| < | veljača, 2007 | > | ||||
| P | U | S | Č | P | S | N |
| 1 | 2 | 3 | 4 | |||
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | ||||
Listopad 2025 (1)
Rujan 2025 (1)
Siječanj 2025 (1)
Prosinac 2024 (1)
Listopad 2024 (1)
Rujan 2024 (2)
Siječanj 2024 (1)
Prosinac 2023 (1)
Listopad 2023 (1)
Rujan 2023 (2)
Svibanj 2022 (1)
Ožujak 2022 (1)
Siječanj 2022 (1)
Studeni 2021 (1)
Rujan 2021 (1)
Kolovoz 2021 (1)
Lipanj 2021 (2)
Svibanj 2021 (3)
Travanj 2021 (2)
Ožujak 2021 (4)
Veljača 2021 (13)
Siječanj 2021 (16)
Prosinac 2020 (1)
Studeni 2020 (1)
Listopad 2020 (1)
Rujan 2020 (1)
Kolovoz 2020 (1)
Srpanj 2020 (8)
Lipanj 2020 (4)
Travanj 2020 (1)
Ožujak 2020 (1)
Veljača 2020 (1)
Siječanj 2020 (3)
Lipanj 2019 (1)
Ožujak 2019 (1)
Siječanj 2019 (1)
Listopad 2018 (1)
Ožujak 2018 (1)
Travanj 2017 (1)
Veljača 2017 (1)
Siječanj 2017 (2)
Travanj 2016 (1)
Siječanj 2016 (1)
Srpanj 2015 (2)
Veljača 2015 (1)
Siječanj 2015 (1)
Rujan 2014 (1)
Srpanj 2014 (1)
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
Opis bloga
O autoru bloga:
Mladen Smud
Mjesto stanovanja Velika Gorica
Starost 70 godina
Otac četvero djece i djed pet unučica i dva unučića
Hobby - Go, drevna kineska igra
Duhom mlad, kao da se još ni rodio nije i često se pita: 'Jesam li uopće?'
Životna filozofija - jedinstvo svijeta po Gospodu
Životna snaga - ljubav (tako on to misli)
Godine su da se broje, a život nama je darovan
Ovaj blog otvorio je za dušu. Život mu je darovan i on ga s ljubavlju daruje djelima Gospodnjima po Gospodu.
Religiozan nije, ali vjeruje iskreno do viđenja uz hvalu za postojanje
U životu on ništa ne posjeduje, mada se ponešto i piše svijetom na njega
Zahvalan za život i darove po Njemu.
Na putu iz vječnosti u vječnost
Sve vas voli i one koji razumijete, a i one koji ne.
e-mail: mladen.smud@gmail.com
Čuka
Linkovi
Blog.hr
Forum.hr
Monitor.hr
javascript:%20void(0);
annaboni
Auroraisa
Bugenvilija-foto
Bugenvilija-text
danila1
deni(daniel
Dordora2
duliba
EuM
fra_gavun
Go-misaona igra
gogoo u prirodi
gustirna
hajjnezir
ima jedan svijet
kapi sreće
maslačkove zbirke
(Norra
OTISAK srca
preživjeti
promatram, razmišljam
rijeke žive vode, potecite, neka Duh se razlije...
sewen
Smotani
sven adam ewin - superfaca
... šok ...
Trill
Vatrene vijesti
Voljela sam umjetnika
Zagora
alba-istriana
anaris
kicker
mamablogerica
modrinaneba
novipocetak50
nutrina
proziran svijet
soba za utjehu
sv
tayana
tvrtkodolić
zlatnazitnapolja
Zanimljivo
Na rubu znanosti
Posjetili ovaj blog od 06. 01. 2020.
pri_Mladenu
Ni život navek kak dečja igra, ali ...
