geomir

JEDNAŽBA

Kad rečen Verona prvo ča čoviku padne napamet nesritna jubav.
I onda tražiš obać mista koja su vezana za taj nesritni par.
I more se nać tomba i casa di Giulietta, a od Romea ni traga ni glasa.


Prvo iden povirit di je grob Giuliette i pokazuju mi: tamo



Slidin tabelu



i evo me tu.



Nažalost , nije uredovno vrime i može se samo obać dvor.



Nema ljudi



i atmosfera



nije baš na visini



uz ove škure figurine.



Pa ni impozantni kip ljubavnika, dar kineskog grada Ningbo,



skulptura jednog od četiri najpoznatija Kineska nesretna para,
po imenu Liang Shanbo i Zhu Yingtai, koji sliču Romeu i Juliji.

Zato idem do Giuliettine kuće. Tamo mora da je veselije.


Već na vratima gužva



U dvorištu šareno društvo i svi nasrću na bidnu Giuliettu

drpaju je, pipaju,.... Samo ča kogod ne zavuče ruku pod veštu!
Čeka se red za mašit se, i ja redom škljocan aparaton.
Ako se koji bloger ili blogerica pripozna neka se javi!!
I onda pensan,.... Moga bi napisat znanstveni rad!
Barenko mi niko neće reć da san prepisiva!!
Naslov: Ko više voli pipat!
Pa da vridi barenko za magisterij, ako ne za doktorat !!

Izbroji san njih 45, od čega 34 ženske,
a samo 11 muških i to dvojica priko,... da ne rečen čega!!
E sad bi tribalo izvest zaljučke!??

Je li to znači da muški nevolidu pipat!!?
Ili ženske volu pipat, ali samo svoj rod!??
Možda muški više volidu u škuribandu!!??

Jednažba sa 45 nepoznanica, ne bi je ni Ajnštajn riši!!