| rujan, 2005 | > | |||||
| P | U | S | Č | P | S | N |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | ||
Listopad 2025 (1)
Rujan 2025 (1)
Siječanj 2025 (1)
Prosinac 2024 (1)
Listopad 2024 (1)
Rujan 2024 (2)
Siječanj 2024 (1)
Prosinac 2023 (1)
Listopad 2023 (1)
Rujan 2023 (2)
Svibanj 2022 (1)
Ožujak 2022 (1)
Siječanj 2022 (1)
Studeni 2021 (1)
Rujan 2021 (1)
Kolovoz 2021 (1)
Lipanj 2021 (2)
Svibanj 2021 (3)
Travanj 2021 (2)
Ožujak 2021 (4)
Veljača 2021 (13)
Siječanj 2021 (16)
Prosinac 2020 (1)
Studeni 2020 (1)
Listopad 2020 (1)
Rujan 2020 (1)
Kolovoz 2020 (1)
Srpanj 2020 (8)
Lipanj 2020 (4)
Travanj 2020 (1)
Ožujak 2020 (1)
Veljača 2020 (1)
Siječanj 2020 (3)
Lipanj 2019 (1)
Ožujak 2019 (1)
Siječanj 2019 (1)
Listopad 2018 (1)
Ožujak 2018 (1)
Travanj 2017 (1)
Veljača 2017 (1)
Siječanj 2017 (2)
Travanj 2016 (1)
Siječanj 2016 (1)
Srpanj 2015 (2)
Veljača 2015 (1)
Siječanj 2015 (1)
Rujan 2014 (1)
Srpanj 2014 (1)
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
Opis bloga
O autoru bloga:
Mladen Smud
Mjesto stanovanja Velika Gorica
Starost 70 godina
Otac četvero djece i djed pet unučica i dva unučića
Hobby - Go, drevna kineska igra
Duhom mlad, kao da se još ni rodio nije i često se pita: 'Jesam li uopće?'
Životna filozofija - jedinstvo svijeta po Gospodu
Životna snaga - ljubav (tako on to misli)
Godine su da se broje, a život nama je darovan
Ovaj blog otvorio je za dušu. Život mu je darovan i on ga s ljubavlju daruje djelima Gospodnjima po Gospodu.
Religiozan nije, ali vjeruje iskreno do viđenja uz hvalu za postojanje
U životu on ništa ne posjeduje, mada se ponešto i piše svijetom na njega
Zahvalan za život i darove po Njemu.
Na putu iz vječnosti u vječnost
Sve vas voli i one koji razumijete, a i one koji ne.
e-mail: mladen.smud@gmail.com
Čuka
Linkovi
Blog.hr
Forum.hr
Monitor.hr
javascript:%20void(0);
annaboni
Auroraisa
Bugenvilija-foto
Bugenvilija-text
danila1
deni(daniel
Dordora2
duliba
EuM
fra_gavun
Go-misaona igra
gogoo u prirodi
gustirna
hajjnezir
ima jedan svijet
kapi sreće
maslačkove zbirke
(Norra
OTISAK srca
preživjeti
promatram, razmišljam
rijeke žive vode, potecite, neka Duh se razlije...
sewen
Smotani
sven adam ewin - superfaca
... šok ...
Trill
Vatrene vijesti
Voljela sam umjetnika
Zagora
alba-istriana
anaris
kicker
mamablogerica
modrinaneba
novipocetak50
nutrina
proziran svijet
soba za utjehu
sv
tayana
tvrtkodolić
zlatnazitnapolja
Zanimljivo
Na rubu znanosti
Posjetili ovaj blog od 06. 01. 2020.
pri_Mladenu
Kak se gradila trambajska pruga
- 13:15 -
Komentari (14) -
Isprintaj -
#
|
Sam nekak zmotan i mi treba vremena da bi videl kak to dela. Prvo mi se sve, otpret kaj treba, ni dalo. Ni kometara ni posta ni za videti na blogu. Sam ipak pronašel nekakvoga puta. Napišem komentara i vidim da je primlen če ponovo otprem komentar, kaj da bi još nekaj štel z novim komentarom reči. Tu ga najdem. A vu blogu ga još ne vidim. Onda sam išel pisati novoga posta u go-blogu. Kad sam bil gotov idem na 'Refresh', pa opet niš i mi na pregledu postova stoji, kaj da je tu, al mu vreme ima onaj žuti uskličnik. Nekak mira nis imel i probam sada to videti tak, da pritisnem 'Pogledaj blog' iz editora. Sam se znenadil. Sve je tu bilo vu blogu, i komentar i postovi. Sam onda išel pogledati vu ovaj blog, al tu niš od toga ni išlo. Pa vu čemu je razlika. Nis postavil novoga posta. Sad bum to napravil i čist verujem da bu sve OK. Se pitam, jel vi vidite kometara kaj sam ga napisal prije nek sam novoga posta del. Tak sam tu nekak progruntal, a sad, da vam velim još nekaj iz ranijeg živlenja. U vreme kad sam još slobodan van zijti i bez velke kontrole bil, kad sam pri Marici znal biti, sam znal prejti na velku ulicu pokraj. Smo je zvali Proleterskih brigada, al su se z imenom zanimali mamek i tatek. Za mene je to bila ta ulica i kaj je treba pripovedati kak se zvala. Tak su jenoga dana počeli po nje rovati z veliki mašini. Sam čul kak mamek i tatek pripovedaju, da bu tu išel trambaj. To me nekak posebno zanimalo. Svi klinci iz susedstva smo išli gledati kaj se to događa. I se to već fajn napravilo, kad sam jenoga dana, tak, štreku išel gledati. Su tu bili i starejši dečki. Nekak se tu našel i trambaj. Mi danas nekak ni jasno, kak je ostal tu, jel nikoga strejšega ni bilo polek. Se to čuvati treba, a se valda i čuvalo. Je zgleda striček čuvar, na kratko, nekam prešel. Ovi strajši su se popenjali gor i su se igrali trambajca. I se već malo počel trambaj micati, kad dojuri i čuvar i svi bris. Se popenjal gor i sve zaustavil. Se zapraf niš ne sečam, kaj je bilo dalje. Sam pobegel najbrže kaj sam mogel. Sam znal da čuvari navek nekog vloviju i onda taj nadrapa za sve. A nisam bil na trambaju, nek polek. Sam već kak mali znal, da to ni ništ važno. Važno je da te ne vlovi čuvar. Smo svi klinci to nekak znali. Jel ko bil onda vlovlen; pojma nemam. Kak se to z čuvarom dogodilo, nis više puno blizu išel. Su štreku naredili. Je trambaj počel po nje voziti i sim i tam. Su cajti prešli, a i danas tu trambaj ide. Je to pri Rapski školi bilo. Kad več pripovedam da je tu škola bila, sam se još nečega važnoga setil. Su tam kraj škole, med cesto i školo, bazena napravili. Sam tak jenoga dana išel gledati bazen. Sam sam bil. Ni bilo vruće vreme. Negde oko proleća je bilo. Sam tak stal pri samom bazenu i vodu gledel. Sam razmišlal kak i navek. Mi i denes to ostalo. Nis niš videl kaj