Srce mi je vazela škatula o' postoli,
skrila moje tajne, jubavi i boli.
Godinan san u nju meča svoje riči,
kad san bi sritan, kad bi dušu liči.
Nevere i bure sve su nju stale,
svitla i bonace ča su misli slale.
I strgano srce u mojoj samoći,
i osmih na licu i suza u noći.
Na starom škartocu još mi pisme čuva,
rani moju dušu, pinkom crna kruva..
I sva moja mladost i jubav ča voli,
slila se u tami škatule o' postoli.
pape
|
