srijeda, 31.05.2017.

raport z Griča brega ....


Neki na posel.. neki v školu.. neki brez veze ...


..ja uz breg..na breg.. polahko..


dole v nizini Grad se žuri.. ni ga tu gor čut kak galami ...


v parku na Griču..zapraf nit je više park..al veliju da spet bu ....


dve stare hiže na Griču su obnovlene..a taki i hiža na mestu negdarnjeg kapucinskog samostana na početku Matoševe....


pak novi kafič..of put Vještica.. baš je mogel bit i Coprnica.. bi bolše pasalo tu gor....


ha..Nesica od vanilije pri Vištici v Kulmerovi palači ...


Markova cirkva fort na istom mestu...


palača Dverce prazna.. samo se barjaki vijore ....


of Srbijanec još kaču ni uspel zadavit...


z gimnazije Tituša Brezovačkog se čuje galama...al stari Lapidarij muči zakovan z gitrama ....


prvi jutarnji turisti se vlečeju naokol ...


stara Opatička je puna avtomobila..al ni človeka videt..čak z ženskog doma ni čut glasa ....


v Jurjefsku bum drugi put zašel.. preveć je dugačka...ha ....


i dok mlada mamica gura kolica .. z baletne škole se čuje muzika a negdo fest kriči.. Jedan gore..Jedan gore..Jedan gore.. bi ga vrag znal.. valjda kakšna balerina noge zdigava.. a ja bum našel puta za z brega se zpustiti v žabariju ..kak su rekli stari gradečki purgeri ...

Serbus .....




























06:10 | zafrkancija (13) | Print | ^ |

ponedjeljak, 29.05.2017.

Špancirancije ..........


To bi Zagrebčanci rekli da je ..krkljanac.. kam se obrneš brundaju avtomobili.. avtobusi.. mopedi.. štropoču trajvani.. zujiju biciklini..a pješaki hodiju na vse strane sveta.. Ak nas slučajno glediju oni vanzemaljci onda si gruntaju kak smo mi skroznaskroz bedasti.. No..tak ti je to vsaki dan.. pa mi ljudi to nit ne primječujemo.. Al je za zapazit zgodnu mladu ženskicu na ovem velkom plakatu.. a moreš ju gledeti kolko hočeš..ta ne prigovara.. Tak sam ja neki dan gledel jenu fest zgodnu i zrihtanu mladu ženskicu.. Gledim ja..gledim.. ona se obrne.. a ja i dalše gledim.. Čuj.. bila je tak lepa kaj si nit v snu nemreš narihtat takšnu.. I nikaj.. pe ona dalše.. pa se obrne..ja spet gledim.. zapraf nis ni maknul pogleda znje.. I tak se ona obrne još dva put.. morti si grunta da sam ja nekakšni stari pokvareni slinavec.. a ja se taj časek delam kakti da gledim krof na hiži.. Ipak je ona za vsaki slučaj prešla na drugu stran vulice..
Aaa.. jemput je jena išla po Ilici..onak..od izloga do izloga.. Jezušek..kakšnu je dobru rit imela..pa nogice kak da bi ih Mikelanđelo naredil.. no.. i ja za njom vse do Malog Placa.. A onda je ona skužiila da ja nju sljedim pa je malo hitrejše začela hodit.. ha.. i ja takaj.. a ona još hitrejše….. i ja sam odustal.. Zapraf..sam fest ožednel i donesel velki zaklučak da zbog jene zgodne ženske ni vredno vmreti od žeđi…Ha..


Baš gledim.. denes kak da je nekakašna posebna gužvancija..avtomobili juriju kak se komu hoče.. ni važno kaj je na semaforu črleno il zeleno.. pa onda i ja pem prek vulice kak se meni hoče.. Trubi jen bedak a ja mu prsta pokažem..znaš..onak.. nekaj je kričal čez oblok za menom.. Je.tak ti je to vsako jutro i v podne i popoldan v našemu Gradu.. a bormeš i v sred noči ni za slepce lahko hoditi prek vulice..Aaaah.. to ti je Metropola…


