srijeda, 30.12.2015.

... i sretni i veseli bili ..............



...a vse kaj vam srčeko poželi.. nek vam se spuni v Novem letu 2016...............


16:42 | zafrkancija (14) | Print | ^ |

utorak, 29.12.2015.

Je.. pa kaj .......


Nakon kaj je nam Horvatima par dni tak lepo sunčece sijalo.. pak je vse postalo sivo.. tmurno.. Znad Zagreba se denes vlečeju težki oblaki.. al kak vse zgledi nikaj nebu z njih opalo.. Neda im sjevernjak kaj od ščera puše gor z Medvednice.. Vjutro je pri meni na Kustošiji bil debeli mraz.. vse je bilo bjelo.........


Kriči moja od raneg jutra.. Kam denes peš..ha .. buš na poštu prešel račune platit.. moraš i v banku peneze zdignut.. buš v gradu kupil još par čestitki i poštanske markice.. Vrabec ga dal.. spuntam se ja.. a gda bum onda španciral naokol.. Nema se tu kaj reč.. treba naredit kaj ti se naredi i šlus.. Aaa..tak ti je to navek.. gdo bu neg ja.. Spred Božiča me je moja na pasja kola napala da kakšne sam to kričave Božične čestitke kupil.. A kaj bi štela.. za pet kuna dobit Generaliča..ha .. Prafzapraf.. nema nigde poštenih čestitki.. vse nekaj brez veze.. nit neznaš kaj predstavla.. Prešel sam ja štajgati v Turistički savez.. gor na Kaptol.. Pitam ja njih da gdje su one ljepe razglednice našeg Zagreba.. pa gdi su čestitke.. Veli meni baba kaj tam dela da se to više ne splati štampati jer se slabo prodaje.. Vsi šaljeju one elektronske čestitke..pa majlove.. poruke z mobitela i tak.. Je.. ima praf ženska.. tak je to.. Ipak sam našel nekaj na Pošti v Jurišičevi.... ti vrapca.. nikak to v žep zgurat ....


Na Pošti sam čekal v redu dvajst minut.. ima pet šalterof a samo jen dela.. pa gde su ti zaposleniki.. Poštanska uprava fort jamra kak imaju par stotin zviška zaposlenih.. ti vrapca..pa gde su.. Hitiš pismo v oni žuti poštanski sanduk na vulici.. tri dana stoji vnjem dok ga poštar odpela.. Onda još tri dni stoji na pošti dok ga briftreger ne donese na adresu.. narafski..ak mu se baš taj dan hoče.. Vse skup sam zračunal da v našem Zagrebu obična ajnzec karta putuje z Črnomerca na Maksimir punih sedam dni.. Nemreš verovat.. Dojde človeku kaj bi sam odnesel nekomu i bacil v oni sandučič.. No.. bi onda taj negdo rekel da sam škrt za marku kupit ... ha .. Onda dojdem v banku.. narafski.. ljudi čekaju kak da se djeliju Unrini paketi.. Jeee.. tu moraš broja zeti z nekakšnog aparata.. pa dok dojdeš na red fraj si prejti v brtiju na dve runde.. i još buš čekal dok se tvoj broj pojavi .. Maaa.. lepo ja velim da je na ovem svetu preveč ljudi ..


Evo.. poslednji falaček plaveg neba znad Malog Placa.. za koji časek bu i tu vse sivo.. A na Malom Placu kak da ga je kolera poharala.. samo jen štand dela i tri kumice polak .. Bi rekel da su se ljudi fajn strošili pred Badnjak.. al bu več zutra gužvancija.. Ziher Zagrepčanci imaju još nekaj penez v čarapi.. Buš videl.. zutra do podneva buju vse mesnice prazne.. a ljudi buju vlekli žderilo i pijaču kak da je smak sveta nastal.. I kaj.. došlo bu Novo leto.. nigdo ga videl nebu.. a ljudi buju noreli kak da se kralefstvo nebesko otprlo..... Je.. pa kaj ...........................

Serbus ....


17:44 | zafrkancija (9) | Print | ^ |

nedjelja, 27.12.2015.

... zagrebački štikleci ..........

HORVATCKA RASTE ...


malo poduzetništvo ...


srednje poduzetništvo ...


veliko poduzetništvo ...



..jebal ga vrag.. kak bi ja to srajne odpelal... pem po kamijon ....


17:52 | zafrkancija (24) | Print | ^ |

subota, 26.12.2015.

..... Stefany ...................


Kaj hočeš lepše neg gda ti na Štefanje vjutro sunčeko obasja Grad.. Viš.. ima nas Zagrepčance dragi Bogeg fest rad gda nam takšno blagostajne priušti.. Još jenu vuru pa bu ta lampa i zagrijala tekar tolko da se človeku lepo čini po vani špancirat... Istini za volju.. malo se koga na vulicama more najt v to doba.. Ljudi se domof još držiju za trbuhe kaj su se ščera nametali z pečenkama..kolačima.. a i ziher su to vse debelo zalevali.. Narafski.. ja krečem od sebe.. ti vrapca.. pol noči sam stenjal od muke v drekmagazinu.. a drugu polovicu sam bežal scat... Jee.. gda človek ni karakter kaj se dotikavle umjerenosti.. a ja nis baš ni malo po tem pitanju zašlifan.. Vjutro sam težkom mukom hlače zakopčal.. još sam se teže sagnul žnirance zvezat.. a zdaj se vlečem po vulicama.. su mi rekli da je najbolše prejti štrapacirat i potrošit.. se reče.. kalorije...... Hmmm.. a znaš ti kolko je tega za pojesti od ščera ostalo.. Hmmm.. mi se priviđa da nit denes nebu ništ od teg mojeg karaktera.....


Evo.. Isusek se narodil.. ljudi su mu se klanjali.. u to ime se dobro razonodili.. a Betlehem je ostal prazni kak da ga je kuga poharala.. Tak ti je to navek..traje jen al dva dni.. i kaj se desilo.. Ništ .. No.. ipak je tu velke hasne od teg porođenja.. veliju spametni da je narod v to ime puste miljarde potrošil.. Pa je za verovat.. ta silna pijača..žderača.. pa pokloni vsih fela.. to ogromne peneze košta.. Isusek se narodil na slamici v štalici.. malo si je mljekeca potegnul z ciceka.. al ziher se raduje kaj ga narod slavi uz pečene purice..odojke.. pohane piceke.. masne mlince.. orehnjače i makovnjače..a vse dobro potkrepljeno z kakšnom kaplicom... Kaj se kaplice dotikavle.. evo.. ja več moram poiskati kakšnu brtiju jer ona Ožujska kaj sam ju sinoč zleval v sebe.. silom hoče van.. Pa se človek pita kašni je tu profit naredil.. vse kaj si pojel i spil.. zdaj pe van..... .........


