dušica - photo by Mendula
Pred već
od jezero let
otela san ti reć
kuliko te volin.
Nisan dospela
vavek san
posla imela i brig
već leh vrimena.
Sadila san trsi
nosila brenti i sini
puni bocuni i kćeri
na pleći od jutra do večeri.
Kamenje za šternu san slagala
va tarvezu zemlju
z dna na vrh lehi
su zimu brankanala.
Ljubav
to su bili trsi puni grozja
seno na suhvitu
krumpir va konobe
metrić robe na dečjemu hrbatu.
Ljubav
to su bili janjčići pod ovcun
daž va pravo vrime
leto prez vele vrućine
zima prez vele mrzline.
Na kraju mojeh seh dan
čeka me jedna vela noć
valjad bez dela
morda ću tada dospet ti povedat
kuliko san te rad imela.
Napisala Dr. Branka Vidas - moja draga baka.
photo by Vedjak
Jesensko cvijeće u Pušći ispred prozora moje bake.
Draga moja Maka, počivala nam u miru božjem!
Ljubav - Branka Vidas (12.9.1926. - 28.12.2008.)
28
prosinac
2008
