četvrtak, 20.08.2015.

... pe koncu... pe ............


Pe dan svomu koncu.. a ja sam ti nekak.. se reče.. kak potuleni pes.. Aaaa.. tak mi to dojde.. Bi ga vrag znal..


Kmica se vse hitrejše zpušta.. dan je krači.. ide ljeto kraju .... reklame osvetlavaju vulice.. eeeh.. fale mi one stare neonske .. kaj su v vsim farbama sijale ...


Sunčeko znad Kustošije još bu jemput hitilo pogleda na Grad.. na ofucane oblake kaj se kak prebijeni mački vlečeju znad Zagreba ....


I najemput su oblaki črni kak črne vrane z Medvedgrada.. a ljudi več bežiju.. bu se nekaj zlijalo z neba ....


Dež curi.. a ja sam nosa ztisnul na steklo v trajvanu.. gledim.. je.. je.. ide ljeto kraju.. listje je več fajn požutelo.. I bu jesen stigla prije neg si ju poželiš.. Aaaa.. tak je to.. zemla se vrti.. novo nanovo ....

Serbus ......................


11:28 | zafrkancija (19) | Print | ^ |

utorak, 18.08.2015.

.... intermeco ..........................



11:31 | zafrkancija (10) | Print | ^ |

nedjelja, 16.08.2015.

..... zagrebačke piknjice ....................



Bok .....................


07:56 | zafrkancija (18) | Print | ^ |

subota, 15.08.2015.

.... štikleci z velegrada .................



... čujte gospon..a zakaj denes fuflate .....
... maaa.. jučel mi je gladonačelnik lekel da molam celi Tlgač polizati .....


09:07 | zafrkancija (0) | Print | ^ |

petak, 14.08.2015.

... zakaj imam rad Zagreb .....Ha ....







Aaaa..kaj da vam velim .... Ha ................


12:07 | zafrkancija (8) | Print | ^ |

četvrtak, 13.08.2015.

... vruče špancirancije ............


Za denes su prognostičari kazali da bu začel oni toplotni udar.. jebal ga vrag.. bi ja štel videt tega kaj bu mene vudril.. Al za vsaki slučaj.. pak se ja kak kmet na njivu.. zaputim v Grad... Mirno.. tišina.. još moj Zagreb spi ....


Ak se pelaš v avtomobilu..al morti drndaš v trajvanu.. pa i ak hitro bežiš.. ziher nebuš videl vse ono kaj se more videt gda sasvim polahko španciraš ... Ja navek velim mojim Zagrepčancima.. ljudi.. zdignite tikve.. ne samo gledeti v trotoar.. peneze nebuš na cesti našel..al buš propustil videti kak Zagreb zapraf zgledi z vsih strana ... Pogleč.. još ima dobrih stanovnikof kaj svoje obloke i balkone kitiju z rojžicama.. Istini za volju.. negdar je tega bilo skorom po vsakom obloku.. no.. denes se valjda nema cajta z tim zabavlat.. Al.. lepo je videti....


Polahko Zagrepčanci zvireju na vulicu.. vredni peju delat.. pospanci još spiju..a norci se sprešatavaju .. Hmmm.. Znaš.. ja sam se odnavek rano vjutro dizal z krevetlina.. još kak školarec sam znal bit na vulici i celu vuru prije škole.. Mi je moj tatek znal kazat...Aaaa.. ziher ima kakšnu fificu.. tak..tak.. sinek.. najbolše je to delat vjutro.. tak se onda celi dan osječaš lepo ... Jee..pa ima nekaj v tome.. treba probat gdo ni .. Hmmm... ni baš navek tak ........


Začeli su i kafiče otpirat.. konobari luftaju.. slažeju stolce.. mečeju tištuhe.. prafzapraf.. malo buš gde našel tištuha na stolu.. vse je to denes brez štiha.. kakšni tištuh ..kaj god.. Si sedneš za stol..a na nejmu su još od ščera masne packe od prijašnjeg gosta.. Pa lepo zvadim oneg mokreg rupčeka..pa si sam obrišem stol.. A na to zleti van konobar z hartavim perilekom i pita.. kaj je zmazano.. jebal ga vrag.. negda je i v običnom pajzlinu kelner glancal z krpom stol za koji si sel.. No... Nesica od vanilije je ipak dobra....


Bogmeš se sunčeko hitro zdiglo znad mojeg Trgača.. al pak sam ja preveč polahko španciral pa je vreme prešlo.. Razmeš.. gda se obazireš posvud naokol .. nit ne primetiš kak cajti bežiju.. Ti vrapca.. kak je tam znad one Plivine reklame zažgala ta lampa.. kak vse zgledi.. denes nebu šale z neba.. Zagrepčanci hitaju na Dolac..al več i bežiju nazaj.. ni se z vragom zabavlat.. a of je denes praf zakuril...


