nedjelja, 29.11.2015.

....zagrebačke piknjice ....



Klince učiju da su vse krave ljubičaste...
Pa valjda mi v Zagrebu najbolše znamo kakšne su zapraf ....ha .....


10:25 | zafrkancija (17) | Print | ^ |

petak, 27.11.2015.

.... ništ mi ni po volji ............


Denes se je bogmeš veter napuhal kak da je ponorel... lepo ti ja štraftam od Maleg Placa spram Trgača.. al vleče durhcug čez Ilicu ..pa ja zavrnem v Frankopansku..al.. vrabec ga dal.. i tu puše kak steklo.. zbrišem ja v Varšafsku.. ni tu vrag nema mira.. puše.. I tak je puhalo.. vrag mu se mamice napuhal.. gde god da sam zašel.. ulica ova.. ulica ona.. vse jednak ......


Pa sam se konačno dotepel tam kam sam se i zaputil.. Na Gradcki Vodovod ...Jebal ih vrag.. su mi opomenu poslali da nis platil vodu za pol godine vnatrag.. i još su mi naškrabali da me buju tužili jer kakti nis pustil nijhoveg človeka da v moji šahti spregleda vuru za vodu.. Jezušmarija kak je meni tlak skočil.. da mi je taj čas bil negdo z Gradckog Vodovoda pri ruki.. bogmeš bi fasoval svoje .. Ništ.. lepo sam ja z svoje arhive zvlekel vse račune.. znaš.. ja vse na vreme plačam i tu mene nigdo nemre vlovit na krivi nogi .. I put pod noge do Gradckog Vodovoda.. zajdem ja nutra v onu velku halu gde su šalteri.. sva sreča pa ni bilo neg nekih deset ljudi.. Još je rano..tekar su začeli delat.. kasnejše bu red kak da se djeliju Unrini paketi .. No.. ja ti se zaputim do šaltera na kojem piše..Informacije.. Sredovečna ženskica tu sedi.. pospano me gledi.. vidi se da kak me ima rad spred sebom.. I lepo ja zamolim da me uputiju do druga tog i tog.. kak je pisalo na oni moji opomeni.. A kaj če vam taj.. pita me ženskica.. Pa.. poglečte kaj mi je taj kreten napisal i poslal na moju adresu.. i zrivam ja njoj tu depešu pod nos... A kaj hočete gospon niste platili pa vam je to poslano.. veli ona.. A ja sam se zgrabil z rukami za šalter tak da je vse zaškripalo steklo.. čuj.. bil sam oblečen sav v črno.. črni kožnjak.. črne hlače.. črne cipele.. črni kožnati škrlak i črne sunčane naočale.. More bit da sam zgledel kak oni Al Kapone.. I zakričal sam tak da su se vsi tu okrenuli.. Kaj vi mene milostiva zajebavate ha.. kaj ja to nisam platil.. kak vi to znate.. kaj meni na čelu piše da sam vam nekaj dužan.. lepo vas prosim da me pošaljete tom idijotu kaj me je tak pokrivil.. A kaj se računof dotikavle.. evo ..tu su vsi v moji ruki... Zdaj se je ova za šalterom malo zbudila.. povlekla pol koraka odostrag.. nemre ženska znat kolko sam ja bedast pa bum morti preskočil pulta.. Aha.. veli ona.. vi imate račune.. dobro.. hodite na šalter onaj tam z druge strane.. NIšt ja nis uzel na ulazu broja z oneg aparatlina kaj ti reda dela.. ravno ja na taj drugi šalter.. Tu je pa nekakšni mlitavi službenik.. kak da je tu još od Avstrougarske ostal.. Dajte mi račune.. veli on.. Nedam.. odlučan sam ja.. Evo vam moje ime i prezime.. moja adresa.. broj moje vure za vodu.. pa vi meni kažite kolko sam ja dužan.. A ove račune bumo posle gledali ak bu trebalo.. No pa kaj me gledate.. velim ja tom mulcu.. tražite po tom vašem kompjutoru.. Valjda sam i ovome zgledel dost opasan..morti i dost bedast.. pa me človek posluhne.. tipka tam.. a dojde do nejga i ona ženska z kojom sam prvo razgovaral.. Glediju oni v taj ekran.. tipkaju.. glediju.. nekaj se došaptavaju.. Na koncu ženska veli meni.. Čujte gospon.. pa vi niste ništa dužni.. sve je plačeno.. Aha.. velim ja .. pa ja to vama tvrdim od kak sam sim zašel.. dakle moje račune ne trebamo spregledavat.. Al zakaj je meni taj i taj mulac poslal takvu depešu kak da sam najgorši lopof i prevarant...ha.. Narafski vse ja to z fest povišenim glasom pripovedam.. Nekakšna ženska i neki stari kaj su v redu čekali.. klimaju z tikvom meni da sam ja v pravu i da tak oštro treba ... I spet ja iščem da oni majmun koji se podpisal na moju depešu dojde sim of čas..al bum ga ja poiskal po celi toj vodovodnoj hiži.. Nemojte gospon.. kaj če vam on.. pa vse je v redu.. opet će ona ženskica.. Hočem ga videt i da mu frnjokl poravnam.. kričim ja .. Z druge strane si gruntam da ja baš dobro kaj tega tu ni.. gdo zna.. morti je za dve tikve vekši od mene.. Al kaj.. i ženskica i oni tutlasti službenik mi se lepo ispričavaju.. kakti nebu se to više ponovilo.. vse je bila samo zabuna.. .. I kaj.. prešel sam van.. posel sam zbavil.. Praf za praf.. nis ja bil tak fest dešperatan.. više sam se glumatal.. baš mi je pasalo....ha ....


Gledim tu staru palaču.. kak je škoda kaj je tak zapuštena.. ta je mam tu pokraj Vodovoda.. A gore na četvrtom katu stanuje jen moj stari poznanik još od mladih dni.. Nema tomu dugo smo bili tu prek puta v brtiji pa sam pital dal se on sječa kak je ta palača negda davno zgledela.. Veli on.. da se v ti hiži zlegel i odrasel.. al od gda on pamti.. ta hiža tak zmazano zgledi.. Krasno.. gruntam si ja.. kak su je zazidali od onda ju nigdo ni nit z peruškom pogladil.. Jee.. a takšnih je pun naš Zagreb.. Evo.. tu v prizemlju i na katu je nekakšna banka več od dalkih leta.. ti vrapca.. pa kaj ju nisu mogli barem malo pofarbat ... je..a kaj.. sirotinja...ha ...banka..ha ...


Navek se čudim ovem tu kipu kaj ga je Meštrovič zdelal z mramora.. kakti je tu babu naredil po uzoru na svoju mamicu.. tak veli pripovetka.. Vrabec ga dal.. kakšna je to ogromna ženska.. a on je bil mali kak cvergl.. I obadva brata su mu bili niski kak liliputanci.. sam ih ja poznal.. su mi bili susedi v moji hiži na Zrinjefcu.. Jen brat mu je bil mesar.. drugi pa belosvetcki zgubidan.. A of je takšni kepec tukel po tem kamenju kak nori.. A je..je.. bil je pravi majstor.. Denes se nejgova familja povlači po sudovima okol teg kamenja.. jen nejgof nečak je išel zmenom v osmoljetku.. I taj je umjetnik.. zapraf.. muzikant.. svira violončelo pri Zagrebačkoj filharmoniki.. taj mi je svakaj napripovedal o svojem stricu klesaru ......


Daj pogleč.. kak je vse nekak sivo... i nebo.. i hiže..i asfalt.. i ja sam saf nekak sivi v svoji tikvi.. Tak sam slabe volje.. nikaj mi ne paše.. Spil sam Nesicu od vanilije.. ni mi pasala.. pojel sam jen komad slaneg štrudla pri PimPeku.. ni to mi ni bilo z guštom.. zdaj sam žedan a neče mi se samom sesti v brtiju.. Gledim naokol dal bum videl kakšnu poznatu gubicu..al nigde nikog.. Nekak mi zgledi kak da je denes manje ljudi po vulicama.. Je da je petak.. al ni trinajsti.. malo je sunčeko zvirilo spodi oblakof..al tak sramežlivo i mam je nestalo.. A veter i dalše vleče po celomu Gradu ....


Dovlekel sam se do mojeg Zrinjefca.. tu su več posvud deli one male drvene bajtice.. kakti Božični sajam bu spet.. v fontani su vodu zaprli da se ne zmrzne.. svetleče i drečeče ukrase su pometali naokol po drevima.. cucki lepo sereju po travici.. Baš gledim jenog ogromnog cucka.. nasred travnika se zasral celu hrpu kaj bi i na lopatu stalo.. Nejgof gazda stoji dva metra dalše ..drži najlonsku vrečku v ruki.. to je za to govno.. No.. se človek obrne levo.. desno.. napred ..natrag.. ha.. nigdo ne gledi.. i lepo vrečku pospremi v žep i on i cucak prejdeju zadovoljni dalše.. A drek je ostal ... Eee.. je moj Zagreb evropski grad.. odnavek je i bil.. al denes nekakšni ljudi tu nikak ne spadaju ...

Serbus ....................


18:34 | zafrkancija (8) | Print | ^ |

četvrtak, 26.11.2015.

