špancirancije .......

srijeda, 01.04.2015.

Prošlu je noč dež curel kak stekli.. vse mi je čez oblok letel na krevetlin... je i grmelo.. susedof cucak je zavijal kak vuk.. a okol polnočke su se mački šteli podrapat za nekakšnom mačjom fukarom... I baš v četiri vjutr.. po črnoj kmici.. je začel kosek popevati na Cajgerovi trešnji.. Tak je lepo popeval da nis dalše spal neg sam ga poslušal.. Jeee.. kak bi bilo gda nebi bilo.. došel je i drugi kos..taj pa na moju šljivu.. i on je zafičukal da se nadalko čulo.. I tak su ta dva črna kosa popevala vsaki v svojem duru i molu.. ha .. ne bi ih nit pokojni Šutej porihtal v jen red.. Okol pet vur vjutro su se zbudili i drugi fučkari.. sjenice.. zebice.. štigleci.. pa su zdaj vsi skup z kosima takšnu galamu naredili da si o spanju nisi mogel nit gruntat .. Več je zdanilo gda su i vrabci v žlebu začeli žifkati ..a za njima su se javile i vrane.. oni naši zagrebački Gačci.. kaj imaju gnjezda prek puta moje hiže.. v šumi.. I kak je znočka loše zgledelo.. vjutro je osvanulo bistro kak suza z oka.. vedro.. i sunčano.......

Veli meni moja najdraža.. Tak da znaš.. za Vuzem nam prihajaju djeca.. vnuki.. prijateli.. i kaj ti ja znam koga je vse našlihtala na spisak ... Cela hiža mora bit kak apoteka.. I kaj da ti velim.. moja je prešla delat..a ja sam kak Dudek opasal fertuna i začel delat po hiži velko pospremanje.. Jezušek.. kak da sam njivu kopal..tak su me križa bolela.. al se je vse blistalo kak kahlica kralja Matijaša..
I kaj ti preostane neg tekar popoldan malo fraj vremena fkrasti.. Narafski.. mam sam ja na našem Trgaču.. Vrabec ga dal.. skor sam i pozabil kak Grad zgledi popoldan.. drugač sam navek tu vjutro.. Jeee.. sunčeko lepo sija.. malo i grije.. al mrzli veter popuhuje z Medvednice.. I tak su se vsi na Trgaču natiskali okol vure gde je sunčeko najbolše grijalo.. Milina.. i ja sam se kak gušter postavil.. zdigel tikvu i lovil malo toplote..

I tak.. posvud pomalo španciram.. z Kaptola dol na staru Vlašku..pa prek Jurišičeve na Petrinjsku.. pa čez Zrinjevac i Teslinu po Masarikovi na Kazališče i na Zeleni val.. i praf na sjeverozapad... Valjda bum zdržal do hiže..ak pa nebum.. ima brtija kolko ti srčeko poželi.. Jeee.. najbolše da su nebum barem jenu Ožujsku spil.. ha.. pa to je po Zakonu..ha ....

Serbus .......................