Nemreš verovat.. na koncu Prosinca na mojem Zrinjefcu još je lepa šarena jesen ... Ni još bilo praveg hudog mraza kaj bi pozobal i zajdnje listje z dreva.. Ak još nebu nit oneg belog prhlifca.. onda bu ovaj dočekalo i proletje.. Paaa.. nekaj se pretiju oni prognostičari da bu zima ipak se malo naluknula al tam negde več pri koncu.. Ha.. pa nebu ništ čudnovato ak bu i v Svibnju opal snjeg.. Več se je to znalo događat.. Se spominam jenog Prosinca.. tam negde z početka šezdesetih.. po Gradu sam se nateraval z rolšuhama v kratkim rukavima.. ženske su hodile v bluzicama.. sunce je grijalo .. Al je stoga v Svibnju sledeče godine opal snjeg da je polomil vse več propupale i prolistale grane po drevima.... Znači.. nikaj kaj več ni viđeno...........


Velim ti.. milina je malo teg friškog zagrebačkog lufta osetit.. baš mi paše.. Nekak je tak tiho v Gradu.. nema one velke gužvancije z avtomobilima.. pa i trajvani rjetko voziju.. samo sam tri človeka susrel od Trgača pa do Tomislafca.. a sva tri z svojim cuckima.. Narafski.. ova trojica pripovedaju i raufaju.. a cucki imaju .. se reče.. kolektivno.. sranje nasred travnika.. Aaa.. valjda su i cucki nekaj od teg Božiča bolše v gubec dobili..hmmm.. pa baš i ne zgledi tak.. of jen siromaček je oči izbečil kak lampaše.. nejde pa nejde.. Eee.. gruntam si ja.. ti si pes same kosti sinoč dobil...ha ...


A Ledeni Park se dobro drži.. nemre mu sunce ništ naškodit.. Makar se to meni baš ne dopada preveč.. Je da treba Zagrepčancima ponudit nekakšnu veselicu.. pa največ mladima.. Al.. ti vrapca.. na jenom od najlepših parkova v Gradu naredit klizališče.. to se nikak ne spada.. Kak da nema i drugde po Gradu mjesta.. neg se baš moraju tak lepi travniki spohabat.. A rekel bum ti da je vse to lepo Božično i Novogodišnje po centru Grada preveč ztisnuto.. natiskano.. pa nit ljudi nemreju praf prolazit.. Nafčer su takšne gužvancije baš tu na klizališču.. da več prijepodneva treba kupit ulaznicu za nafčer.. Narafski.. nema ništ zabadaf..... Hmmm.. i meni koji put dojde da bi se malo išel šličuhat.. još ja nis za hitit po tem pitanju.. al nemam više svojih šličuha.. razpale su se još pred deset let.. ha.. pa imel sam ih od mladih dana.... .......


A denes je velki dan.. po svecu Stjepanu Prvomučeniku.. no se po domači veli.. Štefanje.. . Maa.. se fučka meni za vse Štefeke..al denes se bu kakšna Štefica ipak našla... Znaš.. ima jena.. je išla zmenom v srednju školu.. Štefanija je bilo pravo ime.. no je ona silom štela bit ..Stefany.. Čuj.. prava Zagorska domača cura.. lepa.. z črlenim obrazima.. prčastom riticom.. ciceki onak.. za jen zalogaj... lepe nogice. navek v minici.. kaj da pripovedam.. vsi smo se mužki grebli okol nje..Pa su joj dečki tepali.. Stefany sim.. Stefany tam..Ak bi ju gdo nazval Štefanija.. ni se opče obazirala.. I nekak sam ja nabasal na svoj red pri njoj.. na nekakšnem žuru pri našem pajdašu.. Ztiskali smo se brusili jezike.. šlatali da je špricalo na vse strane.. No.. i gda se našlo malo slobodnog mjesta v drugi sobi.. evo nas dva na bračnom krevetu od pajdaševe mamice..nismo čak ni svilenu koper deku maknuli.. Kaj da velim.. vse onak kak se spada.. lepo meni lepo njoj.. delamo mi.. i .. jebal ga vrag.. Meni se z gupca onak umiljato vtrgne rječ.. Čuj ..Štefa.. tak si dobra da se do jutra nebum maknul z tebe... Ha... to do jutra opče ni bilo v pitanju..al ono..Štefa.. kak da ju je grom zgodil v tikvu.. Zvlekla se je z kreveta.. tresnula me z vajnkušom po tikvi.. navlekla minicu..gače ni uspjela najti v kmici.. i kak ljuta guja prosiktala.. Jebi ti nekakvu drugu Štefu a ne mene.. ja sam Stefany......A ja sam ostal ležat.. meni je bilo kak da me kojn vritnul v jajca.. A ova se pokupila i dešperantno prešla domof... Pitaju me pajdaši.. a kaj je bilo.. Ništ velim ja.. jebeš Štefu ....
Z tom Štefanijom se ja često najdem.. kak dobri prijateli smo.. ona je zdaj dobro zgledeča baba... Al nedaj Bog da joj negdo veli Štefa.. I dalše je.. Stefany ....

Serbus .................


13:01 | zafrkancija (13) | Print | ^ |

srijeda, 23.12.2015.

Srećen Božič ...............



Prekrasne moje Zagrepčanke.. .. vrli Zagrepčanci..
i vsi ljudi dobre vole...
Srečen i blagoslovlen Božič .. Vam želim ..............

Mekon z Zagreba Grada ...........


17:56 | zafrkancija (16) | Print | ^ |

utorak, 22.12.2015.

... i tak je dan sprešel hitro ...............


Dan je sprešel kak da bi rekel..kruhpekmez.. a tolko je toga ostalo kaj ni posvršeno.. Znaš kak se veli.. kaj v godini narediš do Božiča to je to.. vse posle pa do starog leta je vreme.. baštebriga.... I zdaj treba noreti kak da ni bilo dost cajta da se stvari posložiju.. Božič je spred vrat.. a tolko tega još človek mora zgotovit.. Poglavito se tu misli na još kakšnu kaplicu z pajdašima spiti.. spreroštati politiku..hmmm. makar to denes nikak ne štima.. vsakih pet minut je nekaj drugač.. No.. tikvu si človek razbija o tom kaj bi kome trebalo za Božič spod boreka metnut..ti vrapca.. a pri meni domof je cela jena soba puna puncata teh paketa..škarnicli.. škatula.. torba i vreča.. nemam ja opče pojma kaj je za koga.. al to moja najdraža samo šlihta na kupčeke.. ovo je za oveg.. ono je za oneg.. a ovu tu bu dobil of.. ono tam of drugi.. Vrabec ga dal.. ja pa samo gledim dal bu kaj za mene zkrsnulo negde.... No.. i tak sam ti ja vsaki dan po celi dan laufer i tregerman.. a da ti ne velim kak se je moj geltašn zmršavil.. več je tanki kak poštanska marka ...
Evo.. dan se bu polahko zgubil med gradckim svetlima.. kmicu buju razterali svetleči lampijoni.. ljudi se buju vlekli od štanda do štanda.. penezi posvud letiju.. a kramari trljaju ruke..