...ovo vreme je za ..posrati ................


Znaš.. imam ti ja jenog starog pajdaša.. tu z Gornjeg Grada.. ime mu je Oto.. Al taj moj pajdaš je za dalkih leta zbrisal v inozemstvo.. i skončal do dana današnjeg v onem zagrebačkom firtlu.. Avstralija ... ha .. Zapraf.. pusta i dugačaka leta Oto nemre pozabit svojeg Zagreba... fort cendra za svojim Gornjim Gradom.. spomina se Vrazoveg..pa Vranicanjevog.. i tak.. Dugo smo se Oto i ja po Internetu spominali o našemu Zagrebu.. pa kak nebi.. Veli Oto da je nejmu tam v Avstraliju fest lepo i dobro.. jedin ga .. veli.. mučiju klokani kaj mu čez šlafcimer skačeju prek kreveta.. papagajci mu kreštiju po vsim vuglima.. a kokodrili su vsaki dan v nejgovi badevani... ha .. I tak je moj Oto meni kolko put znal kazat da on nigdar več nebu došel v svoj lubleni Grad Zagreb.. jeee.. leta su ga stisla.. pa me fehtal da mu fort slikice z Gornjeg Grada ljepim po forumima.. blogima.. i tak.. Pa ti ja z vremena na vreme za mojeg pajdaša sprelaufam čez brdo Grič.. denem na kipeca vse kaj se more..vsaki put z nekakšneg drugeg vugla..Istini za volju.. Oto mi se več dugo ni javil na majla.. tak da ja neznam dal on još laufa po mojem blogu i krade..haha.. moje slikice... Paaa.. Oto.. stari moj pajdaš.. ak se nemreš više javit.. razmem ja to.. al slikice su tu..ovak al onak ...

Imam ti ja teh zagrebačkih pajdašof po celomu svetu.. a jen je oveg leta na proletje čak i došel svojeg Zagreba vizitirat z dalke Kanade.. Narafski.. mam smo se našli n Malom Placu na pivici.. I tak mi taj fakin z Maleg Placa pripoveda da ne projde nit jen dan a da se on tam v dalki Kanadi ne spomene najlepšeg grada na svetu..narafski Zagreba..Ni nit tam v Kanadi loše.. jedin ga štentaju dugačke zime.. snjeg do krova.. vukovi i medvedi se španciraju po vulicama.. indijaneri skalpiraju ljude.. no.. se da dobro živeti... Ti vrapca.. velim ja nejmu.. pa kaj si za bolše živlenje moral tak dalko prejti.. si mogel lepo tu ostati.. je nadalko poznato kak se dobro v Zagrebu živi... Veli on meni da si ozbilno grunta da se sim vrne čim mu oni Kanađani daju penziju.. To je to.. treba se vrnut dok se more na nogami stajat.. Halooo...fakin... javi se ....


Ščera mi javi moja poznanica da joj nejzin kučni ljubimac.. mali čupavi pesek zdahnul.. Žalostno je to..razmem ja.. Ti vrapca.. kolko je pri meni teh kučnih ljubimcof spreživelo .. nit ih nemrem nabrojit.. cucki.. mački.. zamorci.. hrčki.. kornjače.. ježi.. papagajci.. kanarinci.. čak jena tarantula i jen gušter.. Je.. imaš rad tu menažeriju.. vse im daš najbolše.. bolše neg samom sebi.. i na koncu vgineju.. Eee..tak je to.. Stoga sam ja odlučil da posle velkog črnog ogromnog mačka Sokrata.. više nebum imel ništ živoga po hiži.. Praf za praf.. jedin mi je još ostala ...punica ...Ha ....


Veliju spametni da ove .. se rečeju.. ciklone.. nikaj dobreg ne donosiju.. vse samo nekaj lošega.. I zbilam je tak..Evo.. vjutro moj sused debeli Špengler kune da ga cela vulica čuje.. kaj je bilo.. Na nejgovem prastarom Fordovom kombiju se čez noč guma spustila.. pa kaj velim ja.. spromeni kotač i šlus ... Jeee.. gda bi moj sused imel rezervni kotač.. takšneg luksuza.. veli on.. ni imel zajdnih dvajset let .. I kaj.. pomogel sam mu kombija zdignuti na klocnu.. narafski.. nit dizalice nema poštene.. i kotač smo odpelali na krpanje.. Ščera moja suseda Marta.. inače razpuštenica.. tri hiže dalše.. na saf glas kasno nafčer začne lelekat kak one babe beduinke.. vsi su susedi skočili na obloke i čudiju se.. Jeee.. kuka ona.. v badecimeru mi voda šprica na vse strane van z zida... Zovi Špenglera.. lepo ju savjetujemo.. doma je gda mu je i kombi spred hiže.. Jeee.. al sused debeli Špengler je odnekud došel nalijan kak deva..pa.. veli nejgova Marica.. da spi v hodniku na otomanu kak svinja.. I kaj.. pak sam ja hitna intervencija.. lepo sam se pri susedi Marti zpustil v šahtu i zaprl ventila za vodu.. A pošto je bilo kmično kak vriti.. tak sam se heznul z tintarom po betonu da mi je vse krvava štrafta ostala.. Aaa.. bu to Marta platila ... Susedu Iveku.. hiža pokraj moje.. je denes vjutro bruh skočil med nogami pa je začel jafkati kak da su mu jajca odpala.. I žena zvala hitnu.. odpelali ga na Sveti Duh i mam su to sredili.. zutra bu več domof išel.. Pa pripoveda nejgova ženica Nenica.. da v bolnici ni dal da ga uspavaju.. neg da mu samo daju onu.. se reče.. lokalnu anesteziju.. Zakaj.. praf se je plašil da mu slučajno nebi mesto bruha.. jajce odrezali...ha .. Jee.. denes i doktori grešiju.. A meni je ščera još ktomu došla opomena da nis vodu platil več šest meseci.. jebal ga vrag.. pa ja vse uredno na vreme plačam.. pa sam ja penzijoner.. a se dobro zna da penzijoneri v Zagrebu vse plačaju kak se spada.. I tak sam ti ja pribral vse račune i zutra bum prešel nekomu mamicu spredelati .......
Maaa.. velim ti ja.. ovo vreme je za ..posrati ....


A na starom Griču je vse sprekopano.. ni vredno pokazivat..ionak je vse ograđeno.. Kopaju i prek pet metri gliboko.. našli su stare zide i temelje nekakšnih davnih palača.. a kaj.. obični kamen.. neznam kaj od tega delaju galamu kak da su skopali celu piramidu .. jedin kaj je pohvalno kaj one dve stare hiže koje su na samom počeku.. prije ove.. obnavlaju.. No samo zvana.. Al i to je nekaj..


Tak ti je to moje španciranje po Gornjem Gradu prešlo.. morti još jemput dojdem ovo leto gda postaviju Božično drfce tam spred Svetog Marka.. al gda opadne snjeg..ak ga nebuju postrugali dok ja stignem ... Rad se ja tu gore španciram.. navek se prisetim starih cajti kaj su prešli.. al sam i navek znova žalostan kaj vse ono staro poznato pomalo nestaje.. vsaki put gda obidem Gradec.. nekaj mi spet fali.. Evo.. na starem Griču nigdar više nebu oneh trdih hrapavih klupa po kojima su pucice po kmici riti šmirglale..ha .. nebu starih kandelaberof .. plinskih lanterni.. koje smo mi fakini gasili da bi imeli lepu kmicu i curičkama zvezde pokazivali...ha .. Novo doba.. kaj moreš...Ništ ...

Serbus ..............................


18:46 | zafrkancija (3) | Print | ^ |

utorak, 24.11.2015.

Sveta Kata... snjeg na vrata ..........


Nisu bogznakaj ovi Žumberčani prinesli v Zagreb.. je..a kaj.. osim dobreg vina na tem Žumberku nema nikaj posebnog.. nekaj šume.. dost kamenja.. i preveč zagrebačkih vikendašof.. Ono malo sela kaj je gor po bregima ostalo to su vse sami stari ljudi kaj se od rođenja nisu zpustili nit v Sanobor a kamoli nekam dalše.. Imam ti ja tam gor poznatih.. pem svakog leta barem tri put.. Z Sanobora al Bregane se spentraš gor.. pa pokraj Slovenske meje cestom vse do hiladu let starih sela.. Tu ti pa živiju oni .. im rečeju.. Starokatolici.. pa Grkokatolici.. Još z davnine su ti proterani i izbačeni z Rimske cirkve..pa su spasenje našli baš tu na Žumberku.. maaa.. to su oni kaj za Jezuša tvrdiju da je obični človek.. a Rimskog papu ne priznaju.. I tak ti živiju po tim zabačenim selima.. neka nit štroma nemaju.. Se pripoveda da su se negda med sobom familjarno ženili..pa je denes poznato da tam gor ima velkih degenerikof.. No.. to se navek čuva kakti tajna.. No.. pa ni to važno.. bolše bi bilo da su na Trgač prinesli oneg svojeg pravog domačeg Portugizca.. al..kaj.. to su sami spili..a tu nudiju falšnog v buteljama.. A se zna da pravi Portugizec nemre dugo stajat osim ak ga ne spredelaš ....


