| < | travanj, 2006 | > | ||||
| P | U | S | Č | P | S | N |
| 1 | 2 | |||||
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Opis bloga
Kako se osjeća četrdesetgodišnjak kao otac po prvi put?A tokon svih ovih godin zabiluženo ča se događa oko mene ...
Linkovi ...
Blog.hrHR vatrogasni portal
Gajnc novi mašogradski portal
Kaštelanski portal
Mašogadur
Ovamo volin povirit ...
Eleonora BegoNenad Bego
Gogoo
Gustirna
Brod u boci
Ciovka
Informatičar staroga kova
... da ne zamirite, i ja san, davno, obaša cilu županiju, i šire, sa mlaznicon u ruci i brentačon na kostima, ma koliko mi šutjeli o tome ...
E, i zaboravija san napisat, član sam DVD "Mladost" čin san uspija nagovorit mater da mi se potpiše na pristupnicu, od 1977. godine.
Moji E-mailovi:
E-mail
Arhiva ... po godinan
Srpanj 2004
Siječanj 2005
Siječanj 2006
Siječanj 2007
Siječanj 2008
Siječanj 2009
Siječanj 2010
Siječanj 2011
Siječanj 2012
Siječanj 2013
Siječanj 2014
Veljača 2015
Eto, kako vrime brzo gre, naročito kad su u pitanju tuđa dica. A pari mi se da su jučera stali svi ka pilići da i slikan. Barenko i je bilo lako povatat, jerbo su tek puzali ili još bili nesigurni na nogan. Ali ove godine 
tribalo je angažirat sokol-šafranića i alena borbaša, a mislija san se i za tigra cikatića. Kad počnu trčat na sve strane
srića da jema samo jedan izlaz sa tarace i da je zidić još uvik priveliki za naše male napasti, pa smo i uspili držat na oku ... Malo nas je vrime zajebavalo, kad je doša moj kum, počela je i kiša, pa smo morali unosit stol unutra i bižat od kiše. Srića, kratko je potrajalo, pa smo stol odma posli iznili vanka i nastavili sa poslon ... Nismo se ni mi itali kamenjen u svetoga Iliju pa da nas okupa na ti dan. i, ka ča san već reka, Vinkica je bila prava domaćica i ispratila sve goste ... a tek posli dva dana, oću reć u nedilju u Kaštila kod babe Vinke, mogla je provavat na miru onu robicu ča je dobila na dar.
Nedokučivi su puti Gospodnji. Amen!
Platila je bidna bubamara buletu 
, napuvali su je svi predškolci. Tako je to na dičjin rođendanima, svako dite mora puvat tortu posebno. A meni je propa zajeb, koji san pripremija, jerbo san uzeja svičice koje se posli par sekundi same užižu 
. Ali san jema bit uzeja nike falšine, pa su se tek kad su dopola izgorile, počele ka stidljivo same iskrit i palit. Ali nima veze. Vinka je bila, kako i triba, zvizda večeri, i kod male dice, i kod stariji. Sve je lipo opremila, skoro do jedanajst uri, ka i prava domaćica, i još je revala da neće ona poć leć, nego da gre šetat. Tako da san ja, kad san iša razvozit zadnje goste ča su bili brez prevoza, ostavija Vinkicu plačuć, kako objašnjava Zakonitoj da ona neće još spavat, i da jon ne skida robu jerbo se njon prohtilo šetat. Bilo je tot još i koja besida ča je nije lipo čut, ali se mi svi uredno nasmijemo kad čujemo od tuđe dice. Nasmija bi se ja i Vinki, kako slasno pošalje, ne fermaje jon jezik. ali okrenen glavu i smijen se u sebi. Jer ja, a i Zakonita, ka pravi roditelji, moramo djelovat odgojno. Tako da Vinka uredno nekoga pošalje, pa poklopi usta i reče ajme, to je grubo i nasmije se sama. Pa jon ti sad poj ča reci. Ako neće bit političar kad nareste, mora bit barenko advokat. 