- 14:18 -
Komentari (26) -
Isprintaj -
#
V životu svega nam se dogodi. I dojde tak svakaj i projde, a mi nekak se okrenemo i nekak se promenimo, a sve oko nas se zmenja. Gledimo kak sve nekak prolazi. Tu je i ni ga već. Kad prejde, kaj da ga više ni. Kaj da samo v sećanjima spi. Si tak razmišlam o svem kaj projde. Je došlo i prešlo. Od kud i kam? Kak to? Nis ni primetil da nekaj je v meni ostalo. Je trag v meni, kaj promenil me je. Jel puno i malo, al je. Navek se menja, pa videl ja to il ne. Se pitam kaj onda je prešlo, ak nekaj je ostalo vu promeni mojoj. I mogel bi tak sedeti i čkometi i se zmisliti kak to više nis ja, onaj stari. Me stalno menja sve ono kaj mi kak novo zgledelo. I tak mi je vreme išlo, il mi to samo tak zgledelo. Sam mislil kak to sam ja taj i takav i nis ni primetil, da to nis ja, kaj sam si mislil. Sam neki drukši; promenjeni, a još navek si mislim kak jesam onaj isti. Tak i drugi glediju. 'To vam je Mladen.', veliju. Je, se ime promenilo ni. Se ime, kak i reči, neda. Smo ga zmisleli da bi baš tak ostalo i ne se dalo. Kak da z njim i rečima bi šteli vreme zastavit. Kak da nekaj more za navek biti. Si mi to samo zamišljamo tak. I mogel bi tak z mislima tim, spati i kak zanavek biti to kaj mi najlepše zgledi. Tak, kak dečec od sedam let z pikulami v blatu i v prašini, zanavek. Bogek dragi, pa kaj ja to v glave svoje vrtim? Kaj nedam da bu? Pa, se sve zmeni. I tak, i ne samo pri meni, nek i pri vami i svima, se pripeti puno put, kak se vlovite vu neobranom grozju, kaj bi stari rekli. Je nekaj tak kaj vam ni v peti ni za pomisleti. Vas je vreme pregazilo, bi pak rekli stari. Kad tak gledim, mi zgledi kaj da stari navek se najdeju tam gdi šteli nebi. Puno se toga više nemre, kaj da bi se štelo. Se misel zadržala tam negde vu vremenu prošlom. Pa smo reči, kaj misli se z njimi delaju, tak i napravili, da buju kakti zanavek. Da, al više ni tak, kak te reči bi složiti misel mogle. Su stari mudri, da bi to primetili, al ne dost da i promeniju živlenje na bolje. Se ipak more nekaj. Sam puno starih bokcih videl, kak se kaj potepuhi vlečeju. Kaj da su sami sebi na teret. I drugi na njih kaj na sirote glediju. Kaj sve da im je propalo. Kaj da se tu niš više nemre, nek samo kraja čekati. Su mi leta već minula. Je čovek zmislil i brojati ih, pa i letima nazvati. Su reč i brojka tu kaj stražari neki, da za navek bi bilo to kaj samo v trenutku vredi. Si čovek sve tak dobro zbetoniral, kaj bi zapraf sve teže bilo videti, kaj zapraf je i kaj se more. Nis baš bedak taki, da videti to nebi mogel. I se sve tak zrihtalo, da sve mesto svoje ima i da se dela točno to, kak se z rečima veli i čak i napiše. Taj dela to, a ovaj ono, a onaj ono i sve tak po redu. I če bi neko promeniti nekaj štel, bi trebal to tražiti od onoga, kaj to delati treba. Se sve zorganiziralo. I tak neuki čovek se snajti nemre, a videti je puno put, kak nekaj ni kak treba. I zgledi da oni kaj trebali bi popravit il napravit nekaj, kaj dobro bi bilo, il ne vidiju, il sve to nekak drukše ide, nek kaj se neukom čoveku čini. Sam gledal i razmišlal o svemu po malo. Sam videl da morem dost dobrih stvari napravit z onim kaj volim. Sam se z kamenčićima igrati volel, još kak mali. Z njimi sam, na ploči z crtami, dvorišća gradil. Z prijateljima sam se igral, da ko veće dvorišće zgradi na ploči z kamennejm svojim. Kak je vreme mi prešlo, nis prestal voleti tu igru i se igral i dalje. Kaj da je vreme stalo. Nis štel priznati, da to više ni za mene i kaj da nekak drukše trebam se zanimati. Su mi vršnjaki bili po gostionami, avte su pelali, z ženskama se zanimali, kuće gradili, a ja sam se navek igral. Familije sam nekak zgombal, al nis bil po standardu. Su nam dečica došla i su kak glive zrasli. Volel sam ih i skrbel, al igre ostavil nis. Kak sam v neka leta došel, sam se zmislil drugu decu učiti, kak se igra to. Su malo i moji igrali, al brzo su sve to napustili. Jen je prešel hip-hopa plesati, drugi break dance na cesti i betonu vrteti, a kčer se brzo udala. Je ostal četvrti, najmanjši. Mi zgledel nekak neodređeni. Se fural na skate-boardu, pa na rolama, pa malo break dance, pa repanje. Po malo je s družinom svojom sve dulše vani ostajal. V medvremenu nas i njegva mama ostavila. Nis živel po standardu, pa se zgledi ni snašla, sirota. Kak je vreme, išlo su problemi došli, kaj sam o tom pripovedal v postu prije. Pa, nis primetil, kaj se dogodilo. Ni to više onaj isti mali. Je dete poraslo. Meni briga, kaj da on sam nemre pomalo već puta si tražit. Je puklo. Sam se streznil kad je posla z policijom bilo i to zapraf. Kak nesposobnima bi nam drugi govorili, kaj treba i kam z njim. Je tateka sve to znenadilo. I si sad razmišlam. Kaj sad? Sam bil čera pri staršem sineku v Zagrebu i smo pripovedali. 