Nadalko se moreju našnjofat one slastice kaj im veliju da su.. fritule.. pa ni to nit loše.. posipa ti gor malo štaub cukora.. tek tolko da si zasereš ajncug..ha .. a denes su još dobre.. morti buju i zutra.. al več prekzutra nebuju mirišale te poštaubane fritule neg bu smrdelo zažgano ulje v kojem se kuhaju.. A tak ti je to.. pa gdo bi v toj gužvanciji stigel ulje spromeniti ......


Mic po mic.. i kmica se zpušta hitro makar je denes bil lepi sunčani dan.. čak je bilo i toplo kak v Svibnju mesecu.. Velim ti ja.. ona anticiklona s visokim atlanskim strujanjima znad evropskog kontinenta... maaaa. fučkaš to.. štel sam kazat da je vreme da bolše nemre bit.. Čujem nekakšne kak cendraju kaj ni oneg belog prhlifca.. snjega.. Veli moja suseda Roža da kakšni je to Božič ak nebu vse bjelo.. Ti vrapca.. velim ja njoj.. da gda je ona v Zagrebu vidla belog Božiča.. Oni prhlivec gda i opadne.. beli je samo dok prha čez luft.. ČIm opadne dol mam je sivi..pa za kratko črni i slani.. I kakšni ti je to beli Božič.. na koncu konca.. tam v Rijodežanejru Božič slaviju samo v gačama.. a ženske lamačeju naokol z golim cicekima.. Eeee.. da je tak v našem Zagrebu.. to bi bilo nekaj za videt.. Pa se zna da su naše Zagrepčanke nalepše na celomu svetu... aaah ...


I vse je dobro tam negdi do devete vure zvečera.. nekak ove lepe kante za smetje trpiju navalu..a onda imaš na vse strane vsega i svačega.. papirnatih salveta.. škarnicle.. plastične čaše.. kruha.. čikova.. pa se najde i kakšna klobasa na asfaltu.. Istina da smetlari bežiju naokol i v kolica trpaju smetje.. al oveh dni je takšna gužvancija na vulicama da ni moguče z metlom mahati naokol.. A ljudi kak ljudi.. bi ja rekel da to nisu Zagrepčanci.. bacaju smetje kam stigneju.. Baš gledim neke mlade.. stojiju i klopaju klobase a v drugi ruki držiju plastičnu čašu..valjda kuhano vinčeko.. lepo se polahko španciraju.. žvačeju.. i zdaj je klobasa fertik al je vruki ostala papirnata salveta.. Lepo si curička obriše gubčeka i samo z ruke zpusti papir na asfalt.. Onda spije vinčeko.. ha.. plastična čaša samo sklizne pokraj noge dol.. A za pet minut i cela pajdašija ti isto naredi... A kaj.. moraju se ljudi snajti nekak..pa nebu valjda klipan tri koraka neredil do kante za smetje ... pihhh ...


I tak ti ja hitro pobegnem z one velke gužvancije sim gdi je kakti mirno.. Čuj.. sasvim drugač je.. čak čuješ i trajvan kak brenči.. A tam pozadi mene su ostali Trgač i Zrinjevac.. gdi vsaku večer sviraju glazbeniki i muzikanti.. tam se ljudi natiskaju kak v cirkvi na misi za Poglavnika.. galamiju.. smiju se.. da opče ni čuti kaj oni siromaček gor na paviljonu popeva.. Evo.. i lampaši mi lepo svetliju.. no još samo par metri do blizu Malog Placa.. a dalše je črna kmica.. kak da tam nigdar nebu Božič stigel..... A ja polahko.. polahko čez moj Zagreb ...

Serbus ..............


17:49 | zafrkancija (10) | Print | ^ |

ponedjeljak, 21.12.2015.

... hoče... neče... hoče......


V neko doba prijepodneva je na nebu začela velka borba.. magla al sunce.. hoče.. neče.............


I bogmeš se je sunčeko začelo fest probijat gor na fronti..... hoče..neče....


Uuuuh.. nakon velke bitke vse je zgledelo da bu sunčeko nadjačalo.. Gdo se spomina gda je zadnjič videl plaveg neba znad Zagreba ..... hoče..neče.....


I dok sam ja z pajdašimi bil v brtiji.. pak se nekakšna bitka zbila tam gor.. megla je spet doplahutala.. No.. mam sam ja znal gdo je krif.. of tu petokolonaš ....

Serbus ....................


17:27 | zafrkancija (5) | Print | ^ |

nedjelja, 20.12.2015.

ti vrapca...kaj bežiju cajti ......


Maaa..si videl... Božič v Ciboni ...zbilam svakaj.. Čuj..razmem ja da ljudi hočeju velke peneze zaslužit.. al nigdar meni ne paše da na nekakšni ozbilni koncert pem v športcku dvoranu.. kaj ti ja znam.. nit se nemaš gde sesti kak človek.. nit imaš kam noge spružit..mam su človeku spred tebe v kičmi.. a nit se dobro ne čuje.. Zapraf.. čuje se i preveč dobro..al galama.. treseju se oni zvučniki.. al nema finoče.. razmeš.. Al glazba za mlade.. to more kak hočeš.. onda nigdo ne traži kvalitetu.. samo da se tikva razpukne od buke.. to se traži.. Ipak ja preferiram na Lisinski.. pa Glazbeni.. pa Dverce..