Pa opče ni čudo kaj ljudi hodiju kak zombiji po vulicama.. galama je takšna kak da si v tekstilnoj fabriki gde stroji lupaju kak stekli.. jenostavno moraš ponoret na cesti.. Prešel sam pol Grada i tekar zdaj skužim da mi zvoni mobitel v žepu.. Jebal ga vrag gdo je to zmislil.. pa kak buš čul da zvoni v žepu.. a kak stvari stojiju taj moj zvoni več pol vure..Znaš..ja ti nemam uklučenu onu drndalicu v mobitelu.. pe mi to na žifce.. I zdaj se ja javim mojoj najdražoj..narafski..mam jezikova juha..Kaj se ne javlaš.. Več tri put zovem.. Zakaj tebi služi mobitel… Aaaaaa.. čekaj malo gruntam si ja.. nejde to tak.. Haloooo.. kričim ja u mobitela..halooo.. nikaj se ne čuje.. nema signala.. haloooo.. hahaha.. nigdo mene v mojem dvorištu nebu jebal.. i spremim ja mobitela v žep..nek zvoni kolko hoče.. Jezušek.. kak je bilo lepo živet brez mobitela.. aaajfona..fujfona .. interneta.. bloga… eeeeee …..


Viš teg Juru na kojnu kak aždaju mlati.. su ga pred dva leta skroz obnovili..se sijal kak zubarska kliješta..no zdaj je spet pozelenel kak da je med žabama pri kakšni bari.. Ja se nikak nemrem dosetit..taj je Jura dugačka leta bil na jenom drugom mestu v Gradu.. ti vrapca.. kak me pamet ostavla.. No.. su ga onda jenog dana deli sim na to mesto.. su se Zagrebčanci bunili da je to loše mesto jer je Jura preveč.. bi se reklo.. v šturcu.. Kak je da je.. malo gdo spazi teg Juru.. je to naredil oni poznati kipar.. Fernkorn il tak nekak.. Al kak je to zapraf Sveti Juraj dobro je da su ga oni črleni opče i metnuli na javno mesto…


Znaš.. meni je nekak nalepše vjutro se špancirat po Gradu..gda sunčeko onak..po sramečki obasjava krove.. fasade.. kak da veli..Dobro jutro Zagrebčanci.. Fučka se Zagrebčancima za jutro.. a malo je komu dobro..Gdo pe na posel.. ni dobro.. gdo pe doktotu to nikak ni dobro.. gdo pe na poštu račune plačat..hmmm.. bolše i doktoru neg to.. školarcima taki ni dobro.. barem se ja nigdar nis veselil v školu iti.. trajvancima ni dobro..znaju da buju požifčanili do podneva.. policijotima ni dobro.. neznaju kam bi se skrili da se ne vidi da ništ ne delaju.. smetlarima ni dobro.. ti vrapca.. nigde na svetu nis videl grada z tolko kanti po vulicama.. raufunkašima ni dobro.. nigdo više ne kuri v pečima pa nemaju kaj čistiti.. politikantima ni dobro.. ljudi fort hračkaju po njima.. mužkarcima ni dobro.. preveč je ženskih pa je težko zabrat pravu.. ženskama ni dobro.. nikak da zaberu najbolšeg mužkog… vrabec ga dal.. mogel bi tak nabrajat do Martinja.. Na koncu konca spada da je jedin meni dobro.. najbolje.. nikad bolše… ha …


Stara škola v Gunduličevi je na takšnem mestu da je jedina hiža tu v okolici koja je odjedamput cela suncem obasjana.. tak se nekak poklopilo da na nju ne padaju nikakšne sjene.. Eeee..kak je tu negda bilo dobro.. lepe pucice v školi..imal si kaj i za videt i za vlovit.. istini za volju..malo su bili nezgodeni mužki učeniki..al to se več nekak rešavalo z šakom po frnjoklu.. A dole v podrumu je bil Klub Mladih..prvi takšni v oni črleni državi..a posle poznatog filma Klub Mladih z Klif Ričardom kakti glavnim.. Daaaavno je to bilo.. No je taj Klub bila tak mala špelunka da nisu muzikaši imeli mesta za sviranje.. neg su hitro tu nabavili gramofona i puštali glazbu z ploča.. zapraf je to bil prvi Disko klub na celom Balkanu.. makar je to do denes skroz zaboravleno.. Ti vrapca..gda se samo spomenem.. Svira sentiš.. a ja i mala stojimo jedan pokraj drugeg..zalepleni kak poštanske marke na pismo.. ni bilo mesta nit za malo pošlatati se.. No..pa sam ja o tem več sto put škrabal posvud …….