se oko mene dogaja. Odjemput sam zletel ravno vu bazen. Me jen starejši fakin vu vodu porinul. Sam zletel kak tiček na glavu. Plivati nis znal. Sam se vode napil, lupal z rukami. Skor sam se vtopil. Sad se probam setiti kaj je dale bilo. Prijateli dragi, praznina. Mi se pričinavle, da me jena teta zvlekla van. Čudno je to sečanje. Malo ga ima, a malo nema. Se je tu ostalo za zapamtit, da treba pazit, da te ko vu bazena ne porine. Tak mi se i danas zna dogoditi, gda trambaja čekam, da mi nigdo ni za leđi gda trambaj dolazi. Sam se navčil da neprijatel voli z leđi dojti i da nikom na čeli ne piše. Ipak su lepi to cajti bili. A ja sam bil sve nekak pametnejši. Bi rekel, sam više toga navčil. A kaj znači bit pametnejši? Sam kasneje malo promenil to razmišlanje. Se i to razvijalo kak i sve drugo. I Vas sve voli i pozdravla Vaš Mladen i pazite gdo vam je za leđi. |
Tak ja to nekak mislim o sećanju
- 22:53 -
Komentari (11) -
Isprintaj -
#
|
Saki put kad posteka denem na blog, si onak v miru ga i pročitam. Sve to oank ko da to nis ja i kaj da pojma nemam o ćemu se tu dela. Si tak uživim v to. Tek onda velim: 'More to tak.' Si sad pogledam to sve skup i vidim kak su to pričice, kak saka za sebe. Al su z mog živlenja, baš tak kak sam napisal, koliko se setiti morem. Pa si tak razmišlam kaj je to da se to tak črez tolka leta tu zadržalo. Če malo bolj se zamislim bi videti mogel da to ni sve kaj sam doživel, al su neki komadi tu nekak ostali. Kak ja sve gledam kak nekaj vu povezanoj celini se pitam kaj je onda bilo, kad je prešlo ono o čemu sam pripovedal. I tu sam nekaj videl. Se puno toga nemrem setiti, al je ovo ostalo vu meni tak nekak jasno kaj da je včera bilo. Se pitam zakaj je to tak. Bi mogel reči da je Bogek tak štel, al naj mi dragi Bogek oprosti, kaj bi štel bolje razmeti i videti kaj se to tu događa. Pa kaj sam ja to sad videl? Sve te tak lepe priče su napravile meni nekakvu slikicu o sebi. Ta slikica pak je kak nekakva knjiga kaj bi čovek rekel je tu da bi znbal kaj se dogodilo, da bi tak se drugi put znal ponašati. Je to nekak kak ono englesko pravo (kajti ja kak elekrotehičar sam čul i si protumačil), gde se sudi pram onom kaj se već dogodilo i sudilo. Je to izgleda čist prirodni način. Je bedak, kaj dozvoli više put istu glupost narediti. Mi sad čudno pomalo kak sam ja to onak mali počel slagati. Se sad nekak bolje sebe razmem. Gda pripovedam svima vama, pripovedam i sebi. Pak onda tak pogledam ovo kaj je od mene ostalo i si mislim kaj je to vu tome značilo. Tu sam malo prije videl nekaj zanimlivo, a sam to i spomenul vu postu prije. Maloga braceka su doma znali zafrkavati: 'Kaj ideš k Marici, svoji curi.' Su se tak i smijati znali. Meni pri Marici bilo lepo. Sam od njene mame znal dobiti rotkvici. Smo se igrali. Je tam bil breg nekih špulih, kaj su tu pokraj nekaj delali z koncima. Smo premetali po njem. Se sečam da su mi kasneje rekli da bi me pitali: 'Koja je tvoja cura?', bi odma odgovoril: 'Marica.' Se to sve dobro pamti. Al morti se i nebi da ni bilo onoga kaj su me njena sestrična i ona htele vu grabu z vodom gurnuti. Je to meni bila prava opasnost. I nis mogel razmeti da bi me Marica vrgla vu grabu, al je to delala. Sam z toga zvlekal pouku, da kad ti je neka cura cura, to ne mora biti navek dobro. Sam ja tak dugo ne cure imal, pa bi čak rekel, celo živlenje. Ma sem danas tatek četvero ljudi. Mam sineka 29 let, pa sineka 27 let, pa kčer 25 let i isneka 16 let. Ima tu jedna kvaka. Tak sam vu osnovni školi bil dost dober vučenik. Su tu uglanom petice bile, bar u prva četri razreda. Mi najbolši prijatelj svima rekel da mu je jedna curica iz razreda najlepša i da mu je ona cura. Je niš ni pital po tomu kolko sam znal. Ja onak, po tom pitanju, po strane, sam mu pomagal iti z njim k njoj. Je lepa bila, al njegva. Ja i onak nebi nikaj probal. Je on tak po snegu pisal z batino njeno ime. Sam mu i ja pomagal. Kasneje kaj je proleče, pa leto došlo smo već vu dvorišće njeno išli. Je zišla i z susedi i znama se igrala nekaj gde se odabiru cure i dečki. Ja sam već kuraže imal, pa makar i pogrešil kam, z Marico, da je ona i meni cura. Se niš nis razmel, al mi je lepa bila, a kak je pšrijatel govoril sam tak i ja. Vu igri je on navek njega zbrala. Meni jeto čist normalno bilo, jer ja sam valda drugi. Je i to dobro. Sve tak gda se jemput meni naklonila. Nis verovat mogel. Kaj drvena Marija sam bil i sve je nekak bedasto ispalo. Tu sam opet nekaj razmel, na svoj način i je to dopunilo ono kaj sam prije imal v sebi. Sam videl da je to sažaljenje bilo, jer je vidla da se i ja rivlem, kaj sam se saki pout njoj naklanjal gda je na mene red vu igri bil. Bogek moj mi tak krivo bilo za to kaj sam delal. Bracek se tu zbetoniral i nigdar nis tak nekaj napravil. Sam puno lepih cura videl, pa i gda su same bile, al engleski pravo po njegvoj prirodi je bilo jače. Sam i na akcije ceste graditi išel. Sam bil dobar omladinac. Su se cure i dečki družili, a ja sam kak najbolju prijateljicu lopatu imel. Mi je ona pomogla da sam se nakitil z nekolko udarničkih značkih. Tak su jemput, gda sam već student bil, na faksu kaj ga nigdar nis završil, se skupili omladinci omladinke. Tak su pripovedali otvoreno kaj o kome misliju. Su cure o simpatijama i sve tak poprek. Sam se i ja njimi smijal, al šutil. Je to ni za mene tema bila, da kaj velim. Se jedna, kaj je najghlasnejša