"If we open a quarrel between the past and the present, we shall find that we have lost the future."
Winston Churchill (1874 - 1965)
LEMOZINA
naškrabano -26.02.2009. četvrtak - 08:17
-Nije mi drago ovo ca mali cini svaki dan......je lipo ca on gre u crikvu ma jopet malo je ka previše,nebi tija da ga još smantaju pa da mi gre u pope za gospu blaženu
-Nece Petre ne virujen,on to samo gre bit ministrant Don Ivu pa posli odma gre u školu
-A ja ti o temu i govorin,oli je normalno da dite gre prije u crikvu pa onda u školu.....ni mi drago pa ti govori ca oces
Sedin ja namo u sobu i sve slušan papu i mater kako se ispo glasa ništo došapljaju......a nu bogati pa to san in ja ka na tolu oma najrnije......e moj pape da ti znaš zašto ja gren svako jutro u 7 uri na misu u svetega Nikole nebi tebe bilo straj da cu ja završit u pope vengo u pržun ka bokun naresten jer ovo je nika druga skula koju ja cinin svako jutro......hehehehehe
E ajmo se vratit malo naza.....ka ca je vec o ranije poznato ja san poceja ic na vironauk,ne doduše svojon voljon vengo voljon mojih milih i dragih roditelji.....jerbo ni se smilo tradiciju nikako zapustit,a i pape je bija bokun na svoju ruku nasađen pa je uvi volija bit kontra cilega svita i trenutno važece pulitike......a ko je moga odolit nego u ono vrime burnih sedandesetih u Hrvatskon oma poc dite za dišpet upisat na vironauk......neka drugovi patidu......neka se zna da smo mi to ca jesmo......
Posli malo duže vrimena ja san bija napokon ukrocen, ka ona ukrocena goropadnica iz filma, i poceja san s gušton ic na vironauk.....e a i dobija san namo unapređenje........e posta san ministrant......e je san bija cunka aaaaaaaaaa......kako su mi svi zavidili......ja friški pa nu oma posli par miseci ministrant . A za ne falit oma je promociju dobija i moj vrli kompanjo Duje........majko moja mila di su nas dva našli za ministrante.....bice se i SV.Ivan na onemu svitu cudija ili se u najmanju ruku u grebu okrica........ma šta okrica ......bice se vrtija ka ventilator.......ma ko je vidija nako zlo o dice stavljat blizu oltara......
E ma posli ka san malo ka naresa svatija san da je to bila sve jena velika urota kontra nas dva.....ka ono ajmo in navalit obaveze,neka se malo cutidu važni pa ce se na kraju krajeve i njih dva smirit.....ma si vidija koja kurbanjska politika se i namo u crikvi onda vodila.
Je smirili smo se nas dva i tekako.....oma smo mi peškali da se nevalja s rogatima bost neg da se triba cinit finta i ka prava dobra dica bit poslušan i uljudan ca bi se danas reklo......a gospe mi vidili smo mi da bi moglo bit i bokun koristi namo jer su ti ministranti jemali sve moguce privilegije u crikvi......mogli smo i na kanpanel ka nas je bila volja.....u sahristiju,a i ko švori ic vazet one retaje ca su ostajali posli pecenja hostija.....ajme ma koji smoki,koji cipsevi i palci kurci ca se danas dici sviđa......ti retaji o hostija nama su bili ka ništo ca se ne more svaki dan jemat ka da si nan da cili svit......
Koja šteta da iz onega vrimena niman baš puno slika....a ca ces ka je aparat onda bija cudo tehnike pa ga ni jema svak.....ali jemali smo mi našega fotografa Dobra pa je o prigode do prigode on nas litretava za ovjekovjecit ove šesne cunke........ e a sad glavni glumci cile ove storije su ona dva na sliku u prvon planu hehehehe ma šteta šta nije veca slika da nan vidite i izraze lica,poglede....oma se vidi koje smo mi belece bili
E da vrag nebi mirova jerbo nije se njega smilo stavit van snage jedan dan ti mene i kompanja Don Ivo zamoli da bili mogli doc rano u jutro na misu u svetega Nikole jerbo je bija niki svetac pa ka bice mu gužva i nece moc sve sam obavit........bog mu da pokoj bija je dobar covik ........a mi ka mi a ca ceš kad nas je eto vec zamolija a ajmo mu to ucinit ........
E to juto smo se mi našli u Sv.Nikole i oma su nas zaputili namo livo kroz jedna vrata da gremo obuc ministrantsku monturu.......crvena kotula,bila košuja na buf rukave i ona crvena ogrica ca gre oko vrata ca je parila ka barbarin naopako......asti gospu parili smo ka dva popica u temu.........
a u svetega Nikole je samostan o koludric i nima šanse da bi ih ko vidija ....sve je to bilo nikao zamraceno i iza nikih drvenih rešetki ......a bila je tod i jedna buža u zidu ka ponistra lipo obložena daskon........e ta buža je nama bila zanimljiva........u buži je bija jedan šuplji okomiti drveni valjak koji je jema s jedne bande otvor......i okrica se naokolo.....e to služi da koludrice mogu stavit u njega cakod i onda okrenit valjak prima vanka da oni s druge bande more to vazet a da ih ne vidi.....a i obrnuto............aha tod smo tod .......to je toooooo......
-Duje je si ti vidija koji je ovo mot aaaaa?
-jesan pa šta,to je njihov problem
-je ti kurac,ovo je inaš problem.....ma kako mono oma ne vidiš kako je ovo dobro,......ma ovo je ka naruceno došlo .....
-ca ti je Marine oli si jopet poceja zamišljat monade aaaa????
-ma ca monade,aj kvragu tamo manit.......vidices ti kako je Marin pametan....evo naše šanse kompanjo da ne dolazimo ovod mukte.......a kad smo vec došli ajmo mi to lipo i iskoristit.......
Zin zin zin.......zvoni zvonce na podanak vricice o lemozine.......mašen ja onon vricicon na štapu ispri svake žene i covika u crikvi a oni lipo ubaciju dinare unutra....lemozina se kupi ....je je kupi se kupi a ljudi nisu ni škrti bili u ono vrime.....:))))))
I ka se obiđe cila crikva onda se triba odnit vricica namo u kamaru di je oni valjak i pridat to sve skupa lipo koludrican.......e a asti sto a one ne vididu ca ti ciniš sa ovu bandu.......a bože mi prosti ko je moga odolit a ne mašit se unutra i capat koji šold zase aaaaaaaaaaaa?????
A je znan da ce te sad rec ma nu ovega kra je od popi ...........a jesan ,evo priznajen sto je ijad vrazi bilo u meni .....a oli van to vec nisan reka ranije aaaaaaaaaaaa?????
E aj dobro nisan smo ja : )))) ka bi ja kupija lemozinu onda je Duje gori na horu pumpa ariju sa onin mijuron u orgulje da casna more svirat a drugo jutro je bilo obrnuto......i sad vi recite da nismo znali braski podili posal...eeeeeeee koja je ovo lipa uspomena ......koje je to vrime bilo.......sa bi oma zapiva onu „ da mi se vratit ,dami se vratit u bile dvore ..........ditinjstva mog..........“