No.. svakak bi se složil i na vsakem mestu rad posluhnul i gledel tu Francusku noč.. a da ti ne velim kaj je to Kan Kan..Ti vrapca kaj te ženske moreju noge vis zdigat..Prvi put sam taj KanKan gledel i slušal v našem Zagrebačkom Varjeteju.. još gda ja tam vedril i oblačil Braco Rajs.. BIl sam več prilični fakin koji je dobro znal da su ženske vrlo važna stvar v živlenju.. I tak smo nas par pajdašof nabavili ulaznice i praf na KanKan v Varjete.. Vrabec ga dal.. to ti je bila druga večernja prectava gda su samo odrasli mogli v Varjete.. Al smo se mi fakini naredili tak fest ozbiljni da je kartodrapac na ulazu zažmiril.. Jezušek.. kak smo zdihavali v prvom redu gda je začel taj KanKan.. Moj pajdaš Pacof si je celo vreme jajca narihtaval.. a Cobra je bil saf slinaf kak je zeval.. A ženske su se tak fest gibale da su im vse ciceki poskakali van z dekolteja.. Da si videl kaj su mužki delali v Varjeteju.. vsi su poskakali na stolcima i pljeskali.. tulili i fučkali.. opče se ni čula muzika od galame.. Nekakšni je narajcani bedak štel silom gor na pozornicu.. jedva su ga biljeteri zadržali.. A pajdaš Frka saf zašvican se je zdigel i kričal onim ženskama da nek skočiju dole da bu ih on vse nabil na ...hmmm... Gda se je malo situacija smirila.. moral je orkestar pak znova taj KanKan svirat..al su of put ženske plesale malo polakše.. Narafski.. još smo tri put išli gledeti tu prectavu .....


A ja sam od jutra bil fest zaposlen.. namesto da sam se zašel malo sprešetavat.. nabasal sam na Trgaču na pravu šumu borova.. Al ne kaj god.. samo oneh kaj rasteju z škafa.. Celi Trgač je zgledel kak Gorski Kotar.. To je Karitas imel..se reče.. akciju za prikuplanje penez.. Negde su nabavili vagon teh borova i za male peneze ih prodavali.. A med borovima vse neke lepe mlade pucice kaj tu poslužuju građane.. Maaa.. velim ja samom sebi.. pa imam ja kam takšneg boreka zasadit.. kaj si nebi jenog kupil.. Bezeciram ja lepu ..onak malo bucmastu pucicu.. i skup znjom biram boreka.. Jeee.. velim ja.. ni problem izabrat i platit..al kak bum ja z Trgača to domof odnesel.. imaš to kaj za prtit na grbači.. Nema frke.. veli mali buncek.. mi vam bumo domof to dopelali.. Aha.. baš krasno.. i mam sam si još jenoga odabral.. Kak sam si i gruntal.. boreke su mi z kombijem dopelali dvojica brkatih.. od oneg bunceka ništ.. no.. ipak je to bilo lepo.. mam ih pem zutra v zemlju fteknut pa nek rasteju ...


Loši su ovo dani.. za moj žep i moj buđet.. samo plazim naokol po štacunima i kupujem poklone za spodi bora det na Božič.. kak i navek.. pri meni se najde cela familja.. narafski na obedu.. a prvo gda dojdeju zaviriju spod bora gledeti kaj ih čeka.. I tak.. za vsakog ponekaj.. od štacuna do štacuna.. moja najdraža mi je naškrabala celu plahtu teh stvari.. Obadve su mi ruke pune.. a avto sam pustil pri zapadnom Kolodvoru.. I zdaj se vlečem kak natovareni osel.. Vrabec ga dal.. nemrem takšni nit v brtiju zajti... Eeeeeh .....

Serbus ............


19:18 | zafrkancija (13) | Print | ^ |

četvrtak, 17.12.2015.

još jen sivi dan ......


Oveh dni kak da je negdo na moj Zagreb zlijal kiblu sive farbe... nebo sivo.. luft sivi.. vulice sive.. ljudi sivi.. i ja imam sive štrumfe.. ti vrapca... No.. je denes dobro sprešlo kaj ni bilo magle.. Ak je za verovat.. v petak bu negdo onu lampu zažgal.. hmmm.. to bumo još vidli.. bi ga vrag znal..
A viš.. negda v davnim cajtima.. tu na vuglu je bil štacun z biciklinima.. mi se pričinjava da je imel naziva.. Pretis .. nekakšno Bosansko poduzeče.. I dok su po drugim štacunima več prodavali taljanske špecijalke..of tu je imel prave bicikline.. Ruske i Češke...narafski i one Bosanske..
A kak je došlo doba da si ja moram zbavit noveg biciklina.. stal sam ja svojeg japu navelko fehtat da mi z Trsta prinese onu poznatu špecijalku ..Continental... Al je moj tatek navek v Italiju putoval z cugom i ni štel nit čut kaj bi nazaj vlekel biciklina.. A z autom se ni štel pelati.. bil je prevelki komotnjak da bi se zamaral z šofiranjem.. Lepo si je bezeciral spavači kupej.. i opče ni bilo za sumnjat da je i kakšnu šocu vlekel z sebom.. A i tak bi joj v Trstu kupil najlonke..a meni bi donesel kakšnu longplejku.. mamici šminku.. baki papuče ....
No.. lepo je mene tatek pital da kaj košta ta špecijalka v našim štacunima.. A bilo ih je pri onem Metalijakomercu v Stari Vlaški.. Narafski.. skupo kak da je mamlaz avijon a ne biciklin.. I tak.. dobim ja te peneze na ruku i pem v kupovinu.. Mam si gruntam kak bi ja zajebal starog..pa kupil biciklina i da mi još penez ostane v žepu.. I jesam...ha ... Tu na vuglu sam zašel v taj Pretisof štacun i zabiral sebi biciklina.. Ruskog al Češkog.. velka dilema.. pa me trgovac napuntal da si rajši zemem Ruskog jer je kakti fest jaki.. glomazni.. železni.. i da bu sto let trajal..
Vrabec ga dal.. kupim ja Rusa.. eee.. pol manjše košta od taljanskeg Continentala... Imel je gume kak motorkotač.. duplu štangu i velki paketreger.. a čak je i imel lampu i dinamo na prvem kotaču.. Je da ni nit zbliza zgledel kak ona taljanska špecijalka..al kaj.. polovica penez je ostala v mojem žepu..a tetek nebu ionak nikaj pital okol tega..
Jebal ga vrag.. je da taj Rus bil kak T34.. ruski tenk.. al je bil i tak težki.. Lepo ga je bilo ganjat.. imel je torpedo žlajfu.. i nekakšnu prednju kaj je več prvi dan prešla vrit.. no paket treger i dupla štanga su dobro poslužili za curice pelat.. Eeee.. kaj je to bilo veselo.. Narafski.. samo po ravnom jer po bregima nisi mogel teg biciklina nit cipelcugom gurat a kamoli pedalirat.. Kaj da velim.. sto put sam požalil kaj si nis kupil onu taljansku špecijalku.. ta je bila lahka da si ju mogel z jenom rukom znad tikve zdignut..a oveg nis mogel nit po štengama v podrum pospremit.. A da ne velim kakšnu sam zajebanciju od pajdašof doživel.. Gda bi me vidli na tem biciklinu..mam su mu prikrpali špicname.. Petruška.. zapraf..vse je bilo dobro dok moj tatek ni skužil da sam ja v hižu donesel Rusa.. Ti vrapca.. na saf glas mi je jebal vse po spisku.. i zahtjeval ta tu rusku komunjaru izbacim z hiže jer da bum i ja letel van skup znjim...
No.. jen dan sam se z tim tenkom pelal čez one livade na Cmroku.. pa sam tam pri Šumskom Dvoru zapel za nekakšni panj.. zbušil gumu i vse žbice potrl na prednjem kotaču.. I kaj.. ostavil sam tam v šumi biciklina zvezanog z lancem za drevo.. pa gdo bi tu težku rugobu teglil v Grad.. moji su mi se pajdaši smijali kak da sam ostal brez ruskog carstva.. a moj japa ni htel ni čut kaj bi mi z autom pripelal to čudo do hiže..
Taj je Rus još celo jeno leto tam stajal zvezan.. saf je zahrđavil.. i onda je nekam nestal.. A ja sam ipak nakon nekaj vremena svog starog zažical za taljanskog Favorita...... Tak... sam se malo prisetil ..........