Veli narod..a narodu se veruje.. Sveta Kata snjeg na vrata.. I kak je to znalo bit istinito.. ni nemoguče da se i oveg leta ponovi.. A i ona cukrena prognostičarka na Novi televiziji.. Ana Bago.. je tak nekaj dala naslutit.. Ščera je spripovedala vse moguče šprance o tom kakšno nas vreme čeka narednih dni.. Narafski.. snjeg je čak tri put spomenula.. A ta Ana je tak feš ženska da ja njoj jenostavno vjerujem.. Ti vrapca.. jedin se plašim da morti ni kaj v rodu onem Bagi kaj zgledi kak vanzemaljac.. Hmmm.. valjda ni ... Vsejeno.. ja sam denes odlučil malo naredit inšpekciju po Gornjem Gradu na Griču brdu.. Se razme.. dok se gore može.. ak opadne oni beli prhlivec.. ha.. nit Veli Jože me nebi gor dobil ......


Evo.. nakon leto dni su i staru kulu obnovili i znutra i zvana.. Rekel bum ti da je meni bolše zgledela onakša ofucana brez te fasade.. pa se zna da je kula z kamena zidana.. pa se stoga i nazivle..Kamenita Vrata.. Praf za praf.. jesu zidi od kamena..al su stara vrata bila od dobre hrastovine z Medvednice.. Nikak mi ni bistro zakaj vrata ne narediju kak su bila.. A zide su ožbukali kakti da zaštitiju kamen.. ti vrapca.. pa kak bu negdo gdo je tu prvi put znal da je to od kamena.. Nikaj ja tu ne razmem.. Kamenita Vrata.. vratiju ni.. kula od kamena.. a kamena videti ni..Baš svakakšne norije delaju z našeg Gradeca .....


Bogmeš dobro denes puše .. nekakšni mrzli vetar se z Medvednice zavlekel med stare hiže.. kam se god denem..puše.. prejdem v drugu vulicu puše.. Dobro kaj sam si denes kožnjaka oblekel.. drugač bi mi i kosti sprepuhalo.. vse mi nekak ovi nizki oblaki na snjeg smrdiju..... A tu je vse pusto i prazno.. samo se po vuglima panduri nalukavaju.. No barem im je dobro kaj nema oneh dosadnih sabornikof kaj plaziju fort sim pa tam.. a panduri moraju salutirat.. No.. nebu tako zadugo.. bu se banda skupila i našemu narodu nebu dosadno.. Je.. tak je to.. narod vjutro gledi kaj se tu v svinjcu dešava.. a nafčer gledi kaj se na čitavi Farmi spelava.. . Ni našem narodu nigdar dugočastno.. navek pri nami ima zabave i veselja.. Evo.. of čas se nagađa dal se bu Most zrušil..al bu ostal klimaf.. maaa.. ne Safski most..neg onaj kuplerajski ...


Zbilam.. nit človeka nit pesa..čak tam na Sjeverni Promenadi nis srel kakšneg cucka kaj je gazdu zpelal v špancirung.. a nek me vrag zeme ak se ja spominam gda sam zajdni put tu videl kakši zalubleni par.. Koji put mi se pričini da sam ja zajdni tu curičke za ruku pelal.. uuuu.. gda je to bilo.. više to nit nemrem zračunat brez oneg.. digitrona.. Jezušek.. da se to hoče ponovit makar na jen dan.. pa nek posle krepam.... aaaaah .......


Vrabec ga dal.. kaj denes nebu prestalo puhat.. pem zbrisat v Matoševu.. ta je nekak v šturcu.. Gledim te stare hiže.. palače.. dvorce.. tak je vse prazno da je to žalostno.. Gda se samo setim dok sam bil fakinček.. tu je navek bilo fakinaže i klincof po vulicama..i po ljetu i po zimi.. A babe su se nadvikivale prek ceste z obloka al čez haustore.. Na vsakem je obloku bil štrik z vešom kaj se sušil.. posvud naslagana dreva za kurenje..a z vsakeg se raufunga dimilo.. eeeee.. drugo je ovo vreme.... Težko nama koji pamtimo stare cajte ....


A kaj da ti velim.. od negdarnje bande fakinof.. a vsi su im tepali da su huligani.. nit jen jedini tu ni ostal.. Več su se davnih dni razbežali po celomu Zagrebu.. A kaj je najžalostnije.. več ih je polovica prešla v Raj... Ha.. je. je.. v Raj.. Razmeš.. mi smo ti sasvim drugčiji svjet neg neki ostali.. Oni fakini.. huligani.. banditi.. i kojekašni zgubidani peju v raj.. a štreberi.. mamini pizdeki.. pošteni i bogobojazni.. eee.. oni peju dole v ogenj paklenski.. Maaa.. vse je samo v tem da se moraš znati dobro snajti.. A pošten se nebu snašel.. dok bu to banditu kakti obična šala... Paa.. kak ne rezmeš.. ha .. zemi si cajtunge i vse buš mam skužil .... Maaa.. brez veze.. z čim si ja svoje daske v tikvi zamaram ....


Viš.. ni mi ta pucica bila bogznakaj važna v živlenju..al se ja te Mirjane navek setim gda sim dojdem.. Je.. tu je v Matoševi stanovala.. bila je kakti svetica Gornjogradckoj bandi.. al.. kaj.. došel je fakin z Zrinjefca i jenostavno ju je odpelal.. Ti vrapca.. bila je to cela fronta zmed ovih tu na Gornjem Gradu.. o onih mojih z Zrinjefca.. Narafski.. ja sam prvi prijel šljivu spod oka.. jeee. su me na samo vlovili gda sam se vračal kaj sam malu domof odpratil.. Al kaj.. treti dan sam se vrnul z celom bagrom z Zrinjefca.. Palmotičeve.. Berislavičeve.. Tomislafca.. Došli smo gor na Grič.. a oni tu domači su zinuli kak podrapana šlapa.. I dok su ovi moji pazili na vse druge ja sam onem kaj me je nakitil z šlivom tak frnjokla porihtal da su mu sedam dni tuferi vireli čez luknje.. Kasnejše smo ja i taj.. su ga zvali Braco..postali pravi pajdaši skup i z našim bandama.. Narafski.. Mirjana se preselila nekam v ondašnji Novi Zagreb.. v Zapruđe.. jeee. tatek je bil partizan pa je med prvima dobil stana v oni vukojebini prek Save ...


A dole v nizini se moj lepi Zagreb Grad zbudil i zdaj se čez nejga spremečeju i ljudi i avtomobili i trajvani.. A tu gor je tišina.. mir.. moreš čut gda vrabac na grani prdne.. naslonil sam se na gelender baš znad oneg starog negdarnjeg parka.. smo rekli.. Ispod zida .. kaj dole na Ilicu van izlazi.. No.. za one koji znaju .. denes od parka ni ostalo ništ osim hrđavih trulih štangi od ljuljački.. Nit klupe spodi zida ni.. zapraf ostal je od nje samo jen betonski stup.. Vse je zapušteno.. steze su odavno nestale.. štenge su tak ponucane da ni uputno po njim gazit.. A i one stare divlje kostajne su porušili još lanjskeg leta.. Gola zemlja z nekaj kržljavog grmlja.. A negda... eee.. gda bi to mesto znalo pripovedat o tome .. kolko je tu kušlecof palo.. hmmm.. i još ponekaj ...... Baš mi se nikak neče otiči otud.. pem još malo naokol po Griču brdu ..........

Serbus ...................


17:25 | zafrkancija (7) | Print | ^ |

nedjelja, 22.11.2015.

nekak je tak grintavo ..............


Maaa.. ni ono belo snjeg.. friški šoder su posipali tam med cvetjem..istini za volju.. znočka je začel opasno prhat.. mi je moj limenko spred hiže bil skroz bjeli.. Več sam na saf glas začel kleti.. pa je onda prestal prhat.. hmmm.. valjda se splašil ...


A da dež curi.. to bu zdaj sasvim normalno.. Ambrele vsih fela sam sporihtal pokraj vratih tak da si ne pozabim vzeti.. znaš.. tekar gda mi šilterica promoči skužim da mi nekaj fali.. Ovak nemreš a da se ne spopiknem na ambrelu ..ha ..


Za nekakšnu velku španciranciju baš nije vreme.. treba se prvo človek priviknut na te vremenske promjene.. A mogel bi i poiskat nekaj bolše toplega za navleč na sebe.. Ti vrapca.. moja je obleka još kak za po ljetu.. a zimsku još nis zvlekel z naftalina.. Denes bum prekapal po ormarima jer me je pošteno sprepuhalo.. .....


A ovi žutaki z očima všrek hodiju kak zombiji po Gradu.. letiju a da ništ ne vidiju.. opče neznam po kaj su došli.. tekar da im guzica puta vidi.. ha.. Čez pol Vlaške i prek Trgača su zgibali kak da im se Hirošima sprema za petanjkima.. Jezušmarija.. tak noreg sveta ni lahko videt.. A i ja sam pravi norc kaj se po takšnem vremenu klatim naokol.. Nigde nikog.. nit ljudi nit cuckih.. prazne brtije..a lepe ženske moreš denes samo sanjat.. Pem domof v svoju fotelju.. lepo si zemem Večernjak i čitam kaj politikanti zmišlavaju.. znaš.. to je fest dobro za probavu.. Sprečitaš dva tri velka naslova i mam ti je potreba srati ... Razmeš ............

