Marketing
Izabrali smo tortu!
Kako se bliži njezin drugi rođendan 
tako je i Vinkica pridonila atmosferi ... jučer je, uz babinu pomoć, raščepušala sve knjige riceti i kuvaric koje je jemala doma, dokle nije izabrala tortu ča če je baba Vinka napravit. Sad to isto čeka i babu Slobodnu. Još malo pa 21. 4. pa će nas se opet skupit cila ekipa. Molimo Boga da učine lipo vrime, 
jerbo i ne moremo svi stat u onu našu kapunjeru od stana, ali barenko na taraci jema mista, ako nas, je li, posluži vrime. 
Kad se sitin kako san je jedva slika za prvi rođendan jerbo je zamalo otpuzala iz kadra, a sad ću morat pazit da se koji švrćo ne privali priko tarace 
Je da sad vanka dere južina, ali san isto dobre voje. Došli smo u te godine kad se ekipa okupi samo na kojemu piru, rođendanu ili nedajtigabože sprovodu ...
Baš mi je ništo puklo u pisanje, a i prigovorili su mi oni ča pazu na svaku pizdariju 
da je Vinka uvik deboto u istoj majici na slici, pa evo da ugodimo i otima ča svaku sliku privrnu po petnajst puti. Ionako mala čin vidi da vazimljen fotoaparat, odma se počme namištat kako bi ča boje ispala. Judi moji, stojte mi dobro, i vidimo se i čujemo ča pri ...
Post je objavljen 10.04.2006. u 12:49 sati.