subota, 27.02.2016.

.... pametnejši popušta ........


Makar sam se ja klel da nebum zišel na vulicu drugač neg samo ak bu dež curel... ha.. ipak sam odustal... se reče.. pametnejši popušta... Se razme.. pametnejši..to sam ja .. Rekel je oni žgoljavi prognostičar na Novi televiziji da kiše morti bu.. morti nebu.. pa je onda vse izokrenul i poslal kišu Dalmošima... Tak treba..gruntam si ja.. nek pada tam v onu slanu baru.. veliju spametni da je ionak preveć slana pa ni dobra nit za rit oprati... No..znam ja to več odavno.. imam ja prijatele dole na jugu.. maaa njih barem dvajset kaj stanujeju par korakof od mora.. I bum ti rekel.. nit jen od njih se ne kupa u moru.. ne izležava na suncu.. jer.. kak veliju to samo more škodit zdravlju.. Je da se pelaju v barkama.. loviju ribu.. pelaju naokol po vodi one turiste.. al oni sami nit noge ne zmočiju v slanom ... I kaj bi človek onda zaključil.. paaa.. to da more baš i ni bogznakaj.. Ipak bi se složil z mužkima da su one dole ženske...eee.. lipe ka Gospa ... bi se reklo.. Eeeeh.. kud sam ja prešel z Špice dole na velku baru.. A kaj moreš.. svakaj človeku opadne na pamet.. dakle.. denes je štrapac prava uživancija.. sunčeko pomalo sija.. vjetrek z Medvednice popuhuje... a ljepe zagrebačke ženske kak da su jedva dočekale.. sprešetavaju se sim pa tam.. Jezušek..kak su vse lepe.. naravski.. prvo ove moje Zagrepčanke..pa onda svakak one vse druge ..............................


Top z Griča je več davno opalil.. a poslednji Purgeri z placa nosiju pune cekere.. navek se je dobro vnapred pripremit za nedelju.. Na Splavnici cvetja kak da je sred Svibnja meseca.. nebo plavo a naši zagrebački taubeki prhaju naokol.. A ljudi ima na Špici.. po celomu Trgaču..po Ilici..kak da se kakšna velka parada sprema... Celu slikicu samo navek pokvari oni velki šator kaj ga tu postavi naš gradonačelnik..oni dotepenec z bregof.. Makar je rekel da više nebu jer on kakti poštiva volju i želje građana.. bedak je na to skroz pozabil pa nejgof kum tu i dalše peneze bere... Maaa.. kaj bi se človek z takšnim bedarijama štental.. Uuuuu.. kakšna je jena dobra pokraj mene prešla... čija li je ta...eeeeh................................


Uuuu boj u boj..mač iz toka bračo.. nek dušman zna kako mremo mi ....... Popeva Zrinskog s vseg glasa i razteže harmoniku dobri stari Miljenko.. frofesor glazbe.. poznati Kralj vulice.. A kaj bu.. človek je malo trknut v tikvu.. ne preveć..tekar tolko da je ostal brez posla ..pa več letima svira i popeva na Trgaču.. A pozna vse stare domoljubne popefke..opere..operete..budnice i vse kaj si poželiš.. Veli da svira čak deset štrumentof.. al nigdar nigdo ni videl drugo neg harmoniku.. Doduše.. ima on.. kak vse zgledi.. celo čudo teh štrumentof kaj se razvlačiju.. vsaki dan dojde z drugačijom.. Znamo se on i ja ..kak nebi.. malo smo si potračali.. narafski popluvali smo črlene.. A Miljac zna da ja imam rad Zrinskog.. pa me je lepo odpratil do pol Trgača kak da sam ja glavom Zrinski.. Maaa.. jemput sam ja bil fest pod šusom pa smo on i ja skup popevali Juru i Bobana da se je čulo vse do Policije dole pri Štrosmajeru.. narafski.. bežali smo i on i ja i harmonika jer je policajac štel zapisnika delat...........................


To kaj njoj iza leđa..tam z Splavnice mirišiju fine klobase.. kak da se nje opče ne dotikavle.. Ona zalubleno gledi spram Ilice.. more bit da bu nejzina klobasa od te strane prihajala...ha ... Eeeeeh.. kak je lepo biti mlad i čekat nekog na Trgaču... Kolko sam put ja tu čekal kakšnu curičku.. a bormeš su platfuse dobile i one kaj su mene čekale.. Znaš.. bil sam ja fakin.. a moj je mene tatek dobro poučil.. Ovak je rekel... Prvi put pusti žensku neg te čeka.. ak je prava i ti njoj nekaj vrediš.. čekala bu do kmice.. Ak pa ni prava.. onda bu za deset minut prešla ... Koji put sam ja to prakticiral.. koji put nisam.. ha.. ak sam zaklučil da bi zbilam mogla prejti mam sam dobežal ..narafski.. bežal sam samo oneh dva tri koraka njoj iza leđa tak da je zgledelo da sam se saf podrapal samo da stignem na vreme...ha ....................................


Ha.. kak vse zgledi po našim kazališčima je začela policija hoditi.. pa ni ništ čudnovato.. Z jenog kazališča su nestali penezi.. z drugeg su se potukli glumatori.. v tretomu se nekakšni Brljiči dižeju na ustanak.. pa onda nekakšne ženske zube keziju.. Praf za praf.. med tom gužvancijom ni moguče reda napravit.. pa ti ja stoga vjerno hodim v svoju Zagrebačku Komediju.. evo.. pred dva dni sam po treti put gledel ..se reče.. mjuzikl.. Mama Mia.. Čuj.. nekaj krasnoga za videti i posluhnuti..svakak preporučam.. Čak morem prek veze karte nabavit ... ha ... I tak .. zdaj polahko čez Ilicu spram zapada.. i mene moja najdraža čeka z obedom.. a ja po navadi... kasnim .......

Serbus ..........................











21:35 | zafrkancija (15) | Print | ^ |

petak, 26.02.2016.

i kaj mi fali .........

- maaaarš doma ......
Ništ.
- čuješ ti mene, marš doma ....
Ništ.
-Garooooo , marš doma .....
Ništ .
- Garooo.. jebo ti konj mater , ajde doma ....
Ništ.
- jebal ti pas mater dlakavu , marš u kučicu ....
Ništ .
Garoo , dođi odmah , evo , na ......
Ništ.
Garoooo.. jebo ti ja mater repatu marš u kuču .....

Tekar na ovu zajdnu se Špenglerof cucak udostojal zajti z ceste v dvorišče.. Narafski.. nigdo nema rad da mu gazda jebe mamicu.. pa nit Garo .. Još bi Garo posluhnul i na prvu ..al kaj... sused Cajger i Ja.. vsaki z svoje hiže kričimo z obloka... Nejdi Garooo.. Dojdi sim.. Na Garooo.. A črni Garo beži po cesti od moje hiže do Cajgerove.. lamače z repom.. gledi mene .. pa prejde do Cajgera..gledi nejga.. pa se obrne i pogledi na brzinu svojeg gazdu Špenglera.. pa spet dohajba do Cajgerove hiže.. Baš je taj časek na oblok zišla i Cajgerica i Garo je ponorel za njom tak ju ima rad.. i još gda mu je hitila komad kruha kaj je sebi od zuba ftrgla... mogel si je Špengler podrapat svojeg gupca z kričanjem.. tekar na onu zajdnu je Garo odlučil ipak vrnut se v svoje dvorišče.. I kak je Garo sprehajbal pokraj Špenglera..of se nameril da bu mu vritanjak opalil...ha.. al je bil Garo hitrejši.. zgibal je po štengama gor i začel grepsti po vratima ... I kak je Garo zbegnul Špenglerovu nogu...al kaj.. kanta za smetje se našla na krivem mestu.. Pa je Špengler opali po kanti da je zletela dva metra dalko i sprevrnula se... Naravski.. smetje se napol zasipalo po dvorišču.. nekaj je zarondalo... a Špenglerova debela Marica je zišla van čez vrata pa i ona kriči... Kaaaaj je bilo...Kaaaaj se desilo... A sused Špengler saf sprenemagan ju belo pogledi i zakriči.... Marš u kuču ..... Ti vrapca.. i Garo i Špenglerica su mam nestali v hiži.. Špengler je skupljal smetje po dvorištu.. a Cajger.. Cajgerica i Ja smo vmrli od smjeha... Maaa.. se razme da bumo tu razonodu Cajger i Ja splatili Špengleru v brtiji pri Mađarici ....ha .....