Evo.. osma vura je prešla.. a ja se več dve vure španciram.. treba iskati sencu po vulici.. I tak bum ja za denes skončal tu špelanciju i lepo prešel na Zrinjevac kod svoje kčerkice.. Je da nje ni.. al navek se najde nekaj v frižideru mrzloga.. Narafski.. vse to tatek nadoknadi.. Lepo bum se smestil v fotelju.. zagrlil Ožujsku z citronom i gledel dol v moj lepi park ..

Da ste mi gezund ................


16:30 | zafrkancija (0) | Print | ^ |

srijeda, 12.08.2015.

Špancirancije


Viš.. v rano jutreko su tam od istoka doplahutali nekakšni srameči oblački.. pa nikak ni za verovat da bu se s teh i nekaj scedilo.. Kak stvari stojiju.. još bumo se navžili teg pakla z neba.. pa se tak človek pita da gde je onda Raj..ak je pakal na nebu.. Jeee.. raj je pri meni domof.. razmeš.. lepo sam si zmontiral novi ..se reče.. klima uređaj.. oni MIcubiši.. dela taj .. ti vrapca..kak da sam vsred Laponije.. No.. pa ni važno.. Ipak je lepo po Gradu hoditi.. obilazit te stare vulice.. stare hiže.. stari ja...ha..


Kaj ti velim.. tam z zapadne strane se vedrina pokazuje.. pak bu denes pasja vručina.. makar je zdaj vjutro baš onak kak človeku najbolš paše.. al za jenu vuru bumo zevali kak gušteri na suncu.. Stoga treba skoristit tu situaciju i malo se sprejti naokol.. razmeš.. razgibat stare kosti.. veliju da je dobro zbog cirkulacije.. No.. pri meni cirkulacija dobro dela.. pa i preveč dobro.. Spiješ dve Ožujske z citronom.. dakle tu je cirkulacija začela.. lepo te hladi ta mrzlina skroz dol čez požirak.. pa za kratko to postane samo mlačna bara v trbuhu.. I onda hoče van.. Vrabec ga dal.. trebalo bi ipak malo dugše trajat....


I tak ti se ja držim sence.. gledim.. je da je malo ranejše vjutro..al nema ljudi po vulicah.. Odnavek je vsred ljeta naš Zagreb bil prazni.. razideju se ljudi .. neki prejdeju na godišnji odmor tam pokraj one slane bare.. viš.. to meni nigdar ni zašlo v tikvu.. kak moreju vživat na tem suncu.. zgoreti kak svinjska pečenka .. pa se ktomu i namakat v ti slani vodi.. Nemreš verovat da ljudi baš hočeju zgledeti kak posoljeni crnci ...ha .. No.. onda v ovo vreme nema đakof po vulicah.. škole ne delaju.. ferje je.. to je za razmet.. jedin faliju te naše lepe curičke kaj ih je milina za videt.. I raznorazni dotepenci su nekam prešli.. največ pak v svoju staru domaju koju su napustili.. TI vrapca.. da barem hočeju ostati tam .. al.. malo je vajde za tak nekaj.. Jedin ne razmem te naše zagrebačke penzijonorce.. ti majnše.. vekše.. nikam nejdeju.. domof spiju do desete vure..pa onda zideju van na paklensku vručinu..i samo jamraju.. te tražiju mesto za sesti si v trajvanu.. pa hočeju prek reda na poštanskom šalteru.. pa se vlečeju po štengama na Dolcu kak krepani mački.. Maaa. zdigni se vjutro kak kmet i po senci si vse zbavi.. viš kak ja ...


Znaš.. negda v dobra stara vremena.. dok ja još nis bil ovak trutljaf kak sam denes.. ja sam fest rad španciral po mojem Zagrebu.. pa mi je i ostala ta navada celo živlenje.. Al sam se ja največ rad po kmici sprešetaval.. tam negde okol polnočke je v Gradu najlepše.. nema ljudi.. nema avtomobilof.. tu i tam kakšni trajvan prodrnda.. a ona neonska svetla z reklama su tak čarobno obasjavala vulice.. Eeee.. moreš se samo spominat na lepe cajte.. Denes ti je vse to sasvim drugač.. Al se človek navadi i na te današnje norije.. i dalše je moj Zagreb najlepši grad na svetu..