bila nakon kaj su sve pretepli i već počeli menjati temu setila: 'A brko (to sam bil ja), kaj z njim?' Je nastala tišina. Onda jedna veli, da se to prekine valda:'A brko je brko.' Si ja tak mislim da bi bolše bilo da me se nisu ni setili. Sam i vojsku odslužil. Mi se nekaj dogodilo, kaj sam z 27 let naletel na jednu kaj je čist normalna bila i mislila da i ja jesam takav. Bogek moj, mi se dogodilo prvo iskustvo, al posle je sve bilo po starom. Nis ja za to kriv bil, nek sam takav bil. Gda sam 32 lete imal sam srel ženu svoga živlenja. Je ona imala problemov, a ja onakav sam već mislil da su već svi vlaki prešli. Sam igral šaha i goa i imal krug istomišljenika. Sam onak informativno znal kaj je treba bit za normalnog čoveka, a sam ja valda ni takav. Pak je sve v redu bilo. Smo se ona i ja ipak našli. Smo čak i rekli da ljubavi ni, al bu morti došla i odlučili nako tri meseca upoznavanja, da bumo skup dalje išli. Smo četri anđeleka dobili, 27 let skup bili. Sam mislil da je to ljubav. Je onda samo prešla. Sam milsil da joj se kaj grdo dogodilo, pa sam čak i policiju zval. Sam i tu bedaček bil. Je našla ljubav, kaj ju zmenom ni imala ili morti ni vidla. Tak mi se još jemput potvrdila ona postavka od davnoh dana kaj sam je z Maricom donesel. Na koncu se zbrojim. Četri je anđeleka od toga bilo. Naj im Bogek dobroga puta i pameti da. Je ipak vredelo. Morti sam jednoj ženi zel velki del živlenja. Toga nis svesten bil. Da bi joj sad rekel da oprosti bi nekak ni vredu bilo. Je ona na svom, se mislim sretna, kajhti je ipak ljubav pronašla. Al jes i ja. Sam Bogeka prosil da mi puta prosvetli. Mi se nekak sve bolje vrata otpireju i vidim da ljubav je skor sve v živlenju. Srčeka i dušu otpreti je treba. A, da bi vas neko ne imal rada i ne uzvračal, je čist normalno. Je voleti dar. I tak da bi nekaj razmel i na neki drugi način, sam sve ovo proživeti trebal. Sad više nis mlad po telu i letima, al v duši sam još navek kakti pri Marici, kaj se već i ne sečam kak je zgledela. Se pitam, jel me za zbilja htela vu grabu gurnuti. A zanm da čovek more ne dobro napraviti i ak ni toga svestan. I zato... sve Vas puno voli Vaš Mladen - deca za zbilja. Da samo znate, kak jedva čekam dojti na interneta, da vidim gdo se javil, da zmenimo koju lepu reč. Se tak brinem sad o Razumici, kaj se ne javla. Sam videl da je nekakav sumnjivi post dela, kak da ne vidi, da je pred njom još puno lepih trenutkov. Alkić je pravi. Od njega bum još puno toga nafčil. Helixica mi nekak tak lepo pripoveda i se z njom tak lepo razmem. Kak da ju vidim. Mi laku noć veli. Bogek dragi kak je to lepo. Ima nas još. Su tak vu nama one priče kaj nam delaju ono po čemu se nekak ravnamo. Još jemput da Vam velim ... sve Vas puno voli Vaš Mladen i znajte je otprto od 0-24. |
Kak sam volil razgledavati
- 23:01 -
Komentari (5) -
Isprintaj -
#
|
Već sam ranije rekel da smo stanovali na Zagrebačkom Trnju u djelu kaj se zval Kanal. Kuća v kojoj smo bili je nasuprot vatrogasnoga doma, a pokraj je bil velki vrt. Vrt je bil od bugara, a ja sam mislil da se tak veli za one kaj vrta imaju i na njima delaju. Tu je bila velka i zkopana jama, v kojoj je bila voda. To je zgledalo kak bara, a bare sam kasneje videl. Ja sam navek hodil tam i igral se z malom Maricom. Je mamek navek mislila, kak sam prešel k Marici na rotkvice il mrkvice. Tak je uglavnom i bilo, al ne navek. Već sam kak mali skužil, kak je dobro, da mamek zna da ti imaš kam iti. Je tak bez brige, a ti imaš nekak slobode, pa moreš tu i tam i negde drugde prejti. Me svakaj interesiralo. Jenoga dana sem tak odlučil nekaj posebnoga. Sam otišel po cesti do čoška, pa poluknul, levo, pa desno. Sam puta videl za iti. Ak prejdem malo dalje, a baš me zanimalo kaj tam ima, se bum znal vrnuti. Prejdem levo i idem, a za vrnuti se lepo okrenem i idem natrak do istoga mesta. Pa to ni niš komplicirano. Bil sam tak negde tri ili malo više leta star. Lepo sam metnul rukice na rit, onak z jenom vlovil drugu, kak neki velki to delaju i sam razgledaval kaj tu ima. Sve je bilo nekaj, kaj još nis videl. Nekaj me vleklo dalje, kaj sam bil nekak siguran, da i tam dalje ima zanimlivih stvari. Sve je to zgledalo kak prava velka priča. Ide tak bracek sam po malo i gleda okolo. Sam došel do novog križišča cest. Sam znal di sam. Tu, a doma sam tam iza, pa iza čoška. Sad je tu novi čošek. Ak tu okrenem na levo se bum znal vrnuti do ovoga čoška, a onda bum valda videl onaj prvi čošek, a od tam se lepo vidi di sam doma. Da znate, kaj sam tu videl. Takvoga nekaj ni senjati nebi mogel. Gledam ja to i ne verujem kaj vidim, a ni kak bi rekel kaj to je. Je veliko i nekak zmazano. Okruglo da bi skor i hiža stala vu to. Farbe je bilo nekak slično kak zemla. Se ne ufam baš preveč blizu dojti. Se nigda ne zna kaj bi se to prevrnuti moglo. I tak mali bracek z ruke na riti štundjera pred velki parni kotli i se v čudu pita kaj bi to moglo bit. Se to nis onda znal kaj to je. Su se tu i tam ljudi okretali i valda mislili, kaj taj mali tu dela. Meni je sve normalno zgledalo i ni mi se išlo nikam od tud, kaj nis veroval da bi nekaj zanimlejšega videti drugde mogel. Ni problema da se vrnuti nebi znal. Je se već ne sečam kolko sam dugo to gledal, al se od nekod stvorila mamek. Je bila sva van sebe i me po turu i to odmah. To tak treba, da se dobro zapamti, zakaj se dobilo. Je mamek navek znala kak i kaj treba