A vjutro sam se.. tak i navek.. stal rano kak kmet.. pa mam odbežim do obloka.. gledim.. čudim se... pa bežim v drugu sobu.. poluknem čez oblok.. pa otidem odostrag i gledim na terasu... vrabec ga dal... pa ne curi dež.. nit jene jedine kaplice.. ti vrapca.. pa nit oblakof ni na nebu.. Kaj se sprepetilo.. to nikak nemre bit dobro.. jenostavno dež mora cureti..drugač se ja ne osječam najbolše... Jebal ga vrag.. dva tedna sračka ta kiša odozgor.. i ja se vsaki dan vlečem po toj fajhtnoči po Gradu.. po provincijama i periferiji.. A denes najemput ništ od teg... Eeeee.. ak dež ne curi.. nema oneh razcufanih oblakof.. ne puše veter... ja z hiže nebum van zišel... I ostal sam stajat pri obloku i gledim Špengleroveg cucka Garu kak beži po cesti.. ha.. zbrisal je z dvorišča ... Pita me moja najdraža.. čudi se kaj se ja još nis oblekel... Kaj delaš ... Ništ.. čoham si jajca.. velim ja... Moja je prešla za svojim poslima.. a ja sam čvrsto odluči ostati domof... Negdi okol podneva.. zove me na mobitela moja najdraža... Gjdeeeee si ... jee..nafčena je da se ja javim odnekud z Zagreba Grada.. al ja kratko referiram... Pri hiži sam .... Aaa..kaaaaj delaš.. čudi se moja... Ništ... čoham si jajca ..........

Serbus ..........................





17:11 | zafrkancija (16) | Print | ^ |

četvrtak, 25.02.2016.

kaj ti je mene spopalo .....


A ja ti več treti dan laufam čez zagrebačku provinciju i periferiju.. A gdo mi je krif.. lahko me na svakaj napuntat....


Na pogleč... još ništ od civilizacije...tekar su začeli piramide delat.....


Ti vrapca...pa i avtobusi tu pelaju... gdo bi to rekel ... bu nekaj ....


Aha.. civilizacija na vidiku.. hmmm.. brtija je tu.. al kak čez ta nizka vrata nutar zajti...ha .....


Jebal ga vrag.. ovo mora da je sim zletelo skroz od tam.. z Sirije ....


Tak nekaj moreš još sam v Bombaju videt..hmmm.. i na Zagrebački periferiji ....


Maaa..ja sam ti velki bedak... evo tu stojim kak kandelaber i gruntam kaj da delam..kam da pem.. a kak vse zgledi..pem vrit ... Moj jen dobri pajdaš z inozemstva me lepo prosil da za nejga nekaj pronajdem baš tu v toj provinciji.. A nit mi je znal kazat koju vulicu da iščem.. nit broja.. nit naziva poduzeča.. I kaj.. kak da človeka vrit pošilam.. vsakeg leta je on pri meni.. pa ja prejdem v inozemstvo knjemu.. i tak več letima se familje vizitiraju .. Pem još jemput prejti čez te zvuzlane vuličice ....


Aha... ima tu mjesta i gde ljudi bolše živiju.........


Viš..viš... vrabec ga dal.. vse bolše i bolše.. mam mi je nekak laganejše...


I tak... ipak sam ja zbavil kaj je trebalo.. ni bilo lahko.. tri put sam sprešel vse naokol dok sam dobil informaciju gdi je ono kaj iščem.. Jebal ga vrag.. ljudi tu živiju pa malo gdo zna nekaj povedat dalše od svoje vulice..pa nit to neznaju vsi.. Pitam človeka na vulici.. on se vrti.. kakti čul je za tak nekaj..al ni ziher dal je ljevo al desno.. pa pitam babu kaj se nalukava čez oblok.. ona se čudi i snebiva.. nigdar ni čula.. a je na koncu ispalo da je to baš v nejzinoj vulici malo dalše od nje... Ni meni bistro kak to ljudi živiju.. koji put nit za prveg suseda nezna kak se zove... Aaa..kaj moreš.. nisu vsi tak stekliši kak sam ja.. pa ne rivaju svoje frnjokle .. baš ih briga.. A ja ti zdaj gledim tam napred..tam dalko znad moje provincije..Kustošije .. ti vrapca.. ak se ti razčehani oblaki scediju..bum pak mokar do riti ..............................

Serbus .............................















17:05 | zafrkancija (13) | Print | ^ |

utorak, 23.02.2016.

.... na periferiji .......


Evo... ak nigde v našem Zagrebu nebuš našel Purgera.. zalaufaj se malo na preriferiju i tam na Trešnjefki buš došel na svoje.. Pogleč.. picerija Purger.. of put bum poveroval da je gazda Zagrepčanec.. i mam posle oveg Purgera... evo.. i Second Hand Shop.. istini za volju baš ne zgledi to preveć Purgerski.. hmmm.. valjda ni kakšni dotepenec z Istambula ... takšnih je pun Grad.. al of valjda ni .. ha ... Imam tu nekaj za zbavlati.. iščem več dugo meštra kaj fotografske aparatline popravla... i nekak je ispalo da bum i tega našel na.. periferiji.. na Trešnjefki.. I lepo sam ja začel štrapacirat tam od Safske.. korak za korakom mladi junak pod barjakom.... ha .....


Ti vrapca.. gda se obrnem.. več sam i Plac i Staru Trešnjefku sprehaqjbal.. ide to meni dobro.. Čuj.. denes je vreme fest šareno.. od hiže sam krenul.. par kaplic je škrapalo.. Pa sam se lepo z trajvanom odpelal do Safske i onda dalše potplatcug...ha ... Malo gledim tu glavnu kucavicu na Trešnjefki.. još tam od Safske nekak.. a kaj sam dalše spram Remize.. to je mirnije.. pusto i prazno.. narafski osim Trešnjevačkog placa.. Štacuni.. radionice.. obrtniki vsih fela kaj su tu negda bili.. njih više ni... Prazni zapušteni izlogi.. zaprta vrata z lancima.. tu i tam kakšni moderni kafič... jeeee... žalostno ... I da nis znal broja hiže.. nebi nit oveg svojeg meštra našel.. na haustoru mala cedulica i strelica pokazivle da se mora iti v podrum... Jezušek.. kak je taj podrum kmični zapušteni.. zgledi kak da je v Berlinu v sred bombardiranja.. nekak sam napipal štenge i došel do vrat.. Pokucam i čekam da se otpreju pa da nekakšni klošar z letvom zleti van.. pa ni.. Človek otpre.. nutar je mala sobička puna fotografskih aparatlina.. novi i starih.. cjelih i razkomadanih.. kak da sam v fabriku došel.. Gurnem tem meštru v ruku svoj aparatlin.. nooo.. fotografski aparatlin.. velim kaj mu je.. človek ga pogledi z vsih strana.. malo spretrese i veli... Može.. dojdite zutra vjutro.. bu gotovo... Hmmm.. si videl.. velim ja.. koji put treba poiskati stare meštre a ne se vleči okol oneh modernih servisa... .......


