Subota je sveti dan. Tega dana se budim kad me voja, tega dana se posvetim guštima.
E tako je i danas bilo. Lipo smo se spustili doli na peškariju, kupili gavuna, obotnice, par lubini i komarči pa lipo u Vjeke na Rivu, kavica.
Onda je žena sa starijom krenila u šoping a mlaja s menon u điradu. Na vrju Marmontove trevili smo našeg skroz-a, pozva nas je na kavu u Minjona. Lipo smo sili, pročakulali, popili kavicu, protegli noge do starega placa i svaki sa svojom kesom ribe doma.
E kad san stiga doma pala je dilema, očemo li ribu oli meso za obid. Kako san jučer ija ribu, ja san bija za mesinu. Za divno čudo udovoljili su mi želji, izvadim gradele na struju, stavim ih na balkon i ajmo, roštiljada.
Sad kad san se nabuba, nabumbija, sklapaju mi se šure, vata me mala snaga i gren se pinku ispružit. Rekla je i Ona da će se doć izvrnit kraj mene. Tko zna možda mi se posrići bliski susret prve vrste :)
Zdravi i veseli bili.
|
