|
|
| < | veljača, 2009 | > | ||||
| P | U | S | Č | P | S | N |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | |
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
O svemu ča mi pade na pamet dok pišen.
Najviše o ovon našen lipon Gradu i njegovin mesopusnim običajima.
Blog.hr
Forum.hr
Monitor.hr
Budalizacija.hr
Kuhinja
Lektire
cjepanica.net
lektire.net
lektire.org
Skripte za Faks
prijemni.net.org
Ča god vidim da piše o domaćin običajima.
VINODOLSKI ZAKON 1288
Ambasador turizma
Mali Mesopustari su ostali razočarani, jer su celi mesopust obavili iz ljubavi prema običaju i jedva su čekali vičeru. Ispalo je da su prišli na sedan ur večer na vičeru da bi već na devet/pol deset šli doma. Klinci su se onda sami organizirali i šli sa društvon na palačinke i ča ti ja znam kamo se. Kome se spalo trebal je poć spat, ali one iz sedmog i osmog razreda pustit da se zabave. Samo ča su dopeljali divojke već su ih morali otpeljat doma. Se mi se čini da se oni ovogodišnje vičere neće ni sićat.
Valjad neće i vičera velikih večeras bit takova, pojite kolač i morete doma.
Običaj je da Mesopustari i Pivači naprave svoje vičere. Nekad Mesopustari naprave svoju vičeru a pivači svoju neovisno jednu od druge. Na tu vičeru se pozivaju si oni ki su na bilo ki način pomogli oko obavljanja Mesopusnih običaja ovog leta. Najde se tu i ki god nimaju veze sa sim tim, ali ča se more. Nekad je bilo i po nekoliko vičer, ovisno koliko su Mesopustari sakupili novac, to je sad obično jedna.
Da li će bit moguće napravit ku slku, vidit ćemo.
Novljanski mesopust je vječan i neuništiv, održat će se i živjeti ovi dragi tradicionalni običaji, koje smo nasljedili od naših časnih predaka, sve dok bude našeg Grada Novog Vinodolskog i njegovih stanovnika.
A za kraj moran naglasit: " B I L J E, N I G A, O P E T Ć E P R I T !!"
BOG I HRVATI !!!
Dragi moji, malo samo da se naspin kako treba onda ću Van klast slike sa sprogoda našeg dragog mesopusta ZAZIDANI i njegovog brata SEMAFOR. Tokon današnjeg dana ću klast slike pa uživajte. Ako ima ki kakovu zanimljivu sliku od mesopusta ili našeg Novog, slobodno mi javite pa ćemo objavit.
Ko i sako leto mesopustari dan Čiste srede koriste da se malo ujutro konačno naspe jer ih popodne čeka zadnji napor ovog mesopusta. SPROGOD. Tužno se gre okolo Grada tri put, pa tri put okolo koprivića i onda put po nogi priko place na magistralu i tako se do Zatrepa kadi se mesopust spali. Zatrep je ustvari naziv kadi se prije palilo mesopusta, a sad se pali na Punti uz more. Ali sam naziv ZATREP je ostal zavavik va narodu. I zato rečemo da gremo na Zatrep spalit mesosputa.
Uz mesopustare tu su i njihove divojke ke gredu uz njih, tu su i popi i biskupi ki otpivaju, puno koludric, maškare, va kočiji gredu ispred sih Auditor (sudac) i Abukat (odvjetnik). Naravno tu je i jako puno građana ki mesopusta prate skroz do Zatrepa.
Tu mesopusta posljednji put pozdrave mesopustari, održi se posmrtni govor i onda ga se zapali.
Sad ću Van bar malo dočarat ča je to bilo na sprogodu mesopustu. Slike nisu poredane, pa je tu kako se gre okolo Grada, na sprogodu, iza sprogoda kod pivačih itd.
" Nit je moj, nit je tvoj, nosi ga, vraže, va svoj dvor!"
" Zel ga j vrag za celo leto dan! "
Red bi bil da napišen ki su to ovo leto pivali kolo i vodili kolo.
Pivači: Joso Maričić-Rokin, Branko Šamanić, Izidor Toljan-Sekula, Vinko Rubčić-Mačak, Gordan Šamanić, Milan Šikić, Miroslav Maričić-Livaković, Josip Šamanić,
Zoran Krišković-Šimela, Dorijan Sokolić-Šarac, Ivan Šmit, Vinko Piškulić-Juraš, Željko Šoštarić-Fumić
Vođa Novljanskog kola: Nikica Piškulić-Juraš
Bez pivačih ni Novljanskog kola, a da ni Novljanskog kola nebi bilo ni pivačih. Jedno bez drugog nemore, vavik su zajedno, vavik su jedno.