I gda sam več zaglibil na Trešnjefki bum ti pokazal gdi ja dost često dojdem nači se z svojim dečkima .. Evo.. tu mam par korakof prije Remize je poznati kafič.. veliju Klub Trešnja.. Lepo vređeno.. muzika sasvim potiho svira.. a gospođa Mirjana z smješkom dočeka vsakeg gosta.. Tu sam ti ja barem jemput v tednu. a drugač pa .. v tem kafiču se okuplaju naši Zagrebački rukometaši kaj vsaki dan treniraju v Kutiji Šibica .. Tu su na stalažama i po zidima nijhovi pehari.. odlikovanja.. slike... No.. same rukometaše tu i nebuš našel vsaki dan.. oni tu dojdeju gda stigneju..al gda se ima za proslaviti kakšna pobjeda.. al se žalostiti ak baš ni išlo kak treba... Fino.. Nesica je v velkoj šalički.. par rječi z gazdaricom i pem dalše.. haha.. narafski .. v drugu brtiju ...


I kak se vlečem tu po Remizi.. ti vrapca.. najemput se najdem spred trajvana.. skor me šlak trefil.. Pa nis se nalijal Badela da nebi znal kam hodim ... I onda .. na velko olakšanje skužim da je to jena velka prava stvar.. Gdo je god to narisal i tu postavil..taj je človek za moju pajdašiju.. A gdo bi drugi v našem Zagrebu tak nekaj naredil neg Trešnjevački fakini.. Istini za volju.. to su več odrasli ljudi.. dobro zašli v leta.. al su navek ostali.. fakini ... Tres..Tres.. Trešnjefka ..... Tres..Tres..Trešnjefka ................... ha ..nis pozabil kak se tu kriči ...


Preskočil sam potok i vletel na Ljubljanicu.. Vraberc ga dal.. kak je tu vse na gusto pošlihtano.. štacun do štacuna.. kafič do kafiča.. a kaj je najbolše.. na deset korakof tri pekarnice...Pa kak sam ja na široko, poznat da nis karakter i nemrem projti polak pekarnice kak pokraj turskog groblja.. z guštom sam na dva šuba zgural čez požirak nekakšno tijesto z klobasom.. mmmmmmm.. Al kaj.. zdaj se ta klobasa v mojemu drek magazinu začela žalit da ju treba zalijat.. pa još ktomu i ona vesela reklama z Žujom.. eeee.. i dalše bum bil fest slabeg karaktera.......


Aha.. tu smo.. viš to je jen lepi.. topli.. ljudcki.. domaći kafič.. mu veliju..Kvart.. Na samom vuglu vulice.. tak da na vse strane imaš dobar pogled.. al znutra.. al ak si vani na terasi.. Znaš.. to je mjesto gde se vsaki dan okuplaju tu domaći ljudi.. fakini.. klinci.. srednjoškolci i študenti.. Pa ne vsi v istu vuru.. neg se podjeliju.. Viš.. moji tu poznati pajdaši su več prije osme vure vjutro.. Tak da ja moram fajn zapeti da sim stignem na vreme.. a bormeš sam tu i dva tri put na teden.. Več okol desete vure dojde sim cela divizija tu domaćih veterana Domovinskon rata.. i oni mam zauzmeju tri stola i špilaju Belu vse do podneva.. Posle se redaju vsi drugi.. a ona mlađarija je tekar pod večer .. Tu me več dobro poznaju vsi.. a to znači da mam pe velka runda.. Ti vrapca.. ona klobasa v mojem želucu je za kratko vreme polokala dve mrzle Žuje.. i štela bi još .............


Jeee. treba i domof dojti.. a znaš ti kolko ja imam za cipelcugarit z Remize do Kustošije.. eeee... A kaj drugo neg put pod noge.. makar mi teško pada.. Nesica.. klobasa.. tri Žuje.. vrabec ga dal.. vse se to prekobicavle v mojem trbuhu.. .. Ništ.. pem onak ležerno.. kak da pem ispoved..ha .. pa čez Voltino po Drvinju.. jebalte.. začelo me ztiskak za scanje.. gdo bu zdržal do domof.. a uzput ni kafiča.. Maaa..kaj.. čim dojdem do Pupinovog naselja tam ima dost grmof za zbavit potrebu ..... Jezušek.. kaj sam denes zaglibil ...................

Serbus ..........................













17:23 | zafrkancija (15) | Print | ^ |

ponedjeljak, 22.02.2016.

navek jednak...


Zbilam ovo vreme zajebava.. jen dan proletje ..drugi dan jesen.. v kalendaru piše da je zima.. No..ja se ne žalim.. denes je da si bolše nemreš poželet.. no je oni mršavi prognostičar na Novi televiziji ščera tak nadrobil bedarija da na koncu ništ človek nemre znati.. i bilo bu sunce.. i bu veter puhal kak sto vragof.. i bu bura i jugo i tramontana.. vsi maestrali i pasati... pijavice.. vijavice i tuča.. No.. sva sreča to je valjda dole za one pri velkoj bari.. Mi tu v našem Zagrebu nemamo nikaj ztim.. dakle.. brez brige samo naprej.. polahko.. ........


A meni moja doktorica fort savjeta djeli.. paaa..morate hoditi poradi cirkulacije.. paaa.. štrapacirat kaj kile nebi rasle.. paa .. to je za vaš herc jako dobro.. Paaa.. jebal ga vrag.. nigdar ne reče.. Paa.. dobro se najedite.. paaa.. si spijte gajbu pive... paaa.. pofukajte si vse kaj morete.. Maa.. koji put ju i posluhnem.. znaš.. ima ta moja doktorica najbolše noge v celomu firtlu.. i makar je več v leta zašla.. malo koja mlada bi ju sprešajbala... paaa.. ja njoj fort v noge gledim gda dojdem na pregled.. Haha.. ja nju spregledavam a ne ona mene... ha ............


Razmeš.. denes hodim kak me je volja.. nis dobil nikakšnu domaču zadaču.. bi se reklo da imam ..slobodni dan... Ha.. kak da sam batler.. oni su slobodni pondelkom..kuharice sredom.. a ostale sluškinje četvrtkom.. Prafzapraf.. neznam kak je to denes.. al negda je bilo tak .. Moja baka.. plemenitašica.. je odnavek imela sluškinje.. bile su to navek nekakšne zdrave puce z sela.. Znaš.. doteple se te mlade v velki grad..pa kruhom za trbuhom.. škole nema nikakšne.. i kaj bu neg sluškinja.. Dok se nis ja dotepel na ovi svet.. moja je baka sluškinju držala pri hiži v jeni sobi zasebno.. se to negda nazivalo.. djevojačka al služinska sobica.. Jeee.. su to bila slavna vremena za mojeg tateka.. još kak klinac si je jumfera skinul na nekakšnoj služafki.. a posle je pofukal vsaku novu kaj je došla.. A bilo ih je.. kolko sam čul.. fort novih.. kak bi moj japa koju pofukal.. tak bi nejgova mamica..a posle moja bakica.. morala plačati debele peneze za abortuse.. No.. gda sam se ja začel širiti po hiži.. sluškinja ni mogla bit pri nami na stanu.. neg je samo dolazila vjutro a odlazila kasno popoldan.. narafski.. služinska sobica je mene dopala.. Jeee.. pa moral sam i ja imeti mesto za fukanje gda bi se kaj namerilio negdi po vani.. Paa.. nis mogel fort na klupi na Griču brdu.... kaj ne ......................


I dok sam se ja spominal na noge moje doktorice..pa na bakine sluškinje.. i još druge bedarije.. najemput sam se našel na Keglbajsu.. ti vrapca.. nit sam neznam kak sam tu završil.. Viš kaj te ženske z človeka narediju.. noge.. riti.. ciceki i piceki.. i mam zgubiš orjentaciju... Sunčeko se zdiglo.. nebo je plavo ..ha.. kak znad Zagreba ...ha .. a ja bum lepo prešel malo noge počinut v kafič kod Dantea.... Uuuuuh.. milina...navek jednak....ha ...