I tak dok se nakol španciram i spominam o cajtima kaj su prešli.. nit ne gledim kam hodim.. Evo.. moreš tu zavrnut na Sleme.. eee..to tak samo zgledi.. al se do Medvednice imaj kaj i z trajvanom pelati a kamoli štrapacirat.. a da ne velim da bi dušu zpustil gor do Slemena... maaa.. bi me vrag odnesel ...držim se ja asfalta ......


Evo.. baš pokraj Hotela Jadran se šmucam... To ti je jen od stareših hotela v Zagrebu..makar se ja sječam gda je građen.. To je bilo čudo za videt.. novi hotel vsred Grada.. I mam su ga krstili.. Jadran.. pa su se po cajtungama velke razprave pisale o tom imenu.. Su neki šteli da se zove Zagreb Hotel.. Drugi su predlagali da se zove Agram Hotel .. negdo je čak nekaj buncal o Hotelu Jugoslavija.. No.. je ostal Jadran.. Prafzapraf nikaj posebnog.. je da je imel ljepi aluminijski lift kaj je v ono doba bilo svecko čudo i da su na oblokima bile posebne šajbe da se ne čuje galama z vulice.. Več za kratko vreme je to bil najpoznatejši hotel na Balkanu i još dalše.. Najme.. taj su Hotel Jadran okupirale kurve..one malo bolše zgledeče.. I se znalo.. na vsakem katu je bila jena ..se reče.. kategorija kurvi.. V prizemlju jer bil bar..pa su za šankom sedele one najslabše dame za manjše peneze.. V foajeu odostrag su sedele v foteljama one malo bolše fufe z kiklama zdignutim do struka.. pa kak je gdo imel imutka v žepu tak si je i zabiral.. A kaj si višlje se z liftom odpelal to su bile skuplje sobe.. Narafski.. se plačalo po vuri.. Za kratko je celi Zagreb znal za to..su se Zagrepčanci snebivali a babe križale gda su tu prolazile... I makar je bilo velke galame okol teg pitanja.. Hotel Jadran je letima gostil kurve i kurviše.. Je bil nekolko put zaprt.. al navek za kratko.. je bila javna tajna da tu na provode dolaziju i panduri i politikanti.. Pred par let je Hotel Jadran obnovljen.. al v njemu ni više kurvi..............


Mic po mic i evo mene pri Gustavu Šenoi..taj se nikam otud ne mikavle.. kak da i on čeka da se spametni zagrebački analisti konačno dogovoriju koja je nejgova rodna hiža v Stari Vlaški.. Zdaj su dve obilježene kakti prave.. no.. jeno je ziher..da se dobri stari gradonačelnik Gustaf ni mogle rodit v dve hiže.... Al.. bi ga vrag znal.. pri nam je vse moguče...ha ....

Serbus ........................


18:04 | zafrkancija (13) | Print | ^ |

srijeda, 16.12.2015.

...a vse je po starom ................


Nema se kaj posebnog za kazat.. kak ščera tak i denes.. fort jednak... No..meni paše.. kaj bi štel lepšega v našem Zagrebu Gradu neg vulice brez one žlindre kaj neko nazivleju snjeg.. A to kaj je magla...ha.. pa v Londonu je fort.. i vsi su živi ostali ...


Kak vse zgledi.. ovim žutakima kaj imaju oči v šrek fest paše tak kak je.. tam v onem svojem Japanu bi zdaj imeli krpe prek nosa i zdihavali.. Tu pri nami se sam moreju čudit kak imamo lepi friški luft.. Hmmm.. da mi je znat kaj njih tera da plaziju naokol po svetu ...


Hmmm... evanđelje.. ha.. a gdo zna po kojem apostolu.. ha.. pa se i pitam zakaj se opče zoveju ..apostoli.. jel to stoga kaj su bili stolari..al postolari.. V svakem slučaju.. vsaki od teh kaj su škrabali ta evanđelja.. su prevaranti.. Ti vrapca.. pa vsaki je vlekel na svoju stran.. Aaaa.. to su ti ondašnji politikanti pa su tak farbali narod.. Kak i ovi današnji pri nami... vsi istu mačku navlačiju za rep ...


Viš.. još je tu zlatar Štef.. Prafzapraf.. Štefa ni.. je prešel v penziju.. zdaj tu dela negdo drugi.. Sam ja teg Štefa poznal još dok je bil šegrt v zlatarnici v Bogovičevi pri onem Židovu.. Rekel bum ti da to ovde baš i nejdu posli kak bi se spadalo.. Gde si čul v našem Zagrebu da Štefu.. Franceku.. Jožeku.. al kojem drugom domačem dobro ideju zlatarski posli.. Eee.. za to se moraš dotepsti v Zagreb z velkih bregov...


I tak.. vse mi je okol herca lepo gda vidim kakšnu domaču rječ v Zagrebu.. Vsega buš našel.. al najmajnše po Horvackom.. No.. naj si zgruntat zdaj kak je naš Zagreb pun domačih ljudi.. koji imaju rad svojeg grada... Brus.. i dotepenci z bregof su se zmislili i začeli ljudima podvaljivat.. su skužili da Zagrepčanci.. oni kaj su još ostali.. buju bar jemput došli videt kaj tu je .. Tak i of.. del je naziva..Zagabrija.. a nit nezna praf govorit po Horvacki..Maaa.. kaj bi se človek zbog tega štental.. ipak je to Metropola... jebal ga vrag ......

Serbus ........................


09:10 | zafrkancija (12) | Print | ^ |

četvrtak, 10.12.2015.

.... na brzaka prek Griča brega ........