Drago moji konačno i slike sa žitka, kola, ćurunbela i sega od utorka. Nego da krenem ispočetka, kolo ko i saki dan počima na četiri ure zapolne i tako se dok ga Mesopustari ne prekinu radi žitka. Mesopustari to naprave otprilike pol ure nakon ča kolo počne. Tad počima ŽITAK, zajedno sa Mesopustarimi va kolo pridu na kočiji advjetnik i auditor. Jedan Mesopusta oće sudit, a drugi ga pokušava obranit. I kako je već običaj na kraju mu odsiku glavu. Valje iza velikog Mesopusta gre na red mali Mesopust. Kad se Mesopustari maknu sa Mesopustima nastavlja se kolo i to onaj najsvečaniji dio ĆURUMBELE. Ćurumbele igraju i pivaju svi ki su va kolu, o dugo u noć. Iza kola Mesopustari gredu tri put okolo Grada.
Pivači odu na zasluženu okrijepu va MALU SALU.
Kako je se to izgledalo morete vidit na ovih nekoliko slik. Ako san uspijel bar malo da Van približin celi ambijent, onda san jako zadovoljan san sa sobun.
Nadan se da su slike dobre
Danas ujutro mesopustari gredu pozdravljat još ono ča in je ostalo, a zapolne je kolo i "ŽITAK" mesopusta. Moramo ga osudit za sa zla ka su nas snašla pasano leto.
Za početak evo malo slik od jutra, ka su pozdravljali mali i veliki mesopustari.
Vavik mesopusni pondiljak večer na sedmu uru bude prelo i šušur, naš narod počne punit Dom tek okolo pet minutih do sedan, ov put je već na pol sedan Dom bil pun. Moran priznat da je to pomalo i očekivano, jer sa ova leta naš Kapetan Miljenko Žanić dobro ukomponira neka događanja da to jedva čekaju vidit na Novljanski način. Normalno va tome ima svekoliku pomoć sih Novljanih. Pa eto da vidimo ča govore GRINTAVCI.
Samo se nadan da Van se slike dopadaju.
Moran na ov način dodat još slik od pondiljka. Ali siguran san da van je se jasno, zato uživajte.
Na današnji dan Mesopust je va vreštu, prije sutrašnjeg žitka(suđenja), a mesopustari ujutro pobiraju sira,putra,masla,jaja. Iza obeda mesopustari gredu tj. nastavljaju sa pozdravljanjem po Gradu. Iza kola okolo sedme ure počinje Novljansko prelo i Novljanski šušur.
U tijeku su i zadnji dogovori za prelo i šušur večeras
Dragi prijatelji Novoga, Mesopusta i našeg predivnoga kola, evo Van još malo slik od čera jer jednostavno ne stignen se klast od jedanput. A počel san dobivat slike i od drugih ki slikaju isto kao i ja, za svoj gušt sa tendencijon da malo od toga i drugi vide.
Uživajte, polak običaja i navade stare
Najlipše je kad se Novljanke i Novljani obuku va svoje nošnje, ke se vavik čuvaju za neke svečane prilike. Zato se nadam da će Van se dopast slike, nisu se ali ih je ipak prilično.
Upravo san dobil slike kako se zidal najpoznatiji zid va Novon. Ča je je dečki su se dobro pomučili. A kako čujen neki su mišali meltu a da nisu ni znali zač treba.
O današnjem danu se nima ča posebno reć, samo toliko da mesopustari danas prvi put izlaze svečano obučeni, va mesopustarskoj robi. Očekujemo i goste iz Zagona I Ledenica
ko i sakog leta. Zato evo pa lipo gledajte slike i uživajte.
VELIKI MESOPUSTARI
MALI MESOPUSTARI
ZAGONJANI SU UVIJEK DRAGI GOSTI
ISTO TAKO DRAGI GOSTI SU NAM I LEDENIČANI
Nadam se da uživate u slikami mesopusta, bit će još toga. Ne stignem brzo se klast na blog. Tako da malo zakašnjenje morate opravdat.
Ovih dan si bi oteli znat puno istin, počev od granice, pa ki j zazidal ulaz va Poglavarstvo, pa kadi je Audi od poglavarstva itd.
