< | listopad, 2005 | > | ||||
P | U | S | Č | P | S | N |
1 | 2 | |||||
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 29 | 30 |
31 |
![]() Kad je on iša, nije ni odala ni govorila. A danas!!!! Ne samo da govori vengo i kreše, ka da je čuva susida Božana a ne baba Slobodna, a ne bi je se posramija ni pokojni Frane Bujiš. Jedva bi se nasladija da je čuje kako pošalje :-) Digne slušalicu i ka ono zove tatu, alo, tata, alo, tata, i kad se, falka bogu, niko ne ozove, spusti slušalicu uz primjedbu " a u pi**u ma**rinu". Osjećan se kad san sa njon ka da san na sudu. Sve ča rečen more se i biće upotribljeno protiv mene ... u ovome slučaju svaku besidu koju čuje ponovi odma ... pogotovo ako je koja šporkarija ... Nikidan je prvi put gledala Tweetija i cili dan je ponavljala "zločesta mica maca", još malo pa ču jon počet davat u malin dozan i "Malo Misto" i "Velo misto" A ča se tiče odanja, ni tu puno ne zaostaje. Dere postole sve u šesnajst. Prosječan vjek trajanja tri miseca. I to i uspije izderat pri vengo i priraste. Bili smo jučer na prvi dičji rođendan, kod Mirte, i nije fermala cilo vrime. Niti se zasramila. Odma je privrnila čašu soka pa je bila mirna do kraja. A iskusne mame su nas pitale da sa kojin petardama hranimo Vinku, kad je ovako neumorna. Reka san da ne znan, da mi pitaju mater priko SMSa, i da san in njezin broj mobitela. Slobodna će učas to pročitat. I još brže odgovorit :-) Fala ti bože, opet petak! Bar ću se sad moće opet naspavat, jerbo je iduća "smjena" ujutro Jelenina, jerbo ona radi popodne, pa opremi malu u baka servis pri posla, a ovu nedilju bi je ja, prije moga posla, odveja kod penzići. Muka mi je svako jutro je budit, ali to je tako. Kamo sriće da potraje šta duže ... nedokučivi su puti Gospodinovi ... a ja ću se već lako naspavat ... |
![]() |
![]() |
![]() |
![]() I neka je danas južina, i neka gubin nadu da ću se ove kalendarske godine okupat (ako me ko ne uvali u more!), i neka je danas dan za skočit kroz ponistru brez pogledat doli, i neka mi se Vinka noćas budila svaki školski sat brez odmora jer postaje Odlikašica (izlazu jon Petice, gori i doli, pa je nervozna ka po duzine dobermani na dijeti), danas mi je, a posebno Jeleni, svanija lip i sunčan dan! Eto ga, rečedu oni koji navijadu za moju košulju sa pridugin rukaviman, jesmo van rekli, a! E, ali nije to to! Žena mi je danas dobila najlipšu čestitku za rođendan! Rekla mi je da jon donesen radnju knjižicu! Počela je radit. Je zamjena, je ko zna koliko će potrajat, ali bar ne grize. Ne čudin jon se, i ja bi griza da san na njezinome mistu! Fala publici! Fala Ines! Sad ćemo aktivirat "Baka Servis". Ionako mi je mater grintala da ne vidi malu po pet dan :-) Jema bit da se mi ipak nismo itali stinjan u Onega Gori! Mora san ovo najpri reč. Oću reč, napisat! A sad bi bija red da objasnin i zašto ova slika gre ka ilustracija! Spremile se nji dvi vanka, Jele sređije sebe, a mala sve oko mene, pa se namišta. A ja tuka! Sve dok mi nije rekla: Tata slikaj! E, jesan buzdo. Di mi je pamet, kako san moga izgubit iz vida da je Vinka, iako jema tek godinu i po, ŽENSKO. I da se ka i svako žensko voli sredit i slikat. I neka. Mirita mala! Pogotovo za ono ča mi je napravila prisinoć, kad san jon napola u zajebanciji, reka: Ajde Vinka, molin te donesi tati postole! I donila i je!!! Jednu po jednu, jerbo su malo obilatije, ka ča san i sam :-) I lipo san jon se zafalija, i onda je ona zapljeskala. Pa ko to more platit! Ili ono od petka: odo ja povirit Nji Dvi doli do Parka, di in je baza dopodne, ako je lipo vrime. I puklo me: gren ja s njon do posla, a Jele odvede biciklu doma ... Lipo je mala obašla sa manon cilu "Belu Zgradu" od podruma i Gradske Kužine, do petoga poda i Gradskoga Poglavarstva. I svima, ka za dišpet, nije plakala, nego bi, kad bi jon ko šta da, ničin izazvana, poklonila naklon i zvonko «Fala». Da san in priča, rekli bi mi da pretjerujen, ka i svaki otac za svoje dite, a ovako su se mogli sami uvjerit. Eto, ja toliko, dosta za danas, ipak je vanka jugo, ma koliko šutjeli o tome! |