| < | svibanj, 2006 | > | ||||
| P | U | S | Č | P | S | N |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | ||||
Opis bloga
Kako se osjeća četrdesetgodišnjak kao otac po prvi put?A tokon svih ovih godin zabiluženo ča se događa oko mene ...
Linkovi ...
Blog.hrHR vatrogasni portal
Gajnc novi mašogradski portal
Kaštelanski portal
Mašogadur
Ovamo volin povirit ...
Eleonora BegoNenad Bego
Gogoo
Gustirna
Brod u boci
Ciovka
Informatičar staroga kova
... da ne zamirite, i ja san, davno, obaša cilu županiju, i šire, sa mlaznicon u ruci i brentačon na kostima, ma koliko mi šutjeli o tome ...
E, i zaboravija san napisat, član sam DVD "Mladost" čin san uspija nagovorit mater da mi se potpiše na pristupnicu, od 1977. godine.
Moji E-mailovi:
E-mail
Arhiva ... po godinan
Srpanj 2004
Siječanj 2005
Siječanj 2006
Siječanj 2007
Siječanj 2008
Siječanj 2009
Siječanj 2010
Siječanj 2011
Siječanj 2012
Siječanj 2013
Siječanj 2014
Veljača 2015
Ovo san mora napisat, kad san već zaboravija prvi put. Kad san bija vidit, oću reć pitat je li Vinka primljena u jaslice, gospođa koja je gledala je umukla! Ča je sad? Nima je na spisku primljeni! Ali nima je ni na spisku odbiveni! Ali Bingo! Dogodilo mi se da mi svakako pišu prezime (Garbin je ispravno 
) ali nikad dosad nisu napisali VARVIN, tako da nan je svima laknilo kad smo otkrili zadanu enigmu 
nije palo nove kiše na moj kumpirić, nije ništa zla, dapače, evo baš san jon sad didu na telefon izdiktira da smo Njezinome Veličanstvu mekli čepić zadnji put pri petnajst dan. Dunkve, Vinka se da prostite sere svojevoljno i na vlastiti pogon, uz neophodnu obavijest "Tata, kakala san" ili "Mama, kakala san!" kad se to dogodi. Eto, kad čovik jema malo dite. sriću činu i male stvari. 
Pogotovo u Vinkinome slučaju, kad to ne bi mogla obavit bez pomoći sa strane. Geni jesu 
ali nisu kameni 
kad je od obadvi babe naslijedila probavu, mogla je i ča pametnije od nji pokupit. Evo baš sad gremo u likara, svečano ćemo jon objavit da to Vinka sad radi sama, skoro svaki dan. Reka san skoro, jerbo je bila učinila pauzu od dva dana pa san se pripa da je opet po starome, ali je jučer nastavila "seriju" i fala bogu i jutros, pa valjda sad mogu reć brez straja da je ne "učaran". Eto, svitu, more bit da su niki od vas i razočarani, pa su mislili da je koja druga "tajna", ali meni je i ovo, nemoretezamislitkoliko, posebno drago! Jedino mi nije drago ča, evo, već treći dan gren na Firule, pridučer san bija povirit mater koja je izvadila par kamenčići iz žuči. A ja onako sritan ča je sve prošlo u redu, ponudin da ču jon od dva manja kamenčića napravit rečine, a od velikoga privjesak za lančić, pa me je poslala u materinu. Baš me niko ne razumi 
. Jučer san odveja punca na Hitnu oko tri ure pozapodne , a vratija san se doma malo pri ponoća. Skoro san se pritvorija u bundevu 
Je, odanija san, Vinka je primljena u jaslice. Eto, počeću brojit dane do prvi devetoga, kad nastupa. Bila je gužva, oko sto dice nije prošlo. ča u vrtić ča u jaslice, a još nan država grinta da nima puno dice ... jema dice, samo ko će i čuvat? Baka servis? Je, dokle se ne razboli, ka u mome slučaju 
Vrtliči i jaslic nikad dosta ... A moja mala Vinka, eto, još ne zna ča je čeka. Jo ona, ka ča se i vidi na slici, zajebaje mater svoju, ali nima straja. Ja mislin da će ona guštat u jaslican. Nije ni Gomilica na kraj svita ... pape će je odvest pri posla i posli posla poć po nju i to je to! Jema li ča nova? Jema, ma ne smin kazat. Neka potraje još koji dan dokle ne gre u dotura, pa ću van reč 
da ne gatan 
Evo, ne mogu više, jedva gledan ... noćas san bija dežuran u vatrogasac, pa je neki psihopata ča pati od nesanice naziva vatrogasce svaku uru vrimena, i uredno prikinija vezu kad se ozoven. Taman dokle zaspeš od prošloga puta ... Spava san u cilu noć jušto tri kvarta od ure i iša na posal sa podočnjacima u rukan 
I ča bi mu ja sad tiba reč? Ništa ga od tega ga ne more izličit. Lud bija još luđi osta, i najveća mu je kazna ča se ujutro mora pogledat u ogledalo. Ili ga je davno razbija pa se sad nima di vidit ... ko zna. Stojte vi meni dobro, a ja se gren malo naspavat, sad kad san potira nji dvi u šetnju ...