napraviti. I sam zapamtil, jel dost dugo nisam sam delal takve štacije sam. A kasneje kad sam bil veči je bilo sega. Sam ove naše kraje dobro prerundal. Tak je ostalo biti pri Marici, a mamek je neko vreme više kontrolijerala di sam. Sam zgubil malo slobode za nekam prejti. Su tu nekaj promenilo i pri Marici. Jemput joj je došla, kolko se sečam, nekakva sestrična, malo strejša od nje. Ja sam im dobro došel za igru, pa su me tak pri oni jami z vodom zajedno terale prema vodi. Im je to bilo jako zanimlivo, a meni velka frka. Me tak strah bilo, da bi me gurnule nutra v vodu. Sam ipak nekak ftekel i pri Marici me ni već bilo. Mi sve to nekak jeno z drugim povezano došlo. Sam zgubil onu slobodu, kaj sam pri nje bil, a me štela i v vodu gurnuti. Zgleda je lepo imati nekoga za v vodu porinuti. A, bilo bi im to baš lepo, da su uspele. Mene nigdo niš ni pital. Tak je to valda z curami. Sam ih se kasneje dobro čuval. Nigdar neznaš tera te bu v vodu vrgla. I to je dost duboko v meni ostalo. Detetu su važne stvari v životu sasma nekaj drugo, nek kaj strejši misliju. Je to tak bilo i kad sam ja starejši bil, a i denes. Če smo im bliži ih bolj razmemo. Se danas tak z decom v Gorici puno družim. Su mi oni najvažnejši prijatli. Sam ih nafčil igrati se z kamenčičima. Sam za živlenja nafčil jednu lepu staru igru i sam po školam povedal deci kak se to igra. Su deca dolazila i igrala. Denes smo pri klubu, kaj smo ga neredili v Gorici, navek v zanimaciji. Kaj delamo tam? E, to pa morete videti v drugom blogu, kaj ga onaj mali bracek nakon puno let dela. Je nekak više ni tak mali, al v duši se skor niš ni promenil. I sva ta deca, kaj ih uči to igrati, su mu kak vršnjaki. Se z njimi igra. Poglečte to v blogu 'Go-misaona igra'. Sve Vas voli i pozdravla Vaš Mladen |
Kak smo psihu potrli
- 14:26 -
Komentari (6) -
Isprintaj -
#
|
Denes mi je nekak posel cajta pobral, pa se nis ranije javil. Sem tu, a pri-Mladenu je i onak otprto od 0 – 24 vure. Me niste valda čekali? Če me ni, morete vi pripovedati med sobom. Smo tu, vidim, prijateli kaj se znamo. Si mislim, kaj je z onima za drugim stolovima. Ne vidim kolko ih je. Se ih i ne brojim. Mi je saki od njih dragi, kak i svi skup. E, pa dobar Vam dan želim. Je lepo vreme stiglo. Ni već te ciklone, makar vidim da v Ameriki baš i ni lepo. Nek da vam dalje spripovedam kak sem sreče još imal. Bi se reklo da sam sreten čovek. Bila su to ona vremena kad je nova sekica malo porasla. Sam još dugo pripovedal kak curica v ženskom rodu. Mi je mamek znala reči: 'Braco pa ti si dečko. Se ne veli sam bila, nek sam bil.' Mi je nekak ostalo od sekice, kaj je već ni, kak je ona govorila. Sam od nje puno toga naučil, onak, sam od sebe. Se tak vreme je menjalo stanje v kući. Su mamek i tatek imali dost brigi z sekico i menom. Ja sam se sve više igral z sekicom, kak je sve veća bila. Tak smo imali kak najlepšu igru delanje šatora. Bi navlekli stolce, pa i stola će se moglo, a i rub kreveta je dobro poslužiti znal. Poskidali bi poplune i plahte i svega krpenoga i počela bi gradnja šatora. Sem ja tu bil glavni, a sekica je morala samo tu i tam pomognuti, da se ne sve zrušilo. Sam nis mogel nategnuti plahtu. Kad bi sve tak narihtali, nam je to unutra bilo kak kuća. Bi onda navukli igračke nutra i nekak bili kak svoji na svom. U ona vremena ni puno igračkih bilo. Meni je glavna bila jedna krpena beba. Je ostala od seke. Ni bilo penez za nekaj kupiti, pa je ta beba dobro došla. Sam tak bil kaj curica. Al priroda je napravila svoje, pa sam ja počel komandirati sekici. Em sam bil starejši, a mi je i mamek dala za praf, da sam ipak ja dečec. Sve bi to delali kad bi mamek prešla nekam. Je znala prejti v dućana, al se onda brzo vrnula, ak ni susede srela po putu. Bi se to brzo vidlo. Če ni odmah natrag došla, imamo dost vremena za okrenuti stana naopak. Moj genijalni um je brzo videl dobroga rešenja. Smo v sobi imali velku psihu. Zapela mi za oko. Bogek moj, kakav šator bu to bil! Da. Al kak psihu dovleč de treba. Je velka i teška. Velim ja sekici da stane z jedne strane, a ja bum z druge. Velim ja njoj da bumo to gurali. Je sekica sve razmela i delala kak sam rekel. Probamo porinut, al nejde. Kak smo rintali na tome i rivali z svih stran se odjemput psiha pomakla. Al ni to bilo kaj sam štel. Se počela rušit. Gledam i praf neznam kaj sad. Je teška i zaustavit je nemremo. Smo stali kaj skamenjeni. Padala je psiha i padala. Je to bilo kaj večnost. Je tresnula na pod z špiglom, Je sve zatreskalo, a špiglin je prešel v miljon komadov. Kaj sad? Smo dost pametni bili, da nismo niš više dirati šteli. Tu kaj da nas je negdo čuval. Kad se sad setim toga, mi nekak čudno, da smo smireni ostali i čekali da mamek dojde, kaj tatek je bil na železnici. Negdo mi je, kak nekak rekel, da samo čekamo. Kak sam bil pun raznih zmišlancija, sem znal tak slučajno i neku huncutariju narediti, al to sve tak kaj me tu i tam po nekaj više zanimalo, al baš i ni bilo za malu decu. Ni bilo igračkih, pa se trebalo z nečim zanimat. Tu i tam se i po riti dobilo od mamek. Tatek to ni delal, jel je na železnici bil. Je, tak sam sad bil siguren, da bu rit črljena bila. Sam se pripremal za to. Vite i tu sam sreče imal, kaj ni po riti bilo. Je mamek valda sretna bila kaj nam se niš ni pripetilo. Ni dobro bilo, al vrak po psihi. Su deca dobro! Jemput sam, tak, velku sreču imel. Su doma kohera imali. Je