Znaš kak to gre.. z Mesničke se spentraš na brdo Grič... pa samo sprelaufaš na drugu stran dole.. Od jutra je nekak zgledelo kak da se bu denes zpustil kakšni dež.. pa ni nit kaplica opala.. No.. se je barem ona dosadna magla razišla....


Od tam zdalkog ..z Plešivice prihajaju nekakšni težki oblaki.. bi ga vrag znal gde se buju zažmikali.. Morti samo preletiju prek Trgača.. pa nek se scediju tam v Maksimiru.. ak baš mora bit...


Kak bu da bu.. važno da se nebu zasijal oni beli prhlivec.. A i to kaj se vidi su pravi kišni oblaki.. Ak se znebuhne.. navek je kakšna brtija v blizini.. a i Cigani na Dolcu prodajeju ambrele po dvajset kuna.. Hmmm.. klobasa z senfom je sedamnajst kuna..al kaj.. klobasu nemreš držati znad tikve gda dež curi.. paaa.. valjda nebu denes dupli trošak...ha ....


V jenom momentu se je znad Trgača zmed oblaki naredila rupa.. i nebuš veroval.. sunčeko se naluknulo.. Čist se človek obraduje toj lampi.. mam su se ljudi okupili i vse dižeju tikve spram neba kak gušteri........ Narafski.. ambrela nebu trebala.. pa kaj si nebi jenu klobasu zgural čez požirak ...ha ...


Na.. več nakon pol vure vse po starom.. zkmičilo se.. lampa se zgasnula.. ja bežim dalše svojim poslom.. eeeh.. gda bu več jemput nekak drugač v živlenju... uuu.. kaj je ona klobasa v mojem trbuhu žedna..... Ni ju pošteno tak pustit da se pati .....

Serbus ................


10:30 | zafrkancija (17) | Print | ^ |

srijeda, 09.12.2015.

... i tak dan za danom...


Ništ čudnovato kaj su ljudi potuljeni.. mrzovoljni.. ..a nekakšni kak ja.. mogli bi začeti i gristi naokol kak cucki.. Sva sreča kaj još imam svoje zube..da mi slučajno drugač nebi gebis ostal v nečijoj nogi ...ha ... Maaa.. kaj da ti velim.. človek skroz pozabi kak zgledi plavo zagrebačko nebo.. a nekakšna fajhtnoča leti po luftu.. nit je dež nit prhlivec.. a hladnoča mi se zavlači za vrat.. v rukave.. v nogavice.. ti vrapca.. vse do jajca ju osjetim.. Ni to dobro.. velim ja.. taj pritisak odzgor ni dobar za ljude.. one meteoropate.. ti vrapca.. jezik mi se sfuflal dok sam to zgovoril .. Vsi se na nekaj žaliju.. Veli moja suseda Metuzalemka.. konačno sam otkril da ima tek devedesetdva leta.. se žali da ju kosti boliju.. pa ona nikak nemre dokučit zakaj... Je..je.. velim ja njoj.. v tim letima vas još nebi smelo nikaj boleti.. Sused debeli Špengler se denes tri put domof vrnul z fuša kaj je vsaki put nekaj pozabil zeti.. a moj dobri sused Cajger je popravil vuru..al je pozabil čija je .. A tekar ja.. eeee.. moja najdraža na mene kriči da zakaj nis z tavana veš pokupil.. se suši več sedam dni.. A ja se branim da ja pojma nemam da je na tavanu veš.. eee.. da su klobase i špek.. bila bi to druga stvar... A najebal sam denes vjutro od punice.. stara stoji na dvorišču i čeka mene da ja nju z avtom odpelam po nove očale.. ti vrapca.. a meni ni ništ o tom rekla.. ona čeka.. a ja nek si sam zgruntam zakaj ... Vrabec ga dal.. velim ti.. vse je nekak naopak...


Viš.. nigde živog človeka.. nit cucka.. čak su se i klošari zavlekli v svoje luknje.. Deseta vura je več prešla.. a ja se vlečem kak da na galge pem.. Čak si nit ne pregruntavam kak ja to drugač delam.. aaa kaj bum.. nikakšnu žensku ne sretnem.. pa nemam o čemu gruntati.. pa sam pozabil i Nesicu spiti.. a več sam i pozabil gda sam zajdni put spil Ožujsku.. Strašno je to.. velim ja.. bu smak sveta ... hmmm.. morti ipak navrnem tu dole v Draškovičevu kod PimPeka po kakšni zalogaj ....


Ipak nemrem a da tu malo ne zastanem... gledim tu strahotu prek puta... Nemreš verovat.. vsred Grada Zagreba.. tri koraka od Trgača.. pa z daskami zabito.. negda.. najpoznatejše mjesto v Gradu.. Eeee.. nigdar više nebu Papagajcof kaj su prek puta celu noč sedeli na onem ciglastom zidu i zlevali v sebe koktele i kaj ti ja znam kaj vse nisu.. nema više motoristof kaj su se tu okuplali.. nema naokol pobacanih čikof kaj ih je negdar bilo vse prek trajvanske štreke.. nema iza plota praznih flaša.. a bogmeš ni nit znucanih kurtona .. cela je vulica krepana kak da je v Hirošimi a ne v sred Zagreba .........


Ćuj.. bum veroval kaj veliju prognostičari ... da je denes kati zajdni takšni namrgođeni dan.. da bu več zutra sunce zasijalo.. da se buju oblaki i magla razišli.. i da bu pak svjet bil ljep kak se spada.. To znači da bu zutra i meni bolše.. da bu mi se apetit popravil.. da bum spet bil žedan.. da se buju lepe ženske špancirale a ja bum si vrat spolomil za njima.. I tak to ......

Serbus .....................


14:39 | zafrkancija (5) | Print | ^ |

utorak, 08.12.2015.

.... magla........


Vse nekaj gledim po Trgaču.. je da je tu vsega i svačega nametano.. bi ja rekel da je čak i prenatrpano.. al kaj.. to je vse po ukusu našeg gradonačelnika.. oneg dotepenca z bregof.. taj ionak misli za vse Purgere..pa kaj bi se onda Zagrepčanci zamarali.. I tak spazim nekaj zelenoga.. ti vrapca.. pa to su nekakšne nove moderne kante za smetje.. kak vse zgledi.. još to nigdo ni skužil..pa se ljudi čudiju.. Ha.. valjda je to poklon za Nikolinje.. i gdo more znat kaj bumo još dobili za Božič.. morti bu kakšni robot pometal po Trgaču.. No.. se ja nebum ništ puntal protif tega.. Je da je naš gradonačelnik zapraf totalno brez dobreg ukusa.. a gde bi ga i stekel.. al of put ni fulal.. lepo je na toj kištri naškrabal ono kaj je velka istina ....pa nek mu onda bu .....


