geomir

ponedjeljak, 15.10.2018.

ŠJALPETA

Ovo djelo je plod fikcije. Svaka sličnost sa stvarnim osobama i događajima slučajna je.

Kliknuti na link i slušati originalni izgovor teksta



Oni ča u nos zovedu šjalpetu šjalpeton su u manjini – većina Kroata je zove kravata,
a tuo hoće reć da pročedi od riči Harvot, jerbo su u sedamnajiestemu viku
harvoski vojnici, kad su se tukli po Europima, parvi nosili okolo vrota faculete
od kojih je posli diventala šjalpeta.



U naše vrime kravatu, vidimo na judima svih nacijunih, partitih i virih,
ča hoće reć da je puno stimona u svitu, pok je i vonka zovedu po našu,
a somo niki su je karstili po svoju:
tie, nyakkendo, vratovrska, galstuk, razhodujuca, lazo, ....

U Lipoj našoj smo je dopokon vezali i okolo amfitejotra u Puli.
A da je viezat sve šjalpete ča hi imomo, jednu do druge,
mogli bismo obigrat cilu granicu Harvoske.



Ma Bodule, a i Vlahe, ne pjaži ni zabotunat guornji botun od košuje,
a nekmoli viezat šjalpetu okolo vrota;
ona fastidijo, fermoje rešpir, a kad Buodul vidi koga inšjalpetonog,
fermo ga i pito: „A komu je sprovod?“
Šjalpetih je raznoraznih, po robi, po diženju i po koluru.
Ukrale su sve piture dugie, sve diženje i kolure tropskih ribih i tičicih
i one uvik diluju ko magnet za oči.
Prin nego se čovika pogledo u obroz, vidi mu se šjalpetu i po njuoj moreš doznat
kojin požicijun imo tin čovik u društvu, i je kapoc izabrat veštit prema šjalpeti.



Po koluru šjalpete moremo znat ne somo je čovik u korutu, nego i u kojuoj je partiti,
a i koja mu je nacijun, ako su mu na šjalpeti čarnjeno-bili kvadroti.
Danas ne moreš vidit čovika na televiziji bez šjalpete,
a i u muodi je sve veći uzal od šjalpete okolo koleta,
kojin more dat i drugu sliku obo Harvoskoj šjalpeti.



A diguoda koguoda promisli da onemu ča govori po televiziji,
riči manje vrididu, ako ni okolo vrota obisi šjalpetu.

Zno se, ako kuo na javnemu mistu iskido i spoli našu bankanotu, da ga čeko kaštig,
ma bi tukalo stavit u paržun i onega, ča s maliganiman u divertimientu
vazme nuož i prisiče šjalpetu, pok bi onda imo vrimena pensat
kako tuko stimat i imat krejoncu prema kravati,
ča non je prinila naše ime svukuda po svitu.

Autor: Dinko Matković
Autorov blog: Insulano

prošti: Geomir
foto: sa Interneta


Manje poznate riči:
Pročedi = potječe, vuče porijeklo
Faculet = rubac
Diventala = postala
puno stimona = mnogo cijenjena
dopokon = čak
ne pjaži = ne sviđa
fastidijo = uznemiruje, smeta
fermoje rešpir = zaustavlja dah
fermo ga = zaustavi ga
i je kapoc = i da li je sposoban
kaštig = kazna
paržun = zatvor
pensat = promisliti
stimat = cijeniti, poštivati
imat krejoncu = imati uljuđenost, pristojnost
- 22:46 - Komentari (10) - Isprintaj - #
  • jema prav moj zenzo! :))) (nisan EL DIABLO 15.10.2018. 23:52)
  • Okolovratni dopupak ;) (blogi ;) 16.10.2018. 00:35)
  • Omča! (Sjećanje i osvrti 16.10.2018. 13:32)
  • Ona šjalpeta od konopa se nosi svudi po svitu a ne somo u nos:-(
    (moji su govorili facolet a ne faculet) (čempriš 17.10.2018. 11:03)
  • @nisan, slava mu, tvojem, mi rečemo, ziensotu !! :-)))

    @blogi, zdrav i vesel bio!! :-))

    @sje, reklo na TV da moguće 28% naših ima omču okolo vrata!!

    @čempriš, možda šjalpetu od konopa i diindi nosidu,
    ma naše taka šjalpeta malo veće stisko!! :-))
    Facolet, faculet ... meni jedno i drugo paše! (geomir 17.10.2018. 15:59)
  • Ovo narječje je za mene k'o strani jezik heheheh. Ok ne baš tako ali blizu. A što se tiče kravate, kad smo bili u Japanu i družili se s Japancima u karaoke baru rekli smo im da je Hrvatska ta koja je izmislila kravatu. Bilo im je to jako zanimljivo.
    Rekli smo im to zbog toga što tamo mnogi Japanci (poslovni ljudi) obavezno nose odjelo i KRAVATU. (Diadema 18.10.2018. 23:20)
  • Malo kasno, ali...
    Sinoć 17.10. je u Palači Milesi akademik arhitekt Dinko Kovačić govori obo Splitu 3 i kad se grodila Ulica Dinka Šimunovića da je ovun odluči ostavit onu potleušicu sa čemprišen u spomen na spliskega težoka!
    Naša Varbuska je molisno misto, ma su famejima i ditinjstvom vieženi za nju dvo akademika: Dinko Kovačić i Davorin Rudolf. (čempriš 19.10.2018. 14:33)
  • Svaka čast kravati (Lastavica 19.10.2018. 17:16)
  • Zanimljivo sa kravatom. Znam za facolet, fermati, pensati, pržun..., a sad i za šjalpetu. Onaj grop od konopa mi se ne pjaža. (gogoo 20.10.2018. 10:26)
  • leptir mašna (brambor 20.10.2018. 23:47)

    		•
    DNEVNIK.hr10Nakon prijave pratite svoje najdraĹľe blogere i kreirajte vlastite liste blogera!Naslovnica