Pa sam ja hitro spazil teg cucka..maaaa..kaj god.. sam videl tak lepe nogice.. nemreš oka maknut.. do šoseka krasno..a dalše si moreš samo gruntati.. Je vidlivo da obadva čekaju trajvana..ha i cucki se po Zagrebu pelaju v trajvanu.. Ovi mali zabadaf ..a oni velki moraju platit kartu kak i ljudi makar to nit jen gazda do denes još ni naredil.. Zapraf nigdo nit ne pita.. kak bi se kontrolor mogel nagodit z cuckom..a gazda se more naredit šumast.. Ima moja jena suseda z vulice oneg ogromnog cucka..Njufaundlander.. ti vrapca nemrem to ni zgovorit.. se zove Medo.. narafski cucak.. gazdarica je Vlasta.. I makar je cucak dobar kak da ima zečju dušu.. ljudi se hočeju puntati gda ta grdosija od živine zajde v trajvan..taj zavzme dva ljudcka mesta.. I prešla je suseda Vlasta v trajvansku upravu i zatražila za cucka .. godišnju pokaznu kartu.. čak je i sliku imela.. Pa su je tam gledeli kak da je z Marsa opala i obečali da buju tak nekaj predložili našemu gradonačelniku.. Naravski.. da se rešiju babe i cucka koji je znjom došel zahtjeva za kartu dati..Ha….


Bormeš je ono milo jutarnje sunčeko postala lampa kaj je začela žarit i palit.. nema druge neg spas poiskat v brtiji.. Mesta v senci još ima..makar buju za jenu vuru zavzeti vsi stolci.. Uuuuh.. morem ti kazat da sam se pošteno našpanciral… čez celu Safsku..pa se vrtel po centru.. i zdaj me barem jenu vuru nigdo nebu zdigel na noge.. Jel mrzla Žuja..pitam konobara.. Ledena..fali se konobar i zbilam prinese mrzlu Žuju da se vse rosa po flaši naredila.. Jezušek..kak paše.. valjda bu takšne mrzle bilo i v Paklu kam sam se ja več davno preporučil ………………………

Serbus …..
















17:13 | zafrkancija (12) | Print | ^ |

četvrtak, 18.05.2017.

i nikom nije lepše neg je nam .....


18:06 | zafrkancija (12) | Print | ^ |

srijeda, 17.05.2017.

Špancirancije ...........


Vjutro par oblačkov vleče na gruntanje dal bu il nebu.. narafski.. nekakšni dež procurel.. Makar je oni Vakula na hateveju rekel da nebu.. No..kak se ne veruje preveć politikantima.. tak se ne veruje nit prognostičarima.. vsaki od njih samo jemput veli istinu..a to je gdar veli svoje ime.. Makar bi ja onoj prognostičarki Ani na Novi televiziji fajn tega poveroval.. Jezušek.. kak je zgodna.. a tekar rit..aaaa...


Pa vse okol naokol.. da put dugše traje.. još je rano..viš kak ovi Tesla spi.. jebal ga vrag.. tu su ga deli gda su ga fkrali tam gor v dvorišču v Ruđeru.. pa su se pet let natezali gradcki glavonje z Ruđerima okol tega.. Praf zapraf.. to je tu Teslina vulica.. al of srbijanec tu paše kak prasici sedlo..


Ima i lepših mesta za malo uživat.. glediš te lepe cveteke.. pa malo odvrneš pogleda za kakšnom zgodnom ženskom.. prazapraf.. vse same Japanezice se tud motaju.. one žute z očima fšrek.. hmmm.. tak su nabite kak da kuruzne žgance jeju vsaki dan.. Jezušek..kak šlampasto hodiju.. nooo.. ništ ja ne prigovaram..


Znaš kak mi tu fali ona Viner kavana.. nema je več dva leta.. a tu sam znal sedeti i guštati najbolšu Nesicu v Gradu.. I zdaj vse zjapi prazno.. samo su ostale majske rojžice.. Aaaah.. vse kaj vredi to ne traje dugo v našemu Gradu.. a kaj buš gda se oni kaj su se dotepli v opajnkima nigdar nebuju nafčili hoditi v cipelišima...


Viš.. of človek je fest muzikalni..al mu glasa ni čuti.. kak da nema dost sape za tuleti.. no.. dobro lupa po žicami..al gdo bu to čul.. I tak se on tu muči.. a kibla za peneze od pet litri prazna.. No nije nejga briga.. on tjera po svojemu.. Vse mi nekak zgledi da je on zapraf malo šumasti ...


