Fressssssh

o štracan

Jeste vidili don Petre kako je oni vaš biskup reka da su ženske štrace.

A jesan Kate dobro in je i reka, ni ćaća i mater in nisu rekli da se razvlaču okolo ka štrace.

Ma je ali mi se to čini k kako grezo, moga je i lipše to reć.

Je triba in je reć vako, Nemojte se odavat promiskujitetnon ponašanju, jerbo onda će svit o vaman ružno govorit, i zvat će vas pogrdnin imenin, reka je Mate poštarov.

Ajme Mate ja tebe nisan ništa razumila, šta ti je taj promiskujitet, rekla je Ines frizerka.

To ti je ka ono da se pojebeš s pola mista, pa ti kažu da si štraca, reka je Špiro.

Ajme Špiro jebate jesi ti grez, moga bi pazit šta govoriš.

Je triba san reć, da nije dobro općit sa pola populacije u mistu jerbo će ti reć da si štraca, i neš se udat.

Šta se tog popa tiče ko se s kin da prostiš jebe, rekla je apotekarica.

Ti muči reka je don Petar, ti si plaćala mise da ti sin ostavi onu šta je radila sezonski u kamp, šta je prvo bila sa Maton, pa onda sa Špiron, pa s onin lupežon šta je iznajmljiva ležaljke, pa s tvojin malin.

Drugo je to, rekla je apotekarica, ne spominji mi tu štracu, fala ti Sveti Ante šta si mi uslišija molbe.

U nas u kraju nema ti štraca, reka je Mate poštarov, ja san sviman bija tek drugi.

Da mi je znat ko in je bija prvi, reka je Špiro.

Neki pedofil, reka je Mate.

Kako to misliš pedofil, oli i toga ima u nas u mistu, pitala je Ines, frizerka.

A mora bit jerbo one ispod osamnajst, samo ti pedofili diraju, a one od osamnajst su sve već dirnute, reka je Mate.

Eto vidiš Ineska kako si ti imala sriće s menon, reka je Špiro, zamisli da te je ćapa ti pedofil.

Je Špiro moj dobri ja san od šesnajste s tebon, ko zna da nije bilo tebe mogla san i ja bit Štraca.

Je, je, reka je don Petar Špiro je tebe čuva a od drugi je koliko ja iman informacije sa ispovidi, činija štrace.

Meni se čini da su svi, i popi i štrace licemjerni, reka je Mate poštarov.

A šta ti je to licemirni Mate, pitala je Ines.

Ništa Ines, ništa reka je Špiro, drž se ti mene.