Serbus .................


16:25 | zafrkancija (10) | Print | ^ |

petak, 20.11.2015.

... vsemu dojde konec .........


Pa je.. kak vse zgledi.. došel konec lepoj dugačkoj toploj i šarenoj zagrebačkoj jeseni.. Se fajn odvleklo to bablje ljeto kak narod veli.. su se ščera mulci dol pri oni velki bari i kupali.. Al je več znočka nekakšni veter zafijukal i dobro stresel obloke na moji hiži.. Zgotovleno je .. nema više.. gundra moja najdraža v svoji polovici krevetlina.. daj zapri oblok mi puše skroz spod poplon... Praf za praf.. retko je koja jesen bila kak ova.. ono malo deža kaj je na početku zcurelo.. a ostalo vse lepo i sunčano.. toplo.. ti vrapca ..pa ja još i denes imam na sebi samo laganu vjetrofku a spodi kratke rukave.. ...............


Sinoč je na televiziji oni stari Sjerkovič lepo proglasil da je .. visoka anticiklona pod utjecajem sjevernoatlantske ciklone napustila naše krajeve i da ..... Jebal ga vrag stari.. kratko rečeno.. moremo i pravu zimu očekivat.. je..je.. čak je moguče da bi zutra negde i oni beli prhlivec zaprhal .. hmmm.. ništ mu se ne veselim.. jebal bum ja nejmu mamicu.. lopata i kibla soli su pripravni .. sam nek dojde....


- evo gospon.. za vas posebni popust na svu robu... snubi mene kumica na štandu punom svakakšne
zelenjave..voča.. krumpira.. i kaj ti ja znam čega vse nema..
- kaj baš na vse imam popust.... pitam ja ...
- Je..je.. samo si izaberite.. evo vam vrečica.. gura mi v ruke najlonsku vrečku..
- Aha.. a kak se bumo okol vas dogovorili.. dal po komadu ali po kili... zafrkavam se ja...
- Jooooj.. gospon.. kaj me zdaj to pitate.. davno je to bilo ...
- maaa.. kaj davno.. još vami vražiček z oka viri... fuliram ja njoj..
- najte gospon šalu terat.. sam ja svoje davno odpopevala.. šali se i kumica a dve ščrbe joj se smejiju z gupca...
Narafski.. ništ nisam kupil.. ja se samo španciram po placu kojeg imam rad mam posle Dolca.. Ima taj plac dugačku pripovetku.. libru bi se moglo naškrabat.. A najbolše se prisječam da je odnavek vse naokol smredelo po čevapima.. prženoj ribi.. pečenim picekima.. zažganom starom ulju..Al najbolše je bil i ostal poznat po pravim fakinima kaj su tu navek nekakšne norije spelavali.. Tam v šturcu još stoji kamijon z drvima i pokraj nejga pilar ... Toga je retko videt v našemu Gradu ...............


Navek je okol vsakeg placa bilo brtija i pečenjara.. al tu su se zbilam pošlihtali na vsakem koraku.. Gde su negda bili mali štacuni.. mesnice.. ribarnice.. denes su vse sami kafiči.. Istini za volju.. dobro delaju samo prijepodneva.. popoldan tu i tam koji.. No.. ja sam se sel spred luknje .. se zove.. Ruža.. znam da je taj od davnine tu.. Sedim i čekam.. spil bi si Nesicu od vanilije.. Evooo.. na posletku se dovleče kelnerica z nutra.. ima na sebi samo bluzicu z kratkim rukavima.. vse se trlja po rukama.. je.. vjutro je malo friško..
- kaj se nutra ne sednete.. pita me..
- tak.. baš mi paše vani.. velim ja ..
- kaj bute.. pita ona kaj bi ja naručil....
- prosim Nesicu od vanilije ak ima..
- ima.. i kaj još... čeka ona...
Vidim ja da nebu ona brez naplate zišla van z toplog v kratkim rukavima..
- dajte i jenu travaricu .....
Vse je lepo stiglo van na stol za kakšnih petnajst minut.. Nesica je bila nekakšna splačina..al je barem bila topla.. a travarica.. vrabec ga dal.. kak pravem pijancu mi je prinesla najvekšu mjeru.. onu od nulapet ..
- molim platit.. mam ona išče..
Aha.. evo.. zadržite ostalo.. Tak ti je to na ovakvim mjestima.. ljudi rad naručiju.. spiju. i zbrišeju v gužvu med štande.. dakle treba platit kak v kupleraju.. vnapred............


I gda mi je dosadilo sedeti.. još sam malo sprešel vse na poprek.. znaš.. nejdem ja tu na periferiju tak često.. makar taj del Grada ima svoju dušu a srce mu je baš tu na ovem placu.. A kaj je najvažnejše.. baš tu buš našel one prave stare Zagrepčance kaj ih malo gde još po našemu Zagrebu ima.. Eeeh.. gde su oni negdarnji fakini kaj su popoldan tu sedeli na praznim štandima i natezali jeftino vino z litrajnka.. a vsaki cigaretlin jednak podjelili.....
Čuj.. o lepim pucama i ženskama z teg firtla bum jen drugi put ...ha ......


Evo.. kaj je poldan bliže.. to vse bolše prihajaju črni oblaki z Medvednice.. A tu z Bakačeve je pak zafijukal mrzli veter skroz odzgor čez Žervarski dol .. Jeee.. zbilam bi moglo bit kak je ščera povedal stari Sjerkovič.. Ništ.. pem si još kupit na Trgač dva škarnicla medenjakof i of put na trajvan.. Dost mi je denes bilo špancirat z periferije do sim .. Ha.. a i do periferije je prvo trebalo dojti... Uuuuh.. več me i podplati na cipelišima boliju.........

Serbus ............................


16:51 | zafrkancija (11) | Print | ^ |

srijeda, 18.11.2015.

malo cipelcugom.. malo trajvanom....


Vjutro je zgledelo nekak zmešano to vreme.. puhal je dost mrzli veter.. a nebo se krenkalo .. nit sim nit tam... Al gdo bi na to gledel.. lepo zajdeš z hiže.. i mam se osetiš bolše žif ....................


Stojim na trajvanski stanici.. pa mi se vse neče zajti v trajvan.. pa propustim jenog..pa drugeg.. Ha.. čekam da me noge zaboliju... A gda me zaboliju.. eee.. onda trajvana nit za ljek ... i dalše na tabanima .....


I vsako malo mi pogled zapne za te .. se reče.. nebodere.. Ti vrapca.. of tu stoji več desetke leta.. a okol nejga šikara.. pol ga je praznog.. beton je več sprhnul.. pa su spametni arhitekti več davno kazali da ni za drugo neg za zrušit.. Hmmm.. gledel sam ja dok su ga delali.. pa bum valjda i dočekal da vidim kak ga rušiju...


Na viš.. of je nekaj mlajši.. a to je kakti gradcka lepotica..Zagrepčanka... ha.. morti je negda i bila lepotica.. zdaj je pa ščrbava baba z koje opadaju i stekla i fasadne obloge.. Dok je bila mlada znje su i ljudi opadali.. razmeš.. gdo je štel skočit.. tu je imel priliku.. Veliju glavonje da je preveč skupo to obnavlati.. I kaj zdaj.. bi ga vrag znal.. malo su nekaj poprčkali po steklima.. al i dalše ni ziher spodi stajat....


Pa je tu.. malo na priferiji .. još vidljiva ljepa i šarena jesen.. Sunčeko se zvleklo čez one mlitave oblake.. čist je lepo malo osjetiti toplinu.. Staneš se kak gušter i filaš se kak akomulator.........


I ništ mi ni naškodilo kaj sam si sel na klupu i malo noge spružil.. Ak sam si vjutro zgruntal kak bum se malo pelal v trajvanu.. pa malo cipelcugiral.. vse se spremetnulo samo v španciranje.. Uuuuh.. kak mi paše.. Pa mi je i nekakšni mali cucak došel do klupe.. znaš oni kaj mu veliju da je na baterije.. .. stal se spred menom i gledel me kak da sam kost.. Lepo ga ja pitam.. da čiji je.. a on samo maše z repom.. mutavi neki pes.. No.. se je onda i gazdarica odnekud stvorila.. tak.. stareša nalarfana ženska.. Pa se ona stala glasno čudit kak je nejzin Čarli fest zainteresiran za mene.. kakti inače beži od mužkih.. No.. of put sam ja pobegel.. fučkaš Čarlija i tu lajavu babu.. Pem rajši na Keglbajs v kafič Dante.. tam finu Nesicu delaju.................

Serbus ........................


18:51 | zafrkancija (9) | Print | ^ |

petak, 13.11.2015.

.... Klobase na Trgaču .........