'Stari pa kaj ne vidiš, kaj njega zanima? Seti se kaj si meni rekel kad sam z vojske zašel.'. mi je rekel. 'Si brejkal i si se pital kak sad z tim.' 'Da mi nisi rekel kaj da napravim, nigdar nebi z brejkom napravil to kaj jesam. Ti si mi dal zeleno svetlo.' 'Da, jesam.' 'Pa pogleč sad njega. To je isto to. On je skejter; on to voli; sve bi za to dal.' 'Sinek, al od toga se živeti nemre.' 'A od brejka se moglo? Pa seti se kakav sam put imal. Viš, a danas imam udrugu i radim s malima, organiziram događaje u tomu. Ide mi i mogu živeti. Radim ono kaj volim. Tebi fala stari za ono zeleno svetlo.' Se zamislim. Morti stvarno ne vidim dobro. Malomu je grozno. Voli ono kaj niko ne poštiva. Ono za kaj se kod nas misli, da je samo za nadrukane frajere i kaj ide skup s jointima i cugom. Je, on voli skejt. 'Fala sinek, pa nis videl. Da, imaš ti praf.' 'Pa kak to videl nisi. Pa to je to isto.' Zemem odmah mobitel i nazovem mlajšeg sineka. 'Sine, di si, kak si?', velim kak prvo i kak navek, a onda: 'Čuj daj napravi popis dečkih skejtera iz Gorice koje znaš. Bumo nekaj napravili.', odmah sam osetil, kaj da je neka iskra z druge strane blesnula. 'Bum stari. Vidimo se doma.' Vite, se nekaj promenilo v meni. Sam videl da i ja mogu delati na tomu, da se nekaj promeni. Dečki v Gorici skejtaju i su prije par let probali si i rampu napraviti za skejtanje, al su im to neki potrgali. Su vidli da sami niš nemreju. Grupa maloletnika, kaj skejtaju. I je sve na krivo počelo izlazit. Je družina krenula s jontima, cugom i besprizornostima i sve je više prekršaja bilo, pa čak i nekih kaznenih gonjenja. I sad bi i ja kak uredni grašanin trebal čekati da institucije nekaj napraviju, a ja, kak roditelj, prisilama i odgojem, kaj morem. Morem ja puno, al ne prisilama, i nis sam. Su tu dečki skejteri, a ja ovak stari puno toga znam kak i kaj treba, da bi se to moglo usmeriti na dobro. Bumo štatuta napravili, pa bumo udruge registrirali, pa bumo kucali po raznim vratima, da se zeleno svetlo od društva dobimo. Bumo rampu napravili i to pravu. Bumo se borili da i novi klinci ozbiljno, kak dobru zanimaciju, imaju skejtanje. Deca su na cestama. Voliju se družiti, pripovedati i zanimati se z raznim stvarima. Tu su kak ponuđeni onima kaj na njima moreju lovu zgrabiti. Dojdeju oni s jointima, kaj im soliju pamet, kak to ne dela ovisnost. Oni kaj se pametni delaju, nagovaraju na cugu i se brzo najdeju kratka, al prolazna zadovoljstva. Mi starejši, kak koji, pojma nemam kaj deca vani delaju. Niko se o njima ne brine. A dete, jeno po jeno, se najde na lečenju, v reštu u odgojnim institucijama. Kaj da roditeljih nemaju. Ne nisu svi. Puno je onih kaj dobroga puta najdeju i škole rešiju. I se zmišlam, kaj inštitucije delaju na tome. Rešavaju posledice. Uzroki, ko o njima misli. Se zabranilo prodavati maloletnima cugu. Jaka stvar, pa vidim grupe kak svaki po flašu ima. Jointi, pa to se dobi za 10 kuna i prodaje se i pred školami. Nebi o tom pripovedal. Decu treba maknuti z ceste. Kad to velim, mislim, da ih treba usmeriti na dobre stvari. Moj sinek voli skejtati. Bumo to, al kak treba. Bumo udruge osnovali, natjecanja organizirali. Bu još zanimljivije nek ovak bez veze v nekom kutu vježbati zahvate, a onda cuga i joint, da bolje lupi. Ne, tatek je skužil. Bumo napravili još bolje nek kaj je i da vidite, da jointu i cugi tu mesta nebu. Roditelji su velka snaga, samo mi zgledi, da toga nisu svesni. Je teško kad vidite, da vam dete plovi v bujici na nekoj daski, kaj su mu neki prodali kak spas, a daska morti zdrži još samo malo. Znate li de su vam deca i kaj delaju? Prijatelji dragi, život ni samo dečja igra, al se more zrihtati, da bu tak nekak. Najte dozvoliti, da vam oni z ceste decu odgajaju. Nikakve prinude nebujui to rešile. Zajdite i vi vam i borite se za svoje malene. Napravite nekaj za njih. Ni sramota se z njima družiti. Znam da ima onih, kaj bi vam tak pamet solili. Najte ih slušati. Lepi pozdrav i sve vas voli vaš Mladen :) |