Evo.. prvi današnji turisti se pelaju po Gradu.. Zbilam.. baš bi jemput mogel i ja se malo popelati v takšnem avtobusu.. Nis ja škrt človek..al za te peneze kolko košta to pelanje moreš pojesti picu i spiti pivu.. A i ziher sam da znam više o Zagrebu od te babe kaj turistima tumači kak je kaj.. Zapraf.. moreš im kazat kaj hočeš.. nigdo to nebu proveraval.
Tak je jemput davno moj pajdaš Ico z Zrinjevačke bande lepo zaputil nekakšne z Beograda na sasvim krivu stran Grada. Mi smo fakini sedeli baš tu na tem mestu na klupi gda su naišli njih okol deset nekaj mužkih i nekaj ženskih.. I pita jen od njih nas da gdi je Petrinjska vulica.. Taman sam ja štel zinut da je mam tu na tri koraka i več sam zdigel ruku da bum pokazal puta.. gda skoči Ico i pita ih od kuda su.. Veli človek..iz Beograda.. Lepo polahko objasni Ico tem Srbijancu da oni zdaj moraju prejti ravno po Teslinoj do kraja ..pa onda levo uz trajvansku prugu kakšnih tristo metri.. Ništ.. ja sam mam začkomil.. dečki na klupi su ztiskali trbuhe da se ne začneju na glas smijat.. zapraf je bilo najsmešnije kak je Ico oponašal srbijanski jezik.. I kaj.. lepo su komšije otišli na drugu stran.. a več su takoreč gledeli v Petrinjsku vulicu.. Bi ga vrag znal do kud su išli.. no mi nismo čekali da se vrneju ...
Pitali smo Iceka da zakaj ih je tak odputil na krivu stranu.. Pa spripoveda Ico da je on gda je putoval vojsku služit v Beograd došel z cugom i pital nekakšnog na vulici da kak da dojde do te i te kasarne.. A človek mu je odbrusil.. Bole me kurac bre... Pa si je Ico to zapamtil.. Gda je začel ovi naš Domovinski rat.. Ico je več bil fest betežen i ni mogel na frontu i to nikak ni mogel prežalit.. Vmrl je pred deset let...
Tak.. malo se človek prisjeti..... Serbus ....


I dok proletje cveta..zagrebački fakin Zvonko Špišić je otišel zanavek .... ....











16:38 | zafrkancija (14) | Print | ^ |

utorak, 09.05.2017.

ŠPancirancije ..................


Nit je vreme kak se spada nit sam ja ništ bolše.. Opadnu tri kaplice z neba.. ljudi otpireju ambrele.. za tri koraka prestane padat.. i tak deset put za pol vure.. Trajvani puni a vulice prazne.. ti vrapca.. pitam se kam se ti ljudi najemput zgubiju a zišlo ih je čudo jedno z trajvana.. No..kaj je to mene briga.. a nit me štenta ambrela jer sam ju pozabil domof na štengama...ha ...


Jebal ga vrag.. mi na Venusu od kam sam se ja zpustil na Zemlu jesmo skroz zeleni i nismo mali..al ovi Marsijanci su grehota za pogledat..


Baš su se lepo razlistali ti javori na Cvjetnom trgu.. bolše neg lajnskeg leta.. no bumo vidli kak buju zdržali gda odzgor ona lampa začne palit.. Jadna ta dreva su v betonskom koritu i nemaju kam korenje zpustit.. I tak su naređeni vsi noviji drvoredi po gradu.. betonska jama i šlus.. Mi nikak ni bistro zakaj ne pustiju da korenje raste v zemlu.. Aaaa.. valjda spametni znaju...