Evo jedno od rješenja ov Mesopust, dobro pogledajte sliku i to ča dublje, morda se vidi istina.
Danas je va Domu tanac i ujedno se mesopust javno "misi", od slame ga već jako puno let dela naš Šikić. Vavik na isti način, ali atrakcija je to posebna odvavik. U isto vrime se razne kompanije dogovaraju kako mesopusta nazvat t. kako mu dat ime, i kad za to pride vrime si gredu va Dom na Krštenje (davanje imena) uz pratnju sopil i popih i biskupih.
Kad se Mesopustu da ime tad se gre sa njin okolo Grada tri puti na kraju ga P ICI MO RT-i obise na "TRAVICU. Neću puno pripovidat jer je puno slik a moran se i spravit za va Novljansko kolo. Najgore od sega je ča od sih slik moran izabrat samo par slik, tako da svijesno neke ne ću objavit. A sad malo uživajte va slikami, dakako da Vas sih očekivan va kolu. VA NOŠNJAMI.
Kako je va Domu pogledajte sami, Beli je vavik neponovljiv, jedinstven.
Među pivačimi je vavik posebno, a tek kad trebaju izabrat ime za Mesopusta.
Evo kako neki vraćaju svoje sa place, a ma ki to donesal simo na kružni....... (kružni tok je bil, i ostal)
Ko i sako leto tako je i ov put, na mesopusni pondiljak iza kola je va Domu šesnajsto novljansko prelo i četrnajsti novljanski šušur. Dom sako leto bude ispunjen do zadnjeg mesta, jer komediju si vole. Vavik je tema ništo jako aktualno, nekad je to politika, a nekad ništo lokalno. Siguran san da će va Domu na tancima bit puno maškar na temu ulaska va EU i ona susjedna ŠAKA JADA ča nas zajebava. Ov put je tema "LUD, LUĐI, NAJLUĐI".
Večer kad Mesopustari završe napovidanje onda se gre poli divojak na kafu ili palačinke, ovisi o interesu. Bitno je samo da se pride poli divojke, a ako ne pustite mesopustare va kuću na kafu onda van oni naprave dešpet. Moru van ništo okolo uće "sredit" ili jednostavno zet ništo i otpeljat na kružni tok. Pa je tako već bila i cela jedrilica sa prikolicun, na srid place i to rukun dopeljana. Koliko san jutros videl ni ov četvrtak ni pasal bez dešpeta. Malo manje stvari su bile ov put i se j raslo po drveću. Bilo je tu kantrid, prometnih znacih, važi sa rožicami, bicikeli i sega još. Morete malo i sami pogljedat. A najlipše je kad pridete na posal a kad tamo ulazna vrata su van zazidana. Originalna ideja nego ča, ali i dosta truda da se ona ostvari. Samo, ča su oteli zidari reć, ili bolje da više ne grete va poglavarstvo ili jednostavno mesopust je odmorite se.
Danas va poslijepodnevnim urami, maškarane grupe muških i žen, va starinskim "sarzama" i "kotigama" i svojevrsnim rekvizitimi za putovanje: kušini, krpaturi, "slamnice, zglavnice i jebalnice", sa upaljenim fenjerimi obilaze Gradon i pozivaju udovice i udovce na svadbeno putovanje, barkami, na pusti i krševiti otočić "ZEC" pobirati datule. Kakove li ironije!
Taj se posebni ugođaj predvečerja tretog četvrtka zove "ZEČA". Iste večeri oko 20 ure Mesopustari u civilnoj robi, obilaze tri put okolo Grada muzikun i tako i tako se predstave sugrađanimi.
Da bi van bar malo dočaral ugođaj ki prati "ZEČU" evo ništo malo slik ke san napravil. Nažalost slik sa napovidanja i obilaska okolo Grada niman, jer ni bilo vrimena (moral san poć delat).
Polako se približava završnica ovogodišnjeg Mesopusta, jutra je treti četvrtak i mesopustari prvi put gredu okolo grada da ih su vide. Normalno kašnje gre i treto napovidanje dovcen i dovican. Uz se to gre i Zeča. Ki more neka se priključi, jer va ovon našen životu ki je dosta zaj.... moramo mislit i na opuštanje izabavu.
Čujemo se opet za ki dan.
