gustirna

DVA BRACANINA

U kvartu di živin, di god kreneš, naletiš na penzionere.
Tako san nikidan bila u spizu i na izlasku iz dućana, trefin mog susida penzionera, Bracanina.
I tako, gremo nas dvoje uz laganu čakulicu, svaki sa svojon žuton keson, lagano do našega portuna.
A šta će čovik? Došla zima i više ni pametno stat na otoku. Puno triba potrošit na grijanje. Otočke kuće je
sila teško zagrijat. Ostari je za poć nabrat drva u šumu, a za struju platit triba vrića pinezi.
Pa je doša ovih par zimskih miseci u Split, u topliji stan koji je lipo na južnu stranu i s pogledom na Brač.




Ma nego šta! A onda čin zamiriše proliće, arivat na Brač i guštat u malomišćanskom životu.
Ujutro marendin,pa poć dignit vršu,bacit tunju, šetnjica, pa obid, pa popodne malo ubit oko, pa bacit koju na balote,
pa večera, pa u krpe, i tako lipo po vazdan.




U portunu, mi uza skale, a niza skale...evo ga! Još jedan Bracanin! Isto penzioner, ista šema.
Našla se dva Bracanina, u portunu., na skale. Znate onu pismu?
"Kad su se dva Bracanina intralala Fjumeri,
kad su se dva Bracanina intralala Fjumeri,
A ca! A ca! Ca kazu momka dva!?
Ej, ti curo fina donesi bokal vina
nek cila riva zna.......
A ca?!.......
Za Bra-ca-ni-na dvaaa-aaaaaaa!" - i tako dalje...nastavite pivat.....vi koji znate riči....




I sad kad su se našli, počeli oni svoju priču. Kako je zima, pa kad će poć do Brača i sve tako po penzionersku.
Lipo san ih pozdravila i rekla in: "Ajde, ajde, lako je vami priskočit do Brača! Čas posla sad kad su uveli brze pruge!
Adio van!"




Dok san se penjala prema svome stanu, čula san njih dva kako razglabaju o katamaranima, za koliko vrimena dođu,
pa kako je to zgodno, kako je prije bilo puno gore...i sve tako natenane, vrag odnija i prišu!







Lako meni za njih! Moj zimski period tj. odsustvo od otoka, puno duže traje.
Pa , opet kad me uvati neka sjeta, oden učinit đir do Sustipana, siden na šentadu




Pa se napajam pogledom na Brački kanal, sve tamo do vrhova Biokova




Šoltu, Čiovo



I zamišljan sve one brze pruge koje će me pribacit do moga Visa, kojega sa ove pozicije teško vidin.




E, ali ove nedije ću se popet na Mosor do Lugarnice i Debelog brda, pa ću ga odlično vidit!