Lepi dan da si lepšeg nemreš zgruntat.. malo koji poeta bi znal tu lepotu tak scifrat.. praf za praf.. imam ja pajdašicu koja zna.. al nikak da kaj noveg skombinira.. Velim ja njoj.. fučkaš taj hajiku... o našem Zagrebu nekaj naškrabaj... A zna ta moja pajdašica i po zagrebački i po kajkafski.. al fort ona nekaj o čučeku.. o ptičeku.. rojžica sim..rojžica tam.. a naš Zagreb v šturcu ... Veli meni jen stareši poeta.. ima visoko mišlenje o sebi kak poeti.. da on sedi v trajvanu i najemput mu na um opadneju stihi... i onda si ih mam zapiše.. Jebal ga vrag... pa to na koncu ispadne poema o moru.. Kakšnu taj morsku inšpiraciju v trajvanu dobi.. pa ni na trajektu ... Bah .....


Halooooo... na našem Trgaču su v velkoj modi spet.. klobase.. z senfom.. z majonezom.. z ajvarom.. i kaj ti ja znam kakšnim vse drekom nafilano.. no da su apetitlih.. to jesu.. jedin bi imel prigovora o veličini.. meni zglediju nekak premale..razmeš.. ja bi naredil propis da buju barem kakti od palca pa do lakta na ruki.. To bi več bilo nekaj.. Ovak jenu smažeš dok bi rekel.. kruhimast..pa onda spet v red za drugu.. Hmmm ... barem tri si moram porinut v požirak da bi mogel kazat da sam se klobas navžil ..
.................. Jezušek.. denes sam skorom vmrl tu pri pultu z klobasama... Lepo ti moj pajdaš Bokačo i ja zbavlamo to z klobasama.. ja taman spustim zalogaj čez požirak.. pa to hočem malo potpomognut z gutlajem vručeg kuhanog vinčeka.. Jebal ga vrag.. nekak moj požirak ni to dobro prijel..tak sam se zahliknul da mi je to kuhano vino van na nos zišlo.. Sva sreča da sam klobasu uspel progutat.. kak bi se tekar ta skopitala v mojem frnjoklu.. Pa je moj pajdaš Bokačo brže bolše mene za rukaf odvlekel v dobru staru Tkalču i tu mi kakti za spas mam naručil Ožujsku.. zajdni čas da si živlenje spasim.. Zna Bokačo kak treba prvu pomoč skoristit..spameten je to fakin.. Vse mi nekak zgledi da fina klobasa z senfom nikak ni v dobri kombinaciji z kuhanim vinom.. Bum drugi put pripazil...ha .. ne veliju zabadaf da je Žuja zakon.........


Maaa.. kaj Paris.. Beč.. Pešta.. vse ti je to drek.. pogleč kaj je jesen v Zagrebu.. vsred mjeseca Studenog..ha .. pa gde toga još ima.. kak je nama Studeni.. drugim ni nit v Lipnju tak .. A da godina pe koncu se lepo vidi po tom kaj po celomu Gradu vješaju Božične ukrase.. Ilica je več okičena.. denes su nekaj po Trgaču razvlačili žnore.. i za koji dan bu se to več po kmici blesikalo.. Ha.. kak stvari stojiju.. na Badnjak bum se v kratkim klačama španciral čez Ilicu..ha .. No.. bumo ipak pričekali kaj bu rekel oni napuhani Vakula ...

Serbus ............


17:51 | zafrkancija (17) | Print | ^ |

četvrtak, 12.11.2015.

...svakaj... baš svakaj ................


Popoldan su se nekaj malo oblaki dovlekli znad našeg lepog Grada.. pa nikaj opasnog.. veli oni stari prognostičar Sijerkovič da ni treba spremat jesensku obleku i zimnjake zvlačit z naftalina.. vse do konca Studenog.. Ha..viš kaj ti je to novo doba.. nigdar neznaš gda je jesen gda zima gda proletje.. jedin se malo bolše ljeto prepoznaje.. No.. pa kaj bi se na to žalil.. ni najmajnše.. Baš mi se lepo špancirat.. brez brige hodiš.. ništ ne curi.. ti vrapca.. pa sam več skorom pozabil kak zgledi ambrela.. no..no.. nebum zdaj copral..........


Jeee.. ljepa je jesen v našem Zagrebu.. kak v Raju.. pa ni nikaj čudnovato kaj vsaki kaj se sim dotepe.. nezna se vrnut.. jenostavno ga nekakšni abrakadabra vlovi i taj mam pozabi odkud je došel .. Baš gledim ščera.. vlečeju se po moji vulici.. ženska.. v rukami drži pajnkrta v ajnpindeklu.. .. drugog vleče za sebom.. a treti malo vekši klinac se hoče potreti spodi ogromneg ruksaka.. Za njima pe nekakšni velki človek.. onak razkuštran neobrijan.. vleče v rukami ogromni kofer.. v drugi ruki taki ogromnu torbu.. na leđima mu nekakšni pinklec.. saf je zašvican.. zamusane tenisice na nogama mu se hočeju podreti kak zglediju ofucane.... Sused Cajger.. sused debeli Špengler.. sused Ja..sused Ivek.. sused Jura.. stojimo pokraj mojega plota.. još smo pod dojmovima Martinjskeg gemišta kaj smo se nafilali do vuha v brtiji pri Mađarici.. Gledimo mi te kaj plaziju.. Veli Cajger.. .. valjda su to Sirijci.. iščeju slovensku granicu.... Velim ja.. Meni zglediju kak bauštelci odnekud z Švabije..... A debeli Špengler na to opali kak z topa.. Maaa drek.. novi Bosanac se dotepel v vulicu nekomu za podctanara.... Smo se složili da bi baš to moglo bit....... I taj bu pozabil se vrnut.. ....


Evo.. lepo piše na štandu da su mandarinke z Španije.. ti vrapca.. a oni naši dole z Neretvanskeg kraja neznaju kam bi z mandarinkama.. Pitam ja tu prodavača da gde su mu naše Neretvanske mandarinke.. Ha.. lepo mi človek odpovrne.. V Neretvi... pak ja pitam...Pa kak to.. Veli on.. Eee.. stoga kaj su bili bahati.. veli da su do pred leto dni Neretvanci vse pelali v Rusiju.. a zdaj gda su Rusi zaprli vrata.. zdaj nemaju kam z tim vočem.. A ovi naši tu šverceri rajši dovlačiju z strajnskeg svjeta neg kaj bi pomogli Neretvancima.. Viš.. takšni smo mi Horvacki narod.. jen bi drugeg v žlici juhe ftopil gda se pruži zgoda ... Maaa.. kaj Horvati.. pa gde tega još ima ....


Viš na.. to ti je of čas naš najstareši Zagrebački obrtnik kaj dela domače ambrele.. Znaš.. najpoznatejši je po onim ..se reče.. Šestinskim ambrelama.. Jeeee.. nema se kaj za prigovorit.. to su prave ambrele.. ne puštaju vodu.. žbice su čvrste.. štap je kak kolac za vinograd.. moreš se komotno celi obesit na nejga.. nebu puknul nit se zvinul.. Moreš i nekoga fajn klepit po tintari.. kak da bi ga z letvom pogodil.. No.. ta kvaliteta ima i svoju cjenu.. ti vrapca.. košta kak da je na Marsu naređen.. za cjenu tog jednog moreš kupit dvajset oneh Kineskih kaj ih Cigani prodajeju po vulici... Al.. vsaki pravi Zagrepčanec bi trebal imeti takšnu domaču ambrelu.. Ja sam ju imel dugačkih deset let dok mi ju nisu fkrali... Maaa kaj.. se razme.. v brtiji....................


I tak.. dan pe koncu.. brzo bu kmica.. lepo se domeka zavuči v šlafruk.. papuče nataknut.. po treti put spregledat cajtunge.. Znaš.. kolko god put sprevrneš cajtunge..vsaki pu najdeš nekaj kaj još nisi sprečital..Pa ti i drugi dan nekaj zapne za oko.. a dokončaš vse treti dan na šekretu.. Me razmeš.. novine se čitaju v fotelji..a starine na šekretu.. koje prije dograbiš z hrpe.. Pa znova preletiš kakšni politikajnski napis.. i mam se posereš od muke ..
Svakaj... baš svakaj.... Imajte se dobro ...zutra pem naredit inšpekciju po Gradu.. Jezuškristuš.. pa kaj je z tim klobasama.. kaj buju več jemput il bum ih moral prejti iskat v Minhen .... Ha ...

Serbus ..........................


18:39 | zafrkancija (7) | Print | ^ |

srijeda, 11.11.2015.

... vsim Martinama.. kušlec ..............


Takšno lepo Martinjsko jutro več fajn dugo ne pamtim.. Obično bi v to doba bilo maglovito.. mrazovito.. al oveg puta je vreme baš potrefilo.. Umesto pokraj kamina..denes si bumo stare kosti malo na sunčeku spreluftali.. Je.. denes je Martinje.. dan gda se mošt naziva Mlado vino.. gda se za obed ima kuhanog bunceka.. narafski ..gdo si ga more priuštit.. denes se obilaziju brtije z pajdašimi.. iščeju se i Martine.. kaj bi se kakšni kušlec podjelil al dobil... Na moju velku žalost.. ja neznam nit jenu Martinu.. Imam celu regimentu lepih ženskih..al Martine nit jene.. Škoda.. .. Nije nikakšna utjeha.. al malo dalše od mene je sused Martin.. no to ni interesantno.. taj se bu več do desete vure prijepoldan tak nalijal da bu celo Martinje prespal ..
Ipak.. ja vsim Martinama želim da se denes lepo imaju ........


