| < | rujan, 2005 | > | ||||
| P | U | S | Č | P | S | N |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | ||
Opis bloga
Kako se osjeća četrdesetgodišnjak kao otac po prvi put?A tokon svih ovih godin zabiluženo ča se događa oko mene ...
Linkovi ...
Blog.hrHR vatrogasni portal
Gajnc novi mašogradski portal
Kaštelanski portal
Mašogadur
Ovamo volin povirit ...
Eleonora BegoNenad Bego
Gogoo
Gustirna
Brod u boci
Ciovka
Informatičar staroga kova
... da ne zamirite, i ja san, davno, obaša cilu županiju, i šire, sa mlaznicon u ruci i brentačon na kostima, ma koliko mi šutjeli o tome ...
E, i zaboravija san napisat, član sam DVD "Mladost" čin san uspija nagovorit mater da mi se potpiše na pristupnicu, od 1977. godine.
Moji E-mailovi:
E-mail
Arhiva ... po godinan
Srpanj 2004
Siječanj 2005
Siječanj 2006
Siječanj 2007
Siječanj 2008
Siječanj 2009
Siječanj 2010
Siječanj 2011
Siječanj 2012
Siječanj 2013
Siječanj 2014
Veljača 2015
Malo sutra. To ča bi se i meni tilo, mala Vinkica je bukvalno svatila pa se požurila ukjučit u moderne tokove. Dunkve, ionako nan je rečeno da se vozimo javnin prijevozon. Nisu mi ni tribali govorit! Preduhitrija san ji. Pa san se nikidan uputija o Solin. Biciklon. I naiša na začuđenoga Sućuranina u dijaspori. Jadan se cili smeja kad me vidija na bicikli. I moja izjava "da san ja posluša našega premijera" nije mu ništa popravila raspoloženje i izraz lica. Jadan Jure! 
Eto, nikidan san čuja priču da je Meštrović stavija veto na kip Grgura, da mu se učinija malan za u Split, pa je bidan Grgo završija u Varaždin. Nisan virova, pa san se mora sam uvjerit. Je, Grgur je, čak mu je i palac uredno izglancan, ali je nikako malan. Jema je veliki meštar prav, ovod doli je mora doć tri broja veći Grgo, ka ča su ga i stavili. Eto tako!
Zašto ovi naslov, pitate se? Eto, ako vako nastavi, moracu piturat kosu u plavo, jerbo san prisiljen gledat BigBrother! Di se ko okrenen, a nominacija, e ovi je, ovi nije, ova smrdi, ova miriše, ispaliću na živce. I još kad kome rečeš da kako jema želudac to gledat, onda te svi gledaju nikako nakrivo, ka da si in ukreja barenko petsto euri iz žepa. Tija ne tija, vidija san da je Duje priživija prvi petak. Neka mu je sa srićon, ali nemojte me tirat da to gledan. Milost! Eto, i to smo odradili, zaboravija san napisat, bili smo sa prijateljen i familijon po njegovu kćerkicu u rodilište, i ispostavilo se ono ča san ja zna i puno ranije, da ženska djeca puno bolje spavaju kad je vrime za spavanje, nego ča to činu muška dica. Neka, i on mirita da se naspava, jerbo mu je muško dijete počelo spavat kako Bog zapovida tek sad kad je krenija u školu :-)
E, ne more se svak pofalit da jema mater sa tako lipin imenon. Tako je svojedobno moj otac reka jednome Highlanderu da jema doma Slobodnu od 1941, pa ga je napalo da je lud ča je ne da u muzej. Dokle dotični nije svatija da je "Slobodna" počela izlazit tek 1943. godine, i da se momu ocu žena, ilitiga moja mater, zove Slobodna ... Vidi prošli post, u ovome ludome selu triba naučit igrat na prvi balun, jerbo ti za sekund ko uleti klizećin starton i nima te više do kraja prvenstva ... Kvragu balun, i Politika, a bogami i Vjesnik ... eto tako, posidija san gledajuć one naše nesriće na Islandu ... Naša posla, ubezobrazili se protiv Brazila, pa ka ča će oni sad se trudit protiv tamo niki Lazari, Ribari i da ne rečen koga još ... tribalo in je tri kvarta (frtalja, za sjevernjake) ure da svatu kako niko prid njima neće skinit gaće, a pogotovo potomci Hogara Strašnoga. Pustimo mi to sve, vrnimo se na sliku! Ka ča se vidi, moja Šefica pikira na tortu, to je ono ča pari ka Barbika sa malo većon vešton. E pa ta vešta je torta. 