to Zagrebečko Trnje bilo i struje je bilo. Je mamek vodu kuhati dela za veš prati. Je šteker bil pri vrati, a žnora ni dugačka bila. Je tak velki lonec z vrelom vodom bil uz vrata. Sam znal kak jopec po stanu jureti. Iz sobe, črez, forcimer v kuhinju sam uletel. I kaj sad. Je to trenutek bil, kaj se niš ni moglo. Je lonec z mojo nogo dobil; sem opal; se vrela voda prolila. Pol moje strane se zfurilo. Deca draga kak je to peklo. Su me na kreveta deli. Z uljem su me premazali. Kak bi me dodirnuli svagde, na te strane, je tak peklo. Dugo godina se vidlo belo na toj strani tela. I tu sam sreče imal, kaj mi glava bila predaleko, da se voda i na nju zlije. Bi morti još više sreče imal da me mamek za nateravanje prije po riti. Bi čkomel negde v kutu il morti samo tulel. Bi to bolje bilo, nek ovo kaj se pripetilo. Vite, čim sam razmišlati počel, su se batine zmislile. A kaj napravit kad se veš prati mora, a dulše žnore ni bilo. Ipak je sve sretno zišlo. A zakaj sam sad odjemput naslova del 'Kak smo ...', a ne ko do sad 'Kak sam...' Se lakše krivica deli. Se pitam, da je sve dobro sišlo, kaj bi tak napisal? Polako se odrastalo, al ni bilo prek noči. Je puno toga još bilo. Se čitamo dalje. Sad da čujem Vas prijateli dragi. I vi tam za drugim stolom morete nekaj reč. Vas nigdo vgrizel nebu. Sve Vas voli i pozdravla Vaš Mladen |
Sreče sam imal
- 11:10 -
Komentari (11) -
Isprintaj -
#
|
Kad vam već pripovedam o onim danima gda sam mali bil, bi ne vredu bilo, da ne velim i ono gde sam se za dlaku zvlekel. Pa da se toga dotaknem. Bilo je to dok sam tak mali bil kaj se samo tu i tam nekih stvari još sečam. Već kak čist mali, kaj sam sam mogel mesta menjati, sam tak i svakaj zube deti znal. Sam brzo primetil, da ima nekaj jako fino i sam dost vremena to, malo po malo, kak nekaj fino imal. Nete mi verovali, al zida sam jel. Su tak rupe nastajale na nekolkih mestih doma. Sam bil po malo prefrigan, pa sam tak rupe z prsti delal, da se čim teže primetiju. Se nis mislil jel to zmazano, al fino je bilo. Gda sam v dvorišću bil sam znal i zemlu v usta deti. Su mi posle, kad sam veći bil, rekli da mi je nekaj zgleda falilo. Sem ja to na neki svoj način znal, pa sam zato to i delal. Se je to v redu, al dete ne vidi sve. Tak se mi dogodilo nekaj, kaj nis razmel. Mi se jemput v trbuhu počelo motat. Sam proleva dobil. Je mi i črlena kaka bila. Bila su to vremena kad medecine ni bilo; kad su bakice i dedeki zmišlali, kaj dati da bi se čovek živlenju povratil. Su mi sečanja na to nekak kak v magli. Sam još ni dva leta imal. Se pripovedalo, da sem dobil krvavu grižu. Se sečam nekih cajtih, kaj sam sretan bil da me ni šraufalo. Sam volu zgubil za se, nek samo, da toga ni. Je tu pri nami bila bakica, tatekova mamek. Je ne dugo bilo kak mi sekica ni više z nami bila. Nis znal kam je prešla. Su mamek puno plakali. Sekica je jednog dana na štege sedela i kalopirku dobila. Je navečer već ne bilo. Ta vremena sam razmel na svoj način. Gda sekice već ni bilo, sem mamek furt pital za nju. Sam pital, da gde je i da bi štel da se vrati. Mamek i tatek su mi govorili da se bu sekica vratila, al se pričekati mora. Kasneje je došla, al je bila čist mala, kak nova. Se ni to bila ona moja sekica. Sam kasneje se puno pital kak je novoj sekici bilo kaj je tu došla kak zamena. Se to ni skriti moglo, kaj duboko v duši spi. Je i ona čula za sekicu. Sad je i bracek im na red došel. Je tatek već se spremal spremit sanduka. Sam se to posle čul, a onda sam štel samo da me ne šraufa. Se tak su skoro tatek i mamek ostali sami. Bakica je čula za drenak i je jasno bilo, da treba prvo zaustaviti toga proleva. Se bu dete sve van zašlo, če se to ne zastavi. Se sečam kak me bakica na kolena posela, noge mi stisla svojim nogami i rivala drenak v zube i v grlo. Tak nisam mogel to vrnuti nazaj. Jesti nis niš štel. I šopala me baka tak gda god je bilo vremena, da se to dela, jer drugoga ni bilo. Znala je bakica kaj hoče i kaj treba. I stalo je! Se setim bakice, kaj je već pedeset let ni. Fala za živlenje duši i Bogeku dragom, kaj drenka je bilo. I kaj se sve to zgodilo? Kak razmeti se to? Sam sreče imal, da je bakica baš to znala, da je drenka se najti moglo. Sam još jemput sreče imal kaj sam na unrinu konzervu z stola pal gda sem se z bakico igral. Bil sem na stolu i skakal. I se takva stvar zgodi kak čudo, na brzinu. Sam se zbrcnul i na glavu z stola pal. Je na podu kraj stola bila prazna unrina konzerva okrenuta na gore. Se mi zabila u glavu. Tog se niš ne sečam, nek je pak u onoj dubini ostal trag. I denes imam trag deformirane lubanje i pod nosom, kaj brki skrivaju. Je krvi bilo na sve strane. Je i u ona vremena bilo hitne. Su me otpelali u traumu. Je i onda bila tam u Draškovičevoj. Mi je mamek pripovedala kak je to bilo. Su me na živo operirali. Veli da sam kričal kak nigdar prije ni čula. Sem zval mamek, sem zval tatek, sem zval bakicu. Se nigdo ni smel iz vana javit. Se sve na kraju složilo i zraslo. Sem pak sreču imal. Bakica je tu bila da prva nekaj napravi, je hitna postojala, su doktori tu bili kaj su znali kaj delati treba. Je to sreča. Imal sem ja još sreče. Gda sem se igral nekaj kasneje na livadi. Su tam temelje za novu hižu delali. Sam bil najmanji med dečkima. Je to sve na Kanalu v Trnju zagrebačkom bilo. Smo se nateravali i svi su jarka preskočili, al je meni nekak predaleko druga strana bila. A