Nebuš mi veroval..al ja sam več za rana svoju šihtu odštrapaciral.. Još se sunčeko ni nit zdiglo znad našeg dragog Zagreba .. Al kak vse zgledi.. denes bu lampa svetlela kak znad Betlehema.. Zbavit kaj se ima.. kasnejše bi moglo postati fest naporno.. me razmeš.. više je neg ziher da bum završil v brtiji v Kustošiji pri Mađarici.. Narafski.. bumo nazdravljali svim Martinama na ovem svetu.. A pipničarka Štefica ima ziher spodi šanka skritu demižonku finog mladog domačeg vinčeka ... jeee.. takšni su to dani.. koji put mora človek bit pijanec..makar na samo jen dan ....Ha..


Takšnog plavog neba več dugo nis videl znad našeg Grada.. Jutro je malo friško.. pa je to sasvim normalno.. al kaj.. malo produljiš korake i mam se fino stopliš.. A po vulicama velka gužvancija.. peju ljudi na posel.. avto za avtom.. nema konca tom plehnatom ropotinju.. I još onda negdo veli kak smo mi siromašna država.. ha.. a pogleč samo.. v vsakem avtomobilu se pela po jen človek.. Tome se veli da imamo dobar standard.. Moj sused Ivek se vjutro takaj pela v svojem Pežou sam.. nejgova baba pol vure posle nejga lepo si sedne v svoju Škodu.. a nakon jene vure i kčerka pe na fakultet z svojim Jarisom... I tak ti je to po vsim hižama v moji vulici.. a za verovat je i po celomu gradu....... Jeee.. lepo je živeti v Zagrebu..


Evo.. sunčeko več hiče svoje tople strelice.. i of put je baš dobro hoditi po sunčani strani vulice.. Još pol vure i celi bu Grad obasjan.. milina.. takšne krasote moreš samo v našem Zagrebu videti.. pa ni čudo kaj onda z cele države hočeju sim dojti živeti.. Ti vrapca.. ima teh dotepencof več prek dosta.. a samo dalše prihajaju.. A kak vse zgledi.. i oni z turbanima i hanđarima buju naskoro po vulicama hodili.. jeee.. svakaj nam se sprema.. morti buju i deve pasle travu na Zrinjefcu.. Eeeh.. celi se svet obrnul naopačke.. Veli moja suseda Metuzalemka da je Sudnji dan spred vratih..samo kaj nije.. Al ja njoj lepo odbrusim da se ona ne treba za to brigati.. ionak bu to ona preživela ...Ha ....


Znaš.. ovo lepo vreme je produljilo lepu sliku našeg Grada.. još je po drevima ostalo nekaj žutoga listja.. trava po parkima je zelena kak da je proletje.. ptičeki vsako jutro popevaju..ha.. najde se još kakšna muha za njih.. a cvjetne se leje po celomu Gradu držiju ka da su ščera procvale.. Uuuuh.. ja sam zbavil kaj sam imel.. jedin si još nis nigde Nesicu spil.. pa nit nebum.. Se žurim nazaj domof.. moram nekaj na Blogu naškrabat.. pa onda se duhovno pripremit za Martinjsku pijaču.. evo.. več mi sused Cajger fučka z svojeg balkona.. ti vrapca.. nesmemo zakasnit v brtiju.. buju nam drugi vse bolše pozicije za šankom bezecirali.. Sused Špengler z svojih stopedeset kila več ziher maltretira svoju barsku stolicu za šankom.. ha. to je jedina stolica pri Mađarici.. znaš.. tu se samo stoji jer.. Mi smo dečki kaj pijemo stoječki... .. Živele vse Martine ...............

...Bok ..............


07:59 | zafrkancija (7) | Print | ^ |

utorak, 10.11.2015.

.. mi pe na žifce .............


Ti vrapca.. več dva dni mi nedaju živeti kak človeku.. kam god se denem.. ganjaju me oni izbori.. Otprem cajtunge.. izbori.. otprem televiziju..izbori.. otprem Internet.. vse sami izbori.. zajdem v brtiju.. nemreš čut nikaj neg..izbori.. Jebal ga vrag.. i zdaj se bu to vleklo do sveta tri kralja.. Stoga mi je najbolše zgibat nekam po Gradu.. pazit da nikog ne susretnem.. čak nit kakšnu žensku.. Ti vrapca .. te babe još bolše politiziraju neg mi mužki.. Da samo čuješ moje susede z vulice.. prek plota se dovikivaju..kak je bilo.. kaj bu bilo.. gdo bu kome metnul... i tak to ... Maaa........


Veli narod da je bablje ljeto.. Nek bu.. makar mi ni bistro zakaj baš bablje.. Praf za praf.. još od Raja je z tim babama komplikacija.. valjda je stoga i zdaj tak.. namesto mraza sunce sija.. namesto da dež curi.. leptireki još prhaju okol cvetja.. več bi trebal i oni beli prhlivec se pokazat.. al.. evo.. babe su vse sporihtale ... Morem ti kazat da je tak baš dobro.. makar i od babih .............


Čuj.. sprehajbam vsaki dan tu okol Trgača .. gledim dal su stigle one klobase.. pa ih ni.. Čudim se.. več je i Martinje na vratima.. nudi se mlado vino.. a klobasa ni.. A obečal sam jenom pajdašu da ga bum pozval i častil čim stigneju .. kaj si bu človek gruntal da sam zbrisal...ha .. A i ja bi si rad za prvu ruku jeno dve tri v trbuha nametal.. onak z senfom.. eee.. onda moremo pripovedat o gemišteku al pivici.. Hmmm.. za kuhano vino još ni vreme.......


I tak ti se brez veze španciram naokol.. da mi vreme projde.. Nekak nis baš posebno razpoložen.. Jedin se malo štrecnem ak kakšna zgodna ženska projde polak mene.. al kaj ztim.. samo projde i kaj zdaj .. Ništ.. pem ipak nekam si Nesicu spit.. pa makar slušal o izborima ...

Serbus ............


10:46 | zafrkancija (18) | Print | ^ |

nedjelja, 08.11.2015.

...a med bu tekel vulicama.........


Kaam peeeš.. kriči moja najdraža za menom čez oblok gda sam vjutro zbrisal z hiže.. Paa.. pem malo špancirat.. mumlam ja.. Maaa. znam ja.. nedelja je.. štelo bi se mojoj kaj bi joj malo noge dugše grijal v krevetlinu... al se meni neče ležati gda se zbudim.. A zbudim se rano kak tramvajac.. pa kaj bum se onda po hiži vlekel.. lepše mi je prejti van............


Al se moja nikak nemre zgasit.. ljudi još zasluženo nedeljom dugše spiju.. a ona dalše kriči.. Pa znaš da moramo iti glasovat.. denes su izbori... Znam znam.. otpovedam ja i vse gledim dal bu mi negdo hitil kakšni ašenpeher v tikvu.. Pšššš... pokazivlem ja njoj z prstom na gupcu... No kaj.. v hiži do moje se na oblok pojavi moj sused Cajger.. vurmaher.. Aha..aha.. zdaj i on splazi jezika.. si pobegel z kreveta...ha ... Maaa. daj čkomi ..odbrusim mu ja.. kak da ti nisi domof nikaj dužan ostal ... ha ...I hitro sam dalše zgibal dok se ni još gdo zbudil .....


Lepo se špancirat.. mirno je.. v nedelu navek malo kasnejše začne gužvancija po Gradu.. Negdar davno je nedeljom celi dan bilo mira.. vjutro su ljudi dugo spali skorom do podneva.. pa su onda babe prešle na misu v cirkvu.. mužki pa pokraj cirkve v brtiju.. a djeca su bežala i kričala okol cirkve.. Onda su babe prešle kuhati nedeljnog obeda.. narafski.. navek nekaj finoga.. kakšni pohani picek..al dobra pečenka.. mlince al restanog krumpira.. šalatlina.. a brez domačeg kolača ni bilo nedelju za zmislit.. Narafski.. mužki su kak i navek malo dugše držali šank v brtiji.. politika se tu navek ganjala.... klinci su dobro prešli jer su takaj v brtiji došli na svoje.. himper saft se točil v velke čaše.. a i stari trdi pereci su bili prava stvar.. Pa onda okol jene vure je bil obed.. Posle obeda se obavezno moralo odmarat.. al v fotelji cajtunge listat.. al slušat radio.. a televizija je v to vreme bila jen obični drek ...
Moj bi tatek sel v svoju fotelju.. ta je ionak navek bila bezecirana za nejga.. zel cajtunge.. vsako malo nekaj preklel.. a v gupcu je vrtel cigaretlina kojeg ni smel zažgati.. I vsako malo je gledel svoju mamicu kaj bi mu se morti smilovala i dopustila za dimi v hiži.. Pri nam v hiži je moja baka.. plemenitašica.. navek strogu disciplinu držala.. Pa je tak moj tatek moral prejti na štenge ..al dole v haustor rajfat ak je baš moral .. Mamica se je posle obeda zavlekla v šlafcimer .. narafski spred špiglina i mazala po licu vse moguče z čim se je moglo nalarfati.. jeee.. ona se spremala na rendes z svojim kolegicama.. Pa je moja baka onak prek zubi znala komentirat.. Ahaha.. a te nejzine kolegice jajca med nogami nosiju.. Pa smo več vsi znali da ona pe svojeg poctanara kontrolirat.. v garsonjeru koju je iznajmlivala študentu.. tam na Gornjem Gradu... Al se o tomu šutelo.. tateku se fučkalo.. važno da je on mira imel ...ha ..
A ja bi se zavlekel v svoju sobu.. del kakšnu longplejku na gramofon i žifčano čekal gda bu gdo od mojih fakinof zafučkal spodi prozora.. Koji put bi kmeni došla moja pucka.. narafski.. navek je krevetlin nadrapal.. i onda bi ja na vrata navlekel šrajptiš tak da moja baka nemre zajti nutra i pitat dal hočemo kolača.. Ak baš ništ ni bilo splanirano.. se znalo.. popoldan pem v kino.. a posle se bu več i banda skupila na klupi spodi trete platane od paviljona na Zrinjefcu ...Ha .. A nafčer.. se razme.. v Tucman al na kakšnu drugu čagu v Gradu.. malo tancat.. više loviti curičke.. i po mogučnosti završi na kmični klupi gor na Griču ....
Kaj ti ja znam.. denes se nedelja slabo razlikuje od ostalih dni.. štacuni su otprti.. ljudi delaju.. Grad je pun ljudi.. vulice pune avtomobilof.. trajvani pelaju kak stekli.. .. vse skup.. nikaj posebnog ....