Serbus ...................







16:25 | zafrkancija (11) | Print | ^ |

subota, 20.02.2016.

... zagrebački štikleci .......


Zakaj volim Zagreb ..... ha .....


..daj požuri... sere mi se ..................


Kaj.. buš došel več jemput .....ha ....




17:18 | zafrkancija (11) | Print | ^ |

petak, 19.02.2016.

..a kiša gradom.. lije..lije ...


Je..a kaj.. dež curi... pa nek curi.. tu se ništ nemre.. A kaj se mene dotikavle.. neg curi do drugeg kineskog novog leta.. Spametil sam se.. obuvam si cipeliše za po vodi šljapkat.. nosim ambrelu.. kožnatu kapu.. i kaj.. baš je veselo ... Pas mater.. kak je nezgodno aparatlina porihtavat i ambrelu držat.. mam ti se nekaj zlije za vrat ... ha ...


Aha..daj si pogleč.. dve hoh dame.. mam se vidi kaj je stara gospodcka škola... Viš.. ove dve gda su vidle da sam ih na kipeca del... mam su malo zabremzale i lepo se narihtale.. Maaa.. prave Zagrepčanke bi ja rekel ..........


Ha.. kaj ti je lepo bit cucak.. pogotovo ak si gospodcki pes.. Ti vrapca..pa ima bolši ajncug neg ja .. evo.. malo se sprolufta.. zapiša koji vuglec.. strese dreke negdi nasred trotoara.. a pri hiži ga čeka rajnglica fineg žderila.. narafski ..prvoklasnog.. ljepa udobna tapecirana škatula..a morti ima i svečano mjesto na kauču pokraj gazdarice.. Ha.. A takšnu bi si gazdaricu i ja mogel poželet.. hmmm.. pa makar me za tu žnoru vlekla...ha ....

Serbus ....




17:55 | zafrkancija (18) | Print | ^ |

utorak, 16.02.2016.

nebu dobro ......... baš mi se fučka ....


Makar to vjutro ni baš poverljivo zgledelo.. a kaj.. moraš ziti van.. drugač te babe fundaju.. A baš za truc nis štel ambrelu zeti.. velim ja .. verujem oni zgodnoj črnoj prognostičarki..Ani.. z Nove televizije.. je ženska lepo rekla da se grdo vreme izčekuje tekar popoldan na sjeverozapadu.. A tu sam ja .. Dakle.. do popoldan ja morem i do Japana dosegnut.... tralala.. gdo se boji kiše još tri za groš..tri za groš.. tralalala .......baš mi se fučka


Trebaš ti imeti hrabrosti kakti laf za te špelancije.. a ja kakti laf.. lepo spodi teh razkuštranih črnih oblakof praf čez Mesničku na brdo Grič.. znaš.. tu gor ..tam dol.. Pa kaj.. ionak nema nikakšne žurbe.. Pri povratku bum zbavil domaču zadaču kaj su mi odredili i .. baš mi se fučka ....


Tak mi nekak denes vse sivo zgledi.. valjda zbog teh.. kak razcufanih mačkof oblačkof.. ha .. kak sam to .. se reče.. pjesnički izrekel .. Hmmm.. ti vrapca.. al mi se pričinjava..al me je kakšni vrabec zapišal.. nekakšne dve debele kaplice su mi opale praf na aparatlin.. Dobro je.. ni važno.. baš oveh dni vlečem z sebom oneg aparatlina kaj more zleteti v bunar..al pa opasti z prvega kata.. more ga avtobus spregazit.. cucak prežvakat.. i nikaj mu ni.. škloca kak da se ništ ni sprepetilo.. Jemput sam ga pozabil na svojemu grunteku.. ti vrapca.. sedam dni je on mene čekal nasred travnika.. Pa se vidlo da je prek nejga sprešel oni slinavi puž bezkučnik.. no kaj.. opral sam aparatlin spodi pipe i ..pemo dalše ... Čuj.. ipak to ni bil vrabec.. kak vse zgledi to je začel dež kapati.. Znaš kaj.. lepo ja hitim v petu brzinu i bris dol z brega... Uuuuuh.. taman se zpustilo z neba čim sam zašel v Kavalira.. Haha.. zdaj bum pokraj Nesice od vanilije lepo sedel ..makar do samog podneva....... baš mi se fučka ...

Serbus .......................





17:29 | zafrkancija (11) | Print | ^ |

ponedjeljak, 15.02.2016.

..... curi ......


Kak sam vjutro otprl oči.. dež je curel .. a ja moram po službeni dužnosti van.. Ti vrapca.. pa nit cucka nebi poslal na vulicu.. a mene nigdo ne pita.. Domače babe samo naređivaju.. buš to.. buš ono.. a uzput zbavi to.. pa ak još stigneš i ono.. Jebal ga vrag.. drage ženske.. pa Valentinovo je sprešlo.. a osmi mart je na dohvat..pa dajte mi malo mesta da lufta vlovim.. Nooo.. nema milosti.. Još kriči moja za menom.. Nemoj ambrelu negdje zaboravit.. A gde bi ju pozabil.. ak baš i ostane v kakšnoj brtiji..tam me poznaju i buju mi ju sačuvali dok ne dojdem sledeči put .........


na Malom Placu nit žive duše.. jedin tri kumeka i jena kumica na štandima.. lepo su vse posložili..pokrili z najlonima.. i .. luftaju se.. Nigdo z cekerom da bi makar jenu korabu kupil .. Kriči jen kumek da mu je voda zašla v cipelu i kune fabrikanta kaj je takšnu cipelu naredil kaj propušta .. A dočim poglediš kaj ima na nogama..mam ti je bistro da of mora bit sretan kaj mu se cipeliši nisu razišli kak da su od papndekla.. Jeee.. veli narod.. kolko penez tolko muzike.. Al kak buš to ovem siromačeku objasnil.. Pa se on več snašel.. Skinul je tu šuplju cipelu.. zlijal z nje vodu.. na nogu navlekel najlonsku vrečku na kojoj piše črleno..Konzum.. i to vse skup porinul nazaj v cipelu.. Evo.. veli.. da i od Todoriča bude koristi ...........


I kak god ja tu ambrelu držal.. mokar sam posvud.. Ideš po trotoaru.. ženska dolazi z druge strane.. zmakneš ambrelu da more ona komotno projti.. Narafski.. nikakšni fala nebuš za to dobil.. još me i štrajfala po tikvi z svojom ambrelom.. Pa mi prihaja nekakšni halatak.. mam vidiš da je z brda se zpustil.. ima človek nekakšnu podrtu ambrelu i hodi kak zombi.. Pak se ja zmaknem da sačuvam svoju ambrelu.. Istini za volju.. moja ambrela je skorom četrdeset let stara..al to su one fest kvalitetne ambrele kaj su se negda davno delale.. Takšnu više nebuš nigde našel za kupit..osim morti pri Svibenu v Ilici .. košta kak da je z Raja zišla.. I tak.. stojim na semaforu.. čekam da se zažga zeleno.. gda najemput jen z avtom mam pokraj rinzola čez lokvu vode.. zajdni čas sam zpustil ambrelu kak viteški štit..al zabadaf.. zalijal me mulac vse prek teg štita.. A ženskica pokraj mene stoji i jamra.. nju je zalijal da joj se po vlasima cedi .. Jee.. a kaj.. velim ja njoj.. to vam je cijena živlenja v velegradu.. Ni pet nit šest ona meni odbrusi.. Jebo vas velegrad .. Ja sam ostal zjevati od čuda.. I taj čas pak jen avto naleti na tu istu lokvu.. a lokva je takšna da bi i šaran mogel v njoj komotno plivat.. Eeee.. ja sam se hitro zmaknul dva koraka i onak ..kavalirski se stal pozadi ženske.. Vrabec ga dal.. of ju je zalijal još bolše od oneg prvog.. I zažga se zeleno..ja lepo prek vulice a ženska je ostala kleti .. valjda je bedača dočekala i tretog da ju zalije .....................