Već nediju dan to su jon prve beside kad se probudi, ili ujutro ili ka sad, kad se probudila pri nego dolazi ekipa. Moran poć po nju u baka-servis, jer smo je tamo parkirali da moremo sredit kuću, danas dolazi kaznena expedicija olitiga Vinkina ekipa iz Parka i sa Ljuljačke, a i sa Potočića. Ako šta ostane, to će satrat mamina i tatina ekipa 
u 19:00, pa dokle ko izdrži ...
Ne bi sad o tome da ka zensko to i triba dobit 
ali taki je kod nas običaj, mislin u Kaštilima, da žensko dite za Uskrs dobije guskicu oli pletenicu, a muško dite dobije kolač. 
Eto, skoro da san zaboravija, pa san se zato ovako rano diga, svima van ča nas čitate sritan Uskrs želimo Van Vinka, moja Zakonita i moja malenkost. I nemojte puno papat. Reću Van ja najboju dijetu: svaki put kad grete napunit justa, sitite se kako ja izgledan. Ako Van ni to nije dosta, poslaću van sliku. 
Moran priznat da moja mala Vinka pomalo poprima sve normalne zenske manire. Nima veze ča je jučer lila kiša ka iz kabla, nima veze ča je tuklo jugo odavle do Otranta, kad triba poć u kupovinu, ništa jon ne smeta 
strpljivo je šetala s nan od butige do butige, jerbo ni njon nije lako nač broj od postoli, a nismo opet tili vazet nike šminkerske koje će istuć u sedmicu dan ... I tako smo našli ono ča je komodalo i nju i nas. I babu Viku koja je financijer 
Nije još kalalo jugo, ali bar nije oblačno, ko ne viruje neka pogleda na ovi link ča san ga stavija danas, to van je mala kamerica na Institutu, ča kažije osin slike i temperaturu mora i zraka. Vridi naročito za dijasporu, da se malo glođu dok ne arivaju opet u stare kraje 
Kako se bliži njezin drugi rođendan 
tako je i Vinkica pridonila atmosferi ... jučer je, uz babinu pomoć, raščepušala sve knjige riceti i kuvaric koje je jemala doma, dokle nije izabrala tortu ča če je baba Vinka napravit. Sad to isto čeka i babu Slobodnu. Još malo pa 21. 4. pa će nas se opet skupit cila ekipa. Molimo Boga da učine lipo vrime, 
da je Vinka uvik deboto u istoj majici na slici, pa evo da ugodimo i otima ča svaku sliku privrnu po petnajst puti. Ionako mala čin vidi da vazimljen fotoaparat, odma se počme namištat kako bi ča boje ispala. Judi moji, stojte mi dobro, i vidimo se i čujemo ča pri ...
"Ubili smo musicu!" - Kako sa malin diteton tribaš bit pomalo i političar. Ne po onoj staroj "gleda te u oči i sere", nego da bi joj ništo dokaza, triba to nazivat ko zna sve kakvin imenima, i uč u njezinu logiku razmišljanja. Doduše, komunikacija je još uvik malo zajebana, jer Vinkica uporno nike beside govori po svoju, i kako je fala bogu tvrdoglava na oca i na mater, triba se malo satrat do je skroz razumin ča je pisac tija reč. Tako i ova prostoproširena rečenica iz naslova. Kako se maloj nikako ne da plest, triba cilu plenarnu sjednicu održat oko tega i nikako je najlakše ispalo da joj triba reč da ćemo ubit onu mušicu ča jon je ušla u kosu i sve iščepušala. Onda barenko ne ronza puno dokle je spletemo, tj. neko od ženski članov uže i šire rodbine. Ja san to prova samo jedan put, i onda je parilo ka da je u kosu uša cili roj stršljeni, a ne samo jedna betežna mušica. Pa su me iz humanitarnih razloga odgovorili od buduće namjere uređivanja Vinkine frizure 
pogledali. Ja bar mislin da nisan laga. Ako ne ništa, da radi doli mogla je bar uru i po duže spavat svaki dan, a ovako dočekamo petak ka spasenje, ka prvo da se moremo naguštat male Vinke, jerbo je u babe Slobodne deboto na vazdan pa je skoro i ne vidimo priko nedije, a onda i da se malo naspavamo.