Od jutra je gore visoko nekakšna maglica.. to znači da bu lepo i sunčano vreme .. Ipak pomalo popuhuje oni sjevernjak z Medvednice pa zgledi gorše neg zapraf je.. kafiči se puniju.. ljudi se malo stiskaju..al ljepa je ova jesen.. Rad si sednem v kafič.. malo zdigneš kraglina.. guštam si Nesicu od vanilije.. a ak je kakšni pajdaš pri ruki.. ni na odmet i nekaj ljutoga zlijat čez požirak.. to ti fino zagrije želudac i čreva....kaj ne .....


I prijepoldan ti prejde tak hitro .. vrabec ga dal.. pa nis nit čul gda je top z Griča puknul.. Sedel sam dve i pol vure po kafičima.. hmmm.. zdaj več moja najdraža doma vrti z očima i slaže si prodiku kaj bum je ja moral odslušat.. ha .. Znaš ono.. Pa kolko put ja moram juhicu podgrijavat dok se ti.. gospon grof.. udostojiš dojti.. No.. no.. tu sam.. ni svet propal zbog juhice.. pravdam se ja ......
I tak.. popoldan ja i moja najdraža lepo z rukom spod ruke pemo na izbore.. glasati se mora .. građanska dužnost.. A za tu priliku se mora v mojem firtlu prejti jen celi kilometar i to v breg.. na brdo.. v planinu.. razmeš.. I moreš si zgruntat kak je zdaj meni vleči mojih sto kila i još nedeljni obed povrh toga gor na breg.. Maaa.. štel sam ja sesti v avto i lepo se par minut prepelat..al veli moja da se ona hoče špancirat.. Ti vrapca .. pa ja sam celo prijepoldan španciral.. zdaj bi bilo pošteno malo počinut..
...................................I evo nas v špilšuhu Petar Pan na vrhu brega.. tu se zaokruživaju naši politikancki ljubimci.. Narafski.. ja sam podučil svoju najdražu i vse ukučane koga se mora zaokružit.. da nebi bilo velke zabune pa se namesto črnog zaokruži..vrag ga zel..kakšni črleni ... Morem ti kazat da je bilo fajn ljudi v redu.. A soba v kojoj se ta špelancija odigrava je fajn vuska i vsega tri četiri.. človeka najemput moreju zaokruživat.. A of put su mi v ruke porinuli celu papirnatu plahtu.. velku kak Večernjak.. I dok sam ja podučaval svoju najdražu gde treba zaokružit ..zvana se čuje nekakšna galama.. Prvo se čulo brektanje i tandrkanje prastarog Fordovog kombija .. kak da je ruski tenk spred vratih stal.. pa nakon toga se čuje kak človek nekaj fest galami i ono.. pas mater.. bog rit.. vsi sveci.. Mam sam prepoznal i avto i človeka dog ga još nit videl nisam.. Došel je na glasanje moj sused debeli Špengler zkup z još debšom svojom Maricom..i dovlekel i dve kčerke ništ manjše debele.. Bog mater..veli on njima na saf glas.. lepo sam vam rekel kaj morate delat.. ste zapamtile kaj morate zaokružit.. One složno klimaju z tikvama.. mora se tateka slušat.. I zajde Špengler nutra.. pozdravi vse na saf glas.. Hvaljen Isus.. Glediju ga ljudi.. gdo ga ne pozna taj se čudi.. A kaj galamiš.. pitam ga ja.. A on veli.. Jebal mu vrag mater.. jedva sam se dopelal na breg z kombijem.. Pa kak to.. pitam ja.. A on spet.. Po celoj vulici je več začelo curit med i mleko..a još izbori nisu ni završili... kak bu tek zutra gda buju mesto deža Euri cureli z neba.. Narafski.. začeli su se ljudi smijat.. Špengler je uredno mesto svoje familje zaokružil te liste.. zgužval ih kak kuhinjsku krpu i ztrpal v onu škatulu.. Lepo se obrnul spram oneh kaj im veliju ..izborna komisija.. stal mirno.. zdignul ruku i zakričal.. Za domof spremni... Narfski.. vsi su šuteli jedin sam ja glasno nadodal.. Pemo skup domof.. Hajl litra ... Narafski.. završili smo na gemištu pri susedu Cajgeru ...

Serbus ..............................


12:50 | zafrkancija (12) | Print | ^ |

petak, 06.11.2015.

Nemreš verovat ...............


Kaj nemreš verovat... ha .. pa to kak se vura hitro obrče.. letiju cajti.. letiju dani.. vse leti .. v vražju mater i gdo je zmislil vure.. kalendare.. a oni kaj je zmislil vreme.. eee vsaka mu čast.. taj je bil bedak .. pa makar i imel bradu ... Praf za praf.. cele dane je človek z nečim okupiran.. pa kaj ti preostane neg po kmici se vleči naokol ...


S druge strane.. morti je i bolše oveh dni po kmici se špancirat.. Dok lampa na nebu svetli po celomu Gradu te snubiju nekakšni.. guraju ti papire vruku.. pitaju dal hočeš dati glasa ovome..pa onome.. Vsi kričiju kak su najbolši.. a narodu bu bilo kak nigdar još ni.. med i mleko buju tekli po vulicama.. a penezi buju rasli na platanama umesto listja ...
Tak ti mene na Trgaču jen zabremza.. gurne mi vruku cedulu.. nekakšni apšisani je na sliki.. pa me pita dal bum ja baš za nejgovu pajdašiju dal glasa.. Kak ne.. velim ja.. baš sam si gruntal da bi vama trebal glasa dati.. Bravo.. tapša mene bilmez po ramenu.. tak treba.. No.. no.. velim ja nejmu.. ni to samo tak.. da se sprazumemo.. Ja bu vama dal glasa.. morete i lukati kaj bum zaokružil..ali.. vi bute meni prije dali četiri nove zimske gume za mojeg avtomobila.. Ha.. bilmez se brez rječi obrnul i prešel snubit nekakšnu žensku..........


I tak sim pa tam.. španciram pomalo.. onak na tri koraka pa zastanem.. Neka je lepa večer.. ni preveč mrzlo.. ljudi se sprešetavleju.. v kafičima baš i ni velka gužvancija.. i ja se nekak najdem baš spred knjižnice i čitaonice.. Narafski.. ta je meni fajn poznata.. doduše z davnih dni gda sam tu dolazil po lektiru još kak osmoškolec.. Jeee.. kak srednjoškolec sam največ pa lektiru prepisival od svojih kolegic z razreda.. pa več nis preveč sim zalazil.. No.. tu se meni nutra navek dopadalo.. došli bi mi fakinčeki nutra.. a za osmoškolce je bilo na prvem katu.. i onda smo kakti iskali libre.. pregledavali.. a zapraf smo delali norije.. Z jene stalaže bi libre premeštali na druge..a to baš one kaj su bile za lektiru.. Dobro se spominam gda je bil za lektiru Žil Vern.. ona debela libra.. Djeca kapetana Granta.. ti vrapca.. pa još ktomu na čirilici.. I kaj.. bilo je nekolko istih libri kak to i je v knjižnici.. a mi smo ih lepo spremestili na druge stalaže na sasvim drugem kraju knjižnice.. I onda smo došli teti knjižničarki i zamolili da nam da knjigu Djeca kapetana Granta.. Ona se zdigla.. došla do stalaže.. malo sprešnjofala i rekla... Nema.. posuđeno je .. Jako dobro.. Narafski.. gdo je došel drugi iskat istu libru.. taki ju ni dobil.. I lepo smo mi na satu horvackog vsi tvrdili da v knjižnici nema libre za posudit i da stoga nismo nit pročitali lektiru.. I tak je to išlo skorom do konca osmoljetke.. nigdar ni bilo najti libru koju imaš za lektiru ... Pa se to pročulo med đakima po Gradu pa su isto začeli delati po drugim knjižnicama.. No.. negdo se zlajal i vse se otkrilo nakon puna četiri leta ...Ha ....