Serbus ......................





18:11 | zafrkancija (12) | Print | ^ |

nedjelja, 14.02.2016.

još ima bedakof ......


I gda sam se nakon tri dni zvlekel z hiže.. narafski dež je curel al sam se ja truciral i nis štel ambrelu zeti .. samog sebe sam uveraval da bu za koji časek to prestalo.. Al sam se uvlekel celi v kožnati ajncug.. kožnate hlače.. kožnati škrlak i kaubojske čižmake.. narafski i kožnatu torbu.. nek se najde.. Maaa.. vse je to lepo i dobro..al mi se fort voda cjedila z škrlaka za vrat.. I mi ne preostane drugo neg nabavit vekši i širši kožnati škrlak.. No.. pa to ni tak lahko .. v celom Zagrebu nemreš najti to kožnato čudo.. Oveg kaj imam mi je pred dvajset let naredil po mjeri oni poznati klobučar Cahun.. tam Ispod Zida.. Al stareg Cahuna več ni.. je par let v penziji.. a oni kaj su ga nasledili mi veliju da nemaju takšnu kožu.. Ak gdo nekaj zna..prosim lepo ....


Veliju mi moje domače ženske da nek prejdem na Trgač jer da tam ima finih čokoladnih delicija i nek natovarim torbu i prinesem domof.. pa zakaj ne.. gruntam si ja.. ionak je to Valentinovo.. kaj nebi človek ženskama zadovoljil apetit.. Ti vrapca.. dojdem na Trgač.. kad tam ljudi kak da je na Trgač Papa došel .. Ništ.. pem malo proštudirat situaciju..


Gledim ja.. do pol Trgača dugački red.. kak negda davno za Minasicu.. na ulazu u taj šator stoji nekakšni čuvar i dela reda.. Pitam ja ljude da zakaj se tu čeka.. Mi veli ženska... Pa za čokoladu probat.. Kak za probat.. pitam ja.. Tak.. veli ona.. zabadaf ... Vrabec ga dal.. pa nebum ja tu jenu vuru čekal za probat.. ja bi rad kupil.. me razmeš.. za peneze.. Eee..veli oni čuvar na vratima.. nikaj prek reda.. Jezušek.. gruntam si ja.. pa nis znal kolko bedakof tu okol mene živi.. Na.. dež curi.. a oni čekaju kak da Unra pakete djeli .. Eeee.. nikaj od teg.. buju se moje ženske doma oblizivale drugi put.. ja tu nebum čekal nit jenog časa..........


A ovu tu ljepoticu sam videl prije dvanajste vure da tu stoji i čeka.. A se dobro zna koga se tu na tom mjestu čeka.. I zdaj se polahko vlečem nazaj.. a ta sirota još čeka.. a podne je top več opalil z Griča pred dvajst minut.. mi je došlo da ju pozovem da zmenom prejde nekam pod krof.. al kaj.. bi me ziher kvragu poslala.. Vidim da vrti po onem fujfonu.. sva je nervozna.. cupka znoge na nogu.. Projdem pokraj nje i onak dobacim pa kaj bu bu.. Kaj je gospodična.. nema ga.. Ona me bledo pogledi.. gdo zna kaj si je pomislila da sam ja kakšni stari pohotlivec.. al se onda nasmije i veli.. Bude došel.. Viš.. pak si ja gruntam.. kaj ti je lubaf.. ona ljepota tu stoji a mulec si negdi jajca čoha i fučka mu se .. A ziher je trebal tu bit točno v podne.. Ti vrapca.. ja sam negdar.. v ona stara doba.. pol vure ranejše hodil okol vure.. sam da slučajno nebi zakasnil.. No.. denes su druga vremena.. ženske bežiju za mužkima.. ženske čekaju.. Aaaah.. od kavalirof je jedin još ostala brtija na Trgaču kaj se tak naziva ...... Pem na Nesicu od vanilije.. Jebate taj dosadni dež ......

Serbus ....









22:18 | zafrkancija (15) | Print | ^ |

subota, 13.02.2016.

veselo Valentinovo .............



.............................. Imajte se radi ..............................


21:02 | zafrkancija (11) | Print | ^ |

srijeda, 10.02.2016.

Halooooo .........



Haloooo....puce.. ženske... babe ...... Pepelnica je...

SRETAN VAM IMENDAN ........................


08:33 | zafrkancija (16) | Print | ^ |

utorak, 09.02.2016.

Špancirancije ..........


Tak ti je to gda človeku nedaju spati celu noč.. onda nema drugeg puta neg od ranega v špancirung prejti... Na vulici samo ja i radni narod.. ha .. Evo.. of tu na Trgaču spred Splavnice priprema klobase.. no.. radni narod samo kavice naručuje.. Klobase nebuju prije devete vure..
Znaš.. gledim ti ja tu drvenu bajtu kaj su je tu postavili.. Hmmm.. ni mi za praf.. Tak je lepo zdalka videti Splavnicu punu cvetja.. a ovak se ništ ne vidi.. Pa ja znam da je to bilo za Fašnik zrihtano.. no kak vse zgledi.. bu dočekalo i Valentinovo.. Bi ga vrag znal.. morti je gazda od klobas kakšni kum od našeg gradonačelnika.. oneg dotepenca z bregof.. pa mu je of dal befel za cjelo leto..........


Znočka je bilo dost vedro.. čak sam si zgruntal da bu vjutro i mrazeka.. pa ga ni bilo.. Sunčeko je zasijalo kak pravo proljetno..makar se tam od Medvednice vidlo da se nekaj črnega kopita .. Pa kaj to mene briga.. Plahutam naokol tekar tolko da se veli kak se giblem poradi bolše cirkulacije..ha .. Pa bi si človek i malo sel na kakšnu Nesicu z vanilijom..al dobra stara Tkalča još spi .. Morti ju sunčeko zbudi .............


Ti vrapca.. da se ne skotura kakšni avtomobil.. lahko bi človek rekel da je Grad krepal.. Prafzapraf.. meni je tak najlepše špancirat.. mir ..tišina.. vse diši na starine.. čak se z osmoljetke na Kaptolu još ne čuje galama.. malo si stanem tu pokraj zida.. Jezušek.. kak mi paše ovo proljetno sunčeko.. tak te lepo miluje..kak kašna ženskica ................


Ha.. i Gimzo je zaprt.. nedaju svecu da sunčeka vidi.. gda otpreju vrata več bu debela senca.. pak se bu Gimzu fajhtnoča zavlekla v tu kapelicu.. a tekar su je pofriškali.. Se sječam kak je ta kapelica letima bila zapuštena.. puna smetja ..pa su i klošari znali spati nutra.. Viš.. od gda imamo svoju frišku državu i sveci su došli na svoje..al ljudi nikak nemreju.. Ništ.. hmmm.. kak bi človek postal svetac..ha ..............


Uzput malo hitim pogleda na Gornji Grad.. ti vrapca..pa nis bil gor več par dni.. to se meni rjetko zgodi da ja makar ne sprehajbam z jedneg kraja gor.. pa na drugi kraj dol... A kaj.. človek skroz pozabi na neke stvari.. Aaa..to ti tak z letima dojde.. Viš.. več triftal vure si gruntam kak bum negdi sel i spil si Nesicu od Vanilije.. pa prejdem pokraj brtije i se nit ne sjetim zabremzat... Aaaah.. pem pogledeti tu na Novu Ves dal je Dvojka odprta.. vidim da su nekaj dopelali..valjda dreva za krušnu peč ...