Finila je i ova subota, kome radna, kome neradna. Ja san se, fala Vinka, lipo uspija naspavat do deset uri, za razliku od nekih koji su se morali dizat u četiri i minjat dva autobusa da prispiju u šest i po na posal. I sad su ljubomorni na mene ča mogu dugo spavat 
a zaboravilo se na ono naslađivanje "digi se tata" kad se nije radilo ... sve se vraća, sve se plaća ... Ali da prostite, mi smo se malo makli od naslova. ionako je to bilo pozapodne, kad smo išli kod babe i dide u Kaštila. Eto, malo su okasnile ove godine, ali doša je pravi vjesnik skoroga lita: prve kaštelanske trišnje. Ajde, fala bogu, jema bit da se Njezinome Veličanstvu sviđaju za papat, ka ča se i vidi na sliki. Mekli smo jon, po starome kaštelanskome običaju, po dvi trišnje sa peteljkan na svako uvo ka niku vrst rečini (naušnica, za sjevernjake), ča jon se strašno svidilo da je cilo vrime mavala glavon, jedva san je uspija i slikat. 
A ča bi vi tili da van rečen ovako ujutro najranije, kad su me tek prinili iz posteje kad san se probudila. Nije to Vinka rekla, ali isto ka da i je, rekli bi naši stari da jon piše na čelu. Počela je već nova sezona komarac, ka ča se i vidi na Vinkinome licu 
Možda i ne bude tribalo, more bit sve u redu. Ko zna. Nedokučivi suputevi Gospodnji. Amen!
Ala lipoga naslova, malo se pravimo Ingleži pa pišemo Svaku Besidu Velikin Slovon 
Ma ostavimo se mi zajebancije, jerbo su me niki već priduhitrili. Danas je dan Pobjede, i mojoj materi rođendan. Kako je pokojni dida, ili još boje rečeno njezin stric Silvestar, bili vidoviti. Rođena na Dan Pobjede, i zove se Slobodna, ali je rođena četrdesetiprve. Zajebavali smo je prije, za vrime "one" države, da je mogla dobit i Spomenicu, pogotovo kad smo odgledali "Malo misto" i onu legendarnu doture moj, špašiteju moj ...
Svakoga dana me sve više iznenađuje. Nabavija san nove Teletabise, i ona je gleda pa od bote udri u plač! Ča je sad, da je nije ča zabolilo! Ajme i kuku! kad ono: plače zato ča je niki medo doletija i zavrtija se na vrtuljku skupa sa teletabisima. I sad svaki put kad dođe ta scena, moran primotat, jerbo opet udre u plač. Pa ajde budi pametan! 
Ne, nego je došla moja mater na motorbičikleti ... E, i tako je Vinka dobila prvu zabranu, poslin svoga drugoga rođendana. Ne smi se približit DVD plejeru! .. Kakoje uspila, ne znan, ali san uspija ustanovit zašto DVD klapa kad uvališ novi disk unutra. Mala je iskoristila trenutak nepažnje nas okolo i uvalila Teletabise kroz ZATVORENA VRATA, i nikako da prizna da je ona to napravila. Jelica je, mama je, baba je, samo ča nije rekla da je dida Frane, ča se bidan ne more poč u vrtal prošetat, a ne doć povirit unuku ... Kako, ja to i dan danas ne razumin. I, da nastavimo, do daljnjega, unutra je STALNO DVD sa gomilom Teletabisa, Pčelicom Majom i Sylvesterom, a drugo se ne smi dirat. Do isteka kazne! 
Bitno ja da se čako okrene i da se moremo ujutro naspavat malo duže. kako ko, rekla bi koka. Moja zakonita siguro ne bi, jerbo je radila na ti dan. Ne more uvik proć lišo, ka na uskršnji ponediljak. Dovidova, spava mi se, gren leć, eno one dvi več hrču ...