Štacuni se pomalo otpireju.. ljudi su začeli plahutat naokol.. tam od Kvaternjaka se i sunce začelo pretit Gradu.. Još koji časek i moral bum birat stranu vulice v senci.. baš gledim.. od negda poznate kavane Evropa.. ostal je nakon tolkih leta samo ofucani nadpis na fasadi.. Prafzapraf.. te kavane več ni bilo nit gda sam ja začel plahutat po mojem Zagrebu.. su se tu mebli prodavali.. Al mi je navek žal za tem starim kavanama.. pa skoro več nit jedne ni kaj su negda bile.. pa..zakaj je to tak.. Otpireju se novi kafiči.. brtije.. pa i nekakšne ..kakti..kavane.. na sasvim drugim mestima po Gradu.. A zakaj ne i tu gde im je mesto od davnine ... Bi ga vrag znal...


Aaa.. ništ.. bežim polahko spram domeka.. z noge na nogu.. denes ziher nebum nikoga poznatog srel.. takšni se još držiju svojim babama pozadi riti v krevetlinu.. Nekak mi se čudno bleščiju vulice.. more bit da je spet naš gradonačelnik.. oni dotepenec z bregof.. znočka vulice z šlaufom pral.. Ha.. kakšni je to bedak.. a morti uvježbava ono.. rad za obče dobro.. gda ga spet na odmor pošaljeju.. Ha .. ..

Imajte se dobro ..................


07:42 | zafrkancija (19) | Print | ^ |

petak, 07.08.2015.

kratki intermeco ..........


11:04 | zafrkancija (15) | Print | ^ |

četvrtak, 06.08.2015.

.... ti vrapca..kak žge .....................


I cucki z jezikom asfalta stružeju .....................


Pogleč.. i trajvan je od sunca počrnil.. ziher bu tam dol v Savu skočil ............


Cveteki jedva glave držiju.. a nit moja ne stoji bogznakak .....


Gdo zna dal je i vurama vruče ..................


Preporučlivo je samo po senci hoditi .......


A još je bolše zafrnut v kakšnu kmičnu luknju.. v debelu hladovinu.. narafski..i barem dve Ožujske z citronom..
A Pinta je baš pravo mesto.. nejdem van vse dok negdo ne zgasne onu lampu na nebu .....

Serbus ...............


18:21 | zafrkancija (9) | Print | ^ |

utorak, 04.08.2015.

O L U J A




08:44 | zafrkancija (9) | Print | ^ |

ponedjeljak, 03.08.2015.

..raport z velegrada ..........


Praf v devet vur se sunčeko začelo rivat čez tanke oblake.. I mam je zahajcalo ..zapraf.. velka je sparina.. denes bumo na škrge dihali kak morski cucki ...


A na Trgaču se produciraju Horvacki vojaki.i na njih dobro paziju naše lepe vojakinje.. Maaa.. daj pogleč.. kak ih nebi rad imel.. Forca Croatia.. Smert dušmanim ..............


Narafski.. Nesicu od vanilije si bum spil pri Ameliji v Stari Vlaški.. Tu v šturcu je nekak dost mirno..pa si malo prelistam i cajtunge.. da vidimo kaj su spametni pak spametovali .........


Malo spehajbam čez Kaptol i gledim one žutake z očima všrek.. ima ih kak skakafcof v Bibliji.. Al..kaj.. ženskice mi se ipak dopadaju.. nebi imel nikaj protif barem jene ...ha ...


Kak je i rekel naš gradonačelnik.. oni dotepenec z bregof.. Dolac se mora malo ponovit.. obnovit.. asfaltirat da v podrum nebu voda curela gda se kakšni cucak posce pri kandelaberu... TI vrapca kak of praši ..


I dok se Dolac sprerihtava..plac je pak dole na Trgaču.. zapraf..zdaj je to spet Harmica kak pred sto let kaj je bila.. Lepo su posložili te štande pa kumeki i kumice imaju gde svoju robu prodavat ...


A ja polahko pem čez Ilicu.. malo gledim izloge..malo lepe nogice.... Topli veter je odnekud zapuhal.. a oblaki.. buju nebuju.. je rekel oni ošišani Brzoja na Novi televiziji da bu morti popoldan i nekaj pljuskalo z neba ..

.... Serbus ..................


12:09 | zafrkancija (12) | Print | ^ |

nedjelja, 02.08.2015.


Halooo... je..je.. stalo je .. nema više .................


10:30 | zafrkancija (16) | Print | ^ |

Creative Commons License
Ovaj blog je ustupljen pod Creative Commons licencom Imenovanje-Nekomercijalno-Bez prerada.