Ha.. z Dvojke su me skorom hitili van.. sam zašel nutra pa gledim.. kmica.. Pita me nekakšni slinavi.. valjda je to picameštar.. da kaj iščem.. Paaa.. nekaj za spiti.. velim mu ja.. Nema ništa..odbrusi i navlači nekašne vreče.. mi se čini da je to brašno.. I kaj.. lepo sam se zaputil nazaj.. neče mi se dalše spram gor.. Viš.. človek išče ..kak se veli.. kruha prek pogače.. a spred nosa mu je to kaj ičše.. Narafski.. v brtiju v Kazališču Komedija sam zašel i mam sam videl dva poznata lica.. Znaš.. ja ti tu v Komediji več prek pedeset let imam onu.. se reče.. pretplatu.. narafski.. v samoj sredini prveg reda.. To sam ja nasledil od moje bake.. plemenitašice..koja me je još kak klinca vlekla po kazališčima.. I več davnih leta sam se ja upoznal tu z nekima.. je..je.. prvo z zgodnim ženskicami.. pa z nekakšnim glazbenikima kaj tu muziciraju.. poznam obadva glavna dirigenta.. dobar sam si z najbolšim glumatarom v Komediji.. Damirom .. eeee.. taj voli kaplicu zlijat čez požirak.. pa ti poznam vse vatrogasce kaj tu delaju.. štrom meštra.. pa do samog glavnog ravnatelja Nike .. I kaj da ti velim.. umjesto Nesice sam se opskrbil z par žufkih pelinkovca.. malo smo klafrali.. Znaš.. ta ti je tu banda koja rad prima runde.. al nisu preveć hitri za vrnut ... navek su brez penez ...haha ...


Vrabec ga dal.. ovi v Komediji nemaju nikakšno radno vreme.. moreju lokati za šankom dokle hočeju.. pa samo odnekud navireju friški.. I tak ti se tu za čas nagužvalo celo čudo spremešano.. glumatori.. glazbeniki.. razni meštri.. al nikak da dojdeju i ženskice.. osim od oveh kaj delaju v komercijali.. veli mi ravnatelj Niko.. da ženski del kazalištnog ansambla.. denes nema probe..Baš škoda.. Jedva sam nekak zbrisal.. Pelinkovac sim ..pelinkovac tam.. ti vrapca ..pa tu vsi pelinkovac ločeju ..i mužki i ženske ..tu ti je nutra tak tjesno da stojimo nagužvani kak v trajvanu...ha ................


Rekel bum ti da pelinkovec čuda dela.. narafski..jedin Badelof.. tak sam postal gladan da su mi se vse čreva začela frkati.. Pa smo jen moj pajdaš.. nebum ga imenoval.. glumator.. i ja prešli lepo v Kapucinera na ..picu.. Narafski.. velku. i najbolšu kaj imaju za ponudit.. Slavonska pica z špekom i kulenom i feferonima.. ti vrapca.. velka je kak kotač od mojeg plehnatog lubomca.. Kaj da ti velim.. moj pajdaš je nastavil z črnim vinom.. po tomu je fest poznat po vsim zagrebačkim brtijama.. a ja po dobri stari navadi z Ožujskom... ja ti delam vse po zakonu... I dok smo nutra sedeli.. vani se vreme tri put zmenilo.. oblaki pa sunčeko.. pa sunčeko i oblaki.. veter popuhuje odzgor z Medvednice... a ja se vlečem prek Trgača na trajvan.. Za denes je bilo dost ......

Serbus ..............


10:40 | zafrkancija (19) | Print | ^ |

ponedjeljak, 08.02.2016.

Zagrebački štikleci ..................



... Hmmm... izvidnica....


17:07 | zafrkancija (11) | Print | ^ |

subota, 06.02.2016.

zagrebačke fašničke špelancije ...........


A več od jutra na Trgaču dreka i vika.. kričiju ljudi.. zveni glazba.. letiju naokol pajnkrti.. plahutaju šareni balončeki.. stari i mladi se skupili..ima za vsakeg nekaj.. Kaj je bliže podneva.. to je bogmeš vse bolše natrpano.. A vreme kak si nebi znal nit poželet.. sunčeko sija.. nebo.. onak praf..zagrebačko plavo.. tega v ostalem svetu ni videt.. Čist človeku malo paše se tu šmucati.. zmed štandov.. zmed..paaa .. najlepših ženskih na svetu ....


Ha..a kaj drugo neg..Fašnik vu Zagrebu .. Čulo se nekaj da bu naš gradonačelnik..oni dotepenec z bregof.. priredil fašničke špelancije.. I zbilam si je človek posla dal.. pa ionak on fort dela .. Čez noč je na Trgaču osvanulo sve kaj bi se moglo nucati na takšni paradi.. Tu je oni ogromni šator.. pa naokol štandi.. narafski.. vse kaj je na štandima to se plača.. Tam z Splavnice mirišiju klobase.. prodaju se cukori.. fritule.. i kaj ti ja znam kaj vse ne.. Vglavnom imaš kam peneze hitit ..


Vsakaj su ljudi sim dovlekli da bi fašnik bil kak se spada.. ima tu i starih avtomobilskih krampova nacifranih vsim i svačim.. ima tačkih z foteljom.. biciklina z kockastim kotačima.. kamijona z kojih vino teče.. a maškare posvud naokol.. Gdo si je kaj imel deti na sebe da bi bil maškarin.. taj je bolše prešel.. vsi ga glediju i na kipece mečeju.. Hmmm.. ja si nis nikaj zel za namaškaradat se.. paa.. kaj meni treba.. ionak sam maškara..kaj je..je ..


Da nebi gdo rekel da sam se zlagal ono o ženskama.. pogleč samo.. to su dve Črne kralice.. i četiri praf domače zagrebačke ženske noge.. Pa kak človeku nebi došlo milo.. jedin malo taj tu Alapič Medvedgradcki špila kavalira.. ha.. a baš sam i ja mogel malo v sredinu zajti.. No.. to bum senjal zutra.. Aaa..je..je.. tak ih je lepo videti .. eeeh.. da jesam kaj nisam... Ništ.. ipak bum moral za utjehu kakšnu klobasu pojesti ...ha ...


Daaaj mi mrkvu..daaaj mi mrkvu.. fehta of ogromni kojn..A mrkve ni.. pa bu dobil pusu.. A mi vse zgledi da je ova gazdarica ..hmmm.. punica od Koko Bila .. Nekaj je zmrmlala kojnu v vuho.. a of je samo zastrigal z vuhima i se.. posral ... Al mam je tu smetlar z lopatom .. kak sam veli.. denes ima posebne zadače.. iti za kojnima i govna skuplat.. Drugač pa.. ti su mali kojneki tu da bi ih dječica malo zajahala.. se razme.. to košta.. Pa vredu je.. mora kojn jesti i piti i štalicu zaslužit.. pa si vse gruntam.. veli narod onu poznatu.. Bedast si kak kojn.. .. Ima tu nekaj.. da je kojn spameten nebi človek jahal nejga ..neg bi kojn jahal človeka... ha... Fašnik je ....ha ....


Daj mi daj.. popeva of stari klaun još starešoj coprnici... A ova mu popevle nazaj.. Nebi ti dala ni da sam budala ... Ti vrapca.. kak je zacičala gda ju je stari zgrabil za rit.. Maaa.. vse su to fašničke špelancije.. more se človek dobro zabavit i gda negdo drugi zgrabi žensku za rit .. haha.. . I nebuš veroval.. malo sim malo tam.. glazba svira navelko.. ..Leeepi ti je Zagreeeeb graad.... kričiju muzikaši a ljudi naokol vse cupkaju.. još malo fali i da zatancaju.. i vreme je preletelo kak da bi rekel.. kruhmast ... Podne je več dalko prešlo.. od silne galame se nit top z Griča ni čul .. Bum ti rekel onak praf.. baš mi je bilo ljepo.............


Velim ti ..pravi fašnički dan v Zagrebu.. čak i nekakšni namaškaradani trajvani pelaju...ha .. Maa.. to je naš zagrebački Bubi .. pun dječice i lepih mamica .. Uuuh.. mamice ...............