jarek je to bil za temelja hiže. Nutri su šipke za betona bile već učvršćene za malo betona pri dnu jarka. Bogek dragi fala, kaj me šipka stefila baš med zubi sa strane i probila mi lice tak da mozga ni dotakla. Sam svestan bil, glavu zvlekel z šipke, se s jarka zvlekel, ruku na lice del i bežal doma. Je krv špricala kaj z pipe. Su brzo hitnu zvali, nametali krpe, da krv ne šprica tak jako. I pak sem traumu videl, a tek sam četri leta imal. Su mi, a tog se dobro sečam, doktori rekli, da bu sve to prešlo kad se oženim. Je svega tak bilo, al nekak najteže je bilo kaj sekice već ni bilo. Kad se toga setim i danas plačem. A grobeka joj danas već ni. Se mamek i tatek nisu snage imali. Je ona njima v duši ostala i sad su tam skup z njom. Naj im Bogek mira da. Se najte srdit kaj sem toga napisal. Sem si mislil da to ne denem na blog, al živlenje ni samo ono kaj je lepo. I da bi iskreno živeli se treba svemu otpreti. Da bi sreču drugima iskreno dati mogli, se treba imati v sebi ono kaj živlenje je. Se treba razmeti to. A tak je malo za sreču treba. Ste vidli, sam je imal. I Bogeku fala, kaj danas ipak nekaj znam i kaj sem tu med vami. Mladima bi reči štel, naj se radi imaju i pomagaju jedni drugima, jer tak malo treba da se okrene. Najte protiv nikoga biti, jer valda ga niste dobro razmeli, a morti ni on sam sebe ne razme. Z dobroto bude mogli puta pokazati kak bu bolje na svetu živeti bilo. Znam da ovo je raj Gospodnji, al samo ljubavi treba dati. Sve vas voli Vaš Mladen |
Kak sam ja postal
- 09:09 -
Komentari (10) -
Isprintaj -
#
|
Nekak nis znal od kud sam i kam došel. De sam to bil i zakaj sam tu di jesam? Kaj je to tu kaj sam videti počel i zakaj? Gdo mi i zakaj tu toplinu dal i kak je to nekak mrzlo i nekak toplo? Zakaj sam i kak postal? Sam kak mali se puno toga pital i nis znal kaj i zakaj. Sem gledal i nis se nekak ufal pitati. I pitati se znati treba. Nekak su lepi cajti bili navečer pred spanje. Bi onda svi na kupu bili. Se tatek već vrnul z železnice i već malo predahnul. Mamek je nekaj napravila za večeru, a seka i ja smo se već fajn nahopsali. Sam se tak volel z tatekom igrat. Je on bil nekak šutliv, al bi me radi sebi na koleno del. Učil bi me crtati. Mi je tak pokazal i neka slova i brojke kak se crtaju. Tak sam ja slova i brojke ne počel pisati, nek crtati. Papira baš i ni bilo puno, pa sam tak crtal na raznim poklopcima i raznim stvarima. Se sečam kak sam nacrtal nekaj kaj sam rekel da čovek. Da sem to kasneje videl, mi je nekak zgledalo, da sam trebal kak Picaso postat. Sam nosa nacrtal nekak ostraga. Me tak tatek držal na kolenu jenu večer i tancal z nogom. Je meni to bilo kak da konja jašim. I nekak kad mi sve to zgledalo tak lepo sam se razpištolil i velim tateku. 'Kak sam ja postal?'. Je tatek ni bil pripremlen za tak nekaj odgovoriti. Vlovil sem ga na brzinu i sem mislil kak bu mi sad otkril taj moj problem. Mi je tatek znal puno toga pametnoga povedati, pa sem bil siguran da bu mi i to rekel. I počel je tatek kaj da bu to velka priča bila. 'Znaš braco to ti je tak.', i zeme još zraka. Ja sem se pak v vuho pretvoril. Da konačno doznam o čemu se to tu del i ko sam i kaj i zakaj. To mi je bilo nekak najvažnija stvar. I kak je tatek zemal zraka, se mamek javila. 'Naj pripovedat detetu, ga je roda donesla.' Me to kakti preseklo. Sem si mislil da kaj je to tatek htel reči da ga je mamek tak presekla. Kaj da nekaj ni vredu trebalo biti. Se tatek, pak, čist zblokiral. Ja sam pak tu sve med reči gledal. Je nekak najvažnejše bilo to kaj se ni reči htelo. Velku sam stvar tu ja nafčil. I mameka i tateka sem volel i onda i dalje. Al, su mamek i tatek ne furt isto mislili, pa i o istini drukče pripovedali. Kak sam ih volel mi zgledalo kak da je više istinih bilo. Se ni lako za onoga koga voliš zan ti da ni istinu povedal. Su valda hteli da meni dobro bu. A zakaj onda drukče pripovedaju o nečemu, kaj je meni tak važno i kaj sam ih na taki način i pital. Je na kraju zišlo da me roda donesla. Me hitila v dimnjak. Valda zato nis znal od kud sam došel. V dimnjaku je kmica. Sam puno sreče imel kaj se nis potrl. Me mamek sigurno morala prati onak zmazanog, kajti je v dimnjaku sve črno od dima, pa me i dalje prala. Se to ni lako oprat. A tatek, je ni imal, kakti, praf. Sejedno mi ga žal bilo. Mi ni mogel zpričati kaj je štel. Morti bi i njegvo zišlo na isto, al kaj se mamek tak okomila, kaj da je ne istinu štel reči. Sem ipak razmel da je najvažnejše, da se i dalje svi radi imamo. Ja nis drugih imal kaj bi mi rekli gdo sem i kak sem postal. Smo nekak bili skromna familija, al se ipak v crkvu ni išlo. Tam bi negdo morti i to objasnil na neki drugi način, al sam po vršnjaki čul da se tam isto tak povedalo. Je roda bila glava za te posle. Tek kasneje sam od onih 'prostih dečkih' čul da se to za praf drukše dogodi i da se to nekak dela. Se mi događalo da se nekak dečki vani bliže k istini imaju nek mamek. Je mamek ne to mogla videti. Al sam i dalje volel mameka i tateka, jer oni su valda znali kaj z tim hočeju. Je v tom delu života tak puno lepih i dobrih stvari bilo. Sem onda i sveta upoznal i nafčil se ono kaj mi je za živlenje trebalo. Morti su neke stvari bile drugače nek kod drugih, pa sam nekaj mogel i drukče videti. A nekaj je i od početka bilo tak po samom dragom Bogeku. Sem Njega skužil svojim živlenjem. Mi nigdo ni pripovedal kdo to je, al sam navek osečal da tu nekaj ima. Nikaj nemre bit samo tak. Sve Vas lepo pozdravla i voli Vaš Mladen |
