z žepa nekakšneg kariranog rupčeka i kakti da bu obrisal ženskoj tikvu.. Noo.. to ju je tak razpalilo da je zgledela kak pobesneli Đeronimo.. Maknite se od mene.. začela je kričat.. A of jadničak se pomakne.. idem..idem.. ionak idem sada dolje.. I rivle se praf kmeni v moj vugl.. Maaaa.. bešte dalše od mene gospon.. velim ja nejmu.. pa vidite da imate koleru.. Haaa.. kakvu koleru.. gledi me of v čudu.. Paaa koleru.. tak je vse začelo i v Firenci.. pak ja nejmu pomalo podvaljivam.. Kakva Firenca .. i dalše se on čudi.. I zgural se on do vrata .. trajvan samo kaj ni stal.. Gda najemput ..pak on začne one poznate grimase spelavat.. frnjokl mu se začel tresti.. čubake je več začel otpirat.. A ja samo gledim gda se buju vrata otprla… Ruuuuka… viče mu ženska kaj pokraj nejga stoji.. Ruuuuuka.. kričim mu ja.. Drek… pak je kihnul kak pravi človek.. vsa su vrata postala mokra.. I taj čas su se vrata otprla… Nisam stigel.. oprostite.. veli on i zide dole z trajvana..
Neznaju se ljudi ponašat.. komentira jedna ženska.. a nekakšni človek odlučno nadoda.. bolesni i prehlađeni nebi smjeli niti uči u tramvaj.. Trebali bi svi one medicinske maske nositi .. veli treta ženska.. I dok se tak vsi delaju fest spametni.. jen takaj stareši človek kaj sedi na stolcu..najemput začne hripati i kašlati tak da se je saf tresel na stolcu.. A kašle v stisnutu šaku koju drži spred gupca.. Veli mu ona ženska kaj bi masku štela.. Gospon.. pa stavite ruku na usta.. Paa.. držim ju.. odbrusi stari.. Vraga.. spet ženska prigovara.. držite tu šaku kak da je mikrofon.. Maaa.. pustite me na miru .. veli stari i nastavi hripati pokraj šake ……
Jeeee.. drugeg jutra sam ja ostal v krevetlinu.. i još se nis z nejga zvlekel ……
Serbus ……………
Post je objavljen 06.03.2015. u 11:28 sati.