Uskrs
VUZEM
Macice male nam dragaju
ruku i lice i čelo,
tičice v lugu popevaju
v dol i daljine i selo.
Šafrani rosni odpiraju
kelihe bele i plave,
kak da i prve fijolice
stiha dišiju iz trave.
Sunce na nebu je jasnomu
zlatno, kak ni bilo zdavna,
vsa ga stvorenja pozdravljaju,
bregi i polja vsa ravna.
Ili Svetstvo je to zdignuto,
celom da svetu bu Maša.
Cveti i tiči ga slaviju,
ž njimi molitva i naša.
V cirkvah bu sad, kaj nam hrana je,
blagoslov dobilo novi. -
Ja bi pak Boga štel prositi:
"Srca takaj blagoslovi!"
Dragutin Domjanić
Ova pjesma našeg starog pjesnika, dočarava mi uskrs ili kak se pri nama veli Vuzem i proljetno ozračje. Činila mi se je prikladna, za ovaj veliki blagdan, ali kao i himna prirodi koja se budi.
