31.05.2009.

ta divna splitska noć

Riva je vaka, Riva je naka... evo je, kakva je da je... (NAJLIPŠA NA SVITU I OKOLICI !) (kliknite na sliku za dobit veću) ta divna splitska noć u luci male barke ti sjeti se mene i naše jubavi žarke... Zdravi i veseli bili.

Komentari (14) - Isprintaj - #

29.05.2009.

prvih 5 godina

E... proletilo je ka pet dana, a ne ka pet godin. Više se ne mogu ni sitit, ča me to prije točno pet godin natiralo da napišem prvi post na blogu. Mislija san se, kad san ovo danas počeja pisat, oću li stavit one puste brojke iz statistike. Onda san malo promislija i skonta, da ti brojevi nemaju ni smisla ni značenja. Ono ča jema smisla su ljudi, koje san priko ovega mojega bloga upozna, kojima san da dil sebe i koji su meni dali dil svojega srca i svoje duše. A to ne stane u brojke, to ne stane u slova, nema takove statistike, to se more samo ćutit ka teplina u prsima. Bilo je dana kad bi pisa deboto romane, oli peta po mašur slika, bilo je i dana kad je ovod bila samo arija, ali sve u svemu, jednom kad me ne bude, valjda će na ovemu blogu, ostat dil mene zapisan u riči i slici ka uspomena mojoj dici. Ekola svitu moj, prva petoljetka je finila, gre druga ako Bog da. Sve vas skupa lipo pozdravljam u rođendanskom raspoloženju. Zdravi i veseli bili!

Komentari (12) - Isprintaj - #

26.05.2009.

dabogda me dopala Šolta

Sića li se itko izreke... Dabogda te dopala Šolta... E pa mene je dopala prošlu nedilju i dabogda se ponovilo. Evo foto galerije s izleta na Šoltu. Polazak iz splitske luke... Maslinica... Stomorska... Rogač... Povratak... Zdravi i veseli bili.

Komentari (22) - Isprintaj - #

23.05.2009.

mojim dragim Trogiranima

Evo danas dozuja malo do Trogira sa ženom i dicom. Nisan baš ponija sve od opreme za potegnit serijal, ali evo par slija... tehnika 1 tehnika 2 tehnika 3 tehnika 4 (na ovu morete kliknit i dobit veću) Nisan ima više vrimena, ali jednom se budem Trogiru posvetija temeljito, a do tad, to je to... Zdravi i veseli bili.

Komentari (13) - Isprintaj - #

prvo je uvik prvo

Moje prvo platno je udomljeno. Zadovoljni kupac mi je dozvolio da ga fotografiram za uspomenu kao svoj prvjenac... E sad bi valjalo napravit još koje :) Zdravi i veseli bili.

Komentari (4) - Isprintaj - #

20.05.2009.

a ča ću kad ga volin

Jučer lipo vrime, sunce, upeklo, kad najednom iz pravca Solina put Marjana, diga se vitar, diglo se more, oala gušta. Oma san istrča na teren, uvatija makinju u ruke i krenija... Lipo me zalilo... ma se isplatilo... Jema toga još, ma ovo je dosta za danas, nije sve ni u količini e.. A ča ću kad volin more, kad san uzanj rođen, uzanj živen, i ono će me na koncu, poza ovozemaljskoga života, primit u svoje dubine. Zdravi i veseli bili.

Komentari (9) - Isprintaj - #

18.05.2009.

proširenje memorije

Nisan baš od onih koji šire listu linkova (blogovi za guštat) ka na traku, ali evo s vrimena na vrime dodan po dikoji blog. Kriterij???... a nebi van zna reč, jednostavno mi legne koja slika, oli tekst pa ga petan tot sa strane za povirit oče li tega bi još. Evo dviju novih prinova na moju listu (oala ča je ova rič lista popularna ovih dana), obađite jih jerbo jema ča za vidit i proštit. Zdravi i veseli bili.

Komentari (9) - Isprintaj - #

16.05.2009.

povratak moru

Evala svitu moj. Jeste li dobro, vidim da u vas ima puno novitadi. Najžalije mi je ča smo Borut i ja, bili u isto vrime u Zagrebu a nismo se vidili. Greška u koracima. Kako san se nakon 15 dan izbivanja zaželija mora, nisan moga a da oma ne uzmen makinju i ne potegnem par slika. Sve je lipo, ma bez mora bi umra... A u zadnje vrime me nešto vuče da pokušam slikom uprizoriti postanak, svitlost kojom je Bog stvorija sve na ovoj našoj baloti. I reče Bog: neka bude svjetlost. I bi svijetlost... Novost je i to, da je moja draga odlučila skitati zajedno sa mnom po sikama. Samo nikako se ne slažemo oko obrade. Pa evo i vama malo za igru da vas čujem koja varijanta od ovih doli slika van je boja od drugih... 1. Original iz makinje... 2. Samo malo taknuto... 3. Malo više taknuto... 4. Horor... 5. Slikarska... 6. Postanak.. Ekola svitu moj, stojte mi dobro i Zdravi i Veseli bili.

Komentari (14) - Isprintaj - #

03.05.2009.

Pauza