Zajdnih dni se nekak po cele dane i noči ta magla kopita.. malo ju je.. malo ju ni.. Zaprem televizora znočka okol dvanajste vure.. pogledim čez oblok.. a vani magla da se ne vidi hiža prek puta moje.. a tam negde okol trete vure po polnočki me stisne scanje.. pa usput hitim oko na oblok.. a vani vse črno.. Kaj je zdaj.. mam ja nos na steklo ztisnem.. a vani.. vse vedro.. vidiju se zvezdice .. Vjutro pak vse znova.. magla.. Kak zgledi.. denes se sunčeko nebu uspelo skoprcat z te magle....Maa.. nemam rad tu fajhtnoču..vse se zavlači do gole kože.. Je.. imaš praf.. najbolše je prejti v brtiju...


Al prije neg se nekam zavlečem.. moram ja zbavit svojega štrapaca.. znaš to je dobro za cirkulaciju.. Hmmm.. makar bi si cirkulaciju mogel poboljšat i v brtiji pri kupici kuhanog vinčeka... To vruče spiješ i mam te šusne v tikvu.. Al za moja kolena je ipak bolše par korakof naredit... Dakle...kam.. sim..al tam.. Ipak pem spram gor.. na Bakačevu ....

Serbus ..............


10:33 | zafrkancija (10) | Print | ^ |

nedjelja, 06.12.2015.

... a godina kraju ..............


I makar je od jutra bilo nekak puzdravo vreme.. magla.. fajhtnoča.. negde okol podneva se sunčeko na kratko naluknulo znad najlepšeg Grada na svetu.. Nikolinje je.. a to je znak da godina pe koncu.. Istini za volju.. ja nisam nigdar nikakšnu Nikolinu poznal.. pa sam tak i denes ostal brez ikakšne mogučnosti kaj bi kakšnoj kušleca prilepil.. takaj sam sinoč pozabil na oblok deti čižmu.. pa tak nis nit ništ dobil.. ha... Malo se vrtim tu okol Splavnice.. baš gledim.. nama v našem Zagrebu nigdar cvetja ne fali.. bilo vruče kak v Sahari..al mrzlo kak v Sibiru.. tu buš našel pune štande cvetja.. Dakle.. naše ženske nemreju nikak ostati brez kakšneg pušleka jer se Zagrepčanci nemreju izgovorit da.. nema ...


Bum ti rekel da šibe nisu baš bogznakak išle.. je da lepo zglediju.. al ta vrbova grančica košta deset al dvajset kuna.. Je da je malo v zlatnu farbu zamočena.. al kaj.. ljudima je skupo.. Baš čujem nekakšnu bakicu kak pita dal ima kaj za pet kuna.. Ima ima.. veli cura kaj tu prodaje.. za pet kuna vam je... Dobar dan.... ha ... Bakica ni baš skužila.. a nit cura ni nekaj prodala .. Negdar su se z šibami i mali črni krampusi prodavali.. al tega več davno ni za videt..


A stoga se baš dobro prodaju te.. se reče.. Božične zvjezde.. Vrabec ga dal.. ja se nikak nemrem spomenut da je negda tega bilo.. opče ne pamtim tak nekaj.. Veli moj takaj malo stareši pajdaš.. Jeee.. to smo dovlekli od Amerikanera kak i celu hrpu drugih bedarija... Takaj tak i ovi ..Advent.. navek je to bilo Došašće.. pa denes više nigdo ne spomina Došašče.. neg posvud piše samo Advent... Jeee.. navek je nama Horvatima tuđe bilo slajše ....
No.. dan je prešel.. Nikoline su proslavile.. magla se pak zpušta.. kmica je .. a moj Zagreb blešči.. blešči.. blešči ....



Serbus ...............


17:30 | zafrkancija (14) | Print | ^ |

petak, 04.12.2015.

..zagrebačke piknjice .............


Ti vrapca.. domači človek.. Nemanja....


Vrabec ga dal... i komšija Duško....


Fala Jezušeku.. navek se najde negdo da nas spasi greha ......


16:50 | zafrkancija (14) | Print | ^ |

četvrtak, 03.12.2015.

.. špancirancije ....


Buduči bulevar Europa... je..je.. to ti je Jagičeva vulica.. jena od najprometnejših v našemu Gradu.. veliju za nju da je ulaz u centar Grada.. Pa tak i je.. vse kaj v Grad dojde z sjeverozapada.. bumo rekli prek Črnomerca.. to ti se kotura sim.. pokraj Zapadneg Kolodvora.. presječe Avstrijsku i evo tu smo.... Ulica i ni bogznakaj.. stare gradcke hiže.. one kaj su se v stara vremena zidale kakti malo jeftinejše.. za radničku klasu.. tu nit dvorcih nit palača.. a ove su bogmeš fest pohabane..
To ti je jena posebna vulica.. takšne nigde v belomu svetu nebuš našel.. Z jene strane su te hiže.. onda cesta.. pa pokraj ceste trajvanska štreka.. zapraf dve..sim i tam.. Onda ti je z betonom poduprti železnički nasip.. naravski.. celo čudo štreka kaj cug pela.. i tekar onda dojde druga strana te vulice..Praf za praf.. širje i komotnije vulice v našemu Zagrebu nebuš našel.. No druga je pripovetka kak to vse skup zgledi ....


I mam da hitimo pogled na drugu stranu budučeg bulevara Europa.. Tak ti je to odprilike zajdnih sto let.. stare železničarske hižice.. su to nazivali i Geto.. Tu su živele familje od železničarskih radnikof.. po četiri v vsaki hižici.. a kolko je vse skup bilo nutra ljudi.. to nigdar nigdo ni mogel zbrojit.. Do pred dvajset let su te hižice bile na gusto pošlihtane.. pa su ih fajn porušili.. su bile tak pohabane da su se štele skroz podreti.. A ovih par su ostale.. su spametni gradcki glavonje rekli da to nek bu kakti muzej tradicije železničarskeg živlenja v Zagrebu.. Istini za volju.. nigdar to ni postal muzej.. neg se je nutra natepla svakakšna sirotinja.. klošari.. skitnice.. i bi ga vrag znal gdo vse ni.. i tak je ostalo do denes.......