Jedna od posljednjih slika velikog prijatelja, velikog vatrogasca i velikog ljubitelja Novljanskih mesopusnih običaja i Novljanskoga kola.
Niš više neće bit isto bez Tebe. Neka Ti je laka Hrvatska zemlja.
Saučešće obitelji, Novljanskimi vatrogascima, i svimi ki su ga znali i imeli tu privilegiju sriću da se druže sa njim.
ALENE, DO VIĐENJA U NEKON DRUGON VREMENU I OSTAVI SKYPE OTVOREN.
Evo još malo slik starih svatih na neobičnim mestima
Vavik kad su mesopustari va pitanju morate bit spravljeni na se, pa tako i na razne zezancije. Ov mesopust ih očito jako privlače barke raznih veličina. Tako se puno govori o Novljanskoj marini da su si poludeli, pa tako i oni ki nikad nisu imeli afiniteta prema moru ili prema barki sad imaju. Si su počeli kupovat barke samo da dobiju svoj vez, a anda će na saku malo jaču buru i malo jače jugo teć na vez da vide jel barka na moru ili ispod mora. Niman uvida va stanje vezova ali izgleda da bi niki rado da in vez bude na placi, jer će onda lakše poć va ribarnicu na ribe....
Prišal je drugi četvrtak, danas mesopustari na jedanajst ur večer gredu van na drugo napovidanje dovcen i dovican. Sako napovidanje ima svoju točno utvrđenu rutu i ona se ni minjala ki zna od kad. Moran priznat da j mesopustarih bilo fanj, prava klapa. Ni lipšega nego vidit puno mesopustarih va povorci ka gre okolo Grada. Znači da Mesopust ko običaj neće umrit. A istovremeno su va maloj sali pivači novljanskoga kola, hvataju zalet za one glavne dani kad je kolo spod Travice. Ti naši pivači vavik iziđu van na placu pogljedat mesopustare kad pasivaju priko place, jer i njimi je gušt vidit puno mladih mesopustarih.
Ka slika neće škodit.
Slika sa II napovidanja
Tek san danas prišal do izvornog štiva ki je bilježnik čital mladimi na "ZAKONU". Evo ga va celosti, sa par dan zkašnjenja.
ZAKON MLADE MESOPUSTOVE 2009.
Žalostan san, ni mi druga, na celi j' Grad pala tuga.
Iman urdin od pajdaša, da se čuje pisma naša.
Po starinsku da se bati, neka piju stari svati.
Neka adet dalje traje, na mlajimi to ostaje.
Da benave, muzikaju i za vavik vikon traju.
Ženit ću vas po starinsku, uz kapljicu dobru vinsku.
Mladi j' Sanjin od Šimele, komu su već jaja vele.
Da ne prazni sveto sime, kroz ono debelo vime.
Bugarinku danas ženi, prsten će jin dat Krist Preni.
Kum Jurica štuje curu, poklanja joj deda Juru.
Kum Ivan pak od Staklenka, voli kad je mokra ženka.
Zato j' dobil za divicu, namuranu Totušicu.
Još je jedna tu divica, dobra pica Šljokovica.
Stari svati su guzati, a bili su i kurati.
Moj Sanjine sad navali, Bogoslava već se pali.
Umisite mesopusta, zato zijan na se usta.
Bilaj' ni je sad je tuja, kriz madona ale luja.
Da se sveto sime sladi, jebite se dok ste mladi.
ZAKON MALE MLADE MESOPUSTOVE
Mladi Stošić ima picu, lipu mladu Tusovicu.
Se bez robe od junaka, Sandro Jeraj ne da fraka.
Šikićev vnuk kum je prvi, komu j' slama već va krvi.
Bokule se ne predaju, drugoga nan kuma daju.
Divice su lanjska pice, Smolčike i Jurašice.
Stari svati dobri pilci, od ocih su pravi sinci.
Ivan Gašpar babe Vene, tradicija j' ka ne vene.
Kod ni Vergić mlaji Franko, ki običaj ljubi žarko.
Ivana poljubi muža, Dario ti bušac pruža.
I od gušta bunbarajte, Mesopustu život dajte.
Bila j' ni je sad je tuja, križ madona ale luja.
Bilježnik Miljenko Žanić - Žane
Novi Vinodolski, 08.veljace 2009.
Evo kako san i obećal, sad ću van pokazat malo slik ča san slikal čera na mladoj Mesopustovoj. Nadan se da ćete uživat va slikami.