I dok sam ja čez izlog gledel nutra v knjižnicu.. na vratima stojiju dva muška.. jenom strči čačkalica z gupca i veli ovem drugom.. Daj dojdi.. ima nutra vsega za pojesti i za spiti a ima i dobrih ženski.. Hmmm.. gruntam si ja.. v knjižnici se jede i pije.. tak je dobro da se i čačkat zubi moraju.. Ha.. pem i ja nutra.. no.. pa ja pem gledeti te dobre ženske .. I tak.. došel sam do pultof na kojima ima vsega na tajnurekima.. nekak mi se baš dopala orehnjača kaj sam ju spazil.. I taman sam štel posednut z rukom..gda nekakšna ženska začne z mikrofonom najavlivat kaj se bu zdaj zbivalo.. Ništ.. bum si ja sel dok još ima mjesta jer vse je puno ljudi kak da se bu orehnjača djelila do jutra.. I kaj da ti velim.. za stolom sediju tri gracije.. onak.. feš ženske.. bi čak človek i teško izabral.. I začneju.. jena za drugom recitirat stihe.. vse nekakšna proza i poezija.. Paše to človeku slušat.. A ja sam z jenim okom gledel na pult z kolačima.. ha.. oni falaček orehnjače je nestal.. a človek na stolcu pokraj mene se oblizival.. Eeeeh.. nema druge neg se lepo zavalit v stolec i posluhnut.. Je..je.. nebuš mi veroval.. celu vuru sam ja slušal poeziju.. tak mi je to bilo lepo da sam samo žmirel i čekal sledeču poemu.. istini za volju.. sedel sam v tretom redu.. baš je nekakšni mamlaz ispred mene fort zaklanjal pogled na te tri ženske.. pa sam se ja zpusti malo niže i probal se naluknut spodi stola..i kaj.. lepo se vidlo.. al su ženske imele hlače.. ha ..
Vse mi je bilo žal kaj je završilo.. Čuj.. sediš nutra zabadaf.. toplo je .. vse lepe ženske okol tebe.. A na koncu je i došlo nekaj konkretno za napiknut i strpat v gubec..... I kaj se desilo.. taman sam štel pak zgrabit jen pikantni zalogaj.. gda se na mene hiti človek... Bok..kak si.. kaj tu delaš.. Eeee.. baš mi se zdaj stvoril moj davnašnji poznanik.. vrabec ga dal.. pa sam znjim klepetal o bedarijama.. a vse fine stvari z tanjurof su nestale.. Ha.. lepo sam mahnul ženskama i prešel ..............


I nakon te avanture..a sam doznal da je to bila .. se reče.. Promocija.. tri pjeskik..Ne.. tri pjenisk..Ne.. tri.. nooo.. pjesnikinje.. sam se sebi divim kak se ja v kulturnom svjetu vrtim.. Aa.. je..je.. dopale su mi se vse tri.. a jena mi tak poznata zgledela.. čekaj.. bum se ja več dosjetilll..Hmmmm....

Serbus .......................


08:16 | zafrkancija (13) | Print | ^ |

ponedjeljak, 02.11.2015.

...a denes je stisnul mraz ..............


Gledim v rano jutro čez oblok.. vrabec ga dal.. vani je vse smznuto.. i avtomobili.. i susedof krof.. i po travi.. bogmeš se mrazek po prvi put ove jeseni pojavil.. Sused Špengler spomina vse svece i vse kaj mu opadne na pamet.. ha .. zmrznuta mu je šajba na kombiju.. a on ju nema z čim postrugat.. Jeee.. ni se človek pripremil za zimu.. Ja imam v avtu onu strugalicu.. al bi me vrag zdaj odnesel z tople sobe kaj bi ju posudil susedu.. nek se snajde...Ha .. Kriči on rano vjutro.. Maaaaarica... to svoju babu zove.. A ova sva pospana polukne na vrata.. Kaj hočeš... .. Kriči on njoj.. Donesi malo tople vode da šajbu polijem... Haha.. odbrusi mu nejgova Marica.. popišaj se po šajbi... I zalupi vrata.. Tekar zdaj je začel Špengler kleti.. pa je malo hukal po šajbi da si naredi rupu čez koju bu malo videl....
....................... A v Gradu je nekak od jutra vlažno.. kakti nekakšna maglica odzgor.. pa pomalo popuhuje sjevernjak.. Tu ni mraz opal.. tu je med hižama toplije neg tam v mojoj provinciji.. Svejeno.. baš paše zdignuta kragla i kapa nabita do nosa... ruke v žep.. pa... pemo dalše .............


Kakšni sam ja bedak.. ja kak da živim pred dvajset let.. Dojdem več po sedmoj vuri v Grad.. narafski ..imam si nekaj za zbavit pom štacunima.. al drek.. štacuni se odpireju od osme vure.. a ja na to navek pozabim.. Jeee.. sva je sreča kaj kafiči delaju.. jer kaj bi se jednu vuru španciral naoklol.. I nema druge neg naručit Nesicu od vanilije i malo sedeti pokraj izloga....


Baš si gruntam.. evo Sisveti su prešli.. veliju da je denes Dušni dan..pa si gruntam.. ak je dušni dan.. onda bi trebalo i nekaj za dušu naredit.. Hmmm.. I tak.. maznul sam si dve travarice.. brez kockic leda.. Vidim da me konobar grdo gledi kaj ja to pijem brez leda..ha.. tak me nemre prevarit i manjše nalijat.. zapraf.. more.. denes ti tu pijaču natačeju v čašu kak onu za zube prat.. Ti vrapca.. nigdar nemreš znat dal je fulal za jen..al za dva milimetra.. A v one negdarnje štamprle se znalo.. mora bit do crte.. I tak.. ja sam denes dušu spasil.. pričestil se.. triftalj vure sedel v brtiji.. vse mi je težko zdaj prejti dalše...........


Baš gledim te stare lipe na Savski vulici.. kak se dobro držiju.. Skorom posvud po Gradu je listje opalo z dreva.. tu i tam nekaj malo još po platanama.. al lipe kak da čekaju oneg belog prhlifca da opadne.. No pa vse je moguče.. nebi bilo prvi put .. Vrabec ga dal.. več sam tri štacuna obišel i nis našel to kaj iščem.. na koncu bum ipak moral sesti v avto i otpelati se v one ogromne magazine na periferiji.. Znaš.. a tak mi se neče za volan sesti.. Mi je i preveč bilo zajdnih par dni.. sam se okol groblja pela i napelaval i familju i susede.. Pa prvo v Gornje Vrapče na groblje.. tam dojdeš..pa se nemaš od jutra do mraka kam sparkirat.. Pa istovarim babe a ja sedim v avtu na cesti i lovim kakšno mesto.. Pa dojde na red i Moroševec.. doduše tam sam našel mesto za parkirat..al dva kilometra dalše od groblja.. Eee.. zdaj moram i ja iti jer babe nemreju vse te bukete.. veliju..aranžmane.. i hrpu lampaša same nositi.. Narfski posvud trebaju magarca.. I tak.. zbaviš to.. a onda drugi dan moji punuci pehne z riti v tikvu.. vrabec ga dal.. moram zdaj v Zagorje na groblje pri Sveti Barbari,.. pa pri Sveti Jeleni.. pa pri svetom.. aaah.. vragu.. Po bregima gor i dol ... I onda .. treti dan.. moja suseda Metuzalemka.. ima ravno devedesetdevet let.. tak i zgledi kak da joj je Tutankamon brat.. I lepo ti ta pozvoni mojoj punici.. i pazi vraga.. pita ju dal bi ja mogel i štel nju otpelati na groblje Na Markovo Polje.. A to ti je v pizdjakovini tam negde pokraj Zagreba .. I veli njoj moja punica.. jebal ju gdo ju ni.. da to ja svakak bum naredil... Lepo ti ona meni skuha kašu.. I kaj zdaj.. strpam babu i nejzine krizanteme v auto .. pa za Markovo Polje.. Veli meni stara da nek ja nju samo dopelam do groblja.. i onda morem nazaj domof.. Pitam ja nju.. kaj bute vi suseda ostali na groblju.. Je..je.. veli ona.. samo se vi vrnite domof.. Je brus ostala.. se vrnula z taksijem domof.. I da spasim dalšu situaciju.. lepo sam ti ja svojeg avtomobila sparkiral tri vulice dalše od moje hiže.. zaprl se domof.. i nema me .... razmeš ................


Maglica se razišla.. sunčeko je začelo se nalukavat.. pa je i manjše hladno.. posle nis zbavil.. al se je lepo malo prešpancirat nakon par dni.. po mojem Zagrebu.. Viš.. poslednje jesenske rojžice još držiju svoje lepe glavice.. Ti vrapca.. kak da su tri dni prešli od gda sam tu na proletje bil.. na.. a več je debela jesen .. Jezušek.. kak to vreme beži.. Pe godina koncu.. pak smo nekaj stareši.. maaa.. najraši bi zdaj zaspal i na proletje se zbudil.. kak medved..

Serbus ..................


10:14 | zafrkancija (14) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.