< | veljača, 2010 | > | ||||
P | U | S | Č | P | S | N |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
O svemu ča mi pade na pamet dok pišen.
Najviše o ovon našen lipon Gradu i njegovin mesopusnim običajima.
Blog.hr
Forum.hr
Monitor.hr
Budalizacija.hr
Kuhinja
Lektire
cjepanica.net
lektire.net
lektire.org
Skripte za Faks
prijemni.net.org
Ča god vidim da piše o domaćin običajima.
VINODOLSKI ZAKON 1288
Ambasador turizma
Sinoć je održana Pivačka vičera va Domu kulture, na njoj su bili osin pivača još predsjednici mesopustarskog društva, i si ki su bili sponzori pivačimi tokom mesopusnih dana.
Nadan se da su Van se dopale slike od Mesopusta 2010.
Va Novon je održan malonogometni turnir 1.SUSRETI ALENOVIH PRIJATELJA. Susreti Alenovih prijatelja su zamišljeni tako da se svake godine susret održi pod pokroviteljstvom drugog DVD-a. Sa time da DVD domaćin određuje u kojem sportu će se ekipe takmičiti. Ovaj put je to nogomet, a sudjeluju ekipe iz DVD-a Novi Vinodolski, kao domaćin, Lopar, Brinje, Jasenak, Ogulin, Otočac i Hrašće. Sa jednom iznimkom da DVD Hrašće ov put nema ekipu zbog nama poznaih razloga. Za reći je i to da je oko 14.30 jedna poveća delegacija svih društava otišla u Krmpote na Alenov grob položiti svijeće i cvijeće uz prigodan govor i molitvu velečasnog iz Sinca (velikog Alenovog prijatelja).
Sam turnir je bil jako dobar, utakmice i golovi više ngo dobri.
Prva tri mjesta: 1. DVD Lopar
2. DVD Brinje
3. DVD Novi Vinodolski
Evo sad slika svih ekipa.
Nakon sakog mesopusta mesopustari i si oni ki in okolo toga pomoru imaju za pravo se malo i zabavit. Tako se onda i organizira mesopustarska vičera. Ov put su mali mesopustari imeli vičeru va LAVANDI.
Evo van par slik ke san dobil jer ov put nis ja slikal.
Poli nas va Novon na čistu sredu-Pepelnicu održava se zadnji dan Mesopusnih običaja. Danas je sprogod mesopusta, gre ga se zapalit na puntu. Vavik se gleda kamo će dim krenut, dal će bit ribe ili morda prema šumi.
Poli nas va Novon na čistu sredu-Pepelnicu održava se zadnji dan Mesopusnih običaja. Danas je sprogod mesopusta, gre ga se zapalit na puntu. Vavik se gleda kamo će dim krenut, dal će bit ribe ili morda prema šumi.
Čitanje žitka predhodi samoj kazni. Tu je obično dosta ljudi. Iman ništomalo slik sa žitka.
Utorak je vavik rezerviran za pozdravljanje Krase i Šćedina. A zapolne za Žitak.
Pondiljkon mesopustari ujutro gredu po gradu i pobitaju "sira,putra,masla, jaja jaja". Građani in daju kako ki more, i to kašnje služi mesopustarimi da gredu na jaja poli svojih divojak.
A ča reć, prelo je prelo. Niki ga voli niki ne, ali je nezaobilazan del novljanskoga mesopusta.
Svečani izlazak mesopustara velikih i malih. I kolo od 16 ur pa do 17.30, malo ki se nadal da će bit toliko nošnji. Vrime nas je popratilo.
a evo slika iz kola, morete i Vi prit danas va kolo.
Samo nemojte zaboravit večeras na PRELO
druge ću klast kad stignem
Evo kako je izgledalo kolo na nedilju Mesopusnu. Vrime je bilo prekrasno, gušt za igrat kolo pod Travicun.
I ovu će subotu bit mišenja Mesopusta, na pozornici va našem Domu. Javno da bi si videli kako to naš Šikić misi.
Samo mišenje traje celu večer, ali mora bit gotovo do pol noći. Tad va Dom u pratnji sopila pridu popi, fratri, pivači kola i masa drugih maškar i kunpanij ki su zainteresirani da daju ime Mesopustu. Ime ko se pozdravi od strane mesopustara, a dobije najveći pljesak i odobravanje, ostaje na Mesoputu.To mu je ime. Često ime daju mesopustari, ako se tako dogovore među sobun. Va inat simi drugin.
"POBERUHI"-Treto napovidanje dovcen i dovican. Zapolne dovci i dovice z drugun svaćun gredu na bračno putovanje na "ZEČU" - po datule.
Moren Van reć da j ovaj put morda bila i najmladja ZEčA od kad ja osobno pamtin. I bilo je predivno. Zato evo Van malo slik pa sami prosudite san va pravu.
Konačno da se vidi lipo popunjeni Dom kulture va Novon. Ovo je prvi put ovo leto za mesopust da je Dom pun.
Četvrtak je obavljeno i drugo napovidanje "dovcen i dovicah" ili kako reku mali mesopustari "deških i divojak". Mali mesopustari su se uigraniji, lipo ih je za čut.
Malo san se potrudil da Van pokažen više slik sa II napovidanja. A kako je to odvavik, istovremeno su va maloj sali i pivači ki hvataju zamah za one glavne dani. Dani kola.
Evo par slik iz Male sale da vidite kakovi je ambijent među pivačimi.
Kako to vavik bude nedilju iza prvog napovidanja je Mlada mesopustova, i to od malih i velikih mesopustarih. Taj dan je jako veselo od jutro rano, jer se valje počnu obavljat pripreme oko obučivanja za va svaću. Stari svati krenu nogu na nogu po gradu, najavljivat pir mlade mesopustove. Na kraju dana budu pošteno "mokri". A svaća kad se skupi gre po mladu i onda zajedno sa njon na Zakon. I onda si zajedno okolo grada na Mel, na Zdenac hitit jabuku. Se završi tako da se odigra Novljansko kolo tj. kolo mlade mesopustove spod travice.
Nadan se da mi nećete zamirit, ali slik ima priko 600 tako da se ipak ne moru se stavit na blog. A ako koga zanima vrlo rado ću mu se spržit na CD.
Kako san obećal evo malo slik sa Prvog napovidanja,
Kako i priliči Pivači su se prvi put sastali va Maloj sali novljanskog doma kulture i to na poziv Gradonačelnika Novog, gospodina Olega Butkovića.