Bu..al nebu ….ha …..
srijeda, 04.02.2015.
Znaš kaj…več mi na žifce pe ovo vreme.. Pogledim vjutro čez oblok.. tak da se znam obleč kak se spada .. A vani oni beli prha kak da ga je negdo pozval … Ništ.. velim ja.. kaj bu nek bu.. pema ja van.. I dok sam si ja navlekel gojzerice.. pronašel kožnatu šiltericu.. čak sam rukavice kožnate zvlekel z kištre ..narafski i zabral jenu malo bolšu ambrelu.. zišel sam van na dvorišče… jebal ga vrag.. oni prhlivec je prestal … Gledim ja v nebo.. bu kaj ..al nebu.. Ipak se ja vrnem v hižu.. zamenim gojzerice za obične cipeliše.. ostavim šiltericu i rukavice.. Aaaah.. mam se laganejše osečam… Dakle.. na pol puta do trajvana je zdržalo ..a onda se spustil dež kak v Kambođi.. Sva sreča kaj sam ipak ambrelu zadržal of put.. I do trajvana su mi hoze bile mokrte do kolena.. Ništ ne smeta.. gdo te gledi po takšnem vremenu.. Dopelam se kak navek.. do Frankopanske.. a tam kak vse zgledi.. nit oblakof ni.. kakti da bu se i sunčeko pokazalo tam od Kazališča.. Kaj da ti velim.. do Trgača se to vreme tri put zmenilo.. Mam tam pri Varjeteju je dež začel.. pri Gunduličevi je beli zaprhal.. a na Trgaču je veter tak šibal da je i onem smetlaru kolica odpuhal pa je of klel na saf glas kaj je moral za njima bežati.. Velim ti.. skroz na skroz noro vreme…..
Ni mi nekakšni velki gušt špancirat po takšnem vremenu.. Prešel sam v Fulir na Nesicu od vanilije.. pa sam malo pripovedal z kelnericom.. baš je bilo skroz prazno..pa je ova jedva dočekala da ima z kim pripovedat.. A znaš kak to pe gda ženska začne.. onda ti slobodno moreš dremat dok ona završi.. Pa i skor bi zaspal da ni naišel moj dobri pajdaš Dragec.. Eeee.. zna on gde bu mene našel.. Znaš.. to je oni kaj bedina cucka i babu od našeg gradonačelnika.. oneg dotepenca z bregof.. pa smo tak malo tračali nejgoveg gazdu i gazdaricu .. na cucka smo pozabili… Me pita Dragec dal sam se včlanil v klub gradonačelnika… Maa.. kak ne.. mam prvi dan.. uveravam ja pajdaša..a on saf zadovoljan mam plati celi ceh.. veli da bu sporučil moje pozdrave tem dotepencu .. Samo ti daj.. velim ja.. nemre to škodit.. I tak je vreme prešlo.. nejga je pozvala gazdarica.. a ja nis znal kaj bi zdaj delal.. Praf za praf.. nit mi se kaj hoče delat.. baš mi se fučka.. Oni očerupani prognostičar na Novi televiziji je rekel rano vjutro da je naša Horvacka sva v črlenom.. Maaa.. laže.. jebal ga vrag.. kaj bi bila cela črlena.. No.. se to dotikavle velke opasnosti od teg belog za kojeg trdi oni pošklobani Brzoja da ga bu pol metra napadalo do zutra vjutro.. Hmmm.. ni mu baš za verovat.. al.. bežim ja ipak domof.. na zapad …… Ak zbilam naš lepi Grad Zagreb bu zatrpan z tim prhlifcem.. ziher bum ja to na kipeca del.. pa se potem vidimo… Pem si domof lopatu namazat z vuljem.. bolše snjeg sklizne znje…
Serbus ……………….
ZAFRKANCIJA * * #
