< | travanj, 2009 | > | ||||
P | U | S | Č | P | S | N |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 |
Dnevnik.hr
Gol.hr
Zadovoljna.hr
Novaplus.hr
NovaTV.hr
DomaTV.hr
Mojamini.tv
O svemu ča mi pade na pamet dok pišen.
Najviše o ovon našen lipon Gradu i njegovin mesopusnim običajima.
Blog.hr
Forum.hr
Monitor.hr
Budalizacija.hr
Kuhinja
Lektire
cjepanica.net
lektire.net
lektire.org
Skripte za Faks
prijemni.net.org
Ča god vidim da piše o domaćin običajima.
VINODOLSKI ZAKON 1288
Ambasador turizma
Danas je va osnovnoj školi kao gost bil pjesnik Šime Storić. Kao pozdrav čul je u ime škole, male sopilaše Edia i Davora (Juraši), recitatora Daria Stošića. Neka pjesnik vidi da se poli nas bate običaji, posebno sopile. Jedina šteta ča ovun prilikun ni bil niki va nošnji, da se i to pokaže.
Dragi moji..sinoć se va novljanskoj knjižnici i čitaonici iskala kanrida više. Samo to Van je bil znak da se dešava ništo posebno, ništo nesvakidašnje....ništo ča se jednostavno mora vidit..i čut. Otac i sin, praded i ded, tišljar i mornar-kapetan, Dragutin i Miljenko Žanić. O njimi da Van sad pišen moral bi se jako dugo zadržat na kompjutoru, zato ću skratit.
Dragutin i Miljenko Žanić sinoć su predstavili svoje knjige, Drago trilogiju "Novljanske ćakule i istine", a Miljenko "Bava od levanta". Drago Žanić je ukratko rekal da je samo skupljal godinami razne ćakule i štorije i to zapisival. Bez ikakove nakane da to klade va knjigu, ali to se samo od sebe nametnulo. I dobro da se to dogodilo.
Miljenko va svojoj "Bavi od levanta" piše o zapisimi mladog pomorca, knjiga dokumenata novljanske povijesti, jako puno pisam, puno piše o novljanskim ličnostima i događajima, va knjigi su skupljeni tekstovi Novljanskoga prela, žitaka.. sega ima, čitajte i uživajte.
Koliko to našen Žani znači nabolje govori to da su mu se oči začrljenele i zasuzile na spomen matere, prijatelja iz kumpanije-Ivana Pitura i još na neke detalje....
Samo predstavljanje knjiga uveličali su Pučki pivači, sopilaši Nikica i Vinko (Juraši), Ženski duet Mandalena i Ivona
HRVACKA
Mater je samo jedna,
jedna jedina
i
druga ni jedina.
Ljubav je samo jedna,
jedna jedina
i
druga ni jedina.
Moj grad je samo jedan,
jedan jedini
i
drugi ni jedan.
Hrvacka je samo jedna,
jedna jedina
i
druga ni jedna.
Čera je bila redovna i izvanredna skupština naše Čakavske Katedre Novljansko kolo. Moralo se, kako to vavik bude, razriješit staro vodstvo a izabrat novo vodstvo. Uz se to gredu planovi ča se delalo va pasanom letu i ča će se delat va ovon letu. Normalno da su bitni i financijski izvještaji, ki su skroz štimali, zahvaljujuć teti Danici. Predsjednik novi je onaj stari..hahaha, oću reć da je Branko Blažević opet izabran za predsjednika Katedre. Se va semu... za ovo leto ima puno posla za obavit.
I na kraju ipak kiša koda se nebo otvorilo. Po naslovu vidite sistem našim bajnih prognozera na TV. Tako bi i mi laici pogodili, samo trebate se spomenut i sigurno nećete fulat.
Ha..ha..ha.. ovog vrimena je stvarno već dosta pomalo, kad će konačno duže bit lipo.
Kad je fešta, nek je fešta. Naš Marinko je slavil vinčanje svoje kćeri subotu, a sinoć je lipo počastil svoje Pučke pivače i prijatelje ki su se tu našli. Tako je uz vino, janje i odojak palo i nekoliko pisan. Se va semu lipa večer. Kako vidite čak se i Bažok okušal za klavijaturama.
Mačak... sako dobro celoj familiji.
Danas su si ki vole dobru kapljicu, a posebno Kastavsku BELICU bili va Kastvu. Tamo se održaval: 4. ocjenjivački susret vinara Kastavštine "Belica 2009", i moren van reć da je bilo prekrasno. Ljudih jako puno, posebno je bilo lipo vidit pune stole vina, od sakog proizvođača pomalo. Potrudili su se i Kastavski restorani napravivši za degustaciju razna jela iz Kastva i okolice. Od gostih je bila Muzika iz Spinčić, Lokalni bend "A je to" i na naš ponos Sopilaši iz Novoga: Edi Piškulić-Juraš i Davor Piškulić-Juraš. Naši sopilaši su odsopli Mantinjadu na samon svečanom otvorenju.
