Ni vrag ………………
utorak, 03.02.2015.
Tak sam se poveselil rano vjutro gda sam videl kak je na nebu sunčeko zasijalo.. Ha.. morti bu denes lepi dan..gruntam si ja .. Kaj bum doma delal.. samo se sprešetaval po sobama i jajca čohal od dosade… I tak ti ja več prije osme vure hodim ..pogleč samo kak se sunčeko pomalo pentra .. na nebu ni nit jenog oblačka.. Hmmm.. makar su oni celzijusi bili skroz dol spodi štrafte.. baš mi paše.. Prošlih dni je svakaj bilo.. one ciklone su norele sim pa tam.. tikva mi se štela razpasti od tega.. denes sam fit kak zapeta puška… Dostignem ja svoju susedu Rožu.. rastavlena ženska..je da ima fajn leta al se drži kak Marija Antoaneta spredi giljotine.. Ta ti navek hodi zdignute glave.. nigdar nema kape nit rubca.. vruča ženska.. Al nigdo neče od kokotički z vulice nit blizu nje.. čim ju lepo poglediš.. pa malo pofališ kak je ona feš komad ženske ..ta se sva od miline obesi za tebe..i onda si nadrapal.. Mam ti bu popoldan v hižu došla na kavicu.. A more ta gluparija povedat da to ni moguče slušat.. a i fali se posvud kak joj fulira oni sused Štef..pa ju je snubil sused Joža .. a Francek ju je potapšal po riti.. Moj pajdaš Cajger joj je rekel da bi on nju naštimal kak vekericu.. a Debeli špengler joj je obečal da bu joj naredil na pipi..se stručno reče.. redukciju... z večeg na manjše... Narafski ženska ni ništ razmela..al je stoga Debeli špengler nastradal domof od svoje Marice jer je ova Roža na cesti pitala Debelog pred Maricom da gda bu ta redukcija… I tak.. denes ti se meni obesila pod ruku i tak smo sprehajbali čez celu Kustošiju.. kak dva taubeka.. Zutra bu več negdo svakaj lajal po vulici …ha ……..
Pred dva dni je bil potres.. navčer.. gledim ja televiziju gda je nekaj začelo bubnjati odozdol.. Sam prvo pomislil da Debeli špengler svojeg starog dizelaša vergla.. taj ti ima zvuk kak oni stari Švabski tenk z Majbahovim dizel motorom.. Gda taj vergla i kandelaber na vulici se trese.. No..gda mi se začel luster zibati..mam mi je vse bilo bistro.. Poooootres.. kriči moja najdraža z druge sobe i sva bleda dojuri kmeni.. Je..i kaj zdaj.. pitam ja.. evo..več je prešlo i šlus.. Aaa.. brus buš ti žensku uvjeril da je nekaj fertik.. Tekar gda ona to odluči onda bu gotovo.. I evo na.. mam su na vulici ..nasred ceste njih barem deset susedof.. samo ženske.. Mužki su ostali spredi televizije ha ………
Gledim popoldan čez oblok..tam negde okol dve vure.. začel je oni beli prhlivec kak nori leteti..Aha.. gruntam si ja..je začelo.. Veliju oni prognostičari z Nove televizije da bu se nekaj grdog sprepetilo koncem oveg tedna..Oni zalizani Brzoja.. vrabec ga dal..više ni zalizani.. se je ošišal pa zdaj zgledi kak da ga je kakšna koza pobrstila.. no.. taj veli da bu se sneg napadal do mile volje.. Uuuuh.. taman mi još i to treba..
A da bi vse bilo kaj je moguče bolše uvjerlivo.. moja punica kak pravi prognostičar to sve potvrdi.. Ona ovak prognozira po starinski.. Veli.. Medved se zbudi na Svječnicu i zide van z svojeg brloga.. I ak je lepo vreme ..medved bu se prešel špancirati i to bu znak da je zima svoje zgotovila.. Al.. ak sneg pada gda medved zide.. onda bu se taj samo poscal i zasral.. i prešel nazaj v brlog spati.. I to onda znači da bu oštra zima još ravno četiri tedna… A ščera je bila Svječnica..a snjeg je prhal i dež curel.. Bi ga vrag znal kaj si je medved zgruntal..
A oni beli vani pol vure prha..pa onda prestane..pa spet začne..nek pe kvragu i taj beli i medved i moja punica i oni očerupani Brzoja.. Ja bum zutra zišel van kak god da bu …
Serbus ……………………
ZAFRKANCIJA * * #