Sinek – tatek - dedek
- 09:53 -
Komentari (12) -
Isprintaj -
#
|
Puno put si, ovako pišući blog, mislim kako je to dobra stvar. Al sve to stoji na volji i trudu nekih ljudi koje skoro da i ne primjećujemo. Nitko me ne pita smijem li ja ovo raditi ni koliko to košta. Otvorio sam svoj blog i krenuo. I čitav taj internet i svi ti slobodni software-ovi. Bi rekel da još dobrih ljudi ima. Bi štel, za ovo kaj delam, reči hvala ovoj škvadri kaj brine za ove blogove. Za ove dečke kaj su ovo pokrenuli i omogućili nam ovaj rad. Dario i Željko fala vam. Neznam jel bute ovo pročitali, al fala bu vam onda došla onak da nete vidli, al fala je. Fala i Daliboru i Hrvaču, dečkima kaj isto delaju na ovomu. Ima vas zgleda još, al sam vas našel pod impresumom. Željca sam čak jemput i videl tam na kavi kod Cvetnog placa. A kaj se tiče ovoga blogeka 'pri Mladenu' je otprt od 0-24. Samo dojdite. Bi nekak, si mislim, bilo lepo gda bi saki nekaj rekel. Sam videl kak je Helix-ica tak lepo napisala svoj novi post. Se i ona setila svojih mladih dana. Zamislite, joj je dedek brega napravil, da bi se sanjkat mogla. Bogek dragi, ste vidli kaj ljubav dela. Brega. Je, bu sad ona sigurno rekla, da je to bil mali breg. Znam, je to bil velki breg; najveći najlepši. Kaj ni? Ja sam se sanjkal v Maksimiru. Si morem mislit kak je mamek v brigi bila kad brecek ni doma dolazil. Sam pozabil i na ručak. Bi mi cvililo v trbuhu, al sam moral bar još par rundi niz breg. A gda bi doma došel, sam brzo sve moral skinut. Je bilo kaj da sam na kupanju bil. Sav mokar s brambulekima snega i leda. Niš mi ni falilo i sam se čudil kaj se mamek srdi. Su kasneje i moja deca tak delala i sam v brigi bil da di su i jel sve v redu. Su isto tak mokri doma došla i sam si mislil, kak se prehladit moreju i sam im pripovedal kak to ni dobro. Deca draga kak čovek po malo zaboravla. A sad sam već i deda. Je mi unuka još mala, tek 9 meseci, al znam da vreme leti. Neznam, kaj bum brega napravil, il ko zna kaj. Da je vite kak se veseli kad me vidi. Mi zgleda kak da duboko razmišla, a onda kad me spazi, kak da je iskra sjevnula. Se to čist oseti. Se osmeh širi. Se nekak sva veseli. Neki dan me kčer Sanja, na moju želju, šišala na nulu. Sam već fajn lasih imal. Volim biti na nulu, al nis aparata za to imal. Sam ga na rasprodaji kod nas u Kauflandu kupil za 30 kunih. I tak mi Sanja z mašinico po glavi ide, a malena Leona u hodalici dojde i u čudu gleda kaj je to. Dedi padaju lasi; deda se menja. Na kraju se deda živ i nasmijan digel z stolca. Okrenem joj čelu, a ona se čudi. Nezna još govoriti, ali ispušta glas čuđenja. Proba rukicom. I sad par dana kasnije, čim me vidi, ide rukica na glavu uz osmjeh. Reči bi štel, da sve to je lepo. I gda sam se čudil mameku kaj se brinula, pa se brinul za svoje malene, da bi se sad veselil unučici i sve razmišlal kak bi njoj bilo dobro, a Sanja bu brinula. Nekak sam na sve strane bil. Još brega nis delal. Je još veselja pred menom. Prijatelji dragi za denes tolko. Svega se v moji glavi vrti, pa i to da kaj to sve je. Se prihvatit more, al onak da je kaj je. Al se mira nemam da nebi to videl. Al to kaj stvarno je, je nekak skrito. Se pitam, a zakaj? Bum koji put i o tim razmišlanjima pripovedal. Mi nete zamerili. Sve vas lepo pozdravlam. Recite i vi nekaj. Vaš Mladen |
Puno se na kolima vozi
- 10:33 -
Komentari (13) -
Isprintaj -
#
|
U ona vremena, možda nekima davna, a meni ko da je jučer bilo, kada sam bio mali, bilo je sve nekako skromnije. Baš zbog toga tražili smo načine za lijepe provode. Nije bilo tehnike kao danas. Bilo je to vrijeme kada je rijetko tko imao kod kuće radio-prijemnik. Rijetke ceste su bile asvaltirane. Auti su bili prava rijetkost. Prošao bi pokoji i digao veliku prašinu za sunčana dana. Trubili su na svakom križanju, jer broj potrubljivanja je značio da li će ravno, lijevo ili desno. Neki su imali, kak smo mi klinci to zvali, 'vinklere', što nam je značilo pokazivaće smjera kretanja. Oni bi iskakali lijevo ili desno kraj prozora auta, a bili su oko petnaestak centimetara, da ih se lako uoči. Ak smo bili blizu auta bi nas mogel s njim zakačiti, al smo se ipak plašili i bili na rastojanju. No ni to ono o čemu bi ovde sad štel pripovedati. Ste valda već primetili, da kad prejdem na ono kaj bi štel reči, počnem kajkavski. Nekak mi je to lakše i mi se čini da morem tak više dušu otpreti. Je taj kajkavski kak pesma. Znam da v nekim krajima pripovedaju skor ko da pevaju. Ovak napisano se svakak pročitati more, al da čujete kad se to pripoveda. Bi se razmeti ne moglo. Zagorec Zagorca razmeti nemre, će nisu iz istoga kraja. U tim vremenima, gda je svega malo bilo, kaj je trebalo za živeti, ipak je lepo bilo. Da bi zvana došel i onak z vrati mameku viknul: 'Ima kaj za jesti?', bi mamek rekla: 'Zemi si kruha i masti.' Se bi morti kuhal neki kelj čušpajz, zelje ili nekaj z krumpirom. Trbuh kaj da ni mogel čekati, pa je glavna klopa bila kruh i mast. Trebalo je i soli deti, al bi puno put mamek rekla: 'Je lako danas. Prije par letih, kad je rat bil, ni soli bilo.' Sam ja tak razmel kak je sad dobro vreme. Kruha ima, al je na točkice. Se dobro sećam onih 'repova' za kruh. Smo ga tak čekali da dojde. To je puno put bil moj zadatak. Kad bi ga ni bilo v dućanu na Koloniji, sam otišel