O ča je lipo bura očistila vidik. Kome vidik, kome misli, kome zimsku robu ča se vadi iz naftalina.
Evo se priko Brača vidi golim okom sve do Visa.
Ajme lipo li je kad ovako razbistri. Ovo san slika iz dvora isprid kuće od oca i matere. Otišli smo danas do njih na obid i usput san materi da malo simena od plavog cvita ča mi ga je Borut donija iz Izraela. Volija bi da dogodine mogu slikat lipotu koja će izrest iz tog simena.
Ove promine u vrimenu minjaju i ljude. Nekako se svi ka pripremaju za nešto, minjaju ljetni ritam. I mene je uvatilo. Sredija san kreativni nered koji mi se nagomila ovega lita, sve stiva u škafetine i okrenija prvi jesenji list. Rekli bi naši stari, svršija je kurbin pir, valja krenit dalje.
|
