Špancirancije.......

utorak, 13.09.2016.

Ni nikaj lepšeg neg vjutro špancirat po mojem dragom Zagrebu.. Sunčeko se zbudi.. pa se začne nalukavat na krove.. hiže.. na dreva i ljude.. a Zagreb se gible.. zible..vse vekše i vse glasnejše.. Pa se i ja ziblem zkup znjim ... I navek se ..gda prolazim prek Starčevičeva trga.. spomenem na davne jutarnje cajte kaj su prešli.. na zajdne kurve kaj su tu štraftale celu noč.. pa zdaj čekaju onakšne slinave i zascane.. da se još kakšni zabludeli pijani bilmez pojavi.. Denes pa tu stojiju taksiji.. lepi moderni.. i čekaju one kojim trajvani nisu baš prevelki gušt ....

I čez staru Šenoinu vulicu se sunčeko naluknulo.. nekak srameče.. kak da i ono žali za poslednjim kirijašima.. forengašima.. kaj su tu do pred šezdeset let stajali od raneg jutra.. kojni nervozni.. kočijaši žifčani.. vulica zasrana i zascana.. Bilo je to lepo vreme gda bi mi klinci sim došli gledeti kojne.. pa se obesiti za foringu i se pelali do na kraj Grada.. A v ono doba kraj Grada i ni bil tak dalko.. I gda bi nas kočijaš z bičem oplahnul.. mi bi mu vrnuli milo za drago.. drugi dan bi celo dopodne fučkali kojnima i vikali.. gijaaaa.. a glupi kojni bi krenuli z mesta.. kočijaši bi kleli i bežali za kolima i kričali... ehaaaa... Aaa.. bilo je smeha...

Kaj ti ja znam.. nekak me fort v oko fpikne to Ožujsko.. to su valjda posljedice još od davnih dni.. pa posledica prejde v napast.. a napast v dobru žednu navadu.. ha ... Narafski.. vse je to slučajno da nebi gdo rekel da ja tu reklamiram Ožujsko pivo..maaaa.. neeeee..nikak.. al se razme.. Žuja je zakon ...

Viš.. jesen se navelko najavliva v naš lepi Grad.. doduše.. bu malo pričekala spred vrat.. još traje bablje ljeto..A kostajni su ionak začeli žuteti još pred mesec dni.. čak mi je jen kostajn i na tikvu opal tam pokraj Kazališča.. srećom pa je bil friški mehki.. drugač bi ja slabo prešel..ha .. Veliju da bu lepa jesen.. topla.. al dani su vse krači.. več ob sedme vure nafčer se kmica dela.. Još malo.. pa buju jutra maglovita.. a dež bu curel...maaaa.. bumo to pustili za vreme gda to bu ....

Polahko.. znoge na nogu.. Korak za korakom.. mlad ustaša pod barjakom... maaaa.. štel sam si nekaj drugo zapopevat.. Znaš.. gda se god ja španciram onda si v sebi potiho popevlem kakšnu domaču popefku.. o Zagrebu.. o lepim starim cajtima.. o curičkama i lepim ženskama.. o fakinima.. trajvanima.. brtijama.. a teh lepih starih popefki ima kolko hočeš..al se retko gde moreju čuti.. Koji put ih pušta zagrebački radio Sljeme.. al denes baš ništ.. One sluhalice sam zpuknul z vuha.. samo bedaki cele dane pripovedaju o izborima kaj su prešli.. jeee.. zdaj bu se svet skroznaskroz obrnul.. drek bu postal kolač..a čez vulice bu teklo med i mljeko.. .. Bu brus ...

Istrčale istrčale..zagrebačke frajle..istrčale istrčale pa se nasmijale... Hmmm.. istini za volju..ovo baš i nisu zagrebačke frajle.. no..makar su ženske z očima všrek i krivim nogami.. ženske su.. A kaj ti je v živlenju lepše neg susresti.. videti.. pošlatati.. kušnuti.. da dalše ne nabrajam.. kakšnu lepu ženskicu.. A.. se razme.. vse su ljepe i ljepše.. ha ... No.. nedam ove tu za moje Zagrepčanke.. al kaj.. za silu je pes muhe jel ...

I gda god si v živlenju zgruntaš nekaj belog.. to je živa istina tu na Trgaču.. Nikak se rešit teg belog Sulejmanovog čadora.. Vrabec ga dal.. je naš gradonačelnik.. oni dotepenec z bregof.. več odavno obečal da teg više tu nebumo vidli.. al kaj.. kum je kum.. a z kumom se ni dobro posvadit nit mu se zamerit.. I tak kum od gradonačelnika more tu na Trgaču i posrati se Banu na tikvu.. Al gda je več tu.. pem malo nutra poluknut.. Narafski.. vse samo žderilo i pijača...

Tak.. deveta se vura primiče.. ja sam ophodil svoju porciju štrapaciranja.. Zdaj sam v velkoj dilemi..dal prejti v brtiju pri Kavaliru na Nesicu od vanilije..il bi morti bolše bilo zajti v pekarnicu Pimpek i nekaj hitit v požirak pa si negdi v Tkalči sesti v sencu.. narafski pri kriglinu mrzle Žuje.. Bogmeš je več i sunčeko začelo fajn grijat ...

Serbus ..............