Serbus .....................
















17:54 | zafrkancija (16) | Print | ^ |

petak, 05.02.2016.

... zagrebački štikleci ..............



Recite, da li se osjećate sigurni u Metropoli ?
Da, stvarno se osjećam sig ..... Tuuunkkkhh ....................................... didulidudidulidudidulidu ........


16:45 | zafrkancija (13) | Print | ^ |

četvrtak, 04.02.2016.

Špancirancije ......


Ščera mi veli jena moja pajdašica da pri njoj veter puše tak da se hiže zibleju simtam..a da dež curi kak da ga negdo z kiblom zleva.. Bogmeš.. pri meni v drugem firtlu se je dež nekaj malo poscal.. a vetra ni bilo nit kak bi pajnkrt prdnul .. Aaa.. valjda tu pri meni dobri ljudi živiju pa se oni bradati tam gor na nas ne obazire preveć ... A vjutro sam si gruntal.. dal vzeti ambrelu..al ne vzeti .. I bogmeš nis ju zel.. Je da je bilo hudo z tim oblakima.. al evo.. ja sam sprešel svoju porciju španciranja po suhom ... Malo sam se okol Kolodvora skital.. nooo.. nis kurve iskal.. ni ih tu več odavno.. al ima oneh musavih črnih zaraštenih dotepencof na vse strane ... sam se bojim da im naš gradonačelnik.. oni dotepenec z bregof.. na Tomislafcu ne naredi šatore ..


Kak ove zime nema velke zmrzavice.. fontana lepo dela.. vodica skače.. No..park je prazan.. nigdo ne sedi po klupama.. pa i ni baš za to bogzna kakšna prilika.. Al stoga ziher uživaju gosti v hotelu Esplanada.. pa i to je velko pitanje jer ak su zaokupirani z .. se reče.. hostesama.. to ti je moderno kazat za današnje nobles kurve.. onda glediju v kakšnu zgodnu rit a ne v fontanu .. A rekel bum ti ovak.. Stani se spred Esplanade i videl buš kak dolaziju i odlaziju sam mužki gosti.. celi dan nebuš videl kakšnu žensku da se tu špancira kakti gost.. A one.. kur... sam štel kazat ..hostese ulaziju z oneg bara sa strane .. Gda se pokaže potreba portir samo nazove mobitela i zgodna ženska za čas stigne z taksijem odostrag na parkiralište.. Pa kak ja to znam.. ha .. jeee.. nekolko mojih dobrih pajdašof delaju kak taksisti pa mi svakaj znaju spripovedat... A i bi se reklo.. fučkaš hotel ak v nejmu ni kurvi ...


Viš.. lepo ja velim da je dobro kaj neko vreme ni zelenog listja po drevima.. barem moreš zdalka videt kak hiže zglediju.. pa naredit kakšneg kipeca.. Uuuu.. ti vrapca.. kolko ja imam teh kipecof.. tu sam barem sto put šklocal.. pa onda vsako leto spet šklocam..pa bum morti prošel tuda za mesec dni.. i pak bum šklocal.. Vse skup je tega tolko da bi mogel z lopatom tovarit v vagone .. Hmmm.. nek se najde,, nikaj ne košta.. pospremiš v kompjutora i to stoji.. No.. gda mi slučajno zatreba nekaj.. hmmm.. onda neznam gde bi iskal.. pa mi je zgodnejše sim dojti i noveg kipeca naredit neg prekapat domof po oni kištri ...


Eee.. da mi je takšnu palaču imeti.. kaj bi ja tu kupleraj naredil... ti vrapca.. bi se o tomu pripovedalo vse do Zanzibara .. Praf za praf.. i ovo kaj je denes tu nutra ni neg obični kupleraj.. A kaj drugo kazat za upravu Horvackih železnic.. Pogleč.. tu v tem dvorcu sediju sami direktori naše železnice.. a cela železnica je kak cigajnska čerga.. ofucana.. propala.. brez penez.. brez vagona.. a lokomokotive su tak stare da se jedva vlečeju.. Narafski.. peneze su pokrali več davno.. ima još samo za direktore.. a radniki nosiju zube na klinu .. I zdaj se pripoveda da to kaj je ostalo treba nekomu hitro prodat.. Hmmm.. ziher buju to KInezi kupili.. jedin još oni tu pri nami peneze trošiju.. Fučkaš železnicu.. gdo se još pela v tomu.. Kupeja več odavno ni.. sjedi se kak v trajvanu.. pa nit moreš spati nit kakšnu žensku šlatat.... Negda je to bilo sasvim drugač.. Onak z heca si kupil kartu do Splita.. celu noč se je cug vlekel od Zagreba do tam.. a ja sam z pucicom bil v .. s reklo.. kušetu.. i hmmm.. baš je bilo dobro.. onak.. veliju ..avanturistički.. Onda bi vjutro v Splitu spil kavicu.. nabacil v štacunu kakšni sendvič..pa nazaj ztim istim cugom za Zagreb.. celi bogi dan se tandrkalo.. taktak..taktak..taktak ...


I dok ja pripovedam z svojim pajdašom taksistom..mam tu vizavi hotela.. tam spred Esplanade oni portir v fraku puše v svoju piščaljku.. to je znak da taksi treba hitro dojti na ulaz hotela.. A baš je moj pajdaš prvi na redu..Al si imamo tolko toga za kazat..a oni tam puše i puše.. i na koncu zakriči ovem mojem tak glasno da ga je valjda i sam kralj Tomislaf čul.. .. Kaj si gluh mater ti posranu... Veli of moj pajdaš.. jednog dana bum tom klaunu nos potrl .. fort mi mamicu spominje.. A taksisti ti ove slugane v livrejama nazivaju ..klaunovima.. I tak se hitro pozdravimo.. leti on z svojim Mercemedesom prek dve pune štrafte na cesti..mam spred trajvana... ziher mu se i trajvanac mamice prisetil..ha ...


Pogleč.. ova cela ogromna palača se od gda ja pamtim.. a tomu je več dalko.. vrti nekaj okol ljudskega zdravlja.. navek su tu bile i zdaj su nekakšne ambulante.. ordinacije po vsim pitanjima.. pa kancelarije od Ministarstva zdravlenja.. A dol v podrumu su ti velki i mali bazeni z tolpom vodom.. za.. se reče.. terapije.. pa ti oni kaj imaju tegobe z reumama..artritisima i sličnim bedarijama.. tu namčeju i razgibavaju.. Pa največ su to kakšni stari fosili kak sam i ja.. no.. ja se još ne namačem v topli vodi ..
No.. v davnim letima gda sam ja još bil fakinček.. znaš onak.. nit si klinac.. nit pravi človek.. tu je glavni ravnatelj tega bil moj sused z hiže na Zrinjefcu.. Poznati Zagrebački doktor.. On i moj japa su bili velki pajdaši.. a pogotovo gda su bile v pitanju ženske.. Se pripovedalo da taj doktor rad ponuca i onu od dvajset i onu od sedamdeset.. valjda mu je moj tatek rekel onu poznatu.. Vse pod nož ...ha ..
No.. je doktor imel i ljepu kčerkicu.. plavooku krasoticu z dugačkim lasima do riti .. je da je bila malo preveć žgoljava..al kaj.. nama fakinčekima kak.. angelek .. I taj je nejzin tatek vse nas klince i fakinčeke z hiže znal pozvati v tu palaču zdravlja navek v koji pondelek.. da se dojdemo lepo kupati v toplu vodu.. V pondelek se tu menjala voda i taj dan nisu dolazili pacjenti.. pa je ta mala plavooka sebi v hiži zabrala gdo bu znjom išel na kupanje.. A navek smo bili bar tojica zabrani.. Doduše i z hiže do moje bi znal koji put z nama iti oni moj pajdaš Pacof .. Jezušek..kaj smo delali dol v podrumu v tim bazenčekima.. je špricala voda do plafona i tekla po podu.. I onda na koncu bi ta mala predložila da se igramo.. doktora .. Narafski.. mam nas trojica pristanemo bit pacjenti.. A Plavooka bi mrtva ledena naredila.. Izvadite pimpeke da vam ih pregledam.....