Sve slike su onakove kako san ih uspjel uhvatit.
Ko i sagdi najprije se svaća mora skupit nigdi, ov put ispred Doma Kulture
Evo dvi slike ke san napravil poli mlade va dvoru, nis više jer san uglavnom snimal sa kamerun
Nakon ča se ode po mladu, normalno je da svaća gre na "ZAKON" . A tu ih onda čeka bilježnik i svečana vičera
Nakon ča se pogoste svaća gre na Mel hitit jabuku va Zdenac, ali i prošetat se malo okolo po Gradu da ih ča više ljudi vidi.
Kakov bi to bil Novljanski pir kad se ne bi odigralo novljansko kolo - Kolo mlade Mesopustove
Nakon ča se završi. pivači odu va Malu salu na okrijepu. Tu se kašnje i zapiva uz sopile
I na kraju evo mlade i mladoga
Danas je ženidba mlade mesopustove.
Mesopustari, sve muški obučeni va ženske i muške narodne nošnje, po starinskom ženidbenom običaju. obilaze Gradom uz sopile i harmoniku.
Pivajuć stare novljanske narodne ženidbene pisme, skupljajuć "svaću". Izlazak svaće najavljuju i prate "stari svati" , dva muška obučena va vunene, starinske radne
narodne nošnje, glumeći oce mladenaca. Pozivajući sve građane na ženidbno veselje, šaljivin dosjetkama i nudeći prolaznike domaćin vinom iz "barilca" (drvena posuda za nošenje vina). Nakon ča skupljeni svatovi i mladenci u jednom ugostiteljskom lokalu obave "Zakon" (ženidbeni obred) i obiđu celi Grad, zaigra se pred Frankopanskim kaštelom novljansko narodno kolo, a va Domu kulture se održi "Tanac mlade mesopustove".
Evo malo slik ke san nabrzinu slikal va Gradu i poli mene doma. Ostale slijede kašnje, tj. večeras.
Konačno je krenulo, počel lipi Novljanski mesopusni običaj. Danas je ko i sako leto prvi četvrtak "TUSTI". Mesopustari gredu na napovidanje dovcen i dovican na 22 ure večer.
Večeras Novljani prvi put vide kako ovogodišnji mesopustari sopu zogu - staru Hrvatsku koračnicu "još Hrvatska ni propala ,dok mi živimo".
Večeras ranije su izašli na napovidanje i mali mesopustari, nis ih nažalost videl jer san bil ća z Novoga. Tako da niman ni jedne slike, ali san zato uspel napravit par slik od velikih mesopustarih i kod pivačih va maloj sali.
Za večeras toliko.
Iznad sih - HRVATSKA
Nadan se da van se slike dopadaju, malo škuro ali ča se more kad ni svitla.
Nažalost izgubili smo finale, ali imamo SREBRO.
Opet se pokazalo da Danski suci koji sude bilo na kojem turniru u Evropi, nisu dorasli velikim finalima.
Ali kad se pogleda nisu naši dali zadnjih 14 minuta ni gola.
Sve zajedno je VELIKO SREBRO.
Iznad svih - H R V A T S K A
Konačno se sitiglo malo uredit Sv.Ivana, jer je to već dugo bilo ruglo. Sad se vidi da to na ništo izgleda, iako se i sad neki bune da je uređeno previše moderno.
Samo se neka uredi, ali bi vjerojatno trebalo i ogradit taj naš Sv.Ivan sa nekin stupićimi, ogradun ili kakovin zidom. Tako ćemo sprečit da se auti parkiraju okolo njega.
Autih vavik ma tolko da će se brzo uništit okolica Sv.Ivana, posebno je veliki problem priko leta.
Kako izgleda sad, iako još ni gotovo:
Evo i nedilje ka je ov put jako važna, a zač? Pa evo zač, prvo ljudi se konačno malo odmore od radnog tjedna, drugo oni ki su bili na zabavi sinoć va domu moru se malo naspat bez straha da moraju kamo poć jer je tako i tako se zatvoreno. Za celu Hrvatsku je danas važan dan kad čekamo da počne finale između HRVATSKE i FRANCUSKE, normalno očekujemo veliko slavlje nakon pobjede i osvajanja prvog mjesta - PRVAKA SVIJETA. Na kraju, na dašnji dan su rođeni moji klinci Nika i Edi.
Jedna obična a ipak posebna nedilja.
Da vidite malo ambient sinoć va domu....