Navek gda vidim kakšnu staru častnu sestru se spomenem jene slične takšne dok sam ja još na vjeronauk hodil.. davno je to bilo.. Smo imeli nekakšni sobičak gor na Dolcu pri Župnem dvoru cirkve Svete Marije.. I tak bi nas dvajset vse skup.. curičke su sedele v prva tri reda..a za njim mi fakinčeki.. Pa smo delali kuglice od papira i gađali tu častnu sestru čim bi nam okrenula leđa.. pa smo joj na stolec metali rajznedle..al je stara bila lukava.. mam bi to opazila i samo z prstom pretila.. A koji put smo gledali one .. se reče.. Dija filmove.. narafski.. bi častna zpustila roletline.. zgasnula svetlo i jen po jen filmek metala v taj Dija aparatlin..se to nazivalo..projektor.,. No.. čim bi nastala kmica.. mi smo fakini začeli curice navlačit za lasi.. ščipali bi ih..a one su kričale kak stekle.. na to bi častna zažgala svetlo i kak prava inkvizitorica mam uprla z prstom v mene i mojeg pajdaša Pacova.. kak da je imela Božje proviđenje.. ta je znala da smo nas dva krivi.. I kaj.. za kaznu bi Pacof moral v jen vuglec stajat..a ja v drugi. I lepo bi nastavili vsi gledeti slikice Isuseka na Maslinovoj gori.. I tak je jen put gda smo gledeli te Dija filmove..Pacof zvlekel z žepa cirkl.. se još veli.. šestar.. i bedak jen.. porinul ga v drugu jenu utičnicu na zidu a baš je pokraj te sedel.. Ti vrapca.. je začelo bliskati z utičnice..su iskre letele i je pucalo kak na fronti.. Pacof je od straha opal z stolca.. curičke su začele kričat.. a vsemu tomu.. v tem sobičku je nastala kmica kak v mišjoj rupi.. A stara častna.. se zvala sestra Kamelija..se dobro prisječam.. je zela pravi kočijaški korbač dva metra dugački kaj ga je fort imela pri ruki.. i kaj.. Je začela kleti..Da nam bog mater.. da nam krf majke božje.. da nam deset rana Isusovih.. i pri tom je stala zvižgat z tim korbačem posvud naokol .. I za velku nevolju.. baš su največ po plečima dobile curice z prvih redova.. Na koncu je častna pobegla van i kričala da je sam nečastivi došel v sobu.. Su se na to dole dotepli i kapelan..i zvonar.. a stari je župnik ostal gor prek gelendera gledat kaj se to zbiva i se križal kak da vidi samog vraga..
I kaj da velim.. nas su mam vse poslali domof.. negdo je spromenil ziherunga..a Pacof i ja smo dobili Pakrački dekret z vjeronauka.. lepo su nas hitili van.. Se razme.. vse je to zgladila moja baka.. plemenita conta.. Je bila pri župniku..dala priloga za cirkvu.. i se zavzela i za Pacova . I tak smo se mi vrnuli nazaj na vjeronauk.. No.. stare sestre Kamelije več ni bilo.. je nekam drugam premještena v Božju službu jer su je vsi čuli kak je pohračkala i Boga i vraga.. Na nejzino mesto je došla nekakšna fest mlada častna sestra.. sam joj pozabil ime.. Nooo kaj.. Vse se spet ponavlalo..navek ja i Pacof na križ pribijeni.. no smo zgurali do prve pričesti makar su nas još dva put izbacivali.. Fest kasnejše je tu župu preuzel moj prijatel svečenik Zvonimir Sekelj.. taj me je i vjenčal i moju djecu krstil v toj župi na Dolcu.. a denes je posebni savjetnik pri kardinalu Bozaniču.. Jeeee.. bil sam ja velki vjernik....Ha...


Ovo mi več zgledi kak opsadno stajne.. kam se obrneš.. Marsijanci.. I ljudi prolaziju i čudom se čudiju..no.. Marsijanci se sasvim pristojno ponašaju.. no ja im nikak nebi veroval ...


Tusti oblaki su se navlekli odzgor z Medvednice.... Mali plac je skroz pusti.. terase kafiča zjapiju prazne kak da je bil atomski udar.. Nekak mi se neče v brtiju zajti.. bum ipak zdržal brez Nesice.. Malo tu stojim.. baš mi se dopada.. a i čekam da začne prva kaplica padat pa da pobegnem na trajvan..


A dež nikak da začne pa ja kuražno hodim naokol.. Viš kak se je tam Radnički dol lepo zazelenil.. milina za videt i najnoviju fontanu zbog koje je naš gradonačelnik..oni dotepenec z bregof.. pobral velke špotancije.. A tam fest dalše je naš..
lepi ti je Zelengaj
za fakine pravi raj
tam buš našel klupicu
tu buš pelal curicu...
Aha.. o Zelengaju..klupicama i curičkama bi se dalo fajn tega spripovedat.. al to bum jen drugi put ....


Dečki.. ovo je več ..se reče.. invazija.. Marsijanci posvud kam ti oko vidi.. Bežim domof naredit barikade i javit mojim pajdašima na Venusu da hitro pošaleju na Zemlju.. na moju adresu.. Žuju...

Serbus .................
















17:42 | zafrkancija (16) | Print | ^ |

petak, 05.05.2017.

dež curi ......



oblak dojde dež curi
stara baba luk sadi
pa se baba naprčila
da bi lučku posadila
dedek jen je tud prolazil
naguženu babu spazil
tak je dedek hiter bil
mam je babi ga zabil ...................


07:45 | zafrkancija (9) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.