Pemo dalše ........

















17:04 | zafrkancija (7) | Print | ^ |

srijeda, 03.02.2016.

Ti vrapca ......


Kuku ... gledim vas ...............


12:48 | zafrkancija (14) | Print | ^ |

utorak, 02.02.2016.

Špancirancije.. špelancije i ostale bedarije ...


Nemreš verovat.. v sred našel lepog Zagreba vulica nekakšneg..Koste .. Jebal ga vrag.. kakšna to mater more tak nazvati svojeg pajnkrta.. hmmm.. more ak je fačuk ... .. Kosta.. kak kost z samoglasnikom umjesto hrustafca... No.. kak je da je tu stanuje jen moj poznati.. Vabec ga dal.. lepo ja stojim tu na haustoru.. ima zvoncih celo čudo.. al nejgoveg imena ni.. Pa kaj da zdaj ztisnem.. Ništ.. moram ga zvati na mobitela.. Halooo..Frnja.. pa kaj da ztisnem... aha tretog z leve strane.. i da guram vrata... evooo.. guraaam... Narafski..lifta nema.. bogčija od hiže .. Ljepo ga pitam zakaj nema ime na zvoncu.. Eeee.. veli on.. pa pol stanarof nema... tak da ga nigdo nemre najti osim onih kaj imaju broja mobitela.. Spameten je taj moj pajdaš.. a morti je dužan alimentaciju negde.. taj se još navek klatari za ženskami.. Moram i ja pri meni domof ime z zvonca maknut.. Pa nek se čudiju gdo nezna ......


Nekak se od jutra vreme punta.. bu sunčeko..al nebu.. A vani kak da je proletje.. Celzijusi su se zdigli bahato gor.. nezna človek kaj bi oblekel.. toplo je.. zimska obleka je skroz preveć.. Gledim po vulici.. ljudi nosiju vrukama ajncuge.. jakne.. a tu i tam kakšni hrabri mulac samo v rubači hodi .. Skroz na skroz se vreme obrnulo.. Denes vjutro na bregu pozadi moje hiže ptičeki popevaju kak da se ženidba sprema.. a celi je breg pun oneh žutih Jaglacof .. A moja smokva je začela terat pupe po granama.. to ni dobro.. bu zima nazaj vteknula gebis i bu još grizla.. Suseda Cajgerica kriči z svojeg dvorišta.. No.. kaj je.. kričim ja njoj.. da ni cajger opal pod stol ... Maa..neee.. veli.. našla sam jenu visibabu.. Ti vrapca.. kaj bi tek bilo da je našla palmu ....


I tak sam ja pri Frnji bil cele dve vure.. se razme.. človek navek ima domače travarice za ponudit.. zapraf.. ništ ne nudi..samo natoči i se podrazumjeva da pristojnost nalaže da se mora spiti .. I tak nekolko put.. Jee..a kaj.. težko žabu v vodu dobit..ha ... veliju da je travarica ljek a ne pijača kaj bi škodela.. I da taj ljek nebi slučajno začel preveć djelovat.. ja sam se pozdravil i prešel.. Uuuu.. baš mi paše na luftu ..


Onak.. bi se reklo.. brez plana puta.. pa kam dojdem.. ni važno.. cajta imam.. pa si gruntam.. moj pajdaš Frnja i ja smo skup bili v ratu.. ovem Domovinskom.. I gda bi bili v rupi napred na fronti.. Frnja se fort dizal z rupe i vikal četnikima ..da im jebe kevu .. A oni z druge strane su mu odgovarali da nek pokaže z čim.. Jebal ga vrag.. Frnja se je još v ono vreme lječil z travaricom pa je to fest djelovalo na nejga.. Lepo se zdigel celi i pokazal im svojeg bana.. Evooo.. kevu vam jebeeeem.. Se razme.. pucali su oni kak stekli..al ga podit nisu mogli.. pa sam ja zaklučil da je to zbog travarice ...ha .. No.. Frnja je na koncu rata ipak dobil šrapnela..al v nogu.. em se zna.. z tim je zaradil penziju... Al ga pajdaši zafrkavaju da je on jedini koji je zaslužil penziju kaj je nekomu mamicu jebal ....


Malo se tu naokol vrtim.. vse ja kak navek.. cucki sereju po travici.. a gazde i gazdarice stojiju i pripovedaju .. glasno se diviju vsakom dreku kaj cucku z riti izleti.. A evo i negdarnje ministrice.. ona tu prek puta stanuje.. i ona vodi svojeg peseka.. to ti je oni mali.. dela na tri AAA baterije.. ha .. i moreš ga glat v žep metnut .. I kaj.. ljudi okol bivše ministrice..a vsi cuski okol nejzinog pesa... Narafski.. nikome ne opadne na pamet da bi dreke pospremil ....


Znaš.. tu je dost mirni taj firtl.. istini za volju. automobili šajbaju kak da bi Sava tekla..al ni ljudi po vulicama.. tu i tam poneko.. Prazni trotoari.. jeee.. avti se ne računaju kaj su zparkirani tam gde bi ljudi trebali hoditi ..Čist je lepo hoditi a da te nigdo ne trkne kak tam po Ilici.. Al tu mi faliju izlogi.. a zdaj sam i zgruntal da nijedne ženske nis susrel več v čak tri vulice.. To ni vredu.. ja imam malo zabremzani vrat..pa mi je doktorica rekla da nek vrtim z tikvom ..sim..tam.. kolko god more.. A kaj je bolše za tak nekaj neg tikvu vrteti za ženskami ...ha ....


Pogleč.. te stare gradcke hiže.. palače.. tak žalostno zglediju.. A znaš zakaj.. pa stoga kaj dreva nisu zelena pa se dobro vidiju .. Zdaj se tekar more dobro primetit kak su ofucane fasade.. No..kaj.. Zagreb je fest stari grad.. pa ni nikakšno čudo kaj su i fasade stare.. Istina.. obnavlaju se.. tu i tam koja državna al gradcka.. pa od kakšneg bogataša.. a ostale su.. se to ljepo veli.. kulturna baština .. Pa čemu onda dirat i nekaj menjati ha .. A ja ti zdaj po zimu španciram i vse na kipec mečem.. nigdar nemreš znat gda bu zatrebalo..
Pred kakšnih par let je bila nagradna špelancija v cajtungama.. Trebalo je pogodit kojoj hiži v Gradu pripada jen falaček slike.. Ti vrapca.. su mene šteli vloviti na levi nogi..ha .. Vse sam pogodil.. i dobil nagradu.. dve ulaznice za Horvatcko Kazalište.. I pital me moj sused Cajger da kak sam ja to znal.. Eee.. pitam ja nejga.. Gda si ti Cajger zdigel tikvu kad si po Gradu hodil i pogledel hiže od podruma pa do raufunga.. Hmmm.. veli on.. Nikad..


Ti vrapca.. celo dopoldan je prešlo.. ona travarica od Frnje mi se več do jajcih zpustila.. treba nekam prejti scat.. hmm.. ima dreva.. al nis ja cucak .. a nit ni kmica.. Bi se reklo.. treba najti brtiju.. spiti Nesicu od vanilije.. to sam denes izpustil z vida .. onda zbaviti vse druge potrebe.. i polahko spram domeka.. Mi se pričinjava da več osjetim šnjof bažula z kiselim zeljem.. narafski.. i komad kuhanog špeka velki kak potplat od cipele ... Vse mi je začelo krulit v praznem drek magazinu ......

Serbus ...................
















17:20 | zafrkancija (9) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.