moonmother

Nona Romana

Moja nona nikad u Maroku ni bila
ni nanke hašiš fumala
ma je steši fasadu našu
piturala u propjo blavu.

Je rekla: samo se je tako zid opra
a vi kako ćete kolorajte sad.

San rekla: nona, kad ćeš bit nona
da počivaš i uživaš.
Kako da se umrit prontivaš
sve jopet počinješ i finjivaš.

Dica, niman ja lazno umrit.
Kad ča delan laglje spin.

A ja ću od Dida Mraza poželit
noni našoj samo jedan dan dosadni
ne da joj je onda na miru umrit
nego da frma svima Sve bit.

Mi smo pročelje u sivo piturali
aš reču tako mora bit.
Noni je život bija težak i siv
a još ima lazno svih nas veselit
i lipše boje kolorivat svit.