Tu san srel i neke Novljanimi poznate ljude, tako da su si va Novon dobili veliki pozdrav od ljubitelja Novljanskih običaja, Janija Kukurina.
Da Van puno ne pišen, najbolje da pogledate slike ča san ih danas napravil va Kastvu.
Va ovu nedilju se odvija tradicionalna biciklistička etapna strka, pod pokroviteljstvon Visoke Vinske Akademije Novi Vinodolski. Dobro bi bilo da podmažete svoja međunožna gurala tj. bicikele i da se pridružite celoj ovoj strci. Bez obzira stel član Visoke Vinske Akademije Novi Vinodolski ili ste samo simpatizer. Dobro poijte prije polaska, da bi ste na kraju pojedinih "napornih" etapa mogli se okrijepit sa jako dobrun kapljicun najbolljeg nektara ča ga grozdovi more dat. Koliko vidin na rasporedu je šest (VI) vrlo napornih etapa, moram reć i to da se na sakoj etapi ima ča i vidit i probat. Naš Novij je jako životopisno mesto posebno ove etape ča su određene za vozit.
Najizdržljivije čeka janje va Pavlomiru poli bačvice.
Dragi moji Novljani, još jedanput Van simi želin Sretan i blagoslovljen Uskrs. Da ga provedete onako kako sami želite, uz puno ljubavi i razumijevanja.
Lipo j bilo danas va crikvi, puno ljudi, a od toga jako puno mladih. Ki je bil sigurno mu je ostalo va sjećanju jedno lipo današnje iznenađenje, PUČKI PIVAČI.
Lipi glasi nema ča, prekrasno pivaju, čovik se naježi slušajući ih na jednom takovon sveton mestu.
Moran pohvalit i crkveni zbor, koga je bilo ugodno slušat celo vrime trajanja mise.
Uskrs je najveći blagdan kršćanstva, to je dan uskrsnuća Isusa Krista. Uskrs je pomičan blagdan zasnivan na lunarnom kalendaru sličnom ali ne identičnom hebrejskom kalendaru - u zapadnom kršćanstvu Uskrs uvijek dolazi na nedjelju između 22. ožujka i 25. travnja.
SRETAN I BLAGOSLOVLJEN USKRS
PUNO LJUBAVI, ZDRAVLJA I RAZUMIJEVANJA
Kako stoje stvari mi novljani bez našeg mesopusta ne moremo ni onda kad ni mesopust. Veliki zaljubljenik va Novljanski mesopust i novljanske običaje Danijel Dado Polić otvoril je va Novon caffe bar "MESOPUST", ki se nalazi blizu ulaza na novljansku zelenu tržnicu. Otvorenje je bilo jako veselo, do dugo va noć. Kako se moglo i očekivat, najviše gostih ovih prvih dan je iz mesopusnih krugih. Ili da buden precizniji, si oni ki bate mesopust i običaje su valje požurili da odu na cafu ili piće. Jer sad imamo i svoju cjelogodišnju mesopustariju. Dado samo naprvo... sve najbolje.
Nadan se da ste zadovoljni sa izgledon bloga. Sad malo više izgleda "novljanski" , pa kako se budu minjali godišnja doba minjat će se donekle i izgled.
Evo samo san Van to otel reć, a da i vrime se j konačno napravilo. To se vidi kako su novljanske šetnice krcate sa Vami. Uživate..vidi se, ali i ja isto. Konačno je zeleno.
Da buden u potpunosti objektivan, znači da se moran malo posvetit i nekin aktivnostimi va našen lipon Gradu o kimi se malo zna. U sklopu našeg novljanskog DVD-a se nalazi i mladež DVD-a, oni se stalno sastaju, uče i vježbaju na vatrogasnom domu. Normalno da se ča se uči i se ono ča se vježba moraju nigdi i pokazat. Za to nan služe razna natjecanja, memorijali i ostala druženja vatrogasne mladeži. Tako je i ekipa našeg DVD-a, ka nosi ime "NOVI II", počela vježbati za novu natjecateljsku sezonu. Jer već 18.04.2009. počima prvo natjecanje i to: 1. KOLO 4. KUP-a HVZ-a u Makarskoj. Normalno da ekipa očekuje dobar plsman jer su vavik pri vrhu raznih natjecanja. Evo Van par slik sa vježbe.