v Maksimirsku ili po njoj još dalje, da bi kruha našel. Su nam dobri ljudi rekli, da više nebu došel v taj dućan. Smo mi dečki išli onda dalje. Navek smo bili v nekim grupama. Je kruha moralo bit. Ja pa mira nis imal, dok kruha nis našel. Kaj bumo jeli? A točkice su bile limitirane po datumima. Tak se ni moglo odjemput puno kruha zeti. Nebi to bilo pošteno prema drugima. Kaj bi njima ostalo? Tak je to bilo. Sam koji put štel nekaj malo više. Kad bi sve smazal, kaj mi je mamek na tanjura dela, sam znal reči: 'Ja bi još.' Mi je puno put mamek rekla: 'Nema više. Puno se na kolima vozi.' Sam si tak razmišlal, kaj bi to trebalo značiti. Da nema više, mi je jasno bilo, al zakaj treba reči da se puno na kolima vozi. Je to mamek tak automatski rekla, al ja sam navek nekaj razmišlal. Sam videl da mi kola nemamo, a ni konja da bi ih vlekel. To znači da mi nemremo puno imati, jer gdo bi sve to vlekak od ve do ve. Valda je to nekak povezano. Oni kaj kola imaju, moreju puno imati, jel moreju to pelati. Mi ih je ipak bilo žal, jel sigurno imaju puno brig. Ni lako sve to meštrijati. Treba puno toga na kola deti, a i puno stovariti. Al mi ni bilo nekak jasno, kaj će im to tak puno bilo čega. Meni je ipak dost bilo šnita kruha i masti. Gda bi si zaželel kaj više, mi brzo bilo jasno, da se bez toga more. Sam shvatil da nama kola ne trebaju i nekak sam bil z tim sretan. Štel bi reči i još nekaj. Mi klinci smo igrali razne zanimljive igre. Smo se nateravali po livadama, kojih je na našoj periferiji Zagreba, fala Bogu, bilo. Bilo nam je lepo, a tak smo malo toga imali. Ak bi neko imal loptu svi smo bili sretni. Sam razmel da baš i ni neka fora imati puno, a za peneze nis maril. Je tatek delal na železnici i nosil doma peneze. Mamek ih je trošila. Se moralo od nečeg živeti. I sve je to nekak zlazilo na svoje i mi smo klinci polako odrastali. I sve kak da je jučer bilo. Vaš Mladen |
Nek ovo bude onak za dušu
- 19:47 -
Komentari (10) -
Isprintaj -
#
|
Već neko vrijeme sve više osjećam potrebu otvaranja novoga bloga. Dosadašnja dva imaju svoje specijalnosti. To su 'Go misaona igra' i 'Škola goa' Unutar materijala u njima sam povremeno izunosio neka svoja mišljenja, ali je puno toga što nekako ne spada u njih. Uvijek mi je početak nekako težak. Znam što bi htel, ali treba dati ime. Treba nekak započeti. Često tako počnem pa sve pobrišem. Pa kad se recimo raspišem, vratim se i izmenim početak. Razni nazivi su mi se motali po glavi i se odlučit nis mogel. Na kraju je to kaj je. Svakaj sam si razmišlal da bi tu napisal već za početak, a sad mi je nekak glava prazna. Morti je to i dobro. Je vani kiša. 'Ddadd' veli da ni dobro reč da kiša pada, nek samo kiša. Veli da se razme da pada. Je, se razme, kad se tak zeme, jel sve je nekak tak kak se zeme. I vite, me te kaplice kiše, nekak jena po jena, smirivaju i mi šaptaju kak su kak sekunde, kak je vreme kaj polako mine. Se kak mali potoki voda prejde, malo je blata i se sve već menja. Sem pri 'Tebe tražim' videl post o vremenu. Se prijatel tak lepo dodirnul vremena, da nis mogel čkometi i komentara ne ostavit. Kak da mi je Bogek htel reči najlepšu mi misel o vremenu, da je vreme 'za mogućnost iskaza ljubavi.' Mi tak puno put dojde nekaj lepoga za reči i 'reči bi štel', al reči negde treba. Si tak mislim kad mi se tak v mislima nekaj lepoga dogodi, je Bogeku hvala za reči. To tak bi med nami ostalo. Kaj da sam samo ja pri njemu. Sam se letima uveril, da nas je puno tu. Sam osetil da svak je ljubavi željan. Nekak ni po pravici da si to samo za sebe zadržim. Se mi je v moji glavi se dogodilo, al sve to nebi bez vole Božje bilo. Mi zgledi da ni dobro skrivati. I tak nek svagdo vidi će more i hoće kaj se to pri meni lepoga događa. Morti nekom to ni lepo, pa ne to gledal. Je blog tak lepa stvar, da ga čita taj ki hoće. I sam tak ovoga blogeka otprel. Sve je kak se zeme, pa ak ni po voli se ne zeme. Mi je tak 'Helixica' pri odgovoru na moj komentar o vremenu rekla 'vrijeme -- najboljii najgori prijatelj - takve ne možeš ne voljeti.' Praf veli. Al se to kak na dva načina odjednom reklo. Kak prijatela ga imati je svakak dobro. 'Razumica' je nekak zaboravila, kakti, da vremena mineju. Kaj da je ostala vu istim letima za navek. Lepe stvari projdeju, a ono kaj ostane su sećanja. I ni to tak grdo kak nekima zgleda. Lepu reč navek moreš dati, lep osmeh, lep pogledek, a nekomu i pusu. Če si tam negde otraga u prošlim vremenima to se nemre. Reči bi štel. 'Alkion' ni več na nebu. Nema lupinga i prihvatil je promenu. Duša mu još navek traži akciju. Sve on to lepo v blogeku svom piše. Dušu se zapreti ni moči, al ni vremena zaustaviti. 'Okeco', moj prijatel, kaj skup z meno kamenje premetati voli, se na slikice delati vrgel. Vidim kak bi htel vremena zaustaviti, al sve jeno nekak mu to vreme v slikicu pobegne. I sve to mu kak živo tak zgleda. Bi reči štel kak i vreme nekak v slikicu zajti more. Prijateli moji dragi i oni koje tu nis spomenul, se bum ovoga blogeka upotrebil i, da bi tak rekel, nekaj kaj me i vi bute potaknuli. Ionak tak puno toga zmislim, kaj pri vami poticaja najdem. Se bum tu i tam rekel, da je to po vami meni tak došlo. A slikica? Kaj da denem? Da negde nekaj vkradnem s nekog web-a? Si mislim, da bi lepo bilo ipak imati jednu digitalku. Če slikice ni, ni škoda. Bu i toga. Vas sve lepo pozdravlam i sve dobro naj vam bu. Vaš Mladen |