Negda su tu cugi.. vlakovi.. navelko se koturali.. Tam na par korakof je stari i prvi zagrebački kolodvor.. negdar se zval Južni.. a denes je Zapadni.. Bi ga vrag znal zakaj je bil Južni..al ovo denes je praf Zapadni.. No.. kak je tu bilo velkih skladišta.. a još su ostatki i denes.. tu su se največ tovarili i istovarivali teretni vagoni.. roba se razvažala po skladištima.. po Gradu.. Tu je bila trda zagrebačka periferija makar samo na petnajst minut štrapaca od Kazališta.. Zapadni je kolodvor bil izgrađen za potrebe Rudolfove kasarne.. pa se polahko naokol začel Grad širit.. a denes je taj firtl skorom pa v samom najstrožem centru Grada.. Denes se malo cugova tu kotura.. največ oni kaj im veliju.. Gradcki vlakovi.. pa tu i tam kakšni teretni..al putnički... Ta Jagičeva vulica bu jenog dana dočekala svetlu budučnost.. negdo je i predložil da to bu Bulevar Europa.. štreku buju zgurali spod zemlje.. se reče..metro..nasipa i oni stari Geto buju porušili.. hmmm al bu još fajn Save čez naš Zagreb scurelo dok se to zgodi .....


Kak sam i rekel.. taman jena sirotinja dobi kakšni socijalni stan v Zagrebu.. a tega ti pri nam ima kolko hočeš.. i sirotinje i stanova.. Naš gradonačelnik.. oni dotepenec z bregof to djeli kak da je z neba opalo.. No.. jena sirotinja van.. mam se za pol vure druga nutra doseli.. vse v redu čekaju.. pa su gradcki meštri i štrom isključili.. pa vodu zaprli.. al kaj.. vse se to natrag sporihta prek noči.. sirotinja nikog ne pita.. zafrkne žnore i štrom je spet tu.. zašvasa novu cjef i voda pak teče.. Dene si na krof antenu za televiziju i nekak se živi.. dok naš gradonačelnik spet ne posegne v Gradcku blagajnu.. I tak navek ... Tu z druge strane štreke je pa firtl Trešnjefka i Magazinska vulica.. samo ime veli čemu je ta vulica tu.. al od magazinof je taki malo ostalo.. nekaj drvenih tam pri Zapadnom Kolodvoru.. i nekaj zidanih napol zrušenih tu v sami Magazinski vulici... vse skup ni vredno pišliveg boba.. al kaj.. vse to čeka da postane ..Metropola ...


A ja ti se pomalo šmucam tu čez Daničićevu vulicu.. istini za volju denes se naziva Žajina vulica.. al kaj.. na jenom vuglu je tabla.. da je to vulica Andrije Žaje.. ..na drugem kraju je tabla da je to Daničićeva vulica.. na vsakoj hiži pa drugačije piše spodi kučneg broja.. No.. stari Zagrepčanci se buju rad složili zmenom da je to Daničićeva.. Na samom koncu te vulice je oni Trg Krešimira Čosića.. oneg pokojnog košarkaša.. makar ljudi za vse to rad veliju da je Trg Sportova.. Al vsako je za sebe makar tak nit ne zgledi..
Eee.. čez tu Daničićevu sam ja letima još kak klinac išel na jedini Gradcki zaprti zimski bazen.. narafski na plivanje..Se znalo.. po ljetu na ona dva bazena na Šalatu.. po zimi tu v Daničićevu.. vse ti je to tu fest ofucano.. to je stari del Trešnjefke.. obične gradcke hiže..a od gda ja pamtim zapuštena dvorišča i parkovi... Odnavek su tu živeli skromni ljudi..radniki.. al je bilo i dost obrtnikof vsih fela.. Denes skorom nit jen ni ostal ..celi taj firtl zgledi kak da su ljudi pobegli od kuge.. nemreš na vulici živog človeka susrest.. nema djece kaj su negda norela po sred vulica.. v parkovima samo cucki uživaju.........


Još jedin po starim zagrebačkim firtlima Trnju i Trešnjefki moreš videt kak je naš Zagreb negdar zgledel.. i kak pomalo propada i nestaje.. Negda velka i bogata vila z velkom restavracijom gde su se finii gableci spremali.. evo.. propada prazna.. ofucana.. Narafski.. vlasniki su valjda vmrli.. naslednikof ni.. a nit se tu imaju za koga više gableci spremat.. celi je taj firtl penzijonerski.. mladost je negde drugde prešla ... Tu i tam kakšni velki ..ha ..poduzetnik.. sa kolicima plazi po zapuštenim dvorištima i napol zrušenim šupama.. išče z čim bu se obogatil .....


A tu na Trešnjefki kak da se šarena jesen trucira zimi.. Viš kak se ovi kanadcki javor neda.. Veli oni stari simpatični prognostičar z Nove televizije.. Sjerkovič.. da je klimatološka zima več začela.. Hmmm.. bi ga ja vrit najrajši poslal.. pa kaj on nigdar ne sprejde čez naš Grad pa da vidi tu svoju klimatološku zimu.. klima se klima ta nejgova zima.. Tu na Trešnjefki je još lepa šarena jesen ...


A ja sam ti sim došel.. hočeš..nečeš.. najme svoju sam punicu pelal tu jednoj privatnoj doktorici.. Ima punica penez pa se trucira našem Horvackom zdrafstvu.. A to ti je poznata doktorica.. se reče. oftamolog.. ta oči spregledava i lječi.. Bogmeš je i ta lepa leta na grbači skupila.. pa se ona i moja punica buju lahko dogovorile o zdravlju.. I dok njih dve biraju nove očale.. ja se naokol sprešetavam.. šklocam z aparatlinom.. Viš.. tam dol čez Novu Cestu.. na samom kraju se lepo vidi Trešnjevački plac.. no ja nemrem tam prejti jer nigdar neznaš gda bu moja punica svršila pri doktorici i stisnula mobitel.. Ti vrapca.. a tu sam se sparkiral na Magazinski cesti .. i moram platiti.. Nikak ni pošteno da se i tu plača jednak kak i v samom centru Grada.. A na velkom parkiralištu je samo moj avtomobil.. Jenu vuru sam platil.. a drugu se švercam.. valjda nebu oni komunalac došel i opalil mi kaznu.. Hmmm.. ni ga nigde na vidiku ......


I tak.. evo se konačno i ja vračam v svoju domaju.. Moja je punica zbavila vse kaj je imela.. a kolko sam ja skužil.. samo je fest tračala s tom doktoricom Deban z Magazinske vulice.. Narafski.. ova joj je naplatila više to tračanje neg lječnički pregled...ha .. Al kaj.. makar sam se ja sprešpanciral po tom djelu Trešnjefke.. ionak nis tu vsaki dan.. A videl sam svakaj..dalko više neg tu stane.. a kipecof je pun aparatlin ... Jedin nis naletel na nikašnu pekarnicu.. a tak mi je krulelo v želucu kak da je nutra oni tajfun .....

Serbus .................


05:48 | zafrkancija (11) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.